Category: Հարց ու պատասխան

ԱՁ դադարեցրել է գործունեությունը

Վահագն.

Բարև ձեզ։ Եթե կարող եք արձագանքել՝ շնորհակալություն: ԱՁ ունեմ, ընտանեկան ձեռնարկություն, անժամկետ կասեցրել եմ գործունեությունը:
1. Հիմա կարող եմ անել դա օնլայն՝ հաշվի առնելով այս տիրող վիճակը (դիտելով e-register.am կայքը՝ ես չգտա այդ հնարավորությունը):
2. Ինչպե՞ս նորից ստուգել իմ կասեցման հայտը։

Ինչպե՞ս և ու՞ր դիմել մինչև երկու տարեկան երեխայի խնամքի նպաստի համար

Վիկա.

Բարև ձեզ: Ես անհատ ձեռնարկատեր եմ, սակայն 6 ամիս է, ինչ բալիկս ծնվել է, չեմ աշխատում: Բիզնեսով զբաղվում է ամուսինս, ով գրանցված աշխատող է այդ նույն վայրում: Կասե՞ք՝ ինձ պետությունից գումար հասնու՞մ է դեկրետի համար, թե՞ ոչ, նշեմ նաև որ հղիության 7 ամսից հետո էլ աշխատել եմ ու գումար բնականաբար չեմ ստացել: Ինչպե՞ս և ու՞մ պետք է դիմեմ ամսական գումարի համար:

Ինչպե՞ս ձևակերպել պարապուրդի հրամանը

Նառա.

Բարև ձեզ: Կարո՞ղ եք ինձ օգնել. ի՞նչ հրաման պետք է տանք պարապուրդի ժամանակ:

Շնորհակալություն:

Գործուղման ծախսերի չափերը նշվու՞մ են արդյոք հրամանում

Անուշ.

Բարև ձեզ: Ես այսպիսի հարց ունեմ. աշխատակցի գործուղման հրամանի մեջ որևէ գումար նշվու՞մ է, օրապահիկի կամ գիշերավարձի չափի մասին պե՞տք է նշել, թե՞ ոչ։ Եվ մեկ հարց ևս. գործուղման հրամանի վրա պե՞տք է կազմվի նաև գործուղման վկայական:

Հարկերի վճարման հաշվեհամարների վերաբերյալ

Ռիտա.

ՍՊԸ-ների դրոշմանիշային վճարի և միասնական վճարի հաշվեհամարները նույն բյուջետային կազմակերպությունների հաշվեհամարնե՞րն են:

Ինչպե՞ս կարելի է իմանալ՝ աշխատողը գրանցված է, թե ոչ

Արթուր.

Բարև ձեզ։ Ներեցեք, ինձ հետաքրքիր է, թե անձը ինչպես կարող է իմանալ՝ երբվանից է գրանցված աշխատող և ինչքան աշխատավարձ է ստանում։ Կա՞ արդյոք նման պաշտոնական կայք, որտեղից հնարավոր է ստանալ նման ինֆորմացիա։

Հաշվետվությունը ուշ ներկայացնելու դեպքում

Քնարիկ.

Բարև ձեզ:
Կասե՞ք՝ աշխատավարձի մասով հաշվետվությունները՝ եկամտային հարկ և սոց. վճար, մինչև ե՞րբ պետք է ներկայացվեն, և ուշացնելու դեպքում ի՞նչ կլինի:

Աշխատակիցը չի կարողանում ներկայանալ աշխատանքի կորոնավիրուսի պատճառով

Քրիստինե․

Հարգելի հաշվապահներ, գործարքով աշխատող աշխատակիցը մեկնել է ԱՄՆ, հաշվարկել եմ վճարովի արձակուրդ, այն լրանալուց հետո ձևակերպել եմ իր հաշվին 2 ամիս, սակայն կորոնավիրուսի պատճառով չի կարողանում ներկայանալ աշխատանքի, ինչպես վարվեմ, եթե ազատման դիմում էլ չի ցանկանում գրել, որքան կարող եմ պահել և ինչ կարելի է անել։

Կազմակերպությունը չի աշխատում կորոնավիրուսի պատճառով

Մարինե.

Բարև ձեզ: Հարցս հետևյալն է. ՍՊԸ-ի հիմնական գործունեությունը կանոնավոր ուղևորափոխադրումն է, կորոնավիրուսի պատճառով չենք աշխատում, այսինքն՝ պարետի կողմից արգելված է ծավալել գործունեություն: 2020թ. ապրիլի 1-ից բոլոր աշխատողները գտնվում են չվճարվող արձակուրդում, գրել ենք դիմումներ մեր հաշվից չվճարվող արձակուրդ գնալու, կազմված են իրավական ակտերը (անհատական հրամանները), ժամկետը լրանում է մայիսի 1-ին: Մայիսի 1-ից, ԱՕ 186-րդ հոդվածի 6-րդ մասի համաձայն, աշխատավարձ չի վճարվելու: Գրանցման հայտերում ինչ-որ փոփոխություն կատարելու՞ ենք, թե՞ ոչ, ուղղակի մայիս ամսվա եկամտային հարկի հաշվետվությունում ԱՎՈՒՄ-ը կգրենք 0, և ի՞նչ խորհուրդ կտաք՝ այդ մասին մեկ հատ լոկալ հրաման գրե՞նք, թե՞ էլի բոլոր աշխատակիցների համար անհատական հրամաններ տանք: Նախապես շնորհակալ եմ բոլոր պատասխանների համար:

Արդյո՞ք առաջանում է բնապահպանական հարկի պարտավորություն

Մարիամ․

Բարև ձեզ։ Շրջանառության հարկով հարկվող ԱՁ-ն, որը զբաղվում է ավտոմոբիլային վառելիքի (դիզելի և բենզինի) մանրածախ առք ու վաճառքով, պե՞տք է արդյոք վճարի բնապահպանական հարկ։ Շնորհակալություն։

Արդյո՞ք մայրության նպաստը հաշվարկելիս հարկեր են պահվում

Էլ.

Բարև ձեզ: Ինչպե՞ս կարող եմ հաշվարկել միջին աշխատավարձի չափը, չգիտեմ՝ ինչքան է միջին եկամուտը, գրանցված աշխատող եմ ատամնաբուժարանում, կես դրույք, հաստիքը՝ բժիշկ:
Եվս 1 հարց ունեմ. կասե՞ք՝ ինչ հարկերի մասին է խոսքը, երբ հատուկ ծրագիրը հաշվարկում է դեկրետային գումարի չափը, ու հետո նշվում է՝ «հանած հարկերը», 400 000 դրամի դեպքում դա մոտավորապես 100 000 դրամ կազմեց:

Կվճարվի՞ արդյոք անձը պարապուրդի ժամանակ

Արմինե.

Բարև ձեզ: Խնդրում եմ, պատասխանեք. փորձաշրջանն անցա, բայց չհասցրեցի գրանցվել։ Փորձաշրջանի ժամանակ ստացել եմ աշխատավարձ։ Հիմա հարկադիր պարապուրդի գումար պե՞տք է ստանամ, թե՞ ոչ։ Ստացել եմ 110 000 դրամ աշխատավարձ 8 ժամ աշխատաժամով։ Շնորհակալություն:

Հարկային կոդը սխալ է նշվել

Արմեն.

Բարև ձեզ:
ՍՊԸ-ի հասցեն Նոր Նորքում է: Եկամտային հարկ և սոց. վճար վճարելուց հարցնում է հարկային կամ մաքսային կոդը, որը ընտրել եմ «13 Նոր Նորք», սակայն պարզվեց, որ Նոր Նորքի հարկային տեսչությունը թիվ 5-ն է:
Խնդրում եմ, խորհուրդ տվեք՝ ինչ անեմ:

ՏՏ ոլորտի կազմակերպությունը պետք է հաշվետվություն ներկայացնի

Գրիշա.

Բարև ձեզ:

ՏՏ ոլորտի կազմակերպություն ենք, 260 ձև 0-ական տեղեկանք պետք է լրացնել։ Առաջին անգամ եմ այս ձևը լրացնում։ Կարո՞ղ եք հուշել լրացման անհրաժեշտ տողերը, և հարկավո՞ր է հանել «Ակցիզային հարկի» տեսակը լրացնելուց առաջ։

Շնորհակալ եմ։

Կա՞ արդյոք հնարավորություն էլեկտրոնային կարգով լիազոր / օգտվող գրանցելու

Հովսեփ․

Բարև ձեզ: Հարցս շատ շտապ է․ մեքենա եմ վաճառել, պետք է ներկայացնեմ 163 ձևը, հարկայինից ստացել եմ ՀՎՀՀ, բայց ID քարտ չունեմ, ընկերս ունի, որը ակտիվ է, կա՞ արդյոք հնարավորություն էլեկտրոնային կարգով առանց հարկային տեսչություն գնալու լիազորել ինձ հաշվետվությունս ներկայացնելու: Խնդրում եմ հնարավորինս շուտ պատասխանել, մի քիչ մանրամասն, որ կարողանամ ուղարկել, այսօր վերջին օրն է:

Հաստիքի փոփոխության դեպքում

Հեղինե.

Բարև ձեզ: Խնդրում եմ, օգնեք: Եթե աշխատակցի վրա դրված պաշտոնը եղել է, օրինակ, ավագ պարետ, սակայն գործատուն ցանկանում է, որ աշխատողը աշխատի որպես պարետ, այս դեպքում գործատուն տալի՞ս է հրաման, որի մեջ նշվում է հիմք՝ ԱՕ 180-րդ հոդվածի 2-րդ մասը, և կնքում համաձայանագի՞ր: Շնորհակալություն:

Անձը ցանկանում է զբաղվել աղցանների պատրաստմամբ և մատակարարմամբ

Սամվել.

Բարև ձեզ: Ես ցանկանում եմ զբաղվել սալաթների պատրաստման և մատակարարման աշխատանքով: Ցանկանում եմ բացել ընտանեկան բիզնես՝ տնային պայմաններում: Խնդրում եմ, ինձ ուղղություն տաք, թե ինչ փաստաթղթեր և թույլտվություն է պետք նման գործունեություն ծավալելու համար: Շնորհակալություն:

Ինչպե՞ս վճարել աշխատակցին

Էմի.

Բարև ձեզ: Խնդրում եմ, ինձ օգնեք: ԱՁ-ի օգնականը կարանտինի հետ կապված մարտի 13-ից սկսած աշխատել է միայն մեկ ու մեջ, ընդամենը մարտ ամսում 16 օր: Ելնելով ԱՕ 186-րդ հոդվածի 6-րդ մասից՝ չվճարե՞լ բացակայող օրերի համար, կամ միգուցե 2/3-ի չափով: Կամ Ինչպե՞ս վարվել, երբ ԱՁ-ն աջակցության ծրագրերից չի օգտվում:

Շնորհակալություն:

Արդյո՞ք գումարը պետք է ներառել շահութահարկի հաշվարկում

Տիգրան Կ․

ՀՀ աշխատանքի և սոցիալական հարցերի նախարարությունը 2019 թվականին գումար է փոխանցել Ա/Ձ-ին փոքր բիզնեսին աջակցության ծրագրերի շրջանակներում անհատույց: Ա/Ձ-ն աշխատում է ընդհանուր հարկման դաշտում: Կասեք՝ փոխանցված գումարը 2019-ի շահութահարկի հաշվետվության մեջ ներառելու՞ եմ, եթե դեռ չեմ ծախսել։

Արդյո՞ք անհրաժեշտ է ուղարկել տարեկան հաշվետվություն

Գարիկ․

Բարև ձեզ: ԱՁ-ն աշխատում է շրջանառության հարկի դաշտում: Ամեն ամիս ես ուղարկում եմ եկամտային հարկի և սոց․ վճարի հաշվետվությունը: Պե՞տք է արդյոք ուղարկել այդ հաշվետվության տարեկան հաշվարկի հաշվետվություն։ Եթե այո, ապա ո՞ր ձևն է, և վերջնաժամկետը ո՞ր օրն է։ Մերսի:

Եթե կորել է ՀԾՀ քարտը

Լուսի․

Բարև ձեզ։ Տղայիս հանրային ծառայության համարանիշի քարտը կորել է։ Կասեք՝ էլեկտրոնային տարբերակով ու՞ր դիմեմ։ Կանխավ շնորհակալություն։

Օգտվողի անունը կամ գաղտանաբառը սխալ է

Դավիթ․

Բարև ձեզ։ ԱՁ-ի համար ուզում եմ ներկայացնել հաշվետվություն, բայց օգտվողի անունը կամ գաղտնաբառը սխալ է տալիս, ասում է, որ չկա այդպիսի օգտվող, նույն էլ լիազորի համար է ասում, կարո՞ղ եք օգնել՝ ի՞նչ խնդիր կարող է լինել:

Ո՞վ պետք է վճարի տուգանքը

Սուսաննա․

Բարև ձեզ, հարգելի գործընկերներ։
ՀՈԱԿ-ներն ի՞նչ հաշվետվություններ պետք է ներկայացնեն։ Եվ եթե ՀՈԱԿ-ը տուգանվել է շահութահարկի հաշվետվությունը չներկայացնելու պատճառով, ապա ո՞վ պետք է մարի այդ տուգանքը։ Շնորհակալություն։

Հաստիքի կրճատման հետևանքով աշխատողը ընկերության առաջարկով համաձայնվում է այլ աշխատանքի անցնել

Արմինե․

Եթե հաստիքի կրճատման հետևանքով աշխատողը ընկերության առաջարկով համաձայնվում է այլ աշխատանքի նույն բաժնում նույն պայմաններով, արդյո՞ք պետք է վերջնահաշվարկ կատարել, իրավունք ունի՞ ցանկության դեպքում ավելի շուտ աշխատելու նոր պաշտոնում, քան նշված է ծանուցման մեջ։ Նաև հետաքրքիր է՝ այս դեպքում արձակման նպաստ, վերջնահաշվարկ տալի՞ս են, թե՞ ոչ։ Շնորհակալություն։

Արդյո՞ք գործատուն իրավունք ունի հարկադիր պարապուրդի մեջ գտնվող աշխատակցին ազատել աշխատանքից

Լուսինե․

Բարև ձեզ, 2 հարց ունեմ։
1.Արդյո՞ք գործատուն իրավունք ունի հարկադիր պարապուրդի մեջ գտնվող աշխատակցին ազատել աշխատանքից (եթե աշխատակիցը փոխարինող էր ֆիզ.արձակուրդի մեջ գտնվող աշխատակցին և նա հիմա ուզում է վերադառնալ աշխատանքի):
2.Եթե աշխատակիցը ֆիզ. արձակուրդից վերադարձել է 2019թ.-ի հոկտեմբերի 1-ից և աշխատանքից ազատվում է 2020 թվականի ապրիլի 21-ին, վերջնահաշվարկ կատարելիս արձակուրդի հասանելիք ամիսները հաշվում ենք լրիվ 7 ամիսների համա՞ր։

Որքա՞ն սոցիալական վճարի պարտավորություն է առաջանում

Ամելի․

Բարև ձեզ, հարգելի հաշվապահներ, եթե անհատ ձեռնարկատերը աշխատել է 2019 թվականին ԱԱՀ-ի դաշտում և եկամուտ չի ունեցել, որի համար հանձնվել է 0-ական հաշվետվություն, տարեկան շահութահարկի հաշվետվություն հանձնելու ժամանակ որքա՞ն սոց. վճարի պարտավորություն է առաջանում։ Խնդրում եմ հնարավորության դեպքում օրենքից հղում տեղադրել:

Ա/Ձ-ն սոցիալական աջակցության կենտրոնից դրամաշնորհի տեսքով գումար է ստացել

Տիգրան Կ.

Բարև ձեզ: Հաշվապահներ ջան, Ա/Ձ-ն սոցիալական աջակցության կենտրոնից դրամաշնորհի տեսքով գումար է ստացել: Դա շահութահարկի տարեկան հաշվետվության մեջ ինչպե՞ս է արտացոլվում։

Նախապես շնորհակալություն:

Արդյո՞ք պետք է ներկայացնել հաշվետվություն

Սուսաննա.

Բարև ձեզ: Եթե ԱՁ֊ն գրանցված աշխատող չունի, աշխատում է ԱԱՀ֊ով, տարեկան հաշվետվությունից 163 ձևը՝ եկամտային հարկի և սոցիալական վճարի, հանձնու՞մ է։

Հանդիսանու՞մ է արդյոք ընկերությունը հանրային սննդի ոլորտի սուբյեկտ

Արման.

Բարև ձեզ: Կասե՞ք, խնդրեմ, Պետական եկամուտների կոմիտեում տնտեսական գործունեության G47.19.0 դասակարգիչով գրանցված ընկերությունը համարվու՞մ է արդյոք հանրային սննդի ձեռնարկություն, և արդյո՞ք տվյալ դասակարգիչով գրանցված գործատուի աշխատակիցները համարվում են կորոնավիրուսի տնտեսական հետևանքների չեզոքացման 8-րդ ծրագրի մասնակիցներ:

Մեքենայի նվիրատվությունը համարվու՞մ է օտարում

Զորո.

Բարև ձեզ: Կարո՞ղ եք ասել՝ մեքենայի նվիրատվությունը համարվու՞մ է օտարում և ինչպե՞ս է հարկվում (ո՞ր հոդվածով), եթե ֆիզիկական անձն է նվիրաբերում այլ ֆիզիկական անձի:

Կստանա՞ արդյոք նպաստ միկրոձեռնարկատիրության մեջ ներգրավված վարձու աշխատողը

Մարիամ.

Եթե 2020 թվականի փետրվարի 22-ից ընդունվել եմ աշխատանքի արագ սննդի կետում, և այդ սննդի կետը հանդիսանում է միկրոձեռնարկատիրություն, իսկ մարտի 25-ին լրացել է հղիությանս 30 շաբաթը, և ստացել եմ անաշխատունակության թերթիկ, կարո՞ղ եմ արդյոք գնալ ֆիզ. արձակուրդ և ստանալ մինչև 2 տարեկան երեխայի խնամքի նպաստ՝ ամսական 18 000 դրամը։

Արդյո՞ք անհրաժեշտ է վարել դրամարկղային գիրք

Գայանե․

Բարև Ձեզ, հարգելի հաշվապահներ։ Խնդրում եմ ասեք՝ բանջարեղենի խանութին դրամարկղային գիրք անհրաժե՞շտ է վարել, թե՞ ոչ։

Հասարակական կազմակերպություն բացելու համար

Իրինա․

Բարև Ձեզ: Հասարակական կազմակերպություն բացելու համար որտեղից սկսել, եթե հնարավոր է՝ կանոնադրության նմուշ ուղարկեք, հնարավորինս պարզ ներկայացրեք: Նախապես շնորհակալ եմ։

240 հաշվետվությունը լրացնելու համար

Թեհմինա․

Բարև Ձեզ. Եթե 240 հաշվետվության մեջ 87 տողը 0 է, ապա 244 -ի 6-ը նորի՞ց 0 է, իսկ 8 տողը յուրաքանչուր աշխատած ամսվա համար 5 000 դրամ եմ նշում, օրինակ աշխատել եմ մարտից՝ 50 000 դրամ: Նշեմ, որ ԱԱՀ վճարող ԱՁ եմ, սոց․ վճարող եմ:

Արդյո՞ք տուգանք կնշանակվի գրանցման հայտը ուշ ներկայացնելու համար

Անդրանիկ.

Ողջույն:
ՊՈԱԿ-ի աշխատողը իր դիմումի համաձայն գտնվում է իր հաշվին արձակուրդում 08.01.2020թ-ից մինչև 01.04.2020թ, բայց գրանցման հայտը չեմ ներկայացրել: Եկամտային հարկի հաշվետվության մեջ աշխատավարձը 0 է: Պատասխանատվություն կա՞: Իսկ եթե հիմա ուղարկե՞մ:

Էլեկտրոնային հաշվետվությունների համակարգում գրանցվելու համար

Թեհմինա.

Խնդրում եմ օգնեք. Ես ունեմ ID, գրանցված եմ որպես և լիազոր, և որպես օգտվող, ստորագրու եմ հաշվետվություններ: Մեկ այլ ֆիզ անձի համար պետք է իմ ID -ով ստորագրեմ և ուղարկեմ հաշվետվություն, հարկային եմ ուղարկել դիմում լիազորագիր և իմ նույնականացման քարտի սկանը, ինձ հարկայինից ուղարկեցին պայմանագիր, օգտվողի անուն և գաղտնաբառ: Հիմա խնդրում եմ ասեք իմ քայլերի հաջորդականությունը:

Կարո՞ղ է կուտակային կենսաթոշակից պետությունը գումար գանձել

Արման.

Բարև ձեզ: Եթե տվյալ պահին անձը չի աշխատում, կարո՞ղ է կուտակային կենսաթոշակից պետությունը գումար գանձի:

Ինչպե՞ս ներկայացնել զրոյական հաշվետվություն

Բիայնա.

Բարև ձեզ: Խնդրում եմ, օգնեք: Ինչպե՞ս ներկայացնել զրոյական հաշվետվություն, այս իրավիճակում ինքս պետք է դա կատարեմ, թեև մասնագետ չեմ:

Ո՞ր տողում ցույց տալ վնասը

Ավետիս․

Կազմակերպությունը վնասով է աշխատել։ Ո՞ր տողում պետք է արտացոլել վնասը։ Արդյո՞ք եթե վնաս եք ցույց տալու, ապա այդ բացասական թիվը ցույց եք տալիս 33 տողում՝ սեփական կապիտալի այլ տարրեր։

Եկամտային հարկի ճշգրտված հաշվարկ ներկայացնելու համար

Մերի․

Բարև Ձեզ։ Ինչպե՞ս է ներկայացվելու եկամտային հարկի ճշգրտված հաշվարկ-հաշվետվությունը և քանի օր առաջ։

ԱՁ-ն չի ներկայացրել շրջանառության հարկ վճարող համարվելու դիմում

Արփինե․

Բարև ձեզ: Ես ԱՁ եմ գրանցել հոկտեմբերին և աշխատել շրջանառության հարկով։ Չեմ իմացել, որ պետք էր կրկին հանձնել շրջհարկի հայտարարությունը, և հիմա չեմ կարողանում հանձնել շրջհարկի հաշվարկը։ Եթե ճիշտ եմ հասկանում, դա նշանակում է, որ անցել եմ ԱԱՀ դաշտ, բայց ոչ մի ամսական վճարում չեմ կատարել։ Ունեմ մեկ աղբյուրից ստացվող ծառայության դիմաց վճարվող եկամուտ։ Խնդրում եմ, խորհուրդ տվեք՝ ինչպե՞ս վարվեմ, որ վերադառնամ շրջհարկի վճարելուն, և ի՞նչ անեմ հունվար-մարտ ամիսների համար։ Շնորհակալ եմ։

Արդյոք ԱՁ ավտոմատ կերպով կլուծարվի

Գայանե․

Բարև ձեզ։ 2018թ․ ԱՁ եմ բացել, և չի գործել։ Ուզում եմ իմանալ՝ ինչքան ժամանակում է ԱՁ համարվում փակված չօգտագործվելու դեպքում։

Դպրոցը վարձակալության է հանձնել տարածք բուֆետի համար

Մարիամ.

Բարև ձեզ։ Դպրոցը ունի վարձակալության հանձնած տարածք՝ բուֆետի համար։ Ուզում եմ իմանալ՝ կազմակերպությունը ԱԱՀ՞, թե՞ շրջանառության հարկ պետք է վճարի, և արդյո՞ք կարող է եռամսյակով վճարել։ Շնորհակալություն։