Դավիթ.

Եթե պայմանագրային զինծառայող եմ, ապա կարո՞ղ եմ ԱՁ բացել:
Կարո՞ղ եմ ԱՁ բացել 1974թ.-ից շուտ ծնված բարեկամի անունով, սակայն ինքս աշխատացնեմ խանութը, որպեսզի սոց. հարկ չմուծվի:

Ռաֆիկ.

Ինչպե՞ս ներբեռնել, ներկայացնել ՊԵԿ ձև 257 հաշվետվությունը:

Լիլյա.

Բարև ձեզ։ Ունեմ աշխատող, ով ներկայացրել է հղիության և ծննդաբերության անաշխատունակության թերթիկ։ Հաշվարկել եմ միջին աշխատավարձ, կազմել է 80 022 ՀՀ դրամ։ Թերթիկը ներկայացվել է 20.02.2020թ.-08.07.2020թ. ժամանակահատվածի համար։ Աշխատում ենք 5-օրյա գրաֆիկով։ Առաջին անգամ պետք է հաշվեմ։ Նաև խնդրում եմ մանրամասնել պահումների մասով։

Նախապես շնորհակալություն։

Նաիրա.

Հարգելի գործընկերներ, ընկերությունը զբաղվում է ճանապարհային շինարարությամբ: Աշխատողների հետ ցանկանում եմ կնքել անվտանգության կանոններին տեղյակ լինելու հետ կապված թերթիկ: Կա՞ օրինակելի ձև նման թերթիկ լրացնելու, աշխատողների հետ կնքելու վերաբերյալ: Եթե այո, խնդրում եմ նշել, թե որտեղից կարող եմ վերցնել այդ ձևը:

Նախապես շնորհակալություն:

Արմեն.

ՍՊԸ-ների մասին օրենքի 24-րդ հոդվածի 1-ին մասի համաձայն՝ ընկերությունն իրավունք ունի տարեկան մեկ անգամ իրականացնել իր շահույթի բաշխումը ընկերության մասնակիցների միջև:
Հարց.
Շահույթի բաշխման մասին ընդհանուր ժողովի կողմից ընդունվող որոշման ժամկետի հետ կապված կա՞ արդյոք որևէ օրենսդրական սահմանափակում, հնարավո՞ր է արդյոք այդ որոշումն ընդունել հաջորդ տարվա մեջ ցանկացած ժամանակ, օրինակ՝ հաջորդ տարվա դեկտեմբեր ամսվա մեջ։

Սոնա.

Բարև ձեզ, հարգելի հաշվապահներ: Հարցս հետևյալն է.
Ես ցանկանում եմ գործունեություն ծավալել Գյումրիում, լինելու է հակասրճարան, ժամանցի կենտրոն, հնարավոր է նաև ներսում փոքրիկ իրերի առք ու վաճառք:
Ինչպիսի՞ իրավական տեսակով և հարկման դաշտում խորհուրդ կտաք աշխատել, ինքս հաշվապահ եմ, պարզապես հետաքրքիր են կարծիքներ ավելի լավ կողմնորոշվելու համար:
Կանխավ շնորհակալ եմ:

Վարդուհի.

Բարև ձեզ, հարգելի հաշվապահներ։ Խնդրում եմ ինձ ուղղորդել հետևյալ հարցում․ ֆիզիկական անձը զբաղվում է վեբ կայքերի պատրաստմամբ և սպասարկմամբ։ Հարկային ո՞ր դաշտում պետք է գտնվի, և արդյո՞ք գոյություն ունի առանձին օրենք՝ կապված այս ոլորտի առանձնահատկությունների և արտոնությունների հետ։
Կանխավ շնորհակալ եմ։

Արմեն.

ՍՊԸ-ն իր գործունեության ընթացքում իր միակ հիմնադրին հատկացրել է դրամական փոխառություններ (37 մլն դրամի չափով)՝ դրանք փոխառուի բանկային հաշվին փոխանցելու միջոցով։
Հարց.
Հնարավո՞ր է արդյոք այդ փոխառությունները մարել ՍՊԸ-ի դրամարկղ մուտքագրելու միջոցով, եթե այո, ապա կա՞ արդյոք որևէ օրենսդրական սահմանափակում գումարի չափի հետ կապված։
Հնարավո՞ր է արդյոք այդ փոխառությունները մարել՝ նվազեցնելով այն բաշխվող շահույթից, այսինքն՝ փոխառուի շահաբաժինը փոխառությունների չափով նվազեցնելով։

Ռուզաննա.

Միկրոձեռնարկատիրությամբ զբաղվողը կարո՞ղ է ժամանակավորապես դադարեցնել գործունեությունը և հետո գործունեությունը սկսել այլ հասցեում:

Վերգինե․

Բարև ձեզ։
ԱՁ բացել եմ հունվարի 13 և դադարեցրել փետրվարի 20 սույն թվականի։ Ունե՞մ հարկային վճարումներ, թե՞ ոչ։ Բացվել է գեղեցկության սրահ, սակայն չի գործել։ Աշխատել է մի քանի օր։ Խնդրում եմ ասել՝ ի՞նչ վճարում պիտի անեմ։

Հենրի․

Հարգելի հաշվապահներ, խնդրում եմ ասեք՝ եթե 2020թ-ին անձի հաստիքը բարձրացել է նվազագույն աշխատավարձի չափով 68 000դրամով, արձակուրդայինի հաշվարկը ինչպե՞ս է հաշվարկվում: Հետ են գնում 12 ամիսներն են ձևավորում, թե՞ մի անգամից հիմք են վերցնում նվազագույն աշխատավարձը։

Ռուզաննա․

Բարև Ձեզ, խնդրում եմ պատասխանել ինձ՝ ներմուծված պարարտանյութը ազատվու՞մ է ԱԱՀ-ից, թե՞ ոչ, և ուրիշ ի՞նչ վճարներ պետք է կատարել: Շնորհակալություն։

Լիանա․

Բարև ձեզ ես հարցրել էի, որ եթե ԱՁ-ն 1989թ ծնված է՝ ինչքա՞ն սոցիալական վճար պետք է վճարի միկրոձեռնարկատիրության դեպքում, պատասխանել էիք 5%։ Խնդրում եմ ասել՝ այդ 5 % սոց. վճարը շրջանառությունից տարեկան կտրվածքո՞վ պետք է վճարել, թե՞ ամեն ամիս: Եվ գրել էիք, որ կամավոր վճար է, այսինքն՝ դա պարտադիր վճար չի՞, կարո՞ղ եմ չվճարել: Եվ տարվա վերջ ո՞ր հաշվետվության մեջ է երևում այդ գումարը սոց. վճարի:

Նարինե․

ԱՁ-ի և ՍՊԸ-ի շահութահարկի տարեկան հաշվարկը տարբե՞ր է, թե՞ նույնն է:

Նաիրա.

Բարև ձեզ: Եթե ես միկրոձեռնարկատեր եմ՝ ԱՁ, մատուցում եմ ծառայություն, կահույքի արտադրությամբ եմ զբաղվում։ Եթե լինում է պատվեր, տրամադրում եմ հանձնման-ընդունման ակտ և պայմանագիր, կասե՞ք՝ ՀԴՄ պե՞տք է, թե՞ ոչ, չէ՞ որ չեմ հանդիսանում առևտրային կազմակերպություն։ Գումարը փոխանցումով եմ ստանում: Շնորհակալ եմ:

Մերի.

Բարև ձեզ: Հարցս վերաբերում է հասարակական կազմակերպության կողմից անդամավճարների ձևակերպմանը։ ՀԿ-ն չունի առևտրային գործունեություն։ Ունի մուտքեր միայն անդամավճարներից։ Արդյո՞ք սա ֆինանսական հաշվառման տեսանկյունից պետք հասույթ ճանաչվի, ծախսերն էլ՝ ծախս, և արդյունքում ձևակերպվի կուտակված շահույթ։

Մարինե.

Բարև ձեզ: Խնդրում եմ պատասխանել: ՍՊԸ-ն 2019թ. ընթացքում աշխատել է ընդհանուր հարկման դաշտում, արտադրություն է: 2020թ. աշխատում է շրջանառության հարկով, ունի արտադրանքի մնացորդ 2019թ. դեկտեմբերի 31-ի դրությամբ: Մնացորդ արտադրանքի հումքը, որ ձեռք է բերվել 2019թ. ընթացքում, մի մասը ԱԱՀ-ով է, մի մասը՝ շրջ. հարկով, 2019թ. ԱԱՀ-ն հաշվանցվել է: 2020թ. արտադրանքը իրացնելիս կառաջանա՞ շրջ. հարկի պարտավորություն, իսկ ԱԱՀ-ի մասով ի՞նչ կլինի (խոսքս այն նյութերի ԱԱՀ-ի մասին է, որը ձեռք է բերվել 2019թ., իսկ արտադրանքը վաճառվել է 2020թ.):

Յանա.

Բարև ձեզ։ Պատասխանեք, խնդրում եմ: Արդյո՞ք կա դրամարկղի մնացորդի սահմանաչափ:

Գոհար.

Բարև ձեզ: Խնդրում եմ, եթե կարող եք ձեր փորձով օգնեք: Կազմակերպությունը գնել է 43 միլիոն արժողությամբ Էկենգ կազմակերպության link-ը, որպեսզի այդ ծրագրով ավիատոմս ամրագրի, և անմիջապես ծախս է ճանաչել, իմ կարծիքով՝ ոչ նյութական ակտիվ պետք է ճանաչեր և մաշվածություն հաշվեր։ Խնդրում եմ, արձագանքեք, շնորհակալություն։

Անի Կ.

Մինչև 2020թ. հունվար ամիսը «Լվա ինքդ» ավտոլվացման կետը հարկվում էր արտոնագրային հարկով, կասե՞ք՝ այժմ ի՞նչ հարկատեսակով է հարկվում, եթե պետական տուրքով, ո՞նց գրանցեմ:

Քրիստինա.

Բարև ձեզ: Խնդրում եմ պատասխանել: Կավե հուշանվերներ պատրաստող և վաճառող ԱՁ-ն կարո՞ղ է համարվել միկրոձեռնարկատիրության սուբյեկտ: Վաճառքը իրականացնելու է հաշիվ դուրս գրելով, տրամադրում է հուշանվերների վաճառքի խանութներին կամ վաճառում է վերնիսաժում: Տարեկան շրջանառությունը չի գերազանցում 24 միլիոն դրամը:

Սերգեյ.

Բարև ձեզ: Կուզեի իմանալ՝ արդյո՞ք հնարավոր է 16-ը լրացած անձին ԱՁ գրանցել ՀՀ-ում, և ինչպիսի՞ փաստաթղթեր են անհրաժեշտ գործունեություն ծավալելու նաև Արցախի տարածքում:

Սիմոն.

Հարգելի հաշվապահներ, խնդրում եմ, ասեք՝ արդյո՞ք կանխիկ դրամով վճարումների սահմանափակումները վերաբերում են քաղաքացիաիրավական պայմանագրով վճարվող գումարներին:

Արմինե.

Ասացեք, խնդրեմ, եթե գնում եմ հայելի մեծ կտորներով, կտրտում, ավելացնում դետալներ, կարո՞ղ է համարվել արտադրություն և միկրոձեռնարկատիրության սուբյեկտ համարվել:

Գոռ.

Բարև ձեզ: Ես ԱՁ եմ բացել, միկրոձեռնարկատիրություն է ձևակերպված, բանջարեղենի խանութ է, ի՞նչ հարկեր և վճարներ պետք է կատարեմ, ՀԴՄ պե՞տք է տամ:

Սերոբ.

Անշարժ գույքի գործակալությունը ի՞նչ հարկատեսակով է հարկվում:

Լիլիթ.

Բարև ձեզ։
Ուզում եմ իմանալ կա՞ արդյոք որևէ եղանակ հղիության և ծննդաբերության արձակուրդի ընթացքում որոշ ժամանակով աշխատելու միևնույն գործատուի մոտ, թեկուզ որևէ այլ պայմանագրի հիման վրա, թե՞ արձակուրդ և աշխատանք միաժամանակ չեն կարող լինել։ Մյուս կողմից, կա՞ տարբերակ հղիության արձակուրդը գոնե մինչև ծննդաբերություն հետաձգելու։

Լուսինե.

Բարև ձեզ: Խնդրում եմ, ասեք՝ արդյո՞ք ՆՈԻՀ ՀՈԱԿ-ը կարող է հաշիվ դուրս գրել։ Հարցս վերաբերում է մասնավորապես երեխայի ծնողական վճարին, որ փոխանցումը մեկ այլ կազմակերպություն կատարի:

Աննա․

Բարև ձեզ: Մի կարևոր հարց ունեմ, խնդրում եմ, արագ արձագանքեք: Եթե չեմ ներկայացրել շրջանառության հարկի հայտարարությունը, սակայն ներկայացրել եմ ներմուծման վերաբերյալ փաստաթղթերն, ի՞նչ կարող եմ անել, որ ԱԱՀ դաշտից դուրս գա։ Ինչ-որ տարբերակ կա՞, թե՞ ոչ։

Հասմիկ․

Հարգելի գործընկերներ, բարև ձեզ։ Նման խնդրի առաջ ենք կանգնել․ ԱՁ-ն դեռ 2019թ.-ին ՀԴՄ հայտ է տվել՝ ընտրելով տարաժամկետ վճարումը, վճարել է 10 000 դրամ, ՊԵԿ-ը հաստատել է հայտը, բայց ՀԴՄ այդպես էլ չենք ստացել, ՀԴՄ ստուգման են եկել, այժմ ցանկանում են տուգանել։ Ինչպե՞ս կարող ենք բողոքարկել, որևէ բողոքարկման օրինակ կարո՞ղ եք ուղարկել հետևյալ էլ․ փոստի հասցեին՝ arminnayan շնիկ gmail.com։ Նախապես շնորհակալություն։

Անդրանիկ․

Բարև ձեզ։ Պատրաստվում եմ բացել մրգային օղու և մսի խանութ։ Օղին վաճառվելու է միայն տնական գյուղացիներից մթերված մրգողի։ Միսը վաճառվելու է թե՛ հում, թե՛ խորոված։ Խնդրում եմ, ասեք՝ ի՞նչ փաստաթղեր ու արտոնագրեր/թույլտվություններ են անհրաժեշտ օրենքով աշխատելու համար։

Էլեն․

Բարև ձեզ: ԱՁ բացելուց հետո ի՞նչ փաստաթղթեր է անհրաժեշտ հարկային ներկայացնել և պետք է ներկայացվի 20 օրվա ընթացքում, թե՞ 20 աշխատանքային օրվա ընթացքում։

Ընկերություն՝ Standard Oil LLC
Հասցե՝ Ֆուչիկի 27/41
Հեռախոս՝ +37477461666
Էլ. փոստ՝ hr շնիկ standardoil.am
Թափուր աշխատատեղ՝ Հաշվետար-օպերատոր
Աշխատանքի նկարագրություն՝ «Ստանդարդ Օիլ» ընկերության ընդլայնվող թիմին անհրաժեշտ է #ոչՍտանդարդ #հաշվետար:
Պարտականություններ`
• Հաճախորդներից պատվերի ստացում
• Հ/Ա դուրսգրում
• Փաստաթղթերի ծրագրային մուտք
Որակավորումներ և Հմտություններ՝
• Բարձրագույն կրթություն՝ տնտեսագիտության, ֆինանսների կամ հաշվապահության ոլորտներում
• 1С 8.3 ծրագրի իմացություն
• e-Invoicing ծրագրի իմացություն
• Առնվազն 1 տարվա աշխատանքային փորձ տվյալ ոլորտում (պարտադիր է)
• Համակարգչային գիտելիքներ` MS Office
• Հարկային օրենսդրության և հաշվապահական իմացության բավարար մակարդակ
Ինչպես դիմել՝ Խնդրում ենք ուղարկել Ձեր ռեզյումեն hr շնիկ standardoil.am էլ. փոստի հասցեին: Subject դաշտում նշեք հաստիքի և կայքի անվանումը, որտեղից տեղեկացել եք աշխատանքի վերաբերյալ: Հարցազրույցի կհրավիրվեն նախնական փուլում ընտրված թեկնածուները: Այլ հարցերի դեպքում կարող եք զանգահարել +37477461666 հեռախոսահամարով:

Հայկ․

Բարև Ձեզ։ Կազմակերպությունում գույքագրման արդյունքներով հայտաբերվել է ՀՄ-ի պակասորդ: Ասացեք խնդրեմ ՆՊԱ-ի աշխատավարձից գումարը պահելու ձևակերպումները և ՀՄ-ի դուրս գրման ձևակերպումները: Շնորհակալություն։

Նարինե․

Բարև ձեզ, հարգելի հաշվապահներ։ Ներմուծում ենք արել Ռուսաստանից, ԵՏՄ հաշվետվությունները բոլորը տրվել է, հարցս միայն բեռնափոխադրմանն է վերաբերվում։ Ռուսաստանի կազմակերպությունն է կատարել բեռնափոխադրումը, ունենք պայմանագիր և ինվոյս, գումարը փոխանցել ենք, սակայն ոչ մի հաշվետվություն այդ մասով չեմ ներկայացրել, այժմ էլ պատրաստվում եմ տարեկան շահութահարկով ծախսագրել, կա՞ այստեղ խախտում, ի՞նչ էի անելու, որ չեմ արել, կանխավ շնորհակալություն։

Վահե․

Բարև Ձեզ, հարգելի հաշվապահներ: Խնդրում եմ պարզաբանեք․
Աշխատողի հաստիքը 90 000 է, աշխատում է 18:00 ից մինչև հաջորդ օրվա 10:00։ Ժամային դրույքաչափը 90 000 / 168 = 535.71, գիշերային ժամվա համար 535.71 * 30% = 160.71։ 535.71+160.71= 696.42 Նոր հետո սա էլ բազմապատկեմ գիշերային (8 ժամ) փաստացի աշխատած ժամերով, ճի՞շտ է։

Հասմիկ․

Բարև Ձեզ, աշխատողը գտնվել է հարկադիր պարապուրդում 2019 թվականի դեկտեմբերի 17-ից մինչև 2020 թվականի հունվարի 12։ Մինչև դեկտեմբերի 31-ը վճարվել է 2020 թվականի հերթական արձակուրդից։ Խնդրում եմ ասել՝ ինչքա՞ն պետք է վճարենք աշխատողին, եթե վարձատրվում է ժամավճարով և իրեն 40 ժամյա գրաֆիկի համար աշխատավարձը 116 000 ՀՀ դրամ է ժամավճարով: Ինչպե՞ս է այդ արժեքը որոշվում:
Հարգանքով, Հասմիկ։

Ռուզան․

Բարև ձեզ, հարգելի հաշվապահներ: Օգնեք կատարել ձևակերպում: Ունենք ներմուծում ՌԴ-ից 3 147 000 արժեքով, որի ԱԱՀ-ն կազմում է 629 400: Սկզբում կանխավճար ենք ուղարկել օգոստոսին, ապրանքը ստացել ենք սեպտեմբերին, ուղարկել եմ հայտարարագիրը և հաշվանցում եմ արել սեպտեմբերին, բայց ԱԱՀ – ն վճարվել է հոկտեմբերի 10-ին:

Տաթև․

Բարև ձեզ: Նորաբաց ԱՁ-ն ատամնաբուժարան է, որտեղ կա միայն տնօրեն (ՀԴՄ չունի, չի գործում):
Կարո՞ղ եք ասել՝ բացի շրջանառության հարկից էլ ի՞նչ հարկատեսակի հաշվետվություն պիտի ներկայացվի:
Եվ վճարները՝
ԱՁ-ի եկամտային հարկ և սոց․ վճարներ 10.000
Դրոշմանիշային վճար՝ 12.000 (արդյո՞ք կարելի է դրոշմանիշային վճարը բաշխել ամսական 1000 վճարել, թե՞ պարտադիր պիտի 12.000 միանվագ վճար արվի)

Հասմիկ․

Բարև Ձեզ, հարգելի գործընկերներ։ Ընկերության վերակազմավորման համար եթե ցանկանում ենք ՍՊԸ֊ն դարձնել ՓԲԸ, ի՞նչ գործողություններ է անհրաժեշտ կատարել։ Շնորհակալություն)))

Աստղիկ․

Բարև ձեզ: Ես 6 ամիս է ինչ գտնվում եմ ֆիզ. արձակուրդում և աշխատել եմ համատեղությամբ: Այժմ ուզում եմ վերադառնալ աշխատանքի, բայց միայն մեկ գործատուի մոտ: Դա հնարավո՞ր է, թե՞ պարտադիր երկու գործատուների մոտ եմ վերադառնալու աշխատանքի:

Վարդանյան.

Բարձր լեռնային հավելավճար չեն վճարել մոտ 6 տարի, ինչպե՞ս պետք է վերականգնեն չվճարվածը։ Կանխավ շնորհակալություն։

Մարիամ Գուրակլյան.

Բարև ձեզ։ Գտնվում եմ ֆիզ. արձակուրդի մեջ և ցանկանում եմ աշխատել։ Բալիկս 1.5 տարեկան է։ Հարց 1՝ կա՞ հիմա «դայակի փող» ասվածը, և եթե այո, ապա ինչպե՞ս կազմակերպեմ այդ ամենը: 2-րդ հարցս էլ՝ ի՞նչ արտոնություններ ունեմ որպես փոքր երեխայի մայր:

Հարգելի գործընկերներ,

2020թ. փետրվարի 20-ը շրջանառության հարկով աշխատելու համար դիմելու, ինչպես նաև որպես միկրոձեռնարկատիրության սուբյեկտ գրանցվելու վերջնաժամկետն է: Պետք է հանձնել.

Ձև N 201. Շրջանառության հարկ վճարող համարվելու վերաբերյալ հայտարարություն – 2020թ-ին շրջանառության հարկ վճարող համարվելու համար

Ձև N 257. Միկրոձեռնարկատիրության սուբյեկտ համարվելու վերաբերյալ հայտարարություն – 2020թ-ին միկրոձեռնարկատիրության սուբյեկտ համարվելու համար

Company: TM Audit
Address: Yerevan, Armenia
E-mail: info at tmaudit.am
Vacancy: Accountant/Auditor
Work description:
– Participate in audit engagements, audit of financial statements
– Review the clients’ accounting system and internal control system
– Prepare audit reports
– Carry out audit tests, analytical procedures
– Determine or participate in determining, audit procedures necessary to achieve the desired audit results
– Perform audit work assigned in a professional manner, in accordance with approved work program
– Obtain, analyze and appraise evidentiary data as a basis for an informed, objective opinion on the adequacy and effectiveness of the system of controls
– Report audit findings and make recommendations for the correction of noted control deficiencies
Additional notes: Probation up to 2 months, frequent business trips to the regions. Application procedures: Please submit your detailed CV highlighting your experience and professional education to: info at tmaudit.am.

Ընկերություն՝ Ակսեպտ ՍՊԸ
Հասցե՝ ք.Երևան, Կորյունի 19-ա
Հեռախոս՝ +374 10 58 49 45, +374 99 58 49 45, +374 94 58 49 45, +374 55 58 49 45
Էլ. փոստ՝ info շնիկ accept.am
Թափուր աշխատատեղ՝ Ֆինանսական ղեկավար
Աշխատանքի նկարագրություն՝ Կազմակերպության մասին՝ արտադրություն:
Պարտականություններ՝ վերահսկել, վերանայել բիզնեսի համար նախատեսված բյուջեները, հետևել, որ կազմակերպության բոլոր ֆինանսական գործելակերպները համապատասխանեն կանոնադրական կանոնակարգերին և օրենսդրություններին, վերլուծել ֆինանսական շուկան և շուկայի միտումները՝ օգնելու ավագ ղեկավարներին ապագայի ռազմավարական պլանների մշակման գործում, մեկնաբանել բարդ ֆինանսական տեղեկությունները և անհրաժեշտության դեպքում տրամադրել թարմացումներ և տեղեկատվություն, վերլուծել դրամական միջոցների հոսքը, հաշիվները և այլ ֆինանսական գործարքներ և ներկայացնել համապատասխան հաշվետվություն ավագ ղեկավարությանը, վերահսկել ֆինանսական օժանդակությունը՝ ներառյալ ֆինանսական տվյալների հետևումը, հաշիվ-ապրանքագրերը, աշխատավարձը և այլն, կազմել պաշտոնական հաշվետվություններ ամսական և տարեկան կտրվածքով և ներկայացնել ղեկավարությանը, փնտրել մեթոդներ և տարբերակներ՝ ֆինանսական ռիսկերը նվազագույնի հասցնելու համար, ֆինանսական մոնիտորինգ ապահովելու համար պայմանագրային աուդիտորական ծառայություններ կազմակերպել և հարկ եղած դեպքում նաև իրականացնել, ստեղծել և պահպանել հարաբերություններ կազմակերպության համար կարևոր նշանակության գործընկերների կամ պոտենցիալ գործընկերների հետ, իրականացնել ֆինանսական քաղաքականության և ընթացակարգերի թարմացում և իրականացում, պահպանել քաղաքականության ձեռնարկը ֆինանսների վարչության համար, աշխատել մարդկային ռեսուրսների գծով մենեջերի հետ` ապահովելու համար ֆինանսական բաժնի համապատասխան թեկնածուներին, ֆինանսների նոր աշխատողների համար կազմել և իրականացնել ուսումնական ծրագիր։
Պահանջներ՝ Բարձրագույն տնտեսագիտական կրթություն, ցանկալի է MBA (ֆինանսների կառավարում), առնվազն 10 տարի հաշվապահական փորձառություն, բիզնեսի, ֆինանսների կառավարման ոլորտում, գերազանց մաթեմատիկական գիտելիքներ: Անձնական հատկանիշներ՝ գերազանց հաղորդակցման հմտություններ, վերլուծելու ունակություն և ծագած խնդիրների լուծման հմտություններ, ուշադրություն, ճշգրտություն, ժամանակի կառավարում, կազմակերպվածություն: Աշխատանքային փորձ՝ 10 տարուց ավել, տարիք՝ 35-45, սեռ՝ դեր չի խաղում: Աշխատանքի տևողությունը՝ լիարժեք աշխատանքային օր, աշխատանքային ժամեր՝ 10:00 – 18:00: Պահանջվող փաստաթղթեր՝ ռեզյումե աշխատանքային պարտականություններով և լուսանկարով: Հավելյալ տեղեկություններ՝ հնգօրյա աշխատանքային գրաֆիկ: Աշխատանքի սկիզբը՝ 03.02.2020թ., վերջնաժամկետ՝ 06.04.2020թ.:
Աշխատավարձ՝ Բարձր, մրցակցային

Ագնեսա․

Բարև ձեզ, խնդրում եմ ասել՝ արդյո՞ք չօգտագործված արձակուրդը կարելի է գումարի տեսքով ստանալ։

Անուշ․

Բարև, հարգելիներս, մի խնդրանք ունեմ՝ ուզում եմ իմանալ, թե ինչ պետական վճարումներ են կատարում ավտոլվացման կետ ունեցող անձիք, որպես ԱՁ, Նշեմ, որ սահմանամերձ գյուղ է, և ազատված է հարկերից։ Նախապես շնորհակալություն։

Գոհար.

Բարև ձեզ: Խնդրում եմ, ասացեք՝ Taxservice.am համակարգում ինչպե՞ս պետք է ներկայացնեմ ԱԱՀ ամսական հաշվետվությունը նոր փոփոխված տարբերակով:

Նարինե.

Բարև ձեզ: Հարցս հետևյալն է. Կազմակերպությունը ունի անհատույց ստացված ապրանք, հիմա այդ ապրանքը վաճառել է անհատույց այլ կազմակերպության։ Խնդրում եմ օգնել ձևակերպումների հարցում: