Անահիտ․

Բարև Ձեզ, ես ունեմ խնդիր քարտի հետ և չեմ կարողանում եմ ստորագրել հաշիվ ապրանքագրերը։ Ինձ անհրաժեշտ է հաշվապահ, ով կարող է ստորագրել 3-4 հաշիվ ապրանքագիր ամսվա ընթացքում։

Լևոն․

Բարի օր: Եթե ընկերությունը գործակալության պայմանագրով վճարում է մասնավոր անձին, ընկերությունը պե՞տք է եկամտային հարկ պահի, թե՞ մասնավոր անձը վճարում է ինքնուրույն:

Satik.

ԱԱՀ վճարող ՍՊԸ-ն գնել է անշարժ գույք և հողամաս ֆիզ անձից։

Հարց․ Ձևակերպումները ինչպե՞ս պետք է տալ՝ առանձին անշարժ գույքի համար և հաշվել մաշվածությունը, և առանձին հողամասի՞ համար։ Հողամասի ձեռք բերումը միանգամից կարո՞ղ եմ ծախսագրել և ի՞նչ գումարով՝ կադաստրային արժեքո՞վ, թե՞ ձեռք բերման արժեքով։

Անի․

Բարև ձեզ։ Հասարակական կազմակերպությունն աշխատակիցների համար ձեռք է բերել բժշկական ապահովագրություն: Մեկ անձին բաժինը ընկնող գումարը ամսվա կտրվածքով 18 300 դրամ է։ Ըստ օրենքի՝ 10 000 դրամը նվազեցվում է, իսկ գերազանցող մասը հարկվում։ Հաշվապահական ի՞նչ ձևակերպումներ են տրվում այս դեպքում։ Կանխավ շնորհակալություն։

Արսեն․

Բարև Ձեզ: ՍՊԸ-ն ունի երեք մասնակից, մասնակիցներից մեկը (ով տնօրեն չէ) ցանկանում է հեռանալ ընկերությունից: Նա այլևս բաժնեմաս չի ունենալու, նրա բաժնեմասը պետք է բաշխել մյուս երկու մասնակիցների միջև: Կհուշե՞ք՝ ի՞նչ փաստաթղեր է պետք ներկայացնել պետ. ռեգիստր անհրաժեշտ փոփոխությունները կատարելու համար (բաժնեմասի բաշխում մնացած երկու մասնակիցների միջև, մասնակցի հեռացում մասնակիցների ցանկից և այլն): Փաստաղթերը պետ. ռեգիստր է ներկայացնելու ՍՊԸ-ի տնօրենը: Շնորհակալություն:

Գոհար․

Բարև ձեզ, հարգելի մասնագետներ, հարցս հետևյալն է․ եթե ապրիլի 30-ին լրացել է դրոշմապիտակների հետ վերադարձի ժամկետը, կասե՞ք՝ ինչ՞քայլեր պետք է անեմ հիմա տուգանքներից խուսափելու համար։

Գայանե․

Բարև Ձեզ, խնդրում եմ կասե՞ք՝ ինչպե՞ս պետք է վարվեմ: Աշխատանքի տեսչության հանձնարարագրի հիման վրա քիչ վճարված արձակուրդայինի գումար եմ վճարել, տվյալ աշխատակիցը ազատված է աշխատանքից։ Ինչպե՞ս պետք է ձևակերպում տամ, և հարկեր առաջանու՞մ են, թե՞ ոչ:

Կարեն․

Բարև Ձեզ։ Ընկերությունը աշխատում է ԱԱՀ-ով, ունի մեքենաներ, որոնք ցանկանում է վաճառել։ 1-ին մեքենային մնացել է 500 000 ՀՀ դրամ, որպեսզի մաշվի, այն պետք է վաճառի 1 500 000 ՀՀ դրամով։

2-րդ մեքենան ամբողջությամբ մաշվել է, պետք է վաճառի 1 000 000 ՀՀ դրամով։

Կասե՞ք՝ որքա՞ն ԱԱՀ և շահութահարկ պետք է վճարել։

Կարինա․

Կազմակերպությունը լուծարել է հոսքային գիծը, որն այլևս պիտանի չէ հետագա օգտագործման համար։ Սկզ․ արժեքը 5 800 000 դրամ է, օգտակար ծառայութունը սահմանել է 10 տարի, մնց․ արժեքը 300 000 դրամ, մաշվածության համար կիրառվում է գծային եղանակը։ Հոսքային գիծը լուծարվել է 8 տարի շահագործելուց հետո, հոսք գծի ապատեղակայման համար հաշվարկվել է աշխատավարձ բանվորներներին՝ 52 000, լուծարքից ստացվել են պահեստամասեր 50 000 դրամ արժեքով։

1) դտ 714 Կտ 111 – 1400000
2)8*5800000-300000/10=4400000
3)դտ 112 Կտ 111 – 4400000
4)դտ 714 Կտ 527 – 52000
5)դտ 211 Կտ 611 – 50000
6)կտ 331Դտ 714
7) դտ 614 Կտ 331 – 50000
Խնդրում եմ օգնեք վերջացնեմ խնդիրը։

Անուշ․

Բարև Ձեզ։

Ինձ մի հարց է հետաքրքիր։ Եթե հարկային հաշվում սխալ է նշվել այն վայրը, որտեղից ապրանքները մատակարարվելու են, արդյո՞ք այդ դեպքում պետք է դուրս գրվի ճշգրտող հաշիվ, թե՞ ոչ։ Եվ եթե պետք է դուրս գրվի ճշգրտող հարկային հաշիվ, ապա ի՞նչ հետևանքներ կլինեն, եթե դուրս չգրվի ճշգրտող հարկային հաշիվը։

Տիգրան․

Հեղուկ նիկոտին պարունակող ծխախոտային միջոցները 2023թ-ից կհարկվեն նիկոտինի 1 մլ-ի դիմաց 55 դրամ ակցիզային հարկով:

Օրենքն ընդունվելու դեպքում ուժի մեջ կմտնի
– արտադրողների ու ներմուծողների համար՝ մարտի 1-ից
– վերավաճառողների համար` ապրիլի 1-ից

Արդյո՞ք օրենքն ուժի մեջ է մտել, և եթե հնարավոր է՝ մի փոքր մանրամասնեք, թե ինչպե՞ս է կատարվելու հարկումը վերավաճառողների համար (ԱՁ, մանրածախ վաճառք)։

Գարիկ․

Բարև ձեզ։ Յութուբյան ալիքից գումար ստանալու համար Google Adsense-ը պահանջում է հարկային կոդ։ Պարտադի՞ր է որպես ԱՁ գրանցվել։

Արսեն․

Բարև Ձեզ: Որ խնդրեմ կհուշե՞ք՝ ոնր է տարբերությունը ընկերության կանոնադրության փոփոխության և նոր խմբագրության միջև: Պետ. ռեգիստրի կայքում երկու տարբեր փաստաթղթեր են հրապարակված. օրինակ, իրավաբանական հասցեի փոփոխության համար, բայց հասկանալի չէ՝ տարբերությունը որն է: Նախօրոք շնորհակալություն:

Եվա․

Խնդրում եմ կասե՞ք՝ եթե ԱՁ-ն իր անձնական հաշվին գումար է փոխանցում, ինչպե՞ս պետք է ձևակերպել, ի՞նչ պարտավորություն կառաջանա։ ԱՁ-ն ծառայություն է մատուցում, շրջ․ հարկի դաշտում է աշխատում։

Ռոզա․

Բարև Ձեզ։ Կար ու ձևի գործունեություն եմ ուզում ծավալել իմ տանը, կասե՞ք՝ ԱՁ եթե բացեմ, ի՞նչ հարկեր պիտի վճարեմ, որպես միկրոձեռնարկատեր կարո՞ղ եմ գրանցվել։

Կարեն․

Բարև Ձեզ։ Ընկերությունը իր տարածքում կատարում է շինարարական աշխատանքներ, որի համար օգտագործվող շինանյութի համար հարկային հաշիվներ է ստանում։ Կասե՞ք՝ այդ հարկային հաշիվներում ստացված ԱԱՀ-ն կարո՞ղ եմ հաշվանցել, և ծախս ճանաչելու համար ինչպե՞ս պետք է փաստաթղթավորեմ։

Արեն․

Ողջույն, հարգելի հաշվապահներ: Խնդրում եմ օգնել հետևյալ հարցում: Տեղեկատվական տեխնոլոգիաների ոլորտում աշխատող կազմակերպությունը ֆիզիկական անձից վարձով ձեռք է բերել գրասենյակային տարածք առանց նոտարական կամ կադաստրային վավերցման: Ամսական վարձավճարը կազմում է 285 000 դրամ: Կազմակերպությունն աշխատում է ընդհանուր հարկման դաշտում: Պայմանագիրը նշված է 1 տարի ժամկետով: Հիմա խնդրում եմ ասեք՝ կարո՞ղ է կազմակերպությունը ամբողջ տարվա վարձավճարի գումարը նվազեցնել համախառն եկամտից։

Եվ հաջորդ հարցս՝ տարածքը վարձակալությամբ տրամադրվում է ողջ գույքով, ներառյալ համակարգիչներ: Պայմանագրի մեջ որ նշվի՝ տարածքը հանձնվում է ամբողջ գույքով, դա բավարա՞ր է, թե՞ այլ կարգավորումներ կան: Նշեմ, որ 2023 թվականի դեկտեմբեր ամսին վճարվելու է ամբողջ գումարը տարվա և 10 տոկոս հարկը վճարվի, սա անկանխիկի խախտում չի կարող չէ՞ դիտվել, քանի որ 12 ամիսների վճարն է վճարում, թե՞ սխալվում եմ։

Կարեն․

Բարև Ձեզ։ Հարկային օրենսգրքի 15-րդ հոդվածի 9-րդ մասի համաձայն անհատ ձեռնարկատերերը պարտավոր են վարել ակտիվների և պարտավորությունների հաշվառում` Կառավարության սահմանած կարգով, իսկ 10-րդ մասի համաձայն հարկ վճարողները պարտավոր են վարել անալիտիկ հաշվառում:

Հարց 1․ Կնշե՞ք Կառավարության սահմանած կարգը։

Հարց 2․ Գոյություն ունի փոքր խանութ, որի ամսական շրջանառությունը մոտ 1 մլն դրամ է։ Օրեկան ստանում է մոտ 100 տեսակի ապրանք, մոտ այդքան վաճառք է անում մանրածախ։ Այս օրենքի համաձայն, եթե ճիշտ եմ հասկացել, պետք է ամեն ստացված ապրանքը օրական մուտք անել հաշվապահական ծրագիր և վաճառքը ցույց տալ։ Այս դեպքում հաշվապահի աշխատանքի ծավալը մեծանում է և պետք է ծառայության դիմաց համարժեք գումար ուզել։ Արդյո՞ք կա տարբերակ այլ ձևով հաշվառումը անել, ավելի քիչ աշխատանք կատարել, որպեսզի այդ փոքրիկ խանութից շատ գումար չուզենք, բայց օրենքի խախտում էլ չլինի։

Արթուր․

Հարգելի հաշվապահներ, Wildberries ПВЗ-ն կարո՞ղ է միկրոյով աշխատել, եթե ոչ, խնդրում եմ նշել, թե ինչու։

Լիլիթ․

Ես ցանկանում եմ դասնթացներ վարել, և իհարկե ուսանողներին տրամադրել սերտիֆիկատ, կասե՞ք՝ ի՞նչ է պետք, և ո՞նց դիմեմ։

Կարեն․

Բարև Ձեզ։ Շրջանառության հարկով աշխատող ԱՁ-ն գնել է 5 000 000 դրամի սարքավորում ֆիզ․ անձից, որից հետո այդ սարքավորումը արտահանել է։ 10 տոկոսը որպես գույքից եկամուտ ֆիզ․ անձի փոխարեն եկամտային հարկ ԱՁ-ն վճարել է։ Կարո՞ղ է այդ 5 000 000 դրամի 4 տոկոսը շրջհարկից ծախս ճանաչել։

Վարդան․

Բարև Ձեզ, հարգելի հաշվապահներ։ Խնդրում եմ պատասխանեք հարցիս. միկրոյով աշխատող Ա/Ձ եմ, ունեմ 1 գրանցված աշխատող, որպես աշխատող իր համար վճարում եմ դրոշմանիշային գումար, ասացեք խնդրեմ՝ ես որպես Ա/Ձ ինձ համար էլ պետք է դրոշմանիշային վճար վճարեմ, եթե այո՝ որքա՞ն։

Գայանե․

Կազմակերպությունը զբաղվում է իր կողմից ներմուծած ապրանքների վաճառքով։ Շահութահարկի հաշվարկման դեպքում ծախս է ապրանքի ձեռքբերման գինը ինվոյսայի՞ն արժեքով, թե՞ ՀՀ մաքսայինում ներմուծման հայտարարագրի ապրանքային գնով։

Արման․

Բարև ձեզ: Եթե ընհանուր հարկման դաշտում աշխատող կազմակերպությունը ֆիզիկական անձից վարձակալությամբ վերցրել է տարածք ամսական 200 000 դրամով, առանց նոտարական վավերացման, արդյո՞ք կազմակերպությունը ամբողջ 200 000 դրամ գումարը կարող է ծախսագրել շահութահարկը հաշվարկելիս։

Անի․

Բարև Ձեզ, խնդրում եմ կասե՞ք՝ եթե ՍՊԸ -ները փոխկապակցված են, ապա մեկի սնանկությունը ի՞նչ ազդեցություն կարող է ունենալ մյուսի վրա։

Անի․

Բարև Ձեզ։

Եթե քաղաքացին տվյալ ընկերությունում աշխատում է աշխատանքային պայմանագրով, և հարկ է առաջացել ընկերությունում շենքի վերանորոգման աշխատանքներ կատարելու, կարելի՞ է նրա հետ կնքել նաև ծառայությունների մատուցման պայմանագիր, թե՞ չի թույլատրվում նույն անձի հետ երկու տեսակի պայմանագիր կնքել, իսկ եթե ոչ, ապա ինչպե՞ս ձակերպել այդ աշխատանքը:

Լուսինե․

Բարև ձեզ։ Ռեզիդենտ կազմակերպությունը գումար է ստանում Ղազախստանի ֆիզիկական անձից ծառայության դիմաց։ Այս դեպքում ի՞նչ հարկեր կարող են առաջանալ։

Լիլիթ․

Հարգելի հաշվապահներ, նախագծող ընկերությունը պատվերով կատարում է շիննախագծման աշխատանքներ, այդ նախագիծը նախագծողի մոտ կհամարվի՞ ոչ նյութական ապրանք, որը հետո կվաճառվի, թե՞ պաշար ՝ մինչև կվաճառվի, կամ որպես ի՞նչ պետք է ձևակերպվի։ Խնդրում եմ օգնեք հասկանամ։ Շնորհակալ եմ։

Աննա․

Բարև ձեզ, որ խնդրեմ՝ հիմնադիր ժողովի արձանագրության օրինակելի ձև կուղարկե՞ք։

Անուշ․

Բարև ձեզ, կասե՞ք՝ դրոշմանիշային վճարի փոփոխության հետ կապված՝ ի՞նչն է փոխվել հստակ։

Ռաֆիկ․

Փնտրում եմ Հայաստանի աուդիտորների և փորձագետ հաշվապահների պալատի որակավորման՝ 2.3 Ֆինանսական կառավարում և վերահսկողություն առարկա հանձնած կամ մոտակա քննաշրջանաում հանձնող անձ:

Կարեն․

Բարև Ձեզ: Հարկավոր է 2 փաստաթուղթ (նվազագույնը մեկը)՝

-Անշարժ գույքի վաճարքի լիազորագիր

-Անշարժ գույքի վարձակալության լիազորագիր

Անչափ շնորհակալ եմ պատասխանի համար!

varkar@gmail.com

Զորիկ․

Տարիքային սահմանափակում կա՞ աձ բացելու համար։

Ինչպե՞ս գրանցվել որպես ԱՁ

Աննա․

Բարև ձեզ, կասե՞ք խնդրում եմ՝ հաշվարկվել է կազմակերպության շահութահարկը, որը կազմել է 4 մլն, այն ՀԾ-ում պետք է ձևակերպել 524 հաշվի ու համապատասխան ծախսային հաշվի տակ ապրիլ ամսո՞վ:

Նարե․

Բարև Ձեզ։ Հարգելի հաշվապահներ, եթե աշխատողը ապրիլ ամսին դիմումով և հրամանով գնացել է ամենամյա արձակուրդ, ստացել արձակուրդային, բայց եկել է աշխատանքի և կատարել իր պարտականությունները, արդյո՞ք նրան ապրիլ ամսվա համար աշխատավարձ վճարելը կհամարվի օրենքի խախատում։

Սոնա․

Բարև Ձեզ, կարո՞ղ է ՍՊԸ-ն որպես գործունեության հասցե ընտրել ցանկացած վայր, օրինակ՝ տնօրենի անձնական սեփական տարածքը։

Ելենա․

Բարև Ձեզ։ Հարցս վերաբերվում է դրոշմանիշային վճարների մասին օրենքում փոփոխություններին։ Այդ փոփոխությունների համաձայն՝ եթե աշխատողի աշխատավարձը ցածր է նվազագույն աշխատավարձից, դրոշմանիշային վճարը վճարում է արդեն աշխատողը։ Իսկ ինչպե՞ս վարվել այն դեպքում, երբ դասախոսի այդ ամսվա աշխատավարձը կազմում է օրինակ 5000 դրամ։ Նախապես շնորհակալ եմ պատասխանի համար։

Արմեն Մկրտչյան․

Ուզում եմ զբաղվել բժշկական ձեռնոցների ներկրմամբ, արդյո՞ք անհրաժեշտ է գրանցվել որպես ԱՁ, և ի՞նչ վճարներ պետք է անեմ այդ դեպքում։

Տիգրան․

Ինչպե՞ս են հաշվարկում ԱՁ-ների կուտակային կենսաթոշակները։

Աստղիկ․

Բարև Ձեզ,

Հարգելի գործընկերներ, աշխատողը 25 օրով գնալու է մասնակցելու զորավարժությունների։ Ասացեք խնդրեմ՝ ի՞նչ հրաման է անհրաժեշտ տալ, և Ընկերությունը ինչպե՞ս է կատարելու վարձատրությունն այդ օրերի համար, եթե կան էլի մանրամասներ, խնդրում եմ արձագանքեք։ Կանխավ շնորհակալություն։

Տաթևիկ․

Հարգելի գործընկերներ, արտադրում ենք գինի և ցանկանում ենք, որ խանութում ապրանքի վրա զեղչ կիրառվի։ Հաշվի մեջ զեղչ կիրառելը բավարա՞ր է։

Լիանա․

Բարև Ձեզ։ Ա/Ձ-ի (ԱԱՀ վճարող) գործունեությունը դադարեցվել է, հաշիվը փակվել։ Առկա է ԱԱՀ-ի դեբետային մնացորդ, որն առաջացել է հաշիվների ճշգրտումից։ Ինչպե՞ս կարող ենք գումարը հետ ստանալ։

Екатерина.

Добрый день. Правильно ли я понимаю, что с апреля гербовый сбор удерживается со всех сотрудников? До этого за сотрудников с зарплаты меньше минимальной платил работодатель. А теперь со всех-всех?

Վազգեն․

Բարև ձեզ, հարգելի հաշվսպահներ։ Եթե կազմակերպությունը ձեռք բերել ոչ նյութական ակտիվ 1 000 000 դրամ, որի ժամկետը սահմանված է մեկ տարի, նախքան 1 տարին լրանալը 7 ամիս անց կազմակերպությունը դադարեցնում է գործունեությունը։ Հարց՝ տվյալ տարվա համար կարո՞ղ է հարկ վճարողը ծախսագրել ոչ նյութական ակտիվի 1 000 000 դրամը ամբողջությամբ։

Վազգեն․

Բարև ձեզ, հարգելի հաշվապահներ։ Խնդրում եմ օգնել հետևյալ հարցում։ Եթե ՀՀ կազմակերպությունը ՀՀ-ում մշտական հաստատություն չունեցող ոչ ռեզիդենտ կազմակերպությունից ձեռք է բերել ծրագրի օգտագործման իրավունք, 1 տարի ժամկետով եւ վճարել այդ գործարքի ամբողջ գումարը ստացված վճարային հաշվի հիման վրա 10 000 $։ Տվյալ գործարքը հանդիսանու՞մ է ոչ նյութական ակտիվի ձեռքբերում։

Եթե ոչ նյութական ակտիվ է, ինքնահաշիվ պե՞տք է գրվի, թե՞ ոչ։ Եթե այո, ապա ե՞րբ գրել ինքնահաշիվը։ Օրենսգրքի համաձայն ծառայության մատուցման պահ է հանդիսանում ծառայություն մատուցողի կողմից ոչ նյութական ակտիվի սեփականության իրավունք փոխանցումը ծառայություն ստացողին, արդյո՞ք կարող եմ ստանալուց մեկ տարի անց գրել ինքնահաշիվ։ ԱԱՀ տույժեր կառաջանա՞ն, թե՞ ոչ։

Ըստ հարկային օրենսգրքի՝ եթե հնարավոր չէ դուրս գրել ինքնահաշիվ, ապա հարկ վճարողը ինքնահաշիվը կարող է գրել հաշվարկային կամ վճարային փաստաթուղթը փաստացի ստանալու օրը, տվյալ դրույթը ո՞ր դեպքերի համար է, և եթե փաստացի փոխանցվել է 10 000$ գործարքի գումարի մասով ոչ ռեզիդենտ կազմակերպությանը, արդյունքում 20 տոկոս պակաս պետք է փոխանցվի որպես հարկային գործակալ, տվյալ դեպքում ոչ ռեզիդնետը պարտավո՞ր է հաշիվ ուղարկել 10 000+20%, որի հիման վրա գրվի ինքնահաշիվը, թե՞ ոչ։ Եվ տվյալ նկարագրված դեպքում կարո՞ղ եմ ոչ նյութական ակտիվի մաշվածք հաշվարկել և ծախսագրել ստացման օրվանից, թե՞ ոչ։ Շնորհակալություն։

Կարեն․

Բարև Ձեզ։ ԱԱՀ-ով աշխատող ՍՊԸ-ն ցանկանում է գումար տալ իր աշխատակցին 1 600 000 ՀՀ դրամի չափով։ Եթե դա ձևակերպեմ որպես հավելավճար աշխատավարձ, պետք է հարկվե՞մ 25 տոկոսի չափով։ Կարո՞ղ եմ արդյոք դա ձևակերպել որպես փոխառության տրամադրում։ Այդ դեպքում պե՞տք է 16,67 տոկոսի չափով ԱԱՀ վճարե՞մ։

Եվա․

Հարգելի գործընկերներ, երբ ՍՊԸ մեկ մասնակիցն իր բաժնեմասը նվիրատվության կարգով փոխանցում է մյուս մասնակցին, ի՞նչ հաշվապահական ձևակերպում է տրվում այդ դեպքում։

Աննա․

Հարգելի հաշվապահներ, կասե՞ք՝ հարկման ընդհանուր համակարգում գրանցված ՍՊԸ, որը դեռ գործունեություն չէր իրականացնում, ապրիլի 20-ին անորոշ ժամանակով դադարեցում է տրվել։ Կասե՞ք՝ մինչև ապրիլի 20-ի համար պետք է ներկայացվի հաշվետվությունները 0-ական: Ներկայացնելու դեպքում չի համարվի չէ՞ գործունեությունը վերսկսված: Կանխավ շնորհակալ եմ։

Nina.

Բարև Ձեզ, հարգելի հաշվապահներ։ Համաձայն Հարկային օրենսգրքի 40-րդ հոդվածի՝ բաժանորդագրային հիմունքներով մատուցվող ծառայությունների (մասնավորապես, համակարգչային ծրագրերից, տվյալների բազաներից, արտոնագրերից, լիցենզիաներից, ծանուցումներից, թույլտվություններից, առևտրային նշաններից, ապրանքային նշաններից, հեղինակային իրավունքներից և համանման այլ իրավունքներից օգտվելու ծառայությունների) մատուցման պահ է համարվում յուրաքանչյուր ամսվա վերջին օրը, իսկ եթե այդ ծառայությունների մատուցման պայմանագրերում նախատեսված են ծառայությունների մատուցման այլ ժամկետներ (փուլեր), ապա այդ ծառայությունների մատուցման պահ է համարվում այդ ժամկետների (փուլերի) վերջին օրը:

Եթե կազմակերպությունը լիցենզիան գնում է 1 տարի ժամկետով, այս դեպքում պե՞տք է ամեն ամիս ինքնահաշիվ գրել, թե՞ մեկ անգամ լիցենզիայի ժամկետը լրանալու ժամանակ։ Նախապես շնորհակալություն:

Վարսենիկ․

Բարև Ձեզ, հարգելի հաշվապահներ։ Խնդրում եմ ասեք՝ միկրոյով աշխատող ԱՁ-ի վարձու աշխատողի հիվանդության նպաստը ո՞ր թվից է հաշվարկվում՝ նախորդ 12 ամիսների միջինից, թե՞ նվազագույն աշխատավարձի 50%-ից ։ Շնորհակալություն։