Հարգելի հաշվապահներ, արձակուրդայինը եթե երկու ամսվա մեջ է, հաշվետվությունը հաշվեգրման մեթոդով է, ամեն ամսվա համար առանձին, իսկ փոխանցումները հարկային կրկին ըստ ամիսների՞ է, թե՞ ընդհանուր ինչքան հաշվել ենք, այդքան էլ պետք է փոխանցել:

Անի.

Բարև Ձեզ։ Ստացել եմ 600 000 դրամ կանխավճար: Կասե՞ք խնդրեմ՝ 232 ձևի մեջ որտե՞ղ պետք է լրացնեմ։ Նաև կասեք՝ միանգամի՞ց պետք է այդ 600 հզ-ի համար շրջհարկը վճարեմ։ Կանխավ շնորհակալություն:

Արման․

Հարգելի գործընկերներ, կազմակերպության էլեկտրոնային հաշվետվությունների համակարգում ցույց է տալիս որոշակի ԱԱՀ դեբետային գումար՝ մոտ 300 հազար, որը գոյացել է կազմակերպության՝ ԱԱՀ զրոյական դրույքաչափով հարկվող գործարքներից։ Ինչպե՞ս է կարգը՝ այդ գումարները հետ ստանալու համար։ Շնորհակալություն։

Սուրեն․

Բարև ձեզ, ես Ա/Ձ եմ հանդիսանում, հարկայինում գրանցված եմ որպես միկրոձեռնարկատիրությամբ զբաղվող սուբյեկտ, աշխատող չունեմ։ Խնդրում եմ ասեք՝ ես ի՞նչ վճարներ ունեմ անելու, ինչքա՞ն և ի՞նչ ժամկետներում, Ա/Ձ բացել եմ 5 ամիս առաջ։ Նախապես շնորհակալություն։

Արփինե․

Բարև Ձեզ։
ՍՊԸ-ն ծառայություն է մատուցել արտասահմանյան կազմակերպությանը կայքի միջոցով, գումարը կազմել է 100 դոլլար, որի դիմաց կայքը պահել է միջնորդավճար 20 %-ի չափով։ Խնդրում եմ ասեք՝ ինքնահաշիվ դուրս գրելիս որպես ծառայության արժեք ո՞ր գումարը հիմք ընդունեմ։

Արուսիկ․

Բարև ձեզ, խնդրում եմ պատասխանել հետևյալ հարցին․
ՍՊԸ-ն աշխատում է շրջանառության հարկով (ՏՏ ոլորտ)։ Ո՞ր տողում պետք է լրացնել ծառայությունից ստացված գումարը, և արդյո՞ք ծախս չեն կարող համարվել ստացված վարձակալության և կոմունալ բնույթի ծախսերը:

Վահան․

Բարև ձեզ, ցանկանում եմ ուսումնական կենտրոն բացել, ընդունելությունը սկսած տասներորդ դասարանից մինչև տասներկուերորդ ավարտական դասարանների համար հատուկ ուղղվածության, ինչպես նաև նույն շենքում գործելու է նույն ուղղվածության ինստիտուտ։ Ցանկանում եմ տեղեկատվություն ստանալ ուսումնական հաստատություն բացելու ընթացակարգի մասին։ Նախապես շնորհակալություն։

Բարև Ձեզ։ Ունենք աշխատակից ում ՀՀ քաղաքացիությունը դադարել է աշխատանքի ընդունվելուց մեկ շաբաթ հետո։ Վերջինս հանդիսանում է ՌԴ քաղաքացի։ Արդյո՞ք նրա հետ կնքված անորոշ ժամկետով աշխատանքային պայմանագիրը պետք է փոխել։ Եվ եթե հնարավոր է՝ կարո՞ղ եք ուղարկել օտարերկրացու հետ պայմանագրի օրինակ:

Տեսակը՝ գնդիկավոր
Գրելու մասի հաստությունը՝ 0,5 մմ
Իրանը՝ մետաղյա
Թանաքի գույնը՝ կապույտ

• Գրիչն ունի փաթեթավորում՝ նվիրելու համար

[product id=”68946″]

Արմինե.

Բարև ձեզ, հարգելի հաշվապահներ: Նման խնդրի առաջ ենք կանգնել. կազմակերպությունը (ՀՈԱԿ) վերանորոգման ընթացքում կորցրել է գույքի մատյանը: Ինչպե՞ս կարող ենք այն վերականգնել՝ հաշվել և սկսել գույքագրել 0-ի՞ց, չգիտենք մինչ վերանորոգումն ունեցած գույքի արժեքները։ Կա՞ արդյոք նման ծառայություն, որ օրիանական ձևով կգույքագրի, և ի՞նչ պատասխանատվության կարող ենք ենթարկվել: Ինչպե՞ս վարվել։

Հովհաննես.

Բարև ձեզ: Ցանկանում եմ ձեռք բերել ֆինանսիստի որակավորում: Կասե՞ք՝ ինչպե՞ս կարող եմ ստանալ:

Ռուզաննա.

Բարև Ձեզ։ Խնդրում եմ պատասխանել՝ հերթական արձակուրդները քանի՞ տարով են կարող երկարաձգել։ Կարո՞ղ է աշխատակիցը չգնալ արձակուրդ 3-4 տարի` կուտակելով այն հետագայում օգտագործելու նպատակով։ Կանխավ շնորհակալ եմ։

Տիգրան.

Բարև ձեզ: Չինաստանից քիմիկատներ՝ սննդային հավելումներ ներմուծելու համար մաքսազերծում կա՞, թե՞ հումքի համար մաքսազերծում չունենք: Եվ ի՞նչ փաստաթղթեր են պետք, Ա/Ձ-ն կարո՞ղ է ներմուծել նման ապրանք, թե՞ ՍՊԸ-ն: Շնորհակալ եմ պատասխանի համար:

Մարինե.

Բարև ձեզ: Չեմ կարողանում ներբեռնել e-invoicing ծրագիրը:

Ռոման.

Բարև ձեզ: Կազմակերպության աշխատակիցը հաճախում է ուսուցման դասերի: Ուսուցման վարձը վճարելու է կազմակերպությունը: Հարց. 1. Արդյո՞ք կազմակերպությունը վճարած ուսման վարձի համար պետք է վճարի եկամտային հարկ:
2. Հնարավո՞ր է դա շահութահարկից նվազեցնել:
3. Ուսուցման ծառայություն մատուցող կազմակերպությունը պետք է հաշիվը գրի աշխատակցի անունո՞վ, թե՞ կազմակերպության:

Անուշ.

Բարև ձեզ, սիրելի հաշվապահներ:
Մի քանի հարց ունեմ ձեզ։
1. Եթե ուսուցիչը ընդունվել է աշխատսնքի 15.09.21թ., բոլորի հետ հավասար ինքն էլ է գնում 42օր արձակուրդ, թե՞ աշխատած ամիսների համար է ստանում արձակուրդ:
2. Ուսուցիչը 01.09.20թ. վերադսրձել է երեխայի խնամքի արձակուրդից, իր արձակուրդային օրերը որքա՞ն է կազմելու:

Մարիամ.

Կարո՞ղ է հարգելի համարվել աշխատողի բացակայությունը, եթե բյուլետեն չունի, բայց ունի տեղեկանք:

Բարև ձեզ: Եթե արձակուրդի հաշվարկման ժամանակ միջինը նվազագույնից ցածր է, վերցնում ենք կեղտո՞տ, թե՞ մաքուր նվազագույն աշխատավարձը:

Բարև ձեզ:  Խնդրում եմ պատասխանել հետևյալ հարցերին․ 1. ՍՊԸ-ն գրանցելուց հետո հիմնադիրը պարբերաբար փոքր գումարներ է փոխանցել կազմակերպության հաշվին վճարումներ կատարելու համար (հարկերի, գնված ապրանքների վճարման համար)։ Ի՞նչ փաստաթղթավորում պետք է կազմել այդ գումարների համար: Ճի՞շտ է փոխառության պայմանագիր կազմելը այս դեպքում։ 2. Պարտադի՞ր է կազմել աշխատանքի վճարման տեղեկագիր, եթե աշխատավարձի վճարումը կատարվում է փոխանցումով։

Ես արդեն 2 տարի չեմ մուծել մեքենայի գույքահարկը ֆինանսական խնդիր ունենալու պատճառով, այս ամիս մուծման օրն է:  Հիմա ի՞նչ ես շատ կտուգանվեմ։ Այս ամիս կմուծեմ:

Անիմաստ է վարձել խելացի մարդկանց և ասել նրանց՝ ինչ անել։ Մենք վարձում ենք մարդկանց, որպեսզի նրանք ասեն, թե ինչ անենք մենք – Սթիվ Ջոբս, ամերիկացի գործարար

Նառա.

Պետական տուրքի մասին է հարցս. մետաղադրամներով ավտոմատների միջոցով սննդի կազմակերպում ԱՁ համար – հաշվեհամարը կխնդրեի: Շնորհակալ եմ:

Հարգելի հաշվապահներ, ոչ աշխատանքային օր՝ ամսի 5-ին, դպրոցում քննություն է: Նախարարությունից գրություն ենք ստացել, որ տալ վճարովի այլ հանգստյան օր կամ այդ օրը միացնել ամենամյա արձակուրդին։ Ուսուցիչներին 42 օր է հասնում, այժմ ովքեր քննության մեջ են եղել, ես տվել եմ 43 օր, ճի՞շտ է այդպես:

Բարև ձեզ: Տարակարգի գումարը ենթակա՞ է հարկման: Շնորհակալություն:

Մելինե.

Բարև ձեզ։ Եթե աշխատողը գտնվել է մինչև 3 տարեկան երեխայի խնամքի արձակուրդում, որի ավարտից հետո ազատվել է աշխատանքից՝ 2021թ.-ի մարտին, 2021-ի հունիս ամսին պետք է գնա ֆիզ., այդ դեպքում ինչպե՞ս է հաշվարկվում ֆիզ.-ը։

Անի.

Բարև ձեզ: Ես 2020 թվականի նոյեմբերի 19-ից ֆիզ. արձակուրդում եմ: Արդյո՞ք վճարովի արձակուրդային աշխատավարձ ստանալու եմ։ Կանխավ շնորհակալ եմ։

Շուշան.

Բարև Ձեզ, ես անհատ ձեռնարկատեր չհանդիսացող ֆիզիկական անձ միկրոձեռնարկատեր եմ և իրականացնում եմ հավելված 3-ով նախատեսված բնակչության պատվերով հագուստի արտադրություն և նորոգում։ Ներկայումս ցանկանում եմ նաև իմ կարած զգեստները վաճառել նաև էլեկտրոնային հարթակներում, որտեղ մարդիկ կմտնեն կգրանցվեն ու օնլայն կգնեն իմ աշխատանքները։ Հարցս հետևյալն է, արդյո՞ք կարող եմ շարունակել լինել միկրոձեռնարկատեր ֆիզ․ անձ։ Ճիշտն ասած իմ հարցի պատասխանը փորձեցի գտնել հարկային օրենսգրքում ու 267-րդ հոդվածում գտա միայն այն, որ միկրոձեռնարկատիրության սուբյեկտ չեն կարող լինել էլեկտրոնային առևտրի շրջանակներում առևտրական (առք ու վաճառքի) գործունեությամբ զբաղվող կազմակերպություններն ու անհատ ձեռնարկատերերը։ Արդյո՞ք ֆիզիկական անձ միկրոն մտնում է այս կատեգորիայի տակ և ի՞նչ է ասել առքուվաճառք, որ մեկ տեղից առնում և մյուս տեղ վաճառում ես, թե՞ եթե ինքս եմ արտադրում էլի առքուվաճառք է։ Կանխավ շնորհակալ եմ։

Լիաննա.

Բարև ձեզ, շրջհարկով աշխատող ՍՊԸ-ն ծառայություն է մատուցել մեկ այլ կազմակերպության, որի համար հաշիվ են դուրս գրել և վճարել, ինչպե՞ս պետք է ներառել այդ գումարը շրջհարկի հաշվետվության մեջ (ինչպե՞ս հարկել)։

Խաչատուր․

Որքա՞ն հարկ պետք է վճարվի անշարժ գույքը վարձակալության տալուց ստացվող եկամուտից:

Ընկերություն՝ HEM LLC
Հասցե՝ ք.Երևան, Արին Բերդի 12ա
Հեռախոս՝ +37441588060
Էլ․ փոստ՝ hr շնիկ hemon.am
Թափուր աշխատատեղ՝ հաշվապահ/կատարողական ակտերի կազմում
Աշխատանքի նկարագրություն՝

• Կատարողական ակտերի, նախահաշիվների կազմում
• Ապրանքանյութական արժեքների մուտքագրում, ելքագրում
• Նյութական արժեքների կոմպլեկտավորում
• Բեռնագրերի պատրաստում
• Հաշիվների ներմուծում և դուրս գրում
• Գլխավոր հաշվապահի կողմից տրված այլ հանձնարարությունների կատարում

Պահանջներ՝

• ՀԾ 7-ի և MS Excel -ի իմացություն
• Հաշվապահական, մաթեմատիկական կամ տեխնիկական բարձրագույն կրթություն
• Շինարարական ընկերությունում աշխատանքային փորձը կդիտվի որպես առավելոթյուն
• Մեծ ծավալի տեղեկատվության հետ աշխատելու ունակություն

Աշխատավարձ՝ 150 000 – 180 000

Աննա.

Բարև ձեզ: Ինձ կօգնեք հասկանամ՝ կազմակերպությունը (ՍՊԸ), որն աշխատում է շրջանառաության հարկով, գործունեության տեսակն է ավտոբուսով միջքաղաքային և ներմարզային կանոնավոր ուղևորափոխադրումներ, ազատված է ԱԱՀ-ից և շահութահարկից, ներկայացնում է պետ. տուրքի հայտարարություն: Ցանկանում է ձեռք բերել ավտոբուսներ լիզինգով: Կասե՞ք՝ լիզինգում նշված ԱԱՀ-ի գումարը ի՞նչ կարող եմ անել:

Մարինե.

Բարև ձեզ, հարգելիներս: Հարցս հետևյալն է, խնդրում եմ, մեկնաբանեք: Արդյո՞ք արձակուրդային կամ/և վերջնահաշվարկ հաշվարկելու ժամանակ, երբ աշխատողը աշխատում է կես դրույքով, միջին աշխատավարձը ստացվում է գործող նվազագույն աշխատավարձից քիչ, պետք է վերցնել նվազագույնի չափը: Ուսուցիչների դեպքում էլ հաշվարկի ժամանակ, եթե ստացվի նվազագույնից քիչ, օրենքի այդ կետը հաշվի առնելով, միջինը վերցնենք նվազագու՞յնը: Նախապես շնորհակալ եմ:

Անուշ.

Բարև ձեզ: Եթե աշխատակիցը ընդունվել է աշխատանքի 24.03.2020թ., աշխատում է 6-օրյա աշխատանքային գրաֆիկով և 14.06.2021թ. առաջին անգամ պետք է գնա արձակուրդ, քանի՞ օր պետք է տրամադրել արձակուրդ։

Մելանյա.

Բարև ձեզ: Աշխատավարձի ուշացման դեպքում հաշվարկված տույժի գումարը ավելացվում է հաջորդ ամսվա արդեն հաշվարկված աշխատավարձի՞ն, թե՞ ավելացվում և նոր հարկվում է:

Լուսինե.

Բարև ձեզ: Կասե՞ք, եթե որպես գրանցված աշխատող եղել եմ 4 ամիս՝ կստանա՞մ արդյոք դեկրետային: Ես դիմահարդար եմ և ֆիզ. արձակուրդում եմ գտնվում հունիսի 11-ից: Կասեք նաև, թե ե՞րբ կստանամ:

Արթուր․

Հարգելի գործընկերներ, բեռնափոխադրումներ իրականացնող կազմակերպությունը լիզինգով բեռնատար է ձեռք բերել, որի համար ստանում է ամսական հաշիվներ՝ ԱԱՀ-ով։ Հայտնի է, որ միջազգային բեռնափոխադրումները հարկվում են ԱԱՀ զրոյական դրույքաչափով։ Ճի՞շտ եմ հասկանում, որ լիզինգի հաշիվներում արտացոլված ԱԱՀ-ն ենթակա է դեբետագրման, և ի՞նչ նրբություններ կարող են առաջանալ այս դեպքում։ Շնորհակալություն։

Լաուրա․

Բարև ձեզ։ Քաղաքացիաիրավական պայմանագրով աշխատողի հետ պայմանագիր կնքելիս պե՞տք է նշել՝ համատեղությամբ է, թե ոչ։

Մանե․

Բարև Ձեզ, ինչպե՞ս են լրացնում շրջանառության տեղեկագիրը ապրանքանյութական հաշիվ գրքում։ Կանխավ շնորհակալություն։

Հարգելի հաշվապահներ, աշխատակիցս հուլիսի 3-ին գնում է երկարացված 42 օր արձակուրդ և ազատվում է, հուլիսի 2 օրվա աշխատավարձ և հուլիսի հաշվարկային արձակուրդը 13 000 է, իսկ օգոստոսը՝ 95 000: Այժմ դրոշմանիշային պահե՞մ հուլիսի համար 3 000 դրամ, օգոստոսին 1500 դրամ, նոր վճարե՞մ:

Դիանա.

Բարև ձեզ: Խնդրում եմ օգնել՝ ԱՁ եմ բացել և հիմա ուզում եմ էլեկտրոնային ներկայացնեմ ՊԵԿ-ին, դիմումի ձևը լրացնում եմ, որտեղ ՀԾՀ-ն լրացնում եմ, ծրագիրը ասում է, որ այդ ՀԾՀ-ով ֆիզ. անձ գոյություն ունի: Ես 2-րդ ամգամ եմ ID քարտ հանել, դա կապ ունի՞: խնդրում եմ ասել՝ ի՞նչ անեմ:
Եվս մի հարց. եթե քարտը ակտիվացնում ենք, համապատասխանաբար հավաստագրերի ակտիվացման համար գրում ենք նոր pin կոդեր, դրանից հետո արդեն ստորագրության համար, որի նո՞ր Pin կոդն ենք օգտագործում։ Նախապես շնորհակալ եմ։

Սիրարփի.

Բարև Ձեզ: Արդյո՞ք կա անձնական քարտ, ոչ թե թերթիկ, վարելու անհրաժեշտություն:

Սաթենիկ․

Բարև ձեզ: Ինչպե՞ս պետք է հաշվարկվի ամենամյա հերթական արձակուրդը, եթե առաջին կիսամյակում դպրոցը աշխատել է 6-օրյա, իսկ երկրորդ կիսամյակում՝ 5-օրյա ռեժիմով։

Յանա․

260. Ավելացված արժեքի հարկի և ակցիզային հարկի միասնական հաշվարկ հաշվետվությունը լրացնելիս 18-րդ կետը լրացնելիս վերցնում ենք տվյալ ամսում ստորագրված հաշիվ ապրանքագրերը, թե՞ տվյալ ամսում մատակարարվածը: Եթե հունվար ամսվա մատակարարվածը, օրինակ էլեկտրաէներգիան, ստացել եմ փետրվարին, ինչպե՞ս արտացոլեմ հունվար ամսվա հաշվետվության մեջ:

Մանե․

Բարև Ձեզ, կարո՞ղ եք օգնել հետևյալ հարցում․ ՌԴ ռեզիդենտ ֆիզիկական անձը տպագրական ծառայություն է մատուցում, որի դիմաց ստանում է վճարում ՀՀ ռեզիդենտ ՍՊԸ-ից։ Հարցս հետևյալն է․ արդյո՞ք առաջանում է եկամտային հարկ վճարման մասով, և խնդրում եմ օրենքի հղում։ Շնորհակալ եմ։

Անի․

Բարև ձեզ: Հարգելի՛ հաշվապահներ, քաղիրավական պայմանագիր կնքելիս հրաման գրվու՞մ է, և աշխատանքի ընդունման դիմում վերցվու՞մ է աշխատողից, իսկ ազատման ժամանակ հրամա՞ն: Պայմանագիրը պետք է կնքվի 3 ամսով հուլիսի 6-ից, վարձատրությունը՝ 3 ամսվա համար 50 000 դրամ միանվագ պայմանագրի վերջում: Եկամտայինի հաշվետվության մեջ հաջորդող հուլիս և օգոստոս ամիսները ի՞նչ պետք է լրացնել՝ 0, թե՞… ։ Քաղաքացիաիրավական պայմանագրի դեպքում աշխատակցին տաբելի մեջ պե՞տք է ներառել, թե՞…

Կանխավ շնորհակալություն:

Արթուր․

Բարև Ձեզ։ Դիզելային վառելիքի ներմուծման և մանրածախ վաճառքի հետ կապված ո՞վ կարող է ասել՝ ի՞նչ հարկման դաշտով պետք է աշխատել, և արդյո՞ք անհրաժեշտ է լիցենզիա։

Լաուրա.

Լրավճար հատկացնելու դեպքում հրամանի մեջ 178-րդ հոդվածի 3-րդ կետի 5-րդ մասը նշելուց բացի այլ հոդված ևս պետք է նշվի՞:

Լաուրա․

Բարև ձեզ։ Բուժաշխատողը նոր է ընդունվել աշխատանքի, արդյո՞ք կա նման օրենք, որ աշխատողը շաբաթ, կիրակի օրերին չպետք է հերթապահի։

Դիանա․

ԱՁ-ն բացելուց հետո ինչքա՞ն ժամանակում կարող ենք գործունեության սկսման դիմում՝ 207 ձևը տալ, և մի հարց էլ խնդրում եմ՝ մինչև սկսում տալը նոր գրանցված ԱՁ-ն ի՞նչ կարգավիճակ ունի, հարկեր հաշվարկվու՞մ են։ Նախապես շնորհակալ եմ։

Աննա․

Բարև Ձեզ։ Խնդրում եմ ասեք՝ ՍՊԸ-ն եթե ֆիզիկական անձից ձեռք բերի, օրինակ, գրքեր, պե՞տք է եկամտային հարկ հաշվարկվի, թե՞ միայն գնման ակտ ու վերջ։ Ու նաև եթե ձեռք է բերում օֆիսային գույք կանխիկ կամ մեկ այլ ապրանք ոչ վաճառքի նպատակով, այդ դեպքում ՀԴՄ կտրոնի վրա պարտադի՞ր է, որ նշվի ՀՎՀՀ-ն, իսկ եթե չի նշվում, ի՞նչ հետևանքներ կարող է լինել։ Կանխավ շնորհակալ եմ։