Նաիրա.

Բարև Ձեզ: Խնդրում եմ հուշեք, եթե աշխատողի անվան մեջ փոփոխություն է կատարվել, ինչպե՞ս պետք է ձևակերպել իրավական ակտը՝ հրամանը:

Ռիտա.

Բարև Ձեզ: Քաղաքացիաիրավական պայմանագիրը կարո՞ղ է կնքվել անորոշ ժամկետով:

Աննա.

Աշխատակցի ամբողջական արձակուրդի դիմումը տնօրենի կողմից հաստատվու՞մ է այսպիսի հրամանով:

Եթե բժիշկը վարձատրվել է 100 000 համախառն աշխատավարձով, հիմա հաճախելու է քիչ, աշխատելու է համատեղությամբ, կարո՞ղ եմ 20 ժամի համար նշել 50 000 համախառն, և գրանցման հայտում ինչպե՞ս այդ փոփոխությունը կատարեմ: Պետք է հին պաշտոնի համար ավարտի ամսաթիվ գրեմ ու նոր պաշտոն ավելացնե՞մ, թե՞ հնի փոփոխեմ:

Մարիամ.

Բարև Ձեզ: Խնդրում եմ պատասխանել հետևյալ հարցին. ՍՊԸ-ի հիմնադիրը կարո՞ղ է նույն ՍՊԸ-ում գրանցվել որպես աշխատող: Նախապես շնորհակալություն:

Անի.

Հարգելի հաշվապահներ, կազմակերպությունը Կանաչ Արահետ ՀԿ-ից ստացել է շնորհ։ ՀՀՄՍ 20-ով կարգավորվում է պետական շնորհները։ Արդյո՞ք այս շնորհի համար էլ պետք է տալ նույն հաշվապահական ձևակերպումները:

Կարապետ.

Բարև Ձեզ:
2021թ. ապրիլին գրանցված շրջհարկով աշխատող Ա/Ձ է, որն իրականացնում է սոցիալական հարցումներ: Սոց. դաշտում է:
Խնդրում եմ Ձեր պարզաբանումները, արդյո՞ք ճիշտ եմ հասկացել այս ոլորտի հարկեր-հաշվետվությունները:
Սահմանված հաշվետվություններ ե՞ն.
1. Շրջ. հարկ – եռամսյակային
2. Շահութահարկ /240 ձև/ – տարեկան
3. Եկամտային հարկ/սոց. վճար /244 ձև/ – տարեկան:
Վճարումները համապատասխանաբար.
1. Ձևավորված շրջ.հարկ – եռամսյակ
2. Շահութահարկ – 8*5000 տարեկան, թե՞ ամսական
3. Եկամտային հարկ/սոց. հարկ – 8*5000 – տարեկան, թե՞ ամսական
4. Դրոշմանիշային վճա՞ր – 8*1300
Կա՞ ուրիշ հաշվետվություն, որ բաց եմ թողել:
Կանխավ շնորհակալություն:

Ընկերություն` Գրոսմեյստեր ՍՊԸ
Հասցե` ք. Երևան, Ադմիրալ Իսակով 48/1 հարևանությամբ
Հեռախոս՝ 077215999
Էլ. փոստ՝ info շնիկ grossmeister.am
Թափուր աշխատատեղ՝ Գլխավոր հաշվապահ
Աշխատանքի նկարագրություն՝ Ներմուծում, մանրամեծածախ վաճառք 2 հասցեներից, ԱԱՀ վճարող, 25 աշխատող
Պահանջներ՝
– Աշխատանքային փորձ
– 1C 8,3 և ՀԾ լավ իմացություն
– Ռուսերեն լեզվի իմացություն
Աշխատավարձ՝ 300 000 դրամ
Այլ նշումներ՝ Աշխ. ժամեր 9:00-18:00, հանգստյան օրը կիրակի:

Անուշ.

Բարև ձեզ: Եթե աշխատակիցն աշխատել է մինչև ամսվա կեսը և այնուհետև գնացել է հղ. և ծննդ. արձակուրդ, վերադառնալուց հետո գնում է ամենամյա արձակուրդ, կուտակված արձակուրդայինի օրերի վրա գումարվու՞մ է կես ամսվա աշխատած ամիսը:

Անահիտ.

Բարև ձեզ: Կասեք՝ invoicing-ն աշխատու՞մ է ձեր մոտ՝ այս պահին:

Նունե.

Բարև ձեզ։ Ինձ հետևյալ հարցն է հետաքրքրում։ Ես դասախոս եմ՝ համալսարանում, նաև համալսարանում ունեմ ադմինիստրատիվ աշխատանք։ Երկուսն էլ հիմնական աշխատանք են։ Դասախոսի դեպքում զբաղվածությունս մեկ դրույք է, ադմինիստրատիվ աշխատանքի համար՝ կես դրույք։ Կարո՞ղ եք բացատրել ինձ՝ ի՞նչ սկզբունքով պետք է արձակուրդ տրամադրվի, որպեսզի 2 աշխատանքի համար հասանելիք առանձին արձակուրդները չկորցնեմ։

Շնորհակալություն:

Մարիամ.

Կխնդրեի օգնել լուծել խնդիրները։ 1. Մասնագիտացման արդյունքում ձեռնարկության մեկ միավոր արտադրանքի վրա կատարված ծախսերը 110 ռուբլուց դարձել է 90 ռուբլի, իսկ տրանսպորտաինը՝ 5-ից դարձել է 6 ռուբլի։ Միջոցառումների իրականացման վրա ծախսվել է 90 հազար ռուբլի։ Որոշել տարեկան տնտեսման չափը, եթե իրացվել է 60 հազ. արտադրանք։

2. Հաշվարկել ձեռնարկության ամորտիզացիոն հատկացումների տարեկան գումարը, եթե ձեռնարկությունը ձեռք է բերել 36 մլն դրամ արժողությամբ հիմնական արտադրական ֆոնդ, 6 տարի ծառայողական ժամկետով։ Հաշվարկել տարիների թիվը՝ գծային եղանակով։

Կանխավ շնորհակալ եմ:

Վարսիկ.

Կարո՞ղ եք ուղարկել վերջնահաշվարկի բլանկի ձև:

Ելենա.

Բարև ձեզ։ Ես ուսուցիչ եմ և ժամաքանակով եմ վարձատրվում, դրույքաչափ չունեմ: Առաջին կիսամյակում ստացել եմ 16 000, իսկ երկրորդում՝ 33 000 դրամ։ Կարո՞ղ եք ասել՝ ինչպե՞ս հաշվեմ իմ դեկրետի գումարը, և եթե այն քիչ լինի 156 000-ից, կարո՞ղ եմ օգտվել այդ գումարից։ Նախապես շնորհակալություն:

Սերյոժա.

Կարո՞ղ եք ասել՝ մեքենայի գույքահարկը 7 ամիս ուշացնելու դեպքում տուգանք լինում է, թե՞ ոչ: Իսկ եթե լինում է, ապա ինչքա՞ն:

Ապագայում շուկայում կմնան 2 տեսակի ընկերություններ՝ նրանք, որոնք ինտերնետում են, և նրանք, որոնք դուրս են եկել բիզնեսից – Բիլ Գեյթս, ամերիկացի բիզնես մագնատ և բարերար

Մեգի.

Ինչպե՞ս պահեստ ենթահամակարգում ստեղծել կոմպլեկտներ:

Լալա.

Բարև Ձեզ, հարգելի հաշվապահներ: Ուզում եմ խնդրել ՀՀ հաշվապահական ասոցիացիայի կողմից անցկացվող որակավորման քննությունների նյութեր, եթե ունեք և կարող եք տրամադրել։ Կանխավ շնորհակալ եմ։

Լիա.

Բարև Ձեզ: Կասեք՝ ինչպե՞ս է հաշվարկվում 24 ժամյա հերթափողային աշխատավարձը:

Անուշ.

Բարև ձեզ: Ուսուցիչը մինչև դասապրոցեսի ավարտը կարո՞ղ է գնալ չվճարվող արձակուրդ:

Մանե.

Բարև ձեզ: Ինչպե՞ս են հաշվարկում աշխատավարձ+պարգևավճարը միասին։ Կանխավ շնորհակալություն:

Տիգրան.

Բարև ձեզ: Հիմա հրամանագիրք լրացնու՞մ են, թե՞ ոչ:

Անի.

Բարև Ձեզ, հարգելի հաշվապահներ։ Միկրոձեռնարկատեր ԱՁ ներմուծել է ապրանքներ այդ հարկային դաշտում և վաճառել դրանք շրջանառության հարկի համակարգում։ Այդ դեպքում անմիջապես վաճառքի նպատակով գնված ապրանքերի արժեքը կարելի՞ է նվազեցնել, և խնդրում եմ օրենքի հղում տվեք:

Ռուզաննա.

Բարև Ձեզ։ Խնդրում եմ պատասխանել՝ արձակուրդի հրամաններում պարտադի՞ր է նշել այն ժամանակահատվածը, որի համար տրվում է արձակուրդը, օրինակ՝ 01.04.2020թ. մինչև 01.04.2021թ. ժամանակահատվածի համար տրամադրել 20 աշխատանքային օր և այլն։ Եվ եթե հաստատված ձև կա, խնդրում եմ ուղարկել։ Կանխավ շնորհակալ եմ։

Եթե կնքվել է քաղիրավական պայմանագիր, հաշվապահական ձևակերպումներ կատարելիս, ինչպե՞ս պիտի ձևակերպվի աշխատանքների կատարման և ծառայությունների մատուցման դիմաց տրվող գումարը:

Աստղիկ.

Բարև Ձեզ: Խնդրում եմ հուշեք՝ ինչպե՞ս են հարկվում ստեղծագործութան հեղինակները արվեստի գործ ստեղծելու պատվերի համար: Օրինակ՝ նկարը կամ քանդակը ստեղծող արվեստագետի ստացած եկամուտը հարկման ենթակա է, թե՞ ոչ:

Էդվարդ.

Ո՞վ կարա օգնի: Ինչպե՞ս իրականացնել ֆիզ․ անձով 1 ապրանքի մաքսային ձևակերպումը առանց բրոքերի:

Sona Asatryan.

Բարև Ձեզ: Ես գտնվում եմ ֆիզարձակուրդում և պատրաստվում եմ գնալ 2-րդ ֆիզարձակուրդ: Կարո՞ղ եմ իմանալ, որքա՞ն գումար եմ ստանալու 140 օրվա համար: Մաքուր աշխատավարձիս չափը 130 000 դրամ է:

Տիգրան.

Բարև ձեզ: Գործունեությունը պետք է զբաղվի ատամի մածուկների արտադրությամբ: Խնդրում եմ օգնեք՝ գրանցման հարցում, հարկային և, եթե պարտադիր է՝ լիցենզավորման հետ կապված ։

Վիկտորյա.

Եթե աշխատողը ամսվա մի մասը բյուլետենում է եղել՝ այդ ամսվա եկամուտը գումարվու՞մ է ընդհանուր եկամտին միջին ամսական եկամուտ հաշվելու համար:

Անի.

Բարև Ձեզ: Եթե աշխատողն աշխատանքի է ընդունվել, նրա հետ կնքվել է քաղիրավական պայմանագիր, աշխատելու է մոտ 5 ամիս, կարելի՞ է արդյոք վճարման կարգը կետում նշել, որ ամսական ստանալու է հստակ սահմանված գումար (նշեմ, որ ընկերությունն աշխատում է հաստիքացուցակով, այդ հաստիքը չունենալու պատճառով է կնքվել քաղիրավական պայմանագիրը):

Մելինե.

Ողջույն։ Դրամարկղային գրքում յուրաքանչյուր տարի օրդերների համարակալումը պետք է սկսել մեկից, թե՞ կարելի է շարունակել։

Կազմակերպությունը կարո՞ղ է վարել իր փաստաթղթաշրջանառությունը, փաստաթղթերի օրինակը վերցնելով ՀՀ ֆինանսների նախարարի 2016 թվականի փետրվարի 1-ի «Հանրային հատվածի կազմակերպությունների սկզբնական հաշվառման փաստաթղթերի և հաշվապահական հաշվառման գրանցամատյանների օրինակելի ձևերը սահմանելու մասին» թիվ 37-Ն հրամանում առկա ձևանմուշներից, թե՞ ոչ։

2021 թվականի հուլիսի 1-ից մինչև 2022 թվականի հուլիսի 1-ն ընկած ժամանակահատվածում իրականացվող համալիր հարկային ստուգումների ծրագրին կարող եք ծանոթանալ հետևյալ հղումով…

ՀԱՐՈՒԹ.

Խնդրում եմ Ձեզ տալ օրենքի հղումը, որտեղ արտացոլվում է այն կետը, երբ զինծառայողի ստաժի որոշակի մասը փոխանցվում է ամուսնուն:
Կանխավ շնորհակալություն:

Կարինե.

Ցանկանում եմ իմանալ` ինչպե՞ս է կատարվում աշխատավարձի հաշվարկը այն ամիսների համար, երբ աշխատողը ամսվա մի մասը գտնվում է արձակուրդում, իսկ մյուս մասը գտնվում է աշխատանքի: Ինձ հետաքրքրում է ոչ թե արձակուրդային օրերի, այլ հակառակը՝ աշխատած օրերի հաշվարկը, օրինակ՝ այն ամիսների համար երբ տոն օրեր կան, ինչպե՞ս են հաշվում աշխատավարձը:

Էմիլի.

Բարև ձեզ: Մի խնդրանք ունեմ, կօգնե՞ք: Աշխատողը հունիսին գնում է արձակուրդ և ամսի 31-ին կստանա աշխատավարձ մայիսի և արձակուրդային՝ հուլիսի համար, 20 աշխատանքային օրվա համար: Կասե՞ք՝ դրոշմանիշային վճար պահվու՞մ է 5 500 դրամ, բայց հունիսի վերջում 2 աշխատանքային օր է մնում, ինչպե՞ս է պահվելու նրա դրոշմանիշայինը այդ երկու օրվա համար: Հիմնարկի հաշվին 1 500, թե՞ այդ 5 500, որ փոխանցվում է: Այլևս պե՞տք է փոխանցել այդ երկու օրվա համար:

Լուսինե.

Կներեք, ո՞վ ինձ կասի, եթե ես աշխատել եմ մարտի 9-ից դպրոցում, ստացել եմ մաքուր 80 հազար դրամ աշխատավարձ: Մոտ ինչքա՞ն արձակուրդայինի գումար կստանամ: Շնորհակալ եմ:

Հովհաննես.

Բարր Ձեզ։ 10.01.2021թ.-ին հիմնադրվել է Սիգմա ՍՊԸ, հիմնադիրը կանոնադրական կապիտալում ներդրում է արել 50 000 դրամ կանխիկ գումար։ Ո՞ր հաշիվներն են ԴՏ ԿՏ-ում: Ընդհանուրի հաշիվները կասե՞ք:

Anahit.

Հատուկ կատեգորիայի աշխատակիցների ցանկում ներառված հրաձիգների հետ կնքել ենք աշխատանքային պայմանագիր, որտեղ նշել ենք՝ աշխատավարձը դրույքաչափով, և դրանից ելնելով աշխատավարձի չափը։ Յուրաքանչյուրն աշխատում է 24 ժամ և 2 օր հանգստանում։ Բնականաբար գիշերային աշխատանքը պետք է վարձատրվի 30% հավելավճարով, իսկ արտաժամյա աշխատանքը՝ 50%։ Հարցս հետևյալն է. ինչքա՞ն կկազմի նրանց մայիս ամսվա նորմա-ժամը, եթե Աշխ․ Օ-քի 139 հ. 4 կետում նշված է, որ 24 ժամյա աշխատաժամանակի դեպքում շաբաթական 48 ժամը չպետք է գերազանցի։ Բայց այս դեպքում ամեն 3-րդ օրը հաշվելիս ստացվում է 72 ժամ։ Նախապես շնորհակալ եմ օգնության համար։

Լիանա.

Բարև Ձեզ: Խնդրում եմ պատասխանել հետևյալ հարցին: Աշխ. Օ-ի 111 հոդվածում ասվում է, որ որոշակի ժամկետով կնքված պայմանագիրը լուծելիս կողմերից մեկը պետք է ծանուցի մյուսին առնվազն տասն օր առաջ: Պայմանագրի գործողության ժամկետը լրացել է և կողմերից ոչ մեկ մյուսին չի ծանուցել: Այս դեպքում ինչպե՞ս է լուծվում պայմանագիրը: Շնորհակալություն!

Հասմիկ.

Բարև Ձեզ: Կասեք՝ որտեղի՞ց կարող եմ գտնել պարտավորագրի օրինակ աշխատանքների կատարման համար: Շատ շնորհակալ կլինեմ, եթե օգնեք ինձ:

Լաուրա.

Բարև ձեզ: Եթե աշխատողը գտնվում է մինչև երեք տարեկան երեխայի խամքի համար տրամադրվող արձակուրդի մեջ, բայց երկու տարին լրանալուց հետո ցանկանում է վերադառնալ աշխատանքի, կարելի՞ է աշխատողին հետ վերադարձնել աշխատանքի դիմումի համաձայն:

Անի.

Բարև Ձեզ: Եթե աշխատողը գնացել է ամենամյա արձակուրդ, կարելի՞ է նրա պաշտոնում ընդունել այլ աշխատողի, և եթե այո, ապա ինչպիսի՞ պայմանագիր պետք է կնքել նրա հետ:

Թամարա.

Բարև Ձեզ, հարգելի հաշվապահներ: Ասացեք խնդրեմ՝ եթե ԱԱՀ-ով աշխատող ՍՊԸ-ը մարդատար ավտոմեքենա գնի կազմակերպությունից կամ լիզինգով, գնի մեջ մտնող ԱԱՀ հաշվանցվու՞մ է, թե՞ ոչ: Պատասխանը խնդրում եմ ուղարկել tamaragasparyan շնիկ yahoo.com հասցեով:
Կանխավ շնորհակալություն:

Դիանա.

Բարև Ձեզ: Ներեցե՛ք, խնդրում եմ ներկայացնել ՀՀ օրենքը հաստատագրված վճարի և արտոնագրային վճարի մասին, ո՞ր գործունեություններն են իրականացվում արտոնագրով և հաստատագրված վճարով:
Նախապես շնորհակալություն:

Ալիսա.

Բարև Ձեզ։ Սուրճի ավտոմատ ապարատ տեղադրելու համար ի՞նչ փաստաթղթեր են անհրաժեշտ, և ի՞նչ հարկեր պետք է վճարել։