Աննա.

Բարև ձեզ: Ես ցանկանում եմ բացել ԱՁ և վարձակալությամբ տրամադրել զգեստներ, ինչպիսի՞ հարկեր են նախատեսված նման դեպքում:

Ընկերություն՝ Գինու-Կոնյակի տուն ՍՊԸ
Հասցե՝ ք.Եղվարդ
Էլ. փոստ՝ sinaraatayan շնիկ yandex.ru
Թափուր աշխատատեղ՝ Հաշվապահ
Աշխատանքի նկարագրություն՝ Ընկերությանն անհրաժեշտ է հաշվապահ (իգական սեռի): Պարտականություններ՝ հաշվապահական հաշվառման վարում, աշխատավարձի հաշվառում, հարկային և վիճակագրական հաշվետվությունների վարում, հարկային հաշիվների էլեկտրոնային դուրսգրում, արտահանման և ներմուծման գործարքների հետ կապված թղթաբանության կազմում, գլխավոր հաշվապահի հանձնարարությամբ այլ աշխատանքների իրականացում: Պահանջներ՝ կին 25-45 տարեկան, բարձրագույն կրթություն, ռուսերեն լեզվի իմացություն, ՀԾ և e-invoicing ծրագրերի տիրապետում, արտադրության ոլորտում աշխատանքային փորձի առկայություն: Աշխատանքային գրաֆիկ՝ երկուշաբթի-ուրբաթ, ժամը 09:00-18:00: Ընկերությունը գտնվում է ք.Եղվարդում: Երևանաբնակ աշխատակիցների համար գործում է անվճար տրանսպորտ:
Աշխատավարձ՝ Նախնական 200 000 ՀՀ դրամ

Մարիամ.

Բարև ձեզ: Մեր ընկերությունը ԱՁ է, հարկվում է շրջանառության հարկով:
Եթե taxservise-ում աշխատող ենք գրանցում՝
1.աշխատողին գրանցում ենք այսօրվա ամսաթվով, նա կարո՞ղ է այսօր անցնել աշխատանքի:
2.taxservise-ում գրանցելիս աշխատավարձի չափը գրանցում ենք 55 000 դրա՞մ, թե՞ ավելի մեծ գումար, որ պահումները հանած ստացվի 55 000 դրամ:
3.Կարո՞ղ ենք գումարը առձեռն վճարել աշխատողին:
4.Այդ դեպքում հարկային պարտավորությունները ինչպե՞ս ենք փոխանցում:

Շնորհակալություն:

Մովսեսյան Կարինե.

Բարև ձեզ: 2017թ. հիմնարկի աշխատակիցներին տրամադրվել է գործուղում առանց գիշերելու 100 կմ ավելի հեռավորության վրա: Նրանց հատկացվել է օրապահիկ: Արդյո՞ք այժմ գործուղման օրապահիկի գումարը ենթակա է հետգանձման: Շնորհակալություն:

Գագիկ.

Բարև ձեզ: Հարցը հետևյալն է՝ արդյո՞ք միջնորդային պայմանագիրը թույլ կտա, որպեսզի հարկային դաշտում միջնորդը գանձվի միայն կոմիսիայի 5 %-ը: Նախապես շնորհակալություն պատասխանի համար:

Անահիտ.

Բարև ձեզ: Կօգնեք լուծել հետևյալ խնդիրը՝ կազմակերպությունը 2015թ. հունվարին ձեռք է բերել 900 000 դրամի սարքավորում՝ արտադրական նպատակով օգտագործելու համար, որի օգտակար ծառայության ժամկետը սահմանել է 5 տարի, իսկ մնացորդային արժեքը՝ 200 դրամ: 2016թ. հունվարի 1-ին վերանայվել է սարքավորման մնացորդային օգտակար ծառայության ժամկետը, որը, համաձայն նոր գնահատման, 3 տարի է: Համաձայն ՀՀՄՍ 8 ձևակերպել գնահատումներում կատարված փոփոխության հետևանքները:

Կարեն.

Բարի օր: ԱՁ ունեմ: Ավիատոմսերի վաճառքով զբաղվելու համար որտե՞ղ պետք է դիմեմ: Կարո՞ղ եմ արդյոք առանց որևէ տեղ դիմելու կամ համագործակցելու օնլայն կայքերից գնել ու վաճառել հաճախորդներին:

Արա.

Կազմակերպությունը աշխատել է հին ՀԴ մեքենաներով, շուկայում նոր սերնդի ՀԴ մեքենա չկա: Հիմա այդ կազմակերպությունը դարձել է ավելացված արժեքի հարկ վճարող: Ինչպե՞ս ներկայացնի տեղեկություն հդ մեքենայով իրականացված դրամական հաշվարկների հանրագումարի վերաբերյալ, արդյո՞ք գործարկելի է հաշվետվության 60 ձևը:

Գևորգ.

Բարև ձեզ: Կազմակերպությունը հիմնադրից ներգրաված գումարը կարո՞ղ է վերադարձնել գույքով, և արդյո՞ք այդ դեպքում առաջանում է հարկային պարտավորություն:

Անի.

Ինչպե՞ս ձևակերպել թղթակցությունը՝ ավանդագրվել է չվճարված աշխատավարձը:

Արուսյակ․

Ողջույն: Ֆիզ. անձը, որը մեկանգամյա ծառայություն է մատուցում, օրինակ՝ համակարգիչ է վերանորոգում, ինչքա՞ն եկամտային հարկ պետք է վճարի: Շնորհակալություն:

Արմեն.

Բարև ձեզ: Խանութի անվանումը, որը փակցված է խանութի պատին, արդյո՞ք համարվում է արտաքին գովազդ:

Շուշանիկ.

Արդյո՞ք կազմակերպությունը իրավունք ունի ոչ ռեզիդենտ ֆիզիկական անձին ծառայությունների մատուցման համար վճարումը կատարել արտարժույթով:

Սյուզաննա.

Բարև ձեզ: Խնդրում եմ պատասխանել՝ արդյո՞ք կա որևէ խնդիր, եթե ստացված հաշիվները ստորագրվել են ԱԱՀ հաշվետվությունը հանձնելուց հետո: Հաշվետվությունը հանձնել ենք նոյեմբերի 20-ին, իսկ հաշիվները ստորագրվել են նոյեմբերի 21-ին:

Վարդան.

Բարև ձեզ: Գոյություն ունի՞ միակողմանի գնման ակտի առանձին ձև, և տնտեսվարողի կողմից դրա առկայությունը չապահովելու դեպքում ի՞նչ պատժամիջոց է նախատեսված: Շնորհակալություն:

Ընկերություն՝ Բելնար ՍՊԸ
Հասցե՝ ք.Երևան, Չարենցի 9
Հեռախոս՝ 055566567
Էլ. փոստ՝ info շնիկ belnar.am
Թափուր աշխատատեղ՝ Հաշվապահ
Աշխատանքի նկարագրություն՝ Բելնար հաշվապահական ընկերությունում կա հաշվապահի 2 թափուր հաստիք՝ նվազագույնը 2 տարվա աշխատանքային փորձով: 1 C 8.1 ծրագրի իմացությունը պարտադիր է: Հաշվապահական հաշվառման և հարկային օրենսդրության իմացությունը պարտադիր է: Աշխատանքային գրաֆիկը հնգօրյա է, աշխատանքային ժամերը՝ 09:00-18:00: Աշխատավարձը 150 000 – 200 000 դրամ: Թեկնածուները, խնդրում ենք, ուղարկեն իրենց ինքնակենսագրականները info շնիկ belnar.am էլ. փոստի հասցեին:
Աշխատավարձ՝ 150 000 – 200 000 դրամ
Այլ նշումներ՝ Շտապ

Լիլիա․

Արդյո՞ք հիմնադրամի գործադիր տնօրենը իրավունք ունի՞ փոխառություն տալ նույն հիմնադրամին։

Մարիկա․

Բարև ձեզ։ Ինձ հետաքրքրում է նման հարց՝ ինչպե՞ս պետք է վարել կոմիսիոն խանութի հաշվապահությունը, եթե այն աշխատելու է շրջ․ հարկով։

Նախապես շնորհակալ եմ։

Հով․

ՍՊԸ-ի տնօրենը, ով նաև հիմնադիրն է և այլ աշխատողներ չունի, պետք է գնա ամենամյա արձակուրդ, փոխարինող կարո՞ղ է նշանակել այլ անձի:

Ելենա.

Բանկերը, վարկային կազմակերպությունները, ապահովագրական ընկերությունները, մաքսային կազմակերպությունները ի՞նչ հարկատեսակներով են հարկվում:

Հայկ.

Բարև ձեզ:
Կխնդրեմ օգնել հետևյալ հարցում՝
Հարց 1. Մասնավոր ընկերության տնօրենը գործուղման մեկնելիս ի՞նքն է հենց հրաման տալիս իր գործուղման գնալու հետ կապված:
Հարց 2. Արդյո՞ք պարտադիր է գործուղման վկայականում որևէ կազմակերպության կնիքի առկայությունը, եթե այն բացակայում է, քանի որ գործուղման նպատակն է ընդհանուր շուկայի ուսումնասիրությունը, և որևէ կոնկրետ կազմակերպություն չի կարող կնիք դնել:

Ռուբեն.

Բարև ձեզ: Ես ունեմ 2000թ. BMW X5 մեքենա, որի արժեքն է $ 4 000, իսկ գույքահարկը կազմում է 170 000 հազար դրամ: Այդ մեքենան կարելի է համեմատել ավելի թանկարժեք մեքենայի հետ, որի գույքահարկը չի գերազանցում 50 000 դրամը: Արդյո՞ք ճիշտ է հաշվարկվել գույքահարկը:

Անուշ.

Բարև ձեզ:
Գրանցման հայտը 14:00-ից ուշ ներկայացնելու համար նույն օրն աշխատանքը սկսելու դեպքում ի՞նչ տուգանք է սահմանված:

ՀՀ ազգային ժողովը երկրորդ ընթերցմամբ և ամբողջությամբ ընդունեց օրենքի նախագիծը, որով առաջարկվում է 2020թ․ հունվարի 1-ից ամսական նվազագույն աշխատավարձը 55 հազար դրամից դարձնել 68 հազար դրամ:

2020թ․ հունվարի 1-ից կփոխվեն նաև գործավարձով և ժամավճարով վարձատրվող աշխատակիցների համար ժամային տարիֆային դրույքի նվազագույն չափերը՝

1) աշխատաժամանակի նորմալ տևողության դեպքում (40-ժամյա աշխատանքային շաբաթ)՝ 406 դրամ

2) աշխատաժամանակի կրճատ տևողության դեպքում (36-ժամյա աշխատանքային շաբաթ)՝ 454 դրամ

3) աշխատաժամանակի կրճատ տևողության դեպքում (24-ժամյա աշխատանքային շաբաթ)՝ 680 դրամ:

Արմեն․

Բարի երեկո: Օնլայն խանութ եմ բացել, կայք է, որով մարդիկ պատվիրելու են մինչև 100 հազար դրամի ապրանքներ, ապրանքները Չինաստանից են գալու փոստով: Ի՞նչ պետք է անեմ։ ԱՁ բացե՞մ, թե՞ ՍՊԸ, որովհետև կայքն է վճարումն ընդունելու, առձեռն չկա, միայն փոխանցումով:

Մերի.

Բարև ձեզ: ՍՊԸ ժամանակավոր դադարեցման համար ի՞նչ հաշվետվություններ պետք է ներկայացնեմ, խնդրում եմ օրենքի հղում տալ:

Արտավազդ.

Բարև ձեզ:
Ցանկանում եմ ռուսական մանկական կերեր արտադրող ֆիրմայից ապրանք ներկրել, կասե՞ք ընթացակարգը թղթաբանության, ինչի՞ց սկսեմ:

Կարեն.

Բարև ձեզ: Եթե ԱՁ-ն աշխատում է շրջ. հարկով և ունի գրանցված աշխատողներ, ֆիզ. արձակուրդ գնալու դեպքում պե՞տք է ԱՁ-ն դադարեցնել, և ինչքա՞ն գումար կստանա ֆիզ. արձակուրդ գնալուց առաջ և արձակուրդի ընթացքում:

Արմեն․

Հարգելի գործընկերներ, խնդրում եմ պատասխանել՝ ի՞նչ է իրենից ներկայացնում «ինքնահաշիվը», ո՞ր դեպքերում է այն դուրս գրվում, ի՞նչ օրենսդրական կարգավորումներ կան այս մասով:

Լիլյա․

Բարև ձեզ: Խնդրում եմ, օգնեք: Հաշվապահն անցել է թոշակի: Աշխատել է 2003 թվականից մինչև 2019թ.: Ունի 15 տարուց ավել աշխատանքային ստաժ, մեկ տարվա չօգտված արձակուրդ, 67 տարեկան է: Միջին ամսական աշխատավարձը 95 000 դրամ է: Ինչպե՞ս հաշվել վերջնահաշվարկը:

Գայանե․

Ուսումնական կենտրոնի համար ՀԴՄ ապարատ ունենալը պարտադի՞ր է:

Արմինե․

Բարև ձեզ:
Ցանկանում եմ մի հարց տալ: Աշխատակիցն ընդունվել է և ոչ մի օր չի ներկայացել աշխատանքի (երկու ամիս): Նրան ազատելիս առաջանու՞մ է արդյոք վերջնահաշվարկ:

Սեյրան.

Բարև ձեզ:
2020թ. հունվարի 1-ից մարզում գործող մանրածախ առևտրով զբաղվող ԱՁ-ն կազատվի՞ շրջ. հարկից: Եվ ո՞ր ԱՁ-ն է համարվելու միկրոձեռնարկատիրության սուբյեկտ:

Արտակ․

Բարև ձեզ։ Ես զբաղվում եմ պահեստամասերի մանրածախ առևտրով, ներմուծում եմ Վրաստանի Հանրապետությունից: Սահմանին փորձագետի բացակայության պատճառով ներմուծումը գրանցում են որպես ֆիզ․ անձ: Կարո՞ղ եմ իմ ֆիզ. անձից ապրանքները վաճառել իմ Ա/Ձ-ին: Եթե այո, ինչպե՞ս կհարկվի, եթե ոչ, ինչպե՞ս կարելի է այդ խնդիրը կարգավորել:

Դիանա․

Բարև Ձեզ: Կարո՞ղ եք ինձ օգնել, հարցս հետևյալն է. ԱՁ- ն զբաղվելու է շինարարությամբ և շրջանառության հարկ վճարող է: Կասե՞ք՝ բացի հաշվետվություններ ներկայացնելուց, հաշվառում իրականացնելու՞ է, թե՞ ոչ։

Աննա․

Բարև ձեզ: Կարո՞ղ եք տեղեկացնել՝ ԱԱՀ-ով չհարկվող կազմակերպությունը ծառայություններ մատուցելիս կանխիկ դրամ ընդունելիս իրավասու՞ է կազմել մուտքի օրդեր և, միաժամանակ ունենալով ՀԴՄ, չտպել կտրոն:

Գագիկ․

Բարև ձեզ, հարգելի մասնագետներ։ Ցանկանում եմ գնել հողակտոր և կառուցել «Լվա ինքդ» ավտոլվացման կետ։ Կխնդրեմ հնարավորինս մանրամասնել այս գործունեության ոլորտը, հարկումներ, կառուցման օրենսդրական պահանջները և այլն, կամ տրամադրել հղումը համապատասխան օրենքին։ Կանխավ շնորհակալ եմ։

Սուսաննա.

Խնդրում եմ, ասեք՝ հանրային հատվածում գլխավոր հաշվապահ աշխատելու համար անհրաժե՞շտ է ունենալ հաշվապահի լիցենզիա։ Կա՞ արդյոք շեմ, որից հետո լիցենզիա ունենալը պարտադիր է, և ո՞ր օրենքի հիման վրա։

Կանխավ շնորհակալություն։

Եղիա.

Բարև ձեզ: Ծրագրավորման դասընթացների կազմակերպումը կարո՞ղ է ընտանեկան ձեռնարկատիրության տակ գործունեություն ծավալել, և եթե այո, ապա պարտադի՞ր է ֆիզ. անձանց հաշիվ գրել (դասընթացի մասնակիցներին):

Հասմիկ.

Բարև ձեզ: Ինչպե՞ս կձևակերպվի՝ հաշվետու անձի կողմից վճարվել է միջնորդավճար նյութերի վաճառքի համար:

Թինա.

Կասե՞ք՝ շոու բիզնեսի ներկայացուցիչները ինչպե՞ս պետք է գրանցվեն հարկ վճարելու համար՝ ՖԻԶԻԿԱԿԱՆ Ա՞ՆՁ, թե՞ ԱՁ։

ՇՆՈՐՀԱԿԱԼՈՒԹՅՈՒՆ։

Վերգինե․

Բարև ձեզ: Բնակչության պետական ռեգիստրում այս անձի համար տվյալ փաստաթուղթը բացակայում է: Այս գրությունը երևում է, երբ օնլայն համակարգով փորձում եմ օտարերկրացի աշխատող գրանցել: Կարո՞ղ եք ասել՝ ինչն է պատճառը։

Ընկերություն՝ Ջի Ջի Գրուպ ՍՊԸ
Հասցե՝ Շենգավիթ համայնք, Սևանի 116/8
Հեռախոս՝ 098 57 35 07 (Լիլիթ)
Էլ. փոստ՝ businesstechnic շնիկ mail.ru
Թափուր աշխատատեղ՝ Պահանջվում է հաշվապահ՝ 1С-ի իմացությամբ:
Աշխատավարձ՝ 150 000 – 200 000 դրամ

Ընկերություն՝ Էյ Ջի Էս Ըքաունթինգ Գրուպ ՍՊԸ
Հասցե՝ Երևան, Քաջազնունի 1
Հեռախոս՝ 098004201
Էլ. փոստ՝ aghasikharatyan շնիկ gmail.com
Թափուր աշխատատեղ՝ Հաշվապահի օգնական
Աշխատանքի նկարագրություն՝ ՀԾ իմացությամբ, հաշվապահական ձևակերպումների տիրապետմամբ
Աշխատավարձ՝ Կախված գիտելիքներից
Այլ նշումներ՝ Իգական սեռի, 5-օրյա լրիվ գրաֆիկ՝ 09:30-18:00

Ընկերություն՝ ՎԱՅՍ ՍՊԸ
Հասցե՝ Պարոնյան 40
Հեռախոս՝ 094354114
Էլ. փոստ՝ hr շնիկ weiss.am
Թափուր աշխատատեղ՝ Հաշվապահ
Աշխատանքի նկարագրություն՝ ՎԱՅՍ ընկերությունը փնտրում է հաշվապահի, ով գերազանց տիրապետում է 1C և Հայկական ծրագրերին: Մեր հաշվապահի հիմնական պարտականություններն են՝ հարկային հաշվառման իրականացում, ապրանքատեսակների և նյութերի մուտքագրում համապատասխան ծրագիր, ներկրվող ապրանքների մաքսազերծում, բանկերի հետ կապված գործառույթների կազմակերպում, աշխատավարձերի հաշվարկ, անհրաժեշտ փաստաթղթաշրջանառության վարում:

Ընկերություն՝ Երեմյան Փրոջեքթս
Հասցե՝ Տերյան 8
Հեռախոս՝ 011-508-800
Էլ. փոստ՝ hr շնիկ yeremyanprojects.com
Թափուր աշխատատեղ՝ Հաշվապահ/Հաշվապահություն
Աշխատանքի նկարագրություն՝ Պարտականություններ՝
• Հաշվապահական փաստաթղթերի կազմում և փաստաթղթաշրջանառության վարում
• Բանկային հաշիվների ամենօրյա ձևակերպում
• Հարկային հաշիվների էլեկտրոնային դուրսգրում
• Աշխատավարձի հաշվարկային և վճարային փաստաթղթերի կազմում և վճարում
• Գործընկերների դեբիտորների և կրեդիտորների վարում ՀԾ հաշվապահ ծրագրով
• Գլխավոր հաշվապահի հանձնարարությամբ այլ աշխատանքների իրականացում
Պահանջվող որակավորում՝
• Բարձրագույն կրթություն
• MS Office փաթեթի /մասնավորապես Excel/ իմացություն
• Խնդիրների արագ և արդյունավետ լուծման կարողություններ
• Սթրեսակայունություն
• Պատասխանատվության զգացում
• Մեծ ծավալի տեղեկատվության հետ աշխատելու ունակություն
• Ժամանակը ճիշտ կառավարելու հմտություն
• Մանրամասներին մեծ ուշադրություն դարձնելու կարողություն
Դիմելու ընթացակարգը՝ ցանկացողները կարող են ռեզյումեներն ուղարկել hr շնիկ yeremyanprojects.com էլեկտրոնային փոստի հասցեին` թեմա (subject) բաժնում նշելով աշխատանքի անվանումը: Հարցազրույցի կհրավիրվեն միայն պահանջներին համապատասխանող անձինք:

Գարիկ.

Միկրոբիզնեսը հունվարի 1-ից ազատվում է հարկերից: Այս մասին ԱԺ-ում 2020 թվականի պետական բյուջեի նախագծի քննարկման ժամանակ ասաց ՀՀ վարչապետ Նիկոլ Փաշինյանը: Օրենքը ուժի մեջ կմտնի 2020թ հոունվարի 1-ից:

Հարգելի հաշվապահներ, հանդիսանում եմ Ա/Ձ, ունեմ գեղեցկության սրահ, գործունեությունս սկսել եմ 10.10.2018թ.-ին։ Հարկերը (եկամտային հարկ, սոց․ վճար և մնացած ամբողջ մուծումները), մի կերպ վճարելով ամսական հարկային պարտավորությունները՝ 10.10.2019թ.-ին դադարեցրեցի Ա/Ձ գործունեությունը և փակեցի սրահը: Խնդրում եմ, պարզաբանեք օրենքի հետ կապված որոշ մանրամասներ, օրինակ՝ հարկերից ազատումը կոնկրետ ի՞նչ է ներկայացնում իրենից։ Սրահը, աշխատելով մոտավորապես մեկ տարի, միջինը կունենա 1 450 000 – 1 950 000 ՀՀ դրամ շրջանառություն։

Գարիկ․

Բարև ձեզ։ Ես Ա/Ձ եմ և վարձակալում եմ տարածք ֆիզ. անձից։ Նոտարով կնքվել է վարձակալության պայմանագիր: Արդյո՞ք պարտադիր է գրանցել կադաստրում, թե՞ ոչ։ Եվ եթե պարտադիր չէ, ապա ես կարո՞ղ եմ էլեկտրոնային հաշվետվության մեջ նշել վարձակալության գումարի չափը, որպեսզի 10 %-ը հարկվի։ Ըստ պայմանագրի ես հանդիսանում եմ հարկային գործակալ և ես պետք է վճարեմ այդ 10 %-ը։