Աննա.

Բարև ձեզ, հաշվապահներ: Հարցս և խնդրանքս այսպիսին է.
ՍՊԸ-ն իրականացնում է պահակային ծառայություն, ամսական պայմանագրային գումարը 5 միլիոն է, որից 2600.0 հազար դրամ աշխատավարձն է` ներառյալ եկամտային հարկը: Ի՞նչ հարկատեսակով և ինչպե՞ս պետք հարկվի, և ի՞նչ է պետք ներկայացնել հարկային:
Նախօրոք շատ շնորհակալ եմ:

Սաթեն.

Խնդրում եմ շտապ պատասխանել.
2012-ին կազմակերպությունը ֆիզ. անձից ստացել է 850 000 հիմնական միջոց ապրանքափոխանակման պայմանով: Սույն ամսում կատարում եմ գործարքը, ֆիզ. անձի համար պետք է կատարեմ 10% հարկի վճարում, արդյո՞ք եկամտային հարկի հաշվետվության մեջ այդ գումարի նշումը խնդիր չի առաջացնի: Իսկ կազմակերպության համար տրվող ապրանքների համար ի՞նչ ձևակերպում պետք է կատարեմ, արդյո՞ք դա կդիտվի ապրանքի իրացում 3,5 % հարկով:

Հակոբ.

Հարգելի հաշվապահներ, խնդրւմ եմ ինձ օգնեք, մինչև օրս ոչ-ոք չի կարողացել հստակ ու ճիշտ պատասխանել իմ հարցին.
Դեղագործական ընկերությունը, երբ դեղ է նվիրաբերռւմ, ինչու՞ է եկամտային հարկ վճարում: Հնարավո՞ր է, երբ բժշկին դեղ նվիրեն` փորձարկելու նպատակով, ինչ-որ միջոցով ազատվեն հարկի վճարումից, արդյո՞ք կա մի հոդված, որով կարող եմ դա հիմնավորել:

Հուսամ` որևէ մեկը ինձ ճիշտ ուղղու վրա կդնի ու կասի միջոց, որը հնարավոր կլինի գործի դնել:
Կանխավ շնորհակալ եմ:

Գեղամ.

Ողջույն, հարգելի հաշվապահներ: Նախ շնորհավորում եմ բոլորիդ Ամանորի և Սուրբ Ծննդյան տոների առթիվ: Ես մի հարց ունեմ. Հայաստանից Եվրոպա գնալիս ինձ հետ վերցրել եմ իմ նոթբուքը, որը գնել եմ ՀՀ-ից 2 տարի առաջ, հիմա այստեղից եթե մեկ այլ նոթբուք ևս գնեմ` անձնական օգտագործման նպատակով, արդյո՞ք վերադառնալու ժամանակ պետք է օդանավակայանում մաքսատուրք վճարել գնված համակարգչի համար (եթե 2 համակարգիչներն էլ ինձ մոտ են և ոչ թե ուղեբեռում):
Շնորհակալություն նախապես:

Saten.

ՍՊԸ-ում կարո՞ղ է հաշվապահի պարտականությունը տնօրենը կատարել, եթե ունի երկու աշխատող:

Դավիթ.

Բարև ձեզ, խնդրում եմ ասեք` կա՞ արդյոք որևէ իրավական ակտ` աշխատաժամանկի մատյան վարելու վերաբերյալ: Կանխավ շնորհակալ եմ:

Լուսինե.

Հարցս հետևյալն է. 2014 թվականի հունվարից հետո աշխատավարձի հաշվարկի մեջ արդյո՞ք համախառն աշխատավարձից է հաշվարկվում 5% կենսաթոշակային ֆոնդի գումարը, թե՞ եկամտային հարկի գումարը նվազեցնելուց հետո: Ես հրահանգի մեջ կարդացել եմ, որ 5 տոկոսը հաշվարկվում է մինչև եկամտային հարկի նվազեցումը, սակայն կցանկանայի ստույգ իմանալ` այս հարցի վերաբերյալ որևէ փոփոխություն եղե՞լ է, թե՞ ոչ: Շնորհակալություն:

astxik.

Բարև ձեզ, հարգելի հաշվապահներ:
Շնորհավոր բոլորիդ գալիք Նոր Տարին:
Աշխատում ենք շրջանառության հարկով, ունենք կոշիկի արտադրամաս և մանրածախ խանութ տարբեր հասցեներում, հաշիվ-ապրանքագրով կամ բեռնագրով ապրանքը հասցվում է խանութ: Հարցս վերաբերվում է հարկմանը, շրջանառության հարկի հաշվետվության մեջ խանութ տեղափոխված ապրանքի ամբո՞ղջ խմբաքանակից է հարկվում, թե՞ ֆիսկալի հանրագումարից, քանի որ հնարավոր է 1 եռամսյակում հարկվի 100 զույգի համար, հաջորդ եռամսյակում ապրանք չբերվի, սակայն ՀԴՄ ֆիսկալով ցույց տրվի վաճառք և անհամապատասխանություն առաջանա:

Խնդրում եմ մանրամասն նկարագրեք այս գործընթացը, մեր արտադրանքը բացառապես վաճառվում է մեր խանութում, նախապես շնորհակալություն եմ հայտնում:

Գագիկ.

Բարև ձեզ, գազալցակայանը աշխատում է հաստատագրված վճարով, սակայն 2014 թվականից ցանկանում ենք անցնել ԱԱՀ հարկատեսակի: Ի՞նչ փաստաթղթեր է պետք ներկայացնել հարկային տեսչություն և ո՞ր օրենքի հիման վրա: Կանխավ շնորհակալություն:

Ավետ.

Ողջույն: Խնդրում եմ, կարո՞ղ եք ինձ բացատրել հաշվային պլանում առկա 2241` տրված կանխավճարներ նյութեր ձեռք բերելու համար, և 2281` առհաշիվ տրված գումարներ նյութեր ձեռք բերելու համար, հոդվածների տարբերությունը: Նախապես շնորհակալ եմ:

ARMAN.

2014թ. անձի աշխատավարձը կազմում է 67 000 դրամ, և եկամտային հարկ ու 5 տոկոս կենսաթոշակային հաշվարկելուց հետո նա ստանալու է 48 120 դրամ, որը փոքր է մինիմալ աշխատավարձից: Արդյո՞ք նորից պետք է կատարվի աշխատավարձի բարձրացում, որպեսզի 50 000 դրամից պակաս չստացվի: Խնդրում եմ գրանցեք ճիշտ հաշվարկի ձև: Շնորհակալություն:

Մարիամ.

Եթե ես ստանում եմ 95 000 դրամ աշխատավարձ, և աշխատել եմ 8-9 ամիս և դրանից 2-3 անգամ հիվանդ եմ եղել և բյուլետեն եմ ներկայացրել, այդ դեպքում ինչպե՞ս է հաշվարկվում իմ արձակուրդի գումարը:

Ալբերտ.

Հարգելի գործընկերներ,
կազմակերպությունը աշխատում է արտոնագրային վճարով, ինչպես նաև շրջանառության հարկով: ՀԴՄ-ով տպվում են 2 տարբեր կտրոններ` բաժին 1-ով արտոնագրային վճարով գործունեության համար, իսկ բաժին 2-ով` շրջանառության հարկով գործունեության համար: Յուրաքանչյուր ամիս ներկայացվում են տեղեկություններ, որտեղ արտացոլվում է ՀԴՄ-ով տպված կտրոնների հանրագումարը: Ւսկ շրջանառության հարկի հաշվարկում նու՞յնպես ամբողջ հանրագումարն է արտացոլվելու, թե՞ միայն շրջ. հարկով հարկվող մասը: Կանխավ շնորհակալություն:

Gayane.

Կազմակերպությունը շահույթ չհետապնդող ոչ առևտրային հասարակական կազմակերպություն է: Չի աշխատում ԱԱՀ-ով կամ պարզեցված հարկով:

Ասացեք խնդրեմ` տարեկան հաշվետվություն ներկայացնելիս պե՞տք է արդյոք ներկայացնենք շահութահարկի պարզեցված հաշվարկ, թե՞ ոչ:

Նախապես շնորհակալ եմ:

Աննա.

Բարև ձեզ: Խնդրում եմ տրամադրել տրանսպորտային միջոցների վարձակալության պայմանագիր ծառայությունների մատուցմամբ և առանց ծառայությունների մատուցման: Կանխավ շնորհակալություն:

Արփինե.

Խնդրում եմ ինձ օգնեք` եթե ես ինչ-որ կազմակերպությունից, որը առանց ԱԱՀ-ի է աշխատում, ստացել եմ հաշիվ, իսկ ես ԱԱՀ-ով եմ աշխատում, և նրա գումարը փոխանցել եմ, ապա իմ ԱԱՀ-ի հաշվարկի մեջ ցու՞յց եմ տալիս այդ հաշիվը, թե՞ ոչ: Կանխավ շնորհակալություն:

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ GLENDALE HILLS ընկերության կողմից:

Արման.

Բարև Ձեզ:

Անկեղծ ասած` ես հաշվապահ չեմ:
Աշխատում ենք 2 հոգով, փոքրիկ ՀԿ-ում: Ունենք նվազագույն աշխատավարձ: Ցավոք` ժամանակին չենք իմացել նվազագույն աշխատավարձում եղած փոփոխությունների մասին և առ այսօր հաշվետվություններ կազմել և ուղարկել ենք 35.000 դրամի չափով:

Ցանկանում էի իմանալ` ի՞նչ եղանակով կարելի է ուղղել այս խնդիրը, և արդյո՞ք հնարավոր է առանց վարչական տուգանքների, և եթե ոչ, որքա՞ն կկազմի տուգանքի չափը:

Նախապես շնորհակալություն:

Գրիգոր.

Էքսկավատորների համար պե՞տք է հաշվարկել գույքահարկ: Եթե այո, ապա բեռնատա՞ր մեքենա է, թե՞ մարդատար (p.s. տեխ. վկայագրում ձիաուժ նշված չէ): Եթե ոչ, ապա քանի՞ տարով պետք է մաշեցնել:

Հ.Ա..

Հարգելի հաշվապահներ, հարցս հետևյալն է.
ի՞նչ հարկային հետևանք կարող է ունենալ որևէ հասցեում առաքման գիրք չունենալը, եթե ԱԱՀ վճարող կազմակերպությունը հարկային հաշիվները դուրս է գրում բացառապես էլեկտրոնային եղանակով և իրականացրել է ապրանքի վաճառք մի հասցեից, որի համար չունի առաքման գիրք, ինչպես նաև նշված հասցեից իրականացրել է տեղափոխում կազմակերպության այլ հասցեներ:

Արթուր.

Բարև ձեզ:
Կազմակերպությունում աշխատում եմ 2 տարի 7 ամիս (շաբաթական 5 աշխատանքային օր, լրիվ դրույքով), սակայն մինչ օրս արձակուրդային օրերս չեմ օգտագործել: Այժմ ազատվում եմ աշխատանքից: Արդյո՞ք վերջնահաշվարկի ժամանակ կստանամ իմ չօգտագործված արձակուրդային օրերի գումարները (մոտ 52 օրերի համար): Լսել եմ, որ 2012թ. օգոստոս ամսից վերջնահաշվարկի ժամանակ հաշվի է առնվում միայն վերջին 18 ամիսներին աշխատած ժամանակ վաստակած արձակուրդային օրերը: Արդյո՞ք վերջնահաշվարկի ժամանակ կստանամ իմ չօգտագործված արձակուրդային օրերի գումարները (մոտ 52 օրերի համար), թե՞ միայն միայն վերջին 18 ամիսներին աշխատած ժամանակ վաստակած արձակուրդային օրերը:
Կանխավ շնորհակալություն:
Հարգանքով՝
Արթուր

Սիրանուշ.

Բարև Ձեզ: ԱՁ-ն աշխատում է արտոնագրային վճարով, հունվար ամսին այն գործունեություն չի ծավալելու, ի՞նչ կարող եմ անել, որ հունվար ամսվա արտոնագրային վճարն ու եկամտային հարկը չհաշվարկեմ:

Gayane.

Խնդրում եմ պարզաբանել` Գործակալները (Գործատուները) Գրանցման հայտեր չեն ներկայացնում այն անձանց համար, որոնց վերաբերող` գրանցման հայտում ներառվելիք տեղեկատվությունը ՀՀ օրենսդրությամբ սահմանված է որպես սահմանապակ օգտագործման ենթակա տեղեկատվություն: ՀՀ կառավարության 2013 թվականի նոյեմբերի 28-ի N 1314-Ն որոշում:

Նախապես շնորհակալ եմ:

Marine.

Բարև Ձեզ, շատ կարևոր է, խնդրում եմ հնարավորին շուտ արձագանքել:
Անձն իր աշխատանքային գրքույկը տվել է կարիքի մեջ գտնվող այլ անձի, որ դրանով ձևակերպեն աշխատանք ու կարիքի մեջ գտնվողի եկամուտն աշխատավայրում չկրճատեն (դրանով կարողանա ավելի շատ աշխատավարձ ստանալ):

Գրքույկը ժամանակավոր տրամադրած անձը ինչպե՞ս կարող է այն հետ ուզել` առանց այդ անձին վնասելու ու ավելորդ քաշքշուկների:

Իր գրքույկը տրամադրած անձը խնդրել է վերադարձնել այն, բայց ապարդյուն: Այն վերցնողն ասում է, թե հաշվապահությունից գրքույլը վերցնելը (ժամանակավոր) ու դրանում այլ տվյալներ ներառելը իրեն կվնասի:

Գրքույկի տերը կասկածում է, որ աշխ. գրքույկը կորցրել են: Որևէ կերպ հնարավո՞ր է ճշտել` կորցրել են, թե` ոչ (առանց այն կիրառող անձին քաշքշուկների մեջ ներառելու և ավելորդ խնդիրների): Եթե ոչ, ապա աշխատանքային գրքույկի տվյալները որևէ կերպ հնարավո՞ր է վերականգնել:

Arman.

Բարև ձեզ: Խնդրում եմ շտապ օգնեք` ՍՊԸ հաշվարկային հաշիվը գտնվում է արգելանքի տակ, կատարել եմ մեկ այլ բանկից եկամտային հարկի վճարում, ստացել եմ անդորրագիր: Դրամարկղի ելքի օրդերում թղթակցող ի՞նչ հաշիվ գրեմ: Շնորհակալություն:

Լուսինե.

Եթե կարող եք օգնեք խնդրում եմ. կազմակերպությունը, որը զբաղվում է ծառայություններ մատուցելով ընդհանուր հարկման դաշտում, այժմ ցանկանում է գինի արտահանել Ուկրաինա: Նշեմ, որ կազմակերպությունը չունի պահեստ և առաքման գիրք: Արդյո՞ք օրենքը հնարավորություն է տալիս այդ կազմակերպությանը իրականացնել արտահանում՝ ապրանքը մատակարար հանդիսացող գործարանի հասցեից անմիջապես մաքսատուն տեղափոխելու ճանապարհով: Եվ ընդհանրապես հարկային առումով ի՞նչ խնդիրներ կարող են առաջանալ: Պատասխանը շտապ է հարկավոր:
Կանխավ շնորհակալություն:

willo.

Արդյո՞ք ապահովագրական ընկերության գործադիր տնօրենը իրավունք ունի կամ կարող է նամակով խնդրել ՀՀ ԿԲ նախագահին, որպեսզի վերջինս միջնորդություն ներկայացնի ՊԵԿ-ին` ապահովագրական ընկերություններին հարկումից ասենք 2 տարով ազատելու առաջարկով: Խնդրում եմ պատասխանեք: Ինձ շատ է հետաքրքիր: Նախապես շատ շնորհակալություն:

Մարինե.

Ո՞րն է ծախսի և ծախքի տարբերությունը:

Անի.

Հարգելի գործընկերներ,
խնդրում եմ պատասխանել հետևյալ հարցին. արդյո՞ք կազմակերպությունը կարող է քաղ. իրավական պայամանգիր կնքել իր մոտ աշխատանքային պայմանագրով աշխատող աշխատակցի հետ: Կանխավ շնորհակալություն:

Սիրանուշ.

Խնդրում եմ, կարո՞ղ եք ինձ տրամադրել հարկային ուղարկվող նամակի օրինակ, որով պետք է չեղյալ համարվի հաշվետվությունը: Նախապես շնորհակալություն:

Լուիզա.

Բարև ձեզ: Խնդրում եմ ասացեք` ես անհատ ձեռներեց եմ, զբաղվում եմ ձկնաբուծությամբ: Ե՞րբ և ի՞նչ հաշվետվություն պետք է ներկայացնել, և արդյո՞ք անհրաժեշտ է ունենալ ՀԴՄ:

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ ACCEPT Employment Center ընկերության կողմից:

Քաջիկ.

Հարգելի գործընկերներ, եկամտային հարկի ամսական հաշվետվություն ներկայացնելիս (էլեկտրոնային եղանակով) փետրվար ամսվա փոխարեն նշել եմ հունվար: Այսինքն` դարձել է հունվարը ճշգրտված, իսկ փետրվարը բացակայում է: ՏՀՏ-ից ստացել եմ գրություն, վարչական իրավախախտման մասին արձանագրություն: Խնդրում եմ ասեք` հնարավո՞ր է արդյոք չվճարել տուգանք, քանի որ եկամտային հարկն ամբողջությամբ փոխանցվել է, հարկային պարտականությունները կատարվել են ժամանակին:

Կանխավ շնորհակալություն:

astxik.

Բարև ձեզ:
Ո՞վ կարող է պատասխանել. շրջանառության հարկով աշխատող անհատ ձեռներեցի համար տարեկան եկամտային հարկի հաշվետվություն տալու՞ ենք: Եթե ուշադրություն եք դարձրել` իրավաբանական անձանց մասով շրջանառության հարկը փոխարինում է ԱԱՀ-ին և շահութահարկին, իսկ ԱՁ-ի մասով` միայն ԱԱՀ-ին:

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ ACCEPT Employment Center ընկերության կողմից:

Hayk.

Հարգելի հաշվապահներ, օրինակ, եթե ՍՊԸ-ն ֆիզ. անձի հետ ունի վարձակալության պայմանագիր և սեպտեմբեր ամսվա համար վճարում է հոկտեմբերին, ապա սրա 10 % եկամտային հարկը մինչև ե՞րբ պետք է բյուջե վճարել և ո՞ր ամսվա հաշվետվության մեջ պետք է ցույց տալ:

Արուսյակ.

Խնդրում եմ օգնել:
Եթե աշխատակիցը գտնվում է մինչև 3 տարեկան երեխայի խնամքի արձակուրդում և ցանկանում է արձակուրդի ավարտից անմիջապես ազատվել աշխատանքից, ի՞նչ ընթացակարգով պետք է ազատել աշխատակցին:

Լուսինե.

Հարգելի հաշվապահներ, խնդրում եմ ասեք` շրջանառության հարկ վճարող կազմակերպությունները (բացառապես շրջանառության հարկ վճարող) ինչպիսի՞ տարեկան հաշվետվություններ են ներկայացնելու հարկային մարմին: Հարցս վերաբերում է հատկապես շահութահարկի տարեկան հաշվարկին: Նախապես շնորհակալություն:

Հասմիկ.

Բարև ձեզ: Խնդրում եմ, եթե ձեզ դժվար չէ, կարո՞ղ էք ինձ ուղարկել աշխատանքի ընդունման, ազատման և արձակուրդի հրամանի ձևեր: Նախապես շնորհակալություն:

Ալլա.

Հարգելի գործնկերներ, խնդրում եմ պարզաբանեք` ազատվել է աշխատանքից (փոխտնօրեն, 63 տարեկան) և նշանակվել է ուսուցիչ նույն դպրոցում: Արդյո՞ք պետք է վճարել վերջնահաշվարկ, եթե այո, ապա ի՞նչ կարգով: Կանխավ շնորհակալություն:

Ռոմա.

Խնդրում եմ ասել` ի՞նչ փաստաթղթեր (տեղեկանքի և այլ բլանկների ձևեր) են պետք հարկային տեսչություն ներկայացնելու և գործատուին փոխհատուցում տալու համար` հղիության և ծննդաբերության նպաստի ավել վճարելու դիմաց, և որտե՞ղ կարող եմ գտնել այդ տեղեկանքի-բլանկների ձևերը: Եթե կարելի է, այդ ձևերն ուղարկել իմ հասցեին` romik.martirosyan շնիկ mail.ru:

Մարի.

Բարև Ձեզ: Կուզենայի հարց ուղղել հաշվապահներին.
Ես արդեն ավելի քան մեկ տարի օրինական կերպով (աշխատանքային գրքույկով գրանցված) աշխատում եմ ՍՊԸ – ում: Ընդունելիս եղել է բանավոր պայմանավորվածություն, որ հղիության դեպքում ինձ դեկրետային գումար չի վճարվելու, հավանաբար տնօրենը խուսափում էր, որ այդ գումարը վճարվելու էր իր կազմակերպության կողմից: Սակայն ծանոթ հաշվապահներ ասում են, որ այդ գումարը նրան փոխհատուցվում է պետության կողմից:

Կխնդրեի պարզաբանել, թե, այնուամենայնիվ, որ ֆոնդից է վճարվում հղիության բյուլետենի (դեկրետային) գումարը, և արդյո՞ք գործատուն ունենում է որևէ ֆինանսական կորուստներ:

Արտակ.

Կազմակերպությունում աշխատում եմ 1,3 տարի, ընդհանուր աշխատանքային ստաժս 28 տարի է, աշխատավարձիս չափը կազմում է ամսական պահումները հանված (որի մեջ ներառված է նաև արհմիության համար 1%-ը)` 106 660 դրամ, հոկտեմբերի 25-ից մինչև նոյեմբերի 1-ը ներառյալ ներկայացրել եմ անաշխատության թերթիկ` նոյեմբերի 4-ին: Խնդրում եմ պատասխանել` կազմակերպությունը ի՞նչ ժամկետում և ինչքա՞ն գումար պետք է վճարի անաշխատունակության թերթիկի դիմաց:

Անուշ.

Որտեղի՞ց կարող եմ քաղաքացիաիրավական պայմանագրի ձև գտնել:

Լիանա.

Հարգելի կոլեգաներ, սկսնակ հաշվապահ եմ, խնդրում եմ պատասխանեք: Շահութահարկի հաշվարկի լրացման հետ կապված այսպիսի մի հարց է առաջացել. հաշվետու տարվա համախառն եկամուտը /0103/ տողում լրացվում է <>, գումարը գրվում է ներառյա՞լ ԱԱՀ-ն, թե՞ ծառայությունների արժեքների հանրագումարը:

Տիգրան.

Բարև ձեզ: Ցանկանում եմ ճշտել` հնարավո՞ր է առանց նույնականացման քարտ ունենալու բացել ԱՁ:

Անուշիկ.

Բարև Ձեզ,
խնդրում եմ օգնեք մի հարցում: Ծառայություններ մատուցող ՍՊԸ-ն աշխատում է ԱԱՀ-ով: 14.11.2013-ին ծառայությունների մատուցման համար գրել եմ հարկային հաշիվ գումարը 120 000դր` արժեքը 100 000դր, ԱԱՀ 20 000դր: 15.11.2013-ին փոխանցել են 120 000 դրամ: Ի՞նչ ձևակերպումներ պետք է տամ: Կանխավ շնորհակալ եմ:

Կարեն.

Ո՞րն է համարվում պարտքի կետանցված օր:

astxik.

Բարև ձեզ, հարգելի հաշվապահներ: Եթե կարող եք, օգնեք: Աշխատում ենք ԱԱՀ-ի դաշտում, ունենք լիզինգի պայմանագիր սարքավորման ձեռք բերման համար: Սարքը տրված է մեզ հարկային հաշվով որպես վարձալալություն: Հարցս` հարկային հաշվի ԱԱՀ-ը կարո՞ղ եմ հաշվանցել: Կանխավ շնորհակալություն:

Artur.

Բարև Ձեզ:
Կազմակերպությունում աշխատում եմ 2 տարի 7 ամիս (շաբաթական 5 աշխատանքային օր, լրիվ դրույքով), սակայն մինչ օրս արձակուրդային օրերս չեմ օգտագործել: Այժմ ազատվում եմ աշխատանքից: Արդյո՞ք վերջնահաշվարկի ժամանակ կստանամ իմ չօգտագործված արձակուրդային օրերի գումարները (մոտ 52 օրերի համար): Լսել եմ, որ 2012թ. օգոստոս ամսից վերջնահաշվարկի ժամանակ հաշվի է առնվում միայն վերջին 18 ամիսներին աշխատած ժամանակ վաստակած արձակուրդային օրերը:
Կանխավ շնորհակալություն,
Հարգանքով,
Արթուր