Սիրանուշ․

Բարև Ձեզ։

Սոցապ նախարարության միջնորդությամբ աշխատանք գտնելիս արդյո՞ք աշխատավարձի հարկերը վճարում է պետությունը։

Աննա․

Բարև Ձեզ: Աշխատողը գտնվում է հերթական արձակուրդի մեջ, նրա պարտականությունները դրվել են կազմակերպության այլ աշխատողի վրա հրամանով: Աշխատողի հետ պե՞տք է կնքվի համաձայնագիր, թե՞ հրամանը բավարար է: Եթե այո՝ խնդրում եմ ուղարկեք ինձ համաձայնագրի ձև:

Հերմինե․

Բարև Ձեզ, խնդրում եմ հուշել՝ արդյո՞ ք կարող է վեցօրյա աշխատանքային շաբաթվա դեպքում աշխատողի արձակուրդը սկսվել/ավարտվել շաբաթ օրով, թե՞ պետք է սկսվի/ավարտվի երկուշաբթիից վինչև ուրբաթ որևէ օրով: Կանխավ՝ շնորհակալություն:

Կարեն․

Բարև Ձեզ։ Ընկերության տնօրենը բանկից արտարժույթ է կանխիկացրել, հետո այդ գումարը փոխանակման կետում դրամի է փոխարկել։ Արդյո՞ք դա կանխիկի խախտում է համարվում։

Եվա․

Բարև Ձեզ, խնդրում եմ կասե՞ք՝ ինչպե՞ս գտնել հաշվապահի լիցենզավորման համար քննությունների հարցերը։

Լիանա․

ԱՁ-ն աշխատում է շրջանառության հարկի համակարգում, ստացել է ՏՏ հավաստագիր։ Հարկային արտոնությունից օգտվելու համար պետք է անցնի ընդհանուր հարկման դաշտ։ Աշխատողներ չունի։ Այս դեպքում չի ունենում ԱԱՀ-ի և շահութահարկի վճարման պարտավորություն, ճի՞շտ է։

Նունե․

Բարև Ձեզ։ ԱՁ-ն ունի փոքր խանութ, որտեղ միայն POS տերմինալ կա, և չի վաճառում ծխախոտ և ալկոհոլային խմիչքներ, հսկիչ նշաններով դրոշմավորված ապրանքների տեղեկատվությունը ինչպե՞ս փոխանցի ՊԵԿ։

Գոհար․

Բարև Ձեզ։

ՀՀ տարածքում բեռնափոխադրում կատարելու համար հարկային ո՞ր դասակարգչով պետք է գրանցվեմ։

Արթուր.

Միկրոձեռնարկատիրության աշխատողին արդյո՞ք հասնում է նպաստ և ամենամյա արձակուրդ: Խնդրում եմ ուղարկել նաև հղում:

Աննա.

Հարգելի հաշվապահներ, կասե՞ք խնդրեմ. կազմակերպությունն աշխատում է շրջ. հարկով, և ֆիզ անձը՝ անհատը, տվյալ կազմակերպությունում իրականացրել է շարժիչի նորոգում։ Կասեք խնդրեմ, պե՞տք է ֆիզ անձին ընդունել աշխատանքի, թե՞ քաղաքացիաիրավական, այսինքն՝ ծառայությունների մատուցման պայմանագիր կնքել: Կանխավ շնորհակալ եմ:

Արտավազդ.

Բարև Ձեզ: ԱՁ-Ն միկրոյի դաշտում է աշխատում և ցանկանում է նաև իրականացնել կոսմետոլոգիական ծառայություններ, նախատեսվում է տեղադրել էլոս մազահեռացման սարք։

1. Արդյոք այս դեպքում կարո՞ղ ենք աշխատել միկրոյով։
2. Արդյո՞ք պետք է լիցենզիա։
3. Եթե աշխատողն է իր հետ բերում սարքը և լիցենզիա ունի, այս դեպքում ինչպե՞ս վարվել։

Նունե․

Հարգելի հաշվապահներ, խնդրում եմ բացատրեք՝ ի՞նչ պիտի անի ԱՁ-ն հսկիչ նշաններով դրոշմավորված ապրանքների վաճառքի դեպքում, որ ասվում է՝ հսկիչ նշանների վերաբերյալ տեղեկատվություն են փոխանցելու միասնական շտեմարան։

Ալլա․

Բարև ձեզ, խնդրում եմ օգնել լուծել հետևյալ խնդիրը․

Պահանջվում է որոշել ձեռք բերված սարքավորման սկզբնական արժեքը և ձևակերպել գործառնությունները։

Տվյալներ. կազմակերպությունը ձեռք է բերել սարքավորում, որի դիմաց հաշվարկային հաշվից վճարել է 489 600 դրամ, ներառյալ ԱԱՀ-ն: Սարքավորումը տեղափոխել է տրանսպորտային կազմակերպությունը։ Տեղափոխման արժեքն է 48 000 դրամ, ներառյալ՝ ԱԱՀ-ն: Տեղափոխման վճարումն իրականացվել է հաշվարկային հաշվից։ Սարքավորման տեղակայման համար օգտագործվել են նյութեր՝ 12 500, բանվորներին հաշվարկվել է աշխատավարձ 58 000 դրամի չափով։ Տեղակայված սարքավորումը հանձնվել է շահագործման։

Դիտել այլ հաշվապահական խնդիրներ

Եվա․

Եթե կազմակերպությունում աշխատողների թիվը չի գերազանցում 3-ը, բայց ունի գրանցված գանձապահ-վաճառողուհի պաշտոնով աշխատակից, այս դեպքում պարտադի՞ր է 30% հավելում տալ աշխատողին։

Արմեն․

Հարգելի հաշվապահներ, խնդրում եմ պատասխանել․ ի՞նչ հարկեր և տուրքեր պետք է վճարել երրորդ երկրից էլեկտրական մեքենա ներմուծելու համար, և ի՞նչ արտոնություններ կան դրա հետ կապված։ Շնորհակալություն։

Վարդան․

Բարև ձեզ։ Չինաստանից 1 անգամյա երկաթե և լամինատե շիանարարական ապրանք ներմուծելու դեպքում, որի արժեքը մոտ 2 600 դոլար է կազմում, ինչպե՞ս է մաքսազերծվում։ Նախապես շնորհակալություն։

Վազգեն․

Բարև Ձեզ։ Բավականին մեծ գերավճար ունեմ ԱՁ-իս դրոշմանիշային վճարի համար (տեսնում եմ հաշվետվությունների ներկայացման էլեկտրոնային համակարգում)։ Կցանկանայի իմանալ՝ գանձումը ե՞րբ է կատարվում, որպեսզի իրական գերավճարի չափը հասկանում։ Վճարը կուտակվել է գրանցված երկու աշխատողների և ԱՁ-ի դրոշմանիշային վճարումների համար։

Լալա․

Բարև Ձեզ։ Ա/Ձ-ն անշարժ գույք է անհատույց վարձակալել ֆիզ․ անձից (արտադրամաս, խանութ)։ Կնքվել է պայմանգիր առանց նոտարական վավերացման։ Խնդրում եմ գրեք՝ կա՞ն ֆինանսական կամ վարչական օրենքների խախտումներ կապված 1․ պայմանագրի անհատույց լինելու 2․ պայմանագրի նոտարական վավերացում չունենալու հետ։ Եթե այո, ապա խնդրում եմ նշել հղումները։

Նարեկ․

Հարգելի հաշվապահներ, խնդրում եմ օգնել տալ հաշվապահական ձևակերպումները ոչ ռեզիդենտից ստացված ծառայությունների մասով, օրինակ՝ 01․09․2023-ին ստացվել է ծառայություն ոչ ռեզիդենտ կազմակերպությունից՝ 100 դոլար արժեքով, վճարվել է քարտով 01․09․2023-ին 100 դոլար, ինքնահաշիվ դուրս է գրվել 07․09․2023-ին, խնդրում եմ տալ հաշվապահական ձևակերպումները և պատասխանել հարցին՝ ո՞ր փոխարժեքով արժեքը հիմք վերցնել ծառայությունը ծախս ճանաչելու համար՝ ինքնահաշվի փոխարժեքը, թե՞ վճարման օրվա փոխարժեքը։

Սոֆյա․

Հարգելի հաշվապահներ,

1 .Նորաբաց ՍՊԸ-ն շրջ հարկով պետք է աշխատի, անկանխիկ։ Պե՞տք է արդյոք ձեռք բերի դրամարկղային գիրք, եթե 2024թ-ից օնլայն է լինելու:

2. Գործունեությունը նկարչական դասընթաց և նկարներ նկարել վաճառելը քանի՞ % է հարկվելու, գործունեության ծածկագրերը տարբե՞ր պետք է լինեն, թե՞ նույնը:

Շնորհալակություն։

Հայկ․

Բարև ձեզ: Խնդրում եմ հուշել, եթե աշխատակիցը գտնվում է արձակուրդում, և նրա պարտականությունները այդ ընթացքում դրվում են մեկ այլ աշխատակցի վրա, ապա տնօրենի հրամանը բավարա՞ր է, թե՞ փոխարինող աշխատակցի հետ պետք է ունենալ նաև համաձայնագիր: Նախապես շնորհակալություն։

Գայանե․

Բարև Ձեզ։ Եթե վերջնահաշվարկ եմ կատարում, միջին օրականը հաշվարկելիս մայրության նպաստը ընդգրկվու՞մ է հաշվարկի մեջ: Կանխավ շնորհակալ եմ։

Թինա․

Բարև Ձեզ, հարգելի հաշվապահներ։ Կազմակերպության աշխատակիցն իր անձնական բանկային քարտի միջոցով վճարում է կատարել խանութում, և ՀԴՄ-ի վրա նշվել է կազմակերպության ՀՎՀՀ-ն։ Այս դեպքում առհաշիվ անձին փոխանցում կատարելը անկանխիկի օրենքի խախտում չի՞ համարվի։

Աննա․

Բարև Ձեզ, խնդրում եմ օգնել տալ հաշվապահական ձևակերպումներ ՀԾ-ում հետևյալ գործարքների համար․ ՍՊԸ-ն ստացել է վարկ, այնուհետև այդ վարկը տոկոսով փոխառություն է տվել ֆիզ. անձի, ինչպես նաև հետագա վարկի տոկոսի ծախսի և փոխառության տոկոսի եկամուտի ձևակերպումները: Կանխավ շնորհակալություն:

Սոֆյա․

Հարգելի հաշվապահներ, աշխատակիցը վերադարձել է երեխայի խնամքից, և այս ընթացքում աշխատանքի վճարման էական փոփոխություններ են տեղի ունեցել: Արդյո՞ք ճիշտ է նոր պայմանագիր կապել աշխատակցի հետ՝ պայմանագրի սկիզբը նշելով խնամքի արձակուրդից վերադառնալու օրը:

Լիա․

Բարև ձեզ, Upwork-ում ֆրիլանսեր եմ աշխատում, անգլերեն եմ դասավանդում: Կայքում ասվում է, որ VAT ID պիտի լրացնեմ ու ՀՀ օրենքներով ավելացված արժեքի հարկ վճարեմ: Արդյո՞ք տրամաբանական է, ու ի՞նչ ընթացակարգի պիտի հետևեմ հարկայինում:

Սոֆյա․

Բարև Ձեզ: Հարգելի հաշվապահներ, ծառայության մատուցման համար (օտար լեզվի դասընթաց) բավարար կլինի՞ միայն հաշիվ գրել, թե՞ պայմանագիրը պարտադիր է:

Էլինա․

Հարգելի հաշվապահներ, խնդրում եմ օգնեք՝ արդյո՞ք անհրաժեշտ է ուենալ հաստիքացուցակ, ի՞նչ պայմանների դեպքում է հաստատվում նորը։ Օրինակ, եթե մի աշխատողի աշխատավարձ է ավելացել, արդո՞ք պետք է կազմել նոր հաստիքացուցակ։ Ճի՞շտ եմ հասկանում, որ ամեն տարվա սկզբում է հաստատվում հաստիքացուցակը։ Որոնումների արդյուքում տեսնում եմ միայն դպրոցների և մանկապարտեզների հաստիքացուցակ։ Կարո՞ղ է մեկը առևտրային գործունեությամբ/ծառայությունների մատուցմամբ զբաղվող ՍՊԸ-ի հաստիքացուցակի օրինակ ուղարկի, շնորհակալ կլինեմ։

Կարեն․

Բարև Ձեզ։ Վերո համակարգում գրանցումներ չկատարելը ինչքա՞ն տուգանք է առաջացնում։ Կաս՞եք՝ ո՞ր հոդվածը կարդամ։

Ընկերություն՝ ԷկոՎիլ արևային տեխնոլոգիաներ
Էլ․ փոստ՝ hr@ecoville.am

Թափուր աշխատատեղ՝ Ավագ հաշվապահ

Աշխատանքային պարտականություններ՝

• Հաշվապահական փաստաթղթերի կազմում,
• Ստացած ծառայությունների, ապրանքների ներմուծման փաստաթղթերի ձևակերպում,
• Հիմնական միջոցների ձևակերպում և հաշվառում,
• Դեբիտորական, կրեդիտորական պարտքերի հաշվառում,
• Կազմակերպության աշխատակազմի հետ կապված բոլոր ծախսերի հաշվարկում և ձևակերպում /աշխատավարձ, պարգևատրումներ, արձակուրդայիններ, նպաստներ, տրանսպորտային, գործուղման ծախսեր/,
• Հարկային հաշվետվությունների կազմում:

Պահանջվող որակավորում՝

• Բարձրագույն կրթություն,
• Հարկային և աշխատանքային օրենսգրիքի լավ իմացություն,
• Հաշվապահական հաշվառման մասին ՀՀ օրենքի իմացություն,
• Ֆինանսական հաշվառման վարման ձևերի և կարգի, հաշվապահական ընթացակարգերի, օրենքների, կանոնակարգերի, և ստանդարտների իմացություն,
• MS Office-ի, ՀԾ Հաշվապահ-7 ծրագրի իմացություն, 1C  ծրագրի իմացությունը կդիտվի որպես առավելություն,
• Նվազագույնը 3 տարվա փորձի առկայություն տվյալ ոլորտում,
• Թիմային աշխատանքի կարողություն:

Հետաքրքրված անձինք կարող են ուղարկել իրենց ռեզյումեն hr@ecoville.am  էլ.փոստի հասցեին` (subject) վերնագիր տողում պարտադիր նշելով «Ավագ հաշվապահ»  անվանումը: 

Ընկերություն՝ Նարինջ Ֆրութ ՍՊԸ
Հասցե՝ Արմավիր գ․ Գայ (Մեյմանդարի շուկա)
Հեռախոս՝ 077282918
Էլ․ փոստ՝ njdehakobyan@mail.ru
Թափուր աշխատատեղ՝ Հաշվետար-գանձապահ
Աշխատանքի նկարագրություն՝ Կատարել հաստիկից բխող առաջադրանքներ, կանխիկ գումարի հետ աշխատանք, դրամարկղի վարում։
Պահանջներ՝ Ունենալ նվազագույնը 6 ամսվա աշխատանքային փորձ, լինել պարտաճանաչ, թիմում աշխատելու ունակություն
Աշխատավարձ՝ 200,000-ից սկսած

Վազգեն․

Բարև Ձեզ, կցանկանյի իմանալ՝ արդյոք կա՞ վերջնական օրինական որոշում, թե ովքեր պետք է մյուս տարի եկամուտների հայտարարագիր ներկայացնեն։ Տարբեր կայքերով տարբեր ինֆորմացիաներ եմ տեսնում, բայց որոշում չեմ գտնում։

Լևոն․

Բարև ձեզ, ցանկանում եմ էլեկտրական կիթառ պատվիրեմ Գերմանիայից, արժեքը մոտ 960€, ուզում են իմանալ՝ բացի 200 000 դրամի շեմը անցնելու վճարից ուրիշ վճարի կարիք կա՞, թե՞ ոչ, (քաշը մոտ 6 կգ, չափսերը 80,50,15 սմ.), մերսի։

Սուսաննա․

Բարի օր, հարգելի հաշվապահներ: Բոլորս էլ տեղյակ ենք, որ շուտով դպրոցներում հաշվապահները կրճատվելու են, և հաշվապահությունը պատվիրակվելու է որևէ կազմակերպության, ով կհաղթի մրցույթը: Ես ինքս ունեմ Ա/Ձ, բայց ուրիշ դասակարգիչով: Հարցս հետևյալն է: Ինչպե՞ս կարող եմ ես որպես կազմակերպություն մասնակցել մրցույթին: Պե՞տք է լիցենզիա ունենամ, և եթե այո, ինչպե՞ս կարող եմ ձեռք բերել:

Նելլի․

Բարև Ձեզ, խնդրում եմ կասե՞ք՝ եթե ֆիզ․ անձը ԵԱՏՄ-ից մեքենա է ներմուծել մեկ տարվա ընթացքում 2-րդ անգամ, ինչ որ հաշվետվություն պե՞տք է ներկայացնի ԱԱՀ-ն վճարելու համար, նշեմ նաև, որ ֆիզ անձը նայև անհատ ձեռնարկատեր է։

Լուսինե․

Բարև Ձեզ, հարգելի հաշվապահներ։ Կօգնե՞ք գործունեության տեսակի դասակարգիչն որոշել: ՍՊԸ-ն զբաղվում է մոխիտո-գազավորված ըմպելիքի արտադրությամբ: C11.07.2 գործունեության տեսակը կհամապատասխանի՞։

Համազասպ․

Անհատ ձեռներեցը Ռուսատանի Դաշնությունից մեքենա ներմուծելու դեպքում ի՞նչ վճարներ պետք է կատարի։ Շնորհակալություն։

Անուշ․

Բարև ձեզ, հարգելի հաշվապահներ։ ԱԱՀ-ով աշխատող ՏՏ ընկերությունը մասնակցում է պատերազմի մասնակիցների մասնագիտական ուսուցման և աշխատանքով ապահովման ծրագրին։ Ծրագրի շրջանակներում շահառուն ուսման վարձը փոխանցում է ընկերությանը, իսկ Միասնական սոցիալական ծառայությունը գումարը փոխհատուցում է շահառուին։ Հարցս հետևյալն է՝ արդյո՞ք պետք է գրել հարկային հաշիվ շահառուին, և այդ գումարը ԱԱՀ-ով հարկվելու՞ է։

Եվա․

Բարև Ձեզ, խնդրում եմ կասե՞ք՝ եթե կազմակերպությունը ֆիզ․ անձին փոխառություն EUR -ով է տվել, դրանից ի՞նչ հետևանքներ են առաջանում, տուգանքը ինչքա՞ն է, Արտարժույթի օրենքի խախտում է ստացվու՞մ է։

Արթուր․

Բարև Ձեզ։ Կազմակերպությունը զբաղվում է փաստաբանական ծառայությունների մատուցմամբ։

1. Արդյո՞ք կարող ենք աշխատել միկրոյով

2. Արդյո՞ք POS տերմինալը պարտադիր է, եթե մենք այդ գործունեությունը իրականացնում ենք պայմանագրերով, այսինքն՝ պայմանագիր կնքում ենք, ու կատարվում է փոխանցում անմիջապես

Մերի․

Բարև Ձեզ, խնդրում եմ օգնեք, հարցս հետևյալն է. Ինչպե՞ս կարող եմ չեղարկել հրամանը և ԱՕ-ի ո՞ր հոդվածը կարող եմ դնել հրամանի մեջ որպես հիմք:

Վազգեն․

Բարև Ձեզ։ Ծավալելու եմ ֆրիլանս գործունեություն Upwork հարթակում և ցանկանում եմ աշխատել որպես ԱՁ շրջանառության հարկի համակարգում։ Ունեմ մի քանի հարց ընդհանուր պրոցեսի վերաբերյալ։ Կնկարագրեմ գործընթացը իմ պատկերացմամբ՝ ընթացքում ներկայացնելով հարցերը։

Նախատեսում եմ Հայ Փոստի գրասենյակում հաշվառվել որպես ԱՁ։ Քանի որ աշխատելու եմ տանից, հասցեն կարող եմ ուղղակի նշել իմ գրանցման հասցեն, չէ՞։ Նաև գրանցումից հետո ինչպես եմ ստանալու ՀՎՀՀ-ն և taxservice մտնելու կոդերը։

Ծառայությունների գումարը անմիջապես ստանալու եմ հաշվիս ինչ-որ ժամանակը մեկ, և այդտեղ ՀԴՄ-ով գործառույթ հնարավոր չէ, ինչպե՞ս եմ եկամուտը արտացոլելու և ի՞նչ փաստաթղթաշրջանառություն պետք է անեմ։

Եվ վերջին հարցը հաշվետվությունների մասով։ Պետք է ուղարկեմ շրջհարկով աշխատելու հայտ, որի համար կա նախկին տարվա եկամուտների շեմ։ Քանի որ նոր եմ սկսում, սա հավանաբար արդիական կլինի մյուս տարվանից չէ՞։ Նաև կասե՞ք՝ որքան է շեմը։

Պետք է ուղարկեմ եռամսյակային հաշվետվություններ և ամեն տարվա սկզբում նորից շրջհարկի հայտ, նաև ԱՁ-ի սոցվճարի և շահութահարկի հաշվետվությունները (ամսական 5-5 հազարականների մասով)։ Որևէ բան բաց թողե՞լ եմ։

Քրիստինե․

Բարև Ձեզ։ Ա/Ձ-ն միկրոյով է աշխատում, կար ու ձև է անում։ Իր կարի մեքենան վաճառել է ինչ որ Հասարակական Կազմակերպության։ Ես հաշիվ պիտի դուրս գրեմ կարի մեքենայի վաճառք (հիմնական միջոց)։ Եկամտային հաշվարկի մեջ ցույց տա՞մ իմ վաճառած հիմնական միջոցը և 10% հարկ։

Կարապետ․

Խնդրւմ եմ ասեք՝ ՀՀ հարկային օրենսդրությունով պարտադի՞ր է հանձնման-ընդունման ակտի թղթային տարբերակի առկայությունը, թե՞ կարող ենք ստորագրություններն ու կնիքները կազմակերպել էլեկտրոնային՝ էլ․ փոստով միմյանց ուղարկելու միջոցով։

Նարե․

Բարև Ձեզ։ Հարգելի հաշվապահներ, եթե կազմակերպության աշխատողին փոխանցվել է գումար կազմակերպության մեքենայի նորոգման համար, ինչպե՞ս պետք է կազմել առհաշիվի հաշվետվություն, եթե բոլոր ծառայություններն ու ապրանքները ձեռք են բերվել շուկայից առանց ՀԴՄ կտրոնների։

Արման․

Հարգելի գործընկերներ, արդյո՞ք ճիշտ է, որ շրջանառության հարկը չեղարկվելու է մոտ ապագայում։ Ի՞նչ փոփոխություններ են սպասվում դրա հետ կապված։ Ի՞նչ հարկային համակարգ է լինելու շրջանառության հարկի փոխարեն։

Լիլիթ․

Եթե տարածքի սեփականատերը անշարժ գույքի վարձակալության պայմանագիր չի կնքում, այդ պարագայում ո՞վ է պատասխանատվություն կրում՝ վարձակա՞լը, թե՞ վարձատուն։

ԱՁ-ն իր արտարժույթի հաշվին նստած ռուբլին, որը ստացել է ծառայությունների մատուցումից, կարո՞ղ է ելք անել իր ֆիզանձի արտարժույթի հաշվին, և հաշվապահորեն ի՞նչ ձևակերպում տալ:

Հագելի հաշվապահներ, չե՞ք ասի` ԱՁ-ն շահաբաժին ստանում է, թե ոչ։ Եվ եթե ստանում է, եկամտային հարկը 5%՞ է։

Տիգրան․

Բարև Ձեզ, այսպիսի մի հարց ունեմ։ Եթե ԱՁ-ն տանը պատրաստում է բուրգեր, սենդվիչ, ֆրի և այլ նմանատիպ սնունդ և վաճառում է միայն Գլովոյի միջոցով՝ այսինքն պատվերը ստանում է, և Գլովոյի առաքիչը գալիս է և տանում սնունդը գնորդին, հետն էլ կարող է պատվիրեն Ֆանտա, Կոկա-կոլա և այլ ըմպելիք։ Սպասարկման սրահ չունի և տեղում գնորդը սնունդ չի առնում իրենից։ Հիմա այդ գործունեությունը հանրային սնունդ է, թե՞ արտադրություն և հյութերի մասով առևտուր։