Ավիկ․

1․ ՍՊԸ-ն ցանկանում է բացի 1 գործունեությունից զբաղվել մինչև 3-ից 4 տարբեր հարկման համակարգերով գործունեությամբ, հնարավո՞ր է։

2․ Հնարավո՞ր է մեկ անձի անունով գրանցել և՛ ՍՊԸ, և՛ ԱՁ։

Տիգրան․

Բարև ձեզ, ուղղորդեք խնդրեմ: Ցանկանում եմ սկսել մրգային օղիների արտադրություն, ի՞նչ է պետք օրինական կազմմակերպման համար, լիցենզիա որտեղի՞ց ստանալ։ Ինձ հայտնի է միայն ՍՊԸ գրանցելը: Կանխավ շնորհակալ եմ։

Ռուզաննա․

Բարև ձեզ, հաշվապահներ ջան, ունեմ խնդիր. ՍՊԸ-ն գրանցված է մարզում: Մի քանի ամիս 1 մլն փոխառություն եմ դրել դրամարկղ տնօրենի անունից: Հիմա ո՞նց կարելի է ուղղել սխալը: Կարո՞ղ եմ 1 մլն մասնատել 300 000-րի։

Սուսաննա․

Բարև ձեզ։ Խնդրում եմ ասեք՝ սերմերի և թույների խանութ բացելու համար լիցենզիա պե՞տք է, կամ ինչ-որ չափանիշներ կա՞ն, որոնց պետք է համապատասխանի խանութը, ի նկատի ունեմ տարածքի չափեր և այլն։

Վահագն․

Բարև Ձեզ, հարգելի մասնագետներ, որևէ մեկը տեղեկություն ունի՞ պարտադիր բժշկական ապահովագրության վերաբերյալ, որը պետք է հուլիսի 1-ից գործարկվեր: Եթե գործընթացը մեկնարկել է, ի՞նչ քայլեր պետք է ձեռնարկել: Կանխավ շնորհակալություն։

Ալեքս․

Խնդրում եմ օգնել ինձ հետևյալ հարցում. 2023 թվականին հիմնադրամը շրջանառություն չի ունեցել, բայց ակտիվները գերազանցում են 10 միլիոն դրամը, խնդրում եմ ասեք՝ արդյո՞ք հիմնադրամը պետք է աուդիտ իրականացնի:

Հիմնադրամների մասին ՀՀ օրենքի Գլուխ 6-ի Հոդված 39. կետ 3-ում նշված է հետևյալը` ֆինանսական հաշվետվությունների վերաբերյալ աուդիտն իրականացնող անձի (աուդիտորի) եզրակացությունը, եթե հիմնադրամի ակտիվների արժեքը գերազանցում է 10 միլիոն դրամը: Կանխավ շնորհակալ եմ:

Աննա․

Բարև ձեզ, հարգելի հաշվապահներ։ Նման մի հարց՝ եթե ԱԱՀ-ով աշխատող ՍՊԸ, որի գործունեություն է "Սեղմված բնական գազի վաճառք", ցանկանում է նաև իրականացնել տաքսու գործունեություն, և որպես մեքենաների վառելիք օգտագործի իր սեղմված գազը, կասե՞ք խնդրեմ՝ նման դեպքում եթե գազը վաճառք չի լինում, այլ օգտագործվում է իր գործունեության համար, և վճարում է միայն ակցիզային հարկ, իսկ օգտագործված գազն ինչպե՞ս է ձևակերպվում: Կանխավ շնորհակալ եմ։

Հայկ․

Հաշվապահներ ջան, եթե Ռուսաստանից անձնական օգտագործման նպատակով 30 կգ քաշով և 200 եվրոյից բարձր արժեքով ապրանք գա Հայաստան, այս դեպքում հարկայինի և մաքսայինի հետ ինչ որ խնդիրներ կառաջանա՞ն։

Արթուր․

Հարգելի գործընկերներ, եթե խմբում կան տուրիստական կազմակերպության հաշվապահներ` խնդրում եմ արձագանքեք: Ոլորտն ինձ համար անծանոթ է, ես արտադրության հաշվապահ եմ, ունեմ որոշ հարցեր:

Շրջանառության հարկով հարկվող ԱՁ-ը զբաղվում է տուրիստական փաթեթների վաճառքով: 2 դեպք դիտարկենք․

1. Վաճառում է այլ կազմակերպություներից գնված փաթեթ: Համաձայն կողմերի միջև կնքված միջնորդավճարի պայմանագրի իր հարկվող շրջանառությունը միջնորդավճարն է, որի համար դուրս է գրվում հաշվարկային փ.թ e-Invoicing ծրագրով: Ա) Գնորդի անունով e-Invoicing ծրագրով նույնպե՞ս դուրս է գրվում հ/ֆ

2. Եթե փաթեթը հենց ինքն է կազմում ` անմիջապես արտասահմանյան հյուրանոցների հետ պայմանագիր կնքելով Ա) Գնորդի անունով e-Invoicing ծրագրով դու՞րս է գրվում հ/ֆ Բ) Հարկվող շրջանառությունը այս դեպքում ինչպե՞ս հաշվել, և ի՞նչ փաստաթուղթ պետք է դուրս գրել։

Անի․

Ողջույն, հարգելի մասնագետներ։ Խնդրում եմ օգնել. ես ունեմ ԱՁ, ցանկանում եմ զբաղվել մանկական ժամանցային խաղեր տրամադրելով՝ համապատասխան սարքավորումների միջոցով: Արդյո՞ք անհրաժեշտ է լիցենզիա տվյալ գործունեության համար, և ի՞նչ հարկատեսակով պետք է աշխատել։

Լիանա․

Չինական ընկերությունը ծառայություն է մատուցելու ռուսական ընկերությանը։ Ծառայության դիմաց գումարը ռուսական ընկերությունը փոխանցելու է հայկական ընկերությանը որպես միջնորդ, իսկ հայկական ընկերությունը փոխանցելու է Չինաստան։ Խնդրում եմ ասել՝ արդյո՞ք այս դեպքում հայկական ընկերությունը պետք է աշխատի ԱԱՀ-ի դաշտում։

Սաթինե․

Բարև Ձեզ, ցանկանում ենք ԱՁ-ի ժամանակավոր դադարեցում տալ։ Կարո՞ղ եմ դա անել հենց այսօրվա ամսաթվով, թե պետք է ամիսը լրանա, նոր։

Մարինե․

Բարև ձեզ, հարգելի հաշվապահներ։ Ինձ ձեր օգնությունն է պետք։ Ունեմ Ա/Ձ, ներկա պահին հաշվապահն է կատարում հաշվապահություն, բայց ուզում եմ ինքս վարել։ Նշեմ, որ գրանցված աշխատող չկա։ Տարեկան եկամուտը չի գերազանցում 24 մլն ՀՀ դրամը։ Որևէ դժվարություն իրենից ներկայացնու՞մ է։ Հնարավո՞ր է արդյոք ինքնուրույն վարել։ Կանխավ շնորհակալություն։

Հայկ․

Բարև Ձեզ։ Ընկերությունները եռակողմ համաձայնագիր են կնքել և կատարել են պարտավորությունների հաշվանցում։ Մեր ընկերությունը ունեցել է 15 000 000 ՀՀ դրամի պարտավորություն, և համաձայնագրի համաձայն մեր պարտքը զրոյացել է։ Կասե՞ք՝ ինչպե՞ս պետք է կատարել հաշվապահական ձևակերպումները։

Հասմիկ․

Բարև Ձեզ։ ՓԲԸ-ն ցանկանում է նվազեցնել կանոնադրական կապիտալը՝ բաժնետոմսերի անվանական արժեքը նվազեցնելու ճանապարհով։ Ի՞նչ հաշվապահական ձևակերպումներ են տրվում, խնդրում եմ օգնել թղթակցություններում։ Շնորհակալություն։

Նարե․

Բարև ձեզ, հարգելիներ, ինձ ԴԱՀԿ-ից ծանուցում է եկել ՊԵԿ-ի թիվ ### որոշման հիման վրա, բայց ես ՊԵԿ-ից ծանուցում չեմ ստացել։ Ո՞ր կայքում նայեմ այդ որոշումը։ Շնորհակալ կլինեմ, եթե օգնեք, հղում տաք։

Արևիկ․

ՀՀ ռեզիդենտ կազմակերպությունը մտադիր է գնել ոչ ռեզիդենտ կազմակերպությանը պատկանող այլ ոչ ռեզիդենտ կազմակերպության 100% բաժնեմասը։ Մեկ տարվա ընթացքում ՀՀ ռեզիդենտ կազմակերպությունը վաճառելու է ձեռք բերված կազմակերպության 100% բաժնեմասը ակտիվների արժեքից ավելի թանկ արժեքով։ Վաճառելու է այլ ոչ ռեզիդենտ կազմակերպությանը։ Ի՞նչ հարկեր են առաջանալու 2 դեպքում էլ ՀՀ ռեզիդենտ կազմակերպության մոտ։

Լևոն․

Բարև Ձեզ։ Ես նախատեսում եմ արտադրել լիկյորներ մինչև 30% թնդությամբ։ Խնդրում եմ ներկայացնել արտոնագրի ստացման ընթացակարգի մանրամասները։ Մասնավորապես, ինձ հետաքրքրում են հետևյալ հարցերը․

• Ի՞նչ փաստաթղթեր են անհրաժեշտ ներկայացնելու համար
• Որքա՞ն ժամանակ է տևում արտոնագրի ստացման գործընթացը
• Որո՞նք են դիմումի համար վճարվող պետական տուրքերը
• Ի՞նչ իրավական պահանջներ պետք է պահպանվեն արտադրության ընթացքում:

Կանխավ շնորհակալ եմ տեղեկությունների համար։