Իրինա․

Հարգելի հաշվապահներ, հարցս հետևյալն է՝ ինտերնետային կայքից վաճառք է իրականացվում ավիատոմսերի, իրավաբական անձանց դեպքում դուրս եմ գրում հաշիվ վավերագիր Բ սերիայի, իսկ ֆիզ․ անձանց դեպքում ինչպե՞ս պետք է հիմնավորեմ իմ իրացումը: Յուրաքանչյուր ֆիզ․ անձի անունով հ/ա դուրս գրելը ինչքանո՞վ է ճիշտ կամ ռացիոնալ։

Գոռ․

Բարև Ձեզ։ Հյուրանոցային համարը ամրագրել են Expedia-ի միջոցով , հիմա Expedia միջնորդավճարի հաշիվ է դուրս գրել։ Խնդրում եմ կասե՞ք իմ քայլերը՝ պե՞տք է ինքնահաշիվ գրել, թե՞ ոչ։

Անահիտ․

Բարև, հարգելի հաշվապահներ, այսպիսի հարց․ Հայկական ռեզլդենտ կազմակերպությունը Հայաստանից դուրս ծառայություն է մատուցել, պետք է դուրս գրի ծառայության մատուցման հաշիվ վավերագիր։ Ծառայության մատուցման ամսաթիվն է 31․07․2024թ․, ո՞ր օրվա կուրսն եմ հաշվում 30․07․2024թ, թե՞ դուրս գրման նախորդ օրվա։

Նոնա․

Ողջույն, հարգելի հաշվապահներ: Ոչ ռեզիդենտ ֆիզիկական անձին մատուցվել են միջազգային բեռնափոխադրման ծառայություններ ռեզիդենտ կազմակերպության կողմից: Կարո՞ղ է ռեզիդենտ կազմակերպությունը հաշիվը (ինվոյս) ներկայացնել արտարժույթով, և մատուցված ծառայությունների դիմաց գումարը ստանալ արտարժույթով:

Հերմինե․

Բարև Ձեզ: ԱՁ-ն աշխատում է միկրոյով, և մատակարարում է ձուկ, կարո՞ղ է արդյոք հաշիվ դուրս գրել այն կազմակերպությանը, ում ապրանք է մատակարարել։ Նշեմ, տվյալ ԱՁ-ն ասել է միայն կարող են քարտային հաշվեհամարին գումար փոխանցել։ Արդյո՞ք դա խնդիր չի առաջացնի ապրանքները ձեռք բերող կազմակերպության համար։

Նարեկ․

Բարև Ձեզ։

Կազմակերպությունը հաշվեկշռում ունի ապրանքներ, որոնք տալիս է մեկ այլ կազմակերպության, սակայն այդ կազմակերպությունը որպես փոխհատուցում մարքեթինգային գործիքների միջոցով խթանելու է այդ կազմակերպության գործունեությունը։ Ի՞նչ գործարքներ պետք է անել և ինչպե՞ս փաստաթղթավորել գործարքը։

Արման․

«ՎԱՅԼԴԲԵՐՐԻԶ» Սահմանափակ պատասխանատվությամբ ընկերություն (ՍՊԸ) ից ստացել եմ հաշիվ՝ հանձնակատարի ծառայության, սա կապ ունի՞ կոմիսիայի, լոգիստիկայի հետ։

Հերմինե․

Բարև ձեզ։ ՍՊԸ-ն իր հետ համագործակցող ԱՁ-ներին ցանկանում է տալ նվերներ, օրինակ, հենց մեր պահեստից հագուստ, հեռախոս և այլն, ինչպես նաև գնված այլ նվերներ։ Խնդրում եմ ասեք՝ հանձնման-ընդունման ակտ պետք կգա՞։ Հղում կտաք ինչ որ օրենքի՝ ավելի լավ ուսումնասիրեմ։ Սկսնակ եմ։ Շատ շնորհակալ եմ։

Արփի․

Բարև Ձեզ։ Ցանկանում ենք քաղաքացու հետ կնքել մասնագիտական ուսուցման պայմանագիր, մինչև աշխատանքի ընդունվելը հաստիքի գործառություների, մոտեցումների, մասնագիտական տեղեկատվությունը յուրացնելու վերաբերյալ։ Արդյո՞ք պայմանագիրը ծառայությունների կամ փորձնակության պայմանագիր է ենթադրում, և խնդրում եմ տրամադրել պայմանագրի օրինակ հենց մասնագիտական ուսուցում անցնելու մասով։

Ռուզաննա․

Հարգելի հաշվապահներ, ՍՊԸ-ն իրավաբանական ծառայություն է մատուցելու ոչ ռեզիդենտ ֆիզ անձին, որի դիմաց վճարումը կատարելու է վերջինիս գործատուն, որը հանդիսանում է ոչ ռեզիդենտ իրավաբանական անձ: Այս պարագայում արդյո՞ք ՍՊԸ-ն պետք է էլեկտրոնային եղանակով դուրս գրի հաշիվը ոչ ռեզիդենտ իրավաբանական անձի անունով:

Լուսինե․

Բարև Ձեզ։ Կազմակերպության տնօրենը գործուղման նպատակով Ֆլայ Դուբայի կայքից օնլայն ձեռք է բերել ավիատոմս, վճարել է 450 ԱՄՆ դոլար կազմակերպության դրամային բիզնես քարտով (օրվա կուրսով հաշվել է, ավտոմատ փոխարկվել է)։ Ֆլայ Դուբայի կայքը տրամադրել է միայն ավիատոմսի ամրագրման և հաստատման փաստաթուղթը, որտեղ երևում է նաև ավիատոմսի արժեքը։

Հարց 1․ Արդյո՞ք այս մասով պետք է գրվի ինքնահաշիվ

2․ Արդյո՞ք այս մասով առաջանում է ոչ ռեզիդենտի շահութահարկ։

Հ․Գ․ նշեմ նաև, որ Ֆլայ Դուբայից ստացված նամակով տեղեկացնում են, որ առանձին ինվոյս իրենք չեն տրամադրում, ավիատոմսի փաստաթուղթը ինքնին համարվում է նաև ինվոյս։

Ռոզա․

Բարև Ձեզ։ ԱԱՀ-ով աշխատող ԱՁ-ն ցանկանում է հաշվարկային հաշվից գումար փոխանցել իր անձնական քարտին, արդյո՞ք դա դիտվում է որպես կանխիկացում և պետք է գրանցվի էլ. դրամարկղի գրքում:

Տաթև․

Բարև ձեզ։ Ֆիզ․ անձը մատուցում է փափուկ կահույքի քիմմաքրման ծառայություններ, եթե գրանցվի որպես ԱՁ-ը, ի՞նչ հարկատեսակով կարող է աշխատել՝ միկրոյով, թե՞ շրջհարկով, և ի՞նչ հարկեր պետք է վճարի, և կարո՞ղ է հաշիվ գրել այն կազմակերպություններին, ում մատուցում է ծառայությունը։ Շնորհակալություն։

Աննա․

Հարգելի հաշվապահներ, ԱՁ աշխատում է միկրո համակարգում, գործունեության տեսակը՝ հացի արտադրություն մարզում, ապրանքը՝ հացը առաքում է խանութներին։ Կասե՞ք խնդրեմ՝ կարո՞ղ է հաշիվ վավերագիր դուրս գրել խանութներին, կանխավ շնորհակալ եմ։

Լիլիթ․

Բարև ձեզ։ Նախորդ ամսվա դրամարկղային գիրքը սխալ է լրացվել, 30․09-ի թիվը հաջորդ օրը մինչև կեսօր չի արտացոլվել, հետևաբար սեպտեմբեր ամսում չի նշվել։ Ի՞նչպես կարելի է դա շտկել, այս ամսվա սկզբին գրած գումարը խմբագրելով։ Նախապես շնորհակալություն։

Հասմիկ․

Բարև ձեզ, մեզ ապրանք մատակարարող ընկերությունը հաշիվ ապրանքագիրը սխալ լրացնելու համար չեղարկել է, հիմա ես պետք է չեղարկված հ/ապրանքագիրը հաստատե՞մ, թե՞ ոչ, եթե այո՝ խնդրում եմ ասեք ինչպես:

Սարգիս․

Բարև Ձեզ։ ԱՁ-ը ծառայությունների մատուցման հաշիվը սխալմամբ չեղարկել է, բայց մյուս կողմը գումարը փոխանցել է։ Դրանից հետո հաշիվ դուրս գրողը ԱՁ փակել է։ Հիմա մյուս կողմը ուզում է, որ հաշիվը գրվի, կամ ի՞նչ լուծում կա։ Շնորհակալություն։

Քրիստինա․

Բարև ձեզ։

Մի հարց ունեմ՝ եթե նոր աշխատող ենք ընդունում աշխատանքի, փոքր ընկերություն է, 15 հոգի, պետք է աշխատողի հետ աշխատանքային պայմանագիր կնքել, նաև հրամա՞ն սարքել։ Եթե այո, պայմանագրում բոլոր կետերը կա, հրամանում ի՞նչն է կարևոր նշել։

Անհատական իրավական ակտը դա նույն աշխատանքի ընդունման հրամա՞նն է։

Նախապես շնորհակալություն։

Բարև Ձեզ, հարգելի հաշվապահներ։ Եթե ստորագրել եմ հարկային հաշիվ, որը չպիտի ստորագրեի, ի՞նչ կարող եմ անել։

Արման․

Հարգելի գործընկերներ, ֆիզ․ անձը ԱԱՀ վճարող համարվող շինարարական կազմակերպությունից վարձակալությամբ վերցրել է բեռնատար մեքենա մի քանի ամիս ժամկետով։ Կազմակերպությունը ֆիզ․ անձի անունով հարկային հաշիվը ե՞րբ պետք է դուրս գրի՝ ամսական կտրվածքով, թե՞ վարձակալության ժամկետի վերջում։ Շնորհակալություն։

Հայկ․

Բարև ձեզ, հաշվապահներ ջան։ Կասե՞ք՝ փաստաթղթայինից ին՞չ է անհրաժեշտ տարածք վարձակալելու համար։ Կանխավ շնորհակալ եմ։

Մարգարիտա․

Բարև ձեզ։ ԱԱՀ-ով աշխատող ՍՊԸ-ն գյուղացուց ապրանք է գնում։ Կասե՞ք՝ ի՞նչ փաստաթղթեր են հարկավոր, որպեսզի կարողանամ հաշվետվության մեջ ներառել։

Աննա․

Բարև Ձեզ: Ինչպե՞ս կարելի է հաշիվ դուրս գրել օտարերկրյա կազմակերպությանը։

Հասմիկ․

Բարև Ձեզ, հարցս հետևյալն է․ “Ա” կազմակերպությունը սարքավորումների տեղադրման հարկային հաշիվ է դուրս գրում “Բ” կազմակերպությանը, սարքավորումները ձեռք է բերել “Ա” կազմակերպությունը, սակայն դուրս է գրել “Ծառայությունների մատուցման, աշխատանքների կատարման հարկային հաշիվ”, մատակարարման ամսաթիվը ավելի վաղ է, քան դուրս գրման ամսաթիվը։ Մատուցման հասցեն նույնն է։ “Լրացուցիչ տվյալներ” դաշտում նշվել են, թե ինչ նյութեր և սարքավորումներ են օգտագործվել աշխատանքների ընթացքում։ Արդյո՞ք ամենը ճիշտ է արված։

Աննա․

Բարև Ձեզ, ես սկսնակ հաշվապահ եմ և աշխատելու եմ մասնավոր դպրոցում։ Կասե՞ք խնդրեմ՝ ուսման վարձի հաշիվները պետք է դուրս գրել մեկ հաշվով ամբողջ տարվա ուսման վարձի չափո՞վ, թե՞ ամիս ամիս հաշվեգրման սկզբունքին համապատասխան (կնքելու ենք պայմանագիր դպրոցի և ծնողի միջև, և հաշիվները դուրս ենք գրելու ծնողների անունով)։ Եթե կարող եք նաև ինձ տալ օրենքի համապատասխան հղումներ, անչափ շնորհակալ կլինեմ։

Աշոտ․

Բարև Ձեզ։ ԱԱՀ Վճարող համարվող կազմակերպությունը ՀՄ է վաճառում ֆիզ․ անձին։ Ի՞նչ հարկային պարտավորություններ են առաջանալու, և ինչպիսի՞ հաշիվ պետք է դուրս գրվի։

Հասմիկ․

Բարև Ձեզ, հարգելի հաշվապահներ։ ՀՀ-ում հաշվառված Ա ընկերությունը հեղինակային իրավունք է տրամադրում ՌԴ-ում հաշվառված Բ ընկերությանը։ Ա ընկերությունը պե՞տք է հարկային հաշիվ գրի, թե՞ ոչ։ Կանխավ շնորհակալություն։

Դանա․

Բարև ձեզ։ Եթե էլեկտրոնային համակարգում մեր կողմից դուրս գրված հաշիվը հակառակ կողմը չի հաստատել 1 -2 ամիս, դա խնդի՞ր է մեր կազմակերպության համար։

Լամարա․

Բարև ձեզ, սիրելի հաշվապահներ։

ԱԱՀ վճարող ԱՁ շինհրապարակ է նախապատրաստում։ Ձեռք է բերել վառելիք, սակայն չի ստացել հաշիվ։ Կարո՞ղ եմ չփաստաթղթավորված այդ գումարը գրել ձեռքբերման տողում։

Տաթև․

Հարգելի հաշվապահներ, խնդրում եմ օգնել հետևյալ հարցում։ Պատրաստվում ենք հաստոց գնել Չինաստանից և միանգամից վաճառել Գերմանիա, ապրանքը ՀՀ սահմանը չի հատելու։ Խնդրում եմ ասել՝ վաճառքը և ձեռքբերումը Taxservice ում ի՞նչ տարբերակով է ներկայացվելու, և ո՞ր օրվա փոխարժեք վերցնեմ։ Աշխատում ենք ԱԱՀ ով։ Կանխավ շնորհակալ եմ։

Լիլիթ․

Բարի օր, նախագծային ընկերությունը աշխատում է շրջհարկով, հաշիվ պետք է դուրս գրվի ԱՄՆ քաղաքացու անունով, ով լիազորի լիջոցով պատվիրել է ՀՀ-ում նախագիծ։ Կասե՞ք՝ որևէ կարևոր բան կա կապված օտարերկյա քաղաքացի լինելու փաստի հետ (լրացուցիչ հարկեր կամ այլ․․․), թե՞ սովորական հաշիվ դուրս գրվի ու նշվի լիազորի տվյալները: Շնորհակալ եմ։

Նունե․

Հարգելի բանիմաց հաշվապահներ, կարո՞ղ է արդյոք ՀՀ-ում գործող ՍՊԸ-ն Չինաստանից ապրանք մատակարարի Ռուսաստանի դաշնություն։ Ինչպե՞ս պետք է կատարել փաստաթղթավորում։

Հասմիկ․

Բարև Ձեզ։ ՀՀ ռեզիդենտ ընկերությունը իրականացնում է ապրանքի կոմիսիոն վաճառք ՀՀ տարածքից դուրս ոչ ռեզիդենտ ընկերության միջոցով։ Խնդրում եմ պարզաբանել՝ ՀՀ ընկերությունը, որը համարվում է կոմինտենտ, ՀՀ հարկային համակարգով ի՞նչ փաստաթղթեր պիտի դուրս գրի ապրանքը կոմիսիոներին հանձնելու պահին և վաճառքից հետո։ Կանխավ շնորհակալություն արձագանքների համար:

Հասմիկ․

Բարև Ձեզ, հարցս վերաբերվում է իրավաբանական անձ-իրավաբանական անձ միջև կնքվող վարձակալության պայմանագրին․

Արդյո՞ք կարող եմ նախօրոք կնքել վարձակալության պայմանագիր՝ ենթադրենք սեպտեմբերի 01-ին, պետական գրանցում ստանալով, սակայն այն վարձակալին հանձնել մի ամիս ուշ՝ ասենք հոկտեմբերի 01-ից։ Այսինքն ԱԱՀ-ն և եկամուտը հաշվեգրեմ սկսած հոկտեմբերից։

Այսինքն վարձակալության հանձման պահ է հանդիսանում պետական գրանցման ամսաթիվը՝ 01 սեպտեմբերի, թե՞ հոկտեմբերի 01-ը։

Հակոբ․

Բարև Ձեզ։ Հաշվարկային փաստաթուղթ է դուրս գրվել, գնորդը կարո՞ղ է վճարել կանխիկ։ Եթե այո՝ ի՞նչ անել դուրս գրված հաշվի հետ։

Ելենա․

Բարև Ձեզ։ Մեր ՍՊԸ-ն աշխատում է շրջանառության հարկով։ Իրեն պատկանող անշարժ գույքը ուզում է վաճառել այլ կազմակերպությանը, որը աշխատում է ԱԱՀ-ով։ Այսպիսի հարց։ Մեր կողմից պետք դուրս գրվի հաշիվ վավերագիր, թե՞ հարկային հաշիվ։ Մեր կազմակերպության համար ԱԱՀ-ն կառաջանա 115 մլն․-ը գերազանցող գումարից։ Եթե դուրս գրեմ հարկային հաշիվ շենքի վաճառքի գնով (200 մլն․), ապա կառաջանա ԱԱՀ այդ գումարի 20%, որը ավել է օրենքով սահմանված ԱԱՀ-ից ((200 մլն-115 մլն․) գումարից)։ Խնդրում եմ Ձեր խորհուրդը այս հարցի լուծման համար։ Կանխավ շնորհակալ եմ։

Նարինե․

Բարև ձեզ, հարգելի հաշվապահներ։ Ես առաջին անգամ պետք է վարեմ Wildberries – ի հաշվապահություն: ԱՁ-ն գրանցված է որպես վաճառող, Չինաստանից գնում է ապրանքներ և հանձնում Wildberries – ի լոգիստիկ կենտրոն, այնուհետև` ստացման կենտրոններ, որտեղից էլ վաճառք է իրականացվում: Հարցս հետևյալն է. պե՞տք է արդյոք Wildberries – ին հաշիվ դուրս գրել: ԱՁ-ն աշխատում է շրջհարկով: Շնորհակալություն:

Անահիտ․

Բարև ձեզ։ Կազմակերպությունը բարեգործական հասարակական կաղմակերպություն է, զբաղվում է փախստականների սոցիալական հիմնախնդիրների աջակցությամբ, բնության գրկում մեկ օրվա հանգիստ կազմակերպելու համար գնվել է տարբեր սննդամթերք, որը նույն օրը սպառվել է։ Արդյո՞ք պետք է ստեղծել գնման ակտ և նոր մուտք անել պահեստ, հետո սպառում։

Արթուր․

Հարգելի գործընկերներ, եթե խմբում կան տուրիստական կազմակերպության հաշվապահներ` խնդրում եմ արձագանքեք: Ոլորտն ինձ համար անծանոթ է, ես արտադրության հաշվապահ եմ, ունեմ որոշ հարցեր:

Շրջանառության հարկով հարկվող ԱՁ-ը զբաղվում է տուրիստական փաթեթների վաճառքով: 2 դեպք դիտարկենք․

1. Վաճառում է այլ կազմակերպություներից գնված փաթեթ: Համաձայն կողմերի միջև կնքված միջնորդավճարի պայմանագրի իր հարկվող շրջանառությունը միջնորդավճարն է, որի համար դուրս է գրվում հաշվարկային փ.թ e-Invoicing ծրագրով: Ա) Գնորդի անունով e-Invoicing ծրագրով նույնպե՞ս դուրս է գրվում հ/ֆ

2. Եթե փաթեթը հենց ինքն է կազմում ` անմիջապես արտասահմանյան հյուրանոցների հետ պայմանագիր կնքելով Ա) Գնորդի անունով e-Invoicing ծրագրով դու՞րս է գրվում հ/ֆ Բ) Հարկվող շրջանառությունը այս դեպքում ինչպե՞ս հաշվել, և ի՞նչ փաստաթուղթ պետք է դուրս գրել։

Բարև Ձեզ, հարգելի հաշվապահներ, խնդրում եմ օգնեք։ Ֆիզիկական անձը 2023թ-ին անշարժ գույք է վարձակալության տվել կազմակերպությանը փոքր գումարով։ Կազմակերպությունը որպես հարկային գործակալ հաշվարկել է եկամտային հարկը և վճարել։ Սակայն վարձակալության պայմանագիրը պետական գրանցում չունի, ֆիզ. անձն էլ հայտարարություն չի տվել, բայց ներկայացրել է ֆիզ. անձանց եկամուտների հայտարարագիր։ Խնդրում եմ ասեք` այս դեպքում ֆիզ. անձին տուգանք սպառնու՞մ է։

Հասմիկ․

Եթե հաշվարկային փաստաթուղթը ստացել եմ տվյալ ամսվա մեջ, բայց հաշվետվության մեջ չեմ ներառել ու հաշիվը չեմ հաստատել, կարո՞ղ եմ հաջորդ ամսվա հաշվետվության մեջ ներառել ու հաստատել։

Եթե ՀՀ ռեզիդենտը մարքեթինգային ծառայություն է ստացել Դուբայի ռեզիդենտ կազմակերպությունից, այս դեպքում նշված ծառայության համար ինքնահաշիվ պե՞տք է գրվի, թե՞ ոչ, և ոչ ռեզիդենտի շահութահարկ առաջանու՞մ է, թե՞ ոչ։

Նանե․

Բարի օր։ Հաշիվ վավերագիրը, որը դուրս է գրվել 2 ամիս առաջ, երկրորդ կողմը ստորագրել է, սակայն կարիք կա չեղյալ համարելու: Հնարավո՞ր է, թե՞ խնդիր կառաջանա։

Աննա․

Բարև Ձեզ։ Եթե ՍՊԸ-ն մեքենա է վաճառել ֆիզ․ անձին, դուրս է գրել հաշիվ վավերագիր, ինչպե՞ս պիտի ուղարկվի, և ինչպե՞ս պետք է ֆիզ․ անձը ստորագրի։

Լամարա․

Բարև բոլորին: Խնդրում եմ պատասխանել: Եթե մարտ ամսվա համար չի լրացվել էլ. դրամարկղային գիրքը, ու ամիսը փակվել է, ու՞մ դիմել, որպեսզի բացեն մարտը լրացնենք, նոր ապրիլը ու փակենք: Կարելի՞ է արդյոք մարտի ու ապրիլի ֆիսկալները մի մուտքով գրանցել ապրիլի վերջին:

Հայկ․

Բարև Ձեզ։ Վերջերս լսել էի, որ օրենքի փոփոխություն է կատարվել, համաձայն որի սուպերմարկետներին կամ խանութներին ապրանք մատակարարելիս պետք է ունենալ ապրանքի մատակարարման պայմանագիր։ Կհուշե՞ք՝ ո՞ր օրենքն է դա։

Մարի․

Հարգելի հաշվապահներ, խնդրում եմ օգնեք: Արդյո՞ք հետևյալն հնարավոր է որպես ծախս ձևակերպել և նվազեցնել ԱՁ-ի շահութահարկից: Արտասահմանյան ընկերությունից օնլայն գնված է սպասարկման ծառայություն: Առկա է էլեկտրոնային անդորրագիր, որտեղ նշված են ԱՁ-ի անուն/ազգանուն, “ԱՁ”անգլերենով, հաշվառման հասցե: Վճարումն արվել է ԱՁ քարտից: Սա բավարա՞ր է ծախս հիմնավորելու համար: Հաշվետվութունում պետք է լրացնել “Վարչական ծախսեր/Տեղեկատվական ծառայությունների գծով ծախսեր” բաժնու՞մ:

Ճի՞շտ եմ հասկանում որ այլ այս բնույթի ծախսերն, որոնք արվել են ԱՁ քարտից, բայց անդորրագիր չունեն, հիմնավորված չեն: Oրինակ՝ Ekeng համակարգի տարեկան վճարն:

Մարիամ․

Բարև ձեզ։ ԱԱՀ-ով աշխատող ՍՊԸ-ն ստացել է հաշիվ մարտ ամսի 26-ին, մատակարումը փետրվար։ Բնականաբար հաշվարկի մեջ չի ընդգրկվել, հիմա մարտին ստորագրվել է։ ՀԱՐՑ. Փետրվար ամսվա ԱԱՀ հաշվարկի մեջ ձեռքբերումների տողում պե՞տք է ավելացնել գումարը, ներքևում որպես պակասեցում ցույց տալ, հետո մարտ ամսվա հաշվարկում մենակ ավելացումով ցույց տալ 71.1 հոդվածի համաձայն։

Սաթենիկ․

Բարև բոլորին։ Խնդրում եմ օգնեք՝ ի՞նչ կազմակերպության դիմեմ, որ կազմակերպի և ձևակերպի բոլոր թղթաբանությունը, դիմումները ճիշտ ձևակերպի։ Կիսաֆաբրիկատների արտադրություն։ Պետք է դիմում ներկայացվի սննդի փորձաքննության ինստիտուտ, անցնի բոլոր ստուգումները, որպեսզի ստանամ թույլտվություն խանութներում վաճառելու։

Հասմիկ․

Ապրանքների մատակարարման հարկային հաշիվը սխալմամբ գրվել է հաջորդ օրվա մատակարարման ամսաթվով, ընդ որում հաշվում կա նաև ծառայություն պարունակող տող։ Ինչ որ խնդիր կարո՞ղ է առաջանալ, անհրաժեշտություն կա՞ հաշիվը չեղյալ անելու, և էդ դեպքում ի՞նչ մատակարարման ամսաթվով պետք է դուրս գրել նորը: