Տիգրան․
Բարև Ձեզ։ Կարո՞ղ եք ասել՝ ինչպե՞ս բացել կենտրոն, որտեղ կտան եռակցման, փականագործի դասընթացներ, և խնդրում եմ ասել հերթականությունը և անհրաժեշտ փաստաթղթերը։
Category: Այլ
Եվա․
Բարև Ձեզ, խնդրում եմ ասել՝ եթե ԱՁ-ն (գեղեցկության սրահ), ով աշխատում է միկրոձեռնարկատիրության դաշտում, եթե ունենա աշակերտ կամ ունենա դասընթացներ և տրամադրի սերտիֆիկատ, այս դեպքում անձնագրի հիման վրա հաշիվ գրելն է պարտադիր, թե՞ ՀԴՄ կտրոն կարող ենք տրամդրել։
Արեն․
Բարև ձեզ, հարգելի հաշվապահներ: Խնդրում եմ օգնել հետևյալ հարցում․ շահաբաժինը բաշխելիս պետք է առաջնորդվել հարկայի՞ն հաշվառումով, թե՞ հաշվապահական հաշվառումով: Հարցիս իմաստն այն է, որ կան ծախսեր, որոնք շահութահարկը որոշելիս չեն նվազեցվում համախառն եկամտից, այդ դեպքում շահաբաժինը բաշխելիս պետք է այդ ծախսերն էլ նվազեցնել, նոր հաշվարկել մաքուր շահույթ բաշխել և վճարել 5 տոկոս, թե՞ պետք է առաջնորդվել շահութահարկի հաշվետվությունով տրված թվով։ Եթե հստակ իրավական ակտի համար կարող եք ասել, շատ շնորհակալ կլինեմ։
Եվա․
Բարև Ձեզ: Վճարային տերմինալ է, աշխատում է շրջ. հարկով, շատ եմ խնդրում կասե՞ք՝ ո՞ր ձևով պետք ուղարկեմ եռամսյակային հաշվետվությունը: Ես 232 -ով եմ լրացրել, բայդ դա ճիշտ է, դա առևտուր չի, միգուցե այլ նշեմ: Կանխավ շնորհակալ եմ:
Posted in Ա/Ձ, Ֆիզ. անձ, Այլ, Հարց ու պատասխան
Փոխանցումներ հաշիվների միջև
18/10/2023 3 Comments on Փոխանցումներ հաշիվների միջև
Անի․
Բարև Ձեզ։ ԱՁ-ն գործունեություն չի ծավալել: Բանկն ԱՁ-ի հաշվին շարժ չլինելու պարագայում կես տարին մեկ կլորիկ գումար է գանձելու: Բանկին պարտք չմնալու համար ուզում եմ գումարն իմ անձնական հաշվից փոխանցել ԱՁ-ի հաշվին ու հետո հետ անձնականին, այդ կերպ ապահովել շարժն: Արդյո՞ք անհրաժեշտ է ԱՁ-ի հաշվին անձնական հաշվից փոխանցված գումարն փաստաթղթավել ու ձևակերպել:
Posted in Այլ, Հարց ու պատասխան
Հրուշակեղենի պատրաստում տանը
16/10/2023 2 Comments on Հրուշակեղենի պատրաստում տանը
Սյուզաննա․
Ողջույն,
Ցանկանում եմ տեղեկանալ՝ արդյո՞ք օրինական է, տանը պատրաստվող տորթեր/հրուշակեղենի օնլայն բիզնես ունենալ: Արդյո՞ք որևի լիցենզիա կամ ԱՁ բացելը անհրաժեշտ է:
Գայանե․
Բարև Ձեզ, հարգելի հաշվապահներ։ ՀԴՄ-ի տեսակ կա՞, որ 2024 թվականի հունվարի 1-ից չի գործելու։ Կանխավ շնորհակալություն։
Մերի․
Ողջույն, հարգելի հաշվապահներ։ Հարցս հետևյալն է․ ինչպե՞ս վարձակալության պայմանագրի միջոցով կարգավորել այս դեպքը՝ տարածքի կոմունալ վճարումները կատարում է ֆիզ. անձը իր միջոցներից, այժմ ցանկանում է կոմունալ վճարումները կատարել ՍՊԸ-ի հաշվից։
Վարդուհի․
Բարև Ձեզ։ Եթե առավոտյան ապրանքային ՀԴՄ կտրոնի վերադարձ է եղել, որի գումարը գերազանցել է դրամարկղում առկա գումարը, արդյո՞ք դա խնդրիր է, եթե հասույթը հաստատած չի եղել։
Արմինե․
Որևէ մեկը ինֆորմացիա ունի՞, թե ինչ է լինելու Արցախում գրանցված ընկերությունների ճակատագիրը, որոնք գործում են Հայաստանում: Ինչպե՞ս են վճավելու հարկերը, կամ արդյո՞ք պետք է հաշվետվությունները ներկայացնել, և ովքե՞ր են ստանալու այդ հաշվետվությունները:
Posted in Այլ, Հարց ու պատասխան
e-invoicing սևագրերի ստորագրում
Մերի․
Ողջույն, հարգելի հաշվապահներ, խնդրում եմ պարզաբանել հետևյալ հարցս․՝ e-Invoicng համակարգում 2 ամիս առաջ դուրս եմ գրել հաշվարկային փաստաթղթեր և պահպանել սևագրեր բաժնում, այժմ ցանկանում եմ ստորագրել, համակարգը թույլ չի տալիս, եթե նոր փոփոխության մեջ նշվում է, որ կարող ենք նախկինում դուրս գրված հաշիվները ստորագրել, ապա ինչու՞մն է խնդիրը։ Նախապես շնորհակալություն։
Լիլիթ․
Բարև Ձեզ: Եթե taxservice-ով կատարել ենք ՍՊԸ-ի տնօրենի փոփոխություն, սակայն պետ. ռեգիստրով չենք կատարել և մի քանի օր ուշ ենք կատարում, ի՞նչ խնդիրներ կարող է առաջացնել:
Մերի․
Բարև Ձեզ։
Booking – ով ստացած հաշվի համար գրու՞մ եմ ինքնահաշիվ և վճարումից հետո 20 տոկոս ոչ ռեզիդենտի շահութահա՞րկ եմ վճարում։
Հաշվի գումարը 1649,54 եվրո է։
Հարցս հետևյալն է․ 20 տոկոսը պահում եմ booking-ին վճարում եմ 1649,54-20 տոկոսը, թե՞ ամբողջ գումարն եմ փոխանցում, 20 տոկոսը հարկային գործակալի վրա է մնում ու չի ծախսագրվում։
Աննա․
Բարև ձեզ, հարգելի հաշվապահներ։ Կասե՞ք՝ ինչպե՞ս կատարեմ հաշվապահական ձևակերպումները, ՍՊԸ ունի դրամային և ռուբլու հաշվեհամար, ցանկանում է դրամային հաշվից օրինակ 10 000 դրամի չափով մուտք անի ռուբլու հավեհամարին: Կանխավ շնորհակալ եմ։
Կարեն․
Բարև Ձեզ։ Ֆիզ․ անձն ընկերությունում ունի 100 տոկոս բաժնեմաս, բայց այս պահին դադարի մեջ է։ Ֆիզ․ անձը ունի նաև ԱՁ։ ԱՁ-ն արդյո՞ք կարող է շրջանառության հարկով աշխատել, թե՞ ոչ։
Posted in Այլ, Հարց ու պատասխան
Գործունեության վերսկսում
09/10/2023 4 Comments on Գործունեության վերսկսում
Ռուզաննա․
Բարև Ձեզ: Միկրոձեռնարկատիրության սուբյեկտը գործունեությունը դադարեցրել է նախորդ տարի: Հիմա ուզում եմ բացել (հյուրատուն է), արդյոք հարկայինում 207 ձևն եմ լրացնում ուղարկում: Խնդրում եմ արձագանքեք՝ շտապ է: Շնորհակալություն։
Տիգրան․
Ողջույն։ Կարելի՞ է արտասահմանյան կազմակերպության միջոցով Հայաստանում իրականացնել գործունեություն։ Կազմակերպությունը բրիտանական է, տեսակը LTD (LIMITED)։ Նախապես շնորհակալություն։
Posted in Այլ, Հաշվապահական հաշվառում, Հարց ու պատասխան
ՀՄ նորոգման ծախսեր
09/10/2023 1 Comment on ՀՄ նորոգման ծախսեր
Կլավդիա․
Բարև Ձեզ, մեկ հարց․ ե՞րբ են ճանաչում որպես ժամանակաշրջանի ծախս հիմնական միջոցների նորոգման և սպասարկման ծախսումները։
Posted in Այլ, Հարց ու պատասխան
Ծառայության արտահանում
06/10/2023 5 Comments on Ծառայության արտահանում
Անի․
Հարգելի հաշվապահներ, նորաստեղծ ԱՁ-ն ընդհանուր հարկման դաշտում է: Տարվա մեջ առաջին գործունեությունն իրականացրել է անցած ամիս, ծառայություն արտահանել է: Արտասահմանյան գործընկերոջ անունով գրվել է հաշիվ վավերագիր ծառայության մատուցման օրվա փոխարժեքով:
Քանի որ շարժ չէր եղել հաշվին, բանկն այդ գումարից բավականին մեծ ծառայության գումար է գանձել: Բացի այդ, միջացգային փոխանցման ընթացքում էլ պահումներ են եղել:
Ինչպե՞ս կարելի է բանկի ծառայության վճարն ու SWIFT պահումներն որպես ծախս ձևակերպել-փաստաթղթավորել: SWIFT պահումներն և՞ս պետք է ծառայության մատուցման օրվա փոխարժեքով հաշվել Եթե այո, այն որ գումարն նստել է դրամային հաշվին (սական երևում է որ արտարժույթ է) խնդիր չի՞ առաջացնի:
Անի․
Հարգելի հաշվապահներ, հնարավո՞ր է արդյոք մոռացված հաշիվ վավերագիրն դուրս գրել հետին ամսաթվով նախորդ ամսվա համար, նախքան հաշվետվություններն հանձնելն: Սա խնդիր չի՞ առաջացնի:
Posted in Այլ, Հաշվետվություններ, Հարց ու պատասխան
ԵՏՄ ներմուծման հայտարարագիր
06/10/2023 2 Comments on ԵՏՄ ներմուծման հայտարարագիր
Ռուզաննա․
Հարգելի հաշվապահներ, ԵՏՄ-ից ներմուծում ենք արել ԱՏԳԱԱ 39011 դասակարգիչով, որը ազատված է ԱԱՀ-ից: Հայտարաագրի մեջ թույլ չի տալիս լրացնել համապատասխան տողը /10.1/: Ի՞նչ անել։
Սեդա․
Բարև Ձեզ։ Օգոստոսին Ա/Ձ ենք բացել, բայց ոչ մի գործունեություն չենք ծավալել, 04.10.2023թ․ ուղարկել եմ դադարեցման դիմում և 3-րդ եռ․ շրջ հարկի հաշվետվություն: Հիմա ես էլ ի՞նչ հաշվետվություն պետք է ուղարկեմ և ի՞նչ վճարումներ կատարեմ: Կանխավ շնորհակալություն։
Քնարիկ․
Բարև ձեզ, հարգելի գործընկերներ, մի հատ խնդրի առաջ եմ կանգնել, օգնեք լուծել․ կազմակերպությունը (շրջհարկով աշխատող) տնօրենին տվել է փոխառություն 36 մլն., հիմա հնարավոր է կազմակերպությունը փակվի, ինչպե՞ս էդ գումարը տնօրենը հետ տա։
Արմինե․
Ֆինանսական ճգնաժամի արդյունքում կազմակերպությունը, հրաժարվելով հաշվապահական ծառայությունից, մի քանի ամիս չի հանձնել որևէ հարկային հաշեվություն: Եթե այսօր հաշվետվությունները հանձնվեն, բացի սահմանված տույժերից և տուգանքներից ի՞նչ հավելյալ պատասխանատվություն կարող է առաջանալ:
Posted in Այլ, Հաշվապահական հաշվառում, Հարց ու պատասխան
Մաշվածության հաշվարկ
04/10/2023 4 Comments on Մաշվածության հաշվարկ
Կիմա․
Բարև Ձեզ։ Շատ շնորհակալ կլինեմ, եթե օգնեք։ Ընկերությունը ձեռք է բերել մեքենա $14.000 արժեքով։ Մեքենայի օգտարար ծառայությունը գնահատվում է 5 տարի, իսկ մնացորդային աժեքը $2.000։ Ենթադրվում է, որ 5 տարվա տարվա ընթացքում մեքենան կանցնի 80.000կմ ճանապարհ։ Ենթադրենք՝
1-ին տարում անցնում է 10.000 կմ
2-րդ տարում անցնում է 15.000 կմ
3-րդ տարում անցնում է 18.000 կմ
4-րդ տարում անցնում է 20.000 կմ
5-րդ տարում անցնում է 17.000 կմ
Ընդամենը – 80.000 կմ ճանապարհ
Պահանջվում է՝ հաշվարկել մեքենայի մաշվածությունը 4 մեթոդներով՝ գծային, արտադրական, նվազող մնացորդի և ըստ տարիների հանրագումարի։
Մելինե․
Բարև բոլորին, հարգելի հաշվապահներ, երբ համայնքապետարանից նոր են հիշել և հաշիվ են ուղարկել ` մատուցման ամսաթիվ դնելով 2021 թ. հոկտեմբեր և 2022 թվականի դեկտեմբեր` իրենց հենասյուները օգտագործելու համար, հիմա կասե՞ք խնդրեմ՝ ո՞նց պետք է ճշգրտեմ այդ տարիներիս ֆինանսական արդյունքները, ի՞նչ քայլերով։ Շնորհակալություն։
Նարե․
ԱԱՀ վճարող կազմակերպությունը 2021թ.-ի նոյեմբերին ՀՀ-ում ներմուծում է վարչական նպատակով օգտագործման համար նախատեսված հաստոց 1 500 դոլարով: Գնման օրը ՀՀ Կենտրոնական Բանկում սահմանված 1 դոլարի փոխարժեքը՝ 425 դրամ է:
Մաքսազերծման համար վճարվել է մաքսատուրք 60 000։ Այդ ընթացքում կազմակերպության տարածքում կատարվում էր վերանորոգում, և նոր հաստոցը 1 ամիս պահվել է այլ տեղում, որի համար վճարվել է 30,000 դրամ: Այնուհետև նոր հաստոցը տեղափոխվել է կազմակերպություն և տեղակայվել է 2021 թ.-ի դեկտեմբերի 31-ին, իսկ շահագործումը սկսվել է 2022 թ.-ի մայիսի 4-ին։ Տեղակայման համար ծախսվել է 82,000:
Պահանջվում է տալ համապատասխան ձևակերպումները և հաշվարկել, թե ինչ արժեքով պետք է արտցոլվի հաստոցը 2022 թ. ֆինանսական հաշվետվություններում:
Posted in Այլ, Հարկեր, տուրքեր, վճարներ, Հարց ու պատասխան
Արդյո՞ք կլինի տուգանք
03/10/2023 3 Comments on Արդյո՞ք կլինի տուգանք
Անահիտ․
Բարև ձեզ։ Օգոստոսի 30-ին ԱՁ ենք գրանցել պետռեգիստրում, էլ ոչինչ չի արվել։ Շրջհարկի դիմում չենք տվել, բացի այն, որ ԱԱՀ պիտի աշխատենք, վարչական է՞լ կգա, որ թեկուզ զրոյական, բայց ԱԱՀ հաշվետվություն չենք ներկայացրել օգոստոս ամսվա համար։
Posted in Այլ, Հարց ու պատասխան
1C ծրագրի ուսուցման ուղեցույց
03/10/2023 2 Comments on 1C ծրագրի ուսուցման ուղեցույց
Գոհար․
Հարգելի հաշվապահներ, ինձ կտրամադրե՞ք 1C ծրագրի ուսուցման ուղեցույցը։
Աիդա․
Ինչպե՞ս կարող եմ վերականգնել Էլեկտրոնային հաշվետվությունների համակարգում Լիազորի մուտքանունը և գաղտնաբառը։ Շնորհակալություն։
Posted in Այլ, Հարց ու պատասխան
POS տերմինալի տվյալներ
29/09/2023 2 Comments on POS տերմինալի տվյալներ
Գոհար․
Հարգելի մասնագետներ, հնարավո՞ր է POS տերմինալով գործարքները ճիշտ արվեն, բայց TAXSERVICE-ն սխալ ցույց տա տվյալները:
Շուշան․
Բարև Ձեզ, հարգելի հաշվապահներ! Խնդրում եմ պարզաբանել ԱՁ-ի (շրջանառության հարկ վճարող, հանրային սննդի ոլորտ) լուծարման հետ կապված ո՞ր պետական մարմիններին և ի՞նչ տեղեկատվություն է անհրաժեշտ ներկայացնել։
Արամ․
Բարև Ձեզ։ Ունեմ ՍՊԸ, որը պետք է նվիրատվեմ։ Կասե՞ք՝ հետագայում եթե առաջանան խնդիրներ ՍՊԸ-ի գործունեության հետ կախված, ո՞վ է կրելու պատասխանատվությունը։ Կանխավ շնորհակալություն։
Աննա․
Տնօրենին առհաշիվ տրվել է դրամ, որը ինքը կանխիկացրել է և վերածել արտարժույթի ու բանկում մուտք արել, որպեսզի վճարում կատարի մատակարարին (բանկերը տարբեր են)։ Ինչ որ խախտում կա՞ կանխիկի սահմանափակումների մասով։
Posted in Այլ, Հարց ու պատասխան
Արդյո՞ք դուրս է գրվելու հաշիվ
25/09/2023 3 Comments on Արդյո՞ք դուրս է գրվելու հաշիվ
Մարգարիտա․
Բարև ձեզ: Կազմակերպությունն իրականացնելու է ավտոմեքենաների տեխզննության գործունեություն, որի գումարները վճարվելու են վճարահաշվարկային տերմինալի ԹԵԼԼ-ՍԵԼ-ի միջոցով: Հարկային հաշվետվություն տալու նպատակով յուրաքանչյուր գործարքի համար արդյո՞ք դուրս է գրվելու հաշվարկային փաստաթուղթ։ Իսկ եթե ոչ, ապա ինչի՞ հիման վրա է հաշվետվությունում գրվելու շրջանառությունը: Կազմակերպությունը շրջանառության հարկ վճարող է:
Posted in Այլ, Հարց ու պատասխան
Արդյո՞ք զեղչերը նվազեցվում են
23/09/2023 1 Comment on Արդյո՞ք զեղչերը նվազեցվում են
Մարիաննա․
Խնդրում եմ պատասխանել՝ արդյո՞ք հանրային հատվածում կրեդիտորական, դեբիտորական պարտքերը հաշվառելիս ստացված, տրված զեղչերը նվազեցվում են, թե՞ ոչ։
Մարիաննա․
Բարև Ձեզ, խնդրում եմ պատասխանել․ արդյո՞ք վերանորոգման, ներքին հարադարման աշխատանքների գումարը ավելացվում է հիմնական միջոցների սկզբնական արժեքին հանրային հատվածում։
Posted in Այլ, Հարց ու պատասխան
Նվերների տրամադրում գնորդներին
19/09/2023 4 Comments on Նվերների տրամադրում գնորդներին
Շուշանիկ․
Բարև ձեզ, հագելի գործընկերներ։ Խնդրում եմ պարզաբանել․ ըստ օրենքի հետևյալ գործարքը ընկերությունը մարկետինգային նպատակների համար գնորդներին տալիս է անհատույց նվերներ։ Դա օրենքով ինչպե՞ս է կարգավորվում, և հաշավապահական ինչպիսի՞ ձևակերպում պետք է տամ:
Posted in Այլ, Հարց ու պատասխան
Աղցան վաճառելու համար
19/09/2023 3 Comments on Աղցան վաճառելու համար
Հովհաննես․
Բարև ձեզ: Ես ուզում եմ աղցան վաճառել սուպերմարկետներում: Կասե՞ք՝ ի՞նչ լիցենզիա կամ թույլտվության պետք է ունենալ, և պե՞տք է արդյոք սնունդը բժշկական հետազոտում անցի։
Ավետիս․
Բարև Ձեզ։
Ցանկանում եմ շինարարական հատուկ տեխնիկա (ավտոկռունկ) ներմուծեմ ՀՀ ՌԴ-ից, ՌԴ-ում տեխնիկան իմ անունով է։ Ունեմ ՍՊԸ (ԱԱՀ-ով), որով էլ ուզում եմ ներմուծեմ։
Հիմա հարցը՝ ի՞նչ հարկային պարտավորություններ են գոյանալու, ու ո՞նց պետք ա կազմակերպվի գործընթացը։
Նախապես շնորհակալություն։
Կամ կոնտակտ խորհրդատվական ծառայության համար։
Ռաֆֆի․
Բարև ձեզ։ Ունեմ բջջային հավելված (app), որը ծառայություն է մատուցում զանազան բիզնեսների տարեկան ֆիքսված վճարման դիմաց, անկախ այդ բիզնեսների չափից, եկամուտից, կամ շրջանառությունից։
Հարց 1․ Ինչպիսի՞ գրանցումների կարիք ունեմ ու ի՞նչ վճառումներով
Հարց 2․ Հարկային ինչպիսի՞ պարտավորություններ ունեմ, ու ձեր խորհուրդով ո՞րն է ամենանպաստավոր ընտրանքը։
Արթուր․
Բարև ձեզ, ես Արթուրն եմ, ես ցանկանում եմ զբաղվել թռչնաբուծությամբ, մսատու ցեղատեսակների բուծմամբ, սակայն չգիտեմ, թե ինձ ինչ փաստաթղթեր են հարկավոր, և ինչից սկսեմ։ Նախապես շնորհակալություն։
Կարեն․
Բարև Ձեզ։ Ընկերության տնօրենը բանկից արտարժույթ է կանխիկացրել, հետո այդ գումարը փոխանակման կետում դրամի է փոխարկել։ Արդյո՞ք դա կանխիկի խախտում է համարվում։
Եվա․
Բարև Ձեզ, խնդրում եմ կասե՞ք՝ ինչպե՞ս գտնել հաշվապահի լիցենզավորման համար քննությունների հարցերը։
Posted in Այլ, Հարկեր, տուրքեր, վճարներ, Հարց ու պատասխան
ԱՁ ստացել է ՏՏ հավաստագիր
13/09/2023 2 Comments on ԱՁ ստացել է ՏՏ հավաստագիր
Լիանա․
ԱՁ-ն աշխատում է շրջանառության հարկի համակարգում, ստացել է ՏՏ հավաստագիր։ Հարկային արտոնությունից օգտվելու համար պետք է անցնի ընդհանուր հարկման դաշտ։ Աշխատողներ չունի։ Այս դեպքում չի ունենում ԱԱՀ-ի և շահութահարկի վճարման պարտավորություն, ճի՞շտ է։
Նունե․
Բարև Ձեզ։ ԱՁ-ն ունի փոքր խանութ, որտեղ միայն POS տերմինալ կա, և չի վաճառում ծխախոտ և ալկոհոլային խմիչքներ, հսկիչ նշաններով դրոշմավորված ապրանքների տեղեկատվությունը ինչպե՞ս փոխանցի ՊԵԿ։
Posted in Այլ, Հարց ու պատասխան
Բեռնափոխադրումների դասակարգիչ
13/09/2023 3 Comments on Բեռնափոխադրումների դասակարգիչ
Գոհար․
Բարև Ձեզ։
ՀՀ տարածքում բեռնափոխադրում կատարելու համար հարկային ո՞ր դասակարգչով պետք է գրանցվեմ։
Posted in Այլ, Հարց ու պատասխան
Կոսմետոլոգիական ծառայություններ
Արտավազդ.
Բարև Ձեզ: ԱՁ-Ն միկրոյի դաշտում է աշխատում և ցանկանում է նաև իրականացնել կոսմետոլոգիական ծառայություններ, նախատեսվում է տեղադրել էլոս մազահեռացման սարք։
- Արդյոք այս դեպքում կարո՞ղ ենք աշխատել միկրոյով։
- Արդյո՞ք պետք է լիցենզիա։
- Եթե աշխատողն է իր հետ բերում սարքը և լիցենզիա ունի, այս դեպքում ինչպե՞ս վարվել։
Նունե․
Հարգելի հաշվապահներ, խնդրում եմ բացատրեք՝ ի՞նչ պիտի անի ԱՁ-ն հսկիչ նշաններով դրոշմավորված ապրանքների վաճառքի դեպքում, որ ասվում է՝ հսկիչ նշանների վերաբերյալ տեղեկատվություն են փոխանցելու միասնական շտեմարան։
Posted in Այլ, Հաշվապահական հաշվառում, Հարց ու պատասխան
Հաշվապահական խնդիր
11/09/2023 1 Comment on Հաշվապահական խնդիր
Ալլա․
Բարև ձեզ, խնդրում եմ օգնել լուծել հետևյալ խնդիրը․
Պահանջվում է որոշել ձեռք բերված սարքավորման սկզբնական արժեքը և ձևակերպել գործառնությունները։
Տվյալներ. կազմակերպությունը ձեռք է բերել սարքավորում, որի դիմաց հաշվարկային հաշվից վճարել է 489 600 դրամ, ներառյալ ԱԱՀ-ն: Սարքավորումը տեղափոխել է տրանսպորտային կազմակերպությունը։ Տեղափոխման արժեքն է 48 000 դրամ, ներառյալ՝ ԱԱՀ-ն: Տեղափոխման վճարումն իրականացվել է հաշվարկային հաշվից։ Սարքավորման տեղակայման համար օգտագործվել են նյութեր՝ 12 500, բանվորներին հաշվարկվել է աշխատավարձ 58 000 դրամի չափով։ Տեղակայված սարքավորումը հանձնվել է շահագործման։
Վերջին մեկնաբանություններ