Մհեր.

2010թ. սեպտեմբերի 23-ին տրվել է 140 օր ֆիզիոլոգիական արձարկուրդի նպաստ` 3 ամսվա միջինով: Երեխան ծնվել է նոյեմբերի 14-ին: Վճարումը ճի՞շտ է կատարվել:

Իզաբելա.

Հարգելի հաշվապահներ, մեր կազմակերպությունը մատուցում է ծառայություններ այնպիսի կազմակերպությունների, որոնք ազատված են ԱԱՀ-ից, և ՀԾ ծրագրով աշխատելիս ծրագիրը ԱԱՀ-ի հաշվարկում հաշվում է ԱԱՀ-ի դեբետից ազատվածի մասով ծառայությունների մեջ ԱԱՀ-ի ծախսագրումը և միացումը ծախսերին, սակայն ձևակերպում կատարելիս (դ-տ 713 կ-տ 5243) այն երևում է ԱԱՀ-ի և´ կրեդիտային, և´ դեբետային մասում: Ինչպե՞ս վարվել, ի՞նչ խորհուրդ կտաք: Կանխավ շնորհակալ եմ:

Էմմա.

Բարև Ձեզ: Խնդրում եմ պատասխանել: Միջին ամսական աշխատավարձը ընդունելով 130000դրամ` 5-օրյա աշխատանքային շաբաթվա համար հաշվարկել հիվանդաթերթիկ մարտի 4-20-ի համար (2011թ.)` փոփոխված օրենքներով: Առձեռն ինչքա՞ն գումար է ստանալու աշխատողը, եթե 4-20-ը եղել է ժամանակավոր անաշխատունակ, իսկ մնացած աշխատանքային օրերին աշխատել է: Կարող եք գրել նաև աշխատողին վճարվելիք վերջնական գումարի չափը:

ԴԻՆԱ.

Ողջույն:
Խնդրում եմ ասեք` ինչ հաջորդականությամբ և ինչպես պետք է դառնալ Ա/Ձ: Խնդրում եմ ասեք նաև, թե ինչ հաշվետվություններ է ներկայացնում Ա/Ձ-ն:

Գայանե.

Բարև Ձեզ: Ո՞վ կարող է օգնել: Ես ցանկանում եմ կազմակերպություն հիմնադրել, ի՞նչ է հարկավոր դրա համար:

Արամայիս.

Ինտերնետ ակումբը համարվու՞մ է արդյոք համակարգչային խաղեր կազմակերպող և ենթակա՞ է արդյոք հաստատագրված վճարներով հարկմանը:

Կարդալ ավելին “Անեկդոտներ հաշվապահների մասին” →

Տաթև.

Հարգելի հաշվապահներ, մեր ընկերության տնօրենը պետք է գործուղման մեկնի Դուբայ և անհրաժեշտությունից ելնելով իր հետ տանում է նաև գործընկերոջը, որի ճանապարհածախսը և գործուղման բոլոր ծախսերը պետք է հոգա ընկերությունը: Ինչպե՞ս կարելի է հաշվապահորեն ձևակերպել և հիմնավորել այդ ծախսերը:

Լուսինե.

Հաստատագրված հարկով աշխատող կազմակերպությունները տարեկան ի՞նչ հաշվետվություն պետք է ներկայացնեն: Հաշվեկշիռ չե՞նք տալու:

Մարիա.

Բարև Ձեզ:
Հարգելի հաշվապահներ, եթե հարկային հաշիվ լրացնելիս թյուրիմացաբար սխալ է տեղի ունեցել բնօրինակի վրա, և չափման միավորի տեղում “հատ” բառի փոխարեն լրացվել է քանակը`ասենք 71, նման սխալը ինչպե՞ս կարելի է շտկել կամ չշտկելու դեպքում մի՞թե փաստաթուղթը կհամարվի սխալ լրացված:

Հասմիկ.

Խնդրում եմ ուղարկել ՀՕ117-Ն 15.07.2010 , ՀՀ ՊՏIV34(768) 28.07.2010 օրենքի փոփոխությունները:

Մանուշ.

Շնորհավոր բոլոր կանանց մարտի 8-ը:
Բարև Ձեզ, ես լսել եմ, որ Հայաստանի տարածքում օրապահիկի գումարը ավելացել է, նախկին 2000 դրամի փոխարեն դարձել է 8000 դրամ, խնդրում եմ պատասխանեք ինձ, ես ճի՞շտ եմ լսել, թե՞ ոչ:

Էլեն.

Հարցս հետևյալն է` իրավաբանական անձանց միջև առուվաճառքի և մատակարարման դեպքում (եթե միանգամյա գործարք չէ) պայմանագիր կնքելը արդյո՞ք անհրաժեշտ է, թե՞ հաշիվ-ապրանքագիրը բավարար է: Պայմանագիր չկնքելը ի՞նչ հետևանք կարող է ունենալ:

Արթուր.

Խնդրում եմ պատասխանել. ԱԱՀ-ով աշխատող Ա/Ձ-ն ինչպե՞ս է վարում ծախսերի և եկամուտների հաշվառումը և ի՞նչ գրքեր է վարում:

ԱՆՆԱ.

Հարգելի կոլեգաներ,
ընկերությունը կանխիկ ձեռք է բերել հեռուստացույց 172 000 դրամ արժողությամբ: Արդյո՞ք այն պետք է համարել հիմնական միջոց, թե՞ կարելի է ամբողջությամբ ծախսագրել:

Անուշ.

Եթե Ա/Ձ – ն ունի 2 խանութ և խանութների միջև կատարում է ապրանքային տեղափոխություն, առաքման գիրք պե՞տք է վարել, թե՞ ոչ: Ի դեպ, 2 խանութում էլ ունի հդմ:

Աննա.

Հարգելի հաշվապահներ, խնդրում եմ ինձ օգնեք հետևյալ հարցում: Աշխատողը գնացել է արձակուրդ 11.02.2011-08.02.2011: Սակայն արձակուրդի ընթացքում աշխատողը ներկայացրել է դիմում աշխատանքից ազատման: Հունվարին հաշվարկել եմ 33333, իսկ փետրվարին 14286: Հաշվարկել եմ 3% – 1000դր հունվարի համար, իսկ փետրվարի – 429 դրամ: Գործատուի սոցը հունվարի համար հաշվարկել եմ 8999, իսկ փետրվարին արդյո՞ք գործատուն սոց. չի վճարում:

Nune.

Բարև Ձեզ:
Խնդրում եմ գրեք` որտեղ կարող եմ կարդալ 525 որոշումը:

Վիկտորյա.

Բարև ձեզ, հարգելի կոլեգաներ: Ես խնդրում եմ ինձ ասեք, թե որտեղ կարող եմ կարդալ գույքագրման վերաբերյալ: Ես լսել եմ, որ հիմա էլ պարտադիր չի գույքագրում անցկացնել յուրաքանչյուր տարի: Արդյո՞ք դա ճիշտ է: Եվ որտեղի՞ց կարող եմ դա ճշտել: Շնորհակալություն:

Մհեր.

Եթե նվազագույն աշխատավարձը սահմանված է 32500 դրամ և նույն օրենքի 4-րդ հոդվածի համաձայն այն չի ներառում իր մեջ աշխատավարձից վճարվող հարկերը, ապա կարելի՞ է աշխատողի աշխատավարձը սահմանել 32500 դրամ, որից այդ դեպքում աշխատողը կստանա 31525 դրամ:

Անի.

Եթե բանկից գումար է կանխիկացվել, իսկ բանկի տված գործարքի հաստատման թուղթը պատռվել է և սկոչի օգնությամբ կպցվել է, ինչ որ տուգանք հասնու՞մ է սրա համար:

Ժաննա.

Բարև Ձեզ, հարգելի հաշվապահներ: Խնդրում եմ օգնեք հետևյալ հարցում: Մեր հիմնադրամը ուզում է օգնել կոնկրետ գյուղի բնակիչներին: Պայմանագրով ամեն ընտանիքին տալ խնամքի և օգտագործման համար մի կով, նրանցից առաջին 2 տարվա ընթացքում վերցնել ստացված կաթի մի մասը, իսկ երրորդ տարում արդեն նվիրատվության պայմանագրով կովը նվիրել տվյալ ընտանիքին: Ես առաջին անգամ եմ առնչվում այս բնագավառի հետ: Եթե կարելի է, խնդրում եմ հուշել, թե ինչ հարկային պարտավորություններ են առաջանում ըստ էտապների: Կանխավ շնորհակալ եմ:

Անի Աբրահամյան.

Բարև ձեզ, ինձ հետաքրքրում է` հիմնական միջոց վերանորոգելիս ո՞ր դեպքում է ավելանում հ.մ. արժեքը, ո՞ր դեպքում վերանորոգման արժեքը ճանաչվում ծախս: Եվ արդյո՞ք դա կարգավորվում է ՀՀ որևէ օրենքով: Կանխավ շնորհակալություն:

Էդգար.

Բարև ձեզ: Խնդրում եմ պատասխանել այս հարցին` Ա/Ձ-ն բացի տարեկան եկամտահարկի հաշվետվությունից պե՞տք է նաև ներկայացնի եռամսյակային հաշվետվություն:

Շնորհակալություն:

Լիլիթ.

Ուզում եմ իմանալ, թե ձև 9-ի և 10-ի վերջնաժամկետը երբ է, և ուշացնելու դեպքում վարչական ակտ գրելու՞ են:

Anush.

Համատեղությամբ պայմանագրով նախատեսված է հետևյալը.”Աշխատաժամանակի տևողությունը կազմում է օրեկան 4 ժամ` շաբաթական 20 ժամ` չներառելով մեկժամյա ընդմիջումը:” Արդյո՞ք նման ձևակերպումը ճիշտ է:

Anna.

Հարգելի հաշվապահներ, խնդրում եմ օգնեք, կազմակերպությունը արդեն մի քանի տարի է չի աշխատում, հիմնադիրը հանդիսանում է նաև տնօրեն: Այդ ընթացքում վճարվել են սոց. ապ. վճարները և ներկայացվել են հաշվետվություններ: Ուզում ենք դիմում գրել հարկային տեսչություն կազմակերպության գործունեության դադարեցման վերաբերյալ: Կարող եմ արդյոք հիմնադրին (տնօրենին) ազատել աշխատանքից, որպեսզի ազատվենք անիմաստ պարտականություններից: Կանխավ շնորհակալ եմ:

Արմինե.

Բարև, հարգելի կոլեգաներ: Նախ շնորհավորեմ բոլոր կանանց միամսյակը: Ես մարզադպրոցի հաշվապահն եմ: Միջնակարգ դպրոցը իր մարզադահլիճը տրամադրել է մեզ` մարզումներ անցկացնելու համար: Այժմ ուզում ենք կնքել փոխադարձ պայմանագիր: Ես սկսնակ եմ: Խնդրում եմ ասեք` ինչ կարգով պետք է կնքեմ, և հատուկ փաստաթուղթ կա՞, թե՞ չէ: Եթե կա, ապա խնդրում եմ ուղարկեք mar.sport շնիկ mail.ru հասցեով: Խնդրում եմ, շտապ է:

Գայանե Ա.

Բարև Ձեզ, շնորհավորում եմ բոլոր Կանանց մարտի 8-ը:
Հարգելի հաշվապահներ, հարցս հետևյալն է` եթե աշխատողը աշխատել է 3 ամիս, այնուհետև գնացել է ֆիզ.արձակուրդ, հիմա նրա միջին ամսականը հաշվարկելիս պե՞տք է 3 ամսվա գումարը բաժանեմ 12-ի:
Շնորհակալություն:

Աննա.

Բարև ձեզ։ Խնդրում եմ, ստուգեք՝ ճիշտ եմ կատարել հաստատագրված վճարի հաշվարկը:
Վարսավիրանոցը ունի 1 վարսավիր և 1 մատնահարդար: Ամսվա աշխատանքային օրերը հաշվարկվել է 27 օր: Վարսավիրանոցը գտնվում է Երևան քաղաքում, որի ուղղիչ գործակիցը 1,0 է: Վարսավիրական ծառայությունների մատուցման գործունեության հաստատագրված վճարի ամսական չափը հաշվարկվում է ելակետային տվյալների և համապատասխան ուղղիչ գործակցի արտադրյալի 420-ապատիկի չափով՝ դրամական արտահայտությամբ:
Իսկ սպառողական գների ինդեքսը նախորդ տարվա հետ համեմատ կազմել է 110,6 %: Տվյալ դեպքում հաստատագրված վճարը տվյալ ամսվա համար հավասա՞ր է
ՀՎ=Պ+Տ+Օր+Գ+Ա=420*2*27*1,0*1,1=24948դրամ։
Ճի՞շտ եմ կատարել հաշվարկը:

Արսեն.

Հարգելի գործընկերներ, անհրաժեշտ է կազմակերպության ներքին կանոնակարգի որևէ օրինակելի ձև: Առկայության դեպքում խնդրում եմ ուղարկել arskarapet շնիկ yahoo.com էլ. հասցեին:
Նախապես շնորհակալություն:

Անահիտ.

Հարգելի կոլեգաներ, խնդրում եմ պատասխանել իմ հարցին: Մատուցվել է էլեկտրաէներգիայի ծառայություն փետրվար ամսին: Հարկային հաշվում նշվել է մատակարարման ամսաթիվ 28.02.2011, իսկ հարկային հաշվի դուրս գրման ամսաթիվ` 03.03.2011: ԱԱՀ-ի ո՞ր ամսվա հաշվարկում պետք է ներառեմ այդ հաշիվը: Խնդրում եմ տալ ստույգ պատասխաններ: Կանխավ շնորհակալ եմ:

Արմինե.

Սիրելի հաշվապահներ, խնդրում եմ ասեք, եթե ես հաշիվ-ապրանքագրով խանութին մթերք եմ վաճառել, բայց խանութը հաշիվ-ապրանքագիրը չի գրանցել, դա ի՞նչ հետևանք կարող է ունենալ: Վտանգավո՞ր է արդյոք գործարք իրականացնող կողմերից միայն մեկի մոտ հաշիվ-ապրանքագրի առկայությունը:

Արթուր.

Բարև ձեզ: Ես պատրաստվում եմ յոթ քառակուսի մետրը չգերազանցող տաղավարում պատճենհանման (xerox) և (print) ծառայություններ մատուցել: Խնդրում եմ ինձ ասել, թե ինչ հարկատեսակներ և պարտադիր վճարներ պետք է մուծեմ, և դրանք ինչպես են հաշվարկվելու ու ինչքան են կազմելու, եթե գրանցվելու եմ որպես անհատ ձեռնարկատեր:

Shushanik.

Հարգելի հաշվապահներ, այսպիսի մի հարց.
եթե կազմակերպությունը շահութահարկի կանխավճարը կատարում է 1/6-ով և նվազագույն շահութահարկի վճարում չի լինում, շահութահարկի հաշվարկի նվազագույնի շահութահարկի մասում (ըստ եռամսյակների) արդյո՞ք որևէ բան պետք չէ՞ լրացնել: Եվ որտե՞ղ է երևում մեր կատարած կանխավճարները այդ դեպքում:

Արթուր.

Բարև Ձեզ: Խնդրում եմ պատասխանել հետևյալ հարցիս: Ես ծառայություններ եմ մատուցում տարբեր հիմնարկների, հասարակական, միջազգային ու դիտորդական կազմակերպությունների, պետական կառույցների և այլն: Միշտ կնքում եմ քաղաքացիաիրավական պայմանագիր, որի ժամանակ պատվիրատուն է մուծում հարկերը: Ես ընդհանրապես ոչինչ չեմ մուծում ու ստանում եմ մաքուր իմ գումարը: Ինձ կարո՞ղ եք մանրամասն նկարագրել, թե ինչ է քաղաքացիաիրավական պայմանագիրը և արդյո՞ք պայմանագիրը ինձ ազատում է հարկերից:
Շնորհակալություն:

Արթուր.

Հարգելի հաշվապահներ, խնդրում եմ պարզաբանեք` ինչպես է կատարվում եկամտահարկի և սոցիալական վճարների հաշվարկը ԱՁ-ի համար: Եթե հաշվարկվում է, օրինակ, տարվա համար 70000 սոց. վճար, ապա տարվա ընթացքում ԱՁ-ի կողմից մուծված 60000-ը (ամսական 5000) հանվու՞մ է 70000-ից մուծման ժամանակ: Եվ արդյո՞ք եկամտահարկը և սոց. վճարի հաշվարկները տրվում են առանձին-առանձին և միմյանց հետ որևէ կապ չունեն:

Վահան.

Վիճակագրական տվյալները հունվար ամսվա համար սխալ ներկայացնելու համար (ներկայացրել եմ աճողական կարգով, բայց պարզվում է, որ պետք է ներկայացնեյի միայն հունվար ամսվա համար, բլանկի ձևը փոխվել է) Ա/Ձ-ն պե՞տք է տուգանվի, թե՞ կա ուրիշ ընթացակարգ չտուգանվելու համար: Եվ եթե պետք է տուգանվի, ապա խնդրում եմ նշել տուգանքի չափը:

Զառա.

1. Կազմակերպությունն ունի տնօրեն և հաշվապահ: Ինչպե՞ս տնօրենին տրամադրել հերթական արձակուրդ, անցնու՞մ են արդյոք պարտականությունները հաշվապահի վրա նրա բացակայության ժամանակ:

2. Եթե արձակուրդը (10 աշխատանքային օր) տրամադրվում է 01.03.2011թ.-ից, վճարումը կատարվում է 3 օր առաջ, ձևակերպումը կատարում ենք մա՞րտ ամսին: Հաշվարկը կատարվում է մա՞րտ ամսվա աշխատավարձի հետ, թե՞ փետրվար:

Վարդան.

Հարգելի կոլեգաներ: Խնդրում եմ օգնել քանդել այս Գորդյան հանգույցը:
ՍՊԸ-ի հիմնադիրը հանդիսանում է 100% բաժնետեր: Տարածքը, որտեղ գրանցված և գործունեություն է ծավալում ՍՊԸ-ն կադաստրի վկայականի հիման վրա, պատկանում է հիմնադիրին: Պետ. ռեգիստրի վկայականի մեջ այլ տեղեկություններում հիմնադիր որոշման հիման վրա նշված է տնօրենի անունը: Ծառայություններում` գազ, ջուր, էլ., ՍՊԸ-ն անվանափոխելու համար պահանջում են, տարածքի վարձակալության պայմանագիր: Ի՞նչ օրենքներ են այստեղ գործում, և ի՞նչ է անհրաժեշտ կատարել ՍՊԸ-ն որպես բաժանորդ գրանցելու համար: Նախապես նշեմ, որ նշված տարածքում բոլոր ծառայությունները առկա են եղել մինչև տարածքի ձեռքբերումը:
Նախապես շնորհակալ եմ խորհուրդների համար:

Anush.

ՍՊԸ-ն ձևակեպել է ոչ բնակելի տարածքի անհատույց ստացման պայմանագիր ֆիզ. անձի հետ: Արդյո՞ք այդ պայմանագիրը ենթակա է նոտարական վավերացման, թե՞ այդ պայմանագիրը բավարար է, որպեսզի գործունեության ծավալման վայր հանդիսանա այդ տարածքը (իրավաբանական հասցեն այլ քաղաքում է):

Շնորհակալ եմ:

Արամ.

Հարգելի հաշվապահներ, խնդրում եմ օգնել հետևյալ հարցում:
Ընկերությանը մատուցվել է ծառայություն 2011թ. հունվար ամսին, հարկային հաշվում մատակարարման ամսաթիվը նշված է 03.02.11թ, դուրս գրման ամսաթիվը նշված է 04.02.11թ և ծառայության համար հունվար ամսին վճարվել է կանխավճար:
Հարց.
1. Ո՞ր ամսվա ԱԱՀ-ի հաշվարկում պետք է ներկայացնել այս ծառայության գումարը:
2. Ո՞ր ամսում պետք է հաշվանցվի ԱԱՀ-ի գումարը:
3. Ո՞ր ամսվա “Դուրս գրված և /կամ/ մատակարարներից ստացված հարկային հաշիվների վերաբերյալ” տեղեկանքում պետք է ներկայացվի:
4. Ո՞ր ամսվա ծախսերի մեջ պետք է ներառվի ծառայության գումարը:

Լիլյանա.

Եթե աշխատողը ֆիզ. արձակուրդից նորից ֆիզ. արձակուրդ է գնում, ինչպե՞ս հաշվարկ անել, եթե չի աշխատում, կամ մեկ ամիսը բավարա՞ր է, որպեսզի աշխատի արձակուրդ գնալուց առաջ:

Աննա.

Բարև ձեզ, հարգելի հաշվապահներ: Խնդրում եմ պատասխանեք իմ հարցին: Երբ աշխատողը գնում է ֆիզ. արձակուրդ, ո՞վ է վճարում նրան դեկրետային գումարը` պետությու՞նը, թե՞ կազմակերպությունը: Խնդրում եմ բացատրեք` ոնց է դա արվում:

Հելեն.

Բարև բոլորին, նայում եմ նոր օրենքը անաշխատունակության մասին ու չեմ հասկանում` եթե միջին աշխատավարձը գերազանցում է 100 000 դրամը, էլի պիտի գերազանցող գումարի 30%-ը՞ վճարել:

Գրիգոր.

Ինչ՞ օրենքով է կարգավորվում ՀՀ արտադրության ոգելից խմիչքների արտահանումը։ Որտեղի՞ց կարելի է ստանալ համապատասխան կոնսուլտացիա։

Զաբել.

Խնդրում եմ պատասխանել` ինչպես է հաշվարկվում աշխատանքի վարձատրությունը, եթե աշխատաժամանակի մի մասը ընկնում է գիշերային: Օրինակ` բանվորի աշխատանքային ժամը սկսվում է առավոտյան 5-ին և ավարտվում է 14.00-ին: Դրանից ինչքա՞նը պետք է վճարվի որպես գիշերային և ինչքա՞նը որպես ցերեկային աշխատանք: ՀՀ աշխատանքային օրենսգրքի ո՞ր հոդվածի համաձայն: Ընդհանրապես, ո՞ր ժամից որ ժամն է համարվում գիշերային ժամ: Խնդրում եմ մանրամասն տեղեկացնել` ինչպես պետք է հաշվարկվի տվյալ աշխատանքի վարձատրությունը, որ խախտում չհամարվի: Շնորհակալություն:

Անի.

Խնդրում եմ պարզաբանել, թե ին՞չ է գրվելու Ա/Ձ-ի եկամտահարկի տարեկան հայտարարագրի 36 տողում կամ ինչու՞ չի գրվելու:

Լիս.

Հարգելի մասնագետներ, խնդրում եմ, ինձ ուղարկեք աշխատանքի ընդունման դիմումի և հրամանի ձևեր: Անչափ շնորհակալ եմ: