Արամ.

Բարև ձեզ։ Ես պատրաստում եմ 3D մոդելներ և արտասահմանյան կայքերում վաճառում եմ դրանք։ Կայքերում վաճառքից հետո ես ստանում եմ վաճառված գնի 50 %-ը, իսկ մնացածը կայքը պահում է անում որպես “Tax”: Կասե՞ք՝ ինչպե՞ս անեմ, որ իմ եկամուտը գրանցվի, և ի՞նչ հարկեր պետք է վճարեմ:

Կարեն.

Ովքե՞ր են հանդիսանում փոխկապակցված անձինք «Գնումների մասին» օրենքի կապակցությամբ:

Հասմիկ.

Բարև ձեզ։ Կհուշե՞ք՝ ինչ տարեկան հաշվետվություններ է հանձնում բարեգործական հիմնադրամը։

Նարինե.

Բարև ձեզ: Ա/Ձ-ն հանդիսանում է «Թել-Սել»-ի գործակալ: Տվյալ դեպքում հարկային հաշվետվության մեջ ի՞նչ դասակարգիչ պետք է գրվի։

Համո.

Բարև ձեզ: Ես աշխատում եմ Հայմամուլի կրպակում և իրավիճակից ելնելով՝ հանրային տրանսպորտ չլինելու պատճառով չեմ հաճախում աշխատանքի, և ինձ ասել են, որ ես չեմ վարձատրվելու։ Աշխատավարձս կազմում է սահմանված նվազագույն աշխատավարձի չափը և վաճառքից տոկոսներ։ Արդյո՞ք գործատուն իրավունք ունի չվճարելու։

Լուս.

Բարև ձեզ: ՏՏ ոլորտում ԱԱՀ-ով աշխատող հավաստագրված կազմակերպությունը տարեկան շահութահարկի հաշվետվություն պե՞տք է ներկայացնի, թե՞ ոչ։

Ալինա.

Բարև ձեզ: Օծանելիք արտադրող կազմակերպությունը կարո՞ղ է գրանցվել որպես ԱՁ, և ի՞նչ հարկատեսակներով պետք է հարկվի, եթե ամբողջ աշխատանքը կատարում է տվյալ անձը (այլ աշխատող չունի), և ամսական շրջանառությունը մոտ 500 000 դրամ է։

Աննա․

Բարև ձեզ։ Հարցս վերաբերում է կորոնավիրուսի տնտեսական հետևանքների չեզոքացման հինգերորդ միջոցառմանը։ Եթե կազմակերպությունը 01.01.2020 թվականից մինչև 01.04.2020 թվականը ընկած ժամանակահատվածում ունեցել է 14 աշխատող (+ 1 քաղաքացիաիրավական պայմանագրով), և այս 14-ից մեկի աշխատավարձը պակասեցվել է, արդյո՞ք սա համարվում է աշխատավարձի փաստացի ֆոնդի նվազում, և ընկերությունը չի՞ կարող դիմել աջակցության համար։

Եվ ամեն դեպքում խնդրում եմ նշել դիմելու կարգը։ Շնորհակալություն։

Ժենյա․

Բարև ձեզ։ Ինձ հետաքրքրում է՝ եթե նոր աշխատող եմ գրանցել, ու այս արտակարգ դրությունը առաջացավ, աշխատակիցս 1 ժամ չի աշխատել, ես ինչպե՞ս վարվեմ, չգիտեմ՝ երբ կվերջանա այս վիճակը, ու նրանք առաջին ամիսն է, որ պետք է աշխատեին, գրանցել եմ կոնկրետ ժամանակահատվածով, բայց թույլ չի տալիս, որ հիմա ժամանակահատվածը փոխեմ, իսկ ծրագրով նախատեսված էր՝ աշխատանքն անի, նոր վճարվի, ինչպե՞ս վարվեմ։

Նունե․

Բարև ձեզ։ Խնդրում եմ, գրեք, թե ինչ բովանդակությամբ նամակ գրեմ հինգերորդ միջոցառման շահառու լինելու վերաբերյալ և ի՞նչ հասցեով ուղարկեմ: Նախապես շնորհակալություն:

Արփինե․

Կես դրույքով աշխատանքի դեպքում պայմանագիրը պետք է կնքել աշխատաժամանակի գումարային հաշվարկով (հոդված 84, 1-ին մասի 13-րդ կետ), չէ՞, քանի որ եթե այս դեպքում նվազագույն ամսական աշխատավարձը չի բավարարում, ապա նվազագույն ժամանակային հաշվարկը գործի:

Մարիամ․

Բարև ձեզ։ Կարո՞ղ է արդյոք գործատուն աշխատավարձի միայն կեսը վճարել արտակարգ դրության պայմաններում, եթե աշխատանքային պայմանագիր չկա կնքված։

Սյուզաննա․

Բարև ձեզ։ Լսել եմ, որ ԱՁ-ին պետությունը գումար է տրամադրելու, արդյո՞ք դա ճիշտ է, և ինչպե՞ս է դրա ընթացակարգը։ Շնորհակալություն։

Արայիկ․

Բարև ձեզ, հարգելի կոլեգաներ: Կարո՞ղ եք ասել՝ եթե ֆիզիկական անձը 2018թ. հուլիսի 1-ից մինչև 2019թ. հունիս 29-ը ընկած ժամանակահատվածում վաճառել է մեքենա, որպես ձեռնարկատիրական գործունեություն ինչպե՞ս է դիտարկվելու։

Աննա․

Բարև ձեզ: Ես ունեմ միկրոձեռնարկություն զբոսաշրջության ոլորտում, սակայն հաշիվ դուրս գրելուց նշվել է զբոսավարի ծառայություն էքսկուրսիաների կազմակերպման փոխարեն, ինչպե՞ս կարող եմ այդ հաշիվները ճշգրտել։

Սաթիկ․

Բարև ձեզ: Ցանկանում եմ Ա/Ձ գրանցել, չեմ կարողանում։ Խնդրում եմ օգնել, շատ շտապ է։

Նառա․

Բարև ձեզ։ Եթե փորձնակով (գրանցված փորձնակ) եմ գնում ֆիզ. արձակուրդ, ժամկետիս ավարտից հետո իրավունք ունե՞ն ինձ հետ չընդունելու աշխատանքի։

Տիգրան․

Բարև ձեզ։ Միրգ-բանջարեղենի առևտրով զբաղվելու դեպքում (ԱՁ) շրջ. հարկի ի՞նչ դրույքաչափով է կատարվելու հարկումը։

Հաշվապահ․

Էսօր ծանոթներիցս մեկը զանգել էր, ասում ա․ «Կարո՞ղ ա էս էլեկտրոնային հաշիվների վրա սահմանափակում են դրել, երկու հատ դուրս գրեցի, էլ չի թողնում»։ Ասեցի, որ չի կարող նման բան լինել, երևի ծրագրային խնդիր ա, բայց հետո մտածում եմ․ «Հը՞, կարող ա էլի․․․ մարդ ես․․․» 🤔

Կարինե.

Բարև, հարգելի հաշվապահներ: Խնդրում եմ, պարզաբանեք՝ հասարակական կազմակերպությանը դրամաշնորհի գումարը փոխանցելու համար ՀԿ-ն պե՞տք է հաշիվ դուրս գրի: Եթե այո, ապա դեկտեմբեր ամսվա համար հիմա կարո՞ղ է դուրս գրել:

Արտո.

Տոնական օրերին արդյո՞ք հերթափոխով աշխատողներին կրկնակի վարձատրություն հասնում է, թե՞ ոչ (համայնքային ՀՈԱԿ-ի աշխատակիցների մասին է խոսքը, որոնք իրականացնում են բնակչության սպասարկում):

Արտյոմ.

Բարև ձեզ: Ասացեք, խնդրեմ, ուղևորափոխադրումների արտոնագիր ստանալու համար կարող եմ ամսվա ցանկացած օր հայտարարություն ներկայացնել։

Նաիրա.

Բարև ձեզ: Կարո՞ղ ենք օնլայն ԱՁ բացել:

Իմանալ, թե ինչպես գրանցվել որպես անհատ ձեռնարկատեր։

Հերմինե․

Բարև Ձեզ, նախ շնորհակալություն նման հնարավորություն ընձեռելու համար: Հարցս հետևյալն է. մեր արտադարամասի աշխատանքը հիմնականում համարվում է սեզոնային, որովհետև աշխատակիցբերին հիմնականում ընդունում ենք աշխատանքի ժամանակավոր, սեզոնի հետ կապված, պահածոների արտադրանք ենք իրականացնում. հնարավո՞ր է արդյոք այդ աշխատակիցներին ընդունենք ոչ թե աշխատանքային պայմանագրով, այլ քաղիրավական ծառայությունների հիմունքներով։

Պետրոս․

Ողջույն։ ՍՊԸ-ն աշխատում է շրջանառության հարկով: Շրջանառության հարկի հաշվետվության համար հաշվետվություն ներկայացնելիս նվազման դաշտում բացի արտերկրից ձեռք բերված ապրանքի մաքսային ընդհանուր արժեքից արդյո՞ք պետք է մուտք անել ՀՀ տարածքում ձեռք բերված ծառայությունների գումարներ, թե՞ ոչ: Օրինակ՝ ՀԴՄ վճար, հոսթինգի, վաճառքի ծրագրի վճար, մաքսազերծման ժամանակ բրոքերին կատարած վճար, բջջային հեռախոսի վճար և այլն: Այսինքն՝ գործունեության ընթացքում ձեռք բերված վաճառվող ապրանքներից զատ այլ նյութական կամ ծառայությունների վճարներ հադիսանու՞մ են շրջ. հարկից նվազեցնող: Անցած երկու տարիներին ես աշխատել եմ ԱԱՀ դաշտում, այնտեղ հարկային հաշիվները նվազեցնում էին ԱԱՀ-ն: Ո՞վ կարող է ասել՝ շրջ. հարկի դեպքում ի՞նչն է նվազեցնում շրջ. հարկը: Կանխավ շնորհակալություն:

Դավիթ․

Ապրանքների վաճառքից առաջացել է 200 000 դրամի պարտք: Կասե՞ք գործառնության դեբետն ու կրեդիտը։

Կարեն․

Ողջույն ! Խնդրում եմ օգնեք հետևյալ հարցում՝ ֆիզ. անձի կողմից մեկ այլ ֆիզ. անձի վարձակալական հիմունքներով տրվել է բնակարան մոտ տաս տարվա ընթացքում առանց պայմանագրի և որևէ փաստաթղթի: Տանը բնակվողը տնից դուրս գալուց հետո դիմել է ՊԵԿ բողոքով, որպեսզի գանձվի համապատասխան եկամտային հարկ հանդիսացող գումարը: Հանդիսանալով անտեղյակ ֆիզ. անձ՝ խնդրում եմ օգնել, ունենալով ID քարտ՝ ինչպե՞ս զրոյից կարելի է գրանցվել, դառնալ հարկատու և ինչպե՞ս պետք է ճշգրիտ կատարել հաշվարկները և արժանապատիվ կերպով լուծել ստեղծված խնդիրը: Կանխավ շատ շնորհակալություն օգնության համար:

Նառա․

Հարգելիներս, եթե ես աշխատում եմ բանկում, 3 ամիս սահմանված փորձաշրջանս լրացել է, սակայն հրամանս դեռ չեմ ստացել, ինչպե՞ս է լինելու իմ ֆիզարձակուրդի հարցը, եթե ես դեռ փորձնակ եմ։

Վիճակագրական փաստաթղթերը էլեկտրոնային եղանակով ներկայացնելու համար անհրաժեշտ է լրացնել և Ձեր գործունեության վայրի ՀՀ ՎԿ տարածքային ստորաբաժանման էլեկտրոնային փոստի հասցեով ուղարկել հետևյալ ձևը՝ Ձև 4:

Յուրաքանչյուր լրացված դիմում պետք է ստորագրվի էլեկտրոնային ստորագրությամբ (նույնականացման քարտի օգտնությամբ) և ուղարկվի Ձեր գործունեության վայրի ՀՀ ՎԿ համապատասխան ստորաբաժանման էլեկտրոնային փոստի հասցեով: Յուրաքանչյուր ռեսպոնդենտի համար դիմումը պետք է ուղարկվի առանձին էլեկտրոնային նամակով: Էլեկտրոնային նամակի «թեմա» (sսbject/тема) տողում անհրաժեշտ է նշել «Ձև 4» անվանումը: «Ձև 4»-ի ներկայացումից հետո կարող եք անցնել վիճակագրական փաստաթղթերի էլեկտրոնային եղանակով ներկայացմանը:

Ձեր գործունեության տեսակին համապատասխան փաստաթղթեը ներբեռնեք «Վիճակագրական փաստաթղթերի ձևեր» բաժնից:
Յուրաքանչյուր լրացված վիճակագրական փաստաթուղթ պետք է ստորագրվի էլեկտրոնային ստորագրությամբ (նույնականացման քարտի օգնությամբ) և ուղարկվի Ձեր գործունեության վայրի ՀՀ ՎԿ համապատասխան ստորաբաժանման էլեկտրոնային փոստի հասցեով: Յուրաքանչյուր վիճակագրական փաստաթուղթ ուղարկվում է առանձին էլեկտրոնային նամակով:

էլեկտրոնային նամակի «թեմա» (sսbject/тема) տողում անհրաժեշտ է նշել կազմակերպության անվանումը (անհատ ձեռնակատիրոջ դեպքում՝ անունը, ազգանունը), հարկ վճարողի հաշվառման համարը, վիճակագրական փաստաթղթի կրճատ անվանումը, պարբերականությունը և հաշվետու ժամանակաշրջանը (օրինակ՝ ԱԱԱ ՍՊԸ, XXXXXXXX, Ձև թիվ 1-արտ ամսական):

Ձեր գործունեության տեսակին համապատասխան վիճակագրական փաստաթղթերի ցանկը կարող եք տեսնել՝ օգտվելով վիճակագրական փաստաթղթերի փնտրման համակարգից :
Վիճակագրական փաստաթղթերն էլեկտրոնային եղանակով ներկայացվում են www.armstat.am պաշտոնական կայքէջում տեղադրված ձևաչափով (ֆորմատով): Ձևաչափի փոփոխություն կատարել չի թույլատրվում:

Աղբյուր՝ Armstat.am

Ընկերություն՝ Tax Idea
Էլ․ փոստ՝ info շնիկ taxidea.am
Թափուր աշխատատեղ՝ Հաշվապահ
Աշխատանքի նկարագրություն՝ Tax Idea հաշվապահական և խորհրդատվական ծառայություններ մատուցող ընկերությանն անհրաժեշտ է հաշվապահ:
Այլ նշումներ՝
Աշխատանքային Պարտականություններ.
-Մասնակցություն տարբեր ոլորտի ընկերությունների հաշվապահական հաշվառման վարման գործընթացին
-Հաշվապահական խմբի ղեկավարի կողմից տրվող հանձնարարությունների կատարում
-Հարկային և վիճակագրական հաշվետվությունների պատրաստման և ներկայացման գործընթացին մասնակցություն
-Կառավարչական հաշվետվությունների պատրաստման գործընթացին մասնակցություն
Անհրաժեշտ Հմտություններ.
-Մասնագիտական կրթություն հաշվապահության, ֆինանսների ոլորտներում
-Հաշվապահական ոլորտում աշխատանքային փորձը առնվազն 1-2 տարի
-ՀՀ հարկային օրենսդրության նորմալ իմացություն
-ՀԾ հաշվապահ ծրագրի նորմալ իմացություն
-MS Office-ի նորմալ իմացություն (Word, Excel)
-Պատասխանատվության բարձր զգացում
-Սթրեսակայունություն
-Հայերեն և ռուսերեն լեզուների գերազանց իմացություն
-Նոր գիտելիքներ և փորձ ձեռքբերելու ցանկություն

Որտե՞ղ կարելի է տեսնել արձակուրդների մնացորդները:

Չի հաշվարկվում արձակուրդը, ինչպե՞ս ուղղել:

Ինչու՞ չի լինում ստեղծել գործուղման փաստաթուղթ:

Արդյո՞ք ծրագիրը թույլ է տալիս մեկ փաստաթղթով ստեղծել մի քանի հրաման:

Աշխատաժամանակի հաշվարկի տեղեկագիրը չի լրացվում և չի լինում հաշվարկել աշխատավարձ:

Անի.

Բարև ձեզ։ Կարո՞ղ եք ասել՝ եթե կազմակերպությունը լուծարվում է, աշխատողը, որը հղի է, սակայն դեկրետ գնալու է, օրինակ, 4 ամիս հետո, նա կարո՞ղ է ստանալ այդ 140 օրվա մայրության նպաստը:

Լիաննա․

Բարեւ Ձեզ, կարո՞ղ եք ասել՝ առաքիչը, գրանցվելով որպես ԱՁ, ի՞նչ հարկեր պետք է վճարի։

Արեգակ․

Բարև ձեզ։ Եթե ԱՁ / կազմակերպությունը առցանց տարբերակով գործունեությունը դադարեցնելու վերաբերյալ դիմում է ներկայացրել, կարո՞ղ է արդյոք անժամկետ մնալ դադարեցված կարգավիճակով։ Շնորհակալություն։

Էդգար․

Բարև ձեզ։ Խնդրում եմ հղում տալ օրենքի այն կետին, որտեղ նշված է, թե գործատուն մաքսիմում ի՞նչ ժամկետում է պարտավոր վճարել կնոջ ֆիզարձակուրդը։ Քանի որ աշխատավայրից ասել են, որ կարող են վճարել անաշխատունակության թերթիկը ներկայացնելուց հետո 3 ամսվա ընթացքում։ Կանխավ շնորհակալ եմ։

Արմեն.

Բարև ձեզ: Կազմակերպությունը իր միջոցներով կառուցում է շենք, որի ծախսերը մասնակի արդեն փոխհատուցվել են պետության կողմից՝ համաձայն ծրագրի: Ի՞նչ ձևակերպումներ պետք է տալ:

Արփինե.

Բարև ձեզ: Կօգնե՞ք՝ հասկանամ՝ եթե աշխատողը, հանգամանքներից ելնելով, որոշում է իր հաշվին արձակուրդ գնալ, ես քանի՞ օրյա ժամկետում կարող եմ չվճարվող արձակուրդի հայտ տալ։ Օրենքում նշվում է չվճարվող արձակուրդ և մինչև 3 տարեկան երեխայի խնամքի արձակուրդ, բայց օր չի նշվում, իմ հասկանալով՝ երեք օրվա ընթացքում:

Վարդուհի.

Այն դեղատունը, որը զբաղվում է դեղեր գնելով և վաճառելով, կարո՞ղ է միկրոձեռնարկատիրության սուբյեկտ համարվել և հարկերից ազատվել: Եվ նրա աշխատողը ֆիզ.-ից ֆիզ. գնալու դեպքում կարո՞ղ է ստանալ ֆիզ.-ի գումար և ամսական 18 000 դրամ, առաջին ֆիզ.-ի ժամանակ ստացել է, ու ի՞նչ իրավունքներ ունի աշխատողը։

Սերգեյ.

Բարև ձեզ: Ես մի հարց ունեմ, հաշվապահներ ջան։ 2019 թվին աշխատել եմ ընտանեկանով և մինչև 2020թ. փետրվարի 1-ը չեմ ուղարկել տարեկան հաշվետվությունը, այդ իսկ պատճառով վարչական ծանուցագիր եմ ստացել․․․ Նման իրավիճակում չեմ հայտնվել, կցանկանայի խորհուրդ ստանայի, թե ինչպես ճիշտ վարվեմ:

Նախապես շնորհակալություն:

Սյուզաննա.

Բարև ձեզ, հարգելի հաշվապահներ։
Մտադիր եմ զբաղվել հագուստի օնլայն վաճառքով՝ գլոբալ մակարդակով։ Հագուստը արտադրվելու և ուղարկվելու է ԱՄՆ-ից։ Խնդրում եմ, ասեք՝ արդյո՞ք կարող եմ գործել միկրոբիզնեսի համակարգում և ի՞նչ հարկային պարտավորություններ ունեմ 1 տարվա կտրվածքով, եթե դեռ չունեմ գրանցված աշխատող: Շնորհակալ եմ:

Գարիկ.

Բարև բոլորին: Հարցս վերաբերում է արգելված գործունեության տեսակներին: Ո՞վ կարող է ասել, թե ավտոտեխսպասարկումը՝ G45.2 դասիչով, մտնու՞մ է արգելվածների մեջ, թե՞ ոչ: Արգելված բաժնում այդ դասակարգչի դիմաց նշված է «մեծամասամբ» բառը: Ի՞նչ է դա նշանակում՝ արգելված, կիսատ արգելված և այլն, անհասկանալի է: Առողջություն բոլորին:

Մելինե.

Բարև ձեզ: Կխնդրեի տեղեկություն տալ. եթե ամուսինս արտակարգ դրության պատճառով զրկվել է աշխատանքից, իսկ ես քաղաքացիաիրավական պայմանագրով աշխատող եմ, և աշխատավարձս մինիմալ աշխատավարձից փոքր է, արդյո՞ք մեր երկու անչափահաս երեխաները չեն ստանալու միանվագ 100 000 դրամ նպաստը:

Լիլիթ.

Բարև ձեզ: Հարգելի հաշվապահներ, խնդրում եմ օգնել: ՀՈԱԿ-ի համար 240 ձևը լրացնելիս ո՞ր կետերին ուշադրություն դարձնեմ: Լրացնում եմ առաջին անգամ: Կամ էլ գուցե որևէ տեղ նշվա՞ծ է լրացնելու ձևը: Շնորհակալություն:

Կարեն.

Բարև բոլորին: Հարցս վերաբերում է սոցիալական փաթեթով նախատեսված գումարներին: 2018 և 2019 թվականների համար նախատեսված գումարները աշխատակցին անհիմն պատճառով չի փոխանցվել, հնարավո՞ր է այդ դեպքում վերահաշվարկ կատարվի, և 2020 թվականին փոխանցվի նախորդ տարիների գումարները:

Արև.

Բարև ձեզ։
Եթե ես բացեմ ԱՁ, կարո՞ղ եմ աշխատել տանից և վաճառել արծաթյա զարդեր: