Ֆինանսների նախարարության կողմից առաջարկված Հարկային օրենսգրքի նախագծով նախատեսվում է բարձրացնել գործող շրջանառության հարկի շեմը և օրենքին հետադարձ ուժ տալ։ Սակայն դրանից կարող են օգտվել միայն այն հարկ վճարողները, որոնք մինչ օրենքն ուժի մեջ մտնելու պահը չեն գերազանցել գործող շեմը։ Սա ստիպում է մի շարք տնտեսվարողների հրաժարվել ՀԴՄ կտրոն տրամադրել՝ թաքցնելով իրական շրջանառությունը։

Կրկին 115 մլն դրամի շեմ՝ ներկայիս 58.35 միլիոն դրամի փոխարեն

Հայաստանում գործող հարկային օրենսդրությամբ այս տարվա հունվարի 1-ից շրջանառության հարկ վճարող են համարվում տնտեսավորող այն սուբյեկտները, որոնց Կարդալ ավելին “Շրջանառության հարկի 115 մլն դրամի շեմին վերադառնալու վերապահումներն ու ՀԴՄ կտրոն չտրամադրելու մոտիվացիան” →

Լիլիթ.

Բարև ձեզ:

Որ խնդրեմ, կասե՞ք, մոտ 2 ամսվա բացած ԱՁ-ի համար ոչ մի վճարում չեմ արել՝ շահութահարկ, սոց. վճար և այլն, ինձ ի՞նչ է սպասվում։

Ռուզաննա.

Բարև ձեզ: Եթե կոոպերատիվի շրջանառությունը կազմում է 840 000 ՀՀ դրամ, շահութահարկի հաշվետվությունը զրոյակա՞ն պետք է ուղարկենք: Նախապես շնորհակալություն:

Լան.

Բարև ձեզ: Եթե կազմակերպության գանձապահի փոխարեն գումարը գանձապետարան է մուտք անում այլ անձ, քանի որ անձնագիր չի եղել այդ պահին, սակայն «նպատակը» դաշտում երևում է գանձապահի անունը, արդյո՞ք դա օրենքի խախտում է, և ի՞նչ տուգանք է հասնում:

Արմ.

Բարև ձեզ: Խնդրում ենք, օգնեք: Լիազոր գրանցվելու համար ի՞նչ քայլեր են պետք կամ ինչպե՞ս վերականգնենք կամ ինչպե՞ս ճշտենք՝ նախկինում ունեցել ենք լիազոր, թե ոչ: Նոր օպերատոր եմ, նախկինից ոչ մի տվյալ այս հարցում չունեմ:

Արփինե.

Բարև ձեզ, խնդրում եմ տեղեկացնել ԸՁ գրանցման taxservice.am հաշվետվությունը լրացնելուց հետո արվող հետագա քայլերն ու գործողությունները:

Սոնա.

Բարև ձեզ: Խնդրում եմ պատասխանել՝ եթե ԱՁ-ն հանդիսանում է նաև հասարակական կազմակերպության նախագահ, ապա ԱՁ-ն արդեն 20 տոկոս ԱԱՀ-ո՞վ է հարկվում:

Շնորհակալություն:

Մարդու իրավունքների պաշտպանը դիմել է Սահմանադրական դատարան՝ վիճարկելով այն, որ Հարկային օրենսգրքով նախատեսված չէ հսկիչ-դրամարկղային մեքենաների կիրառման կանոնները խախտելու համար տուգանքների նշանակման ճկուն մեխանիզմ, այլ սահմանված են տուգանքների ֆիքսված չափեր` առանց հաշվի առնելու իրավախախտման հանգամանքները: Այս մասին տեղեկացնում է պաշտպանի գրասենյակը:

Խոսքը վերաբերում է Օրենսգրքի 416-րդ հոդվածի 1-5.1-րդ մասերին, որոնց համաձայն, Կարդալ ավելին “Պաշտպանը դիմել է Սահմանադրական դատարան. ՀԴՄ կիրառման կանոնները խախտելու համար տուգանքներ նշանակելիս հաշվի չեն առնվում իրավախախտման հանգամանքները” →

Ընկերություն` «ԳՐԻՆ ՖԱՐՄԵՐ» ՍՊԸ
Հասցե` ք.Հրազդան, Ջրառատ թաղ. 999
Հեռախոս` (094) 21-43-24
Էլ. փոստ` m.hovhannisyan շնիկ greenfarmer.am
Թափուր աշխատատեղ` Հաշվապահ
Աշխատանքի նկարագրություն` Պարտականություններ՝ հաշվապահական հաշվառման վարում, հաշվետվությունների կազմում, հաշվապահական փաստաթղթերի կազմում և փաստաթղթաշրջանառության վարում, հաշիվ-ապրանքագրերի համակարգչային ծրագիր ներմուծում, համակարգում և արխիվացում, աշխատակազմի աշխատավարձերի հաշվարկում և վճարում: Պահանջվող հմտություններ՝ բարձրագույն հաշվապահական, տնտեսագիտական կամ ֆինանսական կրթություն, համապատասխան ոլորտում աշխատանքային փորձ, հարկային օրենսդրության և աշխատանքային օրենսգրքի իմացություն, MS Excel-ի և ՀԾ-ի իմացություն, Ժամանակի կառավարման ունակություն, թիմում աշխատելու հմտություններ:
Աշխատավարձ` 100.000-150.000
Այլ նշումներ` Համապատասխան անձինք կարող են իրենց ռեզյումեն ուղարկել m.hovhannisyan շնիկ greenfarmer.am էլ. փոստին՝ նշելով հաստիքի անվանումը:

Արմեն.

Բարև ձեզ: 2018թ. հարկը մուծված է: Հիմա ուզում եմ խոտանել մեքենան: 2 ամսվա գույքահարկ պե՞տք է վճարվի, թե՞ ոչ: Նախապես շնորհակալություն:

Նարինե.

Բարև ձեզ: Խնդրում եմ, կասե՞ք, հանրային սննդի դրույքաչափը 6%՞ է, թե՞ 8%: Մեկ էլ օրենքի հղում կուղարկե՞ք:

Շնորհակալ եմ:

Մարինա.

Հարգելի հաշվապահներ, խնդրում եմ, եթե դժվար չէ, ինձ ուղարկեք Ֆինանսների Նախարարության հաշվապահի որակավորման քննության հարցերը, պատասխանները և խնդիրները իրենց լուծումներով: Իմ էլ. փոստի հասցեն` audit_vip շնիկ mail.ru

Կանխավ շնորհակալություն:

Արթուր.

Բարև ձեզ: Ես ուզում եմ իմանալ՝ եթե Ա/Ձ բացեմ և ինչ-որ գործունեություն չծավալեմ, դրա համար գումար միևնույն է վճարելու՞ եմ, թե՞ ոչ: Եվ խնդրում եմ, ասեք՝ ընտանեկան Ա/Ձ բացելու դեպքում ի՞նչ պայմաններ են, եթե նույնպես բացեմ և գործունեություն չծավալեմ: Եթե միևնույն է պետք է վճարեմ, ապա ի՞նչ գումարներ են դրանք և որքա՞ն ժամանակը մեկ պետք է վճարվեն:

Շնորհակալություն:

Գոհար.

Բարև ձեզ: Խնդրում եմ գրեք՝ 2018թ.-ի համար քանի տոկոսով է հաշվարկվում տրանսպորտային միջոցի ամորտիզացիան տարեկան: Կանխավ շնորհակալություն:

Ռաիսա.

Բարև ձեզ:

Խնդրում եմ մեկնաբանել՝ ինչպես հաշվել վերջնահաշվարկը, եթե աշխատողը պայմանագրով 4 ամսվա աշխատող է: Հաշվարկվում է 2՞, թե՞ 1.67 օր: Նախապես շնորհակալ եմ:

Գարիկ Գևորգյան.

Բարև ձեզ: Ես մի հարց ունեմ: Շատ շնորհակալ կլինեմ, որ պատասխանեք:

Ես Ա/Ձ եմ բացել և հարկերից ազատված եմ, քանի որ ինքնազբաղված անձ եմ համարվում: Աշխատող չունեմ և ինքնուրույն լեզու եմ դասավանդում: Տարածք եմ վարձակալել, նոտարով վարձակալության պայմանագիր եմ կնքել վարձատուի հետ, ով ֆիզ. անձ է: Պայմանագրում նշված է, որ վարձավճարի չափը կազմում է 50 000 դրամ, որը չի ներառում եկամտային հարկը, և եկամտային հարկը վճարվում է վարձակալի կողմից` որպես հարկային գործակալ: Իսկ ինքնազբաղված անձանց հարկային արտոնությունների մասին օրենքում կա այսպիսի կետ, որ ինքնազբաղված անձինք գործունեության տեսակների մասով չեն հանդիսանում հարկային գործակալներ, այդ գործունեության տեսակների մասով հարկային հաշիվներ դուրս չեն գրում և կարող են դուրս գրել այլ հաշվարկային փաստաթղթեր օրենքով սահմանված կարգով: Հիմա ես ուզում եմ հասկանալ, մի կողմից ես չեմ հանդիսանում հարկային գործակալ, քանի որ ինքնազբաղված անձ եմ, մյուս կողմից վարձակալության պայմանագրում գրված է, որ ես պետք է վճարեմ եկամտային հարկ` որպես հարկային գործակալ:

Ընկերություն՝ Աթենք ՍՊԸ
Հասցե՝ Ծարավ Աղբյուրի 59/1
Հեռախոս՝ 060434303 (ներքին՝ 866, 845)
Էլ. փոստ՝ hr շնիկ atenk.am
Թափուր աշխատատեղ՝ Ավագ հաշվապահ
Աշխատանքի նկարագրություն՝ Գործառույթները՝ հաշվապահական հաշվառման վարում և համապատասխան փաստաթղթերի ձևակերպում, փաստաթղթաշրջանառության և նամակագրության վարում, հիմնական միջոցների, ապրանքների, ինքնարժեքի հաշվառում, համապատասխան վերլուծությունների իրականացում և հաշվետվությունների կազմում, անմիջական ղեկավարի կողմից հանձնարարված առաջադրանքների կատարում:
Պահանջները՝ Բարձրագույն տնտեսագիտական կամ հաշվապահական կրթություն: Մասնագիտական գիտելիքներ՝ ձևակերպում, ստանդարտներ: MS Excel-ի և ՀԾ-ի գերազանց իմացություն, հայերեն և ռուսերեն լեզուների լավ իմացություն: Համապատասխան աշխատանքային փորձը պարտադիր է:
Դիմելու կարգը՝ ինքնակենսագրություններն ուղարկել hr շնիկ atenk.am էլ. փոստին՝ նամակի թեմայում նշելով աշխատատեղի անվանումը, կամ լրացնել դիմում-հայտը հետևյալ հղումով:

Գարիկ.

Բարև ձեզ: Եթե նոտարով անշարժ գույքի վարձակալության պայմանագիր եմ կնքել, վարձակալը ես եմ, ես պարտավո՞ր եմ արդյոք գրանցել կադաստրում, թե՞ կարող եմ խուսափել կադաստրի գրանցումից և անիմաստ 27 հազար չվճարել:

Լիլի.

Բարև ձեզ: Ցանկանում եմ բացել ֆիզիոթերապիայի կաբինետ վարձակալած տարածքում: Ի՞նչ փաստաթղթեր են անհրաժեշտ լիցենզիա ստանալու համար: Շնորհակալ եմ:

Արթուր.

Ողջույն: Ո՞վ է տեղյակ՝ ինչ դրույքաչափով է հարկվում արժեթղթերից շահույթը, և արդյո՞ք կա այսպիսի «բան», որ պետության կողմից թողարկված արժեթղթերից ստացված շահույթը չի հարկվում։ Եթե կա, խնդրում եմ նշել հիմքը։

Գարիկ.

Բարև ձեզ։ Ես Ա/Ձ եմ և հարկերից ազատված եմ, քանի որ ինքնազբաղված անձ եմ: Տարածք եմ վարձակալել, որի վարձակալության գումարի 10% ես պետք է վճարեմ՝ որպես վարձակալ` հարկային գործակալ։ Հարցս հետևյալն է։ Ես ինքնազբաղված անձ եմ, բայց միաժամանակ պետք է վճարեմ այդ 10%-ը՝ որպես հարկ։ Դա նորմա՞լ է:

Նարինե.

Բարև ձեզ: Մի հարց ունեմ, խնդրում եմ օգնել: ՍՊԸ-ն աշխատում է շրջ. հարկով, ես կարող եմ ծախս ճանաչել շրջանառության հարկի գծով ծախսը շահաբաժնի հաշվարկի ժամանակ: Կասե՞ք, հարկեր, պարտադիր վճարների գծով, որո՞նք կարող եմ նվազեցնել: Շնորհակալ եմ:

Քնարիկ Խաչատրյան.

Բարև ձեզ: Ես ԱՁ եմ, վճարում եմ շրջանառության հարկ, եկամտային հարկ և դրոշմանիշների հարկ, կասե՞ք՝ որ դաշտերը պետք է լրացնեմ տարեկան հաշվետվության մեջ:

Արտակ.

Ինչպե՞ս վերսկսել դադարեցված ԱՁ-ի գործունեությունը:

Անի.

Բարև ձեզ: Խնդրում եմ, օգնեք խորհրդով: Եթե ֆիզ.-ից ֆիզ. եմ գնում, իսկ կազմակերպությունը լուծարման և սնանկ ճանաչվելու գործընթացի մեջ է, կստանա՞մ նպաստը:

Աննա.

Բարև ձեզ: Կազմակերպությունը ԵՏՄ-ից ձեռք է բերել ապրանքներ և դրանց փոխադրման համար ստացել է հաշվարկային փաստաթուղթ: Կազմակերպությունը ԱԱՀ վճարող է: Խնդրում եմ ասեք, ինչպե՞ս պետք է հաշվարկել այդ ապրանքի ինքնարժեքը: Ապրանքի գնին կամ տրանսպորտի գնին պե՞տք է ավելացնել ԱԱՀ, թե՞ ոչ:

Նարինե.

Բարև ձեզ: Ես ԱՁ եմ: Անցյալ տարի տարեկան հաշվետվությունը ուղարկել եմ ձև N 118: Կասե՞ք` այս տարի որ համարի հաշվետվությունը պետք է հանձնել: Շնորհակալություն:

Ընկերություն՝ ACCEPT Employment Center
Հասցե՝ Office 38, 19A Koryun St.
Հեռախոս՝ +374 10 58 49 45, +374 99 58 49 45, +374 94 58 49 45
Էլ. փոստ՝ info շնիկ accept.am
Թափուր աշխատատեղ՝ Պահեստի հաշվետար-օպերատոր (1C, 8.3)
Աշխատանքի նկարագրություն՝ Կազմակերպության մասին` Մետաղապլաստե և ալյումինե դռների և պատուհանների արտադրություն: Պարտականություններ` պահեստի ապրանքների մուտքի և ելքի վարում, պահեստի շարժի ապահովում: Պահանջներ` բարձրագույն կրթություն, համակարգչային գիտելիքներ՝ MS Office, 1C (8.3) ծրագրի լավ իմացություն, օպերատորի փորձ՝ առնվազն 1 տարի:
Աշխատավարձ՝ 150.000 ՀՀ դրամ
Այլ նշումներ՝ Կազմակերպությունը գտնվում է Չարբախում:

Մհեր.

Բարև ձեզ:
Եթե աշխատողը աշխատել է 16․06․2014թ.-ից մինչև 19․03․2019թ., և ստացել է 85 000 աշխատավարձ (կեղտոտ) և տարեկան ունի 28 օր արձակուրդի իրավունք, որքա՞ն կկազմի նրա վերջնահաշվարկը:

Կանխավ շնորհակալություն:

Տաթև.

Բարև ձեզ:

Կասե՞ք, խնդրեմ, կա՞ օնլայն որևէ հարթակ, որ կարողանամ տեսնել դեռ գրանցված աշխատող եմ, թե՞ ոչ:

Արշակ.

Խնդրում եմ օգնել, ես գրանցեցի Ա/Ձ (շինարարական աշխատանքների հետ կապված), սակայն չեմ կողմնորոշվում՝ հարկային ինչ դաշտ ընտրել՝ սկզբնական շրջանում ֆինանսական կորուստներ չունենալու համար:

Իրինա.

Խնդրում եմ ասացեք, ավտոտեխսպասարկման գործունեությամբ զբաղվող Անհատ ձեռնարկատերը կարո՞ղ է հանդիսանալ ընտանեկան ձեռնարկատիրության սուբյեկտ և չվճարել նույնիսկ Ա/Ձ եկամտային հարկը։

Արամ.

Բարև ձեզ։

Խնդրում եմ, ինձ օգնեք հասկանամ՝ դեպի ՌԴ արտահանող ընկերությունը (միրգ և բանջարեղեն) ազատվում է հարկերից, ճի՞շտ է: Եվ հարկման բազան ԱԱՀ֊ում դա տվյալ ամսվա կամ եռամսյակի շրջանառության չա՞փն է և ի՞նչ է ներառում իր մեջ՝ միայն ինքնարժե՞ք, թե՞ մինչև սահման հասնելը այլ ծախսերը: “Транзитная декларация”-ն իրենից ի՞նչ է ներկայացնում:

Կանխավ շնորհակալություն:

Հարգելի գործընկերներ, 2019թ. մարտի 20-ը շահութահարկի կանխավճարների կատարման այլընտրանքային եղանակի ընտրության վերջնաժամկետն է: Այլընտրանքային եղանակով կանխավճարներ կատարելու համար պետք է հանձնել ձև N 151, “Հայտարարություն շահութահարկի կանխավճարների կատարման այլընտրանքային եղանակի ընտրության վերաբերյալ”:

ՀՀ Հարկային օրենսգիրք, հոդված 135, 4-րդ մաս. Ռեզիդենտ շահութահարկ վճարողը և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողը ընթացիկ հարկային տարվա յուրաքանչյուր եռամսյակի համար շահութահարկի կանխավճարները կատարում են նախորդ եռամսյակի ընթացքում ապրանքների մատակարարումից, աշխատանքների կատարումից և (կամ) ծառայությունների մատուցումից ստացվող եկամուտների երկու տոկոսի չափով, եթե մինչև ընթացիկ հարկային տարվա մարտի 20-ը ներառյալ հարկային մարմին են ներկայացրել հարկային մարմնի սահմանած ձևի հայտարարություն՝ շահութահարկի կանխավճարների կատարման այլընտրանքային եղանակի ընտրության վերաբերյալ:

Արմեն.

Բարև ձեզ, հարգելի մասնագետներ: Ամեն տարի աշխատել եմ շրջ. հարկով, այս տարի ուշացրել էի շրջանառության հարկի հայտարարության հաշվետվությունը։ Խնդրում եմ հուշել՝ ո՞ր հաշվետվությունները պետք է ներկայացնել: ԱԱՀ հաշվետվություններում կա 203 ձևը, արդյո՞ք միայն դա է, թե՞ կա նաև 60 ձևը: Սոց. վճարող չեմ ու ունեմ մեկ աշխատող:

Ռոզա.

Բարև ձեզ: Խնդրում եմ պատասխանել իմ հարցին: Համայնքի արոտօգտագործողների գյուղատնտեսական կոոպերատիվի համար տարին մեկ անգամ շահութահարկի հաշվետվություն եմ տվել հարկային, և քանի որ նախորդ տարիներին չի գործել, ուղարկել եմ զրոյական: 2018 թվականին երեք ամիս գործել է, կասե՞ք հիմա` որ ձևը պետք է ուղարկեմ և մոտավոր լրացման կարգը, եթե դժվար չէ: Նախապես շնորհակալություն:

Արթուր.

Բարև ձեզ: Որ խնդրեմ, կասե՞ք՝ շրջ. հարկ հարկատեսակով կարելի՞ է արդյոք զբաղվել անշարժ գույքի վաճառքով՝ ստանալ եկամուտ, և եթե այո, ապա ի՞նչ տոկոսադրույքով։

Գևորգ.

Բարև ձեզ: Արդյո՞ք հիմնադրամի ղեկավարը կարող է աշխատող ընդունել աշխատանքի՝ առանց Հարկային մարմին այցելելու: Ինձ ասել են՝ 79 ձև պետք է լրացնել, սակայն չեմ կարողանում գտնել այն:

Արտյոմ.

Բարև ձեզ։
Մոդայիկ հարց ունեմ 🙂
Ունեմ եկամուտ եվրոյով, որը ստացել եմ ոչ ռեզիդենտից, ում ծառայություն եմ մատուցել Freelance պայմանագրով, որով ինքս եմ պարտավորվել մաքրել հաշիվներս պետության առջև։ Որպես օրինապաշտ քաղաքացի՝ ես ցանկանում եմ այս եկամուտը հայատարարագրել և վճարել հարկերը։ Օրենքը նայեցի բայց գլուխ չհանեցի 🙁

Կօգնե՞ք հասկանամ՝ որքան հարկ պետք է վճարեմ։

Շնորհակալություն։

Անահիտ.

Ասացեք խնդրեմ, շահաբաժնի տարեկան հարկումը ուժի մե՞ջ է, և որտե՞ղ կարող եմ կարդալ օրենքը:

Խորհրդակցության ժամանակ առաջարկվեց նիստի օրակարգը.
1. Հաշվապահի քննադատական դիտողությունները տնօրենին
2. Հաշվապահի հրաժեշտի արարողությունը

Տղան հարցնում է բիզնեսմեն հորը:
– Պապ, իսկ մենք ֆանտաստիկայի կամ միստիկայի ժանրից ինչ-որ բան ունե՞նք կարդալու:
– Այո, իմ հաշվապահի հարկային հաշվետվությունները:

Կարդալ ավելին “Անեկդոտներ” →

Օվսաննա.

Բարև ձեզ։ Ես զբաղվում եմ մեղվաբուծությամբ։ Պատրաստվում եմ մեղրը արտահանել։ Պետք է Ա/Ձ բացեմ։ Ի՞նչ հարկեր եմ վճարելու։

Լիանա.

Բարև ձեզ: Խնդրում եմ պատասխանել մի հարցի: Եթե ընկերության հիմնադիրներից մեկը դառնում է նաև տնօրեն, ո՞վ է հրամանը մակագրում, նույն հիմնադի՞րը, թե՞ մյուս՝ քիչ բաժնեմասով հիմնադիրը: