Թամարա․

Բարև Ձեզ։ Ասացեք խնդրեմ՝ հաշվարկային հաշվից դրամարկղ կանխիկի մուտքագրումը (աշխատավարձ վճարելու և մանր ծախսերի համար) և ընթացքում դրամարկղից հաշվարկային հաշիվը համալրելը դիտարկվու՞մ է որպես Անկանխիկ գործառնությունների մասին օրենքի խախտում: Շնորհակալություն։

Արեգա․

Հարգելի փորձառու հաշվապահներ, ունեմ այսպիսի հարց, որի համար ակնկալում եմ ձեր ճիշտ պատասխանները.

ՀՀ ՌԵԶԻԴԵՆՏ ՀԱՆԴԻՍԱՑՈՂ ՍՊԸ-ն (որն ունի մեկ մասնակից) 2018-2021թ գործունեության արդյունքներով չբաշխված շահութը կազմել է 155 մլն դրամ: 2022թ․ կազմակերպությունը ընդունել է որոշում բախշման ենթակա շահույթի գումարը վճարի միակ մասնակցին: Ընկերությունը կարողացել է վճարել 103 500 000 դրամ միակ մասնակցին և դրա 5%-ը՝ 5 175 000 դրամ եկամտային հարկ բյուջե:

Հարց 1. Կարո՞ղ է ընկերությունը 2022թ․ արդյունքներով մնացած գումարը ճանաչի որպես հիմնադրին պարտք.

Հարց. 2 Կարո՞ղ է ընկերությունը շահաբաժնի վճարումից առաջացած և վճարված եկամտային հարկը՝ 5 175 000 դրամը բյուջեից ետ ստանա 2022թ. դեկտեմբեր ամսին: Ինչպե՞ս է դա կատարվում: Խնդրում եմ արձագանքեք։

Մերի.

Բարև ձեզ։ Անձը ցանկանում է առցանց տարբերակով կրթական հոլովակների ձևաչափով դասընթացներ իրականացնել։ Արդյո՞ք սա համարվում է լիցենզավորման ենթակա գործունեություն։

Հայարփի.

Բարև ձեզ, հարգելի հաշվապահներ։ Կօգնե՞ք հասկանալ՝ աշխատողի գրանցման հայտում (Ձև 79) շաբաթական տևողություն դաշտը ոչ լրիվ աշխատաժամանակի դեպքում մոտավոր թի՞վ ենք նշում, քանի որ անհայտ է որ օրը ինչքան կաշխատի ժամավճարով աշխատողը։ Նախապես շնորհակալ եմ։

Անժելա.

Բարև ձեզ։ Ֆիզ. արձակուրդի գումարը հաշվելիս, երբ 12 ամսվա ընդհանուր եկամտի մեջ կա նաև քաղիրավական կազմակերպությունից ստացած աշխատավարձ, դա նույնպես հաշվու՞մ են որպես եկամուտ, թե՞ ոչ։

Գայանե․

Բարև Ձեզ։ ՀՀ ռեզիդենտ կազմակերպությունը ոչ ռեզիդենտ կազմակերպությունից ձեռք է բերել ծառայություն, նյութեր են ուղարկել Ռուսաստան, փորձաքննություն են անցկացրել և տրամադրել են սերտիֆիկատ։ Հաշիվ ֆակտուրա են գրել, որտեղ գրված է նաև ԱԱՀ։ Ունենք կնքված պայմանագիր։ Վճարումը կատարել ենք պայմնագիրը կնքելուց հետո 5-օրյա ժամկետում, իսկ հաշիվ ֆակտուրան գրվել է 3 ամիս հետո։ Հարցս հետևյալն է՝ պե՞տք է գրել ինքնահաշիվ և ԱԱՀ հաշվետվության կազմելիս ե՞րբ պետք է ներառեմ, ըստ վճարման ամսի, թե՞ հաշիվ ֆակտուրայի ամսում։

Տիգրան․

Հարգելի հաշվապահներ, հարցս հետևյալն է. երկու կազմակերպություններ, որոնք գործում են ԱԱՀ-ի դաշտում, իրականացնում են բեռնափոխադրման ծառայություններ։

Կազմակերպություններից առաջինը ցանկանում է իր գործունեության ընթացքում շահագործել երկրորդ կազմակերպության տրանսպորտային միջոցները։ Հարցս հետևյալն է՝ ի՞նչ հիմունքներով կարող է այն իրականացնել, արդյո՞ք պետք է որևէ քաղիրավական պայմանագիր՝ վարձակալության և/կամ անհատույց օգտագործման պայմանագիր տրանսպորտային միջոցների, և երկրորդ հարցս՝ կարո՞ղ է կազմակերպությունների միջև կնքվի համատեղ գործունեության պայմանագիր և այն գրանցվի հարկայինում, որի դեպքում տրանսպորտային միջոցների շահագործման վերցնելու պարագայում հարկեր չեն գոյանա։

Տիգրան․

Հարգելի հաշվապահներ, ունեմ այսպիսի հարց. անհատ ձեռնարկատերը, ով գործում է շրջանառության հարկի դաշտում, ցանկանում է Ճապոնիայից ներմուծել 2106909809 ապրանքային կոդով ապրանքներ: Ցանկանում եմ իմանալ՝ արդյո՞ք այս կոդով ապրանքի համար վճարվելու է մաքսատուրք: Եթե կարելի է՝ նշեք նաև մաքսատուրքերի դրույքաչափերը ո՞ր իրավական ակտով են սահմանված։

Մելինե․

Բարև ձեզ, հաարգելի հաշվապահներ։ Եթե ՍՊԸ տնօրենը գրասենյակային տարածքի կոմունալները ամիսներ շարունակ վճարել է իր անձնական Թելսել դրամապանակով, իր հաշվից, հիմա ինչպե՞ս է ճիշտ դրանք արտացոլել ՍՊԸ ծախսերի մեջ։

Տաթև․

Բարև Ձեզ, հարգելի հաշվապահներ: Հարկայինի ծրագրի մուտքանունը ու գաղտնաբառը հարկայի՞նն է տալու, թե՞ ինքս կարող եմ գրանցվել։

Հեղինե․

Բարև ձեզ։ Խնդրում եմ օգնեք։ ՍՊԸ-ի տնօրենին տրամադրվել է փոխառություն երկու ամիս առաջ։ Հիմա նա ուզում է փոխառությունը մարել իրեն հասանելիք բոնուսի հաշվին։ Քանի որ գումարը ՍՊԸ-ի հաշվից միանգամից ուղղվում է փոխառության մարմանը, եթե չեմ սխալվում, կնքվում է համաձայնագիր։ Կարո՞ղ եք ինձ ուղարկել համաձայնագրի տիպային օրինակ։

Արինա.

Բարև ձեզ։ Խնդրում եմ օգնել։ 31.12. 2013թ դրությամբ ընկերության ոչ ընթացիկ ակտիվների վերաբերյալ առկա է հետևյալ տեղեկատվությունը ` հիմնական միջոցներ սկզբնական արժեք՝ 860 000$, կուտակված մաշվածություն՝ 397 000$, 2014թ ընթացքում վաճառվել է սարքավորում, որի հաշվեկշռային արժեքը 37 000$ էր, սկզբնական արժեքը՝ 80 000$, և վաճառվել էր 49 000$-ով։ Տարվա ընթացքում ձեռք է բերվել նոր սարքավորում՝ 180 000$ սկզբնական արժեքով։ Ընկերության մաշվածության հաշվառման քաղաքականությամբ հիմնական միջոցի ձեռք բերման տարում մաշվածությունը հաշվառվում է ամբողջ տարվա համար, իսկ օտարման տարում մաշվածություն չի հաշվարկվում։ Մաշվածությունը հաշվարկվում է գծային մեթոդով 10% դրույքաչափով։ Հիմնական միջոցները ի՞նչ գումարով կարտացոլվեն 31.12.2014թ ֆինանսական վիճակի հաշվետվությունում։

2.

2018թ հունվարի 1-ին ձեռք է բերվել հիմնական միջոց 50 000 դրամ արժեքով, մաշվածությունը հաշվարկվել է նվազող մնացորդի մեթոդով՝ 30% դրույքաչափով։ Որքա՞ն կկազմի հիմնական միջոցի հաշվեկշռային արժեքը 2020թ տարվա վերջում։

Նախապես շնորհակալություն։

Դիտել այլ հաշվապահական խնդիրներ

ՀԵՐՄԻՆԵ.

Բարև Ձեզ։ Խնդրում եմ օգնել։ Եթե աշխատողը երեխայի խնամքի արձակուրդից հետո ներկայանում է աշխատանքի ու գնում բյուլետեն՝ ինչպե՞ս է հաշվարկվում նպաստը։ Խնդրում եմ նաև օրենքի հղում տալ։

Ռուբեն.

Բարև ձեզ, հարգելի հաշվապահներ։ Ես մտադրվում եմ բացել երկու ՍՊԸ տարբեր գործունեության համար, եթե առաջինում 100% բաժնետոմս ունեմ և երկրորդում 20%-ից պակաս, ապա այդ դեպքում կարո՞ղ եմ շրջ. հարկով ձևակերպել։ Հարց. հնարավո՞ր է երկրորդ ՍՊԸ կնոջս անունով գրանցել, որպեսզի 20-ի տեղը օր. 50% լինի և հնարավոր լինի նմանապես շրջ. հարկով ձևակերպել։ Շնորհակալ եմ նախօրոք։

Աստղիկ.

2022թ. հունիսին, որպեսզի դրամարկղի մնացորդը նվազեցնեմ, անցած տարիներին չտրված շահաբաժին եմ տվել հիմնադրին, բայց շահաբաժնի գումարը քիչ էր քան կուտակված շահույթը: 2022թ. 6 ամսվա կտրվածքով հաշվարկել եմ հարկվող շահույթ, ավելացրել կուտակված շահույթին և վճարել շահաբաժին, հաշվետվության մեջ ներկայացրել և վճարել 5 տոկոս: Հասկանում եմ, որ սխալվել եմ: Խնդրում եմ ձեր օգնությունը, բացի փոխառություն ձևակերպելուց ուրիշ ի՞նչ ձևով կարող եմ շտկել սխալս:

Արևիկ.

Ուկրաինական ՏՏ ոլորտի կազմակերպության հետ ծառայության ՀՀ քաղաքացու կողմից պայմանագիր կնքելու պարագայում ո՞ր երկրի օրենսդրությամբ է ծառայություն մատուցողը հարկվելու։

Խնդրում եմ նաև նշեք՝ ծառայությունների մատուցման պայմանագիրը ծառայություն մատուցողի կողմից վաղաժամ կարո՞ղ է խզվել, թե՞ ոչ։ Եթե այդպիսի կետ նշված չէ պայմանագրում, ապա ծառայություն մատուցողն իրավունք ունի՞ ըստ աշխ. օրենսգրքի, 30 օր առաջ տեղեկացնելով մյուս կողմին, լուծելու պայմանագիրը և դադարեցնելու ծառայությունների մատուցումը։

Գևորգ.

Բարև Ձեզ, հարգելի հաշվապահներ։ Ո՞նց եք։ Հարցը հետևյալն է. ՍՊԸ-ն աշխատում է շրջանառության հարկի դաշտում, այս տարի ընդհանուր շրջանառությունը եղել է մոտավորապես 42 մլն դրամ, հիմնական միջոցներ ունենք վաճառքի՝ միասին վերցված չի գերազանցում 115 մլն.։ Այս տարի, եթե վաճառվի՝ գերազանցված մասով պե՞տք է վճարվի ԱԱՀ և շահութահարկ, իսկ եթե մյուս տարի 2023թ.-ին է վաճառվում ու չի գերազանցում 115 մլն դրամը՝ միայն հարկային պարտավորություն լինում է շրջ հարկի, քանի՞ տոկոսը 5, թե՞ 10%։ 2023 թվականի ԱԱՀ-ի շեմը 115 միլիո՞ն է։

Դավիթ․

Բարև ձեզ։ Ես արդեն մի 10 օր է որպես Ա/Ձ եմ գրանցվել։ Զբաղվելու եմ շարֆերի և գլխարկների արտադրությամբ։ Արտադրանքը վաճառելու եմ Instagram, Facebook, և Liooli.am հարթակներում միայն անկանխիկ եղանակով։ Խնդրում եմ ասեք՝ կարո՞ղ եմ ես միկրոձեռնարկություն լինել, և ՀԴՄ սարք պե՞տք է, թե՞ ոչ։ Իսկ եթե ՀԴՄ սարք պետք չի, ի՞նչ էլեկտրոնային համակարգով է իմ շրջանառությունը տեսնելու հարկայինը։

Նարեկ․

Հոդված 72. Հաշվանցումների (պակասեցումների) կատարման սահմանափակումները 1. Օրենսգրքի 70-րդ և 74-րդ հոդվածներով սահմանված կարգով բյուջե վճարման ենթակա կամ բյուջեից փոխհատուցման ենթակա ԱԱՀ-ի գումարների հաշվարկման նպատակով ԱԱՀ-ի հաշվանցումներ (պակասեցումներ) չեն կատարում` 8) եթե ոչ իրացման նպատակով ձեռք են բերվել և (կամ) ներմուծվել են թեթև մարդատար ավտոմեքենաներ, բացառությամբ այն դեպքերի, երբ թեթև մարդատար ավտոմեքենաներն օգտագործվում են վարձույթով տրամադրելու համար: Սույն կետի կիրառության իմաստով, համարվում է, որ թեթև մարդատար ավտոմեքենան ձեռք է բերվել և (կամ) ներմուծվել է ոչ իրացման նպատակով, եթե ավտոմեքենայի սեփականության իրավունքը օրենքով սահմանված կարգով ստացել է պետական գրանցում.

Հարց-Կասե՞ք՝ ո՞րն է օրենքով սահմանված կարգով ստացած պետական գրանցումը ։

Սուրեն․

Բարև Ձեզ։ Ունեմ նման հարց։ Ֆիրման ներմուծել է սենդվիչ պանելներ, սակայն հայտարարագրելիս մաքսային արժեք են դիտարկել ոչ թե ինվոյսային արժեքը, այլ շուկայականը։ Միևնույն ժամանակ մեզ ասում են, որ պատրաստ են մեզ տալ ապրանքը, բացել մաքսային ստուգում, տրամադրել 60 օր ժամանակ համապատասխան թղթերը ստանալու համար, որից հետո շատ հնարավոր է հայտարարագրման մեթոդը փոխեն։ Բայց չենք ուզում ստուգում։ Առկա պայմանում ստացվում է, որ մեզ մոտ հարկային բեռը 20 մլն կավելանա մաքսազերծելիս։ Խնդրում եմ խորհուրդ տալ՝ ինչպե՞ս խելամիտ օգտվել ներկա վիճակից, եթե ֆիրման աշխատում է շրջհարկով, արդյո՞ք արժի մինչև մաքսազերծումը անցում կատարել ԱԱՀ-ի դաշտ և կուտակել ԱԱՀ-ի դտ, թե՞ ուրիշ այլ տարբերակ կասեք։ Շնորհակալ եմ։

Սուրեն․

Շահութահարկ վճարող ֆիրման անհատույց ստացել է հողամաս 6 միլիոն դրամ արժեքով։ Կասե՞ք ինձ, խնդրում եմ՝ ի՞նչ եղանակով եմ ծախս և եկամուտ ճանաչելու ու ե՞րբ։ Շնորհակալ եմ։ Օրենքի հղում էլ կասեք ինձ, խնդրում եմ, որ կարդամ։

Սուրեն․

ՀՀ ռեզիդենտ կազմակերպությունը ՀՀ ոչ ռեզիդենտ, ՀՀ-ում մշտական հաստատություն չունեցող ֆիրմայից ՀՀ տարածքում գնել է ապրանքներ 10 միլիոն ՀՀ դրամ արժողությամբ, որի վճարումը միանգամից կատարել է։ Գույքի գնման մասին վաճառողը փաստաթուղթ չի տվել։ Որքա՞ն շահութահարկի պարտավորություն է ինձ մոտ առաջանում ոչ ռեզիդենտին վճարված եկամուտների մասով։ Նախապես շնորհակալություն։ Եթե օրենքի հղում տաք, շատ ավելի լավ։

Արինա․

Բարև ձեզ, հարգելիներս։ Խնդրում եմ օգնել որոշել տարեկան մաշվածության գումարը։ 01.01.18թ-ի դրությամբ ընկերության հիմնական միջոցի հաշվեկշռային արժեքը 6 000 000 դրամ է, մնացորդային ամորտիզացիոն ժամկետը՝ 4 տարի, նվազագույն ամորտիզացիոն արժեքը 10 տարի։ 01.05.18թ-ին կատարվել է կապիտալ բնույթի ծախս 8 000 000 դրամի չափով։

Նախապես շնորհակալություն:

Դիտել այլ հաշվապահական խնդիրներ

Արինա․

Խնդրում եմ օգնել` տալ ձևակերպումները և որոշել վերջնական ֆինանսական արդյունքը ։

Կազմակերպությունը 01.10.2008թ-ին ձեռք է բերել հաստոց 3 000 000 դրամով և անմիջապես հանձնել շահագործման ` կատարելով տեղակայման ծախսումներ, այդ թվում` նյութեր 150 000 դրամ, աշխատավարձ 100 000 դրամ, հաստոցի օգտակար ծառայության ժամկետը 5 տարի, մնացորդային արժեքը 0 դրամ, մաշվածության հաշվարկման մեթոդը` գծային-հավասարաչափ։ 01.01.2010թ-ին կազմակերպությունը օտարում է հաստոցը 2 000 000 դրամով։

Նախապես շնորհակալություն ։

Դիտել այլ հաշվապահական խնդիրներ

Հայկ․

Բարև Ձեզ: Ունեմ 2 հարց, կխնդրեմ օգնել:

Հարց 1. ՍՊԸ-ն այս տարվա նոյեմբերի 1-ից շրջհարկի համակարգից անցել է ԱԱՀ-ի համակարգ: Արդյո՞ք պետք է ներկայացնել և ԱԱՀ-ի ամսական հաշվարկը՝ նոյեմբեր ամսվա համար, և նաև շրջհարկի հաշվետվությունը 2022թ. 4-րդ եռամսյակի համար:

Հարց 2. ԱԱՀ-ի 260 ձևը լրացնելիս ԱԱՀ-ի դեբետ բաժնում համակարգը ավտոմատ լրացնում է ձեռքբերումների գումարը, ցանկանում եմ իմանալ՝ արդյո՞ք այդ հաշվարկում ներառվում են ինվոյսինգում ստացված այն հաշիվների հանրագումարը, որոնց մատակարարման ամսաթիվը նոյեմբեր ամսվան է պատկանում:

Նախապես շնորհակալություն։

Մելինե․

Բարև ձեզ։ Կազմած լիազորագիրը առանց լիազորողի կարո՞ղ եմ տանել նոտարի մոտ՝ հաստատելու։ Լիազորող անձը Հայաստանում չի, բայց կարող է ինձ PDF-ծրագրի միջոցով լիազորագիրը կազմած ուղարկել։

Սվետա․

Բարև Ձեզ։ Խնդրում եմ օգնել ինձ։ ԱՁ -ն աշխատում շրջ. հարկով մայիս ամսվանից: Չունի գրանցվաց աշխատող և չի վճարում սոց վճար: Հարցեր.

1․ Եթե ցանկանա ժամանակավոր դադարեցում տալ, ինչպե՞ս է դա արվում

2․ Եթե ամսական կտրվածքով չի վճարել եկամտային հարկ, ապա դա պիտի անի մինչև ապրիլի 20-ը, թե՞ դադար ձևակերպելուց հետո

3․ Նաև տարեկան հաշվետվությունները․ խնդրում եմ ասել հաշվետվության ձևերը, որը պիտի լրացնել (շրջանառության հարկը վճարվել է ժամանակին):

Շնորհակալ եմ:

Մելինե․

Հարգելի գործընկերներ, խնդրում եմ օգնել: Եթե ԱՁ-ն շրջհարկով է հարկվում, սակայն որևէ գործունեություն չի իրականացրել: Տարեվերջին ի՞նչ հաշվետվություններ և հարկային պարտավորություններ են առաջանում։ Նշեմ, որ ԱՁ-ն բացվել է 22.11.2022թ.-ին: Կանխավ շնորհակալություն։

Մերի․

Բարև Ձեզ։ Հարցս կայանում է հետևյալում․ աշխատակցին մեկ ամսվա ընթացքում քանի՞ օր արձակուրդ է հասնում, ես գիտեմ, որ 20/12=1.66 կլորացվածով 1,67 , եթե կա այլ հաշվարկ, որտեղ 1,70 է լինում աշխատակցի 1 ամսվա հասանելիք արձակուրդի քանակը, խնդրում եմ հուշել։

Արմինե․

Հարգելի հաշվապաներ, 2023թ. քանի՞ տոկոս է պահվում սոց. վճարը:

Աննա․

Բարև Ձեզ, այսպիսի մի հարց ունեմ: ԱՁ-ն 2022թ նոյեմբեր ամսին դիմել է «Տեղեկատվական տեխնոլոգիաների ոլորտի պետական աջակցության մասին» Հայաստանի Հանրապետության օրենքով սահմանված կարգով հավաստագիր ստանալու համար:

Ըստ ՀՀ հարկային օրենսդրության 445 հոդվածի 5) կետի (Հոդված 445. Օրենսգիրքն ուժի մեջ մտնելու կապակցությամբ Հայաստանի Հանրապետության որոշ օրենքների ուժը կորցրած ճանաչելը_ 5) «Եկամտային հարկի մասին» Հայաստանի Հանրապետության 2010 թվականի դեկտեմբերի 22-ի ՀՕ-246-Ն օրենքը, բացառությամբ այդ օրենքի 10-րդ հոդվածի 1.1-ին մասով «Տեղեկատվական տեխնոլոգիաների ոլորտի պետական աջակցության մասին» Հայաստանի Հանրապետության օրենքով սահմանված կարգով հավաստագրված հարկային գործակալներին վերաբերող դրույթների, որոնք գործում են հավաստագրի տրամադրման օրվանից մինչև 2022 թվականի դեկտեմբերի 31-ը) ԱՁ-ն որպես հարկային գործակալ կարող է այդ հավաստագրով տրված արտոնությունից օգտվել մինչև 2022թ դեկտեմբերի 31-ը:

Այսինքն՝ 2023թ հունվարի 1-ից աշխատողների աշխատավարձից պետք է եկամտային հարկը հաշվարկվի 20% տոկոսադրույքո՞վ՝ 10%-ի փոխարեն։ Կանխավ շնորհակալություն:

Սուրեն․

Բարև Ձեզ։ Նման հարց ունեմ․ նոր ԱՁ է մոտս, ՏՏ ոլորտի հավաստագիր ունի, ու իրացման շրջանառությունը կազմում է 10 մլն դրամ։ ՊԵԿ-ից ասում են՝ կուտակային վճար պետք է վճարվի, կասե՞ք՝ ինչ է դա, ու ինչքա՞ն պիտի վճարեմ։

Լուսէ․

Խնդիր. Կազմակերպությունը զբաղվում է առևտրական գործունեությամբ, ունի առևտրային սրահ, որի պաշարների գույքագրումը իրականացվել է 01.01.2016թ.ին, գույքագրմամբ պաշարները կազմվել են 15մլն. դրամի, սակայն պաշարների հաշվապահական մնացորդը կազմում էր 15.2մլն. դրամ: Տարվա ընթացքում մատակարարներից կատարվել են ձեռք բերումներ՝ 145մլն. Վաճառքը կազմել է 158մլն Վաճառքից համախառն շահույթը կազմում է 23մլն։ Հայտնի է, որ տվյալ տարում պաշարների պահպանման ծախսերը կազմել են 1մլն: Պահանջվում է որոշել պաշարների մնացորդը առ 31.12.2016թ.ին։

Դիտել այլ հաշվապահական խնդիրներ

Սուրեն․

Բարև Ձեզ։ Ունեմ նման հարց։ Կազմակերպությունը 412 հաշվով ունի փոխառության պարտավորություն հիմնադիր տնօրենի նկատմամբ։ Մյուս կողմից էլ 342 հաշվում ունի դեբետային մնացորդ, այսինքն՝ նախորդ տարիների չբաշխված շահույթ։ Կարող եմ արդյո՞ք 412-ի կրեդիտը մարեմ առկա 342-ի դեբետով, թե՞ ոչ։ Ինչ ռիսկեր կամ նյուանսներ կան։ Շնորհակալ եմ։

Էլինա․

Խնդրում եմ օգնեք․ շրջհարկով աշխատող ՍՊԸ-ի համար շահաբաժնի հարկման բազան որոշելուց արդյո՞ք նվազեցվում են վճարված աշխատավարձերը։ Խնդրում եմ տալ ՀՕ հոդվածի հղում։ Կանխավ շնորհակալ եմ։

Քրիստինե․

Որո՞նք են շրջանառու միջոցները և ոչ շրջանառու միջոցները։

Քնարիկ․

Բարև բոլորին։ Հարգելի հաշվապահներ, կասե՞ք՝ ինչպե՞ս խմբավորել գործառնությունները ըստ դրամական հոսքերի գործունեության տեսակների:

Մերի․

Բարև Ձեզ, հարգելի հաշվապահներ։ Կազմակերպությունը զբաղվելու է ինտերնետ կապի վերավաճառքով (հանդիսանալու է ինտերնետ պրովայդեր), արդյո՞ք պետք է լիցենզիա ստանա, թե՞ հանդիսանալով վերավաճառող՝ կարող է չլիցենզավորվել, և ո՞ր հարկման համակարգում կարող է գործել , կա՞ն արդյոք այլ առանձնահատկություններ։ Կանխավ շնորհակալ եմ։

Մարինե․

Բարև ձեզ, հարգելի հաշվապահներ։ Նախապես ներողություն եմ խնդրում շատ հարցեր հղելու համար։ Գործող ԱՁ-ն ուզում է դադարեցնել գործունեությունը և բացել ՍՊԸ ու դիմել հավաստագրի համար։ Զբաղվելու է ֆրիլանս ծրագրավորմամբ։ ԱՁ-ն 1 տարի է ինչ գործում է որպես միկրոձեռնարկատիրություն։ Դասավանդում է։ Ունի մեկ աշխատող։ Նախկինում ցավոք չի դիմել հավաստագրի համար։

1․ Կարո՞ղ է ՍՊԸ-ի հիմնադիրը լինել մեկ ուրիշ մարդ։ Հաճախորդները փոխանցելիս կարո՞ղ են պատճառաբանել, որ հիմնադիրը այլ մարդ է, և չեն կատարի փոխանցում։ Թե՞ ՍՊԸ-ի դեպքում փոխանցումը չի սուբյեկտիվացվում։

2. Կարո՞ղ է ԱՁ-ի հիմնադիրը դառնալ ՍՊԸ-ի տնօրեն այն դեպքում, երբ գրանցված աշխատող է հանդիսանում այլ ընկերությունում։

3. Այս դեպքում ՍՊԸ-ն կարո՞ղ է դիմել հավաստագրի համար։ Աշխատող ունենալ / չունենալու խնդիր կարո՞ղ է լինել։

4․ Եթե ԱՁ-ով շարունակի, ապա պե՞տք է փոխել գործունեության տեսակը – շրջանառության հարկ։ Այդ դեպքում որքա՞ն տարեկան տոկոս պետք է ԱՁ-ն վճարի

5․ ԱՁ-ն մեկ տարի գործելուց հետո կարո՞ղ է դիմել հավաստագրի համար։

Արուս․

Բարև ձեզ: Ռուսաստանից ներմուծված գյուղատնտեսական նշանակության ապրանքների (խաղողի այգու մետաղյա պրոֆիլներ) ներմուծման դեպքում ԱԱՀ վճարվու՞մ է:

Արինա․

Բարև ձեզ, հարգելիներս։ Խնդրում եմ օգնեք տալ համապատասխան ձևակերպումները և որոշել ակտիվի սկզբնական արժեքը։ Ընկերությունը ձեռք է բերում հիմնական միջոց 1 000 000 դրամ արժեքով` տեղափոխման համար ծախսելով 500 000 դրամ։ Տեղակայման համար ծախսել է նյութեր 300 000 դրամի, հաշվարկել է աշխատավարձ 100 000: Նախապես շնորհակալություն։

Դիտել այլ հաշվապահական խնդիրներ

Սուրեն Գեղամյան․

Բարև Ձեզ, գրանցել եմ ԱՁ, որը դեռևս չի գործում: Խնդրում եմ պարզաբանել՝ չգործող ԱՁ-ն ունի՞ հարկային պարտավորություն, և ո՞րն է դա: Շնորհակալություն:

Ջուլիա․

Ինչպե՞ս ձևակերպել արձակուրդից հետ կանչելու հաշվարկը։

Բարև Ձեզ:

Հարգելի հաշվապահներ, խնդրում եմ օգնել:

Աշխատակիցը ներկայացրել է անաշխատունակության թերթիկ 18.11.2022թ-27.11.2022թ համար, ըստ օրենքի վերջին փոփոխությունների՝

1. արդյո՞ք առաջին օրվանից վճարումը  լինելու է գործատու կողմից, թե՞ երկրորդ օրվանից սկսած։

2. Արդյո՞ք սոցիալական ապահովության վճարների հաշվետվությունում պետք է արտացոլվի հիվանդության արձակուրդի մասին ինֆոն, եթե այո, ինչպե՞ս։

3. Ի՞նչ թղթեր է պետք ներկայացնել և որտեղ պետության կողմից հասանելիք վճարումը ստանալու համար։

4. Եթե աշխատակիցը վերջին 12 ամիսներին անընդմեջ աշխատել է երկու տարբեր կազմակերպություններում, պե՞տք է արդյոք ներառել երկու կազմակերպություններում ստացած եկամուտները միջինի հաշվարի մեջ, թե՞ ոչ:

Զվարթ․

Բարև Ձեզ, եթե ծառայություն ենք մատուցում օտարերկրյա ընկերությանը, և աշխատում ենք շրջ․ հարկով, հաշիվ վավերագիր և թղթային ինվոյս կա, այլ գործողություններ է՞լ են հարկավոր անել։

Քնարիկ․

Հարգելիներս, խնդրեմ ասեք, ապրանքի (օգտագործված տրակտորի մասեր) արտահանելու համար ТН ВЭД կոդերը որտեղի՞ց պետք է ստանալ։ Արդյո՞ք հաշվապահը որևէ թուղթ պետք է ներկայացնի մաքսային կամ ՊԵԿ։

Հեղինե․

Բարև ձեզ։ Խնդրում եմ ասեք՝ շահաբաժինը ե՞րբ իրավունք ունենք վճարելու։ Հաջորդ տարվա ո՞ր ամսին։

Լիլիթ.

Բարև ձեզ։ Ես նոր ստեղծված հիմնադրամի աշխատող եմ։ Աշխատավարձի վճարման ժամանակ բանկային հաշիվ բացելու գործընթացը երկարեց, իսկ դրամարկղ չունենք։ Ես հիմանդիրին առաջարկեցի որպեսզի աշխատավարձի վճարումները ինքը կատարի որպես հիմնադիրի միջոցների հաշվին։ Հիմա այդ գործարքի համար ինչպիսի՞ ձևակերպումներ պետք է կատարեմ։

Գրիգոր․

ԲՈՒՀ-ը կատարում է ուսուցիչների վերապատրաստման աշխատանքներ: Ազատվա՞ծ է արդյոք ԱԱՀ-ից, այսինքն ՀՕ 64 հոդվածի 2-րդ կետի 1-ին ենթակետի համաձայն ազատվու՞մ է ԱԱՀ-ից, նշեմ, որ կանոնադրության մեջ նշված է՝ Բուհը կարող է անձամբ զբաղվել ձեռնարկատիրական գործունեության հետևյալ տեսակներով՝ 1) գիտամանկավարժական կադրերի պատրաստում, վերապատրաստում, որակավորման բարձրացում: Եթե այո՝ խնդրում եմ հղում լինելու դեպքում, նշեք: Շնորհակալություն:

Արտակ.

Բարև ձեզ։ Հարկային մարմնում հաշվառման կանգնելու առցանց դիմումի ձևանմուշ առկա՞ է, թե՞ գրվում է ձեռագիր։ file-online.taxservice.am կայքում այսպիսի կետ կա «վերբեռնեք ստորագրված դիմումը»։ Շնորհակալ եմ։