Հայաստան․

Արձակուրդ գնալուց քանի՞ օր առաջ աշխատողը պետք է դիմում ներկայացնի արձակուրդի տրամադրման վերաբերյալ։

Քնարիկ․

Բարև ձեզ, կխնդրեմ օգնեք՝ առաջին անգամ հաշվապահական հաշվեկշիռ եմ պատրաստում, ու ակտիվներն ու պասիվները տարբերություն են տալիս։ Ինչպե՞ս գտնեմ, ինչո՞վ ուղղորդվեմ, եթե մեկը արել է՝ փորձով կիսվեք։ Նշեմ, որ հաշվառումը վարել է ուրիշը, ես միայն հաշվեկշիռն եմ ցանկանում կազմել։

Կարեն․

Բարև Ձեզ։ Ընկերությունը բաժնետերին վճարել է 500 000 ՀՀ դրամ շահաբաժին։

Հարց 1․ Եկամտային հարկի հաշվարկի մեջ պե՞տք է հետ հաշվարկ կատարեմ, այսինքն գրեմ 526 315 ՀՀ դրամ, որից 5 տոկոսը՝ 26 315 ՀՀ դրամը եկամտային հարկ վճարեմ։

Հարց 2․ Ճիշտ կլինի՞ հաշվապահական ձևակերպումները․

Դ․տ 529 Կ․Տ 252 526 315
Դ․տ 713 Կ․տ 524 26 315

Սաթենիկ․

Բարև Ձեզ։ Հարցս այսպիսին է․ եթե անձը համատեղությամբ է աշխատում, և նրա հիմնական աշխատատեղից տրամադրում եմ գործուղման մասին տեղեկանք, ապա մյուս աշխատավայրում դա կարո՞ղ են համարել հարգելի բացակա, և եթե, այո՛, ապա աշխատանքային օրենսգրքի ո՞ր հոդվածով է դա սահմանվում:

Սեդա․

Բարև Ձեզ։ Ապրանք ներմուծելիս տեղական բեռնափոխադրողը հաշիվը գրում է 2 տողով՝ մինչև ՀՀ սահման և ՀՀ սահման – ք․ Երևան։ Հարցս հետևյալն է՝ ինչու՞ է տարանջատվում:

Հերմինե․

Բարև Ձեզ։ Եթե ունեցել եք նման փորձ, խնդրում եմ կիսվեք․ Կազմակերպությունը հիփոթեքով տարածք է ցանկանում գնել։ Մաշվածքը հաշվարկվում է հենց ձեռքբերելու սկզբու՞մ, թե՞ վարկը փակելուց հետո, և բանկը ամեն ամիս է գրում հաշիվ (ԱԱՀ-ն հաշվանցելու համար), թե՞ միանգամից գործարքի սկզբում կամ ավարտին:

Բարև Ձեզ։ Եթե հաշվետու ժամանակաշրջանի ԱԱՀ-ի հաշվետվության արդյունքում առաջացել է պետբյուջե վճարման ենթակա ԱԱՀ-ի գումար, շահութահարկով տվյալ գումարը ճանաչվու՞մ է որպես ծախս, թե ոչ: Հոդված 121 8-րդ մաս 6-րդ կետ փոխհատուցվող և Օրենսգրքով սահմանված կարգով չհաշվանցվող (չպակասեցվող) հարկերը (բացառությամբ Օրենսգրքի 113-րդ հոդվածի 1-ին մասի 6-րդ կետով սահմանված դեպքերի) և վճարները, իսկ հարկային օրենսգրքի ուղեցույցներ բաժնում մեկնաբանվում է հետևյալ կերպ «Այստեղ մասնավորապես ներառվում են անշարժ գույքի հարկը, փոխադրամիջոցների գույքահարկը, ավելացված արժեքի հարկը, ակցիզային հարկը»:

Նարեկ․

Ողջույն, հարգելի հաշվապահներ։ Մի հարց ունեմ ավելացված արժեքի հարկի հետ կապված։ Եթե ​​ընկերության գործադիր տնօրենը, ով իմ ընկերն է, ինձ գումար է տվել իր անձնական հաշիվներից կամ աշխատակցի հաշվից, որպեսզի իր ընկերության համար գնեմ անհրաժեշտ ապրանքներ, ես պարտավորություն կունենա՞մ վճարել ավելացված արժեքի հարկ կամ այլ տեսակի հարկային պարտավորություն: Եղել են դեպքեր, երբ ես իմ գումարով եմ վճարել, և նա վերադարձրել է իմ կատարած ծախսերը։ Կանխավ շնորհակալ եմ։

Կարեն․

Բարև Ձեզ։ Կազմակերպությունը 2023 թվականին հունվարի 25-ին շահաբաժինների բաշխման մասին որոշում է ընդունել, որը կազմել է 15 000 000 ՀՀ դրամ։ Եթե այդ գումարը այս ամիս վճարեմ ֆիզ․ անձին, որից 5 տոկոսը պահում կատարեմ և վճարեմ պետությանը որպես եկամտային հարկ, որը կազմում է 750 000 ՀՀ դրամ, այնուհետև 750 000 ՀՀ դրամը բաժնետերը մուտքագրի բանկային հաշվին որպես կանոնադրական կապիտալի ավելացում, պետությունը ետ կվերադարձնի՞ այդ գումարը։

Սոֆյա․

Հարգելի հաշվապահներ, ասացեք խնդրեմ՝ կարո՞ղ է արդյոք աշխատակիցը գնալ չվճարվող արձակուրդի 15 օր տևողությամբ, այնուհետև ֆիզ․ արձակուրդի, եթե նա ունի չօգտագործված վճարովի արձակուրդի օրեր:

Մարիամ․

Բարև ձեզ, օտարերկրա կազմակերպությունը իրեն ֆրիլանս ծառայություն մատուցելու համար պարտադրում է ԱՁ բացել և հարկ վճարել։ Կասե՞ք՝ մոտավոր ի՞նչ հարկեր եմ վճարելու։ Ամսական եկամուտը ֆրիլանս ծառայություններից 200 000 դրամ կստացվի մոտավոր։ Նաև այլ վայրում գրանցված աշխատող եմ։

Բարև ձեզ։ Ինձ պետք է “Ռապտոր, ռապտորի տաբլետկա միջատների դեմ” ծածկագիրը ԱՏԳ։

Սերգեյ․

Բարև Ձեզ: Խնդրում եմ օգնել հետևյալ հարցով. ուրեմն ՍՊԸ-ն զբաղվում է հյուրանոցային ծառայությունների մատուցմամբ, գույքի հաշվին կանոնադրական կապիտալի ավելացում է տեղի ունեցել։ Կանոնադրական կապիտալ մտած հիմնական միջոցներից մաշվածք հաշվարկվու՞մ է, թե՞ ոչ:

Անուշիկ․

Բարև Ձեզ։ Ա/Ձ-ն գտնվում է միկրոյի դաշտում հետևյալ դասակարգիչով ՝ Թափոնների տեսակավորում և մշակում երկրորդային հումքի ստացման համար։ Հարցս հետևյալն է․ շրջանառության հարկի դաշտ անցնելիս հարկվելու է 1․5%-ո՞վ։ ՀՀՊՏ 2017.03.01/14(1289) Հոդ.197։

Սոֆյա․

Հարգելի հաշվապահներ, կազմակերպության աշխատակիցների աշխատավարձերի մասով հարկերի վճարումները և եկամտային հաշվետվությունները կատարվել են ժամանակին, սակայն աշխատակիցների աշխատավարձերը ուշացրել ենք երեք ամսով՝ պայմանավորված գրանտային ծրագրով ուշ փոխանցումներին: Ասացեք խնդրեմ՝ ի՞նչ խնդիր կառաջանա, եթե աշխատավարձերը ուշ փոխանցենք և ուշացման համար տույժեր չհաշվենք: Ի դեպ՝ ուշացված աշխատավարձի մասով պայմանագրում էլ չունենք նշված:

Թինա․

Բարև ձեզ, Վրաստանից ապրանք ենք ներմուծել, հաշվի մեջ առանձին տողով ներառված է նաև շահութահարկի գումարը։ Արդյո՞ք հաշիվը ճիշտ է, և եթե այո, ապրանքի ինքնարժեքի մեջ պե՞տք է ներառել նաև այդ գումարը։

Անահիտ․

Բարև, իմ խելացի կոլեգաներ։ Ասացեք խնդրեմ՝ ֆիզ․ անձը ԵԱՏՄ-ից ներմուծել է ապրանք։ Վիճակագրականը հանձնել եմ, բայց չգիտեմ՝ որտեղ է հայտարարությունն ու հայտարարագիրը, որպեսզի կազմեմ ու հանձնեմ։ Օգնեք խնդրում եմ։ Կանխավ շնորհակալություն։

Анжела.

Добрый день,

Необходима ваша консультация, пожалуйста, подскажите, на что можно рассчитывать в следующей ситуации.

Беременность, почти 7 месяцев (30 недель), состою в гражданско-правовых отношениях с работодателем с мая 2022 года, до это был с этим же работодателем трудовой договор (с ноября 2021 по апрель 2022). Все налоговые отчисления как полагается делаются работодателем в бюджет.

Я получила гражданство Армении в июле 2022, до этого с марта 2018 состояла в статусе резидента, соц.номер присвоен с июля 2018, то есть более 5 лет фактической регистрации на территории страны.

Могу ли я подать в ограны соц.защиты ходатайство на декретные выплаты, так как соответствую по всем критериям, насколько мне известным, только по формату трудовых отношений у меня не трудовой, а гражданско-правовой договор?

Заранее благодарю за помощь.

Նարինե․

Հարգելի հաշվապահ,

2022թ հունվար, փետրվար ամիսներին օգտվել եմ դայակ պետության հաշվին ծրագրից։ Ֆիզիկական անձ եմ։ Հաշվետվությունները հանձնելուց հետո (գերավճարով), պատահմամբ իմանում եմ, որ ունեմ 18 000դրամ դրոշմանիշի պարտավորություն։ Հարկայինում ասում են, որ նոր օրենք է։ Ասացեք խնդրում եմ՝ հնարավո՞ր է նման բան։

Հեղինե․

Հարգելի հաշվապահներ, խնդրում եմ օգնեք կողմնորոշվել։ Իրավաբանական անձը տարածք է վարձակալել ֆիզ․ անձից, կնքվել է պայմանագիր 19.10-ից, այն պայմանավորվածությամբ, որ եկամտային հարկը վճարելու է իրավաբանական անձը։ Վարձակալության վճարը պետք է փոխանցվի մինչև 25-ը։ Ժամկետը հաշվարկելիս ճի՞շտ է հաշվել և փոխանցել ամսվա 19-31, փոխանցել այդ ժամանակահատվածի գումարը, հետո 1-30, թե՞ 19.10-19.11.23:

Կարեն․

Բարև Ձեզ։ Ընկերությունը ՍՊԸ-ի տնօրենին փոխանցել է 2 000 000 ՀՀ դրամի շահաբաժին։ Կասե՞ք՝ հաշվապահական ի՞նչ ձևակերպումներ պետք է տալ, և ի՞նչ հարկեր կառաջանան։

Հայկ․

Բարև Ձեզ, ինձ կասե՞ք, թե ովքեր պետք է տան վիճակագրական հաշվետվություն, ի՞նչ ժամանակահատվածներում և ու՞մ։ Շնորհակալություն։

Գևորգ․

Բարև Ձեզ։ Խնդրում եմ ինձ ասեք՝ եթե մեքենա ենք ներմուծում ԵԱՏՄ երկրից այստեղ շահագործելու նպատակով, ապա որքա՞ն կկազմի բնապահպանական վճարը, մեքենան 20 տարեկան է, 101-151 ձիաուժ։

Միշա․

Բարև ձեզ։ Ես ցանկանում եմ զբաղվել օղի թորելով, ի՞նչ է ինձ անհրաժեշտ։

Արեն․

Բարև ձեզ: Կազմակերպությունը ներմուծել է ավտոմեքենա վաճառքի նպատակով, սակայն մեկ ամիս անց ստացել է պետական գրանցում և ևս մեկ ամիս անց վաճառվել է: Ներմուծման ժամանակ հարկերի հաշվարկման թվերն են 3 022 103 մաքսային արժեք, 604 421 մաքսատուրք 725 305 ԱԱՀ և 60 442 բնապահպանական հարկ:

Հարց․ որպես հաշվեկշռային արժեք պետք է այս ամբողջ թվերը գումարել և պետական հաշվառման օրվանից սկսած հաշվել մաշվածք, և երբ մեքենան կվաճառվի, այդ օրվա դրությամբ հաշվեկշռային արժեքից 16,67 տոկոս դրույքով հաշվարկել հաշվանցման ենթակա ԱԱՀ։

Արեն․

Բարև ձեզ: Շրջանառության հարկով աշխատող կազմակերպությունը ներմուծում և վաճառում է մեքենայի շարժիչային յուղ: Ներմուծման ԱԱՀ որոշվում է ապրանքի արժեք + ակցիզային հարկ: Շրջ. հարկի հաշվետվության մեջ ապրանքի ձեռքբերման ծախս ակցիզային հարկը պետք է կրկնակի՞ ներառվի, այսինքն մեկը որպես ԱԱՀ հարկման բազա, մյուսը՝ վճարված ակցիզային հարկ, թե՞ ոչ: Հոդվածը կետը գիտեմ, խնդրում եմ արձագանքել հստակ պատասխանով՝ առանց օրենքի կետի կամ հոդվածի հղում կամ քոփի փեստ անելով: Կանխավ շնորհակալ եմ։

Տիգրան․

Բարև Ձեզ, հարգելի հաշվապահներ։ “Կամավոր աշխատանքի մասին” օրենքի հետ կապված երկու հարց ունեմ։

1․ ՀԿ-ի նախագահը չի վարձատրվում։ Պե՞տք է կնքել նրա հետ կամավոր աշխատանքի մասին պայմանագիր , թե՞ չէ։

2․ ՀԿ-ի հիմնադիր-անդամը կատարում է ՀԿ-ի գրասենյակային աշխատանքները և նույնպես չի վարձատրվում։ Պե՞տք է նրա հետ կնքել կամավոր աշխատանքի մասին պայմանագիր, թե՞ չէ։

ՀԿ-ի նախագահը կարո՞ղ է վարձատրություն չստանալ, թե՞ պարտականությունները կատարելու համար պետք է անպայման վարձատրվի։

Կարեն․

Բարև Ձեզ։ Ընկերությունն ունի 2 000 000 ՀՀ դրամի չվճարված շահաբաժին։ Կարո՞ղ է հիմա 2 500 000 ՀՀ դրամ վճարի, որից 500 000 ՀՀ դրամը ձևակերպի կանխավճար։ Այս դեպքում պե՞տք է 500 000 ՀՀ դրամը նույնպես 5 տոկոսով հարկվի։

Տիգրան․

Բարև Ձեզ։ Կարո՞ղ եք ասել՝ ինչպե՞ս բացել կենտրոն, որտեղ կտան եռակցման, փականագործի դասընթացներ, և խնդրում եմ ասել հերթականությունը և անհրաժեշտ փաստաթղթերը։

Աննա․

Հարգելի հաշվապահներ, շրջհարկով աշխատող ՍՊԸ ձեռք է բերել ՌԴ-ից տեխզննման սարք, Հայաստան է հասել 16/10/2023։ Կասե՞ք՝ ի՞նչ հարկեր ու հաշվետվություններ են առաջանում: Շնորհակալ եմ։

Սոֆյա․

Բարև Ձեզ: Հարգելի հաշվապահներ, աշխատակիցը ով հանդիսանում է ՍՊԸ-ի 100% բաժնետեր և գրանցված է որպես տնօրեն, 22.11.23թ-ին գնալու է ֆիզ․ արձակուրդ:

Հարց 1. Պե՞տք է արդյոք տնօրենի պարտականությունները ժամանակավորապես դնել այլ աշխատակցի վրա, և ի՞նչ կարգով է դա արվում:

Հարց 2. Կարո՞ղ է արդյոք նույն աշխատակիցը ֆիզ․ արձակուրդ գնալ մի կազմակերպությունից , բայց ընդունվել որպես գրանցված աշխատող մեկ այլ կազմակերպությունում, քանի որ աշխատանքը հեռավար է (Հայաստանում): Ինչպե՞ս է օրենսդրորեն կազմակերպվում նման հարցերը:

Շնորհակալություն:

Եվա․

Համակարգիչների վերանարագում իրականացնող ԱՁ-ն կարո՞ղ է աշխատել միկրոյի դաշտում։

Եվա․

Բարև Ձեզ, խնդրում եմ ասել՝ եթե ԱՁ-ն (գեղեցկության սրահ), ով աշխատում է միկրոձեռնարկատիրության դաշտում, եթե ունենա աշակերտ կամ ունենա դասընթացներ և տրամադրի սերտիֆիկատ, այս դեպքում անձնագրի հիման վրա հաշիվ գրելն է պարտադիր, թե՞ ՀԴՄ կտրոն կարող ենք տրամդրել։

Անի․

Հարգելի՛ հաշվապահներ, ֆիզ անձն իր տունը տալիս է վարձակալության: Օրինական աշխատելու դեպքում ի՞նչ պայմաններ են գործում, ո՞ր հարկատեսակով պետք է աշխատի, ի՞նչ վճարումներ կլինեն, որտեղի՞ց սկսել: Տների վարձակալության օրինականացման հետ կապված ի՞նչ հղում օրենքի կտաք:

Արեն․

Բարև ձեզ, հարգելի հաշվապահներ: Խնդրում եմ օգնել հետևյալ հարցում․ շահաբաժինը բաշխելիս պետք է առաջնորդվել հարկայի՞ն հաշվառումով, թե՞ հաշվապահական հաշվառումով: Հարցիս իմաստն այն է, որ կան ծախսեր, որոնք շահութահարկը որոշելիս չեն նվազեցվում համախառն եկամտից, այդ դեպքում շահաբաժինը բաշխելիս պետք է այդ ծախսերն էլ նվազեցնել, նոր հաշվարկել մաքուր շահույթ բաշխել և վճարել 5 տոկոս, թե՞ պետք է առաջնորդվել շահութահարկի հաշվետվությունով տրված թվով։ Եթե հստակ իրավական ակտի համար կարող եք ասել, շատ շնորհակալ կլինեմ։

Եվա․

Բարև Ձեզ: Վճարային տերմինալ է, աշխատում է շրջ. հարկով, շատ եմ խնդրում կասե՞ք՝ ո՞ր ձևով պետք ուղարկեմ եռամսյակային հաշվետվությունը: Ես 232 -ով եմ լրացրել, բայդ դա ճիշտ է, դա առևտուր չի, միգուցե այլ նշեմ: Կանխավ շնորհակալ եմ:

Սյուզի․

Բարև Ձեզ, հարգելի հաշվապահներ։ Կասե՞ք՝ քաղաքացիաիրավական պայմանագրով աշխատողն ընդունվել է աշխատանքի սեպտեմբերի 20-ին, եթե վճարում կատարվի հոկտեմբեր ամսին, պետք է հոկտեմբերի՞ հաշվետվության մեջ երևա վճարված գումարը։ Կանխավ շնորհակալ եմ։

Կիմա․

Բարև ձեզ։ Հարցս վերաբերվում է դրոշմանիշային վճարին։ Ես աշխատում եմ համատեղությամբ։ Ճի՞շտ է արդյոք, որ մեկ աշխատողից պահվի դրոշմանիշային վճարը, ընդ որում 11 000դրամ։ Կարո՞ղ եմ մի աշխատավայրի գումարը օրենքով հետ պահանջել։ Շնորհակալություն։

Անի․

Բարև Ձեզ։ ԱՁ-ն գործունեություն չի ծավալել: Բանկն ԱՁ-ի հաշվին շարժ չլինելու պարագայում կես տարին մեկ կլորիկ գումար է գանձելու: Բանկին պարտք չմնալու համար ուզում եմ գումարն իմ անձնական հաշվից փոխանցել ԱՁ-ի հաշվին ու հետո հետ անձնականին, այդ կերպ ապահովել շարժն: Արդյո՞ք անհրաժեշտ է ԱՁ-ի հաշվին անձնական հաշվից փոխանցված գումարն փաստաթղթավել ու ձևակերպել:

Լարիսա․

Ողջույն: Աշխատակիցն ազատվել է աշխատանքից, սակայն վերջնահաշվարկի ժամանակ պարզվել է, որ իրեն տրամադրված վճարովի արձակուրդային օրերը տրամադրվել են հասանելիք օրերի քանակից ավել, և վերջինս պարտք է գործատուին: Տեղյակ ենք, որ գանձման ընթացակարգը սահմանված է 213 հոդվածով, սակայն մեզ անհասկանալի է 214 հոդվածը։ Եթե հնարավոր է՝ խնդրում եմ պարզաբանել, նաև կուզեմ իմանալ ՀԾ ծրագրով ձևակերպման կարգը։ Կանխավ շնորհակալություն:

Աննա․

Շրջ․ հարկով աշխատող ԱՁ-ն, որի շրջանառությունը կազմել է 6-12 մլն, դրոշմանիշային վճար որքա՞ն պետք է վճարի՝ 102.000 դրա՞մ (խնդրում եմ ուղարկել օրենքից հղում), բայց արդեն մինչև 2024 թվականի ապրիլի 20-ը՞։ Ինչպես նաև՝ եթե ունի գրանցված աշխատակից 104.000 դրամ աշխատավարձով ( պահումները չհանված), ապա ամսական 3000 դրամ և՞ս պետք է վճարել աշխատողի համար որպես դրոշմանիշային վճար։

Նունե․

Հարգելի հաշվապահներ, ԱԱՀ-ով աշխատող կազմակերպությանը ծառայություն է մատուցել Ռուսաստանում գրանցված և հարկեր մուծող կազմակերպությունը, ունեմ invoice։

1. Պե՞տք է գրել ինքնահաշիվ

2. Շահութահարկից նվազեցվու՞մ է այդ ծախսը

Կարեն․

Բարև Ձեզ։ Ընկերությունը 2017 թվականին շահութահարկով ունեցել է 4 000 000 ՀՀ դրամի հարկային վնաս, իսկ 2018 թվականին 900 000 ՀՀ դրամ հարկային վնաս։ 2019 թվականին ընկերության շահույթը կազմել է 12 400 000 ՀՀ դրամ, կատարել եմ նվազեցում 4 900 000 ՀՀ դրամի՝ ներկայացնելով շահութահարկի հաշվետվության մեջ 76-րդ տողում (Հարկային տարվան նախորդող 5 հարկային տարիների գործունեության արդյունքներով առաջացած հարկային վնասը):

Ոնց հասկանում եմ՝ պետք է 2018 թվականի շահութահարկի հաշվետվության մեջ 76-րդ տողում (Հարկային տարվան նախորդող 5 հարկային տարիների գործունեության արդյունքներով առաջացած հարկային վնաս) ներկայացնեի 4 000 000 ՀՀ դրամ, որը չեմ արել, այլ միանգամից 2019 թվականի հաշվետվության մեջ եմ ցույց տվել։ Այսօր ստացել եմ ծանուցում, որ 2019 թվականին 76-րդ տողում ավել 4 000 000 ՀՀ դրամի չափով գումար եմ ներկայացրել։

Հարց-Ի՞նչ անել, եթե 2018 թվականի հաշվետվությունը չեմ կարողանում ուղղել։

Արմեն․

Աշխատակիցը մեկնում է արտերկիր՝ մասնակցելու կոնֆերանսի զեկուցման համար, որը տևելու է մեկ օր։ Վերադարձի տոմսը կոնֆերանսից հետո 4 օր հետո է։ Ինչպե՞ս ձևակերպել գործուղումը։ Քանի՞ օրն է հնարավոր ձևակերպել որպես գործուղում։

Նարինե․

Բարև Ձեզ, ինձ հիշարար օրդերի օրինակ է հարկավոր, կարո՞ղ եք օգնել, նախապես շնորհակալություն։

Խնդրում եմ օգնեք լուծել խնդիրը.

Կազմակերպությունը 1-ին եռամսյակի եկամուտները ծառայությունների գծով 1.500.000 դրամ առանց ԱԱՀ, վաճառքի գծով 1.800.000 դրամ ներառյալ ԱԱՀ, ընդհանուր ծախսեր 800.000։ 2-րդ եռամսյակում ծառայությունների գծով 800.000 առանց ԱԱՀ, վաճառքի գծով 700.000 առանց ԱԱՀ, ծախսեր 1.300.000։ 3-րդ եռամսյակում ծառայությունների գծով 2.400.000 ներառյալ ԱԱՀ, վաճառքի գծով 3.600.000 ներառյալ ԱԱՀ, ծախսեր 2.300.000։ 4-րդ եռամսյակում ծառայությունների գծով 800.000 ներառյակ ԱԱՀ, վաճառքի գծով 1.500.000 առանց ԱԱՀ, ծախսեր 900.000։ Ստանալ շահույթ, շահութահարկ, զուտ շահույթ և տալ ձևակերպումներ։

Այլ հաշվապահական խնդիրներ

Սյուզաննա․

Ողջույն,

Ցանկանում եմ տեղեկանալ՝ արդյո՞ք օրինական է, տանը պատրաստվող տորթեր/հրուշակեղենի օնլայն բիզնես ունենալ: Արդյո՞ք որևի լիցենզիա կամ ԱՁ բացելը անհրաժեշտ է:

Սոնա․

Բարև ձեզ։ Կարո՞ղ եք ասել՝ արձակման նպաստը ինչպե՞ս հաշվեմ, մաքուր աշխատավարձի միջին օրականո՞վ, թե՞ հաշվարկայինով։

Գայանե․

Բարև Ձեզ։ Եթե կազմակերպությունը ֆիզիկական անձին տրամադրել է անտոկոս փոխառություն, այդ ժամանակ առաջանու՞մ է որևէ հարկային պարտավորություն։

Գայանե․

Բարև Ձեզ, հարգելի հաշվապահներ։ ՀԴՄ-ի տեսակ կա՞, որ 2024 թվականի հունվարի 1-ից չի գործելու։ Կանխավ շնորհակալություն։