Արմեն.

Դրամարկղում դրամային մնացորդ չլինելու դեպքում ինչպիսի՞ պատասխանատվություն է սահմանված, և եթե կա այդպիսի օրենք, խնդրում եմ նշել աղբյուրը:

Armine.

Խնդրում եմ պատասխանել: ԱՁ զբաղվում է օճառի արտադրությամբ: Արտադրանքը ենթակա է պարտադիր դրոշմապիտակավորման: Արդյո՞ք ԱՁ պետք է վճարի նաև ակցիզային հարկ, և կարո՞ղ է արդյոք աշխատել շրջանառության հարկով:

Էմիլ.

Ողջույն, կարո՞ղ եք հուշել` որտեղից կարելի է գտնել ՀԿ հիմնադիրների միջև կնքվող պայմանագրի օրինակելի ձև և հիմնադիրների ժողովի արձանագրության օրինակելի ձև: Եթե ունեք, խնդրում եմ ուղարկել emilord շնիկ mail.ru էլ. հասցեով: Նախապես շնորհակալ եմ:

Arsine.

Հարգելի հաշվապահներ,
կազմակերպությունը աշխատում է ԱԱՀ դաշտում: 30.06.2015-ին ստացվել են հարկային հաշիվներ, որոնց էլեկտրոնային վավերացումը կատարվել է 02.07-ին: Կարո՞ղ եմ արդյոք տվյալ հարկային հաշիվներում առանձնացված ԱԱՀ-ը հաշվանցել 2-րդ եռամսյակի հաշվետության մեջ:

Ռիմա.

Հարգելի իրավաբաններ,
Աշխատանքային օրենսգրքի 95 հոդված.

1. Որոշակի ժամկետով աշխատանքային պայմանագիր է կնքվում, եթե աշխատանքային հարաբերությունները չեն կարող որոշվել անորոշ ժամկետով` հաշվի առնելով կատարվելիք աշխատանքի բնույթը կամ կատարման պայմանները, եթե սույն oրենսգրքով կամ oրենքներով այլ բան նախատեսված չէ:
2. Որոշակի ժամկետով կնքված աշխատանքային պայմանագիրը կարող է կնքվել որոշակի ժամանակահատվածով կամ oրացուցային ժամկետի սահմանումով կամ աշխատանքային պայմանագրով նախատեսված աշխատանքների ավարտման սահմանումով:

Հոդվածում նշում չկա, որ որոշակի ժամկետով կնքված աշխատանքային պայմանագրի ժամկետի լրանալուց հետո պետք է կնքվի գրավոր համաձայնագիր կողմերի միջև, սրանից կարող եմ հետևություն անել, որ Ընկերությունը աշխատողի հետ կարող է համաձայնագիր չկնքել, փոխարենը կազմել հրաման` աշխատանքային պայմանագրի ժամկետի երկարացման վերաբերյալ, որտեղ կստորագրեն բոլոր աշխատողները: Արդյո՞ք դա չի հակասի օրենքին, և իչքանո՞վ է այն կիրառելի:
Կանխավ շնորհակալություն:

Էլինա.

Հարգելի՛ մասնագետներ,
Խնդրում եմ օգնել՝ հասկանալու, թե ինչպես է կատարվում մայրության նպաստի հաշվարկը (միջին ամսական աշխատավարձի հաշվումը) 2 գործատուների մոտ աշխատելու պարագայում:

Ունեմ հիմնական գործատու, և նաև համատեղության կարգով դասավանդում եմ:

Ցանկանում եմ հասկանալ` միջին աշխատավարձ հաշվարկելիս արդյո՞ք առանձին են միջինացվում և կիրառում նվազագույն աշխատավարձի 50 տոկոսին չբավարարելու պայմանը, թե՞ յուրաքանչյուր գործատուի մոտ ստացած միջին աշխատավարձը առանձին են հաշվարկում և համեմատում այս պայմանին:

Քանի որ, իմ պարագայում, դասավանդման ժամերի դիմաց ստացված տարեկան համախառն զուտ եկամուտը կազմում է մոտ 250 000 ՀՀ դրամ:

Կանխավ շնորհակալ եմ այս հարցադրումն ինձ պարզաբանելու համար:
Հարգանքով՝
Էլինա

Anna.

Ներեցեք, չէի՞ք ասի` եթե մաքուր աշխատավարձը կազմում է 120 000 դրամ, որքա՞ն կկազմի կեղտոտ աշխատավարձը, եթե կարելի է բացվածքով: Նախապես շնորհակալ եմ:

Aram.

Բարև ձեզ: Խնդրում եմ ինձ օգնել մի հարցով: Ես աշխատում եմ ԱԱՀ-ով աշխատող արտադրական կազմակերպություն: Գնում ենք հարկային հաշիվներով ապրանքներ և օգտագործում սեփական արտադրանքը պատրաստելու մեջ: Այդ ապրանքները ներառված են արտադրանքի ինքնարժեքի մեջ: Հաշվետու ժամանակաշրջանի համար մենք կատարում ենք տվյալ գնված ապրանքների վճարումը և հավաստում ենք էլեկտրոնային ստորագրությամբ ու կատարում ենք հաշվանցում: Բայց այդ ապրանքները, որոնք օգտագործել ենք արտադրանքի պատրաստման համար, դեռևս չենք իրացրել, և այն գտնվում է պահեստում: Խնդրում եմ պատասխանել` ես իրավունք ունեի՞ այն հաշվանցելու:

Նվարդ.

Խնդրում եմ պատասխանել այս հարցին.
համաձայն ՀՀ աշխատանքային օրենսգրքի 173-րդ հոդվածի՝ աշխատողը գտնվում է մինչև երեք տարեկան երեխայի խնամքի համար տրամադրվող արձակուրդում, աշխատաժամանակի հաշվարկի տեղեկագրում լրացվու՞մ է արդյոք աշխատողի անուն-ազգանունը, և ի՞նչ է նշվում համապատասխան վանդակներում: Կանխավ շնորհակալություն:

Լյուդմիլա.

Հարգելի հաշվապահներ, խնդրում եմ օգնեք հետևյալ հարցում, շտապ է: Աշխատում եմ ԱԱՀ-ի 0 ական դրույքաչափով, հարկային հաշիվները ստանում եմ էլէկտրոնային, բայց երբեք էլէկտրոնային չեմ վավերացրել հարկային հաշիվները, հիմա 2015 հունվարից օրենքը փոխվել է, ու պարտադիր պետք է էլէկտրոնային վավերացնել ԱԱՀ-ն հաշվանցելու համար, ես հաշվանցում չեմ անում, բայց դիմում եմ գրում հետ վերադաձնելու համար:
ՀԱՐՑ. արդյո՞ք պարտադիր է հարկային հաշիվների էլեկտրոնային վավերացումը:

Կարինե.

Բարև ձեզ, խնդրում եմ ինձ ուղարկել աշխատողին աշխատանքից ազատելու ծանուցման ձև najaryan88 շնիկ mail.ru

Aram.

Էլ. ստորագրության խնդիր կա, ո՞վ կաևող է օգնել:
Ցույց է տալիս.
Ստորագրության ստուգումը չի հաջողվել: (Փաստաթղթում ‘—- —-յան sign’ ներկայացուցչի ID քարտով ստորագրությունը սխալ է):

Սոնա.

Կասե՞ք խնդրեմ` առավելագույնս քանի՞ օրում գործատուն պետք է վճարի դեկրետի գումարը, որքա՞ն կարող է ուշացնել:

Ani.

Բարև ձեզ, խնդրում եմ ինձ օգնեք հետևյալ հարցում.
Կազմակերպությունը իր հաշվին աշխատակիցների համար պայմանագիր է կնքել սպորտային համալիրի հետ, յուրաքնչյուր աշխատողի համար 15 000 դրամ ներառյալ ԱԱՀ, ինչպես նաև ներկայացման տոմսեր 3 000 դրամ արժողությամբ: Եկամտային հարկի հաշվետվության մեջ ինչպե՞ս պետք է դա արտացոլվի, ո՞ր գումարից պետք է հարկը պահվի` 15 000-ից, թե՞ 19 841-ից, և պե՞տք է դիտարկվի այլ եկամուտ: Կանխավ շնորհակալ եմ:

Նարինե.

Բարև բոլորին, խնդրում եմ պատասխանել հետևյալ հարցիս` արդյո՞ք քաղաքացիաիրավական պայմանագիր կնքած աշխատողին չի հասնում արձակուրդ:

Նորայր.

Հարգելի հաշվապահներ, խնդրում եմ, օգնեք մի հարցում. Ա/Ձ-ն ցանկանում է աշխատել որպես համակարգչային ծառայություններ մատուցող (վերանորոգում, սպասարկում և այլն) հիմնականում կազմակերպությունների հետ փոխանցումով: Իրավունք ունե՞մ ՀԴՄ չունենալու և այդ դեպքում ֆիզ. անձանց հետ կանխիկ գործառույթներ իրականացնելու իրավունք ունե՞մ:

Նարինե.

Խնդրում եմ օգնեք հետևյալ հարցում: Աշխատակիցը գտնվել է ժամանակավոր անաշխատունակության մեջ 13.03.2015 թվականից մինչև 31.05.2015 թվականը: Խնդրում եմ պատասխանեք ոչ աշխատանքային օրերին, այսինքն` 24.04.2015, 01.05.2015 և 09.05.2015 – ի հիշատակի և տոն օրերը պե՞տք է համարել վճարվող, թե՞ ոչ: Շնորհակալություն:

Արևիկ.

Հարգելի կոլեգաներ,
եթե գիշերային պահակը գնալու է ամենամյա հերթական արձակուրդի, և նրա տեղը փոխարինող աշխատող չկա, կարո՞ղ եմ նրան արձակուրդից հետ կանչել, իհարկե նրա համաձայնությամբ:
Շնորհակալություն:

Տնօրեն.

Բարև բոլորին:

ՀՀ ռեզիդենտ ՍՊԸ-ն ունի արտարժութային հաշիվ: ՍՊԸ հիմնադիրները ՀՀ քաղաքացիներ են:
Կա՞ որևէ սահմանափակում շահաբաժինները արտարժութային հաշվից նրանց արտարժութային հաշիվներին անկանխիկ վճարման համար: Հասկանալի է, որ շահաբաժինը հաշվարկվում է ՀՀ դրամով և արտարժույթով վճարումը կատարվում է տվյալ օրվա համար ՀՀ ԿԲ սահմանած փոխարժեքով:

Շնորհակալություն:

Arsine.

Հարգելի հաշվապահներ, մայիսի 1-ին ընկերությունը աշխատել է:
1. Կարո՞ղ եմ արդյոք այդ օրվա փոխարեն մեկ այլ ազատ օր տրամադրել աշխատակցին:
2. Կազմակերպությունը աշխատում է 6-օրյա աշխատանքային գրաֆիկով: Եթե աշխատողը աշխատել է մայիսի 1-ին և նրա ամսական աշխատավարձը 75 000 դրամ է: Մայիսի 1-ի համար որքա՞ն հավելավճար պետք է վճարվի և որքա՞ն կկազմի նրա մայիս ամսվա աշխատավարձը` 75 000 : 25 + 75 000 = 78 000
Կանխավ շնորհակալություն:

Հովիկ.

Հարգելի հաշվապահներ, խնդրում եմ, օգնեք: Ա/Ձ-ն իրականացնում է ռադիոապրանքների առևտուր, չունի աշխատող, հարկվում է շրջանառության հարկով: Հիմա ցանկանում է կատարել նաև պատճենահանում և տպագրություն: Կարո՞ղ է արդյոք հարկվել շրջ. հարկով և օգտագործել նույն ՀԴՄ-ն: Մեկ հարց ևս՝ հնարավո՞ր է ֆիզ. անձով կատարել պատճենահանման ծառայություն, առանց Ա/Ձ-ի արտոնագրային վճարով:

Վարդան.

Հարգելի հաշվապահներ, խնդրում եմ պատասխանել հարցիս: Կազմակերպությունը կատարել է ներմուծում: Փոխադրումը իրականացնելու համար օգտվել է ոչ ռեզիդենտ համարվող կազմակերպությունից, որը չունի ՀՀ-ում ստորաբաժանում: Արդյո՞ք պետք է պահվի 5 տոկոս շահութահարկ ոչ ռեզիդենտից` համաձայն “Շահութահարկի մասին” օրենքի 57-րդ հոդվածի 1-ին կետի:

Գեորգի.

Բարև ձեզ:
Հարգելի հաշվապահներ, ես պատրաստվում եմ գրանցվել որպես ԱՁ: Զբաղվելու եմ համակարգիչների և բջջային հեռախոսների պարագաների մանրածախ վաճառքով: Ունենալու եմ մեկ աշխատող: Ինձ հարկավոր է տեղեկանալ գործողությունների հերթականությանը, և ի՞նչ հարկատեսակներ պետք է մուծի Ա/Ձ: Կանխավ շնորհակալություն:

Սիլվի.

Խնդրում եմ օգնեք հետևյալ հարցում: Շուտով դեկրետ եմ գնալու իմ հիմնական աշխատավայրից, որտեղ ունեմ 10 + տարվա ստաժ: Վերջերս համատեղությամբ աշխատել եմ նաև այլ գործատուի մոտ՝ հիմնական աշխատողին փոխարինող, ու նրա վերադարձից հետո ազատվել եմ աշխատանքից՝ համաձայն պայմանագրի: Երբ ընդունվել եմ, դեռ չեմ իմացել հղիության մասին, և կրճատվել եմ երեք ու կես ամսականում: Աշխատել եմ երեք ամիս: Այդ ընթացքում իմ ստացած աշխատավարձը հաշվարկվելու է իմ միջին աշխատավարձի հաշվարկի ժամանակ, թե՞ ոչ: Շնորհակալություն:

Հեղինե.

Ողջույն, հարգելի հաշվապահներ: Ես մի հարցի առաջ եմ կանգնած, խնդրում եմ օգնեք: Մեր կազմակերպության դոլարային հաշվից գումար ենք հաշվանցել մեր կազմակերպության դրամային հաշվին: Ի՞նչ թղթակցող հաշվով ելք անել դոլարային հաշվից և ի՞նչ թղթակցող հաշվով մուտք անել դրամային հաշվին:

Մարտա.

Արդյո՞ք կարող է դեկրետային արձակուրդը շարունակվել առաջին երեխայից հետո աշխատանքի չանցնելու դեպքում: Նշեմ, որ 2-րդ երեխան ծնվում է դեկրետային արձակուրդի 2.5 տարում: Շնորհակալություն:

Ծովինար.

Հարգելի հաշվապահներ, ձեր օգնության կարիքը կա:
Խնդրում եմ պատասխանել՝ առանց աշխատողից ճշտելու, նախքան վերջինիս՝ որպես աշխատող գրանցելու հայտն ուղարկելը, որևէ կերպ հնարավո՞ր է պարզել՝ վերջինս կենսաթոշակային վճար կատարող է, թե ոչ:

Հարգանքով՝ Ծովինար

Ալինա.

Ասացեք խնդրեմ, հրամանագրքի ճիշտ լրացման օրինակ ՀՈԱԿ ների համար կա՞ և որտեղի՞ց կարելի է օգտվել:

Սիրանուշ.

Բարև ձեզ, խնդրում եմ ինձ կասե՞ք` ինչպես է հաշվարկվում մայրության նպաստը, եթե նախորդող 12 ամիսների դեպքում ունեցել եմ իմ հաշվին արձակուրդ: Նախապես շնորհակալություն:

Nelly.

Բարև ձեզ, հարգելի գործընկերներ: Շատ շնորհակալ կլինեմ, եթե պատասխանեք հետևյալ հարցիս. ո՞ր փոխարժեքով պետք է հաշվարկվի ինքնարժեքը, եթե ներմուծումը կատարվել է FCA պայմանով, և ապրանքի դիմաց ամբողջ գումարի չափով կատարվել է կանխավճար: Կխնդրեի նաև նշել համապատասխան իրավական ակտը:

Տաթև.

Հարգելիներս, ես աշխատել եմ որպես գրանցված աշխատող 4 ամիս, հետո գնացել եմ դեկրետի: Գործատուս ասել էր, որ կստանամ դեկրետի գումարն այն ժամանակ, երբ պետությունը փոխհատուցի իրեն գումարը: Ես ստորագրեցի, որ ստացել եմ այդ գումարը իմ գործատուից, որպեսզի վերջինս ներկայացնի այդ փաստաթուղթը և ստանա գումարը, որից հետո ինձ կվճարի, սակայն 4 ամիս անց նա ինձ տեղեկացրեց, որ մերժվել է հարկայինի կողմից, քանի որ ես 4 ամիս եմ աշխատել: Ես չգիտեմ` արդյո՞ք պետությունը իրավունք ուներ մերժելու, և քանի որ արդեն ստորագրել եմ, որ այդ գումարը ինձ տվել է գործատուն, չգիտեմ` ում դիմեմ: Արդյո՞ք ինձ օրենքով չէր հասնում այդ գումարը:

Narek.

Բարև ձեզ: Խնդրում եմ պատասխանել. մենք 2013թ. նոյեմբերին ձեռք ենք բերել նոր սերնդի ՀԴՄ 370 000 դրամով, իսկ 2014թ. հայտարարվեց, որ 58,350 հազարը չգերազանցող կազմակերպությունների համար ՀԴՄ արժե 150 000 դրամ ու պետք է ավել վճարված գումարը վերադարձվի: Հաշվապահը ասում է, որ մեկ տարուց ավել է դիմում է գրել գումարի վերադարձի համար, բայց դեռ չեն վերադարձրել: Ինչպե՞ս կարող եմ ստուգել:

Լևոն.

Հարգելի գործընկերներ, ինչ նորություն ունեք “Շրջանառության հարկի մասին” ՀՀ օրենքի փոփոխություններից: Արդյո՞ք արդեն կա համապատասխան իրավական ակտը: Շնորհակալություն:

Կարեն.

Բարև ձեզ:
Կազմակերպությունը հիմնադրվել է 2014թ. և էլեկտրոնային դիմում ներկայացրել ԱԱՀ վճարող համարվելու վերաբերյալ (զբաղվում է առևտրային գործունեությամբ): 2015թ.-ից հարկային հաշիվների դուրսգրման ժամանակ հաղորդագրություն է գալիս, որում նշված է լինում՝ «Դուք ԱԱՀ վճարող չեք և ԱԱՀ-ով հաշիվ դուրս գրել չեք կարող»: Ինչքան գիտեմ՝ մենք պետք է ծանուցագիր ստանայինք շրջանառության հարկով աշխատելու համար, սակայն չենք ստացել, ավտոմատ կերպով մենք չե՞նք դառնում ԱԱՀ վճարող (մենք ցանկանում ենք աշխատել ԱԱՀ-ով): Խնդրում եմ պատասխանել:

Նարինե.

Խնդրում եմ պատասխանեք` մայրության նպաստը նույնպե՞ս 80 տոկոս է վճարվում:

Hasmik.

Բարև ձեզ: Որտեղի՞ց կարող եմ բեռնել 1C 8.2-ի ուսումնական տարբերակը:

Nonna.

Բարև ձեզ: Ես նորաստեղծ ՍՊԸ-ի հաշվապահ եմ, որը բացվել է 27.04.15թ: Դեռ գործունեություն չենք ծավալել: Խնդրում եմ պատասխանեք ինձ` ես տնօրենին ու հաշվապահին կարո՞ղ եմ գրանցել 01.06.15թ-ով, թե՞ պետք է դա անեմ բացման օրվանից: Կանխավ շնորհակալ եմ:

Վալյա.

Բարև ձեզ: Ինձ մի հարց է հետաքրքրում, խնդրում եմ պատասխանել:

Ես աշխատել եմ դպրոցում, որպես ֆիզկուլտուրայի ժամանակավոր ուսուցչուհի, ընդունվել եմ աշխատանքի 2013թ. սեպտեմբերից, դասավանդել եմ 5-12-րդ դասարաններին: Այդ ընթացքում հայտարարված էր մրցույթ ֆիզկուլտուրայի ուսուցչի թափուր աշխատատեղի համար: 2013թ. հոկտեմբերի 1-ից ընդունվել է նոր աշխատող, և ես դասավանդել եմ տարական դասարաններին: 2014թ. մայիսի 31-ից ազատել են աշխատանքից՝ պատճառաբանելով, որ փոխարինող աշխատողին արձակուրդներին չեն վարձատրում: 2014թ. սեպտեմբերին կրկին ընդունվել եմ աշխատանքի՝ արդեն փոխարինելու ֆիզ. արձակուրդում գտնվող աշխատողին, և դասավանդել եմ 5-10-րդ դասարաններին: 2015թ. մայիսի 22-ին ես գնացել եմ աշխատանքի, աշխատանքս ավարտել եմ, և տնօրենը ինձ ազատել է աշխատանքից՝ առանց նախապես զգուշացնելու, քանի որ պիտի գա հիմնական աշխատողը: Ավարտել եմ Արթիկի պետական քոլեջի ֆիզկուլտուրայի բաժինը՝ կարմիր դիպլոմով: Հիմա ես հղի եմ և ուզում եմ իմանալ` իրավունք ունե՞ն հինգ ամսական հղի աշխատողին ազատել աշխատանքից: Նաև ուզում եմ իմանալ` ես կարո՞ղ եմ գնալ ֆիզ. արձակուրդ ժամանակից շուտ, քանի որ ունեմ հղիության հետ կապված խնդիրներ: Խնդրում եմ ձեզ որքան հնարավոր է շուտ պատասխանել իմ հարցերին: Նախապես շնորհակալություն:

Հարություն.

Հարգելի կոլեգաներ, հարցս բազմիցս քննարկվել է, սակայն կցանկանայի վստահության համար լսել կարծիքներ: Եթե կազմակերպությունը կանխիկ ապրանք է վաճառում կամ ծառայություն է մատուցում այլ կազմակերպությանը, արդյո՞ք պետք է ՀԴՄ կտրոն տպել, թե՞ կարելի է դրամարկղի մուտքի օրդեր տրամադրել: Շնորհակալություն:

Արման.

Հարգելի գործընկերներ, հանրային սննդի օբյեկտում հաց է թխվում ինչպես հաճախորդների համար, այնպես էլ “դրսից” գնորդների համար: Արդյո՞ք կարիք կա առանձնացնել հաշվառումը` հաճախորդների համար թխվածի համար վճարել արտոնագրային վճար, իսկ “դրսից” գնորդների համար` շրջանառության հարկ:

Լուիզա.

Հարգելի հաշվապահներ,
խնդրում եմ օգնել ինձ հասկանալ դեկրետային օրերի հաշվարկը և չափը:

Աշխատում եմ մասնավոր ՍՊԸ-ում 03/09/2013թ.-ից՝ 145 000 դրամ համախառն աշխատավարձով, երկուշաբթիից – ուրբաթ՝ 09։00-18։00, շաբաթ՝ 10։00-14։00: Հղիության ո՞ր ամսից են գնում դեկրետ, արդյո՞ք հնարավոր է այդ ամիսները հետաձգել և ավելացնել ծննդաբերությունից հետո տրամադրվող օրերին: Խնդրում եմ նաև հաշվել, թե որքան է հղիության նպաստը, և արդյո՞ք պետության կողմից դեկրետում գտնվելու ընթացքում որևէ հավելյալ նպաստ հասնում է, թե՞ ոչ:

Սեդա.

Բարև ձեզ: Ինձ մի հարց է հետաքրքրում, կխնդրեի՝ պատասխանեք:

Քանի՞ ամիս աշխատելուց հետո կինն իրավունք ունի ֆիզ. արձակուրդ գնալ և հղիության նպաստ ստանալ:

Աննա Մարգարյան.

Բարև ձեզ:

Խնդրում եմ հաշվապահական խորհրդատվություն: Ես աշխատել եմ 5 ամիս, մինչ այդ 2 տարի գտնվել եմ երեխայի խնամքի համար տրվող արձակուրդում: Հղիության արձակուրդ գնալու դեպքում որքա՞ն կլինի իմ մայրության նպաստը: Աշխատանքի եմ վերադարձել 2014 թվականի դեկտեմբերի 1-ից՝ ստանալով 50 000 դրամ աշխատավարձ, մինչ այդ ստացել եմ 18 000 դրամ նպաստը: Արձակուրդ եմ գնում 2015 թվականի մայիսի 4-ից: Այդ ընթացքում որևէ այլ եկամուտ, արձակուրդային, հիվանդության կամ այլ նպաստ չեմ ստացել:

Կանխավ շնորհակալություն:
Եթե այս տարբերակով խորհրդատվություն չի տրամադրվում, խնդրում եմ օգնել՝ նշելով խորհրդատվություն ստանալու այլ եղանակ:

Նունե.

Եթե աշխատողը գտնվում է երեխայի խնամքի արձակուրդում` 3 տարի ժամկետով, և երրորդ տարվա մեջ կրկին պետք է գնա ֆիզ. արձակուրդ, կասե՞ք, թե ինչպես է հաշվարկվում միանվագ տրամադրվող գումարը, և արդյո՞ք կա տարբերություն երկրորդ և երրորդ տարիներին գնալու միջև: Շնորհակալություն:

Narek.

Եթե 2014 թ. ծրագիր եմ իրականացրել ՀՀ սպորտի և երիտասարդության հարցերի նախարարության ԵՄԻԿ ՊՈԱԿ-ի դրամաշնորհով, արդյո՞ք պետք է վճարեմ նաև ԱԱՀ և ինչքա՞ն: Հարկային ծառայությունում ասում են, որ ստացած դրամաշնորհից պետք է ԱԱՀ վճարվի:

Կանխավ շնորհակալություն,
Նարեկ

Ani.

Կազմակերպությունը զբաղվում է տուր-փաթեթների և ավիատոմսերի վաճառքով: Ավիատոմսերի վաճառքի ենթագործակալության պայմանագրի համաձայն տասն օրը մեկ հաշվետվություն պետք է կազմել, որը ներառում է աուդիտ, ագենտ և չիրացված թռիչքային կուպոնները: Կարող եք իմ էլ. պոստի հասցեին( larush-ani շնիկ mail.ru ) ուղարկել նման հաշվետվության ձև կամ օրինակ: Կանխավ շնորհակալություն:

Արամ.

Աշխատողի աշխատավարձը փոփոխվել է: Ինչպե՞ս փոփոխեմ taxservice.am ում աշխատողի տվյալներում աշխատավարձի չափը:

Արսինե.

Հարգելի հաշվապահներ, կազմակերպությունը աշխատում է ԱԱՀ դաշտում: Արդյո՞ք կազմակերպությունը իրավունք ունի քրեակատարողական հիմնարկին (բանտ) ապրանք մատակարարել և դուրս գրել հարկային հաշիվ:

Կանխավ շնորհակալություն:

Վարդան.

Բարև: Ես ցանկանում եմ հագուստ ներմուծեմ ինձ հետ ՀՀ, իմ և ընտանիքիս անձնական իրերն են, քաշը մոտավորապես 100կգ: Կցանկանաի իմանալ` մաքսազերծման ենթակա՞ է:

Ani.

Եթե ունեք գնումների որակավորման հարցաշարի ճիշտ պատասխանները, խնդրում եմ, ուղարկեք այս հասցեին՝ ap.sokolova շնիկ mail.ru: Կանխավ շնորհակալություն: