Քրիստինե.

Բարև ձեզ։
Եթե հղին հղիության ընթացքում չվճարվող արձակուրդ է վերցնում, դա “դեկրետի” գումարի վրա ազդեցություն ունենում է և եթե այո` ինչպե՞ս է այդ դեպքում հաշվարկվում:

Թամարա.

Բարև ձեզ, խնդրում եմ ինձ ուղարկել ամենամյա արձակուրդից հետ կանչելու հրամանի ձև, կանխավ շնորհակալ եմ:

Շող.

Բարև ձեզ, հարգելի հաշվապահներ, խնդրում եմ օգնեք հասկանամ` ես աշխատել եմ մարտի 26-սեպտեմբերի 13, ընդհանրապես 4 օրյա գրաֆիկով ժամը 9-ից մինչև 20.00, բայց եղել են ամիսներ, որ աշխատել եմ 5 օրով և վարձատրվել, վերջնահաշվարկով որքա՞ն գումար պետք է ստանամ: Սեպտեմբերի 1-13-ը աշխատել եմ 1,9,10,12 իսկ 3,4,5,7 բյուլետեն եմ ներկայացրել, կխնդրեմ ասեք` ի՞նչ կերպով է հաշվարկվում:

Անահիտ.

Խնդրում եմ տրամադրել կնիքի Հանձնման-ընդունման ակտի օրինակելի ձև: ann.markosyan27 շնիկ gmail.com

Լուսինե.

Բարև ձեզ:
Մինչև 20% առևտրային զեղչ կիրառելիս հարկային տեսչությունում պե՞տք է հայտարարություն տալ պարտադիր, կասեք խնդրում եմ:

Երանուհի.

Բարև բոլորին:
Ես 2012թ. ընդունվել եմ դպրոցում որպես համակարգչային օպերատոր:
Իմ աշխատանքը 0.5 դրույք է, և ես ստանում եմ 27.000 դրամ աշխատավարձ: Խնդրում եմ ինձ ասեք` ես այս դրույքով և այս աշխատավարձով իրավունք ունե՞մ աշխատեմ ժամը 08:30-ից մինչև 17:00: Նախապես շնորհակալություն:

Սաթեն Օհանյան.

Հարգելի հաշվապահներ, կարո՞ղ եք օգնել: Արդյո՞ք կարող եմ 60 000 մաքուր աշխատավարձը կանխիկով վճարել: Եթե այո, ապա դա ներկայացվու՞մ է էլեկտրոնային տարբերակով, թե՞ ոչ:

Շնորհակալություն:

Բարև ձեզ: Մենք ուզում ենք խնամքի և զարգացման կենտրոն բացել: Ի՞նչ պետք է բացենք` ԱՁ, թե՞ ՍՊԸ, և ի՞նչ հարկ վճարող պետք է լինենք: Ո՞ր տարբերակը ավելի ձեռնտու կլինի: Կանխավ շնորհակալ եմ:

Մանյա Ա.

Բարև ձեզ, հաշվապահներ ջան: Աշխատում եմ դպրոցում որպես հաշվապահ: Ուզում եմ բեռնել Ֆին. նախ. 104-ն հրամանի եռամսյակային հաշվետվությունների օրինակելի ձևերը, բայց չեմ գտնում: Եթե ունեք դատարկ բլանկները` ուղարկեք խնդրում եմ rain.song շնիկ mail.ru էլ. փոստին: Կանխավ շնորհակալ եմ:

Բարև ձեզ, գնացել եմ արձակուրդ, հաշվարկվել է արձակուրդային, որը ես ստացել եմ, հետո հետ կանչում է արվել, որի համար ստացել եմ աշխատավարձ: Խնդրում եմ ինձ պատասխանել` ես իրավունք ունե՞մ վերջնահաշվարկ պահանջելու:

Ընկերություն` Համալսարան
Էլ. փոստ` tneu2017 շնիկ mail.ru
Թափուր աշխատատեղ` Գլխավոր հաշվապահ
Աշխատանքի նկարագրություն` Բարձրագույն կրթություն – Համակարգչի լավ իմացություն – Հայկական ծրագրերի իմացություն, ՀՀ հարկային օրենսդրության լավ իմացություն և ռուսերեն լեզվի գերազանց տիրապետմամբ : Աշխատանքային փորձը պարտադիր
Աշխատավարձ` Պայմանագրային

Քրիստինե Հ.

Ինձ նյութեր են հարկավոր աշխատողի փորձաշրջանի վերաբերյալ: Կա՞ արդյոք փորձաշրջանի պայմանագիր:

Հասմիկ.

Խնդրում եմ պարզաբանել` արդյո՞ք ՀՈԱԿ-ը կարող է աշխատել առանց հաշվապահի, և կարո՞ղ է համայնքի ֆինանսական բաժինը կատարի ՀՈԱԿ-ի հաշվապահությունը:

Մարիաննա Ս.

Բարև ձեզ: Խնդրում եմ, ինձ ասեք՝ որքա՞ն կլինի բնակարանի կադաստրային արժեքը, եթե նրա գույքահարկը կազմում է 26 000 ՀՀ դրամ:

Անահիտ.

Հարցս վերաբերում է վերջնահաշվարկին։ Աշխատանքի եմ ընդունվել 01.03.18ից, աշխատելու եմ մինչև 05.10.18: Ստանում եմ 125 000 (կեղտոտ) աշխատավարձ, 90 000 (մաքուր), պարտադիր տրվող արձակուրդից օգտագործել եմ 7 օր։ Կցանկանայի տեղեկանալ` արդյո՞ք այս դեպքում կարվի վերջնահաշվարկ: Նշեմ նաև այն, որ աշխատանքից ազատվում եմ իմ դիմումի համաձայն։ Շաբաթական աշխատաժամը 42 ժամը չի գերազանցում։ Կանխավ շնորհակալություն:

Ընկերություն` Մանրածախ առևտրի ցանց
Հասցե` Կենտրոն
Էլ. փոստ` vacancy.stores շնիկ mail.ru
Թափուր աշխատատեղ` Հաշվետար
Աշխատանքի նկարագրություն` ՀԾ ծրագրում Հարկային հաշիվների մուտքագրում, բանկային փոխանցումների կատարում, այլ հաշվապահական պարտականությունների իրականացում:
Այլ նշումներ` Տարիք` 22 – 30 Սեռ` Իգական Աշխատանքի տևողությունը` Վեցօրյա աշխատանքային գրաֆիկ, լիարժեք աշխատանքային օր, ժամեր` 09.00 – 18։00 ։ Պահանջվող փաստաթղթեր` Ներկայացնել ռեզյումե լուսանկարով

Սոնա.

Բարև Ձեզ, խնդրում եմ պատասխանել հետևյալ հարցին. Աշխատողին ՀՀ ԱՕ 105-րդ հոդվածով տեղափոխել եմ նույն գործատուի մոտ այլ պաշտոնի: Եթե հրամանի մեջ նշեմ նշանակել X պաշտոնին՝ ազատելով Y պաշտոնից, վերջնահաշվարկ կամ արձակման նպաստ արդյո՞ք պետք է տամ:

Yerevan Hotel.

Բարև ձեզ, օրավարձով տրամադրվող առանձնատան համար կարո՞ղ եմ գրանցվել ԱՁ և որպես ընտանեկան ձենարկատիրություն լինել: Ի՞նչ հարկեր եմ վճարելու:

Հովհաննես Հ.

Խնդրում եմ օգնել ինձ, տրամադրեք հաշվապահական ծառայությունների մատուցման պայմանագրի նմուշ: Կանխավ շնորհակալ եմ:

Արմեն.

Հարգելի գործընկերներ, համաձայն ՀՕ հոդված 44-ի` հարկային պարտավորություններ չեն կարող առաջանալ, եթե դրանք հարկ վճարողին առաջադրվել են խախտումը կատարելու հարկային տարվան անմիջապես հաջորդող երրորդ հարկային տարին լրանալուց հետո, իսկ խախտումը կատարելու հարկային տարի է համարվում խախտում պարունակող համապատասխան հարկային հաշվարկը հարկային մարմին ներկայացնելու համար Օրենսգրքով և վճարների վերաբերյալ Հայաստանի Հանրապետության օրենքներով սահմանված ժամկետի վերջին օրը ներառող հարկային տարին: Արդյո՞ք շահութահարկի ճշգրտված հաշվարկ ներկայացնելու դեպքում “հարկային տարին” կհաշվարկվի հաշվարկի ներկայացման օրվանից:

Նունե.

Խնդրում եմ ասեք` գործատուն կարո՞ղ է աշխատավարձ վճարել աշխատողին արտադրված ապրանքով (ամբողջ աշխատավարձը): Կանխավ շնորհակալություն:

Գոհար.

Հարգելի մասնագետներ, խնդրում եմ հուշել` Ա/Ձ-ով տուրիստական գործունեություն ծավալելիս օտարեկրյա տուր օպերատորների հետ պայմանագրեր կնքելիս որպես պայմանագիր կնքող կողմ նշում եմ ընտրված տուրիստական գործակալությա՞ն անունը, թե՞ Ա/Ձ ի անունը: Շնորհակալ եմ:

Ընկերություն` Երեմյան Փրոջեքթս
Հասցե` Տերյան 8
Հեռախոս` +374 10 605060, +374 11 508800
Էլ. փոստ` hr շնիկ yeremyanprojects.com
Թափուր աշխատատեղ` Ինքնարժեքի հաշվառման բաժնի հաշվապահ
Աշխատանքի նկարագրություն` Պարտականություններ • Իրականացնել ձեռք բերված ապրանքների և մթերքի տվյալների մուտքագրում համապատասխան ծրագիր. • Վերահսկել մասնաճյուղերի միջև ապրանքանյութական արժեքների օրական շարժը՝ կատարելով համապատասխան ծրագրային մուտքագրումներ, • Իրականացնել տեղեկատվության տվյալների բազայի ձևավորման և պահպանման աշխատանքները. • Վերահսկել մասնաճյուղերում ձեռք բերված ապրանքների գնային համապատասխանելիությունը մատակարարների հետ համաձայնեցված գնացուցակի հետ. • Կատարել նյութածախսի հաշվարկ / վերահսկել հումքի ծախսը • Մասնակցել գույքագրման աշխատանքներին, վերլուծել արտադրական ծախսերի և կորուստների ձևավորման աղբյուրները. Պահանջվող Հմտություններ • Բարձրագույն կրթություն • MS Office փաթեթի /մասնավորապես Excel/ գերազանց իմացություն, • Խնդիրների արագ և արդյունավետ լուծման կարողություններ • Սթրեսակայունություն • Պատասխանատվության զգացում • Մեծ ծավալի տեղեկատվության հետ աշխատելու ունակություն, • Ժամանակը ճիշտ կառավարելու հմտություն • Մանրամասներին մեծ ուշադրություն դարձնելու կարողություն Դիմել կարող եք` ինքնակենսագրությունները ուղարկելով hr շնիկ yeremyanprojects.com էլ. փոստին` նշելով պաշտոնը, որի համար դիմում եք:

Սարգիս.

Բարև ձեզ,
1) Եթե աշխատողին ընդունում ենք որպես պահակ, որը նաև 3-րդ կարգի հաշմանդամ է, ապա եկամտային հարկը վճարվում է ինչպես մյուս աշխատողներին, թե՞ կան արտոնություններ (որոշակի տոկոսներ):
Շնորհակալություն:

2) Հնարավո՞ր է պահակի համար սահմանել 21-ից 09-ը երկու օրը մեկ աշխատաժամանակով: Այսինքն 2 պահակ են լինում, 2 օրը 1 ռեժիմով:
Շնորհակալություն:

Համլետ Ղ.

Բարև ձեզ, ուզում եմ մեքենա ներկրել արտերկրից, գալու է մինչև Երևան կոնտեյներով, ի՞նչ ժամանակահատվածում պետք է արվի այդ մեքենայի մաքսազերծումը և ե՞րբ է այդ դեպքում մուծվում մեքենայի շահագործման գույքահարկը, հնարավո՞ր է արդյոք դա հետո մուծել։ Կանխավ շնորհակալություն։

Աստղիկ Մ.

Բարև ձեզ, խնդրում եք ասել` դեկրետից դեկրետ գնալու դեպքում, որ ասում եք վերջին աշխատած ամսվա աշխատավարձով է հաշվարկվում, ի նկատի ունեք ամբո՞ղջ ամիս աշխատած, թե՞ թեկուզ և մեկ օր աշխատած:

Ս. Գ.

Բարև ձեզ: Ես մի հարց ունեմ: Ես հիմա գտնվում եմ ֆիզ. արձակուրդում: Իրավունք ունե՞մ այս ընթացքում աշխատելու այլ վայրում:

Անի.

Բարև ձեզ: 4 տարի 5 ամիս է աշխատում եմ խանութում որպես գանձապահ, բայց գրանցված աշխատող եմ մոտ 3 տարի: Ըստ պայմանագրի ամսական աշխատավաձս կազմում է 80 000 դրամ: Աշխատում եմ ներկա պահին օրումեջով: Աշխատավարձ ստանում եմ 15 օրը մեկ: Դուրս գալու դեպքում ըստ օրենքի վերջնահաշվարկ հասնու՞մ է ինձ:

Ալվարդ.

Բարև ձեզ: Ես ֆիզ.-ից ֆիզ. եմ անցել, բայց երեխաս արդեն 10 ամսական է, չեմ ստացել նպաստ, որովհետև տնօրենս ժամանակ չունի թղթերով զբաղվի: Մինչև ֆիզ. անցնելը 3 տարվա ստաժ եմ ունեցել, 1-ին երեխաս 3 տարեկան է, 2-րդը` 10 ամսական: Աշխատավարձս 95 000 դրամ է, որքա՞ն նպաստ կստանամ ու որտեղի՞ց պետք է ստանամ:

Ալբերտ Զ.

Բարև ձեզ։ Որտե՞ղ կարող եմ իմանալ Microsoft hololens սարքի մաքսային արժեքը: Կամ Ամերիկայից գնման դեպքում որքա՞ն պետք է վճարեմ մաքսազերծման համար:

Ընկերություն` Սեմուր ընդ Կո ՍՊԸ
Հասցե` Եղվարդ, Երևանյան խճ. 118
Էլ. փոստ` semurandco.accountant շնիկ mail.ru
Թափուր աշխատատեղ` Հաշվետար պահեստամասի
Աշխատանքի նկարագրություն` ՀԾ հաշվետար 7-ի պահեստ ենթաբաժնով գործառությունների իրականացում՝ նյութական արժեքների մուտք, ելք, տեղաշարժ, կոմպլեկտավորում և այլն
Աշխատավարձ` պայմանագրային՝ երկարաժամկետ
Այլ նշումներ` դիմելու համար ուղարկել ռեզյումե semurandco.accountant շնիկ mail.ru էլ. հասցեին

Ընկերություն` ՖԻՆՍ ՓԲԸ
Հասցե` ՊԱՐՈՆՅԱՆ 9
Հեռախոս` 374 60 525 025, +374 77 525 075
Էլ. փոստ` info շնիկ fins.am
Թափուր աշխատատեղ` Հաշվետար
Աշխատանքի նկարագրություն` Բարձրագույն կրթություն – Համակարգչի լավ իմացություն – Հայկական ծրագրերի իմացություն : Աշխատանքային փորձը պարտադիր չէ
Աշխատավարձ` Պայմանագրային
Այլ նշումներ` info շնիկ fins.am

Ընկերություն՝ Աթենք ՍՊԸ
Հասցե՝ Ծարավ Աղբյուրի 59/1
Հեռախոս՝ 060434303 (ներքին՝ 810, 845)
Էլ. փոստ՝ hr շնիկ atenk.am
Թափուր աշխատատեղ՝ Ավագ հաշվապահ
Աշխատանքի նկարագրություն՝ Աշխատանքի նկարագիրը՝ • Վաճառքի և դեբիտորական պարտքերի հաշվառման և վերահսկողության գործընթացի կառավարում:
Պարտականությունները՝ • Վաճառքի հաշվապահական ձևակերպումների կոորդինացում • Վաճառքի տվյալների մուտքագրման վերահսկում ՀԾ ծրագրում • Excel ծրագրով տվյալների բազայի վերլուծությունների իրականացում և հաշվետվությունների կազմում • Փաստաթղթաշրջանառության և նամակագրության վարում:
Պահանջները՝ • Բարձրագույն հաշվապահական/տնտեսագիտական/մաթեմատիկական կրթություն • MS Excel-ի (բանաձևեր, ֆունկցիաներ) խորը փորձառություն • ՀԾ-Ձեռնարկություն և ՀԾ-Վաճառքների կառավարում ծրագրերի բազային իմացություն • Ղեկավարման զարգացած հմտություններ և վերլուծական մտքի առկայություն • Աշխատանքային փորձը վաճառքի հաշվառման ոլորտում կդիտվի որպես առավելություն • Տարիքը՝ 25-35:
Դիմելու կարգը՝ ինքնակենսագրություններն ուղարկել hr շնիկ atenk.am էլ. փոստին՝ նամակի թեմայում նշելով աշխատատեղի անվանումը, կամ լրացնել դիմում-հայտը հետևյալ հղումով:

Աննա Ն.

Հարգելի հաշվապահներ, խնդրում եմ պատասխանել, կուտակային կենսաթոշակը պարտադիր դառնալուց հետո տնօրենը հաշվարկված գումարը նվազեցրել է իմ աշխատավարձից, արդյո՞ք նման իրավունք ունի, թե՞ պետք է վերահաշվարկ կատարվեր, բարձացվեր իմ կեղտոտ աշխատավարձը և նոր հարկվեր: Եվ ևս մեկ հարց` ՍՊԸ-ն պատկանում է երեք հոգու (վարսավիրանոց), երեքից մեկը պիտի գնա ֆիզ. արձակուրդ, արդյոք հաշվարկը չի կատարվում այնպես, ինչպես վարձու աշխատողներինը: Խնդրում եմ հնարավորության դեպքում հարցերիս պատասխաններին կցեք օրեքի հղումը: Նախապես շնորհակալություն:

Հասմիկ.

Հարգելի հաշվապահներ, արդյո՞ք ճիշտ է, որ դրամարկղային մուտքի օրդերի վրա գանձապահը պետք է պարտադիր դրոշմակնիք դնի:

Անի.

Խնդրում եմ ուղղորդել ինձ հետևյալ հարցում՝ ես ՍՊԸ-ի տնօրեն եմ, կարո՞ղ եմ արդյոք գրանցվել նաև որպես ԱՁ:

Արմինե Գ.

Խնդրում եմ ուղարկել, եթե հնարավոր է, աշխատանքի ընդունման, ազատման, պարգևավճարի, գործուղման և արձակուրդի հրամանի ձևեր:
Կանխավ շնորհակալ եմ arminegrigoryan20181987 շնիկ mail.ru

Մարիամ.

Բարև ձեզ: Շրջանառության հարկով աշխատող անհատ ձեռնարկատերը ֆիզ. անձից տարածք և մեքենա վարձակալելու դեպքում (անհատույց) հարկային պարտավորություն առաջանու՞մ է:

Մարիամ.

Բարև ձեզ, շատ մեծ խնդրանք, հարգելի հաշվապահներ, եթե ստորև նշված ապրանքներ ներմուծում եք խնդրում եմ ուղարկել matevosyan.mariam13 շնիկ gmail.com էլ. փոստին ԱՏԳԱ կոդերը հնարավորինս շտապ, կանխավ շնորհակալություն.

միջին արևածաղկի սերմեր՝ բոված, աղով
միջին արևածաղկի սերմեր՝ բոված, անալի
խոշոր արևածաղկի սերմեր՝ բոված, աղի
խոշոր արևածաղկի սերմեր՝ բոված, անալի
ձավար
բլղուր
հաճար
հնդկաձավար (գրեչկա)
ոսպ
բրինձ թայլանդական
բրինձ դեղին
բրինձ կլոր
կոտրած գարուխ
Չորացված միրգ

Անի Գ.

Բարև ձեզ, հարգելի հաշվապահներ: Խնդրում եմ օգնել ինձ հետևյալ հարցում: Ունեմ ԱՁ, ցանկանում եմ բացել լեզուների կենտրոն: Ինչպե՞ս է հարկվելու կենտրոնը և ինչպե՞ս է ցույց տալու իր եկամուտը, պե՞տք է ինձ արդյոք ՀԴՄ: Կանխավ շնորհակալ եմ:

Ռոբերտ Մ.

Բարև ձեզ: Մի հարց ունեմ, կարո՞ղ եք օգնել: ԱՁ-ն զբաղվում է արտադրանքով և ապրանքը դնում խանութներում: Հարց. կարո՞ղ եմ արդյոք ես համակարգչով տեսնել խանութներում իմ վաճառված ապրանքները:

Սյուզաննա Մ.

Բարև ձեզ: Կասե՞ք՝ ԱՁ-ն զինվորի 1 000 դրամը ինչպե՞ս է վճարում:

Գայանե Բ.

Բարև ձեզ, ծառայությունների մատուցման պայմանագրով աշխատողին արդյո՞ք հասնում է օրապահիկ:

Ընկերություն` Արտադրական կազմակերպություն
Հասցե` ք.Երևան, Էրեբունի վարչական շրջան
Հեռախոս` 093999085
Էլ. փոստ` darbinyan_es շնիկ ena.am
Թափուր աշխատատեղ` հաշվապահ
Աշխատանքի նկարագրություն` հաշվապահական հաշվառում, կադրային գործ
Աշխատավարձ` 130 000
Այլ նշումներ` Համակարգչի լավ տիրապետումը (էքսել, հաշվ. ծրագրեր) և աշխատանքային փորձը պարտադիր են:

Ընկերություն` ՎԻՇԿԱ ՍՊԸ
Հասցե` ք. Երևան, Արտաշիսյան 77
Հեռախոս` 010465976
Էլ. փոստ` seyran շնիկ vishka.am
Թափուր աշխատատեղ` հաշվետար, գանձապահ
Աշխատանքի նկարագրություն` շինանյութի խանութում հաշվետարի- գանձապահի աշխատանք
Աշխատավարձ` 100 000 դրամ
Այլ նշումներ` ՀԾ 7 , e-invoicing համակարգերի իմացություն, աշխատաժամանակը ամսական 15 օր / երկու օրը մեկ/

Մարիամ.

Բարև ձեզ, ֆիզ. անձի հետ պահատվության պայմանագիր կնքելուց հարկային պարտավորություն առաջանու՞մ է:

Manya.

Հարգելի հաշվապահներ, եթե երկու տեղ եմ աշխատում, երկու տեղիս գործատուն էլ պարտադիր կենշաթոշակային վճարը պե՞տք է փոխանցի, թե՞ ոչ: Շնորհակալություն:

Արամայիս Մ.

Բարև ձեզ, եթե ես ստացել եմ ապրանքը 120 դրամ, որից 20 դրամը ԱԱՀ-ն է, ո՞ր գումարն է համարվում իմ համար ինքնարժեք` 100 դրամը, թե՞ 120 դրամը: