Նանե․

Բարի օր, սիրելի գործընկերներ։ Քաղաքացիաիրավական պայմանագրով ծառայություն մատուցող աշխատակիցը մահացել է, սակայն չի վճարվել մատուցված ծառայության դիմաց: Ինչպե՞ս վարվել։

Արմինե․

Բարև Ձեզ, հարգելի ոլորտի մասնագետներ, խնդրում եմ կօգնե՞ք ինձ հետևյալ հարցում. եթե աշխատակիցը գնում է հղիության և ծննդաբերության արձակուրդի (140 օր), այդ ժամանակահատվածի համար ամենամյա նվազագույն արձակուրդի օրեր կուտակվում ե՞ն, եթե այո՝ կխնդրեմ հղումը տալ: Կանխավ շնորհակալ եմ։

Աննա․

Բարև Ձեզ։ Կազմակերպությունը ֆիզիկական անձին գույք է վաճառել։ Ֆիզիկական անձը կարո՞ղ է կանխիկով բանկում մուտքագրել գումարը կազմակերության հաշվին, թե՞ պետք է իր հաշվից փոխանցել։

Եթե միկրոյով աշխատող ԱՁ-ն գերազանցել է 24 մլն-ը, պետք է ԱԱՀ դաշտու՞մ հարկվի։ Ամսվա կեսի համար հանձնի շրջանառության հարկի հաշվարկ, մյուսի համար ԱԱՀ՞։

Ընկերություն` ԱԼԻԳԱ
Հասցե` ք. Երևան, Մամիկոնյանց փող. 50
Էլ․ փոստ` allasargsyan26 շնիկ yahoo.com
Թափուր աշխատատեղ՝ Հաշվապահ
Աշխատանքային փորձը՝ 2 տարի

Նկարագրություն`
Հաշվապահական գրասենյակում անհրաժեշտ է փորձառու հաշվապահ: Պարտադիր պահանջներն են առնվազն 2 տարվա հաշվապահի փորձ, հարկային օրենսդրության և հարակից իրավական ակտերի վերաբերյալ անհրաժեշտ գիտելիքներ, հաշվարկներ և հասվարկային փաստաթղթերի օրենսդրությանը համապատասխան կազմելու և ներկայացնելու ունակություն, ՀԾ ծրագրին տիրապետում: Աշխատանքային ժամերը 10:00-ից 18:00, հնգօրյա գրաֆիկ: Աշխատավարձը կախված փորձից և գիտելիքներից: Ռեզյումեները կարող եք ուղարկել allasargsyan26@yahoo.com

Կարեն․

Բարև Ձեզ, 3-րդ երկրներից հագուստի ներկրում իրականացնող և իրացնող Ա/Ձ-ն ի՞նչ մաքսային վճարներ, պետական հարկեր պետք է կատարի։ Կխնդրեմ նշել թե շրջանառության հարկի դեպքում և թե ընդհանուր հարկման դաշտի դեպքում առաջացող հարկերը և վճարները, շնորհակալություն։

Արև․

Բարև Ձեզ։ Անշարժ գույքը իրացվել է կադաստրային արժեքից պակաս գնով: ԱԱՀ-ն հաշվարկվել է կադաստրային արժեքի 80 տոկոսից: Հարցս հետևյալն է՝ ԱԱՀ հաշվարկի մեջ որտե՞ղ պետք է գրվի իրացման գնով հաշվարկված ԱԱՀ-ի և կադաստրային արժեքից հաշվարկված ԱԱՀ-ի տարբերությունը, 10-րդ տողու՞մ։

Գայանե․

Բարև Ձեզ, տրված է հետրյալ խնդիրը․

Հաշվետու ամսվա սկզբին “Կրեդիտորական պարտք” հաշվի սկզբնական մնացորդը կազմել է 130 000 դրամ: Հաշվետու ամսվա ընթացքում “Կրեդիտորական պարտք” հաշվի կրեդիտային շրջանառությունում արտացոլված են հետևյալ գործառնությունները. հաշվանցում դեբիտորական պարտքի հետ՝ 10 000 դրամ, ստացված զեղջ՝ 5 000 դրամ և ձեռք բերված ապրանքների ետ վերադարձ՝ 13 000 դրամ: Նույն ժամանակահատվածում հաշվի դեբետային շրջանառությունում արտացոլվել են հետևյալ գործառնությունները. անկանխիկ գնում՝ 30 000 դրամ, կրեդիտորական պարտքի մարում 90 000 դրամ և տրված զեղջ՝ 5 000 դրամ: Պահանջվում է հաշվել “Կրեդիտորական պարտք” հաշվի մնացորդը հաշվետու ամսվա վերջին՝ անհրաժեշt ուղղումներ կատարելուց հետո:

Շնորհակալ կլինեմ օգնեք լուծելու այս խնդիրը, եթե հնարավոր է` քայլերը բացատրեք:

Դիտել այլ հաշվապահական խնդիրներ

Ինչու՞ ընտրել հաշվապահական հաշվառումը որպես մասնագիտություն

Արեգա․

Խնդրում եմ ասել ցորենի օղու ակցիզային հարկի դրույքաչափը և հաշվարկի ձևը:

Նարե․

Հարգելի հաշպահներ, եթե կազմակերպությունը գտնվում է ծանր ֆինանսական դրության մեջ, ապա կարո՞ղ է աշխատակիցը դիմում գրել ազատման մասին և տալ համաձայնություն վերջնահաշվարկ չկատարելու մասին, քանի որ գործատուն չի կարող վճարել վերջնահաշվարկի գումարը։

Նարե․

Բարև Ձեզ, հարգելի հաշպահներ։ Հսկիչ դրամարկղային մեքենայի կիրառության կանոնների խախտման հետևանքով ԱՁ-ին՝ համաձայն ՀՕ 416 հոդվածի, առաջադրվել է տուգանք։ Օրենքով սահմանված 10-օրյա ժամկետում տուգանքը չմարելու դեպքում հարկային ի՞նչ հետևանքներ կարող են առաջանալ (լրացուցիչ տույժ, տուգանք և այլն)։ Խնդրում եմ նշել նաև համապատասխան հոդվածի հղումը։

Վահագն․

Բարև Ձեզ։ ԱՁ-ն զբաղվում է ավտոպահեստամասերի վաճառքով և աշխատում է շրջ. հարկով։ Մի տարի առաջ ամբարձիչ սարքավորում ներմուծեցինք ՌԴ-ից, ավտոտեխսպասարկման կետ բացելու համար, բայց սպասարկման կետը չբացվեց, և հիմա այդ հիմնական միջոցը այս տարի վաճառեցինք։

Հիմա հարց․ այդ գույքի վաճառքի գումարը պետք է գրեմ շրջ. հարկի հաշվետվության առևտրի տողում, թե՞ 16 տողում (Այլ գործունեությունից կամ այլ ակտիվների օտարումից ստացվող եկամուտներ)։ Եվ ամենակարևորը՝ ի՞նչ դասակարգիչ նշեմ հաշվետվության մեջ։ Նույն դասակարգիչն, ինչ որ ավտոպահեստամասերի վաճառքի դեպքում։

Նարինե․

Բարև Ձեզ։ Մարզում գյուղատնտեսական գործունեություն ծավալող ֆիզ․ անձը, որը զբաղվում է հատապտղի արտադրությամբ, նախատեսում է գրանցվել որպես ԱՁ , ի՞նչ հարկեր պետք է վճարի։

Ընկերություն՝ Հայր և որդի Երեմյաններ ՍՊԸ
Հասցե՝ Տերյան 8
Հեռախոս՝ 098594870
Էլ․ փոստ՝ hr@yeremyanprojects.com
Թափուր աշխատատեղ՝ Ավագ Հաշվապահ
Աշխատանքի նկարագրություն՝

• Հարկային և կից օրենսդրությամբ սահմանված հաշվետվությունների կազմում
• Հաշվապահական հաշվառման վարում
• Հաշվապահական փաստաթղթերի և փաստաթղթաշրջանառության ձևակերպում, պահպանում և սահմանված կարգով արխիվացում
• Բանկային հաշիվների շարժի ձևակերպում
• Հիմնական միջոցների հաշվառում
• Գործընկերների դեբիտորների/կրեդիտորների վերստուգում
• Դեբիտորական և կրեդիտորական հաշիվների վերլուծությունների իրականացում
• Աշխատավարձի հաշվարկ
  
  Պահանջներ՝
  
• Բարձրագույն տնտեսագիտական կրթություն
• ՀԾ-ի գերազանց իմացություն
• MS Office ծրագրերի իմացություն
• Նվազագույնը 4 տարվա հաշվապահական աշխատանքային փորձ
• Լարված իրավիճակներում աշխատելու ունակություն
• Թիմում աշխատելու հմտություններ
• Պատասխանատվության բարձր զգացում և մարդկային բարձր որակներ

Հաշվապահական հաշվառում – պատմություն

Հաշվապահական հաշվառումը ֆինանսական գործարքների գրանցման, վերլուծության և մեկնաբանման համակարգված գործընթացը, ունի նույնքան հարուստ և բազմազան պատմություն, որքան ինքը՝ քաղաքակրթությունը: Հաշվապահական հաշվառման ակունքները կարելի է գտնել հին Միջագետքից՝ մոտ 7 000 տարի առաջ, որտեղ հաշվապահներն օգտագործում էին կավե տախտակներ՝ գյուղատնտեսական առևտրի մասին գրառումներ պահելու համար: Ֆինանսական գործարքները կառավարելու և գրանցելու անհրաժեշտությունը մեծացավ քաղաքների և առևտրի աճով, ինչը հանգեցրեց ավելի բարդ հաշվապահական մեթոդների զարգացմանը:

Հին Եգիպտոսում հաշվապահությունը վճռորոշ նշանակություն ուներ փարավոնների և պետության հարստությունը կառավարելու համար: Դպիրները մանրամասն հաշվառում էին վարում մշակաբույսերի բերքատվության, հարկերի և աշխատուժի մասին: Նմանապես, Հին Հունաստանում հաշվապահական հաշվառումը անբաժանելի էր պետական կառավարման և առևտրի համար, ինչի վկայությունն է ֆինանսական փաստաթղթերի օգտագործումը ժողովրդավարական կառավարմանն աջակցելու համար:

Հռոմեական կայսրությունը հետագայում զարգացրեց հաշվապահական պրակտիկան՝ ներմուծելով համապարփակ համակարգ, որը հայտնի է որպես «Codex», որը ներառում էր հանրային հաշիվներ, մանրամասն ֆինանսական հաշվետվություններ և աուդիտներ՝ հսկայական կայսրության ֆինանսները կառավարելու համար: Այս ժամանակաշրջանը նշանավորեց կրկնակի հաշվապահական հաշվառման սկիզբը, թեև այն պաշտոնականացված չէր մինչև Վերածննդի դարաշրջանը:

Արմեն․

Ես ուզում եմ իմանալ՝ կազմակերպությունը, որի աշխատակիցը օրենքով չի կարող աշխատել հերթափոխը 24 ժամ ռեժիմով, բայց կազմված է 24 ժամյա հերթապահության գրաֆիկ և հերթապահում է 24 (1 կեսօվա ընդմիջումը) ռեժիմով ամեն 4-րդ օրը տաբելով վարձատրվում ամիսը 168 ժամի համար, ինչպե՞ս պետք է հաշվարկվի ամսական աշխատավարձը։

Նունե․

Բարև Ձեզ, կասե՞ք՝ ապրանքի անվանման համար պե՞տք է դիմել մտավոր սեփականության գրասենյակ: Օրինակ, եթե ԿԴՎ ԳՐՈՒՊ-ն արտադրում է Յաշկինո ապրանքատեսակ։

Գայանե․

Բարև Ձեզ։ Խնդրում եմ պատասխանել՝ կազմակերպությունը 2023թ ապրիլի 1-ն ձեռք է բերել 1 500 000 դրամով սարքավորում, որը տեղակայվել է 2023թ մայիսի 1-ն՝ դառնալով մատչելի օգտագործման համար: Սակայն սարքավորման շահագործումը սկսվել է 2023թ հուլիսի մեկից: Որքա՞ն կկազմի սարքավորման մաշվածության ծախսը 2023թ դեկտեմբերի 31-ին, եթե սարքավորման օգտակար ծառայության ժամկետը 8 տարի է։

Հայկ․

Բարև Ձեզ: Եթե ՍՊԸ հիմնադրին բանկով փոխանցվում է միջանկյալ շահաբաժին, ապա տվյալ ամսվա եկամտայինի հաշվարկում արդյո՞ք հարկը պետք է հաշվարկել և վճարել բյուջե: Եթե ոչ, ապա ինչպե՞ս է միջանկյալ շահաբաժինների վճարման կարգը։

Նարինե․

Բարև Ձեզ։ Եթե աշխատում եմ ՀՀ-ում հեռահար, գտնվում եմ Հայաստանից դուրս, մայրության արձակուրդից կարո՞ղ եմ օգտվել։ Անաշխատունակության թերթիկը ներկայացնելու եմ, քանի որ հաշվառված եմ բուժ․ հիմնարկում կանանց կոնսուլտացիայում: Ի՞նչ խնդիր կարող է առաջանալ։

Աննա․

Հարգելի հաշվապահներ, շրջհարկով աշխատող ՍՊԸ ցանվանում է ԵՏՄ ներմուծի միկրոավտոբուս, ասում են՝ եռակողմ պայմանագրի հիման վրա ԱԱՀ չի առաջանում, ուզում եմ հասկանալ՝ նման օրենք կա՞։ Կանխավ շնորհակալ եմ։

Կարեն․

Մեր ՍՊԸ զբաղվում էր մաքրման ծառայություններով, և մայիսի 15 -ից դադարեցնում է գործունեությունը։ Խնդրում եմ ասեք, թե արդյոք պետք է համապատասխան հայտարարություն տալ հարկայինին գործունեությունը ժամանակավորապես դադարացնելու մասին, թե ոչ, և եթե այո, ապա ինչպե՞ս պետք է դա անել՝ էլեկտրոնային տարբերակով, թե՞ թղթային։
Կանխավ շնորհակալություն։
Հարգանքով Կ․Գրիգորյան

Հայկ․

Բարև Ձեզ։ Անհատույց ապրանք է ստացել ԱԱՀ վճարող կազմակերպությունը։ Մատակարարը հաշիվ է գրել ընդհանուր 500 000 ՀՀ դրամ արժեքով, սակայն լրացուցիչ տվյալներում գրել է, որ անհատույց է։

Հարց 1 – Արդյո՞ք մատակարարը ճիշտ է գրել հաշիվը, թե՞ պետք էր գրել զրոյական հաշիվ։

Հարց 2 – Կասե՞ք՝ որպես գնորդ ի՞նչ հաշվապահական ձևակերպումներ տամ։ Որպես գնորդ այդ 500 000 դրամի չափով պե՞տք է եկամուտ ճանաչեմ։

Հարց 3 – Եթե անհատույց եմ ստացել, բայց հաշիվը 500 000 ՀՀ դրամ արժեքով է, ինչպե՞ս պետք է կրեդիտորական պարտքը զրոյացնել։

Եթե ընկերությունը ԵՏՄ երկրներից ներմուծում է ապրանք, և հաշվի մեջ գրված է նաև բեռնափոխադրում առանձին տողով, այդ դեպքում ԵՏՄ գործարքներում պետք է գրվի միայն ապրանքի արժեքը, թե՞ ավելացրած բեռնափոխադրման արժեքը, որը տվյալ դեպքում կհարկվի 20%-ով։

Լիանա․

Արդյո՞ք պետք է ոչ ռեզիդենտ կազմակերպությունը կանգնի հաշվառման հարկային մարմնում, եթե մատուցում է էլեկտրոնային ծառայություններ։

Եթե ՀՀ ռեզիդենտը մարքեթինգային ծառայություն է ստացել Դուբայի ռեզիդենտ կազմակերպությունից, այս դեպքում նշված ծառայության համար ինքնահաշիվ պե՞տք է գրվի, թե՞ ոչ, և ոչ ռեզիդենտի շահութահարկ առաջանու՞մ է, թե՞ ոչ։

Նանե․

Բարի օր։ Հաշիվ վավերագիրը, որը դուրս է գրվել 2 ամիս առաջ, երկրորդ կողմը ստորագրել է, սակայն կարիք կա չեղյալ համարելու: Հնարավո՞ր է, թե՞ խնդիր կառաջանա։

Արմինե․

Բարև Ձեզ, հարգելի գործընկերներ: Խնդրում եմ ասեք՝ արձակուրդի ընթացքում, ընտանիքի անչափահաս երեխաներին խնամելու անաշխատունակության թերթիկի առկայության դեպքում (7օր), արդյո՞ք արձակուրդի ժամկետը երկարացվում է և ի՞նչ կարգով է իրականացվում վճարում: Շնորհակալություն:

Վահագն․

Հարգելի հաշվապահներ, եթե ՍՊԸ տնօրենը կանխիկ Վրաստանի խանութից ՀԴՄ կտրոնով ձեռք է բերել ապրանքներ, և այդ ապրանքները հետո ՍՊԸ- ն վաճառում է ՀՀ ում, ՀԴՄ կտրոնները համարվու՞մ են ծախսը հիմնավորող։ Եթե կա օրենքի հղում կամ պարզաբանում՝ խնդրում եմ նշեք:

Վահագն․

Բարև Ձեզ։ Հետաքրքիր է, եթե ԱՁ-ն, որը աշխատում է միկրոյով կամ շրջ. հարկով, իր կանխիկ ստացված հասույթները պարտադիր պե՞տք է մուտք անի իր բանկային հաշիվ մի քանի օրը մեկ, թե՞ կարող է միայն որոշ վճարումներ կատարելու համար մուտք անի բանկային հաշիվ։ Եվ եթե պարտադիր չէ, ապա բանկային հաշիվ մուտք արվող կանխիկ գումարի սահմանափակում կա՞, օրինակ չպե՞տք է գերազանցի 300 000 դրամը։ Օրինակ, ԱՁ-ն պետք է կատարի վարկի վճարում, որը գերազանցում 300 000 դրամը, կամ պետք է վճարի ապրանքի ձեռք բերման համար, կարո՞ղ է օրինակ մուտք անել բանկային հաշիվ միանգամից կանխիկ 500 000 դրամ վճարումներ կատարելու համար։ Ոնց հասկանում եմ՝ ԱԱՀ-ով չհարկվող ԱՁ-ի վրա չի տարածվում դրամարկղային գործառնության մասին օրենքը։ Իսկ անկանխիկ օրենքը իմ բերված օրինակով մի քիչ անհասկանալի է։

ԱՁ-ն որը չունի դրամարկղի գիրք, քանի որ ԱԱՀ-ով չի հարկվում, այլ աշխատում է շրջ. հարկով, եթե իր վաճառքներից ստացված կանխիկ գումարի մի մասը մուտք անի իր բանկային հաշվին հենց բանկում, ոչ թե վճարային տերմինալի միջոցով, այդ գործարքը կհամարվի կանխի՞կ, թե՞ անկանխիկ։ Եվ կա՞ ինչ որ գումարային սահմանափակում։

Լիլի․

Բարև Ձեզ։ Եթե աշխատողը երկարատև ժամանակ գտնվում է ժամանակավոր անաշխատունակության մեջ, ներկայացնում է թերթիկ, բայց մեկ շաբաթ ընդմիջում է (բացակա), այնուհետև նորից ներկայացնում է բյուլետեն, ապա դա համարվու՞մ է նոր դեպք, և պետք է հաշվարկել 5 օր գործատուի, 5 օր պետության միջոցների հաշվին։

Գայանե․

Բարև Ձեզ: Խնդրում եմ ինձ օգնել՝ ինչպե՞ս է իրականացվում ԱԱՀ դեբետի վերադարձը։ Ինչպե՞ս է վերադարձման կարգը, և ո՞ր համարի հաշվետվությունով կարող եմ ԱԱՀ-ի դեբետի ետ վերադարձ անել։ Կանխավ շնորհակալ եմ:

Եվա․

Բարև Ձեզ, որ խնդրեմ՝ կասե՞ք, թե Վեռո համակարգում (tax stamp) ինչպես են գրանցվում։

Արմեն․

Բարև ձեզ։ Ես հաշվապահ չեմ և ուզում եմ իմանալ՝ որքա՞ն է կազմում պայմանագրով օրական 8 ժամյա աշխատանքի վճարումը, եթե աշխատում ես հերթափոխով ամիսը 192 կամ 168 ժամ, շաբաթական 48 ժամ, որից գիշերային ժամերը կազմում է 64 կամ 56 ժամ։ Տվյալ դեպքում որո՞նք են արտաժամյա հաշվարկվում։ Աշխատավարձը՝ 75 000 դրամ նվազագույն։ Որ ժամից է այս պարագայում արտաժամյա հաշվարկվում՝ շաբաթական 40 ժամի՞ց ավելի, թե՞․․․

Գոհարիկ․

Բարև ձեզ։ Ֆիզ. անձը պետք է ներկայացնի եկամուտների հայտարարագիր՝ որպես համայնքային ոչ առևտրային կազմակերպություն, սակայն նա ունեցել է ԱՁ իր անունով, որը դադարեցրել է (կամ փակել)։ Այս պարագայում եկամուտները ո՞ր կետով են նշվում։

Շուշանիկ․

Բարև ձեզ։ Ֆիզ. անձը պետք է ներկայացնի եկամուտների հայտարարագիր՝ որպես առևտրային կազմակերպությունում բաժնետոմս ունեցող, սակայն նա ունի նաև ԱՁ իր անունով։ Այս պարագայում եկամուտները ո՞ր կետով են նշվում։

Վարդինե․

Բարև ձեզ, հարգելի խմբակիցներ, խնդրում եմ օգնել․ ԱՁ-ն, որը աշխատում է շրջանառության հարկով, ծառայության պայմանագիր է կնքել ՍՊԸ-ի հետ, որպեսզի կատարի ներքին հարդարման աշխատանքներ, ինչպես նաև աստիճաների և տախտակամածների կառուցում, ակտը կամելու ենք ըստ կատարված աշխատանքների ծավալի։

Հարց 1-ին․ նշված աշխատանքների համար ընդունել ենք աշխատակիցներ, սակայն լիցենզիա պարտադի՞ր է, թե՞ ոչ, խնդրում եմ պատասխանել

Հարց 2-րդ․ ծառայությունների մատուցման հաշիվ ենք գրելու ըստ կատարված աշխատանքների, այլ հաշվետվություններ կա՞ն հետևյալ գորունեւթյան հետ կապված

Սիմոն․

Բարեւ Ձեզ։ Մենք ստեղծել ենք հարթակ, որտեղ տարբեր խանութներ կարող են վաճառել իրենց ապրանքները, ինչպես օրինակ՝ Ozon-ում կամ Wildberries-ում: Մենք չենք գնում և վաճառում, մենք միայն տրամադրում ենք վաճառքի և առաքման ծառայություն մեր հարթակի միջոցով և ստանում ենք ֆիքսված միջնորդավճար: Կազմակերպությունը գրանցել ենք՝ ըստ գործունեության տեսակների, որպես օնլայն վաճառք։ Ի՞նչ տեսակի հարկեր պետք է վճարենք:

Եվա․

Բարև Ձեզ։ Կասե՞ք՝ եթե շրջանառության հարկի դաշտում աշխատող կազմակերպությունը իրականացնում է ավտոյուղերի, քսայուղերի, ապակիների մաքրող միջոցների արտադրություն, և արտադրության մեջ օգտագործում է այնպիսի նյութեր, որոնք փաստաթղթով չի ստացել, հարկ առաջանու՞մ է դրանից, կամ դրանք ուղղակի կոմպլեկտավորման մեջ չենք ներառում, չէ՞։

Շուշանիկ․

Բարև ձեզ։ Եթե շրջանառության հարկով աշխատող կազամկերպությունը պետական ռեգիստրում գրանցվելու օրվանից գործունեություն չի ծավալել, ունի երկու գրանցված աշխատող, ապա գործունեությունը ժամանակավորապես դադարեցնելու դեպքում արդյո՞ք զրոյական հաշվարկներ (շրջանառության հարկի, եկամտային հարկի) ներկայացնելը սխալ է։

Նարե․

Բարև Ձեզ։ Հարգելի հաշվապահներ, եթե ԱՁ-ի գործունեություն դադարի ժամկետը նշված է ապրիլի 1-ից, ապա ապրիլի համար հաշվետվություններ ներկայացվո՞ւմ են` զրոյական եկամտային հարկ, 2-րդ եռամսյակի շրջհարկ։

Աննա․

Բարև ձեզ։ Ես ապրում եմ Հայաստանում, բայց ունեմ եկամուտներ ԱՄՆ-ից վաճառքի ոլորտում: Այնտեղ տվել եմ դիմում, որ բոլոր հարկերը կվճարեմ Հայաստանում: Խնդրում եմ օգնեք հասկանալ քայլերի հերթականությունը հարկերը Հայաստանում վճարելու համար: Պե՞տք է գրանցել ԱՁ, թե՞ ՍՊԸ։ Ի՞նչ հարկեր պետք է վճարեմ այս դեպքում:

Сергей.

Добрый день, купил квартиру в январе за 10 млн, продал в декабре за 12 млн. Нужно ли платить подоходный налог и сколько?

Արմեն․

Հարգելի հաշվապահներ, ասացեք խնդրեմ՝ որքա՞ն կկազմի 24 ժամյա աշխատողի աշխատավարձը, եթե նա կատարում է 24 ժամյա հերթապահություն ամեն 4-րդ օրը, բայց պայմանագրով նշված է 6-օրյա աշխատանքային շաբաթ, և աշխատելու է ըստ հերթափոխի ու նշված չէ 24 ժամյա հերթապահություն աշխատավարձը նվազագույն աշխատավարձը և ֆիքսված է ժամավճար ու չի ներառվում ԱՕ ի 139 հոդվածով։ Գիտեմ՝ չի թույլատրվում նման գրաֆիկով աշխատանք, բայց որքա՞ն է կազմում տվյալ դեպքում արտաժամյա աշխատանքի շաբաթական 40 ժամից ավել աշխատանքը, թե՞ հերթափոխը ութ ժամից աշխատած ժամանակահատվածը (հերթապահությունը) և եթե կարելի է աշխատավարձի հաշվարկի ձևը կուզենայի նաև իմանալ հանգստյան օրերի աշխատանքը տվյալ դեպքում կիրակի օրերը, եթե ըստ գրաֆիկի է, վճարվում է կրկնակի, թե՞ ոչ։

Ավետ․

Բարև Ձեզ։ Նոյեմբեր-դեկտեմբեր ամիսներին տոնածառի խաղալիքներ ենք պլանավորում վաճառել, բայց դեռ չենք ուզում ԱՁ կամ ՍՊԸ բացել։ Եթե հիմա Գլոբբինգով Չինաստանից պատվիրենք, մաքսային կամ հարկային օրենքների հետ խնդիրներ կունենա՞նք, թե՞ ուղղակի մաքսավճար պետք կլինի վճարել։

Աննա․

Բարև Ձեզ։ Եթե ՍՊԸ-ն մեքենա է վաճառել ֆիզ․ անձին, դուրս է գրել հաշիվ վավերագիր, ինչպե՞ս պիտի ուղարկվի, և ինչպե՞ս պետք է ֆիզ․ անձը ստորագրի։

Գառնիկ․

Ռուսաստանից անձնական օգտագործման մեքենա ներկրելուց ի՞նչ հարկեր պետք է վճարեմ:

Անահիտ․

Բարև Ձեզ։ Ինձ կօգնե՞ք մի հարցով։ ՊԵԿ հաշվետվությունները TIME-ի MIDով ստորագրում ուղարկում եմ, բայց հաշվարկային փաստաթղթերը չի ստորագրում՝ բերելով հաղորդագրություն “Սխալ հեռախոսահամար (գոյություն չունեցող կամ MobileID ծառայությունը չակտիվացրած հեռախոսահամար)”։

Լամարա․

Բարև բոլորին: Խնդրում եմ պատասխանել: Եթե մարտ ամսվա համար չի լրացվել էլ. դրամարկղային գիրքը, ու ամիսը փակվել է, ու՞մ դիմել, որպեսզի բացեն մարտը լրացնենք, նոր ապրիլը ու փակենք: Կարելի՞ է արդյոք մարտի ու ապրիլի ֆիսկալները մի մուտքով գրանցել ապրիլի վերջին:

Մելինե․

Հարգելի հաշվապահներ, ծառայությունների մատուցում է, աշխատում ենք բիլինգային ծրագրով։ Ամսվա սկզբին, երբ բաժանորդների քանակով ձևակերպում եմ հասույթ ՝ դտ 2212 կտ 6114 / 7 000 000, ինչպե՞ս ՀԾ -ով վարել գործընկերային հաշվառում, եթե ես չգիտեմ այդ 7 մլն-ից որքանը կվճարվի Թելսելով, որքանը Իզիփեյով, և որքանը գրասենյակում ՀԴՄ-ով: Ինչ որ բան չեմ պատկերացնում ճիշտ։