Նաիրա.

Բարև Ձեզ:
Ես ուզում եմ բացել դեղատուն, բայց համապատասխան մասնագիտություն չունեմ, կարո՞ղ եմ, թե՞ ոչ:

Արամ.

Բարև Ձեզ, հարգելի հաշվապահներ: Կազմակերպությունը աշխատում է ընդհանուր հարկման դաշտում: Սեպտեմբեր ամսին ունեցել է ապրանքի ձեռքբերում և՛ հարկային հաշվով, և՛ հաշիվ վավերագրով, սակայն ԱԱՀ-ի հաշվարկի մեջ միայն 18 տողում լրացրել է միայն հարկային հաշվի թիվը և ԱԱՀ-ն: Արդյո՞ք կա որևէ խախտում տվյալ դեպքում:

Արամ.

Բարև Ձեզ, հարգելի հաշվապահներ: Կազմակերպությունը վաճառել է իր արտադրանքը հաշիվ ապրանքագրով: Արտադրանքը ենթակա է դրոշմավորման, սակայն դրոշմավորվել է փաստացի վաճառքից 3 օր հետո: Ի՞նչ խնդիրներ կարող են առաջանալ:

Աննա.

Բարև Ձեզ: 44 տարվա աշխատանքային ստաժի դեպքում թոշակը ինչքա՞ն է կազմում:

Ալինա.

Բարև Ձեզ: Ա/Ձ եմ, չունեմ գրանցված աշխատող, համարվում եմ սոց. վճարող և աշխատում շրջհարկով: Եթե չեմ սխալվում պետք է լրացնեմ 240 և 244 ձևերը, բայց առաջին անգամ եմ հանձնելու ու չեմ կարողանում լրացնել (((
Կարո՞ղ եք լրացված նմուշ ուղարկել կամ ուղղորդել՝ ո՞նց լրացնեմ, ո՞ր տողերը:

Լուսինե.

Բարև Ձեզ: Կներեք, կարո՞ղ է գործատուն ֆիզ. արձակուրդի գումարը հաշվարկել այլ կերպ, թե՞ օրենքը բոլորի համար է սահմանված:

Ընկերություն` Աուդիտորական ընկերություն
Հասցե՝ Ք. Երևան
Էլ. փոստ՝ finconaudit շնիկ outlook.com
Թափուր աշխատատեղ՝ Աուդիտոր
Աշխատանքի նկարագրություն՝ Իրականացնել կամ մասնակցել աուդիտորական ստուգումների անցկացմանը և հաճախորդներին աուդիտորական ծառայությունների մատուցմանը:
Աշխատավարձ՝ Բարձր
Այլ նշումներ՝ Աուդիտորի վկայականի առկայությունը պարտադիր է:

Անի.

Ծննդյան և հետծննդյան բյուլետենի մեջ աշխատողը արձակուրդի օրեր կուտակու՞մ է:

Սիրանուշ.

Ինձ հետաքրքրում է դեղատնային գործունեության լիցենզավորման կարգը:

Davit.

Բարև Ձեզ: Ես ունեմ 2 մեքենա՝ իմ անունով գրանցված: 2-ի հարկերը տրված են, եթե վաճառեմ մեքենաներից մեկը՝ մնացած ամիսների չքշված հարկը փոխանցվու՞մ է իմ հաշվին, թե՞ չէ:

Արամ.

Բարև ձեզ: Կարո՞ղ է լինել դեպք, երբ 1974 թվականից հետո ծնված Ա/Ձ-ն կամ վարձու աշխատողը ազատվում է կուտակային կենսաթոշակ վճարելուց:

Աննա.

Կասեք՝ որքա՞ն է կազմում կենսաթոշակի մեկ տարվա գումարը:

Ani.

Բարև Ձեզ: Ես ուզում եմ ճշտել՝ ինչպե՞ս են հաշվարկում վերջնահաշվարկը:

Արամ.

Բարև ձեզ: Շրջանառության հարկով աշխատող ֆիրման իրականացնում է հանրային սննդի գործունեություն: Հարցս հետևյալն է՝ արդյո՞ք հանրային սննդի գործունեություն իրականացնելու, ծխախոտի վաճառքի, գիշերային ժամերին աշխատելու, գովազդի թույլտվությունները, որոնք վճարվում են թաղապետարանում, կարո՞ղ ենք ներառել ծախսերի մեջ և նվազեցնել հարկից:

Գայանե.

Բարև Ձեզ, հարգելի հաշվապահներ ջան: Խնդրում եմ կասե՞ք, երբ ինձ սխալ հարկային հաշիվ են գրել, հետո տարբերության չափով չճշգրտված հաշիվ են ուղարկել, վճարումը ինչպե՞ս է կատարվելու։

Անի.

Բարև Ձեզ: Եթե աշխատողը չի օգտվել իրեն հասանելիք արձակուրդից՝ վերջնահաշվարկ կատարելու ժամանակ հրամանի մեջ քանի՞ օրվա հաշվով պետք է տալ վերջնահաշվարկ, եթե տարեկան նրան հասնում է 20 աշխատանքային օր, և ո՞ր օրից պետք է տալ վերջնահաշվարկի հրամանը:

Էմիլի.

Հարգելի հաշվապահներ, խնդրում եմ կասեք՝ ինչպե՞ս պետք է հաշվարկել շահութահարկը: Մեր կազմակերպությունը ՀՈԱԿ է և տարեկան պետք է ուղարկենք: Ինչպե՞ս կարող եմ հաշվել և ի՞նչ որ ձև կա հաշվարկման:

Լուսիկ.

Բարև Ձեզ: Ունեմ 37 տարվա ստաժ։ Որքա՞ն կկազմի թոշակս։

Անի.

Բարև Ձեզ: Մարտի 18-ից պետք է աշխատողը գնա մինչև երեք տարեկան երեխայի խնամքի արձակուրդ, գրանցման հայտը ե՞րբ պետք է ներկայացնել և ամսական 3 000 սոց. վճարները отчет-ով երևալու է, թե՞ կազմակերպությունն է տալիս:

Անի.

Բարև Ձեզ: Աշխատողը հաշմանդամության ո՞ր կարգ պետք է ունենա, որպեսզի 150 տոկոսի չափով շահութահարկից նվազեցում լինի:

Մարիամ.

Բարև Ձեզ: Իմ աշխատավարձը 110 000 դրամ է, ինչքա՞ն ֆիզ. արձակուրդ կստանամ:

Անի.

Բարև Ձեզ։ Խնդրում եմ կպատասխանե՞ք, աշխատակիցը հուլիսին օգտագործել է ուսուցիչներին հասանելիք 35 օր արձակուրդը, հոկտեմբերից գնացել է ֆիզ., մարտի 17-ին լրանում է ժամկետը։ Այժմ ցանկանում է գնալ արձակուրդ մինչև խնամքի գնալը, սակայն սեպտեմբերն է լիարժեք ամիս, կարո՞ղ եմ վերցնել հիմք մայիսից հետո ամիսները, թե՞ ոչ։

Արեգա.

Բարև Ձեզ:
Հարգելի կոլեգաներ, խնդրում եմ օգնեք իմանալու, թե ինչպե՞ս է կատարվում անավարտ արտադրության /կոնյակի, կոնյակի սպիրտի/ վերագնահատումը:
Նախապես շնորհակալություն:

Գևորգ.

Բարև Ձեզ: ԱՄՆ-ից Գլոբբինգով ի՞նչ քանակի կամ ծավալի շարժիչի յուղ կարող եմ բերել, որ չհարկվեմ /3 հատ 5 լիտրանոց կարո՞ղ եմ ամեն ամիս բերել:

Արթուր.

ԵՏՄ արտահանման դեպքում արդյո՞ք պետք է դուրս գրվի հաշիվ վավերագիր և ո՞ր օրվա կուրսով:

Susanna.
Հասարակական կազմակերպությունները կարո՞ղ են կանխիկ գործարքով ծախսեր կատարել՝ ՀԴՄ-ն հիմքնավորող փաստաթուղթ կհանդիսանա արդյո՞ք։ Եթե հյուրասիրության ծախսեր կան՝ սուրճ, թեյ, ջուր, դա ինչպիսի՞ թղթերով հիմնավորվի, ի՞նչ թղթեր են պետք։ Անցկացվում է մրցաշար։

Արամ.

Հարգելի հաշվապահներ, խնդրում եմ ասել շրջանառության հարկ վճարող ԱՁ համար տարեկան հաշվետվությունների ցանկը և ներկայացման ժամկետները: Նախապես շնորհակալություն:

Աննա.

Հնարավո՞ր է արդյոք ՀԴՄ կտրոնի կրկնօրինակով TAX FREE ստանալ, կամ հնարավո՞ր է արդյոք ՀԴՄ կտրոնի կրկնօրինակով կտրոնի վերադարձ կատարել: Խնդրում եմ, հնարավորինս շուտ արձագանքել: Կանխավ շնորհակալ եմ:

Ընկերություն՝ TMH Tax & Accounting
Հասցե՝ ք. Երևան Տիգրան Մեծ 4
Հեռախոս՝ 041 40 13 31, 093 47 14 03, 091 47 14 03
Էլ. փոստ՝ services.tmh շնիկ gmail.com
Սեմինարի / դասընթացի անվանումը՝ Հաշվետարի ԻՆՏԵՆՍԻՎ ԱՐԱԳԱՑՎԱԾ՝ (1 ամիս) և խմբային դասընթացներ(2 ամիս)
Սեմինարի / դասընթացի նկարագրությունը՝ Շտապե´ք, գրանցվել Հաշվետարի 2-ամսյա և 1-ամսյա դասընթացներին։ Պայմաններն են. խմբում ուսանողների քանակը՝ 3-4 հոգի, տևողությունը՝ 24 դաս, ծրագրեր՝ Հաշվապահական հաշվառման հիմունքներ, թղթակցություններ և ձևակերպումներ, ՀԾ Հաշվապահ 7, e-invoicing։ Դասընթացի ամսական արժեքը խմբակային դեպքում կազմում է ամսական 35 000 դրամ, իսկ անհատական դասընթացի ամսական արժեքը՝ 50 000 դրամ։ Արագացված ինտենսիվ անհատական արժեքը՝ 100 000 դրամ, իսկ արագացված ինտենսիվ խմբային դասընթացը 60 000 դրամ։ Որպեսզի յուրաքանչյուր մասնակից ունենա հնարավորություն ծանոթանալու մեր դասընթացների դասավանդման մեթոդին՝ ճիշտ կողմնորոշվելու նպատակով, տալիս ենք հնարավորություն ԱՆՎՃԱՐ փորձնական տարբերակով մասնակցելու մեր դասընթացներին, խմբակայինի դեպքում մինչև 2-րդ դասը, անհատականի դեպքւմ՝ 1ին դասը: Տրվում է ավարտական վկայական: Հասցե ք. Երևան, Տիգրան Մեծ 4 Գրանցվելու համար զանգահարել` 041 401331 093 471403
Այլ նշումներ՝ @tmhaccounting

Անի.

Բարև Ձեզ: Ես Ա/Ձ եմ, 2020թ. աշխատել եմ շրջանառության հարկով, այս տարի 2021 փետրվարի 21-ից մինչև փետրվարի 22-ը փորձում էի տալ հայտարարությունը՝ միկրոձեռնարկատիրության դաշտով աշխատելու, սակայն այդ պահին ծրագիրը խափանված էր, չէր ընդունում իմ դիմումը, ինձ համարելով ԱԱՀ վճարող, սակայն հետո, երբ ուղղվեց ծրագիրը, ես անմիջապես ուղարկեցի հայտը և այն հաջողությամբ ընդունեց: Իսկ այսօր, երբ ես ծրագիր եմ մտնում հայտարարությունը չկա, ու ես փաստացի հարկվում եմ ԱԱՀ դաշտում: Ի՞նչ անեմ, ինչպե՞ս դառնամ միկրոձեռնարկատեր:
Կանխավ շնորհակալ եմ:

Տաթև.

Բարև Ձեզ:
Եթե անձն ունի Ա/Ձ և գտնվում է ֆիզ. արձակուրդում /ֆիզ. արձակուրդ գնացել է մեկ այլ տեղ աշխատելու ժամանակ/՝ երեխայի մինչև 2 տարեկան խնամքի նպաստից կարո՞ղ է զրկվել Ա/Ձ ունենալու պատճառով: Նշեմ, որ Ա/Ձ-ն հանդիսանում է միկրոձեռնարկություն:

Դավիթ.

Ուզում եմ Ա/Ձ բացել էլեկտրոմոնտաժային աշխատանքներով զբաղվելու համար: Կասեք, ի՞նչ է պետք:

Բարև Ձեզ:
Ես գրանցված աշխատող եմ, բայց չունեմ աշխատանքային պայմանագիր:
Եթե ընկերությունը լուծարվում է, քանի՞ ամիս առաջ աշխատողը պետք է ծանուցվի դրա մասին, և ի՞նչ կոմպենսացիա է տրվում:

Նաիրա.

Հարգելի գործընկերներ, խնդրում եմ, ինձ ասել՝ մարզում աշխատող Ա/Ձ եմ, իրականացնում եմ հանրային սննդի ոլորտի գործունեություն, աշխատում եմ միկրոյի համակարգում: Ցանկանում եմ իմանալ՝ կարո՞ղ են հաշիվ դուրս գրել, եթե այո, ապա ծառայությունների մատուցման, աշխատանքների կատարման հաշիվ վավերագիր պե՞տք է դուրս գրել:

Աստղիկ.

Բարև Ձեզ: Խնդրում եմ ինձ պարզաբանեք օրենքով՝ երեխաս ծնվել է մահացած, կեսարյան հատումով ստացել եմ նախա և հետ ծննդյան ա/թ և գումարը: Ինձ կեսարյան հատման համար Ա/Թ 14 օր չի հասնու՞մ /բարդ ծննդաբերությունից հետո ֆիզ. արձակուրդին ավելանում է ևս 15 օր (140 155)/:
Կանխավ շնորհակալ եմ:

Անի.

Բարև Ձեզ:
Եթե տնօրենն ազատվել է աշխատանքից և հանձնման-ընդունման գործընթացը կազմակերպելու համար 20-օրյա ժամկետ է նշանակվել և մինչ այդ գործընթացի ավարտը ժամանակավոր պաշտոնակատար է նշանակվել:
Մինչև հանձնման-ընդունման գործընթացի ավարտը հրամաններն ու՞մ անունով է գրվելու, նախկին տնօրենի, թե՞ նրա ժամանակավոր պաշտոնակատարի, այդ ընթացքում նոր աշխատողի ընդունման դեպքում ու՞մ հետ է կնքվելու պայմանագիրը՝ նախկին տնօրենի, թե՞ ժ/պ-ի հետ, և մինչև հանձնման-ընդունման գործընթացի ավարտը ազատվող տնօրենը տաբելում ներկա է ստանալու, թե՞ ոչ: Նրա ժ/պ-ն նույն ընկերությունում է աշխատում, նա տաբելում որպես տնօրեն է ներկա ստանալու՞ այդ ընթացքում:

Արման.

Արդյո՞ք շրջհարկով աշխատող կազմակերպության սեփականատերը վճարում է դիվիդենտի հարկ և ի՞նչ չափով:

Էմիլի.

Հարգելի հաշվապահներ, մի հարց ունեմ: Արձակուրդայինը և աշխատավարձը միասին կազմել է 500 000 և ավել գումար, բայց դրոշմ. սխալմամբ պահվել է 7 000 դրամ, 8 500-ի փոխարեն: ՊԵԿ ներկայացվող հաշվետվության մեջ ինչպե՞ս ուղղել սա:

Անահիտ.

Բարև Ձեզ։ Միկրոյի ոլորտում դրոշմանիշային վճարն 2021թ-ից ի՞նչ փոփոխություններ ունի։ Եվ սոց. վճարի համար որևէ հայտարարություն կամ հաշվետվություն հանձնվու՞մ է՝ տարվա կամ ամիսների կտրվածքով։

Կարինե.

Բարև Ձեզ։ Խնդրում եմ օգնել ինձ հաշվարկել ուսուցչի աշխատավարձը, եթե ունեմ 30 տարվա ստաժ և պարապում եմ 20 ժամ /ռուսաց լեզու/։
Կանխավ շնորհակալություն։

Աքսաննա.

Ի՞նչ տարբերություն կա Ա/Ձ-ի և ընտանեկան ձեռնարկության միջև։

Ալեքս.

Բարև Ձեզ:
Կազմակերպության ապրանքը եկել է Հայաստան: Ինվոյսի մեջ գրված է այլ ԱՏԳ կոդ, /481920000/ դեկլարացիայի մեջ այլ ԱՏԳ, /48211000/: Մաքսազերծելու համար որի՞ն են առաջնահերթություն տալիս:

Kristine.

Բարև Ձեզ։ ԱԱՀ-ի դաշտում աշխատող կազմակերպությունը ծառայություն է մատուցել /նախագիծ/ ԱԱՀ-ից ազատված կազմակերպությանը, որի փաթեթը ամբողջական լինելու համար տվյալ կազմակերպությունը մեկ այլ կազմակերպությունից /որը աշխատում է ՇՀ դաշտում/ գնում է ծառայություն՝ ինժիներական մասի նախագծում, որի համար պետք է պայմանագիր կնքվի ինժիներական մասը կատարելու համար տվյալ գործի համար։ Հարց՝ ինչպիսի՞ պայմանագիր պետք է կնքել ՇՀ հարկով աշխատող կազմակերպության հետ։
Նախապես շնորհակալություն։

Արամ.

Բարև Ձեզ, հարգելի հաշվապահներ: Ա/Ձ-ն իրականացնելու է ներմուծման-վաճառքի գործունեություն: Աշխատում է ԱԱՀ և շահութահարկով: Վաճառքի վերադիրը կազմելու է 3 տոկոս, որը որ տվյալ ապրաքնի շուկայական վաճառքի գնից պակաս է: Ի՞նչ խնդիրներ կարող է առաջանալ նման դեպքում: Ի՞նչպես պետք է հաշվարկել ԱԱՀ-ն:

Ani.

Հարգելի հաշվապահներ, ՍՊԸ-ն գրանցվել է 2020 թվականի հոկտեմբերին և մինչև այժմ հաշվապահ չի ունեցել, բացարձակապես ոչ մի հաշվետվություն չի ուղարկվել, գործունեություն չի իրականացվել: Գրանցվելուց գործունեության տեսակը գրանցել է որպես գրքերի տպագրություն, իսկ հիմա պետք է սկսի իր գործունեությունը, բայց զբաղվելու է գյուղատնտեսական արտադրանքի արտադրությամբ։ Բնականաբար արդեն ԱԱՀ-ի դաշտում է, բայց քանի որ գյուղատնտեսական է արդյո՞ք այս դեպքում չի ազատվում ԱԱՀ վճարելու պարտավորությունից մինչև 115 մլն:

Լենա.

Եթե լուսանկարչության ծառայություններ եմ ցանկանում մատուցել Ա/Ձ-ով: Պարտադի՞ր է ՀԴՄ սարք, թե՞ կարող եմ փոխանցումով աշխատել:
Շնորհակալություն:

Մելինե.

Բարև Ձեզ: Կասե՞ք, որո՞նք են ֆինանսական և գործառնական վարձակալությունները: Եթե կարելի է օրինակներով:

Մարինե.

Բարև Ձեզ: Ես ընդունվել եմ աշխատանքի սեպտեմբեր ամսին և աշխատավարձս՝ մաքուրը, կազմում է 83 000 դրամ։ Ես որքա՞ն ֆիզ. արձակուրդի գումար պետք է ստանամ /աշխատել եմ 6 օրյա աշխատանքային ռեժիմով և դեկտեմբեր ամսին ստացել եմ 50 000 դրամ հավելավճար/:

Անահիտ.

Բարև Ձեզ, հարգելի հաշվապահներ:
Բեռնասայլակի ռետինե անվադողերի, նոր օդախցերի և շինարարական ապակե ցանցի համար բնապահպանական հարկի և բնօգտագործման վճարների միասնական հարկային հաշվարկ պե՞տք է ներկայացնեմ։
Կհուշե՞ք, որի համար ո՞ր տողը պետք է լրացնեմ։
Կանխավ շնորհակալ եմ։

Անի.

Բարև Ձեզ: Տնօրենի աշխատանքից ազատման հրամանը հենց ինքը պե՞տք է գրի, թե՞ ոչ: Նշեմ, որ 60 աշխատանքային օր չօգտագործված արձակուրդ ունի, ինչպե՞ս պետք է գրվի հրամանը, ո՞ր օրից պետք է հաշվարկվի վերջնահաշվարկը: