Մարինե.

Բարև Ձեզ։ Հնարավո՞ր է մեքենայի վին կոդով իմանալ թե մեքենան ե՞րբ է մաքսազերծվել ՀՀ-ում։

Մարիամ.

Բարև ձեզ։ Խնդրում եմ ասեք՝ եթե երկու ֆիզ. անձերի միջև կատարվել է մեքենայի առքուվաճառք՝ 2021թ, սակայն անվանափոխություն և պետական գրանցում չի կատարվել մինչ օրս /19.07.22թ/, այժմ գրանցելիս արդյո՞ք անկանխիկ վճարման նոր փոփոխությունները պիտի գործեն, քանի որ վճարվել է 2021թ-ին, և ի՞նչ հարկ է առաջանում նման գործարքի ժամանակ։

Անի.

Անհարգելի պատճառով ամբողջ աշխատանքային օրվա (հերթափոխի) ընթացքում աշխատողի աշխատանքի չներկայանալու դեպքում՝ գործատուն իրավունք ունի՞ աշխատանքից ազատել աշխատակցին։ Այս դեպքում ծանուցում ենթադրվու՞մ է։ Կանխավ շնորհակալություն։

Ժ/պ-ի ֆիզարձակում գտնվելու ընթացքում լիազորությունները ու՞մ վրա է դրվում։

Սամվել․

Հարգելի գործընկերներ, արդյո՞ք․

1․ Փոխառության տրամադրումը ընկերության կողմից իր մասնակցին պետք է կատարվի անկանխիկ եղանակով 2022թ․ հուլիսի 1-ից հետո

2․ Փոխառության վերադարձը մասնակցի կողմից ընկերությանը պետք է կատարվի անկանխիկ եղանակով 2022թ․ հուլիսի 1-ից հետո

Ալլա․

Բարև Ձեզ, ցանկանում եմ իմանալ՝ Քաղաքացիաիրավական պայմանագրով աշխատողները աշխատավարձը պետք է քարտո՞վ ստանան։

Սամվել․

6 ամսից ավելի ունեմ արտադրություն` փոքր բիզնես։ Բիզնես վարկ վերցնելու համար որտե՞ղ դիմեմ` պետության կողմից աջակցություն ստանալու համար։

Վեներա.

Խնդրում եմ՝ 2022թ. հունվարի 18-ին անկանխիկ գործառնությունների մասին ըդունված ՀՀ օրենքի հոդված 4-ի ավելի մանրամասն մեկնաբանություն, երբ համագործակցում են կազմակերպությունը և ֆիզիկական անձը, երբ ֆիզիկական անձը վճարը ստացողի դերում է:

Անուշ.

Բարև Ձեզ։ Քանի՞ օր հետո պետք է միկրոձեռնարկատիրության հայտ ուղարկել Ա/Ձ բացելուց հետո։

Արամ․

Որպես իրավաբանական անձ, վճարային տերմինալներ ներմուծելու դեպքում, ինչպե՞ս է հաշվարկվում դրանց մաքսազերծումը։

Աբնի.

Բարև Ձեզ, հարգելիներս։ ԱԱՀ վճարող ֆիրման արտահանում է արել օդային ճանապարհով, այսօր մեզ տվել են ավիաբեռնագրերը և ավաղ այդ ավիաբեռնագրում մեր ՀՎՀՀ֊ն սխալ է նշված։ Կարո՞ղ եք հուշել՝ ինչպե՞ս փոխենք կամ ուղղել տանք ավիաբեռնագիրը՝ դիմենք Զվարթնո՞ց։ Նախապես շնորհակալ եմ։

Ռուբ.

Հարգելի հաշվապահներ, միկո ընկերության աշխատակցի համար հաշվարկվել է մայրության նպաստ, որը ներառյալ հարկերը կազմել է 198 200 դրամ, ֆիրման պահել է 5 000 դրամը և աշխատակցին վճարել 193 200 դրամ։ Վճարման ամսվա դրությամբ ընկերության ունեցած եկամտային հարկը կազմել է 10 000: Հարկային ներկայացված տեղեկանքում, պետությունից փոխհատուցման ենթակա գումարը լրացվել է 183,000, սակայն հարկայինից ուղղել են 188 000: Այսինքն՝ ես սխա՞լ եմ հասկացել, որ փոխհատուցման ենթակա գումարը հաշվարկվում է հարկերը պահած գումարից։

Արմինե.

Բարև Ձեզ։ Տեսեք ինչ խնդիր ունեմ. հուլիսից քարտով ենք վճարում, բայց լինում է, որ քաղիրավականները արտաժամ են մնում՝ դա ինչպե՞ս ենք վճարելու։

Հեղինե.

Կազմակերպության աշխատակիցը դիմում է ներկայացրել աշխատանքից ազատվելու, ինչպես օրենքով է սահմանված 30 օր շուտ։ Դիմումը գրելուց հետո չի ներկայացել աշխատանքի։ Արդյո՞ք ունի նման իրավունք։

Հայկ.

Բարև Ձեզ: ՍՊԸ-ի հիմնական գործունեության տեսակն է ծառայություններ մատուցելը: Սակայն 2-րդ եռամսյակում ունենք հիմնական միջոցի վաճառք, որը հարկվում է 5% շրջհարկով: Հիմա շրջհարկի հաշվարկ լրացնելիս այդ գործարքի մասով գործունեության տեսակի ո՞ր դասակարգիչն է պետք լրացնել ըստ տեսակարար կշռի: Նախապես շնորհակալություն։

Անի.

Բարև Ձեզ։ ՍՊԸ հիմնադիրների ժողովի ժամանակ ո՞վ կարող է հանդիսանալ ժողովի քարտուղար։

ՍՊԸ ցանկանում է առանձնանալ՝ մի մասն անցնի նոր բացված Ա/Ձ-ին։ Քայլերը կասե՞ք։

Արուս.

Բարև բոլորին: Շրջանառության հարկ վճարող եմ: Այսպիսի մի հարց. երբ հաշվետվությունների ներկայացման կայքում` taxservice -ում, ԱՀՔ քաղվածքն եմ նայում, եկամտային հարկի և սոցիալական վճարի մասով վճարված գումարը երևում է ներքևում` միասնական հաշվում առկա գումարի տակ: Արդյո՞ք դա այդպես էլ պետք է լինի:

Հեղինե.

Բարև Ձեզ։ ՏՏ ոլորտի ՍՊԸ-ն բացում է դուստր ընկերություն, քանի որ իր աշխատակիցների քանակը գերազանցում է 30-ը։ Դուստր ընկերությունն իրավունք ու՞նի մինչև 30 աշխատող գրանցել:

Ալլա.

Բարև ձեզ։ Խնդրում եմ օգնել՝ արդյո՞ք առևտրով զբաղվող կազմակերպությունը կարող է ամորտիզացնել վարձակալությամբ տրված սեփական հիմնական միջոցը, որը ոչ մի կերպ չի մասնակցում տվյալ կազմակերպության հիմնական գործունեությանը:

Նարե.

Բարև ձեզ։ Կասեք՝ Վեռո համակարգո՞վ է ուղարվում հայտ դրոշմապիտակների, թե՞ tax-service-ով, ի՞նչ է նշանակում դրոշմապիտակի վերագրում: Ու միկրոձեռնարկատիրույան համակարգում գործողի համար դա պարտադի՞ր է։

Վազգեն.

Տնօրենի արձակուրդում գտնվելու ընթացքում, երբ պարտականությունները դրվել են փոխտնօրենի վրա, ստորագրվող փաստաթղթերում գրվու՞մ է փոխտնօրեն, թե՞ տնօրենի ժամանակավոր պաշտոնակատար։

Աննա.

Հարգելի հաշվապահներ, եթե հունիսի 10-ին ստացել ենք ապրանքներ՝ պահեստի մուտքով, ապա եթե այդ հաշիվը ստորագրվել է մինչև հուլիսի 20-ը, ապա հաշվանցում եմ և հաշվարկի մեջ ցույց եմ տալիս։ Որից հետո, եթե դիմացի կողմը մեզ գրել է ճշգրտող հաշիվ՝ հուլիսի 5-ին, ասենք նվազեցումով, ապա 20-ով նվազեցումը ցույց եմ տալիս հուլիսի 20-ին, թե՞ օգոստոսի 20-ին։
Շնորհակալ կլինեմ պատասխանի համար։

Անահիտ.

Ընկերներ, ՀՈԱԿ-ի լիցենզիա ստանալու համար ո՞ր մարմնին պետք է դիմել։ Մանկապարտեզի մասին է խոսքը։

Արմինե.

Բարև Ձեզ: Ծառայությունների մատուցման պայմանագրի լուծման համաձայնագրի ձև է պետք։ Հղում կտա՞ք, որտեղից կարելի է վերցնել, փաստաթղթերի մեջ չգտա։

Մարիամ.

Բարև Ձեզ։ Եթե սահմանվել է 2 ամիս ժամկետով փորձաշրջան, կարո՞ղ է աշխատողը 3 օր առաջ գրավոր ծանուցել ու ազատվել։ Եվ եթե գործատուն չի ազատում 3 օրում, իրավունք ունի՞ չներկայանալ աշխատանքի։ Շնորհակալություն

Մելինե.

Հարգելի հաշվապահներ, ճի՞շտ է, որ շրջհարկի դաշտում աշխատող ՍՊԸ֊ն, որն ունի միՆչև 24 մլն շրջանառություն, պարտադիր չի, որ վարի հաշվապահություն, միայն հարկային հաշվետվություններն ու կադրային փ/թ֊երը բավական են։

Արուս.

Հարգելի հաշվապահներ, խնդրում եմ օգնել ստանալու այս հարցի հստակ պատասխանը.
ՏՏ ոլորտում ծառայություններ մատուցող և շրջանառության հարկով աշխատող ԱՁ-ն իր ծառայության համար ամեն ամսվա համար մինչև հաջորդ ամսվա 15-ը 2 000 դոլար է ստանում արտերկրից:
Հուլիս ամսվա համար – 2000 դոլար կնստի հաշվին օգոստոսի 15-ին,
օգոստոս ամսվա համար – 2000 դոլար կնստի հաշվին սեպտեմբերի 15-ին,
սեպտեմբեր ամսվա համար – 2000 դոլար կնսի հաշվին հոկտեմբերի 15-ին:
Հարցս այսպիսին է. հաշվին նստելու օրո՞վ է հաշվարկային փաստաթուղթ դուրս գրվում և նույն օրվա փոխարժեքով է հաշվարկվում եկամուտը, թե՞ հնարավոր է յուրաքանչյուր ամսվա վերջում դուրս գրել հաշվարկային փաստաթուղթ և նույն ամսվա վերջին օրվա փոխարժեքով հաշվարկել եկամուտը:
Երրորդ եռամսյակի համար, եթե ցանկանում եմ հոկտեմբերի 10-ին հաշվետվություն ներկայացնել, դեռ սեպտեմբեր ամսվա գումարը նստած չի լինում, հետևաբար դա հաշվարկելու եմ սեպտեմբեր ամսվա վերջին օրվա դրությամբ, որը դեռ հաշվին չի երևալու: Ինչպիսի՞ն է Ձեր պրակտիկան և նման պարագայում ինչպե՞ս եք հաշվարկելու:

Կարեն.

Ո՞ր հաշվեհամարին է փոխանցվում պարտադիր կուտակային վճարը։

Բարև ձեզ։ Որ խնդրեմ կասե՞ք՝ կտրող ռեզակների պատրաստմամբ զբաղվող Ա/Ձ-ի տնտեսական գործունեության տեսակների դասակարգիչ կոդը, չեմ կարողանում կողմնորոշվել։

Անահիտ.

Հարգելի գործընկերներ,
խնդրում եմ ուղարկել, թափուր տեղի համար չկայացած մրցույթի հրամանի ձևեր այս հասցեին՝ nuh.al շնիկ mail.ru։
Նախապես շնորհակալ եմ:

Արփինե.

Բարև Ձեզ։ Արդյո՞ք կարելի է հուլիսի 1-ից հարկային պարտավորությունները՝ դրոշմանիշային վճարը և հդմ սպասարկման վճարը վճարել տերմինալի միջոցով։

Գրիգոր.

Բարև Ձեզ: Հարց 1. եթե կազմակերպությունն աշխատում է շրջանառության հարկով՝ կարո՞ղ է արդյոք դուրս գրել հարկային հաշիվ և վճարել և՛ հարկային հաշվում առանձնացված ԱԱՀ-ն, և՛ շրջանառության հարկը (եթե այո, խնդրում եմ հղում գրեք)։ Հարց 2. կարո՞ղ է արդյոք միկրոձեռնարկատիրություն համարվող կազմակերպությոունը, որի գործունեությունը արտադրությունն է, դուրս գրի հաշիվ վավերագիր (եթե այո, խնդրում եմ հղում գրեք): Շնորհակալություն:

Հեղինե.

Բարև ձեզ։ Խնդրում եմ պատասխանեք՝ կազմակերպության միակ սեփականատերը տարվա մեջ ցանկացած ժամանակ դիվիդենդ ստանալու իրավունք ունի, թե՞ տարեկան մեկ անգամ։ Ինչպե՞ս է դա կազմակերպվում։

Երվանդ.

Շրջ. հարկով հարկվող ՍՊԸ-ն իրավունք ունի՞ ֆիզ. անձին վաճառել ապրանքներ ըստ հաշվարկային փաստաթղթի և ստացված հասույթի դիմաց տրամադրելու դրամարկղային մուտքի օրդերի անդորրագիր:

Անահիտ.

Բարև Ձեզ: Պետության կողմից ընկերության հաշվարկային հաշվին փոխանցվել է վճարված մայրության նպաստի տարբերությունը, ինչպե՞ս կարող եմ ձևակերպել այն։

Աննա.

Հարգելի հաշվապահներ, արտադրության կազմակերպումը ՀԾ հաշվապահ համակարգում կատարում են հիմնականում կոմպլեկտավորումով, բայց կա նաև այլ մեթոդ, որ նյութերի շարժը պահում են Excel-ի ֆայլերով և ամսվա վերջում հումքի մուտքը և պատրաստի արտադրանքի ելքն են ցույց տալիս, կարծեմ, պահեստի մուտքի փաստաթղթով պատրաստի արտադրանքի մուտքն են ցույց տալիս, որի հիման վրա հավելյալ ծախսերով հումքի ծախսը ավելի ճշգրիտ։ Եթե գիտեք, շատ եմ խնդրում արձագանքել։

Սվետա․

Բարև Ձեզ։ Կասե՞ք կրպակի գործունեության դասակարգիչը, որտեղ նաև տեղում պատրաստվում է ֆրեշ: Շնորհակալ եմ:

Աննա.

Բարև Ձեզ, հարգելի հաշվապահներ ջան։ Արդյո՞ք կարող է անձը գրանցված չլինելTaxservice-ում, բայց իր քարտով դուրս գրել e-invoicing-ով հարկային հաշիվներ։

Արմինե․

Բարև Ձեզ: Գիշերային հերթափոխի համար բուժզննում անցնելու համար գործատուն աշխատողին ուղեգի՞ր պետք է տա: Եվ խնդրում եմ հուշեք՝ որտեղի՞ց հստակ ինֆորմացիա վերցնեմ կաթսայատան աշխատողներին ներկայացվող պահանջների վերաբերյալ: Գազի գրասենյակից թույլտվությու՞ն է պետք։

Գոհար.

Բարև ձեզ։ ՍՊԸ-ն բացվել է, հայտարարությունը տվել ենք շրջհարկի, բայց 1 օր անց դադարեցրել ենք։ Կասեք՝ ի՞նչ հարկային պարտավորություն կառաջանա։ Նշեմ, որ գրանցված աշխատող չունի և ֆինանսական խորհրդատվական կազմակերպություն է։

Դավիթ.

Բարև Ձեզ։ Կարող եք ասել՝ որտե՞ղ դիմեմ ներկրման լիցենզիա ստանալու համար, լիցենզիայի մասին օրենքի 43-րդ հոդվածի “առևտուր” բաժնի համաձայն՝ այդպիսի լիցենզիայի տեսակ գոյություն ունի, նաև ավտոդիլերի լիցենզիան է հետաքրքրում կամ ավտոբրոքերի:
Եթե կարո՞ղ եք՝ հասցեներն էլ կխնդրեմ նշեք։ Շնորհակալություն։

Արեն.

Բարև Ձեզ։ Կարող եք ասել՝ ՍՊԸ բացելու համար ի՞նչ քայլեր է պետք անել։ Բոլոր քայլերը արել եմ՝ օնլայն գրանցել եմ ՍՊԸ, հաշվապահ չունեմ։ Պետռեգիստրում ասացին՝ հաշվապահը պետք է ներկայացնի հարկային դիմումը միկրոձեռնարկությունում աշխատելու համար։

Արթուր.

ՀՀ ռեզիդենտ կազմակերպությունը ձեռք է բերում նախագիծ Եվրոպական կազմակերպությունից, այնուհետև վաճառում է Ռուսական կազմակերպությանը։ Տվյալ պարագայում ծառայության մատուցման վայրը ո՞րն է համարվում, և արդյո՞ք առաջանում է ԱԱՀ և ոչ ռեզիդենտի շահութահարկ։

Վարդան.

Դիզայներական և ինժեներական աշխատանքները ո՞ր դաշտում է ավելի հարմար իրականացնել, որպես Ա/Ձ, թե՞ որպես միկրոձեռնարկություն: Եվ եթե կարելի է, հուշեք կոդը (դասակարգիչը): Շնորհակալություն։

Մելինե.

Բարև ձեզ։ Ունենք Ա/Ձ մթերային խանութ, համաձայն հուլիսի մեկից մտած օրենքի, մատակարարներից ստացված բոլոր ապրանքների դիմաց վճարումը պետք է կատարեմ փոխանցումով չէ։ Այդ դեպքում ինչու՞ են բոլոր առաքիչ-մենեջերները զարմանում և ասում, որ առաջինն եմ, ումից նման բան են լսում: Հիմա ո՞րն է ճիշտը։

Մանե.

Բարև Ձեզ։ Ներեցեք՝ կարո՞ղ եք օգնել, միկրոյով աշխատող Ա/Ձ տարեկան սոց. վճարը միասնական հաշվեհամարի՞ն է վճարում։

Կարմեն.

Բարև Ձեզ: 1 հարց ունեմ` Որպես Ա/Ձ աշխատելու եմ շրջհարկով։ POS տերմինալով վճարում ընդունելու դեպքում կարո՞ղ եմ Ա/Ձ֊ի քարտին չփոխանցել, այլ գրանցել իմ անհատական քարտին։

Մարգարիտա.

Բարև Ձեզ։ ԵՏՄ-ից ապրանքի վերադարձ հնարավո՞ր է՝ գնորդը ցանկանում է վերադարձնել ապրաքի մի մասը։ Եվ վերադարձի դեպքում պետք է ներկայացնել ԵՏՄ հաշվետվություննե՞ր։

Նաիրա.

Անհատ ձեռնարկատեր չհանդիսացող ֆիզիկական անձը կարո՞ղ է հանդիսանալ առևտրի իրականացման վայրի կազմակերպիչ։