Աննա.

Կարո՞ղ եք ասել, կազմակերպության փականագործին հասնու՞մ է լրացուցիչ արձակուրդ:

Հասմիկ.

Խնդրում եմ հուշել, ինչպե՞ս կարելի է իմանալ հաշվապահների որակավորման քննությունների անցկացման պարբերականությունը: Ե՞րբ կլինի մոտական:

Ashot.

Բարև, հարգելի հաշվապահներ:
Մեր ՍՊԸ-ն քաղաքացիական պայմանագրով ֆիզ. անձից ձեռք է բերել ապրանք: Ըստ պայմանագրի ՍՊՆ-ն պարտավորվել է ապրանքի գինը փոխհատուցել 60 օրվա ընթացքում: Այնուհետև այդ ապրանքը վաճառվել է մեկ այլ կազմակերպության, որը հաշիվ-ապրանքագրի հիման վրա կատարել է փոխանցում մեր բանկային հաշվեհամարին: Խնդրում եմ պատասխանել, ի՞նչ ժամկետներում պետք է ֆիզ.անձից պահվող եկամտահարկի գումարը փոխանցել պետ.բյուջե: Եվս մեկ հարց` եթե ես բանկայից հաշվից ֆիզ.անձին տրվելիք գումարը կանխիկացրել եմ, ապա դա ենթադրու՞մ է, որ դա պետք է մուտքագրվի դրամարկղ ու այնուհետ այն դրամարկղի ելքի օրդերով ելք արվի, թե՞ կարելի է ուղղակի կանխիկացնելուց հետո գումարը պահել ու հետագա 60 օրերի ընթացքում մաս առ մաս վճարել:

Դավիթ Աատրյան.

ԱՁ դրամարկղի գիրք օրենքով պե՞տք է ունենա, թե՞ ոչ: Դրամարկղային գործառնությունների մասին օրենքը անորոշ ձևով է գրված:

Հոդված 2. Օրենքի գործողության ոլորտը

1. Սույն օրենքը տարածվում է Հայաստանի Հանրապետության տարածքում գործող իրավաբանական անձանց, պետական և այլ հիմնարկների, դրանց՝ Հայաստանի Հանրապետության տարածքում գործող առանձնացված ստորաբաժանումների (մասնաճյուղերի, ներկայացուցչությունների), օտարերկրյա կազմակերպությունների՝ Հայաստանի Հանրապետության տարածքում գործող առանձնացված ստորաբաժանումների (մասնաճյուղերի, ներկայացուցչությունների) (այսուհետ՝ կազմակերպություններ) վրա:

2. Սույն օրենքը չի տարածվում բանկերի և դրանց առանձնացված ստորաբաժանումների (մասնաճյուղերի, ներկայացուցչությունների), այդ թվում՝ օտարերկրյա բանկերի առանձնացված ստորաբաժանումների (մասնաճյուղերի, ներկայացուցչությունների), արտարժույթի առք ու վաճառքի գործառնություններ իրականացնող անձանց, վարկային կազմակերպությունների վրա:

Հիմա այո՞, թե՞ ոչ:

Syuzik.

Ինչպե՞ս են մանրածախ սննդի խանութներում կատարում հաշվառումը: Ինձ հետաքրքիր է նաև` ինչպես են հաշվում վաճառված ապրանքի ինքնարժեքը: Չէ՞ որ մեր մոտ լինում է միայն ՀԴՄ կտրոնները, իսկ իրականում ինչ է վաճառվել, պարզ չի: Կանխավ շնորհակալ եմ:

Մարիանա.

Հարգելի հաշվապահներ, ԴԱՀԿ-ի աշխատողները ազատվա՞ծ են գույքահարկ վճարելուց, եթե այո, ո՞ր իրավական ակտի համաձայն:

Թերեզա.

Բարև բոլորին: Իմ հարցը հետևյալն է, եթե նորաբաց ատամնաբուժարան է, դեռ չի գործում, չունի աշխատող, ոչինչ չի անում, սակայն դադարեցման կամ լուծարման հայտ չի ներկայացրել հարկային ծառայություն, ինքը ունի հարկայինում գրանցված դրամակղային հսկիչ մեքենա, սակայն չի օգտագործում: Հիմա ինքը հաշվետվություն չի ներկայացրել հսկիչ մեքենայի համար, ինքը վարչական տուգանք կրելու՞ է, թե՞ ոչ: Խնդրում եմ ինչքան հնարավոր է շուտ պատասխանեք: Կանխավ շնորհակալություն:

Liana.

Խնդրում եմ պատասխանել հետևյալ հարցիս.
ներկայումս անաշխատունակության նպաստի սանդղակը գործու՞մ է, թե՞ ոչ, եթե միջին աշխատավարձը՝
մինչև 100000 դր. է – 100%
100000 դր. – ից ավել-30%

ՍԵՎԱԿ.

Հարգելի ընկերներ, խնդրում եմ պատասխանել հետևյալ հարցին.
աշխատողի հետ կնքված աշխատանքային պայմանագիրը լուծելիս վերջինիս հետ կատարվել է վերջնահաշվարկ (որում ներառված են աշխատավարձի և չօգտագործված ամենամյա վճարովի արձակուրդի գումարները): Այս դեպքում արդյո՞ք պարտադիր է աշխատանքային գրքույկում փաստացի աշխատած ժամանակահատվածին ավելացնել չօգտագործած ամենամյա վճարովի արձակուրդի օրերը:
s.aghabekyan շնիկ mail.ru

Մագա.

Բարև Ձեզ, ինձ արձակուրդից հետ են կանչել հենց արձակուրդի առաջին օրվանից, սակայն լրիվ վճարվել եմ: Խնդրում եմ ասեք, իրավունք ունե՞մ իմ հայեցողությամբ օգտագործել ինձ հասանելիք արձակուրդը:

Անժելա.

Բարև Ջեզ: Ինձ հետաքրքրում է հետևյալը: Եթե կազմակերպությունը իր իրավաբանական հասցեն փոխում է, ՀԴՄ-ի ապարատը նույնպե՞ս պետք է վերագրանցել: Եթե այո, ապա ի՞նչ հերթական քայլեր պետք է անել: Նախապես շնորհակալ եմ:

Հայկուհի.

Հարգելի հաշվապահներ, խնդրում եմ օգնել: Ես գտնվում եմ մինչև 3 տարեկան երեխայի խնամքի արձակուրդում և ստանում եմ 18000 դրամ ամսական: Առաջինի 2 տարին լրանում է 2011թ-ի հոկտեմբերին: Բայց այդ ընթացքում ունեցել եմ 2-րդ երեխային: Կստանա՞մ արդյոք 18000 -րը նաև երկրորդ երեխայի համար: Ու՞մ պետք է դիմել դրա համար: Գոյություն ունի՞ արդյոք ինչ-որ որոշում այդ մասին:

Մերի.

Հարգելի հաշվապահներ, խնդրում եմ ասեք` հարկադիր պարապուրդի ժամանակ հավելումը վճարվու՞մ է, թե՞ ոչ:

Vahag.

Հարգելի գործընկերներ, նորոբաց ԱՁ-ն զբաղվում է շինանյութի արտադրությամբ և վաճառքով: Անհրաժե՞շտ է արդյոք հսկիչ դրամարկղային մեքենա:
Կանխավ շնորհակալություն:

ԱՐՄԵՆ.

Հարգելի հաշվապահներ, ձեռնարկությունը հանդիսանում է ԱԱՀ վճարող և ձեռք է բերել վառելիք` բենզին, և հաշիվ ապրանքագրում ԱԱՀ չի նշված: Արդյո՞ք իրավունք ունի ԱԱՀ-ի հաշվարկում հաշվանցել բենզինի գումարի 16.67%:

Կանխավ շնորհակալություն:

Արմինե.

2011թ-ի աշխատանքային օրենսգրքով ո՞ր կետն է համատեղության կարգով աշխատողի համար նախատեսված:

Կարեն.

Բարև բոլորին: Խնդրում եմ օգնեք հասկանալ.
հանդիսանում եմ ՍՊԸ-ի տնօրեն, ՍՊԸ-ն զբաղվում է վեբ կայքերի պատրաստմամբ և համակարգչային դասընթացներով:
1. Վեբ կայք պատրաստելու համար “Վճարովի ծառայությունների մատուցման մասին պայմանագիր” եմ կնքել մեկ այլ իրավաբանական անձի հետ, և հիմա նա պետք է գումարները փոխանցի ՍՊԸ-ի հաշվարկային հաշվին: Տվյալ դեպքում արդյո՞ք ես հաշիվ ապրանքագիր պետք է տամ այդ կազմակերպությանը, թե՞ ոչ, և առհասարակ հաշիվ ապրանքագիր ո՞ր դեպքում են տալիս:
2. Ի՞նչ եղանակ կա հաշվից հիմնավորված գումարներ հանելու համար (դե պարզ է, այլ նպատակով) և գումարները բանկային հաշվից ստանալուց հետո պարտադի՞ր է այն մուտքագրել դրամարկղ, նոր դրամարկղից ելք անել:

Աննա Ա.

Հարգելի գործընկերներ,
համաձայն ՀՀ կառավարության 27.11.1998թ. 753 որոշման 3թ կետի.
հարկվող շահույթը կամ հարկվող եկամուտը որոշելու նպատակով հարկատուի համախառն եկամտից կարող են նվազեցվել` թ) Հայաստանի Հանրապետության տարածքում գործուղման օրապահիկի ծախսերը` գործուղվողի գործուղման մեջ գտնվելու յուրաքանչյուր օրացուցային օրվա համար 8 հազ. դրամը չգերազանցող գումարի չափով, ընդ որում` շինարարություն իրականացնող հարկ վճարողների համար Հայաստանի Հանրապետության տարածքում օրապահիկի ծախսերի ամսական գումարը չի կարող գերազանցել տվյալ շինարարությունում ընդգրկված յուրաքանչյուր վարձու աշխատողի հաշվով հաշվարկված տվյալ ամսվա աշխատանքի վարձատրությանն ուղղված միջոցների և դրանց հավասարեցված եկամուտների գումարից: Ընդ որում, գործուղման օրապահիկի ծախսերը չեն հատուցվում հիմնական աշխատանքի վայրից մինչև 30 կմ հեռավորությամբ գործուղված աշխատողին:
Հարց` այստեղ խոսվում է միայն գործուղման օրապահիկի ծախսերի մասին, իսկ ի՞նչ սահմանաչափ կա ՀՀ տարածքում գործուղման ծախսերի հետ կապված:

Տիգրան.

Հարգելի գործընկերներ, կազմակերպությունը երկար տարիներ գործունեություն չի իրականացնում, չի հանդիսանում ԱԱՀ վճարող, ունի հիմնական միջոց` բալանսային արժեքով 2 մլն դրամ, իսկ կադաստրային արժեքով` 5 մլն դրամ, վերջինս օտարվել է փայատերերին որպես դիվիդենտ (փայաբաժին): Խնդրում եմ Ձեր կարծիքը տվյալ գործարքից առաջացող հարկերի վերաբերյալ: Կանխավ շնորհակալ եմ:

Ինեսսա.

Խնդրում եմ բացատրել` ինչ է նշանակում ամորտիզացիոն ծախսեր, որտեղ պետք է ծախսվեն այդ հոդվածում նախատեսված գումարները:

Tatevik.

Արդյո՞ք անհրաժեշտ է կազմակերպության կողմից տրամադրվող տեղեկանքները համարակալել:

Նուշա.

Խնդրում եմ, ինձ ասեք, արձակուրդային հաշվելուց 3% սոց. վճար պահվու՞մ է, թե՞ ոչ: Նախապես շնորհակալություն:

Artak.

Վերջնահաշվարկի ժամանակ չօգտագործված արձակուրդային օրերի համար աշխատակցի ո՞ր հաստիքն է հիմք ընդունվում (եթե նա ունի երեք տարվա չօգտագործված արձակուրդային օրեր, հաստիքը յուրաքանչյուր տարի փոխվել է):

Շողիկ.

Հարգելի հաշվապահներ, խանութը կատարում է ներմուծում և զբաղվում է մանրածախ առևտրով: Խնդրում եմ օգնեք, մանրածախ առևտրում ապրանքը ի՞նչ գնով է մուտքագրվում, և արդյո՞ք գործում է առևտրային հավելագինը: Անհամբեր կսպասեմ պատասխանի:

Նառա.

Եթե երեխան ծնվելու է Եվրոպայում, բայց մայրը աշխատանքի մեջ է Երևանում, ի՞նչ տեղեկանքներ պետք է ուղարկել հղիության և ծննդաբերության արձակուրդի համար: Կանխավ շնորհակալ եմ:

Անի.

Բարև ձեզ, հարգելի հաշվապահներ: Ես Տնտեսագիտական համալսարանի ուսանողուհի եմ և այս տարի անցնելով հաշվապահական հաշվառում` ինձ մոտ մի շատ պարզ, բայց միևնուն ժամանակ ինձ համար շատ անհասկանալի հարց է առաջացել: Եվ քանի որ ես հնարավորություն չունեմ այս պահին այդ հարցը տալ իմ դասախոսին, ես հույս ունեմ, որ դուք ինձ կօգնեք: Հարցս կայանում է հետևյալում:
Ենթադրենք կազմակերպությունը ՍՊԸ է և զբաղվում է առևտրով: Հետևաբար նա վարում է դրամակղի գիրք և այդտեղից անում է մուտք և ելք, և տվյալ ամսում մնում է որոշակի մնացորդ, որրին գումար է ավելանում կամ պակասում, դա կարևոր չէ: Հարգելի հաշվապահներ, ինձ հետաքրքրում է հետևյալ հարցը. եթե հիմնադիրի եկամուտների և եկամուտների ծախսերը հսկվում են, և ամեն բան պետք է փաստաթղթով հիմանավորված լինի, ապա ես չեմ կարողանում հասկանալ` որն է հիմնադիրի օգուտը, եթե նա աշխատում ամբողջովին մաքուր, առանց կողմնակի եկամուտի: Այսինքն դուրս է գալիս այնպես, որ նա իր անձնականի համար չի կարող իր ստացած եկամուտը տնօրինել, և այդպես այդ գումարը պետք է մնա կազմակերպության ներսում և ծախսվի միայն հիմնավորված ձևով: Խնդրում եմ ինձ օգնեք հասկանալ, թե ինչպես են գումարները տնօրինվում, այնպես ինչպես կազմակերպության ղեկավարն է ցանկանում: Նախապես շատ շնորհակալ եմ:)))))

Samvel.

Հարգելի հաշվապահներ, խնդրում եմ ասեք` հասարակական կազմակերպության համար ի՞նչ եռամսյակային և տարեկան հաշվետվություններ պետք է հանձնել: Առաջ ներկայացրել եմ.
1. ԱԱՀ, եկամտահարկ, սոցապ
2. Տարեկան հաշվետվություն Ձև 1 և Ձև 2
Հիմա փոփոխվե՞լ է: Շահութահարկի տարեկան ձև պահանջու՞մ են: Եթե հասարակական կազմակերպությունը շահույթ չի հետապնդում, ինչի՞ համար են պահանջում: Աշխատանքի տեսչության տարեկան հաշվետվությունը հանե՞լ են:
Խնդրում եմ նշել օրենքներ կամ որոշումներ, որտեղից կարող եմ մանրամասն կարդալ` ինչ հաշվետվություններ է պետք ներկայացնել:

Վահե.

Բարև ձեզ, խնդրում եմ պատասխանել մի հարցի. աձն վարում է մեկ հրամանների գիրք, որտեղ տալիս է հրաման աշխատանքի ընդունման, ազատման և նաև արձակուրդի հրաման մի հրամանների գրքում, որքանո՞վ է սխալ վարվում, և ինչպե՞ս վարվել: Շարունակե՞լ արձակուրդային, ընդունման և ազատման հրամանները մի գրքում գրել, թե՞ հաջորդ արձակուրդային հրամանը գրել առանձին գրքում:
Շնորհակալություն:

Վարդան.

Բարև բոլորին,

Խնդրում եմ օգնեք հնարավորինս ընդգրկուն խորհուրդներով, ինչպես նաև ինֆորմացիայի աղբյուրների հղումներով (եթե անհրաժեշտություն կա):
Հնարավո՞ր է արդյոք Հայաստանում բացել ինտերնետ ծառայություն (internet service), որի միջոցով հնարավորություն լինի գումար աշխատել: Պատկերացրեք, բացվելու է հայկական սոցիալական ցանց (ընդամենը օրինակ է, ընդհանրապես ցանկություն չկա նման բան անելու), և այդ սոց. ցանցում տեղադրվելու են գովազդային “բաներներ” և այլ նմանատիպ գումարաբերներ: Ի՞նչ է հարկավոր դրա համար:
Հիմա հաջորդը, արտասահմանում կան ոչ կոմերցիոն կառույցներ, որոնք այնուամենայնիվ բավական լուրջ գումարներ են վաստակում, ինչ խոսք` տեղին են վաստակում (խոսքը հիմնականում Վիկիպեդիայի և դրա նման կայքերի մասին է), ինչ ե՞ք կարծում, կա՞ մեր սիրելի ՀՀ-ում հնարավորություն ոչ կոմերցիոն գործունեություն ծավալելու, գումար աշխատելու և բացի այդ գլխացավանքի մեջ չընկնելու:
Պատասխանների համար խորին շնորհակալություն:

KARA.

Հարգելի հաշվապահներ, խնդրում եմ պատասխանել հետևյալ հարցիս. հղիության և ծննդաբերության նպաստից պահվող եկամտահարկը եկամտահարկի հաշվետվության մեջ ո՞ր տողում պետք է գրել, եթե ըստ ամիսների հաշվարկված գումարը մինչև 116000 է, ամբողջ գումարը 432900 դրամ է, եկամտահարկը 25870 դրամ:

Լուսինե.

Հ/Ա գրվելուց հետո գնորդը հրաժարվել է, որից հետո ինտերնետի խափանման պատճառով հնարավոր չի եղել Հ/Ա անվավեր ճանաչել: Ինչպիսի՞ լուծում եք տեսնում:

Ստառ.

Ի՞նչ թվաբանական հաշվարկներից է ստացվել 16,67% թիվը: Խոսքը ԱԱՀ-ի 20% դրույքաչափի հետադարձ հաշվարկի մասին է:

Դավիթ.

Բարև բոլորին: Ընկերությունը արտադրական նպատակների համար ազգաբնակչությունից գնում է միրգ և հատապտուղ (ինչպես սեփական հողամասից, այնպես էլ անտառից): Որ դեպքում ինչպե՞ս է հարկվում և ինչպե՞ս է հիմնավորվում: Կանխավ շնորհակալություն:
Հարգանքներով, Դավիթ:

Վարդան.

Կարո՞ղ եք ինձ օգնել: Եթե ես ուզում եմ զբաղվել լոմբարդային գործնեությամբ, ապա ի՞նչ հարկեր պետք է վճարեմ: Եթե տոկոսային են` ի՞նչ տոկոսներով: Կանխավ շնորհակալություն:

Andrey.

Բարև Ձեզ, հարգելի գործընկերներ: Ինձ հետաքրքրում է` քաղ-իրավական պայմանագրով աշխատողին արձակուրդ հասնու՞մ է, թե՞ ոչ: Եվ եթե հասնում է, ինչպե՞ս հաշվարկել: Կանխավ շնորհակալ եմ պատասխանի համար:

E.

Եթե ինչ որ մեկը ուսումնական կենտրոնի հաշվապահություն է անում, եթե ունեք պայմանագրի ձև ուսուցում ստացող մարդու հետ, խնդրում եմ ուղարկել կամ օգնել պատրաստել նման պայմանագիր:

Ալեքս.

Բաժնետերերի ժողովի ժամանակ որոշվել է, որ կազմակերպության տնօրենին պետք է վճարվի շահույթից որոշակի տոկոս: Արդյո՞ք այս դեպքում տնօրենին վճարվող գումարից որևէ հարկ առաջանում է:

Մարինե.

Բարև ձեզ: Ինձ մի հարց է հուզում: Աշխատում եմ 2 հիմնարկներում, պատրաստվում եմ գնալ ֆիզ. արձակուրդ: Համատեղությամբ աշխատավայրում աշխատավարձը դարձել է 32500, իսկ 2010թ. եղել է 30000: Այդ դեպքում հաշվարկը ինչպե՞ս է կատարվում: Ետ ենք գնում 12 ամիս, թե՞ 6 ամիս: Եվ առաջին օրը վարձատրվու՞մ է, թե՞ ոչ:

Ա. Հայրապետյան.

Բարև ձեզ, հարգելի հաշվապահներ: Խնդրում եմ ասեք, եթե տեղեկացված եք. համաձայան ՀՀ Կառ. N 775-Ն որոշման մեջ վերջերս կատարված լրացումների և փոփոխությունների` վերոնշյալ կարգի առաջին մասի նոր` 2.1 կետով լրացմամբ ասվում է. 2.1. Սույն կարգի 1-ին կետում նշված անձինք շինարարության որակի տեխնիկական հսկողության լիցենզիա ստանալու նպատակով կարող են դիմել ինչպես սույն կարգի 2-րդ կետում նշված բոլոր ոլորտների, այնպես էլ դրանցից մի քանիսի կամ յուրաքանչյուրի համար: Հայցվող ոլորտի կամ ոլորտների վերաբերյալ լիցենզիան տրամադրելիս նշվում է լիցենզիայի ներդիրում, որի ձևը սահմանում է լիցենզավորող մարմինը: Հարցս հետևյալն է. արդյո՞ք տրամադրված լիցենզիայի ներդիրների քանակից կախված գումարային առումով տարբերություն չկա: Ստացվում է, որ ներդիրների ցանկացած քանակի դեպքում, միևնույն է, վճարվում է ամբողջական փաթեթի համար սահմանված 400.000 դրամը: Կանխավ շնորհակալ եմ:

EvA.

Հարգելի հաշվապահներ, խնդրում եմ օգնել:
ՍՊԸ-ն բանկից վարկ է վերցնում, բայց գումարն անհրաժեշտ է տնօրենին` անձնական նպատակներով օգտագործման: Ինչպե՞ս վարվել, գումարը ինչպե՞ս ելք անել: Ասեմ, որ տնօրենի անունով փոխառություններ կան, բնականաբար դա կարող ենք ետ վերադարձնել և որոշակի գնումներ կատարել` օրինակ շուկայից` 11% -ով` գրասենյակային ծախսեր ձևակերպելու համար: Էլ ի՞նչ կարելի է անել: Ի՞նչ հաշվապահական ձևակերպումներ պետք է տալ գումարը բանկային հ/հ-ին մուտք լինելու դեպքում, ՍՊԸ-ի համար դա ներդրու՞մ է համարվում, փոխառությու՞ն, թե՞… Ի՞նչ ձևակերպումներ տալ գումարը ելք անելու ժամանակ, վարկը մարելու ժամանակ:
Սպասում եմ պատասխանների: Շնորհակալություն:

Լիդա.

Խնդրում եմ պատասխանել. եթե գործատուն աշխատողին ամենամյա արձակուրդից հետ է կանչում, ապա 2 ամիս հետո արձակուրդից օգտվելու դեպքում աշխատողին արձակուրդային վճարվու՞մ է, թե՞ ոչ:

Կարինե.

Հարգելի հաշվապահներ, ՍՊԸ-ն ունի ավտոտեխսպասարկման ծառայություն` վուլկանացում, շարժիչի վերանորոգում, բալանսիրովկա: Բնականաբար կա ՀԴՄ, հասույթը գրանցվում է ըստ ՀԴՄ-ի տվյալների: ՍՊԸ-ն պե՞տք է ունենա ծառայությունների ցանկ և դրանց գինը նախապես սահմանված ձևով (օրինակ հրամանով): Շարժիչի վերանորոգման դեպքում կատարվող աշխատանքների ցանկը շատ է, և գներն էլ շատ տարբեր` և մեքենայի տեսակից, և կատարված աշխատանքի քանակից կախված: Խնդրում եմ օգնեք, համոզված եմ, որ այդ հարցը շատերի մոտ կա:
Կանխավ շնորհակալություն:

Կամո.

Բոլորին ողջույն: Ինչպե՞ս եք կարծում, եթե ֆիզանձը ապառիկ ձեռքբերում է կատարում խանութից, այսինքն գումարը փոխանցում է բանկը, ապրանքը ստանում է ֆիզանձը, պե՞տք է ֆիզանձին տրամադրել ՀԴՄ-ի կտրոն, եթե ոչ, ապա ի՞նչ: Գումարի 100 %-ը վճարում է բանկը, գումարը ես իրենից եմ ստանում: Ինձ անհանգստացնում է “դրամական հաշվարկները” բառակապակցությունը “ՀԴՄ-րի մասին” օրենքում: Գիտեմ, որ պետք է այդ ֆիզանձին տրվի որևէ փաստաթուղթ, բայց որը, հստակ չեմ ընկալում, բայց հակված եմ ՀԴՄ-ի տարբերակին: Շնորհակալ կլինեմ բոլոր կարծիքների համար:

Աննա.

Հարգելի կոլեգաներ, կազմակերպությունը ձեռք է բերել շարժական տնակ 100 000 դրամով: Խնդրում եմ հուշեք, դրանից գույքահարկ ինչպե՞ս է հաշվարկվում:
Նախապես շնորհակալ եմ:

Յանա.

Բարև ձեզ, հարգելի հաշվապահներ: Կարո՞ղ եք ասել, թե ինչպես է հաշվարկվում եկամտահարկի եռամսյակային հաշվետվության 11-րդ աղյուսակը և սոցապ. եռամսյակային հաշվետվության 12-րդ աղյուսակը, եթե ՍՊԸ-ն ունի մեկ աշխատող, որի աշխատավարձը 50 000 դրամ է: Նախապես շնորհակալություն:

Սաթեն.

Հարգելի կոլեգաներ, խնդրում եմ պատասխանեք հարցիս: Ընկերությունն արտասահման գումար է փոխանցում ապրանքների ձեռք բերման համար: Ես պե՞տք է 10% շահութահարկ պահեմ վաճառողից: Բայց չէ՞ որ շահութահարկի 55 հոդվածում ասվում է, որ`
“Արտաքին տնտեսական գործունեություն է համարվում բացառապես ոչ ռեզիդենտի անունից իրականացված, նրան պատկանող ապրանքները ՀՀ-ություն ներկրելու հետ կապված գործունեությունը, որի դեպքում ռեզիդենտն ապրանքների սեփականատեր է դառնում մինչև ՀՀ-ության պետական սահմանը հատելը:
Ոչ ռեզիդենտի արտաքին տնտեսական գործունեությունից ստացած եկամուտը հարկման ենթակա չէ:”

ԲԲԸ.

Արդյո՞ք կարելի է շինարարական կազմակերպություններին անցնել 6 օրյա աշխատանքային ռեժիմի, եթե այո, ապա ի՞նչ պայմանների առկայության դեպքում:

Նելլի.

Բարև Ձեզ: Հարազատներիցս մեկը աշխատում է Գյումրիի շինարարական կազմակերպություններից մեկում: Աշխատանքի ժամանակ կոտրել է կրունկը, վիրահատել են (հիվանդանոցում ուղղակի ասել է, որ դեպքը տանն է եղել): Գրանցված աշխատող է, բայց պայմանագրի օրինակը իրեն չեն տվել: Խնդիրը նրանումն է, որ գործատուն հրաժարվել է վճարել ժամանակավոր անաշխատունակության նպաստ (ասում է` “քեզ չի հասնում”) (մինչ դեպքը պատահելը տուժողը 50 օրվա աշխատող է եղել): Օգնեք խնդրում եմ: Ու՞մ դիմենք: Ի՞նչ անենք:

Հրանուշ.

Կազմակերպությունը, որը ֆինանսավորվում է պետության կողմից, շենքի վթարային լինելու պատճառով աշխատակիցնբերին չի կարողանում ապահովել աշխատանքով և ուրիշ աշխատանք էլ չի կարող առաջարկել: Որքա՞ն ժամանակ կազմակերպությունը կարող է տվյալ աշխատակիցներին վճարել հարկադիր պարապուրդի համար և ի՞նչ չափով և աշխատանքային օրենսգրքի ո՞ր հոդվածների համաձայն:

A.M.

Հարցս հետևյալն է. ընկերությունը 2010 թ.-ի ընթացքում համարվել է ԱԱՀ չվճարող, այդ ժամանակահատվածում ձեռք է բերել հիմնական միջոցներ: 2011 թ-ում ստուգմամբ հաստատվել է, որ նա 2011 -ին ԱԱՀ վճարող է: Արդյո՞ք թույլատրվում է հաշվանցում կատարել հիմնական միջոցների համար վճարված ԱԱՀ-ները համամասնորեն: