Սյուզի.

Հարցս աշխատավարձի հաշվարկման կարգին է վերաբերվում, խնդրում եմ օգնեք։ Եթե քոլեջում աշխատողի դրույքը կազմում է 1,02, իսկ ժամը 750դրամ է, ապա ինչպե՞ս եք հաշվում: Խնդրում եմ մանրամասն գրեք, եթե հնարավոր է։
Շնորհակալություն:

Էմիլի.

Հարգելի հաշվապահներ, կարո՞ղ եք օգնել: Աշխատողը գնացել է իր հաշվին արձակուրդ, կասե՞ք` հրամանը օրենքի ո՞ր կետով կազմեմ:

Աննա.

Խնդրում եմ օգնեք ճիշտ գույքագրում անցկացնել: Ունենք հիմնական միջոցներ, որոնք ենթակա են դուրս գրման, օգտագործման համար ոչ պիտանի են: Ունենք մասնագիտական ակտ և եզրակացություն: Ինչպե՞ս կատարեմ խոտանում?

Աննա.

Բարև ձեզ: Կասե՞ք` 19.7-րդ և 19.8-րդ հոդվածներով սահմանված գործունեության տեսակների համար, որը վճարում է պետական տուրք, կարո՞ղ է անձը գրանցվել ԱՁ միկրոյի համակարգում:

Լաուրա.

Բարև Ձեզ, հարգելի հաշվապահներ, աշխատակիցը գտնվում է արձակուրդի մեջ, նաև ներկայացրել է հղիության բյուլետեն։ Կարո՞ղ եմ հղիության և ծննդաբերության արձակուրդ ձևակերպել։

Անուշ.

Բարև ձեզ: ԱՁ-ն աշխատում է միկրոձեռնարկատիրությամբ, աշխատակիցը վիրահատվել է, ունի ժամանակավոր անաշխատունակության թերթիկ. 01.10.2021-05.10.2021: Աշխատանքի ներկայանալու հատվածում գրված է շարունակելի: Ինչպե՞ս հաշվարկել:

Անուշ.

Բարև ձեզ: Կազմակերպությունը ներկրել է սալիկ, որի համար վճարել է ԱԱՀ: Սալիկները պահեստում կոտրվել են, կարո՞ղ է խոտան ճանաչել, և ի՞նչ ընթացակարգով է իրականացնելու:

Սյուզի.

Բարև ձեզ: Կասե՞ք, խնդրում եմ, եթե աշխատող ընդունելիս թղթային պայմանագիր չլինի, հարկայինի ստուգման ժամանակ ի՞նչ խնդրի առաջ կկանգնենք:

Անի.

Բարև Ձեզ: ԱՁ-ն մատուցելու է հորատման ծառայություններ (буровые услуги)` տարբեր տեղանքներում իր սարքավորումները տանելով։ Այս գործունեությունը ոնց հասկանում եմ պետք է աշխատի շրջանառության հարկի համակարգում, եթե սխալվում եմ` ուղղեք օրենքի հղմամբ:

Հրանուշ.

Բարև Ձեզ, հարգելի հաշվապահներ։ Մի էսպիսի հարց. եթե ոչ ռեզիդենտ ֆիզ. անձին կանխավճարային հաշվով գումար է փոխանցվել` հոկտեմբեր ամսում՝ ծառայությունների մատուցման նպատակով, ապա տվյալ դեպքում այն ներառվու՞մ է հոկտեմբեր ամսվա եկամտային հարկի հաշվետվության մեջ: Եթե այո, ապա ո՞ր դրույքաչափով կհարկվի։

Անուշ.

Բարև Ձեզ: Հարցս հետևյալն է. ես գրանցված աշխատող եմ, ինչպես նաև դրանից բացի ունեմ իմ անունով գրանցված ԱՁ: Մի քանի օրից գնալու եմ ֆիզարձակուրդ, որպեսզի ստանամ ֆիզարձակուրդի վճարը պետք է ԱՁ-իս գործունեությունը դադարեցնե՞մ:

Գարիկ.

Բարև ձեզ: Ո՞վ կարող է ինձ օգնել բացատրել, թե ինչպե՞ս և ո՞նց կարող եմ ես գրել դրամաշնորհ, միտքը ես ունեմ, գաղափար ես ունեմ, բայց չգիտեմ որտեղ պետք է ես դա գրեմ ու ոնց:

Հասմիկ.

Բարև Ձեզ: Ես կցանկանայի իմանալ ներմուծվող հագուստների մի ստվար մասի ԱՏԳԱԱ ծածկագրերը:

Լուսինե.

Բարև ձեզ։ Սեպտեմբերի 30-ից գտնվում եմ ֆիզարձակուրդում, անաշխատունակության թերթիկը ներկայացրել եմ աշխատավայր, բայց դեռ չեմ վճարվել։ Ցանկանում եմ իմանալ` արդյո՞ք գոյություն ունի ժամանակ, որի ընթացքում պետք է ստանամ նպաստը։ Եվ եթե մասնավոր հիմնարկ է, հնարավո՞ր է, որ չվճարեն։ Գրանցված աշխատող եմ։

Կարինե.

Բարի օր բոլորին: Խնդրում եմ օգնել հետևյալ հարցով. կազմակերպությունն ունի սնանկ կարգավիճակ, սնանկության կառավարչի աշխատավարձը օրենսդրությամբ սահմանված հարկերով հարկվու՞մ է:

Լիլիթ.

Բարև Ձեզ: Աշխատողը գտնվում է երեք ամիս փորձաշրջանում: Փորձաշրջանից անցել է երկու ամիս: Կարո՞ղ է գնալ մեկ ամիս չվճարվող արձակուրդ: Եթե կարող է, ապա կերկարի մեկ ամիս փորձաշրջանը, թե՞ չէ:

Բարև Ձեզ: Օնլայն տարբերակով ինչպե՞ս իմանալ մեքենայի գույքահարկի չափը և վճարել:

Սոնա.

Բարև ձեզ։
Երբ անձը գնում է ֆիզարձակուրդ, ինչպե՞ս է հաշվարկվում ֆիզարձակուրդի վճարը, եթե աշխատակիցը ֆիզարձակուրդին նախորդող 12 ամիսների ընթացքում որևիցե ամսվա մեջ ունեցել է մի քանի օր բյուլետեն կամ մի քանի օր վճարվող արձակուրդ։
Շնորհակալություն:

Սեդա.

Բարև Ձեզ: Ընկերությունը Երևանի քաղաքապետարանին վճարել է հողի կադաստրային արժեքը այն սեփականացնելու համար: Խնդրում եմ ինձ ասեք` ի՞նչ ձևակերպում տամ և այդ վճարումը ծախս ճանաչեմ, թե՞ ոչ:

Մարինե.

Բարև Ձեզ: Եթե հիմնական աշխատողի երեխայի խնամքի համար տրամադրվող արձակուրդի ժամկետը լրանում է 2021թ. դեկտեմբերի 18-ին, բայց ինքը արձակուրդից հետո անմիջապես ցանկանում է գնալ մեկ ամիս արձակուրդ իր հաշվն: Աշխատողին հասնու՞մ է 1 ամիս նպատակային չվճարվող արձակուրդ անմիջապես երեխայի խնամքի արձակուրդից հետո` 2021թ. դեկտեմբերի 18-ից սկսած:

Գրիգոր.

Բարև ձեզ: Կասեք` եթե անձը ընդունվել է աշխատանքի 01.06.21թ.-ին և դուրս է եկել 01.11.21-ին, արդյո՞ք պետք է ստանա վերջնահաշվարկ:

Լուսինե.

Բարև ձեզ, հարգելի հաշվապահներ: ԱՁ-ն, որը բանջարեղենի խանութ է, տեղափոխում է հասցեն և պետք է վաճառի համակցված կերեր: Ինչպե՞ս է դա արվում: Կանխավ շնորհակալություն:

Աննա.

Բարև ձեզ: Գտնվում եմ մինչև 3 տարեկան երեխայի խնամքի արձակուրդում, լրանում է 03.12.21-ին: Կարո՞ղ եմ այդ օրն էլ ազատման դիմում գրել:
Նաև այսպիսի մի հարց. նույն դեպքում, եթե հաստիքի կրճատման համար ազատում են աշխատանքից, սակայն չեն ծանուցում, արդյո՞ք ինձ փոխհատուցում հասնում է:

Մանե.

Բարև Ձեզ: Որտե՞ղ կարող եմ տեսնել եկամտային հարկի համար ունեմ գերավճար, թե՞ ոչ։

Լևան.

Կասեք` պարգևավճարից եկամտային հարկ հաշվու՞մ են:

Արմեն.

ՀՀ ռեզիդենտ կազմակերպությունը 3-րդ երկրում գործող կազմակերպության պատվերով ԵԱՏՄ-ում գործող կազմակերպության հետ համագործակցության պայմանագիր է կնքում և ծառայության մատուցման գումար վերցնում։ Որտե՞ղ է համարվում ծառայության մատուցման վայրը։

Ռուզաննա.

Բարև ձեզ։ Խնդրում եմ պատասխանել. իր հաշվին արձակուրդը օրացուցայի՞ն օրով է, թե՞ աշխատանքային օրով է նշվում։ ՀՀ աշխատանքային օրենսգրքում գրված է, որ տարվա կտրվածքով հասնում է մինչև 60 օր։ Այսինքն՝ օրացուցայի՞ն օրով պետք է հաշվել։ Կանխավ շնորհակալ եմ։

Նառա.

Քաղաքացիաիրավական պայմանագրով աշխատողների եկամուտի գումարը եկամտային հարկի ամփոփ հաշվարկում ներկայացվում է հաշվեգրմա՞ն մեթոդով, թե՞ վճարման:

Արամ Հակոբյան.

Բարև Ձեզ։ Ես 3-րդ կարգի հաշմանդամ եմ, ունեմ 13 տարվա ստաժ և ստանում եմ 29 330 դրամ թոշակ։ Խնդրում եմ ասել, թե կբարձրանա՞ արդյոք թոշակս 2012թ․ հունվարի 1-ից։ Նախապես՝ շնորհակալություն։

Անի.

Բարև ձեզ: ԱՁ-ն կարո՞ղ է անհատույց վարձակալության պայմանագիր կնքել ֆիզ անձի հետ, առանց նոտարի:

Անահիտ․

Հոկտեմբերի 30-ին ես գերազանցել եմ 115 000 000 շեմը, գերազանցող գումարը 2 միլիոնից ավել է։ Ես ո՞ր ամսից եմ դառնւմ ԱԱՀ վճարող և ի՞նչ եմ անելու հետո, քանի որ չեմ աշխատելու այդ ԱՁ-ով։

Նարեկ․

Բարև ձեզ։ ԵԱՏՄ-ից էլեկտրոնային ծխախոտի (сигарет) ներկրման դեպքում և՛ որպես ֆիզ. անձ, և՛ իրավ. անձ՝ ի՞նչ մաքսային կարգ է գործում, և ի՞նչ փաստաթղթեր են անհրաժեշտ։

Արման․

Բարև Ձեզ։ Ընկերությունները ՊԵԿ նախագահի հրամանով ճանաչվել են փոխկապակցված։ Երբվանի՞ց պետք է դառնան ԱԱՀ վճարող և արդյո՞ք կարող են հաշվանցվել ստացված հաշիվները։

Գայանե․

Բարև Ձեզ։ Եթե աշխատողը ազատվում է պաշտոնից և 3 աշխատանքային օրվա ընթացքում ընդունվում այլ պաշտոնում, արդյո՞ք վճարվում է վերջնահաշվարկը։

Հայրապետյան Հասմիկ.

Խնդրում եմ ասեք` 44 տարվա աշխատանքային թոշակի դեպքում ամսական թոշակի չափը:

Հայկուհի.

Բարև Ձեզ։ Ընկերներ հարցս հետևյալն է՝ ունենք երկու հերթապահ-մեխանիկներ (վերելակների մասնագետներ), որոնց պայմանագրում աշխատանքային ժամերը նշված են 18։00-09։00-ն, աշխատանքը օրը մեջ, աշխատավարձն էլ ըստ հաստիքացուցակի՝ 97 000 դրամ։ Սակայն յուրաքանչյուր ամիս տաբելում նրանց համար հաշվակվում է 8 ժամ՝ ամեն օր, առանց հաշվի առնելու գիշերային աշխատաժամանակը։ Ինչպե՞ս կարգավորեմ խնդիրը՝ ըստ օրենքի, աշխատաժամանակի (գիշերային) և տաբելի հետ կապված։

Արման.

Բարև Ձեզ։ C18.12.0 գործունեությունը կարո՞ղ է համարվել միկրո:

Նանա.

Բարև ձեզ։ Խնդրում եմ, կասե՞ք՝ եթե մարդը հիվանդ է և պետ. աշխատող, որքա՞ն ժամանակ կարող է մնալ արձակուրդում (լուրջ հիվանդություն է, և պետք է հաշմանդամության կարգ ստանա)։ Օրենքով ե՞րբ է ֆիզ. արձակուրդի ժամկետը լրանում։

Թագուհի.

Բարև Ձեզ, հարգելի հաշվապահներ։ Եթե կա ֆիզ. արձակուրդի դիմումի ձև, խնդրում եմ, տրամադրեք:

Գայանե.

Բարև ձեզ, եթե հաստիքները կրճատվում են, և ունենք ֆիզարձակուրդում աշխատողներ կարո՞ղ ենք ազատել։

Նունե.

Աշխատողի գրանցման հայտը լրացնելուց հետո նշում եղավ, որ հայտը լրացված է սխալներով, բայց որ սխալներով էլ ցույց չտվեց, և հայտը ստորագրելուց հետո էլ նշում է “սխալներով”: Ինչ խնդիր կարող է առաջանալ:

Լանա.

Բարև Ձեզ: Խնդրում եմ պատասխանել, թե ինչ ժամկետում են ներկայացվում գրանցման հայտերը նոր աշխատող ընդունելու, ինչպես նաև աշխատակցի տվյալների փոփոխության դեպքում:

Նանո.

Բարև Ձեզ, հարգելի հաշվապահներ, կխնդրեմ օգնել. IT ոլորտում աշխատող կազմակերպությունն ունի 5 աշխատող, գործունեությունն ուղղված է հիմնականում ծառայությունների արտահանմանը, տարեկան շրջանառությունը չի գերազանցում 58 մլն, արդյո՞ք համարվում է շրջհարկ վճարող, և զուգահեռ ի՞նչ հաշվետվություններ պետք է ներկայացնի։ Շնորհակալ եմ:

Գայանե.

Բարև ձեզ։ Մի հարց. եթե Նոյեմբերի 1-ին ծանուցում ենք տալիս, որ հաստիքի կրճատման համար կազատվի աշխատանքից հունվարի 1-ին, ես պետք է նոյեմբերի 1-ի դրությամբ հրաման գրեմ, թե՞ սպասեմ ազատման ժամանակ հրաման գրեմ։ Շնորհակալություն։

Անահիտ.

Բարև ձեզ, հարգելի հաշվապահներ, ընկերությունը զբաղվում է մեծածախ և մանրածախ վաճառքով, պահեստից խանութ ապրանքները տեղափոխելիս ի՞նչ գնով է ճիշտ կատարել տեղափոխությունը, ինքնարժեքո՞վ, թե՞ վաճառքի գնով:

Սյուզի.

Բարև ձեզ: Օտարերկրյա քաղաքացուն գրանցելիս գրվում է, որ տվյալներում սխալ կա. “Ստուգման ժամանակ տեղի է ունեցել սխալ”: Գրանցում եմ կացության քարտի հիման վրա, ի՞նչը կարող է պատճառ հանդիսանալ։

Լիաննա.

Բարև Ձեզ: Ոչ ընթացիկ ակտիվների վերաբերյալ նյութեր որտեղի՞ց կարող եմ գտնել։

Քրիստինե.

2021-02-09-ին ստացել եմ 50 000 հատ դրոշմապիտակ, չօգտագործված մնացորդ ունեմ, դա հետ վերադարձնելու համար ի՞նչ տույժ/տուգանքներ են հասնում:

Հայկ.

Բարև Ձեզ, կասե՞ք խնդրեմ` ֆիզ անձի կողմից ՌԴ-ից անձնական օգտագործման ապրանք է ներմուծվել, գինը 26 100 ռուբլի, քաշը՝ 125 կգ: Հարկայինում ձեռք է բերել ՀՎՀՀ: Որո՞նք են հետագա քայլերը: Ի՞նչ հարկեր կառաջանան: Շնորհակալություն:

Անի․

Հարգելի հաշվապահներ, եթե դուրս գրված հաշիվներն ստորագրել են ստացողները, ես կարո՞ղ եմ չեղյալ հայտարարել, և դա կարող է հետո խնդիրներ առաջացնել: Խոսքս վերաբերվում է մայիսից-հոկտեմբեր ամիսներին: