Վերջնահաշվարկ
Հասմիկ.
Խնդրում եմ շատ շտապ օգնեք: Աշխատողը ազատվել է աշխատանքից 2013թ-ի մարտի 15-ից: Նա ընդունվել էր աշխատանքի 2011թ-ի նոյեմբերի 1-ից և չի օգտվել արձակուրդից: 2011 և 2012թ-ին աշխատավարձը եղել է ամսական 60 000դր, իսկ 2013թ-ից 73585 դր, ինչպես հաշվարկեմ վերջնահաշվարկը, չէ՞ որ 24,4% եկամտային հարկ պահելուց նա կտուժի: Խնդրում եմ, արձագանքեք շտապ:
Որքա՞ն կկազմի աշխատավարձը 2013թ. հունվարի 1-ից հետո
Հռիփսիմե Ա.
Հարգելի հաշվապահներ, խնդրում եմ օգնեք հետևյալ հարցում.
եթե աշխատողի աշխատավարձը 2012թ. յուրաքանչյուր ամիս եղել է 100000 դրամ + 30% հավելավճար` 30000 դրամ (վնասակար աշխատանք է), ապա 2013թ. համար որքա՞ն պետք է կազմի նրա ամսական աշխատավարձը: Կանխավ շնորհակալություն:
Արդյո՞ք պարգևավճարները հարկվում են
Հեղինե.
Հարգելի հաշվապահներ, խնդրում եմ օգնեք.
1. Պարգևավճարները, հավելավճարները արդյո՞ք ենթակա են հարկման եկամտային հարկով:
2. Որո՞նք են համարվում պասիվ եկամուտներ:
3. Եթե ԱՁ-ն գործում է, կատարում է 5000 դրամ եկամտային հարկի վճարումները, սակայն դեռևս միայն ձեռքբերումներ է անում հետագայում արտադրանք թողարկելու համար և աշխատողներ չունի, այս դեպքում նա պարտավո՞ր է որևիցե հաշվետվություն ներկայացնելու, թե՞ ոչ: Նշեմ, որ ԱՁ-ն համարվում է շրջանառության հարկ վճարող:
Կանխավ շնորհակալություն:
Ուղղակի և անուղղակի ծախսեր
Քնարիկ.
Խնդրում եմ տեղեկություն տրամադրել ուղղակի և անուղղակի ծախսերի և հաստատուն և փոփոխական ծախսերի մասին: Նախապես շնորհակալություն:
Վառելիքի ծախսի նորմաներ
Հարություն.
Հարգելի գործընկերներ, համաձայն "Շահութահարկի մասին" ՀՀ օրենքի հոդված 16` համախառն եկամտից չեն նվազեցվում ձեռքբերված վառելիքի` ՀՀ կառավարության սահմանած կարգով որոշված չափերը գերազանցող ծախսերը: Արդյո՞ք արդեն կա կառավարության համապատասխան որոշումը:
Բյուջե վճարման ենթակա ԱԱՀ
Էմմա.
Բարև Ձեզ, խնդրում եմ պարզաբանեք հետևյալ հարցը. ընկերությունը համարվում է ամսական ԱԱՀ վճարող: Հաշվետու ամսում հարկային հաշվով ձեռք է բերվել 6000.000 դրամի ընդհանուր գումարով ապրանքներ, որի դիմաց կատարվել է 3000.000 դրամի վճարում: Ընկերությունը ունի նաև ձեռքբերում 500.000 դրամի, որը ձեռք է բերել ԱԱՀ չվճարող կազմակերպությունից: Ողջ ապրանքը իրացրել է 9000.000 դրամի` ներառյալ ԱԱՀ-ը: Պահանջվում է որոշել բյուջե վճարման ենթակա ԱԱՀ-ը: Նախապես շատ շնորհակալություն:
Անհատական հաշվետվության ներկայացման վերջնաժամկետ
Նարինե.
Հարգելի հաշվապահներ, ես սկսնակ եմ և խնդրում եմ ինձ օգնեք: Ես ուզում եմ իմանալ անհատական հաշվետվության ներկայացման վերջնաժամկետը, նախապես շնորհակալություն:
Աշխատանքային գրքույկի լրացման վերաբերյալ
Էլեն.
Հարգելի հաշվապահներ, եթե աշխատանքային գրքույկում վերջին գրառումը կատարվել է 2010-ին, բայց հիմա անհրաժեշտ է կատարել 2009-ի և 2012-ի գրառումները, հնարավո՞ր է 2010-ից հետո գրել 2009-ինը: Կանխավ շնորակալություն:
Կարո՞ղ է ԱՁ-ն աշխատել շրջանառության հարկով
Hamest.
Եթե ԱՁ-ն ունի արտոնագրային վճար, զբաղվում է մանրածախ առևտրով և մատուցում է ինտերնետային ծառայություն, ապա կարո՞ղ է աշխատել շրջանառության հարկով:
Կարո՞ղ է ՊՈԱԿ-ը աշխատել շրջանառության հարկով
Կարինե.
Խնդրում եմ օգնեք: Կարո՞ղ է ՊՈԱԿ-ը աշխատել շրջանառության հարկով: Չենք գերազանցում ԱԱՀ-ի շեմը:
Եթե կազմակերպությունը ծառայություններ է մատուցում ոչ ռեզիդենտին
Hayk.
Հարգելի հաշվապահներ, խնդրում եմ օգնեք. եթե կազմակերպությունը ծառայություններ է մատուցում ոչ ռեզիդենտին, և նախորդ տարվա հասույթը չի կազմել 58.35 մլն դրամ, այդ դեպքում արդյո՞ք կազմակերպությունը շրջանառության հարկ վճարող է հանդիսանում: Եթե այո, այդ դեպքում ավելի ճիշտ չէ՞ դիմում ներկայացնել ՀՏ ԱԱՀ-ով հարկվելու համար, քանի որ ոչ ռեզիդենտին մատուցվող ծառայությունները հարկվում են 0-յական դրույքաչափով:
Արձակուրդի տևողության վերաբերյալ
ANNA.
Բարև ձեզ: Խնդրում եմ շտապ պատասխանեք. ես կարո՞ղ եմ տրամադրել աշխատողներին հասանելիք արձակուրդը 23 օր (աշխատած 14 ամսվա համար) կամ 30 օր (աշխատած 18 ամսվա համար), թե՞ օրենք եմ խախտում և պետք է տրամադրեմ 20 օրից ոչ շատ: Շնորհակալություն:
Գրանցման հայտում աշխատողի ընդունման ամսաթիվը սխալ է լրացվել
Ազատ.
Ես աշխատողի գրացման հայտում աշխատողի ընդունման ամսաթիվն եմ սխալ լրացրել: Երբ ճիշտն եմ լրացնում ու նորից ուղարկում, ասվում է, որ նույն սոց. քարտի համարով արդեն ուղարկվել է, ու չեմ կարողանում սխալս ուղղել: Այս դեպքում ի՞նչ անեմ:
Հաշվետվությունների ներկայացման վերջնաժամկետներ
Արմեն.
Հարգելի գործընկերներ, մինչև ե՞րբ են հետաձգել հունվար ամսվա համար գրանցման հայտերի և եկամտային հարկի հաշվետվությունների ներկայացման վերջնաժամկետները:
Աշխատաժամանակի տեղեկագիր վարելու վերաբերյալ
Հարություն.
Ի՞նչ պատասխանատվություն է սահմանված աշխատաժամանակի տեղեկագիր` տաբել չվարելու համար: Եթե վարչական տուգանք, ապա արդյո՞ք հետո պարտադիր պետք է վերականգնվեն տաբելները: Տաբելի վարումը մեր կազմակերպության համար այնքան բարդ ու աշխատատար է և միևնույն ժամանակ` անիմաստ, քանի որ աշխատողները անհարգելի բացականեր չեն ունենում, անկախ ամեն ինչից` յուրաքանչյուր ամիս նույն աշխատավարձն են ստանում, որ համաձայն ենք վարչական տուգանք վճարել տաբել վարելու փոխարեն: Ի՞նչ խորհուրդ կտաք:
Շահութահարկի հաշվարկի լրացման հետ կապված
Արա Ա.
Հարգելի կոլեգաներ, շահութահարկի հաշվարկը լրացնելիս այսպիսի մի հարց է առաջացել. կազմակերպությունը հաշվետու տարում (2012) վնասով է աշխատել (-100 միավոր), սակայն տարվա ընթացքում կատարված ստուգման արդյունքում հայտնաբերվել է 2011-ին պակաս ցույց տրված եկամուտ (110 միավոր): Երբ այդ պակաս ցույց տրված գումարը տեղադրում ենք "հաշվետու տարում հայտնաբերված (նաև` ստուգմամբ)` դրան նախորդող 3 տարիներում պակաս (ավելի) ցույց տրված եկամուտները (նվազեցումները)" տողում, 2012-ին օգուտ է ստացվում (10 միավոր), սակայն.
"Հաշվետու տարվա շահութահարկի գումարը" (0600) տողը (10 * 20 % = 2 միավոր) պակաս է "- այդ թվում` ստուգմամբ հայտնաբերված լրացուցիչ շահութահարկի գումարը (0600Ա) տողից (110 * 20 % = 22 միավոր), ինչը տրամաբանական չէ, և էլեկտրոնային հաշվետվությունների ծրագիրը չի էլ ընդունում:
Հարց 1. Որտե՞ղ է արտացոլվելու ստուգմամբ հայտնաբերված 110 միավոր եկամուտը և դրան համապատասխան` 22 միավոր շահութահարկը
Հարց 2. Արդյո՞ք այդ 22 միավոր 2011 տարվա շահութահարկը պետք է մասնակցի 2013թ. կանխավճարների հաշվարկին:
Հաշվարկված աշխատավարձը չի վճարվել
Garik.
1 ամսվա աշխատավարձը հաշվարկվել, սակայն չի վճարվել, այն վճարվելու է հաջորդ ամիս միասին: Ինչպե՞ս հաշվարկել և վճարել:
Տաբելի վարման կարգը հերթափոխով աշխատելու ժամանակ
Արուսյակ.
Բարև Ձեզ:
Խնդրում եմ ինձ բացատրեք տաբելի վարման կարգը հերթափոխով աշխատելու ժամանակ: Օրինակ, աշխատում ենք 2 օր 12 ժամով ցերեկը, հետո 1 օր հանգիստ, այնուհետև` 2 օր 12 ժամով գիշերային հերթափոխ, մեկ օր` հանգիստ: Ինչպե՞ս ձևակերպել ամսվա վերջում գիշերային ժամերը և արտաժամերը:
Էլեկտրոնային ի՞նչ հաշվետվություն է լրացվում
Գարիկ Թադևոսյան.
Բարև ձեզ: Աշխատողին աշխատանքից ազատելուց էլեկտրոնային ի՞նչ հաշվետվություն է լրացվում:
Կազմակերպությունը իրականացնում է փաստաբանական գործունեություն
Սուսի.
Բարև Ձեզ: Կցանկանայի իմանալ, թե ինչ հաշվետվություն պետք է ներկայացնի ՍՊԸ-ն, որն իրականացնում է փաստաբանական գործունեություն:
Աշխատողը 3 տարվա ընթացքում չի գնացել արձակուրդ
ANNA.
Բարև ձեզ: Շատ շտապ է, խնդրում եմ օգնեք. աշխատողը 3 տարվա ընթացքում չի գնացել վճարովի ամենամյա արձակուրդ, ես կարո՞ղ եմ տրամադրել 01 փետրվար 2013թ.-ից միանգամից 3 տարվա չօգտագործված արձակուրդ, այսինքն 60 աշխատանքային օր վճարովի արձակուրդ, թե՞ դա օրենքի խախտում է: Շնորհակալություն:
Արդյո՞ք կարելի է կնքել հավատարմագրային պայմանագիր
Եդվարդ.
Արդյո՞ք կարելի է կնքել հավատարմագրային պայմանագիր, եթե ձեռնարկությունը իրականացնւմ է նախագծա-նախահաշվային փաստաթղթերի մշակման աշխատանքներ և չունի գույք, այլ ընդամենը 10 հատ 5000 դրամ արժողությամբ բաժնետոմս:
ԱՁ տարեկան հաշվետվություններ
Մարինե.
Բարև ձեզ: Կարո՞ղ եք խորհուրդ տալ, թե ԱՁ-ն ինչ տարեկան հաշվետվություններ պետք է ներկայացնի այն դեպքում, երբ չկա ոչ մի աշխատղ, միայն ԱՁ հանդիսացող անհատն է: Եվ ինչպե՞ս ճիշտ լրացնել "Ֆիզիկական անձի տարեկան եկամուտների հաշվետվությունը":
Դպրոցի մասնաշենքը տրվում է վարձակալության
Սուսաննա.
Բարև Ձեզ: Ունենք դպրոց, որի մի մասնաշենքը պետք է տալ վարձակալության: Մասնաշենքն ունի 3 հարկ, հարկերի միջանցքները հաշվարկվու՞մ են արդյոք որպես վարձակալությամբ տրվող քառակուսի: Կանխավ շնորհակալություն:
Արդյո՞ք ԱՁ-ն կհամարվի ԱԱՀ վճարող
Սուսաննա.
Բարև ձեզ: Խնդրում եմ պարզաբանել "Շրջանարության հարկի մասին" օրենքի հոդված 4, 3-դ մասի գ. կետը: Ավելի կոնկրետ, հարցս հետևյալն է.
Անհատ ձերնարկատերը, որը զբաղվում է առևտրային գործնեությամբ, ունի 20% ավելի փայաբաժին ուրիշ ՍՊԸ-մ, այդ ՍՊԸ-ն աշխատում է հանրային սննդի ոլորտում: Արդյո՞ք այդ դեպքում Ա/Ձ-ն համարվու՞մ է ԱԱՀ վճարող: Նախապես շնորհակալություն:
Կարո՞ղ է արդյոք այդ ՓԲԸ-ն աշխատել շրջանառության հարկով
Լուսինե.
Խնդրում եմ օգնեք հետևյալ հարցում. սահմանափակ պատասխանատվությամբ ընկերության միակ հիմնադիրը 2013 թվականից միաժամանակ ձեռք է բերել մեկ այլ փակ բաժնետիրական ընկերությունում 50% բաժնեմաս: Այս փաստը կարո՞ղ է ինչ որ կերպ անդրադառնալ այդ բաժնետիրական ընկերության այս կամ հարկատեսակով աշխատելու վրա, այսինքն կարո՞ղ է արդյոք այդ ՓԲԸ-ն աշխատել շրջանառության հարկով: Նշեմ, որ վերոհիշյալ ՍՊԸ-ն աշխատում է ավելացված արժեքի հարկով:
Աշխատակցի պայմանագրի ժամկետը լրացել է
Անահիտ.
Հարգելիներս, մի հարց ունեմ: Աշխատակցի պայմանագրի ժամկետը լրացել է, կասե՞ք ինչ պետք է գրվի ծանուցման մեջ, և քանի՞ օր առաջ պետք է այն տալ աշխատակցին: Շնորհակալություն:
ՀԿ-ն միջոցառումների ժամանակ սննդի համար ծախսեր է կատարել
Մարինե.
Հարգելի գործընկերներ, խնդրում եմ օգնեք. ՀԿ-ն միջոցառումների ժամանակ սննդի համար ծախսեր է կատարել (սուրճի ընդմիջում) և դրա համար ունի բոլոր անհրաժեշտ փաստաթղթերը: Արդյո՞ք դրա համար պետք է 11 տոկոս եկամտահարկ վճարի: Խնդրում եմ հնարավորության դեպքում ասեք նաև, թե որ օրենքով կամ որոշմամբ է դա ամրագրված: Շնորհակալություն:
Արձակման նպաստի հարկումը
Լիա.
Հարգելի հաշվապահներ, խնդրում եմ ինձ օգնել մի հարցով` արձակաման նպաստի դեպքում եկամտային հարկ պահվու՞մ է, թե՞ ոչ:
Հաշվարկային հաշիվ օտարերկրյա պետությունում
Կարեն.
Բարև ձեզ: Հայաստանում գրանցված ՍՊԸ-ն կարո՞ղ է հաշիվ բացել արտասահմանյան բանկում (օր.` ԱՄՆ-ի կամ ԱՊՀ երկրների): Նախապես շնորհակալություն:
Ինչպե՞ս է հարկվելու գործունեությունը
Աշոտ.
Բարև Ձեզ: Ես Ա/Ձ եմ, զբաղվում եմ կահույքի արտադրությամբ, չունեմ աշխատողներ, նախորդ հաշվետու տարում իմ շրջանառությունը չի գերազանցել 2 մլն-ը, խնդրում եմ ասացեք, թե ինչ հարկատեսակով և կարգով եմ հարկվելու այժմ և ինչպես եմ կատարելու սոց. վճարներ: Կանխավ շնորհակալություն:
Միկրոավտոբուսի վաճառքից առաջացած ԱԱՀ
Eva.
Հարգելի կոլեգաներ, ինչպե՞ս է հաշվարկվում և հաշվանցվում միկրոավտոբուսի վաճառքից առաջացած ԱԱՀ-ն (միկրոավտոբուսը կարելի՞ է համարել մարդատար ավտոմեքենա)
1. ԱԱՀ վճարող համարվող կազմակերպությունում
2. ՓՄՁ-ում
Որտեղի՞ց է կարելի քաղել այս ինֆորմացիան:
Էլեկտրոնային հաշվետվության ճշգրտում
Angelina.
Խնդրում եմ պատասխանել իմ հետևյալ հարցին. եթե էլեկտրոնային եղանակով ուղարկված հաշվետվությունում կան սխալներ, ինչպե՞ս կարելի է այն փոխել, խնդրում եմ ինձ տալ ճիշտ ուղղություններ: Կանխավ հայտնում եմ շնորհակալություն:
Գլխավոր տնօրենի և հաշվապահի պայմանագրի ձևեր
Սիլվա.
Խնդրում եմ ինձ ուղարկեք գլխավոր տնօրենի և հաշվապահի պայմանագրի ձևեր, կանխավ շնորհակալ եմ:
Աշխատանքի ընդունման հրամանի ձև
Իգոր.
Բարև Ձեզ, կարո՞ղ եք ինձ աշխատանքի ընդունման հրամանի օրինակելի ձև ուղարկել, կանխավ շնորհակալություն:
Ե՞րբ պետք է վճարել արձակուրդայինը
Արթուր.
Բարև ձեզ: Աշխատողին տրամադրել եմ արձակուրդ (20 օր) 01/02/2013-28/02/2013: Կարո՞ղ եք օգնել` ես այդ գումարը ամսի քանիսի՞ն վճարեմ, և այդ գումարը եկամտային հարկի հաշվետվությունում փետրվար ամսում ցույց տա՞մ: Հաշվարկի համար պետք է վերցնել 01/02/2012-31/01/2013 ժամանակահատվա՞ծը: Եվ ես կարո՞ղ եմ տրամադրել ոչ թե 20 օր, այլ 22օր: Շնորհակալություն:
Ներմուծված ապրանքի դիմաց կանխիկ վճարում
Արթուր.
Կազմակերպությունը կարո՞ղ է արդյոք ներմուծված ապրանքի համար վճարի կանխիկ տնօրենի միջոցով Դուբայում, և եթե հնարավոր է` օրենքի հղումով:
Արդյո՞ք նպաստի գումարը նվազեցվում է շահութահարկի հաշվարկի ժամանակ
helen.
Հարգելիներս, հարցս հետևյալն է, խնդրում եմ արագ արձագանքել. ֆիզ արձակուրդի գումարը շահութահարկում ծախս չեմ կարող չէ՞ համարել և նվազեցնել:
Ա/Ձ սոցապ տարեկան հաշվետվության
helen.
Բարև հարգելիներս, խնդրում եմ արագ արձագանքել.
Ա/Ձ -ի սոցապի տարեկան հաշվետվության մեջ գրված է սոցի նվազագույն գումար, որը չպետք է պակաս լինի 60.000 դրամից, սակայն եթե Ա/Ձ-ն աշխատել է 3 ամիս, այնուհետ դադարեցրել է գործունեությունը, ինչպե՞ս պետք է լրացնել հայտարարգրի 27-րդ տողը, և այն հանձնում եմ թղթային տարբերակով, չէ՞: Եվ ևս մի հարց` անհատական հաշվետվության դեպքում մյուս ամիսները, որ չի աշխատել, ինչպե՞ս եմ լրացնում մյուս աշխատողների համար:
Մանկապարտեզ բացելու համար
Արաքսյա.
Խնդրում եմ օգնեք ինձ կողմնորոշվել: Մանկապարտեզ բացելու համար անպայման անհրաժե՞շտ է ունենալ ՍՊԸ, թե՞ կարելի է գործունեություն ծավալել նաև ԱՁ-ով: Եվ հարկային դաշտում ո՞ր ձևով է առավել հարմար աշխատել:
2013թ-ից անաշխատունակության նպաստները հաշվարկելիս
Լիաննա.
2013թ-ից անաշխատունակության նպաստները հաշվարկելիս 2012թ. բաժին ընկնող ամիսների աշխատավարձերին պե՞տք է ավելացնել սոց. հատկացման գումարները, թե՞ ոչ:
Հաշվապահական հաշվառման քաղաքականության ձև
Srbuk.
Խնդրում եմ իմ էլեկտրոնային փոստին ուղարկել հաշվապահական հաշվառման քաղաքականության ձև: Նախապես շնորհակալություն:
Արդյո՞ք աշխատողը կարող է արձակման նպաստ պահանջել
Արմենուհի.
Բարև Ձեզ:
Եթե տվյալ անձն 3 տարի աշխատել է հարկային կոդ չունեցող միջազգային կազմակերպությունում և սեփական նախաձեռնությամբ աշխատանքից ազատվելու դիմում է ներկայացրել, ըստ ՀՀ Աշխատանքի օրենսգրքի բացի չօգտագործված արձակուրդայինից, արձակման նպաստ կարո՞ղ է պահանջել, թե՞ ոչ: Եթե այո, ապա ի՞նչ չափով:
Կանխավ շնորհակալություն,
Արմենուհի
Կազմակերպությունը մասնագետ է հրավիրել Հռոմից
Անահիտ Սիմոնյան.
Ինչպե՞ս պետք է հաշվարկել ու համապատասխանաբար վճարել օտար երկրից, մասնավորապես՝ Իտալիա-Հռոմից, հրավիրված մասնագետի գործուղման ծախսերը ՀՀ տարածքում:
Պայմանագրի ձևեր
Նարինե.
Հարգելի գործընկերներ, խնդրում եմ ինձ ուղարկեք գլխավոր տնօրենի տեղակալի և կազմակերպության իրավաբանի պայմանագրի ձևեր, կանխավ շնորհակալ եմ:
Ինչպե՞ս է հաշվարկվում եկամտային հարկը օտարերկրացիների համար
Լյուդմիլա.
Բարև Ձեզ: Հարգելի հաշվապահներ, մինչև 2013թ-ը օտարերկրացիների հարկումը եկամտահարկով տարբերվում էր ՀՀ քաղաքացիներից: Հարց` 2013թ-ի հունվարի 1-ից օտարերկրացիների հարկումը եկամտային հարկով ի՞նչ դրույքաչափով է կատարվում: Խնդրում եմ կատարել համապատասխան հղում, եթե հնարավոր է: Շնորհակալ եմ կանխավ:
ԱՁ հղիության և ծննդաբերության նպաստ
Զարա.
Բարև ձեզ: Ես Ա/Ձ եմ: 2008թ. օգոստոսից գնացել եմ ֆիզ. արձակուրդ: Աղջիկս արդեն 4 ամսական է, բայց ես մինչև հիմա չեմ ստացել նպաստի գումարը: Խնդրում եմ, ասացեք` որքա՞ն ժամանակում պետք է վճարում կատարվի:
Գրանցման հայտի ճշգրտում
Հելեն.
Հարգելիներս, մի հարց ունեմ: Հունվար ամսին ուղարկել եմ աշխատողների գրանցման հայտ, որտեղ մի աշխատողի պաշտոնը նշել եմ միայն թարգմանիչ, այնինչ՝ պետք է գրեի նաև տնօրեն: Եթե փետրվարի հաշվետվության ժամանակ նաև ուղարկեմ արդեն ուղղված գրանցման հայտը, որևէ խնդիր կառաջանա՞:
Ի՞նչ ձևակերպումներ տալ
Ani.
Բարև ձեզ: Ես սկսնակ եմ, խնդրում եմ ասեք` ինչպես կարող եմ դրամարկղային գրքում որպես թղթակցվող հաշիվ գրանցել լիցենզիայի, ՀԴՄ սարքի (որի արժեքն է 58.000 դրամ) ձեռքբերումը և բանկում հաշվի բացման համար վճարված գումարը: Նախապես շատ շնորհակալ եմ:
Շրջանառության հարկի հաշվեհամար
ԱՇՈՏ.
Խնդրում եմ ասեք շրջանառության հարկի գանձապետարանի հաշվի համարը: Կանխավ շնորհակալ եմ:
Վերջին մեկնաբանություններ