Մերի.

Խնդրում եմ ինձ օգնել հետևյալ հարցում
Ա/Ձ-ն Մայիս ամսվա ընթացքում ՀԴՄ կտրոնով ձեռք է բերել օդափոխիչ, ընդհանուր գումարը 580000, դիմացի կողմը ներկայումս հետին թվով չի տալիս ոչ Հ/Ա և ոչ էլ դրամարկղի մուտքի օրդերի անդորագիր, կարող եմ արդյոք տեղեկանք գրել և կցել ՀԴՄ կտրոնին և համարեմ հիմնավոր ձեռքբերում ու ամորտիզացնեմ, կանխավ շնորհակալ եմ

Սիլվա.

Ողջույն հետաքրքիր մարդկանց թիմին: Առաջին անգամ եմ շփվում ձեզ հետ և մեծ բավականություն ստանում բոլորիցդ:Պատասխանեք խնդրեմ իմ այս հարցին: Ա/Ձ-ն զբաղվում է երկաթյա իրերի արտադրությամբ(վանդակաճաղեր,դռներ,բազրիքներ և այլն): Քանի որ վաճառքի սրահ չունի ՏՀՏ-ն ՀԴՄ-ի իրավունք չտվեց: Ունի առաքվող, տեղափոխվող ապրանքների գրանցման գիրք:Ա/Ձ-ն գործարք չի կատարում կազմակերպությունների հետ,նրան գործով դիմում են ֆիզիկական անձինք:Ա/Ձ-ն ստիպված բանկում հաշվեհամար է բացել և ֆիզիկական անձից վերցնելով աշխատանքի դիմաց վճարված գումարը փոխանցում է կատարում իր հաշվե համարին:Ասացեք խնդրեմ ճիշտ է արդյոք նման ձևով աշխատելը և ինչ կարգով պետք է վարել գիրքը եթե ֆիզիկական անձը շատ դեպքերում անձնագիր չի տրամադրում:Կանխավ շնորհակալ եմ:

Նաիրա.

Ես կուզեի իմանալ էլ. սարքավորումների ,որի արժեքն է 70000 դրամ որքան տարի է մաշվածության օգտագործման ծառայության ժամկետը: Նախապես շնորհակալություն:

Արման.

Հարգելի գիտակներ, ես սկսնակ եմ ձեր գործում և ունեմ որոշ հարցեր ՀԿ-ների հետ կապված: Մասնավորապես՝ ՀԿ-ների մասին օրենքում նշված է՝
Հոդված 3. ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ ՀԱՍԿԱՑՈՒԹՅՈՒՆԸ
1. Հասարակական կազմակերպությունը (այսուհետ` կազմակերպություն) շահույթ ստանալու նպատակ չհետապնդող և ստացված շահույթը մասնակիցների միջև չբաշխող (ոչ առևտրային) կազմակերպության` հասարակական միավորման, տեսակ է, որում իրենց շահերի ընդհանրության հիման վրա, օրենքով սահմանված կարգով, միավորվել են ֆիզիկական անձինք` Հայաստանի Հանրապետության քաղաքացիները, օտարերկրյա քաղաքացիները, քաղաքացիություն չունեցող անձինք` իրենց ոչ կրոնական հոգևոր կամ ոչ նյութական այլ պահանջմունքները բավարարելու, իրենց և այլոց իրավունքները և շահերը պաշտպանելու, հասարակությանը, նրա առանձին խմբերին նյութական և ոչ նյութական աջակցություն ապահովելու, հանրօգուտ այլ գործունեություն իրականացնելու նպատակներով:
Այստեղից ես հասկանում եմ, որ մարդիկ կարող են միավորվել առանց ինչ-որ շահի կամ վարձատրության:
Հարց՝ ՀԿ-ն չի ստանում ոչ մի նվիրատվություն կամ օգնություն, իր կանոնադրությամբ չի սահմանում անդամավճար, վարձատրություն հիմնադրի (նախագահի) կամ այլ անդամների համար, բայց հարկայինում չեն ցանկանում ընդունել զրոյական հաշվետվություններ՝ ասելով, որ եթե ունեք նախագահ, այսինքն՝ աշխատող, պետք է նրա համար հաշվարկեք ու վճարեք սոցապ, եկամտահարկ…

Zeno.

Խնդրում եմ օգնել ինձ այս հարցում: Ես երկքաղաքացի եմ` Հայաստանի և ԱՄՆ-ի: Արդյոք իմ գործատուն պարտադիր պետք է եկամտահարկ, սոց. և այլ հարկեր վճարի իմ համար, կամ ընդհանրապես ինչպե՞ս է երկքաղաքացին հարկվում Հայաստանում:

Շնորհակալություն:

Հասմիկ.

Կօգնեք ինձ գտնել հաշվապահական հաշվառման միջազգային նոր ստանդարտները.

Աննա.

Բարև բոլորին.Խնդրում եմ ինձ օգնել հետևյալ հարցում Ա/Ձ-ն աշխատում է հաստատագրված վճարով և պետք է հաշվետվություններ ներկայացնի նաև սոց.ապահովագրության և եկամտահարկի գծով:Եթե ունի 4 աշխատակից բացի այդ հաշվապահի հետ կա քաղիրավական պայմանագիր:Խնդրում եմ մանրամասնել տրվելիք հաշվետվությունների մասին և տալ համապատասխան տեղեկատվություն:Նախապես շնորհակալ եմ:

Artur.

Բարև Ձեզ. Հարգելի կոլեգաներ խնդրում եմ օգնել ձևակերպել Ֆիզ անձի հետ կնքված է աշխ. կատարման պայմանագիր որի համաձայն ներկարարական աշխատանքներ պետք է կատարվի և մեր կազմակերպությունը նախատեսել է 60000 դր գումար/ներառյալ բոլոր տեսակի հարկերը/ և արդյոք 3տոկոս սոց վճար պահվելու է?

Նաիրա.

Հարգելի հաշվապահներ,օգոստոսից պետք է ներկայացնեմ անաշխատունակության թերթիկ 140 օրվա(70 նախածննդյան և հետծննդյան 70օր),աշխատավարձս կազմում է 60,000.00 դրամ,խնդրում եմ գրել թե ինչքան կկազմի իմ գումարը վերջնական և արդյոք ճիշտ է արձակուրդ վերցնել դեկրետից 1 ամիս առաջ
Կանխավ շնորհակալ եմ

Gayane.

Բարև ձեզ,
Եթե ԱՁ-ն նոր է սկսելու իր գործունեությունը, այն համարվելու է ԱԱՀ վճարող, թե ոչ և արդյոք պետք է հարկային կամ այլ մարմին որևէ փաստաթուղթ ներկայացնի?

Համեստ.

Բարև ձեզ ես կատարում եմ հաշվապահության հետ կապված ցանկացած աշխատանքներ, գերազանց տիրապետում եմ համակարգչին, սակայն չունեմ հաշվապահության համապատասխան սերտիֆիկատ կամ դիպլոմ այդ պատճառով չեմ կարողանում օրենքով գրանցված աշխատել որպես հաշվապահ: Եթե կան կարճ ժամանակով համատասխան դասընթացներ, որտեղ կտրվեն սերտիֆիկատներ կցանկանայի մասնակցել եւ ձեռք բերել համապատասխան փաստաթուղթ:

Վարդ.

Խնդրում եմ օգնեք հետևյալ հարցում.
ՀՀ ռեզիդենտ կազմակերպությունը գնել է ապրանք ՀՀ ոչ ռեզիդենտից և առանց ՀՀ ներմուծելու այն շահույթով վաճառել է ոչ ռեզիդենտի: Արտացոլվում է այն ԱԱՀ հաշվետվության մեջ և/կամ տրվում է որևիցե տեղեկատվություն ՀՏ-ին այդ գործարքի մասին:

Մարիամ.

Բարև Ձեզ
խնդրում եմ ինձ հուշեք,ՍՊԸ-ն ունի պարտքեր,եթե տնօրենը փոփոխվում է ով է պատասխանատու պարտքերի համար հին տնօրենը,թե` նորը և, եթե կա ուշացած հաշվետվություն, վարչական տույժը պետք է վճարի հին տնօրենը,թե նորը
Շնորհականություն

Նունե Սահակյան.

Բարև ձեզ: Ես ունեմ նորաբաց ՍՊԸ, սակայն դեռևս մոտակա երեք ամիսներին գործունեություն չեմ ծավալելու: Արդյո՞ք պետք է հարկային տեսչությանը և վիճակագրական վարչությանը հաշվետվություններ ներկայացնել, և որո՞նք են դրանք: Նախապես շնորհակալություն:

Ս.Ս.

Բարև ձեզ,ես սկսնակ հաշվապահ եմ,պրոֆեսիոնալ զարգացման համար ուզում եմ սեմինարների մասնակցել:Խնդրում եմ ինձ օգնել,թե որտեղ կարելի է հաճախել:

Արտյոմ.

Բարև Ձեզ, խնդրում եմ պատասխանեք իմ հարցին…Կազմակերպությունում պարտադիր է արդյոք գանձապահը?եվ եթե ոչ ով կարող է կատարել նրա պարտականությունները…մի խնդրանք եվս, պարտադիր լինելու դեպքում ասեք որտեղից կարող եմ կարդալ…Կանխավ շնորհակալություն

Տաթև.

Խնդրում եմ պատասխանեք,
եթե կազմակերպությունն արդեն գրանցվել է հարկային տեսչությունում և վիճվարչությունում, սակայն դեռևս գործունեություն չի ծավալել, արդյոք նա պարտավոր է հաշվետվություն ներկայացնել վիճակագրական վարչություն: Չներկայացնելու դեպքում ինչպիսի տույժ է կիրառվելու:
Շնորհակալություն

Սաթենիկ.

Հարգելի փորձառու հաշվապահներ,ես խնդրում եմ ձեզ,որևէ օրինակով ներկայացնել շահութահարկի հաշվապահական ձևակերպումները,եթե կազմակերպությունը նախորդ տարում վնաս է ունեցել:

N.N.

Բարև բոլորին: Իչպես արդեն տեղյակ ենք, հուլիսի 1-ից բոլոր ԱԱՀ վճարողները հարկային հաշիվներ են դուրս գրելու միայն հարկային տեսչության կողմից տրված ձևերով կամ էլեկտրոնային տարբերակով: Սակայն այդ օրենքը այնքան էլ պարզ չի ինձ համար. հաշիվ-ապրանքագրերը համարակալված են լինելու հարկայինի կողմից թե վաճառվելու են միայն որպես ձև: Իսկ էլեկտրոնային տարբերակով ինչպես են հաշիվները դուրս գրվելու? Ով որ տեղյակ է, խնդրում եմ պատասխանեք.:)

Manana.

Խնդրում եմ պատասխանեք իմ մի հարցին, եթե 2 ամսով աշխատող եմ ընդունել ու ազատել, վերջնահաշվարկ հաշվարկում ենք, թե ոչ:

Սյուզի.

Խնդրում եմ պատասխանեք եթե հաշվել ենք 28 օրվա արձակուրդ 59331 դրամ և 2 օրվա աշխատավարձ , որը կազմում է 4962 դրամ ինչ պահումներ ենք անում դրանից և ինչպես

Սյուզի.

Խնդրում եմ պատասխանեք իմ հարցին
Եթե ընկերության գանձապահը գնում է արձակուրդ նրա պարտականություններն ում վրա են դրվում և ինչպես է վճարվում այն անձը որի վրա դրվել են գանձապահի պարտականությունները և արդյոք դա պարտադիր է
Նախապես շնորհակալ եմ

Սյուզի.

Հարգելի հաշվապահներ խնդրում եմ պատասխանեք իմ հարցին արդյոք խախտում է համարվում երբ աշխատողին արձակուրդ ուղարկելիս վճարում ես ոչ թե 3 այլ նույն օրը

Ելենա.

Հարգելի հաշվապահներ, կհուշե՞ք ինձ, վիճակագրության ամսական հաշվետվության մեջ 5-րդ սյունակում, որտեղ նշվում է ապրանքային մնացորդ, նշվում է մնացորդի ինքնարժե՞քը, այսինքն՝ ինչ գնով ենք ձեռք բերել, բայց առանց ԱԱՀ, թե՞ վաճառքի գինը:

Դինա.

Բարև
Խնդրում եմ ինձ ուղություն տվեք.
Մենք բացել ենք կազմակերպություն: Պետ գրանցումը և հվհհ-ն արդեն պատրաստ են. ասացեք խնդրում եմ, ինչպես պետք է հետագա հաշվապահությունը վարել : (ի դեպ նշեմ ,որ կազմակերպությունը զբաղվում է սպասարկմամբ):Ասացեք հետագա ամենակարևոր քայլերը, որտեղից պետք է սկսեմ:
Նախապես անչափ շնորհակալություն:

Սյուզի.

Խնդրում եմ պատասխանեք եթե գանձապահը գնում է արձակուրդ նրա պարտականությունները ում վրա են դրվում:
Նախապես շնորհակալություն

Gayane.

Հարգելի հաշվապահներ խնդրում եմ պատասխանել իմ հարցին,եթե մայրը չի աշխատում իրեն հասնում է արդյոք18000 հազար դրամ երեխայի համար կամ հայրը կարող է ստանալ այդ գումարը իր աշխատատեղից, կանխավ շնորհակալ եմ

Տիգրան.

Ինչպես գտնեմ ՀՀ ԿԱ ՊԵԿ նախագահի 21/05/2010 N 1778 Ա հրամանը:
Շնորհակալություն:

Սյուզի.

Խնդրում եմ պատասխանեք իմ հարցին.
Եթե աշխատողը աշխատում է մի հիմնարկում 01/02/09-ից մինչ այսօր և արձակուրդ չի գնացել և նրան ուղարկում ենք արձակուրդ 02/06/10-ից քանի օր արձակուրդ է նրան հասնում և ինչպես պետք է կատարվի հաշվարկը խնդրում եմ պատասխանեք բացատրելով: Նախապես շնորհակալություն եմ հայտնում

V.

Բարև ձեզ,
Կխնդրեի պատասխանել մի հարցի:
ԱՁ-ն ունի երկու խանութ եվ յուրաքանչյուր խանութում պետք է վաճառվի միայն մեկ ֆիրմայի ապրանք եվ երևի այդ ֆիրմաների հետ կկնքվի պայմանագիր, 2 խանութում էլ պետք է վաճառվի հագուստ, այդ երկու ֆիրմաներն էլ հարկվում են ԱԱՀով: Այսինքն ամեն խանութում պետք է վաճառվի միայն մեկ ֆիրմայի ապրանք:
Հարց.
Կարո՞ղ է ԱՁ-ն համարվել ԱԱՀ չվճարող:

Արտակ.

Ի՞նչ է անհրաժեշտ երկու ֆիզիկական անձաց միջև անշարժ գույքի վարձակալության պայմանագիր կնքելու համար:
Կանխավ շնորհակալություն:

Սուրեն.

Հարգելի կոլեգաներ
Խնդրում եմ պատասխանեք, կարելի է արդյոք փոստով ուղարկել վիճակագրական ծառայության հաշվետվությունները:

Արմեն.

Հարգելի գործընկերներ,
ՊԵԿ Օպերատիվ բաժինը` մեր հայտնի օպերները 🙂 հանձնարարական են բացել մեզ քաջ հայտնի 28 կոչված հոդվածով: Առանց արձանագրության առգրավել են առաքումների գիրքը, չեն տվել հանձնարարականի պատճեն, դե խախտել են ստուգումների վերաբերյալ օրենքի 7,8 հոդվածի մի շարք կետեր, հիմա էլ մի շարք այլ փաստաթղթեր են պահանջում, ինչպես այդ խելոքներին ստիպենք մի քիչ օրենքի շրջանակներում գործեն?

Նանե.

Բարև Ձեզ հարգելիներ, խնդրում եմ ասեք արդյոք այսպես ճիշտ կլինի և որտեղից ավելի մանրամասն կարող եմ տեղեկանալ հետևալի մասին`աշխատողի հետ որոշակի ժամկետով կնքված աշխատանքային պայմանագրի ժամկետի լրանալուց տասն օր առաջ իր իսկ կողմից ներկայացված դիմումի հիման վրա հրաման եմ տվել նոր աշխատանքային պայմանագիր կնքելու մասին,որը կկապեմ նախորդի ժամկետը լրանալու հենց հաջորդ օրը: Նոր աշխատանքային պայմանագիրը կունենա իր հերթական համարը աշխատանքային պայմանագրերի հերթականության մեջ և գրանցամատյանում կգրանցվի որպես նոր աշխատանքային պայմանագիր ?
Կանխավ շնորհակալություն

Արփինե.

Հարգելիներս ` եթե ունեք այն գործունեությունների ցանկը որոնց համար հարկավոր է լիցենզիա խնդրում եք ուղղարկեք` մաթոս4 շնիկ rambler.ru

Աննա.

Բարև Ձեզ հարգելի կոլեգաներ!
Խնդրում եմ հնարավորության դեպքում ինձ ուղարկել Գլխավոր հաշվապահի որակավորման քննությունների նյութերը` annabelyan շնիկ yahoo.com հասցեով:
Նախապես շնորհակալություն!!!

Արթուր.

Խնդրում եմ հուշեք, եթե աշխատողը 2010թ. մայիսի 26-ին արձակուրդ է գնում, ամսական աշխատավարձը 80 000 դրամ է, ապա 80 000 / 31 մայիսի օրեր * 26՞, թե՞ 80 000/:
31-շաբաթ, կիրակի, տոն օրերը * 26 – շաբաթ, կիրակի, տոն օրերը, և եթե դժվար չէ գրեք՝ ճիշտ հաշվարկը, որովհետև ես հանդիպել եմ երկու դեպքն էլ:

ՀՀ կառավարությունը հեշտացրել է բիզնես-կազմակերպությունների և ֆիզիկական անձանց բիզնեսի գրանցման, ինչպես նաև նրանց հարկային համարի տրամադրման կարգերը:

Ինչպես նշեց ճեպազրույցի ժամանակ ՀՀ ՊԵԿ-ի փոխնախագահ Ռուբիկ Քոչարյանը, կառավարությունը «Հարկերի մասին», «Պարտադիր սոցիալական ապահովության վճարների մասին», «Կազմակերպություններին և ֆիզիկական անձանց հարկային հաշվառումը վերցնելու և հարկային հաշվառումից հանելու մասին» օրենքներում փոփոխություններ և լրացումներ կատարելու մասին որոշում է կայացրել: Կարդալ ավելին “ՀՀ կառավարությունը բիզնեսի գրանցման կարգը հեշտացրել է” →

Ադրիանա.

Բարև ձեզ: Հարցս հետևյալն է. 2 կազմակերպությունների միջև կնքվել է ծառայությունների վճարովի մատուցման պայմանագիր, 2 ամիս անց մյուս կողմը գրություն է ուղարկում, որ խնդրում է գումարը փոխանցել մեկ այլ կազմակերպության բանկային հաշվին: Արդյոք հնարավոր է նման բան կամ հավելյալ ինչ է հարկավոր, որպեսզի գործարքը ճիշտ լինի:

Սյուզի.

Բարև բոլորին: Խնդրում եմ օգնել մի կադրային հարցում: Եթե կազմակերպությունը կնքում է աշխատանքային պայմանագիր 3 ամիս փորձաշրջանով, դա նշանակում է, որ պայմանագրի գործողության ժամկետն էլ է 3 ամիս: Այդ դեպքում, եթե աշխատողն բարեհաջող անցնում է փորձաշրջանը, ապա նոր պայմանագիր է կնքվում, հրաման հարկավոր է? Թե գործողության ժամկետը կարող է լինել ասենք մեկ տարի, և 3 ամիս փորձաշրջանը ընդամենը “հեշտացնում է” պայմանագրի հետագա հնարավոր լուծումը? Խնդրում եմ հնարավորինս մանրամասն պարզաբանել:

Լիլիթ.

Ներեցեք, որևէ մեկը կարո՞ղ է ինձ ինֆորմացիա տալ, եթե ուսումնական կենտրոն է բացվում պարտադիր մասնագետների որակավորման կամ բուհի ավարտվածության պահանջ, լիցենզիայի խնդիր կա՞ ըստ օրենսդրության:
Եվ եթե ինֆորմացիա ունեք, ինչպիսի՞ հարկով են աշխատում ուսումնական կենտրոնները:

Կանխավ շնորհակալություն:

Նարինե.

Իսկ ով կարող է հուշել, թե ինչպես հաշվել աշխատավարձը, եթե աշխատողը 6 օր եկել է 7 ժամ 8 ժամի տեղը, ինչպես հաշվել, եթե հնարավոր է խնդրում եմ գրեք հաշվարկը:
Շնորակալ եմ

Վարդ.

Աշխատանքային օրենսգրքի 195 հոդված 2-րդ պարբերության վերտառությամբ.

Աշխատողի միջին ամսական աշխատավարձի չափը որոշվում է այդպիսի պահանջ առաջանալու ամսվան նախորդող վերջին տասներկու լրիվ ամիսների ընթացքում տվյալ գործատուի կողմից աշխատողին վճարված ամենամսյա աշխատավարձի (ներառյալ` լրավճարների, հավելավճարների և պարգևատրումների) ընդհանուր գումարը տասներկուսի բաժանելու միջոցով: Հաշվառման ենթակա տասներկու Կարդալ ավելին “Աշխատանքային օրենսգրքի 195 հոդված, 2-րդ պարբերություն” →

N.N.

Բարև բոլորին: Հարց …արդյոք աշխատանքային պայմանագրում պարտադիր է նշել գրանցամատյոանում գրանցման համարը և ամսաթիվը:

SONA.

Սիրելի գործընկերներ
ինձ մի հարց է հետաքրքրում,եթե ես ապրանք եմ ձեռք բերում ոչ ռեզիդենտից ,որն էլ ապրանքն ներմուծելու է,որն էլ ֆիզիկական է,իսկ վճարումն պետք է իրականցվի փոխանցումով,սա հիմք կարող է հանդիսանալ???և ոչ ռեզիդենտի համար վճարելու ենք արդյոք եկամտահարկ:
Կանխավ շնորհակալություն

Նարինե.

Բարև Ձեզ, խնդրում եմ ինձ պատասխանել, եթե աշխատողը արձակուրդ է գնացել 2009թ. օգոստոս ամսին, իսկ 2010թ. գնում է հունիսին, կարող եք ասել միջին աշխատավարձը գտնելու համար մինչև որ ամիս ենք գնալու հետ: Կանխավ շնորհակալություն:

Նարինե.

Բարև Ձեզ
Կարող եմ իմանալ ինչպես հաշվել աշխատավարձը, երբ նա դրուքայինա, բայց մի աշխատող 6 օր մի ժամ պակասա աշխատել
Ինչպես հաշվարկել այդ 6 օրը?
խնդրում եմ գրել հաշվարքը
Շնորակալ եմ

Սոնյա.

Բարև Ձեզ.մի հարց ևս խնդրում եմ ինձ ուղղություն ցույց տվեք,Ա/Ձ-ն եթե ՀԴՄ-ի չեկա վերցրել,և կազմել ենք ֆակտուրա,եթե ՍՊԸ կազմակերպությունա,պետք է պեչատի,ստորագրի?Ա/Ձ-ն ստորագրի? Դա պարտադիր է?կանխավ շնորհակալ եմ……..

Վարդան.

Բարև Ձեզ,
Խնդրում եմ կարող եք ինձ ուղղարկել շահութահարկի հաշվարկի լրացման կարգը տող առ տող:

Մանուշ.

Հարգելի կոլեգաներ հարցս հետևյալն է` եթե ՍՊԸ – ն ունի մի քանի մանրածախ խանութներ,գնման հաշիվ ապրանքագրերի մեջ նշվում է ՍՊԸ- ի իրավաբանական հասցեն, թե կոնկրետ խանութի գործունեության հասցեն: Կանխավ շնորհակալություն: