Անի.

Խնդրում եմ, օգնեք գտնեմ գնումների համակարգողի որակավորում ստանալու քննության հարցաշարի պատասխանները:

Իննա.

Բարև ձեզ: Կարո՞ղ եք հուշել՝ որտեղ պետք է նշվի աշխատակցի՝ երեխայի խնամքի արձակուրդում գտնվելու մասին տեղեկությունը՝ եկամտային հարկի հաշվետվության մեջ: Կանխավ շնորհակալ եմ:

Հ.Գ. Նպաստների ցանկում նշված են միայն՝
1. հիվանդության նպաստ,
2. պրոթեզավորման նպաստ,
3. առողջարանային բուժման նպաստ,
4. հղիության և ծննդաբերության նպաստ,
5. ընտանիքի հիվանդ անդամի խնամքի նպաստ:

Էլինա.

Բարև ձեզ, հարգելիներս: Կասե՞ք` ինչքան կկազմի իմ մայրության նպաստը: Աշխատավարձս 55 000 դրամ է, սպասում եմ զույգերի, ֆիզ. արձակուրդ եմ գնալու հունիս ամսին, աշխատանքային արձակուրդ մինչ այդ չեմ գնալու: Նախապես շնորհակալություն:

Ընկերություն` ԻՄԷՔՍ ԳՐՈՒՊ
Հասցե` Երևան, Թբիլիսյան 25
Էլ. փոստ` Careers շնիկ imexgroup.am
Թափուր աշխատատեղ` Հաշվապահ
Աշխատանքի նկարագրություն` 1. Ընկերության հաշվապահական հաշվառման համար տեղեկությունների հավաքագրում, հաշվապահական հաշվառման վարում և ֆինանսական հաշվետվությունների կազմում ու ներկայացում համապատասխան մարմիններին, 2. Հաշվապահական հաշվառման իրականացման համար տեղեկատվության և տվյալների մուտքագրում համապատասխան ծրագրերում և համակարգերում, 3.Վճարման հանձնարարագրերի պատրաստում: 4. Ներմուծվող և արտահանվող ապրանքների ինքնարժեքի հաշվառում: 5. Մատակարար ընկերությունների և տեղական կազմակերպությունների քարտերի (դրամով և արտարժույթով) վարում: 6. Ըստ կատեգորիաների ծախսերի հաշվառում:
Աշխատավարձ` 150 000
Այլ նշումներ` Կարող եք ուղարկել Ձեր տվյալները careers շնիկ imexgroup.am էլ.հասցեին` նշելով հաստիքը, կամ այցելել գրասենյակ Թբիլիսյան խճուղի 25 հասցեով ամեն աշխատանքային օր ժ.10.00-16.00-ը:

Սաթեն.

Հարգելի հաշվաահներ, խնդրում եմ պատասխանեք. ինչպե՞ս կատարեմ աշխատավարձի իջեցում, արդյո՞ք իրավունք ունեմ աշխատողի աշխատավարձը իջեցնել:

Նազելի.

Բարև ձեզ:
Խնդրում եմ պարզաբանել` Ա/Ձ-ն համարվում է շրջանառության հարկ վճարող, մատուցում է ծառայություններ ֆիզիկական անձանց: Հաշվարկային փաստաթղթեր կազմելը արդյո՞ք պարտադիր է, քանի որ կնքվում է պայմանագիր, և ծառայության մատուցման ավարտին կազմվում է ընդունման-հանձնման ակտ: Կանխավ շնորհակալություն:

Նորայր.

Բարև ձեզ: Եթե ուզում եմ սկսել օնլայն բիզնես, բայց չգիտեմ՝ կաշխատի, թե ոչ, չգիտեմ՝ մեկ ամիս հետո իրեն կարդարացնի, թե ոչ, չգիտեմ՝ կկարողանամ այդ կայքի միջոցով գումար աշխատել ու հարկերը վճարել, թե ոչ, և այդպես մի քանի կայքեր: Կարո՞ղ եմ առաջին մի քանի ամիսը հարկայինում չգրանցվել: Ու եթե չգրանցվեմ, ինչ-որ խնդիրներ կլինե՞ն: Ասեմ, որ կայքում կա փողի փոխանակություն՝ մի օգտվողի հաշվից դեպի մյուսի հաշիվ:

Սիլվա.

Բարև ձեզ, կխնդրեի ինձ մի հարցով օգնել, եթե կարող եք շտապ: Նոր ԱՁ եմ բացել, ես հաշվապահ չունեմ, այն նորմալ ճիշտ հասցեով գրանցել ենք, շրջանառության հարկի դիմումը ճիշտ հասցեով գրել ենք, բայց ՀԴՄ ձեռքբերելու 100 կետը լրացնելուց սխալմամբ բնակարանի և շենքի համարների տեղերը շփոթել եմ և հայտը ուղարկել եմ, այն դեռ բավարարված չէ, այլ ընթացքի մեջ է, ուզում եմ հասկանալ, որ դա լուրջ պրոբլեմ է ՀԴՄ ձեռք բերելու համար, արդյոք կարող եմ այդ հայտը անվավեր ճանաչեմ, եթե այո, ով կարող է օգնել ինձ: Կանխավ շնորհակալություն:

Արմենակ.

Հարգելի հաշվապահներ, էլեկտրոնային ստորագրության պայմանագիր որտե՞ղ պետք է կնքեմ: Մինչ այդ իմ փոխարեն ստորագրել է այլ անձ, ինչպե՞ս պետք է փոխեմ իմ անունով:

Նելլի.

Կազմակերպությունը աշխատում է շրջանառության հարկով: 2014թ. շրջանառությունը եղել է 11.300.000 դր., 2015թ-ին` 9.787.000 դր, 2016թ-ին` 9.800.000 դր: Խնդրում եմ ասեք` նոր սերնդի ՀԴՄ պե՞տք է ձեռք բերի կազմակերպությունը, և եթե չունի, ի՞նչ տույժ է կիրառվում:

Mary.

Բարև ձեզ: Կարո՞ղ է արդյոք կազմակերպության տնօրենը իր սեփական միջոցներով կազմակերպության համար գնել ապրանքներ առևտրական գործունեության նպատակով, իսկ կազմակերպությունը հետագայում այդ գումարը փոխանցի տնօրենի անձնական հաշվեհամարին:

Նինա.

Հարգելի հաշվապահներ, արդյո՞ք գործում է արդեն դրոշմանիշային վճարի մասին օրենքը` աշխատավարձից 1 000 դրամ բանակին հատկացնելու վերաբերյալ:

Աննա.

Հնարավո՞ր է արդյոք շրջանառության հարկի եռամսյակային հաշվետվությունը ներկայացնելիս “7.4. Հաշվետու եռամսյակում ապրանքների ձեռքբերման ծախսերի գումար” կետը թողնել առանց լրացնելու։ Շնորհակալություն։

Մարի.

Կազմակերպությունը տվել է կանխավճար մատակարարին, ապրանքը ստանալու է ԱԱՀ-ով: Ինչպիսի՞ հաշվապահական ձևակերպումներ պետք է տրվեն:

Lusine.

ԱՁ-ն բացվել է 2016թ-ի մայիսին: Վճարվել է 10 000 դրամ և դադարեցվել հունիսին, վերսկսվել է նոյեմբերի 2-ին:
Չունի վարձու աշխատող, իսկ Անհատ Ձեռնարկատերը հղիացել է նոյեմբեր ամսվանից: Արդյոք ունի՞ որևէ պարտականություն սոց. վճարների նկատմամբ, և ինչպե՞ս կվճարվի (թե ոչ) նրա դեկրետային վճարը:

Yeghishe.

Բարև ձեզ: Ունեմ մեկ հարց` կապված ԱՁ-ի հարկային պարտավորությունների հետ: Քանի որ ցանկանում եմ գրանցել ԱՁ և բացել փոքրիկ համակարգչային կենտրոն ոչ մարդաշատ բնակավայրում, ուստի կցանկանայի նախօրոք իմանալ հարկային և պետական պարտադիր վճարների մասով պարտավորությունների մասին: Նախապես շնորհակալ եմ:

Վանուհի.

Հարգելի հաշվապահներ, խնդրում եմ պարզաբանել.
փաստաբան ԱՁ-ն հանդիսանում է ընտանեկան ձեռնարկատիրության սուբյեկտ:
ԱՁ-ն չունի ՀԴՄ: Մինչ օրս ֆիզ. անձ հաճախորդների հետ կնքում է ծառայությունների մատուցման պայմանագիր և լրացնում հաշիվ-ապրանքագիր թղթային տարբերակով: Հարցս հետևյալն է. արդյո՞ք 2016թ-ից պարտադիր էլեկտրոնային եղանակով հաշվարկային փաստաթուղթ պետք է դուրս գրեր ֆիզիկական անձանց, թե՞ ոչ:

Կանխավ շնորհակալություն:

Ռուզան.

Բարև ձեզ, հարգելի կոլեգաներ: Խնդրում եմ օգնեք ինձ հետևյալ հարցով. ՍՊԸ-ն, որն ունի ավտոտեխսպասարկման կետ, ցանկանում է նույն վայրում նաև մեքենայի յուղերի աքռուվաճառքով զբաղվել: Այս գործունեությունը հարկվելու է շրջանառությա՞ն հարկով (շրջանառությունից 5%): Եթե այո, ապա շրջ. հարկը նվազեցվելու՞ է ծախսերի 4%-ով (շրջ. հարկի օրենքի հոդված 7, կետ1.1): Եվ այս դեպքում նվազեցվող ծախսեր են համարվում միայն ձեռք բերմա՞ն ծախսերը (քանի որ ապրանքը ՍՊԸ-ին մատակարարելու է վաճառող կազմակերպությունը, այսինքն տրանսպորտի ծախսեր չկան): Մատակարարող կազմակերպությունը ի՞նչ փաստաթղթեր պետք է տրամադրի: Կանխավ շնորհակալ եմ:

Arsine.

ԱՁ-ն աշխատում է շրջանառության հարկով: Ստացել է ապրանքների ձեռքբերման հաշիվ օր.՝ 1 000 000 դրամի չափով, իսկ ճշգրտող՝ 100 000 դրամի չափով:
1. Շրջանառության հարկի հաշվետվության “Հաշվետու եռամսյակում ապրանքների ձեռքբերման ծախսերի գումար” դաշտում լրացվում է 1 000 000, թե՞ 1 000 000 – 100 000 = 900 000 դրամ:
2. Եթե ԱՁ-ն մինչև փետրվարի 20-ը դիմում է ներկայացրել շրջանառության հարկով հարկվելու վերաբերյալ, կարո՞ղ է արդյոք տարվա ընթացքում դիմում ներկայացնել ԱԱՀ-ով հարկվելու մասին:

Լուսինե.

ԱՁ-ն զբաղվում է վեբ կայքով տեղեկատվությամբ, մարքեթինգով և գովազդով: Կարելի՞ է արդյոք նրան միացնել 2-րդ գործունեությունը` ավտոպահեստամասերի ներմուծումը և վաճառքը: Այդ դեպքում ի՞նչ հարկատեսակներով դրանք կհարկվեն:

Վահան.

Որպես ԱՁ գրանցվելու համար ի՞նչ փաստաթղթեր են հարկավոր և որտե՞ղ պետք է դիմել: Խնդրում եմ նաև ասել` ԱՁ ի՞նչ կարող է արտահանել կամ ներկրել: Կա՞ այդպիսի ցուցակ, որտեղ նշվում են թույլատրելի և ոչ թույլատրելի ապրանքների անվանումները:

Ընկերություն` ԱՆԵՍԱ
Հասցե` ք. Երևան, Հանրապետության Հրապարակ
Հեռախոս` 093545383
Էլ. փոստ` hr շնիկ anesatour.am
Թափուր աշխատատեղ` Գլխավոր հաշվապահ
Աշխատանքի նկարագրություն` – Ստեղծել, ներդնել և կոորդինացնել հաշվապահա-ֆինանսական ընթացակարգերը և ընդհանուր հաշվապահական համակարգը – Անմիջականորեն իրականացնել և/կամ վերահսկել հաշվապահական և ներքին ֆինանսական հաշվետվությունների ամբողջականությունն ու ճշգրտությունը – Ապահովել եկամուտների և ծախսերի ճշգրիտ վերլուծություն – Վարել և վերահսկել ընթացիկ հաշվապահությունը – Հետևել հաշվապահական և ֆինանսահարկային օրենսդրության փոփոխություններին, և ապահովել հաշվապահության վարումը գործող օրենսդրության պահանջներին համապատասխան – Պատրաստել հրապարակման ենթակա ֆինանսական հաշվետվությունները
Աշխատավարձ` պայմ
Այլ նշումներ` ՊԱՀԱՆՋՎՈՂ ՈՐՈԿԱՎՈՐՈՒՄ; – Հաշվապահի որակավորում – Տնտեսագիտական/հաշվապահական/բարձրագույն կրթություն – Նվազագույնը 3 տարվա աշխատանքային փորձ գլխավոր հաշվապահի պաշտոնում` հյուրանոցային ոլորտի փորձը կդիտվի առավելություն – Գերազանց համակարգչային գիտելիքներ՝ MS Office (մասնավորապես Excel ծրագրի գերազանց իմացություն), հաշվապահական ծրագրերի իմացություն – ՀՀ հարկային և տնտեսական ոլորտի օրենսդրության գերազանց իմացություն – Թիմում աշխատելու և ղեկավարման հմտություններ – Հաղորդակցման և ներկայացման հմտություններ

Արմեն.

Հարգելի գործընկերներ, նախ շնորհավորում եմ բոլորի Նոր Տարին և Սուրբ Ծնունդը: Խնդրում եմ ծանոթացնել այն գլխավոր փոփոխություններին, որոնք կատարվել են օրենսդրական ակտերում և գործելու են 2017թ. հունվարի 1-ից: Նախապես շնորհակալություն:

Արման.

Պարտադի՞ր է արդյոք հարկային հաշիվների / հաշիվ-ապրանքագրերի թղթային պահպանումը, և կարո՞ղ ենք պահպանել միայն էլեկտրոնային:

Հարութ.

Արդյո՞ք ՀՀ – ում կան հաշվապահական կազմակերպություններ կամ կենտրոններ, ովքեր սկսնակ գործարարներին տրամադրում են անվճար խորհրդատվություններ ԱՁ – ի վերաբերյալ:

Արսեն.

Բարև ձեզ: Ես ցանկանում եմ ՍՊԸ բացել, ի՞նչ է հարկավոր անել դրա համար:

Մարիամ.

Բարև ձեզ, հարգելի կոլեգաներ: Ինձ կասե՞ք, թե որն է ոչ նյութական ակտիվների հաշվառման գծային մեթոդը և նվազող մնացորդի մեթոդը:

Արման.

Հարգելի գործընկերներ, ե՞րբ է էլեկտրոնային հաշվետվությունների օգտվողների կառավարման նոր համակարգում գրանցվելու վերջնաժամկետը: Հնարավո՞ր է արդյոք տվյալ գործողությունը կատարել հունվար ամսին` մինչև հաշվետվություններ ուղարկելը: Շնորհակալություն:

Ալլա.

Բարև ձեզ, խնդրում եմ պատասխանել` ինչպե՞ս պետք է կատարեմ աշխատողի վերջնահաշվարկը, եթե 20 տարի աշխատելուց հետո մահացել է ու արձակարդում էլ եղել է երևի մի 5 անգամ: Արդյո՞ք պետք է բոլոր տարիների չգնացաց արձակուրդի օրերը հաշվեմ, ու որ տարվա աշխատավարձը պետք է վերցնեմ միջինի համար: Ու եթե դժվար չէ` կասե՞ք , թե քանի արձակուրդային օր է հասնում դպրոցի աշխատողներին: Կանխավ շնոհակալություն:

Հասմիկ.

Հարգելի հաշվապահներ, հայտնեք, խնդրում եմ, ձեր կարծիքները։
ՀՀ ՊԱՇՏՊԱՆՈՒԹՅԱՆ ԺԱՄԱՆԱԿ ԶԻՆԾԱՌԱՅՈՂՆԵՐԻ ԿՅԱՆՔԻՆ ԿԱՄ ԱՌՈՂՋՈՒԹՅԱՆԸ ՊԱՏՃԱՌՎԱԾ ՎՆԱՍՆԵՐԻ ՀԱՏՈՒՑՄԱՆ ՄԱՍԻՆ օրենքի կիրառման առումով.
Հարց 1․ Աշխատանքային պայմանագրով ՀՀ տարածքից դուրս աշխատող ոչ ռեզիդենտից 1 000 դրամ գանձվելու՞ է, թե՞ ոչ:
Հարց 2․ Մաքրման ծառայությունների քաղ. իրավական պայմանագրով (ամսական վճարը 15 000 դրամ է), ֆիզ. անձից գանձվելու՞ է 1 000 դրամ, թե՞ ոչ:
Կանխավ շնորհակալություն։

Արթուր.

Բարև ձեզ: Ցանկանում եմ տնտեսական ապրանքներ բերեմ Հայաստան Վրաստանից: Պարտադի՞ր պետք է անհատ ձեռներեց լինեմ, որ իրավունք ունենամ ներմուծման, և ի՞նչ հարկեր պետք է վճարեմ ու ինչպե՞ս, մանրամասն կասե՞ք, նախօրոք շնորհակալություն:

channa.

Արդյո՞ք հասարակական կազմակերպությունը անդամավճար ընդունելու համար պետք է էլեկտրոնային հաշիվ դուրս գրի:

Հայկ.

Ես Մոսկվայում մեքենա եմ գնել, Mercedes-Benz E 240, 2001 թ. 170 ձ. ու.: Տրանզիտ համարներով: Գործու՞մ է այդ դեպքում մաքսազերծում և եթե այո, ապա ի՞նչ տոկոսադրույքներով և տուրքերով:

Astghik94.

Հարգելի հաշվապահներ, խնդրում եմ ուղղություն տվեք` ո՞ր օրենքներով առաջնորդվեմ դպրոցի հաշվապահություն վարելիս և գլխավոր դրամարկղի, շրջանառության գրքերը վարելու համար անհրաժեշտ հաշվային պլանը ինչպե՞ս գտնեմ:

Լևոն.

Բարև ձեզ: Ես ուզում եմ իմանալ` արտասահմանյան գործուղումների դեպքում գործուղումները հաշվարկելիս գործուղման ժամանակահատվածում տաքսիներից օգտվելու ծախսերը (առկա են կտրոնները) համարվու՞մ են գործուղման ծախսեր, խոսքը չի գնում օդանավակայանից դեպի հյուրանոց կամ հակառակը: Խոսքը գնում է գործուղման ժամանակահատվածում տաքսիներից օգտվելու մասին:

Նառա.

Հարգելի գործընկերներ,
խնդրում եմ ինձ օգնել մեկ հարցով. եթե նոր բացվող ընկերություն է, և ընկերության տնօրենի հետ, ով ընկերության կանոնադրության համաձայն հանդիսանում է նաև ընկերության հիմնադիրը, պետք է կնքվի աշխատանքային պայմանագիր, ապա երկու կողմերն էլ ստորագրում է նու՞յն քաղաքացին:

Կանխավ շնորհակալություն:

Արշավիր.

Կարո՞ղ է արդյոք աշխատակիցը, գտնվելով հղիության արձակուրդում, ազատման դիմում ներկայացնել:
Շնորհակալություն:

Լիլիթ.

Հարգելի հաշվապահներ, խնդրում եմ օգնել, ֆիզ. արձակուրդում գտնվող անձը ունենում է երկրորդ երեխան, նախածննդյան և հետծննդյան արձակուրդի գումարը ի՞նչ սկզբունքով է հաշվարկվում և ինչպե՞ս շնորհակալություն:

Հասմիկ Ա.

Բարև ձեզ։ Ես մի հարց ունեմ. Իրավունք ունի՞ արդյոք աուդիտը պահանջելու, որ հաշվապահը ստուգման ենթակա բոլոր փաստաթղթերը տա իրեն, և նա դրանք տանի իր հետ` իրեն հարմար վայրում ստուգելու համար։

Արսեն.

Բարև ձեզ: Ունեմ կայք, որը պատրաստվել է օնլայն վաճառքով զբաղվելու համար, կա՞ արդյոք դրա համար սահմանված հարկ, և եթե կա, ի՞նչ է պետք դա գրանցելու համար, և եթե չգրանցել սկզբնականում, տուգանքի չափ կա՞ դրա համար սահմանված և ինչքա՞ն։ Նախապես շնորհակալություն։

Միքայել.

Բարև ձեզ: Հարգելի հաշվապահներ, վերջերս ընդունված «1 000 դրամների» մասին օրենքով՝ եթե ֆիզիկական անձը աշխատում է երկու տեղ համատեղությամբ, իրենից պահվելու՞ է արդյոք 2 000 դրամ, յուրաքանչյուր գործատուի կողմից 1 000։

Շնորհակալություն:

Լուսինե.

Կասե՞ք` իմ նպաստը ինչքան կկազմի, եթե ես ունեմ 2 գործատու, հիմնական գործատուի մոտ աշխատում եմ 02.03.2015թ, մաքուր աշխատավարձս 55 000 դրամ է, իսկ մյուս ՍՊԸ-ում 01.06.2016 մաքուր աշխատավարձս 150 000: Գնալու եմ արձակուրդ 25.12.2016թ: Նախապես շնորհակալություն:

Anahit.

Խնդրում եմ ինձ ուղարկել հասարակական կազակերպության կանոնադրության, արձանագրության տիպային նմուշ և այլ անհրաժեշտ փաստաթղթերի նմուշներ, որոնք անհրաժեշտ են ՀԿ գրանցելու համար: Շնորհակալություն
8a.asatryan շնիկ gmail.com

Armen.

Բարև ձեզ։ Հարգելի հաշվապահներ, ո՞վ կարող է պատասխանել` եթե ես ցանկանում եմ տարբեր տեսակի ապրանքներ բերեմ Հայաստան, ապա պարտադի՞ր է արդյոք, որ ես դառնամ ԱՁ: Շատ շնորհակալ կլինեմ արագ արձագանքի համար: Նախապես շնորհակալություն:

Զառա.

Բարև ձեզ: Փակել ենք ԱՁ-ն: Հիմա արդեն e-invoicing ծրագիր չենք կարողանում մտնել: Բայց մեզ պետք են դուրս գրված ու ստացված հաշիվները հաշվետվություն ներկայացնելու համար: Ինչպե՞ս կարող ենք դա անել: Կանխավ շնորհակալություն:

Արման.

Հարգելի գործընկերներ, արդյո՞ք ճիշտ է, որ 2017թ-ից շահաբաժինները հարկվելու են, և այդ դեպքում արդյո՞ք դա տարածվում է 2016թ. արդյունքներով հայտարարված շահաբաժինների վրա: Շնորհակալություն:

Լիանա.

Հարգելի մասնագետներ, օնլայն համակարգում աշխատող գրանցելուց (նույնականացման քարտով) բերում է այս խնդիրը. “Բնակչության պետական ռեգիստրում այս անձի համար տվյալ փաստաթուղթը բացակայում է”: Ո՞վ է առնչվել այս խնդրի հետ և ի՞նչ լուծում եք տվել: Շնորհակալություն:

Մարինե.

Բարև ձեզ, հարգելի մասնագետներ: Դիցուք աշխատողը գնում է արձակուրդ սեպտեմբերի 1-ից: Նրան անհրաժեշտ է վճարել արձակուրդային առնվազն երեք օր առաջ (ՀՀ աշխատանքային օրենսգրքի 169 հոդվածի համաձայն), այսինքն առնվազն օգոստոսի 28-ին: ՀՀ աշխատանքային օրենսգրքի 195 հոդվածում նշվում է. “Աշխատողի միջին ամսական աշխատավարձի չափը որոշվում է այդպիսի պահանջ առաջանալու ամսվան նախորդող վերջին տասներկու ամիսների ընթացքում տվյալ գործատուի կողմից աշխատողի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն) ընդհանուր գումարը տասներկուսի բաժանելու միջոցով:” Խնդրում եմ պատասխանել այսպիսի հարցին. պահանջ առաջանալու պահը համարվում է սեպտեմբերի 1-ը, թե՞ օգոստոսի 28-ը: Կանխավ շնորհակալություն:

Vahe.

Հարգելի հաշվապահներ, հարցս հետևյալն է. ի՞նչ պատասխանատվություն է նախատեսված նվազագույն աշխատավարձի շեմը չպահպանելու համար: