Ալինա․

Բարև ձեզ, հարգելի հաշվապահներ ջան: Իմ հիմնական աշխատանքից բացի զբազվում եմ նաև արտադրական գործունեությամբ, մասնավորապես ստեղծում և վաճառում եմ ձեռագործ զարդեր սոց․ հարթակներում (Facebook/Instagram): Հիմա մի ընկերության հետ համագործակցության համար (որն ինձ փոխանցումներ է անելու անկանխիկ) անհրաժեշտ է, որ ունենամ ՀՎՀՀ: Որոշել եմ գրանցել Ա/Ձ և դիմել միկրոյի համար: Հարցերս հետևյալն են.
1. Արդյո՞ք պարտադիր է ունենալ ՀԴՄ սարք
2. Արդյո՞ք տարեկան շրջանառությունը կարելի է ցույց տալ միայն հաշիվ ապրանքագրերով, և արդյո՞ք չի ստուգվի նաև սոց․ հարթակներում ներկայությունը

Գայանե․

Բարև Ձեզ։ Ժամանակավոր անաշխատունակության նպաստը և Մայրության նպաստը դրանք տարբեր նպաստներ են, թե՞ խոսքը նույն գումարի մասին է։

Աբրահամ.

Բարև Ձեզ: Կարո՞ղ եմ արդյոք օնլայն ստուգել ստաժի չափը, և ինչքա՞ն է 1 տարվա ստաժը։

Աննա.

Կազմակերպությունը գրանցված է Երևանում, ունի 2 գործունեության հասցե, մեկը Երևանում, մյուսը` մարզում։ Երևանում գործունեություն իրականացման մասով աշխատողների թիվը չի գերազանցում 10-ը (սակայն ընդհանուր աշխատողների թիվը 10+ է)։ Կարո՞ղ է գործատուն շարունակել աշխատավարձը վճարել կանխիկ եղանակով։ հ.գ. Օրենքում ասում է՝ Երևանում գործունեություն իրականացնող և 10+ աշխատող ունեցող: ՊԵԿ-ից ասացին՝ ճշտել Աշխ. և սոցապ նախարարությունից, այնտեղից էլ օրենքի հղում տվեցին և ասացին օրենքը մեկնաբանելու իրավասություն չունեն:

Մարինե.

Բարև Ձեզ: Կարող եք ասել՝ ի՞նչ է հարկավոր ՍՊԸ բացելու համար, ի՞նչ փաստաթղթեր են պետք:

Յանա.

Բարև Ձեզ։ Հարգելի հաշվապահներ, խնդրում եմ պատասխանեք։ Արդյո՞ք երկու կազմակերպություններ (երկուսն էլ համարվում են ԱԱՀ վճարող) կարո՞ղ են իրար միջև կնքել տրասնպորտային միջոցի անհատույց օգտագործման պայմանագիր։ Կանխավ շնորհակալություն։

Աննա.

Բարև Ձեզ: Հարցս հետևյալն է՝ մեկ օրով վարորդ ենք վարձել, որպեսզի տեղափոխի մեր կազմակերպության սարքավորումը՝ վերանորոգելու նպատակով: Արդյո՞ք պետք է կնքել քաղաքացիաիրավական պայմանագիր մեկ օրվա համար և վճարել եկամտային հարկ ե այլ վճարումներ:

Անի.

Հարգելի՛ հաշվապահներ, ԱԱՀ 07 ամսվա հաշվետվության մեջ ներառվու՞մ է հաշվարկային փաստաթուղթը, որը ստացել ենք 07 ամսին, բայց մինչ այսօր չենք հաստատել ինչ-ինչ պատճառով: Շնորհակալ եմ:

Արթուր.

Հիմնական միջոցներ ներմուծելիս ԱԱՀ-ն ներառվու՞մ է ինքնարժեքի մեջ:

Գայանե.

Բարև ձեզ: Կասեք՝ ինչպե՞ս կարող եմ օնլայն գրանցվել որպես անհատ ձեռներեց:

Անի.

Հարգելի հաշվապահներ, եթե հրամանով աշխատողին տեղափոխում ենք այլ աշխատանքի և նա սոց. փաթեթի շահառու է, ապա նորից 6 ամիս պետք է անցնի, թե՞ կրկին մնում է շահառու:

Սյուզի.

Կասեք խնդրեմ՝ միկրոյի աշխատողի մայրության նպաստը ինչպե՞ս է հարշվարկվում, օրենքի հղում կտաք:

Անահիտ.

Հարգելի հաշվապահներ, օգնեք խնդրեմ, վարորդի պաշտոնի պարտականությունների նկարագրությունը աշխ. պայմանագրում:

Սյուզի.

Բարև ձեզ։ Խնդրում եմ կասեք՝ ԱԱՀ և ակցիզ, հարկի միասնական հաշվարկի մեջ ԱԱՀ դեբետ բաժնում արդյո՞ք չպիտի գրվի Ե-ինվոյսինգով ստացված հարկային հաշիվների ընդհանուր գումարը։ Շնորհակալություն:

Բարև Ձեզ: Ընկերությունը իր մարդատար ավտոմեքենան պետք է խոտանի: Խնդրում եմ ասեք՝ ի՞նչ քայլեր պետք է անենք: Շնորհակալություն:

Անի.

Բարև ձեզ: Եթե աշխատողի աշխատանքային պայմանագիրն ավարտվում է սույն թվականի օգոստոսի 22-ին, այդ դեպքում ո՞ր օրով պետք է գրել հրամանը և ո՞ր օրը պետք է հարկայինով ազատել:

Էլլադա.

Բարև ձեզ: Աշխատակիցը 09.03.2021թ.-ից եղել է բյուլետենում, բայց 140 օրը լրացել է, և Taxservice-ում փոփոխություն չի կատարվել, 26.07-ին աշխատակցի համար պետք է լրացվեր «մինչև 3 տարեկան երեխայի խնամքի արձակուրդ» բաժինը: Տվյալ գործողությունը հնարավո՞ր է ուշացմամբ անել, և ի՞նչ հետևանքներ հնարավոր է լինի:

Անի.

Բարև ձեզ: Հարգելի՛ հաշվապահներ, կարո՞ղ եք ինձ գործուղման վկայականի լրացված օրինակ ուղարկել, բայց որ գործուղումը մի քանի օր տևած լինի, այլ ոչ թե մեկ: ani_santrosyan շնիկ yahoo.com Կանխավ շնորհակալ եմ:

Հայկ.

Բարև Ձեզ։
Եթե որոշակի ժամկետով աշխատանքային պայմանագիր եմ կնքում (օրինակ՝ 5 օրով) բացակայող աշխատողին փոխարինելու համար, արդյո՞ք խնդիր կառաջանա նվազագույն աշխատավարձի հետ կապված։
Շնորհակալություն։

Անի.

Հարգելի՛ հաշվապահներ, եթե ստացված էլեկտրոնային հաշիվը մուտք է արվել ՀԾ համակարգ և հետո այդ հաշիվը ճշգրտվել է, ապա ինչպե՞ս ձևակերպել ճշգրտված հաշիվը: Շնորհակալ եմ:

Անի.

Հարգելի հաշվապահներ, եթե աշխատակիցս ֆիզի փոխարեն ընդունվել է աշխատանքի և ֆիզի վերադառնալուց հետո կրկին ժամանակավոր փոխարինելու է ուսուցչի, մինչև մրցույթը կայանա, հիմա հրամանով պետք է կարգավորել, թե՞ ազատել նորից ընդունել:

Գառնիկ.

Բարև ձեզ:

Խնդրում եմ, ասացեք՝ ի՞նչ մաքսատուրքեր և հարկատեսակներ են կիրառվում ցեմենտի մաքսազերծման ժամանակ՝ ներմուծված Իրանից: Մասնավորապես, պետ. տուրքի մասին։

Շնորհակալություն:

Վառդգեռս.

Ինչպե՞ս գրանցվել միկրոձեռնարկատեր:

Անի.

Հարգելի հաշվապահներ, աշխատողի ազատման հայտը ե՞րբ պետք է տալ, եթե ազատվում է օգոստոսի 23-ին:

Աննա.

Ի՞նչ է նշանակում հարկային մարմնում առկա անձնական հաշվի քարտի տվյալների չկատարված ընդհանուր հարկային պարտավորություններից առաջացած տույժերը, տուգանքները, ապառքները, որոնց մեջ ներգրաված է եկամտային հարկ, շահութահարկ, սոց. վճար, շրջ.հարկ: Ինչպե՞ս պետք է մարվի բոլոր տույժերը, տուգանքները:
Ծանուցագիրը ուղարկել եմ:

Մանե.

Բարև ձեզ: Եթե աշխատողը աշխատել է 6 ամիս ու արձակուրդ է գնում, ինչպե՞ս է հաշվարկվում արձակուրդայինը:

Ան.

Հարգելի՛ հաշվապահներ, հուլիս ամսին ստացել ենք հարկային հաշիվ 142 200 դրամ` ԱԱՀ-ով, 2 տեսակի ապրանք, բայց հետ ենք վերադարձրել գնված ապրանքի 1 տեսակը, մնացել է 1 ապրանք` 7 020 դրամ արժողությամբ` ԱԱՀ-ով: Մեկ օր անց ճշգրտել են հարկային հաշիվը: Հարցս հետևյալն է. ԱԱՀ 260 հաշվետվության ձևի մեջ ճշգրտող հարկային հաշիվներով գործարքների ո՞ր տողում ներառել այդ 135 200 դրամը՝ 19 տողու՞մ: Արդյո՞ք այդ 135 200 թիվը ներառվում է 18 տողում, հետո նոր միայն հանվում մյուս տողում: Ինչպե՞ս վարվել: Կանխավ շնորհակալ եմ:

Քրիստինե.

Բարև բոլորին։ Մի հարց. եթե նախկին հաշվապահը հաշվետվությունները հանձնելուց նշել է ՍՊԸ-ի գործունեության մի տեսակը՝ 35 կետը, ի՞նչ է սպասվում կազմակերպությանը, հիմա հաջորդ հաշվետվության ժամանակ ավելացնենք երկրորդ կոդը, թե՞ ոչ: Ասեմ, կազմակերպությունը աշխատում է ԱԱՀ-ով։ Նախապես շնորհակալություն։

Սոնա.

Բարև Ձեզ։ Եթե աշխատակիցը ամբողջ ամիս բացակայել է աշխատանքից և ստացել բացականեր, այս դեպքում աշխատավարձ չի՞ ձևավորվում, հարկ չի՞ առաջանում, և ի՞նչ գործողություններ պետք է ձեռնարկել այս աշխատակցի նկատմամբ:

Անի.

Հարգելի՛ հաշվապահներ, ՀՀ տարածքում գործուղումների հետ կապված ի՞նչ փաստաթղթեր են կազմվում: Գիտեմ, որ պետք է հրաման, գործուղման վկայական և վերջում հաշվետվություն: Գործուղման վկայականի մեջ, եթե մեկնել են ուսումնասիրությունների նպատակով, այլ ոչ թե կոնկրետ վայր, կնքվու՞մ է: Ո՞ր փաստաթուղթը ե՞րբ է կազմվում: Վառելիքի ծախսն ինչպե՞ս ձևակերպել: Կանխավ շնորհակալ եմ:

Բարև Ձեզ, հարգելի հաշվապահներ: Մանկապարտեզ բացելու համար, եթե սննդի իրականացման պահով պայմանագիր եմ կնքում ԱՁ-ի հետ, որն իր հերթին համապատասխանում է ստանդարտներին, արդյո՞ք անհրաժեշտ է լիցենզիա հանել, և որքանո՞վ է իրավական։

Մելանյա.

Բարև ձեզ: Եթե անաշխատունակության թերթիկը շարունակելի է, ապա ամեն հաջորդ թերթիկի հաշվարկում պահպանվու՞մ է արդյոք` մեկ օր չի վճարվում, 5 օրը գործատուի հաշվին, մնացածը պետ. բյուջեի հաշվին:

Անուշ.

Բարև Ձեզ: Արցախում հաշվառված աշխատակիցների աջակցության մասով ի՞նչ պետք է անի գործատուն, հղում կա՞ իրավական ակտի, Gov.am-ում չգտա։

Անի.

Հարգելի հաշվապահներ, ամենամյա արձակուրդի ժամանակ աշխատողը արձակուրդի օր կուտակու՞մ է:

Ռուբ.

1) Եթե ֆիզիկական անձանցից կատարվում են գնումներ, հիմնական գործունեության իրականացման համար և այդ ֆիզիկական անձանց հետ կնքվում է ապրանքների ձեռքբերման պայմանագրեր ու միարժամանակ երկկողմանի գնման ակտեր, որոնց մեջ նշվում է անձի բնակության հասցեն, անձնագրային տվյալները և այլ օրենքնով սահմանված տվյալներ, ապա այդ կատարված ծախսեը ենթակա՞ են շահութահարկից նվազեցման և եկամտային հարկի մասով էլ ինչպիսի պարտավորություն է առաջանում: Վճարելու եմ 10%, թե՞ չեմ վճարելու, խոսքս վերաբերվում է հոդված 150-ի 13-րդ կետին, նշեմ նաև, որ ձեռքբերված ապրանքները գյուղատնտեսական նշանակության չեն։
2) Քաղ. իրավական պայմանագրի կողմ հանդիսացող անձին արդյո՞ք կարող են տրվել առհաշիվ գումարներ նյութեր ձեռքբերելու համար, թե՞ ոչ, եթե այո, ապա այդ պարագայում վերջինս պե՞տք է ներկայացնի հաշվետվություն:

Մարի.

Բարև ձեզ։ Կասեք, եթե աշխատանքից ազատել են, ես հնարավորություն ունե՞մ ստանալ 2 ամսվա համարժեք գումար + վերջնահաշվարկ + այս ամսվա աշխատավարձ։ Շնորհակալություն:

Տաթև.

Բարև ձեզ: Շնորհակալ եմ նման հարթակ ունենալու համար: Հարցս հետևյալն է. ի՞նչ մեխանիզմով է հաշվարկվում ֆիզ արձակուրդը, և եթե աշխատավարձը օրինակ՝ 105 000 է, ինչքա՞ն գումար կարող եմ ստանալ ֆիզ արձակուրդից:

Ռոման.

Բարև ձեզ, հարգելի հաշվապահաներ: Կազմակերպությունը համագործակցում է Յանդեքս կազմակերպության հետ: Խնդրում եմ նշեք քայլերը 0-ից, հաշվապահական ի՞նչ փաստաթղթեր են անհրաժեշտ, պայմանագիր կնքել, տաքսու վարորդերին արդյո՞ք պետք է գրանցել որպես աշխատանքային կամ քաղիրավական տարբերակով, արդյո՞ք տվյալ գործունեությունը կարող է միկրոյի շրջանակներում աշխատել և այլն:

Բարի օր: Հարցս հետևայլն է՝ ես գրանցված եմ որպես Ա/Ձ, վճարելու եմ ԱԱՀ, պե՞տք է գրանցեմ ինձ որպես աշխատող, վճարեմ եկամտային հարկ և դրոշմանիշային վճար՝ ամսական, թե՞ դա կարվի տարեկան կտրվածքով: Հարցս իմ մասին է, աշխատող չունեմ:

Արեգա.

Բարև Ձեզ, հարգելի հաշվապահներ: Ունեմ հարց՝ Չինաստանից ներկրված հիմնական միջոցի վերաբերյալ: Ապրանքի արժեքը ըստ ինվոյսի 2 500 USD, սակայն տարանցիկ հայտարարագրում ապրանքի մաքսային արժեքը 3 400 USD: Հարց 1. ԱԱՀ-ի միասնական հաշվարկի 17-րդ տողում՝ ՀՀ տարածք ներմուծված ապրանքներ, ո՞ր արժեքն է գրվում: 2. Տեղափոխման ծախսերը ներառվու՞մ է ապրանքի արժեքի մեջ և արտացոլվում նույն 17-րդ տողում:

Քրիստինե.

Բարև ձեզ: Որ խնդրեմ ներմուծման վերաբերյալ թղթաբանությանը և դրույքաչափերին ինչպե՞ս կամ որտեղի՞ց ծանոթանամ:

Անի.

Եթե ԱՁ-ն աշխատում է միկրոբիզնեսի ոլորտում` ինչքա՞ն դրոշմանիշային վճար պետք է վճարի:

Անի.

Բարև ձեզ: Հարգելի՛ հաշվապահներ, աշխատակիցը օգոստոս ամսվա 23-ից գնում է ֆիզ արձակուրդ: Ասացե՛ք խնդրեմ, եթե կազմակերպության ղեկավարը որոշել է վճարել օգոստոս ամսվա ամբողջ աշխատավարձը, մայրության նպաստի հաշվարկի ժամանակ օգոստոս ամիսը ամբողջությամբ ներառվու՞մ է: Հաշվարկի ժամանակ 12 ամիս հետ հաշվարկ անել, այսինքն՝ կլինի 2020թ. սեպտեմբերից մինչև 21թ. օգոստո՞ս: Միջին օրականը հաշվել 30.4-ով, բազմապատկել 140 օրո՞վ: Ստացված թվից հանել եկամտայինի 22% և վե՞րջ: Կանխավ շնորհակալ եմ օգնության համար:

Հայկ.

Բարև Ձեզ, հարգելի մասնագետներ: Եթե ՍՊԸ տնօրենը ընկերությանը պատկանող բանկային քարտով ներկայացուցչական ծախսեր է կատարել, օրինակ՝ վճարել է ռեստորանում, ինչպե՞ս պետք է ձևակերպել: Եվ ծախս ճանաչելու համար ի՞նչ փաստաթղթեր պետք է կազմել: Աշխատում է շրջհարկի դաշտում: Շնորհակալություն:

Ամալյա.

Քաղաքացիաիրավական հարաբերություններ պայմանագրով աշխատողի աշխատավարձի հաշվարկը ՍՊԸ-ում և պահումների մասին որտեղի՞ց կարող եմ օգտվել:

Յանա.

Բարև Ձեզ։ Խնդրում եմ պատասխանեք։ Ուզում եմ ընդունել աշխատանքի Ռուսաստանի Դաշնության կենսաչափական անձնագիր ունեցող անձի։ Գրանցում չունի՝ ոչ Ռուսաստանում, ոչ էլ Հայաստանում։ Կացության քարտ չունի, ունի ՀՀ սոցիալական քարտ։ Ես կարո՞ղ եմ կնքել աշխատանքային պայմանագիր, թե՞ պետք է կնքվի քաղիրավական պայմանագիր։ Կանխավ շնորհակալություն:

Սյուզի.

Բարև ձեզ։ Կասեք խնդրեմ՝ 209 հաշվետվությունը` հաշվարկ ոչ ռեզիդենտին վճ. շահութահարկի գումարի մասին, ո՞ր դեպքում, և ո՞ր հարկման ռեժիմում աշխատող կազմակերպություններն են հանձնում այս հաշվետվությունը։

Լուսինե.

Բարև Ձեզ: 2018 ԱՁ հանրային սննդի գործունեություն է իրականացնում: Կցանկանայի մանրամասնել: Տեղում որևէ սննդի արտադրություն չենք իրականացնում, վաճառում ենք սնունդ, որը ստանում ենք արտադրողներից՝ հիմնավորված փաստաթղթերով: Տեղում պատրաստվում է միայն տաք կամ սառը սուրճ, թեյ: Վաճառվում են նաև գազավորված ըմպելիքներ: Աշխատում է շրջ. հարկով, տրվել է 201 հայտի ձևը, դասակարգիչը՝ I5629.9: Թաղապետարանի թույլտվությունը նույնպես ունեմ: Այս տարի աշխատող եմ ընդունել, բայց ծախսերի մեջ չեմ ներառել: Կցանկանայի իմանալ՝ ամեն ինչ ճի՞շտ եմ վարում: Նախապես շնորհակալություն:

Հարգելի հաշվապահներ, ծառայության մատուցման հաշիվը սխալ եմ դուրս գրել և հաստատվել է։ 2021թ. փոխարեն մատուցման տարեթիվը նշել եմ 2020, և ծառայություն ստացողն էլ չի նկատել և այդպես հաստատել է։ Ինչպե՞ս ուղղեմ։

Ռուբ.

Բարև ձեզ, հարգելի հաշվապահներ։ ԱԱՀ վճարող կազմակերպությունը 02.08.2021-ին սխալմամբ ապրանքների մատակարարման հաշիվ դուրս գրելու փոխարեն դուրս է գրել ծառայությունների մատուցման հաշիվ։ Եթե հաշիվը չեղարկվի և կողմերի միջև արձանագրություն և ակտ կազմվի, ճի՞շտ կլինի, թե՞ որոշակի պատասխանատվություն կառաջանա։ Շնորհակալություն: