Ընկերություն՝ ՍՊԸ
Հասցե՝ ՀՀ, ք․Երևան, Հր․Ներսիսյան փող․, 14/1-3
Հեռախոս՝ 096 234 500, 011707807
Էլ․ փոստ՝ hr շնիկ iloft.am
Թափուր աշխատատեղ՝ Հաշվապահ
Աշխատանքի նկարագրություն՝ Ներմուծմամբ և մանրամեծածախ վաճառքով զբաղվող ընկերությունը փնտրում է փորձառու Հաշվապահի՝ թափուր հաստիքը համալրելու նպատակով: Պարտականությունները՝ -Իրականացնել հաշվապահական հաշվառում, – Ներմուծման գործարքների հաշվառում (ԵԱՏՄ և 3-րդ երկրներ), – Պահեստի ապրանքների մուտքերի և ելքերի հաշվառում, – Բանկային հաշիվների շարժի մուտքագրում, -Գործընկերների դեբիտորների և կրեդիտորների վարում ՀԾ հաշվապահ ծրագրով , – Հաշվետվությունների կազմում, հաշիվ ապրանքագրերի դուրս գրում, -Ընթացիկ դրամական հոսքերի վերահսկողություն, -Ներքին ֆինանսական հաշվետվությունների կազմում և փաստաթղթաշրջանառության վարում: Հմտություններ: ֆինանսական կամ տնտեսագիտական կրթություն, -աշխատանքային փորձը պարտադիր է, -ՀԾ հաշվապահ ծրագրի գերազանց իմացությունը պարտադիր է, -ՀԾ վաճառքի իմացությունը պարտադիր է, -Excel-ի գերազանց իմացություն, -Ռուսերենի իմացությունը պարտադիր է: – Աշխատանքի օպերատիվ կազմակերպման հմտություններ: Աշխատանքային ժամեր: 5-օրյա աշխատանքային գրաֆիկ, 09.00-18.00, կիրակի՝ հանգիստ:
Աշխատավարձ՝ սկսած 120 000
Այլ նշումներ՝ Բոլոր համապատասխան թեկնածուները կարող են ուղարկել իրենց ինքնակենսագրականները hr շնիկ iloft.am էլ.փոստի հասցեին:

Թեհմինա․

Բարև Ձեզ։ Խնդրում եմ օգնեք․ եթե ֆիզիկական անձը 2019թ․ 1 մեքենա է նվիրատվել, 1 մեքենա էլ վաճառել է, ունի ՀՎՀՀ որպես ԱՁ, և ունի լիազոր և օգտվողի իրավասություն, նորից որպես ԱՁ, որով հանձնում է ԱՁ-ի հաշվետվություններ, հարցս հետևյալն է՝ կարող է ձև 163 հանձնել նույն օգտվողի իրավասությունով: Եթե այո, ապա լրացման ձևը կասեք։

Բենիամին․

Բարև Ձեզ: Ցանկանում եմ բացել ԱՁ, իրականացնելու եմ կայքի ստեղծում և դիզայն: Խնդրում եմ ասեք, թե ինչ հարկային պարտավորություններ ունեմ 1 տարվա կտրվածքով: Շնորհակալ եմ:

Մերի․

Բարև ձեզ: ԱՁ-ն, որը զբաղվելու է միջազգային բեռնափոխադրումներով, կարո՞ղ է հանդիսանալ միկրոձեռնարկատիրության սուբյեկտ։

Նինա․

Բարև Ձեզ, կկցանկանայի իմանալ՝ լոգոյի պետականորեն գրանցումը ինչպե՞ս է արվում։

Արման․

Բարև ձեզ, խնդրում եմ պարզաբանել․ 24 ժամյա հերթափոխից հետո երկօրյա հանգիստ ռեժիմով աշխատանքի պայմաններում պահպանվու՞մ է արդյոք օրենքով սահմանված ամսվա, կամ շաբաթվա առավելագույն աշխատաժամանակի սահմանը, և արդյո՞ք օրինական է գիշերային ժամերի համար չվճարելը: Իրավիճակն այս է` նոր գործատուն աշխատավարձը կրճատել է մինիմումի հասցնելով, 70 000 դրամ, հերթափոխերի միջև նախկին եռօրյա հանգիստն այժմ երկօրյա է, տոնական օրերի համար նախկինում վճարում էին կրկնակի, այժմ չեն վճարելու, իսկ գիշերային ժամերի համար նախկինում ժամավճարի 90 տոկոսն այլևվս նույնպես չի վճարվելու: Խնդրում եմ հարցերիս պարզաբանումը տալ օրենքին անտեղյակ մարդուն հասկանալի կերպով: Ի՞նչ կերպ են հաշվարկվում հերթափոխային ժամաքանակները:

Սիմոն․

Բարև Ձեզ, հարգարժան հաշվապահներ և օրենքի գիտակներ։ Ես հարց ունեմ, ավելի ճիշտ՝ հարցաշար․․․
ԱՁ եմ, ունեմ 2 աշխատող։ Կասե՞ք՝ աշխատողների և ինձ համար ի՞նչ հարկեր և տուրքեր եմ պարտավոր վճարել։ ԱՁ-ն միկրոձեռնարկատեր հարկատեսակով է աշխատում։ Կանաչապատման ծառայություն եմ մատուցում։

Եվ նաև մեկ այլ հարց։ Երեկ պետռեգիստրում գրանցվեցի օնլայն, սակայն ID քարտս դեռ պատրաստ չէ, ապրիլի 2-ին է լինելու։ Իմ հաշվառման հայտը ընթացքի մեջ է, դա նշանակում է, որ պիտի ըստ իմ ուղարկած տվյալների այնտեղ ինձ հաշվառեն և նոր տրամադրե՞ն այդ համարը։ Եթե ոչ, ապա ի՞նչ է նշանակում, հարգելինե՛րս։ Եթե այո, ապա այդ համարով պետք է ներկայանամ տեղի հարկայի՞ն։ Այս ամենը ք․ Երևանում է արված։

Ֆելիքս.

Բարև ձեզ։ Եթե ՍՊԸ-ն վնասով է աշխատում, շահութահարկի հաշվետվության մեջ, որը պետք է հանձնվի մինչև ապրիլի 20-ը, պարտադի՞ր է հաշվեկշիռը լրացնելը:

Աննա․

Բարև ձեզ։ «Թել Սելին» հաշիվ պետք է գրեմ, որպեսզի գումարները փոխանցեն ԱՁ-ի հաշվին: Խնդրում եմ, ասեք՝ պե՞տք է գրեմ ծառայության վճար։

Արմեն․

Բարև ձեզ: ՍՊԸ-ն հանդիսանում է միկրոձեռնարկատիրության սյուբեկտ: Ինչպես նաև կա “Վարձու աշխատողի և պայմանագրային եկամուտ ստացող ֆիզիկական անձի անհատական
տվյալների գրանցման հայտ”: Ի՞նչ հաշվետվություն և ե՞րբ պետք է ներկայացնեմ: Կանխավ շնորհակալություն:

Ֆելիքս․

Բարև ձեզ։ Քաղաքացիաիրավական պայմանագրով աշխատակիցը, եթե 30 տարեկան է, ի՞նչ հարկ պիտի վճարվի։

Ալլա․

Բարև Ձեզ։ Որքա՞ն գումար է ստանում անհատ ձեռնարկատերը դեկրետի դեպքում։ Նախապես շնորհակալություն։

Պետական եկամուտների կոմիտեի պաշտոնական կայքում առանձնացվել է «COVID-19» բաժինը, որտեղ հրապարակվել է ՀՀ ողջ տարածքում տնտեսական գործունեության՝ ժամանակավորապես արգելված տեսակներով գործունեություն իրականացնող հարկ վճարողների ցանկը՝ պարետի 23.03.2020թ.-ի թիվ 13 որոշման համաձայն: Ցանկը հասանելի է այս հղումով…

Նարինե.

Բարև Ձեզ, հարգելի հաշվապահներ: Խնդրում եմ օգնել: 2019թ-ին ԱՁ զբաղվել է ավիատոմսերի վաճառքով: 2020թ-ից հայտ է ներկայացրել միկրոձեռնարկատիրական գործունեությամբ զբաղվելու վերաբերյալ: Խնդրում եմ օգնել տարեկան հաշվետվության ներկայացման հարցում: ԱՁ 1974թ-ից հետո ծնված է, համարվում է սոց․ վճար վճարող: Հաշվետվության ո՞ր ձևերը պետք է ներկայացնել, և ի՞նչ վճարումներ պետք է կատարել մինչև 2020թ-ի ապրիլի 20-ը: Կանխավ շնորհակալ եմ:

[poll id=”23″]

Սուսաննա.

Բարև ձեզ: Հարգելի հաշվապահներ, դրամարկղի գրքի ավարտին մնացել է 2 էջ, նոր գրքի համար ե՞րբ պետք է դիմել հարկային, գլխավոր հաշվապա՞հը պետք է զբաղվի այդ հարցով, թե՞ գանձապահը:

Անուշ․

Բարև ձեզ։ Խնդրում եմ նշել հարկային մարմնի կողմից ստուգման արդյունքում առաջադրված լրացուցիչ հարկային պարտավորությունների, ինչպես նաև տույժ / տուգանքի հաշվապահական ձևակերպումները։ Շնորհակալ եմ։

Արմինե.

Բարև ձեզ: Եթե աշխատողին ծանուցում ենք աշխատանքի հաստիքի կրճատման մասին և մեկ այլ աշխատանք առաջարկում, քանի՞ օրվա մեջ պետք է նա գրավոր պատասխան տա նոր աշխատանքի հետ կապված, կա՞ նման սահմանված ժամկետ, իրավունք ունի՞ չստորագրելու ծանուցումը, և ի՞նչ է արվում այդ դեպքում:

Մարգարիտա.

Բարև ձեզ: Ինձ հետաքրքրում է արտակարգ իրավիճակի այս պայմաններում կարո՞ղ եմ աշխատողներին ուղարկել պարապուրդ առանց վճարման, հիմքը՝ ՀՀ ԱՕ հոդված 186, մաս 6:

Ռուզաննա.

Բարև ձեզ։ Տանը պատրաստվող կիսաֆաբրիկատների (շերտավոր խմոր, կոտլետներ, պելմեններ) օրինական կազմակերպման համար ի՞նչ թույլտվություններ են հարկավոր: Ունեմ ժամանակավոր դադարեցված ԱՁ՝ միկրոձեռնարկատիրության սուբյեկտ։ Շնորհակալություն:

Երվանդ․

Բարև ձեզ, հարգելի մասնագետներ։ Ո՞վ կարող է ինձ օգնել շինարարության բնագավառի իրավական և փաստաթղթային հարցերով, բայց զանգի միջոցով, կամ դասընթացներ այդ ոլորտին վերաբերվող կա՞ ինչ-որ տեղ։

Աննա․

Բարև ձեզ: Փետրվար ամսվա համար եկամտային հարկի հաշվետվությունը դեռ չեմ ուղարկել՝ անաշխատունակության պատճառով: Երկուշաբթի որ ուղարկեմ, կլինի 1 օր ուշացում, կենթարկվե՞մ արդյոք վարչական պատասխանատվության և որքա՞ն:

Անուշ.

Օտարերկրացուն աշխատանքի ընդունելու համար (ՌԴ քաղաքացի, ով աշխատելու է հեռահար), խնդրում եմ, ինձ հուշեք՝ աշխատանքի ընդունման հայտն ինչպես լրացնել, ավելի կոնկրետ՝ սոց. քարտի համարի դաշտում ի՞նչ գրել:

Լիլիթ.

Բարև ձեզ։ Եթե ամենամյա արձակուրդը տեղափոխվում է մի քանի ամսով ժամանակավոր անաշխատունակության պատճառով, բայց արձակուրդային վճարն արդեն արվել է, ինչպես նաև գործատուն վճարել է հավելավճար աշխատավարձից կախված, ապա այդ ամիսների ընթացքում աշխատավարձի փոփոխության դեպքում արդյո՞ք կատարվում է վերահաշվարկ։ Շնորհակալություն:

Ընկերություն՝ Standard Oil
Էլ. փոստ՝ hr շնիկ standardoil.am
Թափուր աշխատատեղ՝ Հաշվետար-օպերատոր
Պարտականություններ՝
– 1C ծրագրի վարում՝ ապրանքների մուտքագրում, ելքագրում
– Հ/Ա դուրսգրում
– տնօրենի այլ հանձնարարություններ՝ հաշվետվությունների կազմում
Որակավորումներ և հմտություններ՝
– բարձրագույն կրթություն (ցանկալի է՝ տնտեսագիտության, ֆինանսների կամ հաշվապահության, տեղեկատվական տեխնոլոգիաների ոլորտներում)
– 1С 8.2, 8.3 ծրագրի իմացություն
– համակարգչային գիտելիքներ՝ MS Office՝ մասնավորապես Excel
– e-Invoicing ծրագրի իմացություն՝ ցանկալի է
– առնվազն 3 տարվա աշխատանքային փորձ՝ ցանկալի է տվյալ հաստիքում
– պատասխանատու, ուշադիր, կարգապահ
– մինչև 35 տ.
Այլ նշումներ՝ Ուշադրություն՝ ստեղծված իրավիճակում հարցազրույցների առաջին փուլը կիրականացվի տեսազանգի միջոցով: Խնդրում ենք ուղարկել Ձեր ռեզյումեն hr շնիկ standardoil.am էլ. փոստի հասցեին: Subject դաշտում նշեք հաստիքի և կայքի անվանումը, որտեղից տեղեկացել եք աշխատանքի վերաբերյալ: Այլ հարցերի դեպքում կարող եք զանգահարել +37477461666 հեռախոսահամարով:
Դիմումների ընդունման վերջնաժամկետ՝ 19.04.2020թ.:

Դավիթ.

Համակարգչային խաղերի սրահը ինչպե՞ս է հարկվում, եթե կա վարձու աշխատող։ Արտոնագիրը, կարծես, թույլ չի տալիս վարձու աշխատող ունենալ։ Շնորհակալ եմ:

Սայաթ.

Բարև ձեզ: Առանձնատունս տվել եմ վարձով, ինչպե՞ս կարող եմ հարկային կոդ բացել և կատարել վճարում էլեկտրոնային եղանակով, եթե հնարավոր է, կուղարկե՞ք ձևը:

Լուսինե.

Բարև ձեզ: ԱՁ-ով ներկայացվող 3 մեքենաներ պայմանագրով սպասարկում են այլ կազմակերպությանը, ինչպե՞ս հաշվարկել վերը նշված ծառայության եկամտային հարկը: Կանխավ շնորհակալություն:

Հակոբ․

Բարև ձեզ։ Խնդրում եմ տրամադրել եռակողմ կապալի պայմանագրի ձևանմուշ։ Շնորհակալություն։

Դավիթ․

Բարի երեկո։
Չե՞ք հուշի՝ շինարարական գործիքների վարձակալությունը («պրոկատ») ի՞նչ հարկատեսակով պետք է հարկվի։ Վարձու աշխատողով և առանց աշխատողի տարբերություն կա՞։ Շնորհակալ եմ։

Սվետլանա․

Բարև Ձեզ, խնդրում եմ ուղղություն տալ՝ որտեղի՞ց և ինչպե՞ս ստանալ ապրանքների համար շտրիխ-կոդերը։

Մարիամ․

Բարև Ձեզ, կարո՞ղ եք օգնել հասկանալ, թե ինչ հաշվետվություն պիտի ուղարկի ԱՁ-ն, որի գործունեությունը գտնվում է դադարի վիճակում և ներկայացրել է հայտ միկրո համարվելու վերաբերյալ, եկամտային ուղարկելու՞ է արդյոք, եթե աշխատող միայն ԱՁ-ն է։

Անի․

Բարև ձեզ, խնդրում եմ ինձ օգնեք․ ես 2020 թվականի ԱԱՀ փետրվար ամսվա համար պետք է ուղարկեի, բայց անցյալ տարվա 2019 փետրվարի ԱԱՀ համար հաշվետվություն ուղարկեցի: Բայց ԱՁ անցյալ տարի 16.04.2019 համարվել է Ընտանեկան Ձեռնարկատեր, դա կազդի՞ իր գործունեությաան վրա՝ անցյալ տարվա:

Մենք վճարում ենք մեկնաբանությունների համար։ Նվիրաբերելով 100 դրամ՝ կգնեք 1 գավաթ սուրճ ☕ Ձեր հարցին պատասխանող մասնակցի համար։

Իդրամ դրամապանակ ID 796528160

Հաշվապահ․

էսօր ավագ կոլեգաս ասեց, որ գիշերը լավ չի քնել, քանի որ երեկ, երբ միասին հաշվարկ էինք կատարում, 4 000 դրամ գումար «չբռնեց»։ Ասեց. «Քեզ մոտ է՞լ ա տենց լինում», ասեցի. «Լինում ա, բայց ինձ մոտ էդ անքնության շեմը մի քիչ բարձր ա» 🙂

Ընկերություն՝ Գալաքսի Գրուպ
Էլ. փոստ՝ hr շնիկ galaxygroup.am
Թափուր աշխատատեղ՝ Գլխավոր հաշվապահ
Պարտականություններ՝
• Պատասխանատու է ընդհանուր հաշվապահական հաշվառման, ֆինանսական գործառույթների և ընթացակարգերի վերահսկողության համար
• Իրականացնում է կազմակերպության դեբիտորական և կրեդիտորական պարտքերի հաշվառումը
• Պատասխանատու է հաշվապահական տեղեկատվության վերլուծության համար
• Համակարգում է կանխիկ գործարքների և բանկային գործառնությունների իրականացումը
• Մշակում և պահպանում է ֆինանսական տվյալների բազաները
• Պատրաստում է տարեկան ֆինանսական հաշվետվություններ
• Ապահովում է ԱԱՀ-ի, շահութահարկի, եկամտային հարկի, գույքահարկի, հողի հարկի և այլնի վերաբերյալ ճշգրիտ և ժամանակին վիճակագրական և հարկային հաշվետվությունների կազմումը և ներկայացումը
Պահանջներ՝
• Բարձրագույն կրթություն
• Աշխատանքային փորձը 3 տարվա շինարարական ոլորտում
• Համակարգչային գիտելիքներ, այդ թվում՝ Excel-ի և Հայկական Ծրագրեր-ի իմացություն, 1C
• Հայաստանի Հանրապետության հարկային և աշխատանքային օրենսդրության գերազանց իմացություն
• Շուկայի ուսումնասիրություն և վերլուծություն
• Թիմային աշխատանքի հմտություններ
Այլ նշումներ՝ Ձեր առաջին քայլը՝ բոլոր այն թեկնածուները, ովքեր համապատասխանում են աշխատատեղի պահանջներին, կարող են իրենց ինքնակենսագրականները ուղարկել hr շնիկ galaxyconcern.am էլ. փոստի հասցեին՝ նշելով թեմայի վերնագրում «Գլխավոր հաշվապահ» պաշտոնը: Ձեր նամակի մեջ խնդրում ենք մի քանի նախադասությամբ նկարագրել այն, ինչ մենք պետք է լրացուցիչ իմանանք Ձեր հմտությունների և մասնագիտական փորձի մասին: Մեզ համար կարևոր է հասկանալ Ձեր վճռականությունը, իմանալ Ձեր տեսլականը:

Հերմինե.

Արդյո՞ք սնանկ ճանաչված քաղաքացին ազատվում է հարկերից:

Վահագն.

Օտարերկրյա քաղաքացու համար ի՞նչ ժամկետ է սահմանված աշխատանքի ընդունելու դեպքում գրանցման հայտ ներկայացնելու համար:

Անուշ Քարամյան.

Ընկերությունը կարո՞ղ է վարել արտարժույթով դրամարկղի գիրք և ի՞նչ գործարք կարող է իրականացնել այդ գրքով:

Անի.

Բարև ձեզ:
Ա/Ձ-ն զբաղվում է մեքենաների վերանորոգմամբ։ Շրջ․ հարկով է աշխատում։ Ի՞նչ տարբերակ կա առանց ՀԴՄ-ի աշխատելու համար։ Կարո՞ղ եմ բոլոր ստացվող գումարները ստանալ բանկային փոխանցման միջոցով և ի՞նչ ձևով եմ ներկայացնելու եկամուտս հարկային:

Անուշ.

Բարև ձեզ: Խնդրում եմ պատասխանել հետևյալ հարցին. միկրոձեռնարկատիրության սուբյեկտ չհանդիսացող/հանդիսացող (խնդրում եմ նշել երկու դեպքի համար) ԱՁ-ի կողմից որպես աշխատող գրանցվելու դեպքում արդյո՞ք հնարավոր է օգտվել մինչև երկու տարեկան երեխայի խնամքի նպաստից:

Դավիթ.

Բարև ձեզ: Կասե՞ք՝ խանութի հաշվապահական հաշվառում վարելու հարկայինները վճարելու համար պարտադի՞ր է ունենալ լիցենզավորված ՀԾ ծրագիր: Եվս մեկ հարց. հնարավո՞ր է հարկայինները տերմինալով վճարել:

Արմեն.

Բարև ձեզ, հարգելի հաշվապահներ: Խնդրում եմ, մի հարցի պատասխանեք.
Պետ. ռեգիստրում գրանցել եմ ՍՊԸ (տնտեսական գործունեության դասակարգիչը՝ F43.21.1), 13.03.2020թ. ներկայացրել եմ էլեկտրոնային գրանցման հայտ (վարձու աշխատողի և պայմանագրային եկամուտ ստացող ֆիզիկական անձի անհատական տվյալների) և միկրոձեռնարկատիրության սուբյեկտ համարվելու վերաբերյալ հայտարարություն: 2 հաշվետվություն էլ կա «Հանձնված հաշվետվություններ» բաժնում:
Հիմա հարց՝ ե՞րբ և ի՞նչ հաշվետվություն պետք է ներկայացնեմ:

Հ.Գ. Եթե հաշվետվությունների բաժնում երևում են հայտերը, նշանակում է հայտերը տեղ հասե՞լ են, ամեն ինչ նորմա՞լ է:

Քրիստինե.

Բարև ձեզ: ԱՁ-ն զբաղվում է շինանյութի վաճառքով ու արտադրությամբ և կից ունի փոքր մթերային խանութ, ի՞նչ հարկեր պետք է վճարի:

Սուսաննա Ասատրյան.

Հասարակական կազմակերպությունը ո՞ր համարի հաշվետվությունը պետք է լրացնի շահութահարկի համար Տաքսսերվիսի էլ. հաշվետվությունների ցանկից։ Կանխավ շնորհակալ եմ:

Լուսինե.

Բարև ձեզ:
1. IT ոլորտի նորաբաց կազմակերպությունը ի՞նչ հարկով է հարկվելու:
2. IT կազմակերպության համար ո՞ր կազմակերպաիրավական ձևն է առավել նախընտրելի:

Նաիրա.

Բարև ձեզ, սիրելիներս: Այսպիսի մի հարց. ՍՊԸ-ն իր հիմնական միջոցը՝ տարածք-շինությունը, պետք է վաճառի, աշխատում է շրջ. հարկով, կասե՞ք՝ ոնց է հարկվելու վաճառելու դեպքում, եթե վաճառելուց գումարը գերազանցի շրջ. հարկի շեմը, ապա 20 %՞:

Անուշ.

Բարև ձեզ: Ինձ հետաքրքրում է հետևյալ հարցը՝ հղիության ժամանակահատվածում (10 շաբաթական) մեկ գործատուի մոտից ազատվելուց հետո արդյո՞ք օրենքով սահմանված է որոշակի ժամանակահատված, երբ պետք է այլ աշխատավայրում գրանցվել հետագայում մայրության նպաստից չզրկվելու համար։ Շնորհակալություն։

Անահիտ.

Բարև ձեզ:
Հարգելի հաշվապահներ, դեկտեմբերի 18-ին գրանցել եմ Ա/Ձ, հունվար ամսվանից համարվել եմ շրջանառության հարկ վճարող և կատարել եմ վճարում շահութահարկի և սոց․ վճարի մասով 5 000-ական դրամ։ Մարտի 12-ին լուծարել եմ, այժմ ի՞նչ հաշվետվություններ է անհրաժեշտ ներկայացնել։