Աղունիկ.

Հարգելի հաշվապահներ, խնդրում եմ ասեք, արդյոք նվազագույն ամսական աշխատավարձի չափը փոխվել է: Եթե այո, ապա երբվանի՞ց և որքա՞ն է կազմում: Կանխավ շնորհակալ եմ:

Գագիկ.

Բարև Ձեզ: Ես ՀԿ-ի աշխատակից եմ և ձեզ եմ դիմում հետևյալ խնդրանքով: Աշխատում եմ այդ նույն ՀԿ-ի 2 ծրագրերով, երկրորդ ծրագրով հրամանագրվել եմ սեպտեմբերի մեկից, բայց ստացել եմ միայն առաջին ծրագրի աշխատավարձը: ՀԿ-ի հաշվապահի պատճառաբանությամբ դրա պատճառն այն է,որ ես սեպտեմբերի 6-17-ը եղել եմ արձակուրդում, մինչդեռ մինչ արձակուրդն ու արձակուրդիցս հետո էլ ես աշխատել եմ, գրել եմ կատարած աշխատանքի հաշվետվություն: Որքանո՞վ է օրենսդրորեն ճիշտ պատճառաբանված նման քայլը, կխնդրեի մասնագիտական վերլուծության ենթարկեք և ձեր նկատառումները նշեք և, եթե կարելի է, գրեք, թե ինչպես իրավատերը դառնամ սեփական աշխատավարձիս:Կանխավ շնորհակալ եմ:

Արթուր.

Ինչպե՞ս է կատարվում ոչ աշխատողի մեղքով պարապուրդի վճարումը, եթե աշխատողը վարձատրվում է ժամավճարով: Ունենք, ենթադրենք, 10 օր պարապուրդ, համապատասխանաբար 70 ժամ, իսկ ժամային դրույքաչափը պայմանագրով 250 դրամ է: Խնդրում եմ մեկնաբանեք ԱՕ 186-ի 1-ին կետը, մասնավորաբար` միջին ժամային դրույքաչափը, և ինչպես է այդ արժեքը որոշվում:

Անի.

Առաքման գիրք ունենալու համար ի՞նչ է պետք անել: Եվ ինչպե՞ս գտնեմ 314 որոշումը:

Լևոն.

Բարև բոլորին,
Կխնդրեի պատասխանել մի հարցի: Արդյոք շուկայից ձեռք բերումների (միանվագ մինչև 300000դր.) դեպքում հաշվարկված եկամտահարկը ծախսերով ընդունվում է, թե ոչ:
Կանխավ շնորհակալ եմ:

Նաիրա.

Հարգելի հաշվապահներ, խնդրում եմ ասեք, վերջնահաշվարկից սոց. պահում կատարում են արդյոք:

Մարինե.

Բարև բոլորին: Ես նորաբաց փոքրիկ խանութի հաշվապահություն եմ սկել անել: Խնդրում եմ ասացեք, ես ի՞նչ պիտի անեմ օրվա վերջում տպված ՀԴՄ կրոնները: Դա պետք է համարեմ մուտքի օրդեր, թե հիմնվելով դրանց` պետք է լրացնեմ նոր մուտքի օրդեր և այն ամսվա վերջում անցկացնեմ դրամարկղի գիրք:

Շնորհակալություն …

Դավիթ.

Ով պատասխանի այս հարցին, կարծում եմ կարժանանա ՀՀ լավագույն հաշվապահ տիտղոսին: Կարդալ ավելին “Հարկերի մասին ՀՀ օրենք” →

Մանուշ.

Բարև Ձեզ, ես աշխատում եմ Տեղական ինքնակառավարման մարմիններում հաշվապահ, նախահաշվով ունեմ նախատեսած 4112 հոդվածով պարգևատրման գումար, ուզում եմ իմանամ` այդ գումարը վճարելիս որևէ պահում արվում է, թե ոչ, կենսաթոշակային հաշվարկվում է, թե ոչ այդ գումարի համար, կամ սոցի ու եկամտահարկի հաշվետվությունում նշվում է, թե ոչ:

Աննա.

Հարգելի հաշվապահներ, խնդրում եմ պատասխանեք հարցիս:
Էլեկտրոմոնտաժային աշխատանքներ մատուցող հիմնարկում վարձու աշխատողների հետ պայմանագիր կնքելուց հետո ի՞նչ հարկային պարտավորություններ են առաջանում (աշխատավարձի մասով): Օրինակ անձին (կռունկի աշխատող) վարձում են մի քանի օրով:
Կանխավ շնորհակալություն:

Լուսինե.

Հարգելի հաշվապահներ, եթե շատ խնդրեմ, ինձ կուղարկե՞ք անհատական իրավական ակտի օրինակ ohanyanlus1 շնիկ rambler.ru
Կանխավ շատ շնորհակալություն:

Մանուշ.

Բարև Ձեզ, ես աշխատում եմ հաշվապահ Տեղական ինքնակառավարման մարմիններում, ունեմ աշխատող, որը ընդունվել է աշխատանքի 01.01.2010թ., ես ուզում եմ հաշվարկեմ արձակուրդային գումար այս աշխատողի համար, ուզում եմ իմանամ, նրան պետք է հաշվարկեմ 12 ամսվա համար, թե ոչ, եթե նա աշխատել է 10 ամիս: Եթե 10 ամիս պետք է հաշվեմ, ինչպե՞ս:
Կանխավ շնորհակալություն:

Ani.

Բարև ձեզ:
Խնդրում եմ օգնեք: Ինձ անհրաժեշտ է ՀՀՀՀՍ 1,2,11,14,19,22,24,33,35,37,39,40: Ես մի մասը գտել և բեռնել եմ banker.am-ից: Եթե այլ սայտ գիտեք, խնդրում եմ գրեք, կամ եթե ունեք տվյալ նյութերը, ուղարկեք էլ. փոստին (anyuta-kh շնիկ mail.ru)

Արամ.

2010թ. օգոստոսի 27 ին բացել եմ ՍՊԸ, օգոստոս, սեպտեմբեր, ամիսներին գործարք չի կատարվել, խնդրում եմ պատասխանեք, արդյոք ես պետք է վճարեմ սոցիալական ապահովության վճարը:

Վիկտորյա.

Հարգելի գործընկերներ, խնդրում եմ շատ շտապ օգնել մեկ հարցում:
Աշխատողը ընդունվել է աշխատանքի 1 տարի առաջ (հին Աշխ. օրենսգրքի համաձայն): Հունիս ամսին ներկայացրել է տեղեկանք հղիության մասին, հոկտեմբերին նրան ծանուցել են 10 օր առաջ, որ պայմանագիրը լրանալու պատճառով լուծում են այն նոյեմբերի 1-ից, նշելով, որ 114 հոդվածը ՆՈՐ ԱՕ վերաբերվում է գործատուի ցանկությամբ աշխ. պայմանագիրը լուծելու արգելքին, և ոչ պայմ. ժամկետը լրանալուն: Թե ինչու են կնքել որոշակի ժամկետով պայմանագիր, դա այլ խնդիր է, ըստ ինձ նույնպես անհիմն: Փաստորեն հղի կինը լրիվ անպաշտպան է համաձայն նոր ԱՕ: Հարցս հետևյալն է` արդյոք ես կարող եմ հիմնվել ԱՕ 84.1 հոդվածի 2 կետինˋ պնդելով, որ նոր օրենքը նվազ բարենպաստ պայման է առաջարկում հին պայմ. կնքած աշխատողին, և ասել, որ ՀԻՆ ԱՕ 117 հոդվածը “Հղի կնոջ երաշխիքները…” ավելի բարենպաստ էին, հետևաբար պահպանում են ուժը տվյալ պարագայում: Նշեմ, որ դեկրետ գնալուն մնացել են հաշված օրեր:
Փորձենք միասին օրենքով օգնենք հղի կնոջը ստանալ իր վաստակած գումարները:

Դիանա.

Խնդրում եմ Ձեզ ինձ օգնել հաշվել, թե ինչքան է իմ ֆիզ.արձակուրդի գումարը կազմելու 2 տարի արձակուրդ վերցնելու դեպքում: Ինչքա՞ն կկազմի հիմնարկի և ինչքա՞ն պետության կողմից տրված գումարը, որպես առաջնածին: Ամսական միջին աշխատավարձս կազմում է 50000 ՀՀ դրամ:
Շնորհակալություն:

Արևիկ.

Խնդրում եմ, ներառեք նաև աշխատավարձի հաշվարկ, արձակուրդային, նաև ֆիզ ուղարկելու համար ի՞նչ հաշվարկներ են պետք:

Simon.

Ի՞նչ նյութեր կան հատուկ հարկային հաշիվների վերաբերյալ:

Թերեզա.

Բարև բոլորին, խնդրում եմ ասեք, եթե տնօրենն է գնում արձակուրդ, նա էլ է գրում դիմում, թե ոչ:
Կանխավ շնորհակալություն:

Ժաննա.

Հարգելի գործընկերներ, թե քանի օր պիտի տրվի գանձապահին որպես լրացուցիչ արձակուրդ, հարցը այդպես էլ մնաց չպարզաբանված:

Լիանա.

Բարև Ձեզ, հարգելի հաշվապահներ, խնդրում եմ օգնել հաշվապահական ձևակերպումներում: Կազմակերպությունը կանխավճար է տվել փոստային ծառայությունների կատարման համար, ինչպե՞ս այդ գործարքը ծախսագրել: Եվ կազմակերպությունը փոխառություն է ստացել, ինչպե՞ս այն վերագրել որպես հաշվետու ժամանակաշրջանի եկամուտ: Օրինակ, երբ դրամաշնորհ ենք ստանում, կատարում ենք, կտ 541 և դտ 2521 ձևակերպում, իսկ հաշվետու ժամանակաշրջանում` դտ541, կտ 6146:

Արփինե.

Բարև բոլորին, խնդրում եմ օգնեք ինձ հետևյալ հարցում: Ավտոլվացման կետ բացելու բացելու համար ի՞նչ հարկեր պետք է մուծվի, բացի ստանդարտ սոց.-ից և եկ/հ-ից: Ես գիտեմ, որ հաստատագրված վճար է, բայց թե ինչքան և ինչպես է այն որոշվում, չգիտեմ:Կանխավ շնորհակալություն:

Լիլիթ.

Ողջույն:

Ես ունեմ 10 ամսվա աշխատանքային փորձ, սակայն ամուսնանալուց հետո չեմ աշխատում, ուստի նաև չեմ ստանում երեխայի նպաստ: Շուտով կծնվի նաև երկրորդ երեխան, և ես գրանցված եմ ԱՁ-ի մոտ, և կունենամ ֆիզ. արձակուրդի, ինչպես նաև երեխայի նպաստ ստանալու իրավունք: Հարցս հետևյալն է՝ քանի որ իմ առաջին երեխան դեռ 1 տարեկան է, հնարավո՞ր է, որ ես երկու երեխաներիս համար էլ ստանամ նպաստ:

Կանխավ շնորհակալ եմ:

Յանա.

Կարող եմ արդյոք ունենալ նոր աշխատանքային գրքույկ, և արդյոք այն հետևանքներ չի ունենա:

Մանուշ.

Բարև Ձեզ, հարցս աշխատանքային գրքույկ լրացնելու մասին է, երբ աշխատողը նոր է ընդունվում գործատուի մոտ աշխատանքի ու աշխատողը նոր է ավարտել ՀՊՏՀ-ը ու ոչ մի տեղ դեռևս չի աշխատել, հիմա գործատուն աշխատանքային գրքույկը լրացնելիս նշում է, որ ընդունվել է ՀՊՏՀ-ն իր ամիս ամսաթվով, իսկ հրամանի համարը որտեղի՞ց է գրվում, հետո նշվում է գրքույկում, որ ավարտել է իր ամիս ամսաթվով ու հրամանի համարով, այստեղ գործատուն պե՞տք է ստորագրի ու կնքի կնիքով, թե ոչ: Ապա նո՞ր դրանից հետո գործատուն ընդունում է աշխատանքի իր կնիքով ու ստորագրությամբ:

Մարիա.

Բարև ձեզ: Ես ավարտել եմ, մասնագիտությամբ հաշվապահ եմ: Խնդրում եմ թվեք գրքերի անուններ, որոնք կկարողանամ կարդալ, որ ավելի լավացնեմ իմ գիտելիքները:

Համբարձում.

Ի՞նչ փաստաթղթեր են հարկավոր ՍՊԸ բացելու համար:

Վահե.

Ի՞նչ հարկեր պետք է մուծի ավտոտեխսպասարկման կետը:

Լարիսա.

Բարև բոլորին: Ես սկսնակ հաշվապահ եմ բյուջետային հիմնարկում` թանգարանում: Մենք ունենք տարվա ընթացքում տնտեսած գումար: Արդյոք իրավունք ունենք այդ գումարներով աշխատակիցներին պարգևատրություն տալ:
Կանխավ շնորհակալ եմ:

Արարատ.

Բարև ձեզ: Ես ունեմ մի հարց: Ես ուզում եմ ինտերնետի միջոցով գնումներ կատարեմ, որը փոստով կուղարկվի Հայաստան: Ինչքան հասկացա՝ մեկ ապրանքի գինը չպետք է գերազանցի 50 000 դրամը, իսկ քաշը 20 կգ-ը: Եթե գերազանցի, ապա պետք է մաքսազերծվի, որը հստակ կանոններ չունի: Հարց՝ ամսական սահմանափակումներ չկա՞ն, թե մինչև որքա՞ն գումարի չափով ինձ ծանրոց կուղարկվի: Այսինքն՝ ես կարո՞ղ եմ ամսական 50 անգամ 40 000 դրամանոց ծանրոց ստանալ, առանց մաքսազերծման:

Armen.

Խնդրում եմ օգնել հետևյալ հարցում. գնորդներին տրված և մատակարարներից ստացված հարկային հաշիվների վերաբերյալ տեղեկանքում ո՞ր հաշիվները պետք է նշվեն, խնդրում եմ նշել կառավարության կողմից սահմանված չափը:

Տիգրան.

Որոշ չափով ունեմ գիտելիքներ հաշվապահությունից, ցանկանում եմ գիտելիքներս խորացնել, դառնալ լիարժեք հաշվապահ: Ի՞նչ գրքեր, նյութեր, օրենքներ խորհուրդ կտաք կարդալ:

Հերմինե.

Բարև ձեզ:

Հարցս ավելի շատ ուղում եմ ՀԾ աշխատակիցներին:
Հետևյալ բլոգում ՀԾ աշխատակից Գրիգոր Մակիչյանը բացատրեց, թե ինչպես կատարել վերջնահաշվարկ ՀԾ հաշվապահ համակարգում:
Այդ ձևով չօգտագործված ամենամյա արձակուրդի փոխհատուցում կատարելիս համակարգը այդ փոխհատուցման գումարը չի տեղադրում սոց. վճարների հաշվետվության մեջ և տեղադրում է եկամտահարկի հաշվետվության մեջ 9-րդ տողում:
Հարկային տեսչությունում պնդում են, որ այդ գումարը չպիտի գրվի եկամտահարկի 9-րդ տողում, այլ վերջին` այլ եկամուտներ տողում, քանի որ սոց.-ի 13` հաշվարկված ԱՎՈՒՄ, և եկամտահարկի 9` եկամուտներ, տողերը չեն կարող իրարից տարբեր լինել:

Հարցս հետևյալն է` ի՞նչ հիմք ունի «Հայկական ծրագրերը» վերոհիշյալ հաշվետվությունները այդ ձևով լրացնելու:

Nare.

Ես կուզենայի իմանալ, կա արդյոք սահմանված գումար, որից բարձր պետք է ներկայացվի հաշիվ-ապրանքագիր և ոչ թե ՀԴՄ կտրոն հաշվապահությունը ճիշտ վարելու համար:

Nare.

“Ծառայությունների վճարովի մատուցման պայմանագրի” կնքման ժամանակ, խնդրում եմ պատասխանել, ի՞նչ հարկատեսակներ են սահմանված:

Satenik.

Խնդրում եմ պատասխանեք. ուսման ժամանակ ինձ հասնու՞մ է վճարովի արձակուրդ: Ես աշխատում եմ: Խնդրում եմ նշեքˋ օրենքի ո՞ր հոդվածն է կիրառվում:

Sona.

Բարև Ձեզ, հարգելի հաշվապահներ, խնդրում եմ ասացեք, ԱՕ փոփոխություններից հետո արդյոք անհրաժեշտություն կա մինչև փոփոխությունները գրանցված աշխատակիցներին հրաման տալ և գրանցել հրամանագրքում: Կանխավ շնորհակալություն:

ԱՆԻ.

Բարև ձեզ: Մեր կազմակերպությունը զբաղվում է շինարարությամբ և գազաֆիկացման աշխատանքներով: Ասացեք, խնդրում եմ, արդյոք մեր կազմակերպության գանձապահի աշխատանքը համարվում է առողջության համար վնասակար, նրան տրվում է արդյոք լրացուցիչ արձակուրդ և աշխատավարձի հավելում: Շնորհակալություն:

Nata.

Հարգելի գործընկերներ, աշխատանքային պայմանագրում պայմանագրի առարկան աշխատավարձի մասին կետերը և այն ամենը, որ գրված է 84 հոդվածում նույնն են ինչ որ հրամանում,դա նշանակում է ,որ պետք է բովանդակությունը նույնը լինի ,թե ամբողջությամբ կրկնի հրամանը. օրինակ՝ հրամանում գրում ենք ընդունել աշխատանքի,իսկ պայմանագրում , որ աշխատողին տրամադրվում է աշխատանք դա ճիշտ է , թեˋ ոչ:

Անի.

Խնդրում եմ օգնեք մի հարցում: Աշխատողը աշխատել է ապրիլի 15-ից օգոստոսի 10-ը: Վերջնահաշվարկ անելիս արձակուրդային օրերը հաշվելու եմ նո՞ր ԱՕ-ով, թե մինչև օգոստոս ամիսը բաժին ընկնող օրերինը հնով, իսկ օգոստոսինը նորով:

Լալա Շաբոյան.

Խնդրում եմ պատասխանել, թե աշխատանքային պայմանագրերի գրանցամատյանի արխիվացման հրամանի համար ՀՀ ԱՕ ո՞ր հոդվածը պետք է որպես հիմք ընդունել:
Կանխավ շնորհակալ եմ:

MG.

Շատ եմ խնդրում հնարավորության դեպքում պատասխանել հետևյալ հարցիս: Եթե ՍՊԸ-ում որևէ երրորդ անձ ցանկանում է կատարել ներդրում, ՍՊԸ-ի գործունեության ճյուղերից կոնկրետ մեկին մասնակցելու համար հավասարապես կիսելեվ բոլոր ռիսկերը, ապա անպայմա՞ն է նրան գրանցել որպես մասնակից կամ նրա ներդրած գումարը դիտարկել որպես կանոնադրական կապիտալի ավելացում, ինչպե՞ս ընդհանրապես դիտարկել այդ գումարը:

Nata.

Ի՞նչ է գրառվում աշխատանքային գրքույկում զորացրված և առաջին անգամ աշխատողի գրքույկում զինվորական գրքույկում առկա հրամանի համարը, ամիսը, ամսաթիվը դա հասկանալի է, իսկ 3-րդ սյունակում ի՞նչ է պետք գրել “Ծառայություն ՀՀ զինված ուժերում”, թե ինչպե՞ս:

Կարինե.

Եթե բարձրացվում է կազմակերպության բոլոր աշխատողների աշխատավարձը, ապա միայն ներքին իրավական ակտով դա ցույց տալը բավական է, թե՞ բոլոր աշխատողների հետ պետք է առանձին-առանձին համաձայնագիր կնքվի:

Кристина.

Բարև Ձեզ, կարող եք ասել, թե 2010թ. ո՞ր ամսից և ամսի քանիսի՞ց է սկսել գործել նոր աշխատանքային օրենսգիրքը և արդյոք 2007 և 2008թթ. չօդտագորված արձակուրդների հաշվարկը կատարվելու է նոր գործող օրենսդրությամբ:
Կանխավ շնորհակալ եմ:

Արմեն.

Հարգելի հաշվապահներ, 24 ժամյա աշխատանքային գրաֆիկի ժամանակ աշխատավարձի հաշվարկ ինպե՞ս է կատարվում, եթե սահմանված ամսական դրույքաչափը 30 000 դրամ է:

Դավիթ Ասատրյան.

Արդյոք ՀՀ պետական եկամուտների նախարարի 16 ապրիլի 2001 թվականի N 02/456 հրամանով հաստատված «Եկամտահարկի հաշվարկման և բյուջե վճարման կարգի մասին» հրահանգի 25 կետի 18-րդ օրինակը կարող է հանդիսանալ հիմք ողջ հանրապետությունում արձակուրդայինի հաշվարկման համար:

Ալլա.

Խնդրում եմ, խնդրում եմ, ու նորից…
Ասացեք խնդրեմ, 9 տարվա ընդհանուր ու 6 տարվա մանկավարժական ստաժ ունեցող ուսուցիչը, որ դասավանդում է միջին դպրոցում շաբաթական 7 ժամ, ավագ դպրոցում ոչ հոսքային 9 ժամ, ընդամենըˋ 16 ժամ, ունի նաև դասղեկություն, որքա՞ն աշխատավարձ պետք է ստանա: Ակնկալում եմ հստակ պատասխան, իմ հաշվապահին վստահելու համար: Շնորհակալ եմ:

Անի.

Խնդրում եմ հուշեք. եթե հեռակա սովորող ուսանողին ընդունում ենք աշխատանքի, ապա նրա աշխատանքային պայմանագրի մեջ պե՞տք է նշվի, որը աշխատանքը համատեղության կարգով է:

Թերեզա.

Բարև Ձեզ: Ես ուզում եմ իմանալˋ գանձապահի աշխատավարձը ինչպես է հաշվարկվում:
Խնդրում եմ արագ պատասխանեք, շտապ է:
Կանխավ շնորհակալություն: