Աղբյուր՝ Fintax.am

Այս տարվա դեկտեմբերի 24-ի կառավարության նիստում կառավարությունը որոշեց 2013 թվականի 846 որոշման մեջ կատարել փոփոխություն, համաձայն որի, հետաձգվեց ՀԴՄ կտրոնների վրա ապրանքի (ծառայության) անվանման տպագրման վերջնաժամկետը:

Այսպիսով, 2013 թվականի, 2014 թվականի, 2015 թվականի արդյունքներով մինչև 10.0 մլն դրամ և ավելի իրացումից հասույթ ունեցող հարկ վճարողների համար ՀԴՄ կտրոնների վրա ապրանքի (ծառայության) անվանման տպագրման վերջնաժամկետը սահմանվում է 2016 թվականի մայիսի 1-ը: Մինչև 10.0 մլն դրամ իրացումից հասույթ ունեցող հարկ վճարողների համար սահմանվում է մինչև 2017 թվականի հունվարի 1-ը:

Կառավարությունը որոշեց նաև, որ նախորդ տարվա արդյունքներով 58.35 մլն դրամ և ավելի իրացումից հասույթ ունեցող հարկ վճարողների կողմից ՀԴՄ կտրոնի վրա ապրանքի (ծառայության) անվանումը (տեսակը) պետք է լրացվի ՀՀ էկոնոմիկայի նախարարի 19.09.2013թ. N875-Ն հրամանով հաստատված արտադրանքի դասա­կարգումն ըստ գործունեության տեսակների դասակարգչի (ԱԴԳՏ) 4-րդ աստիճանին համապատասխան՝ ըստ դասակարգչով սահմանված ապրանքների և ծառայությունների դասերի (4 նիշ), իսկ նախորդ տարվա արդյունքներով 10.0 մլն դրամից մինչև 58.35 մլն դրամ իրացումից հասույթ ունեցող հարկ վճարողների կողմից՝ առնվազն 2-րդ աստիճանին համապատասխան՝ ըստ դասակարգչով սահմանված ապրանքների և ծառայությունների դասերի (2 նիշ):

Աղբյուր՝ Fintax.am

Ընկերություն՝ ShowCar
Հեռախոս՝ +37494805525
Էլ. փոստ՝ vigen շնիկ mail.ru
Թափուր աշխատատեղ՝ Գլխավոր հաշվապահ
Աշխատանքի նկարագրություն՝ Պահանջվում է հարկային օրենսդրությանը լիարժեք տիրապետող, աշխատանքային փորձ ունեցող լավ մասնագետ: Կազմակերպությունն աշխատում է ծառայությունների ոլորտում, հարկվում է ԱԱՀ-ով:

Հրայր.

Բարև ձեզ:
Հարցս հետևյալն է.
Արդյո՞ք ԱՁ-ն, որը զբաղվում է ավտոմեքենաների պահեստամասերի, աքսեսուարների և քսայուղերի (գործարանային փակ տարրաներով) մանրածախ առևտրով, պետք է ունենա լիցենզիա քսայուղեր վաճառելու։ Օրենքում ոչինչ հստակ գրված չէ, այսինքն, գրված է ինչ որ տեխնիկական հեղուկների մասին, ընդ որում ոչ հստակ։ Անհասկանալի է նաև, թե որոնք են այդ տեխնիկական հեղուկները։
Կանխավ շնորհակալություն:

Վարդան.

Բարև ձեզ, խնդրում եմ օգնեք ինձ մի քանի հարցում.
1. Ես հիմնադրել եմ ՍՊԸ և որպես տնօրեն եմ հանդես գալիս, բայց չունեմ պայմանագիր տնօրենի հետ:
2. ՍՊԸ հիմնել եմ 2015-01-12, բայց ոչ հարկայինում եմ գրանցվել, ոչ լիցենզիա եմ հանել որևէ ոլորտի, ոչ էլ որևէ բանկում բանկային հաշիվ կա բացված:
3.Ես անձնական խնդիրներ ունեմ հարկադիր կատարման մարմնի հետ, դա ինչ որ կերպ ազդեցություն կունենա՞ ՍՊԸ-ի հետ:

Ես հիմա ուզում եմ ակտիվացնել (այսինքն ստանալ լիցենզիա, գրանցվել հարկայինում…) ՍՊԸ-ն:
Խնդրում եմ, եթե հնարավոր է, կասե՞ք ինչ ազդեցություններ և տույժեր կարող են լինել, և իմ ԴԱՀԿ-ի հետ ունեցած խնդիրները ազդեցություն կունենա՞ն ՍՊԸ-ի վրա:
Կանխավ շնորհակալություն:

Սոֆի Հարությունյան.

Բարև ձեզ:
Կարո՞ղ եք ինձ օգնել գտնել հուսալի ինֆորմացիա ՌԴ-ում հաշվապահական հաշվեկշռի կառուցվածքի առանձնահատկությունների վերաբերյալ կամ համեմատություն ՀՀ-ում գործող ձևի հետ:
Կանխավ շնորհակալություն:

Karina Kazaryan.

Ինչքա՞ն պետք է լինի ՍՊԸ-ի նվազագույն աշխատողների քանակը:

Արթուր.

Բարև ձեզ:

1. Եթե ԱՁ-ն ուզում է ՓԲԸ-ի տարածքում տարածքի (գույքի) անհատույց վարձակալության պայմանագիր կնքել, արդյո՞ք ՓԲԸ-ի մոտ առաջանում է անհատույց վարձակալությամբ տրամադրվող տարածքի համար կադաստրային արժեքի 5%-ի չափով պարտավորություն: Ինչպե՞ս է որոշվում կադաստրային արժեքը 1 մետր քառակուսի տարածքի համար: Եթե տարածքը (սենյակը) 80 քառակուսի մետր է, կարելի՞ է արդյոք վարձակալել, օրինակ, 30 քառակուսի մետրը:

2. Եթե ԱՁ-ն ՓԲԸ-ի տարածքում վարձակալությամբ (անհատույց) տարածք (սենյակ) է վերցնում և ՓԲԸ-ի տնօրենի ու ԱՁ-ի (ԱՁ-ի տնօրենի) միջև կնքվում է պայմանագիր, արդյո՞ք պարտադիր է պայմանագրի նոտարական վավերացումը: Իսկ առհասարակ առանց պայմանագրի ԱՁ-ն կարո՞ղ է ՓԲԸ-ի տարածքում գործունեություն (ծառայություն) իրականացնել:

Angela.

Հարգելի մասնագետներ, խնդրում եմ օգնել հասկանալ. անասնաբուժական ծառայությունները, ենթադրենք շների ու կատուների վակցինացիան, անհատ անձը իրականացնում է վճարովի, որևէ հարկատեսակով հարկվելու՞ է, թե՞ ոչ: Եթե նույն ծառայությունները իրականացվեն կազմակերպության միջոցով, ի՞նչ հարկային պարտավորություններ են առաջանում: Ընդհանրապես ոլորտը կարգավորող ի՞նչ օրենքներ կան:

Տիգրանուհի.

Բարև ձեզ:
Եթե անաշխատունաության թերթիկը բացվել է 23.11-ից մինչև 07.1, այս դեպքում նպաստը ո՞ր ամսում է հաշվարկվում:

gayane.

Բարև ձեզ: Խնդրում եմ պատասխանել հետևյալ հարցին:
Աշխատողը իր հերթական ամենամյա արձակուրդից օտվելուց հետո, աշատելով 15 օր, գնացել է իր հաշվին արձակուրդ 60 օր ժամկետով, ապա ազատվել աշխատանքից` դիմումի համաձայն: Այդ դեպքում աշխատողին վերջնահաշվարկ հասնու՞մ է, թե՞ ոչ: Շնորհալալություն:

Արմինե Օհանյան.

Բարև ձեզ: Խնդրում եմ օգնեք հաշվարկեմ անաշխատունակության նպաստը: Աշխատողն աշխատանքի է ընդունվել 01.10.2015թ.-ին: 05.11.2015թ-ից դեռևս հայտնի չէ` երբ կավարտվի, ներկայացրել է անաշխատունակության թերթիկ: Ասացեք խնդրեմ` ինչպես հաշվարկեմ անաշխատունակության նպաստը նոյեմբեր, դեկտեմբեր ամիսներին: Կանխավ շնորհակալություն: Խնդրում եմ հնարավորիս շուտ պատասխանել:

Լուսի.

Կազմակերպությունը բոլոր աշխատողների հետ կնքում է նոր աշխատանքային պայմանագրեր: Ինչպիսի՞ պայմանագրեր պետք է կնքել կենսաթոշակային տարիքը լրացած անձանց հետ:

Alik.

Կարո՞ղ եք պատասխանել` ինչպե՞ս է հարկվում իրեն սեփականությամբ պատկանող կոմերցիոն տարածքի սեփականատերը, եթե նա այդ տարածքը երկու մասով վարձակալության է տալիս երկու առանձին անհատ ձեռներեցների, այսինքն ամեն մեկի հետ պայմանագիր է կնքում տարածքի մի մասի մասով: Օրինակ, եթե ամեն մեկի համար վարձը կազմում է 500 դոլար, երկուսը միասին 1 000 դոլար, որքա՞ն է կազմում պետությանը վճարվելիք հարկի չափը:

Արփինե.

Ես ցանկանում եմ օնլայն առևտրով զբաղվել: Ինտերնետ կայքով ապրանք պատվիրել արտասահմանից, սոցիալական ցանցի միջոցով գտնել գնորդներ, սակայն առևտուրը իրականացնել ոչ թե օնլայն տարբերակով, այլ գնորդների հետ հանդիպել, վերցնել գումարը և տալ ապրանքը: Այդ դեպքում գործունեությունը հարկման ենթակա՞ է: Կանխավ շնորհակալություն:

Լիանա Պողոսյան.

Հարգելի հաշվապահներ, խնդրում եմ, ինձ ուղարկեք քաղաքացիաիրավական պայմանագրի ձև՝ բուժհաստատությունում աշխատոող ընդունելու համար: Կա՞ն տարբերություններ քաղաքացիաիրավական պայմանագրերի մեջ, թե որ հաստատությունում ես գործի ընդունում աշխատողին: Կանխավ շնորհակալություն:

arpik.

Եթե աշխատողը արձակուրդ է գնացել 2014թ. դեկտեմբերին, հաջորդը՝ 2015թ. դեկտեմբերին, միջին ամսական աշխատավարձը հաշվելիս 2014թ. դեկտեմբերը հաշվու՞մ ենք, թե՞ ոչ:

Ընկերություն` ՆԱՐԵԿ ՍՊԸ
Էլ. փոստ` narek_ltd շնիկ yahoo.com
Թափուր աշխատատեղ` Կադրերի տեսուչ
Աշխատանքի նկարագրություն` Հրավիրում ենք աշխատանքի մարդկային ռեսուրսների կառավարման բաժնի աշխատակցուհիների հետևյալ պայմաններով. 1. Բարձրագույն կրթությունը պարտադիր է , իրավաբանական կրթությունը պարտադիր, 2. Աշխատանքային օրենսգրքի լավ իմացություն, 3. Աշխատանքային փորձը տվյալ բնագավառում՝ 5 տարի, 4. Տարիքը ՝ 25-ից բարձր, 5. Կոլեկտիվում աշխատելու ունակություն Ցանկացողները կարող են ռեզյումեներն ուղարկել հետևյալ էլ. հասցեին՝ narek_ltd շնիկ yahoo.com
Աշխատավարձ` 100 000-120 000

Taguhi.

Բարև ձեզ: Խնդրում եմ, հաշվապահական հաշվառման միջազգային ստանդարտներից 17-ը ունենալու դեպքում ուղարկել:

Ofelya Vahanyan.

Կարո՞ղ եք ինձ ասել, թե ինչպես իրավաբանական անձ գրանցեմ պետական ռեգիստրում (բլանկի ձևը):

Անի.

Հարգելիներս, շատ շտապ է, խնդրում եմ օգնեք: Արդյո՞ք տեղյակ եք` եթե տարեկան եկամտային հարկի հաշվարկ է ներկայացվել եկամտային հարկի պարզեցված հաշվարկի փոխարեն, ու այսօր նոր տեղեկացնում են դրա մասին, ի՞նչ է մեզ սպասվում: Վճարումները բոլորը ճիշտ արված են: Խնդրում եմ օգնեք:

Lyudmila.

ԱԱՀ-ով եմ աշխատում, հարցս հետևյալն է. 2015-ին ստացված հարկային հաշիվները պարտադիր էլեկտրոնային պե՞տք է ստորագրել, թե՞ ոչ, եթե գիտեք` շտապ արձագանքեք և համապատասխան օրենքին կամ որոշումանը հղում արեք:

Հովո.

Հարգելիներս, խնդրում եմ, մի հարցով օգնեք. սկսնակ վարսավիր եմ և ուզում եմ աշխատել օրենքի սահմաներում, սակայն ամենամատչելի հարկերով: Խնդրում եմ, օգնեք՝ ինչի՞ց սկսեմ, և ո՞րը կլինի ամենահարմար հարկի տեսակը, աշխատելու եմ մենակ, աշխատողներ չեմ ունենալու: Նախապես շնորհակալություն:

Marine.

Հարգելի գործընկերներ, խնդրում եմ հուշեք ինձ: Հարցս հետևյալն է. Ա/Ձ -ն իրականացրել է վարսավիրական գործունեություն, բայց հիմա գործունեությունը ցանկանում ենք փոխել, այսինքն տարածքը տալ վարձակալության այլ Ա/Ձ-ի: Ի՞նչ փաստաթղթային փոփոխություն պետք է արվի հարկային տեսչությունում և ի՞նչ հարկատեսակով պետք է արդեն հարկվենք: Կանխավ շնորհակալություն:

vardanlalazaryan.

Բարև ձեզ։ Խնդրում եմ ասել, թե ինչ է նշանակում “Շրջանառության հարկի մեջ շահութահարկի հաշվարկային մեծությունը կազմում է 40 տոկոս”:

Lyudmila.

Շտապ է, ԱԱՀ-ի հաշվարկի համար ավելացում, պակասեցումների թղթակցությունները կգրե՞ք:
Շնորհակալ եմ նախապես արձագանքողներին:

Աղբյուր` Fintax.am

Նոր սերնդի հաշվիչ դրամարկղային մեքենաների ձեռքբերման պարտավորությունը փոքր և միջին ձեռնարկությունների համար կարող է հետաձգվել մեկ տարով: Այս մասին Ազգային ժողովում հայտարարել է ՀՀ ֆինանսների փոխնախարար Վախթանգ Միրումյանը:

Նրա խոսքերով, այս պահին Հայաստանում մոտ 25 հազար ձեռնարկատեր չունի նոր սերնդի ՀԴՄ: Հետևաբար գործադիրն առաջակում է հետաձգել համապատասխան որոշման կիրառության ժամկետը մինչև 2017 թվական:

Հիշեցնենք, որ ՀՀ կառավարության՝ hսկիչ դրամարկղային մեքենաների կիրառման կարգի վերաբերյալ որոշումը ուժի մեջ է մտնում 2016 թվականի հունվարի 1-ից, ըստ որի՝ բոլոր հարկատուները պետք է ձեռք բերեն և կիրառեն նոր սենրդի ՀԴՄ սարքեր, իսկ կտրոնի վրա պետք է առկա լինի գնված ապրանքների ողջ ցանկը՝ գործարքի մյուս մանրամասներով:

Աղբյուր` Fintax.am

Ընկերություն` K2 Armenia
Հասցե` Fuchik 27/41
Հեռախոս` 43333341
Էլ. փոստ` K2armeniak2 շնիկ gmail.com
Թափուր աշխատատեղ` Հաշվետար Օպերատոր
Աշխատանքի նկարագրություն` Ընկերությունը աշխատանքի է հրավիրում հաշվետար/Օպերատորների բարձրագույն կրթությամբ և 1C 8,2-ի գերազանց իմացությամբ: ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐԸ` – Վաճառքի պատվերների գրանցում. մուտքագրում, ելքագրում` ըստ տեսակի և քանակի, – Սահմանված ժամկետում հաշվետվությունների կազմում և ներկայացում վերադասին: ՊԱՀԱՆՋՎՈՂ ՈՐԱԿԱՎՈՐՈՒՄՆԵՐԸ` – բարձրագույն կրթություն, – հայերենի և ռուսերենի գերազանց իմացություն, – պարտադիր աշխատանքային փորձ, – համակարգչային գիտելիքներ` MS Office-ի գերազանց իմացություն, մասնավորապես Excel ծրագրի, -1C ծրագրի գերազանց իմացություն, – գրագետ, կիրթ, պատասխանատու, թիմում աշխատելու կարողություն, արագ կողմնորոշվելու հնարավորություն: Ինքնակենսագրությունը /CV/ կարող եք ուղարկել K2HRArmenia շնիկ gmail.com հասցեին:

Lyudmila.

Ողջույն բոլորին:
Կազմակերպությունը ապահովագրել է Պողոսին, որը չի աշխատում տվյալ կազմակերպությունում, օրինակ` 10 000 ապահովագրավճար է փոխանցել և դրանից 11% եկամտային հարկ է փոխանցել: 10 000 × 11% = 11 000 :
Հիմա հարցս հետևյալն է` 10 000-ը շահութահարկի հաշվարկում ծախս համարվու՞մ է:
Եթե համապատասխան հղում անեք, շնորհակալ կլինեմ:

Arsine.

Ընկերությունը հիմնադրվել է 2014թ-ին և աշխատում է ԱԱՀ դաշտում: 2016թ-ից հանդիսանալու է ամսական ԱԱՀ վճարող: Իրականացնում է մեծածախ և մանրածախ առևտուր: Ունի ՀԴՄ: Ներկա պահին ՀԴՄ կտրոնի վրա չի արտացոլվում ապրանքի անվանումը, քանակը և գինը: Հարցս հետևյալն է` արդյո՞ք 2016թ-ի հունվարի 1-ից պարտադիր է, որ ՀԴՄ կտրոնի վրա նշվեն ապրանքի անվանումը, քանակը և գինը, ստացված գումարի չափը, տրված մանրը և այլն:

Կանխավ շնորհակալություն:

Lyudmila.

Հարգելի հաշվապահներ, խնդրում եմ պատասխանեք հարցիս, եթե օրենք կա` հղում արեք: Հարկային տեսչությունում ընկերության քարտավարը իրավունք ունի՞ ընկերության Գլխավոր հաշվապահի պահանջով թղթային ներկայացնել ԱԱՀ – ի դեբետի հաշվանցումների T հաշիվը: Ընկերությունը զրոյական ԱԱՀ – ով է աշխատում: Շնորհակալ եմ կանխավ:

Մարիամ.

Հարգելի հաշվապահներ,
Եթե որևէ մեկդ գիտի այն որոշման համարը, ըստ որի մինչև 3 տարեկան երեխայի խնամքի արձակուրդում գտնվող աշխատողի համար պետք է վճարել սոցիալական վճար 3 000 դրամի չափով, խնդրում եմ շատ շուտ արձագանքի:

Ընկերություն` Դի Ջի Բիզնես Ըդվայս
Էլ. փոստ` hr շնիկ advice.am
Թափուր աշխատատեղ` Գլխավոր հաշվապահ, գլխավոր հաշվապահի օգնական
Աշխատանքի նկարագրություն` Հաշվապահական ծառայություններ մատուցող ՍՊԸ-ն աշխատանքի է հրավիրում գլխավոր հաշվապահի և գլխավոր հաշվապահի օգնականի:
Պահանջվող որակավորումը՝
– Բարձրագույն կրթություն` ցանկալի է տնտեսագիտական,
– Առնվազն 3 տարվա գլխավոր հաշվապահի աշխատանքային աշխատանքային փորձ, գլխավոր հաշվապահի օգնականի 1 տարվա աշխատանքային փորձ
– ՀՀ հարկային օրենսդրության, Ֆինանսական Հաշվետվությունների և դրանց կիրառման հմտություն,
– 1C հաշվապահական ծրագրի, MS Office փաթեթի և համացանցում որոնողական ծրագրերի գերազանց իմացություն և աշխատանքային փորձ,
– Հայերենի գերազանց, Ռուսերենի լավ իմացություն, Անգլերենի իմացությունը՝ ցանկալի է,
– Անալիտիկ մտածողություն, բարդ իրավիճակներում արագ և հիմնավորված լուծումներ գտնելու և գործելու հմտություն,
– Կազմակերպչական հմտություններ և կենտրոնացված ուշադրություն` նույնիսկ մանրուքների նկատմամբ,
Աշխատանքային օրերն ու ժամերը`
– երկուշաբթիից ուրբաթ, բացառությամբ ՀՀ օրենսդրությամբ սահմանված տոնական և հիշատակի օրերի,
– 9:00-ից 18:00:
Աշխատավարձ` –
Այլ նշումներ` Ռեզումեները ուղարկել վերը նշված հասցեին:

Ani.

Հարցս վերաբերում է եկամտային հարկին.

Կազմակերպությունը հաճախակի միջոցառումներ է կազմակերպում, որոնց ընթացքում լինում է հյուրասիրություն, և մասնակիցներին բաժանվում են գրիչներ, նոթատետրեր, փոքր արժեք ունեցող նվերներ:

Խնդրում եմ պատասխանել, թե ինչպես պետք է կատարվի եկամատային հարկի հաշվարկը (սանդղակով, թե 11%), և ընդհարապես տարբեր տեսակի միջոցառումների ժամանակ հյուրասիրությունը հարկման ենթակա՞ է եկամտային հարկով, թե՞ ոչ:

Շնորհակալություն:

Արթուր.

Հարգելի գործընկերներ, կազմակերպությունը գործունեությունը դադարեցրել է 2012թ.-ին: Հիմա ցանկանում ենք վերսկսել գործունեությունը, սակայն տարեսկզբին (մինչև փետրվարի 20-ը) շրջանառության հարկ վճարող համարվելու դիմում չենք ներկայացրել: Հիմա եթե վերսկսենք գործունեությունը, արդյո՞ք հարկվելու ենք ԱԱՀ-ով, թե դադարեցված լինելու պայմաններում արդեն գործում է հայտարարություն ներկայացնելու 20-օրյա ժամկետը:

Gayane.

Բարև ձեզ: Ես ունեմ մեկ տարեկան երեխա և դեռ գտնվում եմ ֆիզ. արձակուրդի մեջ: Հարցս հետևյալն է. եթե ես ունենամ երկրորդ երեխան, առանց աշխատանքի դուրս գալու, ապա ինձ կտրամարդրվի՞ 140 օրվա նպաստը, թե՞ ոչ: Կանխավ շնորհակալություն պատասխանի համար:

Liana Pogosyan.

Խնդրում եմ ինձ ասել` եթե բժշկին ես ընդունում եմ քաղաքացիաիրավական պայմանագրով աշխատանքի, բժշկի կատարած վիրահատության քանի՞ տոկոսը պետք է վարձատրեմ: Կա՞ արդյոք նվազագույն շեմ:

Հարգելի հաշվապահներ,

Խնդրում եմ հուշել, թե ինչ ձևակերպում պետք է տալ, երբ կազմակերպության աշխատակիցը իր միջոցներով ձեռք է բերում ապրանք, և պետք է փոխհատուցել նրան այդ գումարը:
Ճի՞շտ են արդյոք հետևյալ ձևակերպումները
Դ216 Կ228
Դ228 Կ 528

Դ528 Կ228
Դ228 Կ 251
Կանխավ շնորհակալություն:

Արման.

Ժողովուրդ ջան, հիմա մյուս տարվա հունվարի 1-ից հետո արդեն բոլորը պետք է նոր սերնդի ՀԴՄ-ներով աշխատե՞ն և ՀԴՄ կտրոնի վրա պարտադիր տպե՞ն ապրանքի անվանումը և քանակը:

Աննա.

Հարգելի գործընկերներ,
Խնդրում եմ նշեք, թե ինչ փաստաթղթեր են անհրաժեշտ տնօրենի պայմանագրում փոփոխություն կատարելու համար, մասնավորապես աշխատավարձի փոփոխության դեպքում:

Գևորգ Քոչարյան.

Առաքման գիրք ովքե՞ր են վարում և ո՞վքեր են ազատված այդ պարտականությունից:

Margarita.

Բարև ձեզ, կասե՞ք` ինչքան ժամանակով կարող ենք սառեցնել կազմակերպությունը, և ինչպե՞ս է դա արվում: Խնդրում եմ շտապ պատասխանել:

Լիլի.

Արդյո՞ք պարգևատրման գումարից պահվում է 5 % սոց. վճար:

Աստղիկ.

Բարև ձեզ: Կխնդրեի օգնել: Ֆիզ. արձակուրդում գտնվող աշխատողին փոխարինող է նշանակվում, որի պայմանագրում նշված է ժամկետը՝ մինչև հիմնական աշխատողի ֆիզ. արձակուրդից վերադառնալը: Փոխարինողն ինքը գնում է ֆիզ. արձակուրդ, այդ ընթացքում հիմնական աշխատողը հետ է վերադառնում աշխատանքի, ի՞նչ է կատարվում փոխարինողի հետ, արդյո՞ք ազատվում է աշխատանքից, թե՞ գտնվում է ֆիզ. արձակուրդում:

Արմինե.

Արդյո՞ք գործատուն իրավունք ունի մայրության երկրորդ նպաստը (ֆիզից ֆիզ) չվճարելու:

GOHAR.

Հարգելի կոլեգաներ, շինարարական գործունեություն իրականացնող կազմակերպությունը անորոշ ժամկետով դադարեցրել է աշխատանքային գործունեությունը: Ես գտնում եմ, որ պետք է ազատեմ իմ բոլոր աշխատողներին (եթե սխալ եմ, խնդրում եմ ուղղեք ինձ): Տնօրենը մնու՞մ է աշխատանքի մեջ: Եթե մնում է, ես նրան աշխատավարձ հաշվարկու՞մ եմ, թե՞ ոչ: Կանխավ շնորհակալ եմ:

Ընկերություն` “Գործ բոլորին” աշխատանքի տեղավորման գործակալություն
Հասցե` Կոմիտաս 51, 2-րդ հարկ, 12 սենյակ
Հեռախոս` 238002, 099 727355, 093 727355, 055 727354
Էլ. փոստ` gortsbolorin շնիկ gmail.com
Թափուր աշխատատեղ` Ֆինանսական վերլուծաբան
Աշխատանքի նկարագրություն` Պահանջներ` Տարիքը` մինչև 35, բարձրագույն կրթություն, առնվազն 5 տարվա աշխատանքային փորձ, անգլերեն լեզվի գերազանց իմացություն: Պարտականություններ` Ընկերության ֆինանսական և տնտեսական ցուցանիշների վերլուծություն, ֆինանսավորման աղբյուրների վերլուծություն, բյուջետավորման և պլանավորման համակարգերի մշակում, կազմակերպության տնտեսական գործունեության վերլուծություն, ծախսերի օպտիմալացում, բյուջեի պլանավորմանը մասնակցություն: Աշխատանքային գրաֆիկ` 5-օրյա աշխատանքային գրաֆիկ, ժամեր` 09:00 – 18:00:
Աշխատավարձ` Կախված հարցազրույցի արդյունքից
Այլ նշումներ` Մանրամասների համար զանգահարել՝ 238002, 099 727355, 055 727354, 093 727355:

Super Joke.

1. Գործու՞մ են արդյոք հաշվապահական հաշվառման ստանդարտնեռը: Ինչո՞վ ղեկավարվել գործառնությունների ճանաչման և ձևակերպումների համար: Ո՞ր ԳՈՐԾՈՂ (!) օենսդրական ակտով: superjoke շնիկ mail.ru

2. Հաշվապահական հաշվառման հաշվային պլանը անգլերեն – եթե հնարավոր է, ապա ուղարկել superjoke շնիկ mail.ru հասցեով:

Կանխավ շնորհակալ եմ:

ARMNAVASARDYAN.

Կազմակերպությունը գրքեր է տպագրում և մատակարարում գրախանութներին: Խնդրում եմ բացատրեք` ինչպիսի՞ փաստաթղթերով է կատարվում վերը նշված գործընթացը (կոմիսիո՞ն, թե՞ գործակալական պայմանագիր պետք է կնքել) և ամեն անգամ գրքեր առաքելիս (պայմանագիր կնքելուց հետո) ինչպիսի՞ փաստաթղթեր են անհրաժեշտ:

Մովսես.

Վարչական տուգանքից խուսափելու ինչ-որ հնարավորություն կա՞: