Նարինե.

Խնդրում եմ պատասխանեք հարցիս: Եթե աշխատողը գտնվում է ֆիզ. արձակուրդի մեջ, և 3 տարին լրացել է, բայց երեխան ունի առողջական խնդիրներ, սակայն ներկայացրել է բժշկական փաստաթուղթ, կարո՞ղ է արդյոք աշխատողը երկարացնել իր ֆիզ. արձակուրդը:

Armine.

Բարև, հարգելի կոլեգաներ: Հարցս հետևյալն է` 2 անհատ հիմնել են ՍՊԸ (50-50%), և հիմա անհրաժեշտ է աշխատանքային պայմանագրեր կնքել նրանց հետ` մեկը որպես տնօրենի, մյուսը` որպես ֆինանսական տնօրենի հետ: Կասեք խնդրեմ, եթե երկուսն էլ հանդիսանում են հիմանադիրներ, ինչպե՞ս են կնքելու աշխատանքային պայմանագիր, եթե կարելի է, ուղարկեք պայմանագրի օրինակելի ձև իմ հասցեին khachatryan20 շնիկ rambler.ru

Sweet.

Բարև ձեզ, սիրելի հաշվապահներ: Ես սկսնակ հաշվապահ եմ, խնդրում եմ օգնել հետևյալ հարցում: Ի՞նչ պարտադիր փաստաթղթեր է հարկավոր փակցնել ՍՊԸ-ի գործունեության հասցեում, որոնք ենթակա են հարկային տեսչության մարմինների կողմից ստուգման: Արդեն փակցրված են “Օրինակելի ձև հարկ վճարողի կողմից տեղեկություններ փակցնելու հայտարարությունը” և “Ոգելից/ալկոհոլային խմիչք և ծխախոտ վաճառելու թույլտվությունները”: Խնդրում եմ օգնեք ինձ լրացնել այլ անհրաժեշտ փաստաթղթեր, եթե դրանք կան: Նախապես շնորհակալ եմ:

Աննա.

Բարև ձեզ: Ես ունեմ նոր բացված ՍՊԸ, բայց դեռ չենք աշխատում: Ի՞նչ գրություն պետք է ներկայացնենք հարկային տեսչություն:

Arman.

Բարև ձեզ: Խնդրում եմ շտապ պատասխանեք` ամենաառաջնայինը պետք է վճարել փոխառությա՞ն, թե՞ հիմնադիրների շահաբաժինների գումարը: Շնորհակալություն:

Արամ.

Կազմակերպությունը վարձակալել է մարդատար ավտոմեքենա, ձեռք է բերել վառելիք, ավելի ճիշտ` վառելիքի կտրոններ, և ծախս է ճանաչում այդ վառելիքը` կազմելով երթուղային թերթիկ և նշելով մեքենայի վազքն ու վառելիքի համապատասխան ծախսը: Հարցը հետևյալն է` մի՞թե չկա որևէ սահմանափակում, նորմա, ինչպես օրինակ օրապահիկի դեպքում (որոշում N 2335-Ն) վառելիքի ծախսի համար: Այդ դեպքում երևի ծախս պետք է ճանաչել ողջամտությա՞ն սահմաններում: Չէ՞ որ կազմակերպության տնօրենը կարող է մեքենան վարել անձնական նպատակներով` դուրս գրելով հարկվող շահույթի հաշվին վառելիք:

Սոս.

Հարգելի հաշվապահներ, արդյո՞ք դաջվածքի և մարմնի մերսման ծառայությունները հարկվում են արտոնագրային վճարով:

Arevik.

Բարև Ձեզ:
Հարգելի հաշվապահներ, այսպիսի մի հարց ունեմ: Արդյո՞ք տարվա կտրվածքով միջին աշխատավարձը հաշվելիս պետք է հանել այն 20 օրվա դիմաց ստացած գումարը, որ աշխատողը եղել է հերթական արձակուրդում:
Կանխավ շնորհակալություն:

Ռազ.

Բարև ձեզ, հարգելի հաշվապահներ: Խնդրում եմ, օգնեք ինձ մի հարցով: Ցանկանում եմ խանութ բացել` տնտեսական ապրանքներ, բանջարեղեն ու միրգ վաճառելու նպատակով: ԱԱՀ-ով չեմ աշխատելու: Ցանկանում եմ իմանալ` ի՞նչ հարկատեսակներ եմ վճարելու: Որպես ԱՁ գրանցվե՞մ, թե՞ ՍՊԸ հիմնադրեմ: Այսինքն` որո՞վ է ձեռնտու աշխատել՝ հարկեր քիչ վճարելու առումով: Խնդրում եմ, պարզաբանեք ԱՁ-ի և ՍՊԸ-ի տարբերությունը:

Արմեն.

Բարև ձեզ: 29.05.2012-ին ինտերնետով (ebay) գնեցի պրոյեկտոր և մաքսազերծեցի: Հիմա ես նույն կերպ մի քանի ապրանքներ եմ գնել, որոնց ընդհանուր գումարը կազմում է 20 000 – 25 000 դրամ: Խնդրում եմ ասել, արդյո՞ք այդ ապրանքները ենթակա են մաքսազերծման: Կանխավ շնորհակալություն:

Աննա.

Հարգելի հաշվապահներ, խնդրում եմ, ուղղություն տվեք՝ ո՞ր օրենքներով առաջնորդվեմ դպրոցի և մանկապարտեզի հաշվապահություն վարելիս: Խնդրում եմ, պարզաբանեք առանձնահատկությունները, ինչպես նաև փաստաթղթավորման հետ կապված հարցերը:

Շնորհակալություն:

Lusin.

Հարգելի հաշվապահներ, ի՞նչ գիտեք Հայաստանի հաշվապահների և աուդիտորների ասոցիացիայի մասին: Ի՞նչ կարող է տալ գործող հաշվապահին վերջինիս անդամագրվելը: Շնորհակալ կլինեմ արձագանքների համար:

Մնաց.

Բարև ձեզ:
Մեկ շաբաթից ավելի է ընդունվել եմ աշխատանքի կազմակերպությունում, սակայն աշխատանքային պայմանները ինձ համար անընդունելի են, և ցանկանում եմ լուծել իմ աշխատանքային պայմանագիրը: Վերջինիս օրինակը ինձ չի տրամադրվել: Դեռևս չեմ ստացել աշխատավարձ: Խնդրում եմ ասեք` ի՞նչ է պետք անել պայմանագրի լուծման համար: Ի՞նչ խնդիրներ կարող են ծագել: Նաև կխնդրեի պարզաբանել աշխատավարձի և վերջնահաշվարկի հետ կապված հարցերը:

Հասմիկ.

Եթե աշխատողը աշխատել է 6 ամիս, ապա գնացել է 20 օր արձակուրդ` 1 տարվա համար նախատեսված, այնուհետև արձակուրդից վերադառնալուց հետո ազատվել է աշխատանքից, արդյո՞ք արձակուրդայինի վերահաշվարկը պարտադիր է, և եթե չկատարվի վերահաշվարկ, ապա ի՞նչ կլինի: Կանխավ շնորհակալ եմ:

Lilu.

Եթե ուսուցիչը ներկայացրել է ծննդաբերության թերթիկ, կարո՞ղ եմ 140 օրը լրանալուց հետո վճարել իր հերթական արձակուրդը:

Մարինե.

ԱՁ եմ, աշխատողս ներկայացրել է ֆիզ. արձակուրդի անաշխատունակության թերթիկ: Խնդրում եմ պատասխանել` ի՞նչ և որտե՞ղ պետք է լրացնել և ու՞ր ուղարկել: Աշխատողը ընդունվել է աշխատանքի 01.01.2012թ. և ամսական աշխատավարձը 40 000 դրամ է: Ֆիզ. արձակուրդում է 01.08.2012թ.-ից: Աշխատանքային շաբաթը հնգօրյա է:

Հասմիկ.

Բարև ձեզ: Ինչպե՞ս է ճիշտ վարվել, երբ առաքման գիրքը օրենքը փոխվելուց հետո չի փոխվել և շարունակվել է լրացվել մինչ օրս:

Ա.Մ..

Խնդրում եմ պատասխանեք հետևյալ հարցին.

Եթե կազմակերպությունը 2010թ-ին եղել է ԱԱՀ չվճարող, այդ ԱԱՀ վճարող չհամարվելու ժամանակահատվածում ունեցել է ձեռք բերումներ, 2012թ-ից արդեն համարվում է ԱԱՀ վճարող, արդյո՞ք ես կարող եմ այդ 2010թ-ի ձեռք բերված ԱԱՀ-ները հաշվանցեմ 2012 թ-ին:

Հայկ.

Հարգելի գործընկերներ, արդյո՞ք կազմակերպությունը կարող է փոխառություն ստանալ արտարժույթով: Գումարը մուտք է լինելու կազմակերպության արտարժութային հաշիվ անմիջապես փոխառություն տրամադրողից: Նախապես շնորհակալություն պատասխանի համար:

Ռոման.

Հարգելի մասնագետներ, խնդրում եմ ինձ ասեք` եթե իմ աշխատողը հուլիսի 6-ից գտնվում է հիվանդանոցում, ու նրա բուժումը մինչև օգոստոս շարունակվելու է, ինչպե՞ս հաշվարկեմ անաշխատունակության նպաստը: Կանխավ շնորհակալություն:

Hayk.

Հարգելի հաշվապահներ, եթե կազմակերպությունը ֆիզ. անձից գույք է գնում պայմանագրով և վճարում նրան հունիս ամսին, իսկ եկամտահարկը վճարվում է հուլիսին, հաշվետվության մեջ ո՞ր ամսով պետք է երևա գործարքի գումարը և ո՞ր հաշվով պետք է փոխանցվի եկամտահարկը:

Arman.

Հարգելի հաշվապահներ, խնդրում եմ պատասխանեք` տարվա վերջում առաջացած շահույթն ամբողջովին ենթակա՞ է վճարման որպես շահաբաժին: ՍՊԸ-ն չունի հիմնադիրների որոշում 2010 տարվա շահաբաժինը բաշխելու վերաբերյալ, շահաբաժիններ չեն վճարվել: Այս դեպքում ես ի՞նչ պետք է անեմ: Ես կարո՞ղ եմ մոռանալ այդ գումարի մասին, թե՞ ստուգման ժամանակ կարող եմ տուգանվել: Շնորհակալություն:

Նարինե.

Հարգելի հաշվապահներ, խնդրում եմ օգնել` ՍՊԸ աշխատողին քանի՞ արձակուրդային օր է հասնում:

Արման.

Նոր գրանցել եմ Ա/Ձ, այն դեռևս չի գործում: Մինչև գործունեությունը սկսելը ի՞նչ քայլեր պետք է կատարեմ պետական մարմինների հետ կապված: Ա/Ձ-ն գրանցված է Երևանի Կենտրոն համայնքում, խնդրում եմ, եթե հնարավոր է մանրամասն տեղեկացրեք, թե ուր պետք է գնամ (ցանկալի է` նշելով հասցեն) և ինչ փաստաթղթեր ներկայացնեմ: Ա/Ձ-ի գործունեությունը սկսելուց հետո ես բնականաբար կունենամ հաշվապահ, իսկ մինչ այդ խնդրում եմ Ձեր օգնությունը: Կանխավ շնորհակալ եմ:

Տաթևիկ.

Բարեվ Ձեզ: Ցանկանում եմ սովորել հաշվապահություն: Հետաքրքրված եմ IAB Centre կամ IATC ուսումնական կենտրոններով: Շատ շնորհակալ կլինեմ, եթե խորհուրդ տաք, թե որտեղ կարող եմ դիմել: Եթե կլինեն այլ առաջարկներ, որտեղ կազմակերպվում են հաշվապահության որակյալ դասընթացներ, խնդրում եմ նշեք: Կանխավ շնորհակալ եմ:

Վալյա.

Բարև ձեզ: Քաղաքացիաիրավական պայմանագրերով կատարված աշխատանքի ժամանակահատվածը աշխատանքային ստաժ համարվու՞մ է, աշխատանքային գրքույկում լրացում կարելի՞ է կատարել, թե՞ ոչ:

olivia.

Արդյո՞ք համատեղությամբ աշխատողներին հասնում և վճարվու՞մ է ամենամյա հերթական արձակուրդը, և քանի՞ տեղից:

em.

Խնդրում եմ ինձ օգնել հետևյալ հարցում. կազմակերպությունը (մաքսային պահպանություն) արդեն գործում է մեկ տարի, շահույթ տարվա վերջում չի եղել: Այժմ 4 պահակներից մեկի պետք է ուղարկենք արձակուրդ: Աշխատում են 8 – ժամյա ռեժիմով ամբողջ օրը: Այժմ նախատեսել եմ որևէ պահակի արձակուրդի գնալուց նոր պահակ չնդունենք: Կկազմեմ 16-ժամյա աշխ. գրաֆիկ, մեր աշխատանքի ավարտից` 17:00-ից մինչև հաջորդ օրը 9:00: Հարցս կայանում է նրանում, թե ես իրավունք ունե՞մ ադմինիստրացիայի աշխատանքային ժամերին պահակ չունենալ: Կարո՞ղ է դրա հետ կապված խնդիր ունենանք, որ պահակ չենք ունեցել այդ ժամերին: Որևէ օրենք կա՞ դրա հետ կապված, որտեղ նայեմ: Շնորհակալ եմ:

Նանա.

Բարև Ձեզ, ինձ հետաքրքրում է հետևյալը. ենթադրենք աշխատողի հաստիքային դրույքաչափը կազմում է 75000, հերթական ամսում նա աշխատում է 10 օր, որից հետո աշխատանքից ազատվում է, այդ 10 օրվա աշխատավարձն ինչպե՞ս է հաշարկվում:

ԳՈՀԱՐ.

Հարգելի հաշվապահներ, ես աշխատում եմ մի հիմնարկությունում որպես համակարգչային օպերատոր և օրվա ընթացքում ունենում եմ որոշակի ազատ ժամանակ և ուզում եմ արդյունավետ օգտագործեմ այդ ժամանակը հաշվապահություն սովորելու համար: Կարո՞ղ եք արդյոք հուշել` ինչպես կարելի է համացանցի միջոցով սովորել: Նշեք որևէ կայք կամ գրականություն, որից կարող եմ օգտվել: Կանխավ շնորհակալություն:

Աննա.

Հարգելի հաշվապահներ, խնդրում եմ ինձ պատասխանեք, թե ինչպես հաշվարկել հղիության նպաստը, եթե աշխատավարձը վճարվում է ըստ կատարված աշխատանքի (կատարողականով): Մի փոքր օրինակ` ես մայիսին ստացել եմ ընդամենը 13.000 դրամ:

Լուսինե.

Հարգելի հաշվապահներ, կարո՞ղ եք ինձ հուշել` որտե՞ղ կարող եմ գտնել օրապահիկ հասկացության և դրանում ներառվող ծախսերի վերաբերյալ լիարժեք սահմանում: Կանխավ շնորհակալություն:

Կարեն.

Խնդռում եմ ինձ օգնել: Եթե ՍՊԸ-ն վաճառում է հողատարածք իր շինությունով ֆիզ. անձին, ապա այդ դեպքում ի՞նչ գումար է ճիշտ գրել պայմանագրի մեջ, որպեսզի հետագայում 20% ԱԱՀ վճարելիս քիչ վճարվի: Եվ կադաստրայի՞ն արժեքն են հաշվի առնում, թե՞ բալանսայինը:

Ruzan.

Բարև Ձեզ:
Ես գտնվում եմ մինչև 2 տարեկան երեխայի խնամքի արձակուրդում: Ինձ տեղեկացրին, որ հաստիքս կրճատվել է: Հնարավո՞ր է` ես դուրս մնամ աշխատանքից:

Arman.

Բարև ձեզ: Կարո՞ղ եք ինձ օգնել մեկ հարցով` ես իրավունք ունե՞մ կնքել աշխատանքային պայմանագիր` նշելով 50.000 դրամ աշխատավարձ, որից 33.000 դրամ աշխատավարձ + 17.000 դրամ հավելավճար վնասակար աշխատանքի համար: Այսինքն ես կարո՞ղ եմ նշել 33000 դրամ, թե՞ անպայման պետք է նշել 33500 դրամ (նվազագույն 32500+3%): Եկամտահարկի հաշվարկի բլանկի մեջ նշված է մինչև 33500 դրամ, այդ պատճառով ես մտածեցի` միգուցե ես իրավունք չունեմ նվազագույն աշխատավարձի չափը 32.500 նշել աշխատանքային պայմանագրում: Խնդրում եմ շտապ պատասխանեք: Շնորհակալություն:

Սևակ.

Բարև ձեզ: Ինձ շտապ պրոֆեսիոնալ հաշվապահի օգնություն է պետք, նախապես շնորհակալ եմ: Իսկ հարցս հետևյալն է՝ կազմակերպությունը մանկական սնունդ է ներմուծել Հայաստան, ու մաքսային մարմիններին վճարվել են ներմուծված ապրանքների համար հաշվարկված ԱԱՀ-ի գումարները: Այնուհետև համապատասխան դուրսգրման ակտով ժամկետանց լինելու հիմքով ներկրված ապրանքների մի մասը դուրս է գրվել և ոչնչացվել: Կատարված ստուգման արդյունքում կազմվել է ստուգման ակտ, որով արձանագրվել է, որ խախտվել են ԱԱՀ-ի մասին օրենքի 23-րդ հոդվածի վերջին պարբերության պահանջները, և ԱԱՀ հաշվանցված գումարների ճշտում չի կատարվել, ու արդյունքում բյուջե չեն վճարվել ԱԱՀ-ի գումարները, ԱԱՀ-ի հաշվարկ չի ներկայացվել: Խնդրում եմ պատասխանել՝ արդյո՞ք ճիշտ է կազմվել ստուգման ակտը: Չէ՞ որ ընկերությունը դուրս գրված ապրանքների համար ներմուծման ժամանակ արդեն վճարել է ԱԱՀ-ի գումարը, իսկ դուրս գրված ապրանքներով նա ԱԱՀ-ով հարկվող գործարքներ չի կատարել, ու մաքսային մարմիններին վճարված ԱԱՀ-ի գումարը չի վերադարձվել: Դուրս է գալիս՝ ընկերությունը կրկնակի հարկման է ենթարկվում միևնույն ապրանքների համար ընդամենը վերահաշվարկ չներկայացնելու համար:

Շնորհակալ եմ:

Գայանե.

Բարև Ձեզ:
Ես աշխատում եմ համալսարանում, իսկ հիմա աշխատանքի պետք է անցնեմ մեկ այլ կազմակերպությունում: Նոր կազմակերպությունում աշխատանքը պետք է դառնա հիմնական, իսկ համալսարանի աշխատանքը` երկրորդային, համատեղության կարգով: Խնդրում եմ օգնել հետևյալ հարցում`

1. Ինչպե՞ս պետք է կատարվի ընդունման կարգը այդ նոր կազմակերպությունում
2. Ի՞նչ դիմում պետք է գրել
3. Աշխատանքային գրքույկը որտե՞ղ պետք է մնա
4. Իսկ հնարավոր է 1-ին աշխատատեղից չազատվել և 2-րդ աշխատատեղ ներկայացնել նոր գրքույկ

Շնորհակալություն

Սիրուշ.

Հարգելի հաշվապահներ, եթե ՍՊԸ-ի միակ աշխատողը տնօրենն է, արդյո՞ք աշխատաժամանակի հաշվարկի տեղեկագիր (տաբել) պետք է լրացնել, թե՞ ոչ: Շնորհակալություն:

Hayk.

Հարգելի հաշվապահներ, խնդրում եմ պատասխանեք` կարո՞ղ է արդյոք ֆիզ. անձն իր վարձակալած տարածքի մի մասը անհատույց օգտագործման հանձնել կազմակերպությանը: Եվ եթե այո, արդյո՞ք հարկեր կառաջանան: Նախապես շնորհակալ եմ:

էդգար Աբրահամյան.

Բարև Ձեզ:
Եթե 2008 թվականին աշխատանքի ընդունված աշխատակիցը իր դիմումի համաձայն աշխատանքից ազատվում է, քանի՞ օր պետք է աշխատի` 14, թե՞ 30 օր:

Աստղիկ.

Հարգելի կոլեգաներ, խնդրում եմ օգնեք ինձ մի հարցով: ՍՊԸ-ն զբաղվում է անհատական գրքերի պատրաստմամբ և իրացմամբ (անհատական ասելով` հասկանում եմ մեկ անձի համար և մեկ օրինակից` տվյալ անձի պատվերով), բաժակների, այլ սպասքի, ինչպես նաև հագուստի վրա ձեռքի աշխատանքի միջոցով նկարազարդմամբ և իրացմամբ (կրկին անհատական եղանակով): Այս դեպքում հարկավո՞ր է արդյոք պահել առաքման գիրք, արդյո՞ք այս գործունեությունն իրենից չի ներկայացնում ծառայությունների մատուցում:
Կանխավ շնորհակալ եմ:

Արամ.

Հարգելի հաշվապահներ, ես վարում եմ գրախանութի հաշվապահություն և պետք է կազմեմ գրքերի վաճառքի կոմիսիոն պայմանագիր: Սակայն ասացին, որ այժմ “կոմիսիոն պայմանագրի” փոխարեն պետք է կապել “գործակալության պայմանագիր”: Կարո՞ղ եք ինձ օգնել գտնելու այդ երկու պայմանագրերի օրինակելի ձևերը` հանձնման-ընդունման ակտերով: Եթե այո, ապա խնդրում եմ ուղարկեք ինձ` aramsisagro շնիկ yahoo.com
Շնորհակալություն:

Արման.

Ա/Ձ-ն հաշվետու տարում ունեցել է հետևյալ արդյունքը՝ ձեռք է բերել 20 մլն դրամի ապրանք, որից 3 մլն դրամը փաստաթղթավորված չէ, վաճառվել է 15 մլն դրամի, որից ստացված համախառն եկամուտը կազմել է 30 մլն դրամ: Կատարվել է հետևյալ ծախսը` վարձավճար՝ 2.5 մլն դրամ, կոմունալ՝ 800 հազար դրամ, աշխատողի և գործատուի սոց. վճար` 500 հազար դրամ: Որոշել Ա/Ձ-ի կողմից վճարվելիք եկամտահարկի գումարը:

Գոհար.

Հարգելի կոլեգաներ, եթե հասարակական կազմակերպությունը ստանում է դրամաշնորհ, ինչպե՞ս կարելի է հաշվառումը վարել, ինչպիսի՞ առանձնահատկություններ կան, կամ ինձ կարո՞ղ եք գրականություն ցույց տալ, որպեսզի կարողանամ օգտվել:

Եվ հաջորդ հարցը: Եթե ՀԿ-ին գումար են տվել, ենթադրենք էլի դրամաշնորհի նման, միջոցառում կազմակերպելու համար, ասենք “տոլմայի օր”, ինչպե՞ս կարող եմ ծախսեր ցույց տալ, չէ՞ որ ոչ մի գյուղացի գյուղատնտեսական մթերք գնելու համար ՀԴՄ չի տալիս, կամ խուսափում է իր անձնագրային տվյալներն ինձ ասելու, կամ ասենք մասնակիցներին հատկացնում ենք երթուղային տաքսիներ միջոցառման վայր հասնելու համար: Խնդրում եմ օգնել:

Սասուն.

Հարգելի գործընկերներ, ըստ “Արտոնագրային վճարների մասին” ՀՀ օրենքի 7րդ հոդվածի 2րդ կետի արտոնագրային հարկ վճարողները չեն համարվում հարկային գործակալ: Խնդրում եմ պարզաբանեք` Ա/Ձ-ն, որը արտոնագրային հարկ վճարող է և իր տարածքը ձեռք է բերել վարձակալությամբ ինչ որ ֆիզիկական անձից, արդյո՞ք պետք է վարձակալության համար եկամտահարկ վճարի (որպես հարկային գործակալ նկատի ունեմ), թե՞ ոչ: Իսկ ինչպե՞ս կլինի` իր վարձով աշխատողների համար չպե՞տք է աշխատավարձից եկամտահարկի պահում արվի:

Կանխավ շնորհակալ եմ:

ՌԻՏԱ.

Խնդրում եմ ասեք` ո՞րն է հանձնարարության, կոմիսիայի և գործակալության պայմանագրերի միջև եղած տարբերությունը, և որը որ դեպքում է կիրառվում:

Marish.

Սկսնակ հաշվապահ եմ: Հարցս հետևյալն է` հյուրանոցային համալիրը ի՞նչ հարկով է հարկվում և ի՞նչ վճարներ է կատարում: Նախապես շնորհակալություն:

Մերի.

Բարև ձեզ: Ես 2009 թ. նոյեմբերի 9-ին աշխատանքի եմ ընդունվել Երևանի փրկարար ծառայությունում որպես տեխնիկ: 2010թ. սեպտեմբերից գնացել եմ ֆիզ. արձակուրդ, այնուհետև երեխայի խնամքի արձակուրդ: 2011թ. սեպտեմբերից կրկին գնացել եմ ֆիզ. արձակուրդ: Այժմ գտնվում եմ երեխայի խնամքի արձակուրդում, սակայն մեր հիմնարկում տեխնիկի հաստիքը կրճատվում է: Ինձ հետաքրքիր է` ինձ կտեղափոխե՞ն այլ աշխատանքի, և թե որքան ժամանակ չեն կարող ազատել աշխատանքից: Նախապես շնորհակալություն:

Արման.

Բարև ձեզ: Կարո՞ղ եք ինձ ասել` եթե մեր կազմակերպությունը անցնի Պառնաս ծրագրի, ապա այս դեպքում այլևս անհրաժեշտություն չի՞ լինի ներկայանալ Սոցապ անհատական հաշվետվություն հանձնելու համար: Շնորհակալություն:

Hermine.

Փնտրում եմ հաշվապահի, ով ունի փորձ գյուղատնտեսական արտադրանքի արտադրության և իրացման ոլորտում: