Հարգելի հաշվապահներ, խնդրում եմ ստուգել։ Նոր բացվաց կազմակերպությունը զբավում է մսամթերքի վաճառքով։ Գյուղացուց գնում ենք գլուխ անասուն և մորթում, որից հետո վաճառում։ Աշխատում են ԱԱՀ-ով։ Կատարել եմ հետևյալը՝

Դտ-251 Կտ-515 – 2 000 Ֆին․ներդրում

Դտ-713 Կտ-251 – 2 000 ծախս

Դտ-251 Կտ-515 – 15 000 Ֆին․ ներդրում

Դտ-252 Կտ-251 – 15 000  բանկի համալրում

Դտ-252 Կտ-629 – 2,10  հաշվի կապիտալացում

Դտ-713 Կտ-527 – 14 000 աշխատավարձի հաշվարկ

Դտ-229 Կտ- 524/2 – 3 220 եկամտյին հարկ

Դտ-229 Կտ- 524/9 – 350 սոց․ վճար

Դտ-229 Կտ- 524/9-1 –  1 000 դրոշմ․

Դտ-116/6 Կտ- 521/1 – 3 520 000 գյուղացուց ձեռք բերած անասուն

Դտ- 211/7  Կտ- 521/1  – 3 600 050 կերի ձեռքբերում

Դտ-226  Կտ-521/1  – 720 010 ԱԱՀ կերի

Դտ-116/6 Կտ-211/7  – 3 600 050 կեիր արժեքը անասունի ինքնարժեքին

Դտ-221 Կտ-615  – 2 105 179

Դտ-715/4 Կտ-215  – 2 105 179

Դտ-225/3 Կտ- 226  – 298 975 ԱԱՀ-ի դեբետային մնացորդ

Դտ-215 Կտ- 116/6  – 2 218 959

Դտ-221 Կտ- 615  – 2 105 179 վաճառված մսի գումարը առանց ԱԱՀ

Դտ-221 Կտ- 524/3  – 421 031 վաճառված մսի ԱԱՀ

Դտ- 715/4 Կտ-215 – 2 105 179

Հովհաննես․

Բարև Ձեզ։ Կասե՞ք՝ ինչպե՞ս կարող եմ ՍՊԸ-ին պատկանող անշարժ գույքը տալ վարձակալության, և ի՞նչ հարկային վճարներ պետք է անեմ։

Բարև Ձեզ: Ո՞վ կարող է էլեկտրոնային տրամադրել “ՖԻՆԱՆՍԱԿԱՆ ՀԱՇՎԱՌՄԱՆ ՀԻՄՈՒՆՔՆԵՐ” 1.1 գիրքը: Անչափ շնորհակալ կլինեմ. qristine2507 շնիկ gmail.com

Արա․

Եթե ստացված հարկային հաշիվները էլ․ ստորագրությամբ վավերացվել են ամսի 20-ից հետո, ապա ես այդ գումարները այլևս չեմ կարո՞ղ նվազեցնել, թե՞ դրանք կարող եմ ներառել հաջորդ ամսվա հաշվետվության մեջ։

• Հաշվապահական հաշվեկշիռ առ 31․12․2020թ․
• Ֆինանսական արդյունքների մասին հաշվետվություն 01.01.2020 – 31.12.2020թթ

Մելինե․

Բարև Ձեզ: Եթե աշխատողը գնում է մինչև 3 տարեկան երեխայի արձակուրդ, ավարտը նշվում է երեխայի ծնունդից 3 տարի հետո, թե՞ արձակուրդի օրվա սկզբից 3 տարի հետո /օր. ծնվել է 13.06.2019, ավարտ 13.06.2022/:

Արամ.

Բարև Ձեզ, հարգելի հաշվապահներ: Գործատուն աշխատողին աշխատանից ազատելիս չի վճարել վերջնահաշվարկ: Ի՞նչ տուգանք կարող է առաջանալ նման դեպքում:

Արամ.

Բարև Ձեզ, հարգելի հաշվապահներ: Եթե կազմակերպությունն ունի 10 և ավելի աշխատող, և աշխատավարձը վճարում է կանխիկ՝ ի՞նչ տուգանք կարող է կիրառվել և ինչքա՞ն է չափը:

Արամ.

Բարև Ձեզ, հարգելի հաշվապահներ: 58 350 000 դրամի շեմը գերազանցած հանրային սննդի գործունեություն իրականացնող կազմակերպությունը արդյոք պարտավո՞ր է ՀԴՄ կտրոն տրամադրել կոնկրետ մենյուի ցանկով, այսինքն՝ պարտադիր պե՞տք է գրվի օրինակ՝ մեկ հյութ, մեկ սուրճ և այլն, թե՞ կարող է ընդամենը գրել հանրային սնունդ:

Սուսաննա.

Բարև Ձեզ: Մի հարց ունեմ ու կցանկանայի իմանալ: Ես ֆիզ. արձակուրդում եմ նոյեմբերի 25-ից: Ստացել եմ ինձ հասանելիք ֆիզ. գումարը: Հիմա փոքրիկիս ունեցել եմ կեսարյան հատումով, այսինքն՝ 140 օրվա փոխարեն 155 օր է դառնում օրերի քանակը: Նշանակում է. ես նորից 15 օրվա գումար ունե՞մ ստանալու:

Աննա.

Կարո՞ղ է խաղալիք արտադրողը Ա/Ձ համարվել՝ միկրո:

Ընկերություն՝ Կոմպլեկս Սփլայ ՍՊԸ
Հասցե՝ Ծ. Իսակովի պողոտա
Հեռախոս՝ +37441655002
Էլ. փոստ՝ sales շնիկ complex.am
Թափուր աշխատատեղ՝ Գլխավոր հաշվապահի օգնական
Աշխատանքի նկարագրություն՝
• Հաշվապահական փաստաթղթերի կազմում և փաստաթղթաշրջանառության վարում ՀԾ հաշվապահական ծրագրի միջոցով
• Հաշիվ-ապրանքագրերի ներմուծում համակարգչային ծրագիր, համակարգում և արխիվացում
• E-invoicing ծրագրով հարկային հաշիվների դուրսգրում
• Բանկերի հետ համագործակցության ապահովում, բանկային հաշիվների ամենօրյա վերահսկում և ձևակերպում
• Դրամարկղի գրքի վարում
• Գործընկերների մնացորդների ճշտում
• Կադրային փաստաթղթերի կազմում
• Գլխավոր հաշվապահի այլ հանձնարարությունների կատարում:
Աշխատավարձ՝ 120 000 դրամ
Պահանջվող հմտություններ՝
• ՀԾ հաշվապահական ծրագրերի իմացություն
• E-envoicing ծրագրի իմացություն
• Համակարգչից վարժ օգտվելու կարողություն, Excel ծրագրի իմացություն

Էդգար.

Կազմակերպությունը ձեռք է բերել գույք լիզինգով՝ 5 000 000 դրամ արժողությամբ: Խնդրում եմ տալ հաշվապահական ձևակերպումները ԱԱՀ-ի մասով:

Սյուզաննա.

Բարև Ձեզ: Հարցս հետևյալն է: Աշխատանքային պայմանագրում ֆիքսվող հիմնական աշխատավարձի չափը ներառու՞մ է արդյոք օրենքով նախատեսված հարկերը, պարտադիր վճարները: Այլ կերպ ասած` աշխատանքային պայմանագրում ֆիքսվում է մաքուր, թե՞ կեղտոտ աշխատավարձը:

Գայանե.

Բարև Ձեզ, հարգելի հաշվապահներ: ՀԴՄ եմ գնել, ասել են 100 ձևը պետք է լրացվի, 100 ձևը ուղարկել եմ, իսկ 101 ձևը ե՞րբ պետք է ուղարկվի: Շնորհակալություն

Ես աշխատւմ եմ որպես ֆրիլանսեր, չունեմ կոնկրետ աշխատանք: Գումարը աշխատում եմ տարբեր հարթակներում: Եթե դժվար չէ՝ կարո՞ղ եք պատասխանել: Օրինակ, եթե տարեկան ես աշխատեմ 7 մլն դրամ, այդ դեպքում ինչքա՞ն հարկ պետք է վճարեմ: Նախապես շնորհակալություն: Ու հարկայինում գրանցվելու՞ եմ որպես …

Բաբկեն.

Հարգելի գործընկերներ,
Իրավաբանական անձին սեփականության իրավունքով պատկանող վարձակալության տրված տարածքը գտնվում է բնակելի շենքի նկուղում: Համատիրությունը վճարումներ կատարելու համար ներկայացնում է հաշվարկ, որը e-invoicing համակարգով ձևավորվված չէ: Խնդրում եմ պարզաբանել՝ արդյո՞ք համատիրությունը ազատված է e-invoicing համակարգով հաշվարկային փաստաթղթեր ձևավորելու պարտականությունից և, եթե ազատված է, ապա ի՞նչ նորմատիվային ակտով:
Կանխավ շնորհակալ եմ:

Արմինե.

Բարև Ձեզ: Խնդրում եմ օգնեք կողմնորոշվել: Աշխատողն աշխատել է 2019թ-ից՝ 77 903 դր աշխձ.-ով, հոկտ. ամսից հղիության և ծննդ. արձակուրդում է եղել, այնուհետև դեկրետ՝ մայիսից անցել աշխատանքի՝ նոր կես դրույքով (46 309), սեպտեմբերին օգտվել արձակուրդից, հոկտ.-ից աշխատել։
Հարցս հետևյալն է. Արձակուրդային (20օր) հաշվարկելու համար միջին ամսականը ինչպե՞ս ստանալ՝ 46 309-ով հաշվել, թե՞ նվազագույն աշխձ-ով և պակասող ամիսները նախորդ 19թ-ից վերցնե՞լ: Արդյո՞ք նվազագույն աշխ.ից ցածր միջին ամսական ստանալու դեպքում կարող եմ վերցնել սահմանված նվազագույն աշխ.ձը։
Շնորհակալություն, կներեք մի քիչ խճճված ստացվեց:

Քրիստինե.

Բարև Ձեզ: Կխնդրեի օգնել ստորև ներկայացված հարցում.
ՍՊԸ-ն 19/09/19-ին աշխատանքի է ընդունել տնօրենի, ով աշխատել է մինչ 12/12/20-ը: 20թ.-ի հոկտեմբեր ամսին 24 օրով արձակուրդ է գնացելվճարովի, հետո նոյեմբերին հարգելի պատճառներով, բայց չվճարվող արձակուրդ է ձևակերպվել մինչ 27/11/20-ը: Այժմ նրան աշխատանքից ազատելով ի՞նչ է պետք անել՝ գրել միայն 3 օրվա աշխատավարձ, թե՞ վերջնահաշվարկ կատարել: Եթե վերջնահաշվարկ է անհրաժեշտ` խնդրում եմ ասեք՝ ինչպե՞ս պետք է հաշվարկվի:
Որ խնդրեմ՝ կասե՞ք, աշխատանքային գրքույքները սոցապ ներկայացնելու համար ի՞նչ-որ փաստաթուղթ անհրաժեշտ է:

Աննա.

Հարգելի հաշվապահներ, եթե մայրության նպաստ է հաշվարկվել՝ 285 526 դրամ՝ 285 526 x 22% = 62 815 (եկամտային հարկ): Վճարման ենթակա և բյուջեից հետ վերադարձվող գումարը հավասար է՝ 285 526 – 62 815 = 222 711, թե՞ 222 711 – 5 500 (դրոշմանիշային վճար) = 217 211: Եվ, եթե նպաստը նշանակվելու է մարտ ամսին՝ այն պետք է ներառել ապրիլին հանձնվող մարտ ամսվա եկամտային հաշվարկի ժամանա՞կ՝ 285 526 դրամն ամբողջությա՞մբ: Իսկ այդ 140 օրերի ընթացքում եկամտայինի զրոյական հաշվարկ է պե՞տք ներկայացնել տվյալ աշխատողի հաշվով։ Նախապես շնորհակալ եմ:

Սոնա.

Բարև Ձեզ։ Խնդրում եմ օգնել հետևյալ հարցում. Ես 10 տարի նույն ընկերությունում գրանցված աշխատող եմ եղել, վերջին 1 տարում գտնվել եմ երեխայի խնամքի արձակուրդում։ Եթե խնամքի արձակուրդից աշխատանքի վերադառնալուց 1 ամիս անց իմ ցանկությամբ դուրս եմ գալիս աշխատանքից, ինչպե՞ս է կատարվելու իմ վերջնահաշվարկը։ Նշեմ, որ ամեն տարի օգտվել եմ ինձ հասանելիք արձակուրդից, աշխատավարձի չափը տարբեր է եղել՝ վերջին մեկ տարում միջինում 350 000 դրամ եմ ստացել։ Շնորհակալություն

Սյուզի.

Բարև Ձեզ: Ես փնտրում եմ դասավանդման փորձ ունեցող բանիմաց գլխ. հաշվապահ անհատական հաշվապահական դասընթացների համար։
Պետք է սովորեցնի ՀՀՄՍ, ՖՀՄՍ, նեմուծում, արտահանում, հաշվետվությունների կազմում և ուղարկում:

Մարինե.

Բարև Ձեզ:
Կազմակերպությունն աշխատում է շրջանառության հարկով: Անշարժ գույքի շուկայական արժեքին մոտարկված կադաստրային գնահատման արժեքը 120 մլն. ՀՀ դրամ է, սակայն օտարել ենք 100 մլն ՀՀ դրամով:
1) Շրջանառության հարկը հարկավոր է հաշվարկել 120 մլն. դրամից, թե՞ 100 մլն. դրամից: Եթե հաշվարկվում է 120 մլն. դրամից, ապա հաշվարկվու՞մ է արդյոք 115 մլն. դրամից շրջանառության հարկ, իսկ 5 մլն. դրամից` ԱԱՀ և շահութահարկ:
2) Շահաբաժինների մասով եկամտային հարկը (5%) ո՞ր գումարից է հաշվարկվում՝ (120 մլն.- ծախսեր) * 5%, թե՞ (100 մլն.-ծախսեր) * 5%: Խնդրում եմ գրել նաև հաշվապահական ձևակերպումները:

Նարինե.

Բարև Ձեզ, հարգելի հաշվապահներ: Խնդրում եմ պատասխանեք հետևյալ հարցիս. աշխատում եմ հնգօրյա աշխատանքային ռեժիմով աշխատող կազմակերպությունում, 2021թ. հունվար ամսվա, բացի աշխատանքային օրերից (այսինքն՝ սկսած 2021թ. հունվարի 08-ից), տնօրինության պահանջով աշխատել եմ նաև հունվարի 5-ին, 6-ին, 7-ին: Խնդրում եմ ասացեք, թե ինչպե՞ս պետք է հաշվարկվի աշխատավարձս: Ինձ աշխատավայրում ասում են, որ այդ 3 օրերի համար աշխատավարձը հաշվարկելու համար պետք է դրույքաչափը բաժանեն 21-ի և բազմապատկեն 3-ով, իսկ ես կարծում եմ, որ դրույքաչափը պետք է բաժանվի հունվար ամսվա աշխատաժամանակի տևողության՝ 119 ժամի և բազմապատվի 24-ով, ինչպես նաև հունվարի 6-ի համար որպես տոնական օր վարձատրվի կրկնակի: Խնդրում եմ օգնեք ճիշտ կատարել հաշվարկը, եթե հնարավոր է՝ ուղարկեք հղում: Կանխավ շնորհակալություն:

Լուսինե.

Բարև Ձեզ: Ինչպե՞ս ստանալ դեղատնային լիցենզիա:

Էդգար.

Կարո՞ղ է արդյոք ՓԲԸ-ն ստանալ նվիրատվություն ՍՊԸ-ից և ի՞նչ հարկատեսակներ են առաջանում այդ գործարքից:

Բարև Ձեզ: Խնդրում եմ կասեք՝ ինչպե՞ս հաշվել հունվար ամսվա աշխատավարձը և վերջնահաշվարկը։ Եթե աշխատողը գրանցվել է 07.05.2020, ստացել է ամեն ամիս 76 000 դրամ աշխատավարձ և 18.01.2021-ին ազատվել է աշխատանքից, արձակուրդ չի վճարվել: Եվ կասե՞ք՝ վերջնահաշվարկը ո՞ր հաշվետվության ձևն է, թե՞ դա պետք է հունվար ամսվա եկամտային հարկի 189 ձևի մեջ լրացնեմ: Ասեք՝ ճի՞շտ եմ տեղեկացված, որ վերջնահաշվարկի մեջ ներառվում է վերջին ամսվա աշխատավարձի գումարը և արձակուրդը, թե՞ սխալ գիտեմ:

Ռուբեն.

Հարգելի գործընկերներ,
Ա/Ձ-ն զբաղվում է գովազդային հոլովակների պատրաստմամբ: Գուրծում է 01.07.2020 թվականից որպես շրջհարկ վճարող: Տարեկան եկամտային հարկի ի՞նչ հաշվետվություններ պետք է ներկայացնի:

Ողջույն,

Հարգելի փորձագետներ:

Եթե աշխատակիցը Հայաստանից դուրս է եկել առանց աշխատանքից ազատման և այլևս չի վերադառնալու,  ինչպե՞ս պետք է տվյալ աշխատակցի աշխատանքային պայմանագրի լուծումը ձևակերպել, ո՞ր հոդվածով է անհրաժեշտ ուղղորդվել:

Կանխավ շնորհակալություն:

Լիաննա.

Բարև Ձեզ: Որտեղի՞ց կարող եմ ներբեռնել, եթե տվյալ ամսվա համար հաշվարկված եկամտային հարկը բավարար չէ նպաստի` Հայաստանի Հանրապետության պետական բյուջեից վճարման ենթակա գումարները վճարելու համար, գործատուն նպաստի պակասող մասը վճարում է իր միջոցներից, որը փոխհատուցում է լիազոր մարմինը Հայաստանի Հանրապետության կառավարության սահմանած կարգով, գործատուի կողմից հարկային մարմին ներկայացրած տեղեկանքի ձևը:

Նոնա.

Խնդրում եմ մեկնաբանել Աշխատանքային օրենսգրքի 141 հոդվածի 3-րդ կետը։ Համաձայն այս կետի հղի կինը, ով չունի մինչև 1 տարեկան խնամքի տակ գտնվող երեխա, կարող է իր պահանջով նոր աշխատաժամանակ սահմանել։ Ենթադրենք 8 ժամի փոխարեն աշխատել 6 ժամ՝ պահպանելով աշխատավարձը և ստաժը:

Արմեն.

Բարև Ձեզ: Ա/Ձ-ն աշխատում է շրջանառության հարկով՝ հանրային սննդի վաճառք, և գրանցված աշխատող չունի: Բացվել է 06/13/2020թ և կասեցվել է 12/30/2020թ: Կարո՞ղ եք ասել՝ տարեկան հաշվետվության ո՞ր ձևերը պետք է ներկայացվի, և հաշվարկը ի՞նչ ձևի է լինում:

Անուշ.

Բարև Ձեզ: Աշխատանքային գրքույկի մեջ ծննդյան օրը սխալ է գրված։ Մեկ տարի հետո թոշակի պետք է անցնեմ։ Ու՞մ դիմեմ սխալն ուղղելու համար։ Շնորհակալություն:

Մարինա.

Բարև Ձեզ: Քաղիրավական պայմանագրով աշխատողի գրանցման հայտն ուշ եմ ուղարկել՝ նոյեմբերի 24-ին ընդունվել է, հայտն ուղարկել եմ 18.01.2021-ին: Տեղյակ եմ, որ տուգանք կգա, բայց եթե համալիր ստուգման ժամանակ չֆիքսեն, տուգանք կգա, թե՞ ոչ:

Աննա.

Սիրելի խմբակիցներ, շրջհարկով աշխատող Ա/Ձ-ն (միրգ, բանջարեղենի խանութ), որն ունի աշխատող և վարձակալած տարածք ֆիզ. անձից, ի՞նչ հաշվետվություններ պետք է ներկայացնի մինչև հունվարի 20-ը և որոնք մինչև ապրիլի 20-ը:
Կանխավ շնորհակալություն:

Քրիստինե.

Բարև Ձեզ: Որ խնդրեմ, կասե՞ք՝ ինչպե՞ս կնքել քաղիրավական պայմանագիր:

Գայանե.

Բարև Ձեզ, հարգելի հաշվապահներ: 2 հարց ունեմ:
1. Ի՞նչ խորհուրդ կտաք՝ թամադան, որ մտնի հարկային դաշտ միկրոյով կարո՞ղ է աշխատել: Տարեկան եկամուտը մոտ 2 մլն դրամ է, և ՀԴՄ պետք է, թե՞ ոչ: Միայն հաշիվ դուրս գրելը բավակա՞ն է:
2-րդ հարց: Անձը կարո՞ղ է լիցենզիա ձեռք բերել, որպեսզի զույգերի ամուսնությունը օրինականացնի, այսինքն՝ տվյալ անձը զագսավորի և տա զագսի վկայական: Նման իրավունք կա՞:

Անի.

Հարգելի հաշվապահներ, Ա/Ձ-ն աշխատում է շրջանառության հարկի դաշտում, 2020 թվականին աշխատել է 2 ամիս, այսինքն՝ վճարելու է 10 000 շահութահարկ, թե՞ 60 000 տարվա համար:

Բարև Ձեզ:
Բանկի որակավորման քննության պատասխանները որտեղի՞ց կարող եմ ձեռք բերել:
Կանխավ շնորհակալ եմ:

Մելինե.

Բարև Ձեզ: Կասե՞ք՝ Ա/Ձ բացելու համար ի՞նչ է անհրաժեշտ, հերթականությունը: Եվ, եթե լինելու է տնտեսական խանութ, նպատակահարմար է աշխատել ԱԱՀ-ով, թե՞ շրջհարկով:

Գայանե.

Բարև Ձեզ, հարգելի հաշվապահներ: Երբ ՍՊԸ-ի տնօրենը աշխատավարձ է ստանում՝ միակ աշխատողն է, աշխատավարձի տեղեկագրի մեջ ո՞վ է ստորագրում, հենց տնօրենը, թե հիմնադիրը:
Շնորհակալություն

Նարե.

Բարև Ձեզ: Սեպտեմբեր ամսից աշխատում եմ Ա/Ձ-ում, դեկտեմբերին ընդունվել եմ դպրոցում աշխատանքի 0.5 միավորով և 2 աշխատանքը միասին համատեղել եմ։ Հուն. 14-ին ֆիզ. արձակուրդ եմ գնալու: Ուզում եմ իմանալ, եթե ֆիզ. արձակուրը ձևակերպվի Ա/Ձ-ից՝ հնարավո՞ր է դպրոցի աշխատանքից դուրս մնալ։

Նառա.

Բարև Ձեզ: Օգնեք խնդրում եմ: Աշխատանքի եմ ընդունվել 09.01.20-ից և դիմում եմ ներկայացրել 28.01.20-ին, արձակուրդ չեմ գնացել: Արդյո՞ք ինձ տրվում է վերջնահաշվարկի գումար:

Ընկերություն՝ Արմհոլդինգ
Էլ. փոստ՝ hr շնիկ armholding.am
Թափուր աշխատատեղ՝ Հաշվապահ
Աշխատանքի նկարագրություն՝
Աշխատանքային գործառույթներ՝
– Վարել ընկերության հաշվապահական հաշվառումը,
– Իրականացնել ընթացիկ հաշվապահական աշխատանքների կազմակերպում և համակարգում,
– Օրենսդրությամբ սահամանված կարգով և ժամկետներում ստուգել, ամփոփել և ներկայացնել հարկային և վիճակագրական հաշվետվությունները,
– Ապահովել գործարքների/գործառնությունների հաշվապահական հաշվառման հաշիվներում ժամանակին արտացոլումը,
– Քաղվածքների ձևակերպում,
– Իրականացնել ներմուծման և արտահանման ձևակերպումները,
– Իրականացնել արտադրության հետ կապված ձևակերպումներ, կոմպլեկտավորումներ, ինքնարժեքի հաշվարկ,
– Իրականացնել էլ. հաշիվների դուրսգրումներ:
Պահանջներ՝
– Բարձրագույն կրթություն տնտեսագիտության, ֆինանսների, հաշվապահության ոլորտներում,
– Հաշվապահի աշխատանքային փորձ համանման ոլորտներում,
– Ինքնարժեքի հաշվարկի շեշտադրված աշխտանքային փորձ ՀՀ ԱՕ և Հարկային օրենսգրքի իմացություն,
– ՀԾ և E-invoicing ծրագրի տիրապետում:
Այլ նշումներ՝ Դիմելու կարգ՝ սույն պաշտոնի համար դիմել կարող եք՝ Ձեր CV-ն ուղարկելով hr շնիկ armholding.am հասցեին, առարկա դաշտում պարտադիր նշելով Հաշվապահ անվանումը։
Ոլորտ՝ Ներմուծում-արտահանում, արտադրություն: Աշխատավարձ՝ միջ. 250 000, գրաֆիկ՝ 10։00-19։00, հնգօրյա:

Նունե.

Բարև Ձեզ: Ես շրջանառության հարկով Ա/Ձ գրանցել, վճարում եմ շահութահարկ և դրոշմանիշային հարկ, հանձնել եմ հաշվետվությունները: Խնդրում եմ ասեք, արդյո՞ք պետք է հանձնեմ շահութահարկի վերաբերյալ տարեկան հաշվետվություն:

Հարություն․

1) Հարգելի գործընկերներ, այսպիսի մի հարց․ Կազմակերպությունը մինչև 24.11.2020թ․ համարվել է միկրոձեռնարկատիրության սուբյեկտ։ 25.11.2020-ից իր դիմումի համաձայն անցել է շրջանառության հարկի դաշտ՝ առևտրական գործունեությամբ զբաղվելու համար։ Հիմա շրջանառության հարկի հաշվարկում ձեռքբերումների 4% – ի տողում կարո՞ղ ենք ցույց տալ մինչև 24.11.2020թ․ ձեռքբերված ապրանքների արժեքը ու նվազեցնենք շրջանառության հարկի 5%-ից։

2) Միկրոձեռնարկատիրության գործունեության համար տարեկան հաշվետվություն հանձնու՞մ ենք, եթե անցել ենք շրջանառության հարկի դաշտ։

Շնորհակալություն նախապես։

Մարիամ.

Բարև Ձեզ: Ես գրանցված աշխատող եմ, համենայն դեպս այդպես եմ տեղեկացված, սակայն այսօր ստացել եմ կենսաթոշակային հաշվի եռամսյակային հաշվետվություն, որտեղ պետության և մասնակցի կողմից վճարումը նշված է 0: Արդյո՞ք սա նշանակում է, որ սոց. վճար չի վճարվում իմ կողմից, և ես գրանցված աշխատող չեմ: Շնորհակալություն:

Վլադ.

Բարև Ձեզ: Կասե՞ք՝ ի՞նչ տարբերություններ կան հանրային հատվածի կազմակերպությունների և առևտրային կազմակերպությունների հաշվապահական հաշվառման վարման և ֆին. հաշվետվությունների պատրաստման ժամանակ։

Կարեն.

Բարև Ձեզ: Կասե՞ք՝ ՍՊԸ-ն մեկ այլ ՍՊԸ-ի տրամադրում է գույք վարձակալության: Կասե՞ք՝ եկամուտ ստացողը ով աշխատում է շրջհարկով պե՞տք է վճարի եկամտի 10% շրջհարկ: Այլ հարկեր չեն գոյանու՞մ:

Ռազ.

Բարև Ձեզ, սիրելի հաշվապահներ: Ա/Ձ-ն ուզում է փոխել տնտեսական դասակարգիչը, կասե՞ք քայլերը: