Աննա.

Բարև ձեզ, կխնդրեի պատասխանել իմ երկու հարցերին.
1. Եթե ես ֆիզ արձակուրդի եմ գնում ապրիլի 16-ից, այդ աշխատածս կես ամսվա աշխատավարձը ես ստանալու՞ եմ:
2. Իմ առաջին բալիկը ծնվել է 22/10/2009-ին, ես 01/09/2010-ից դուրս եմ եկել աշխատանքի և մինչև 2 տարեկան երեխայի խնամքի նպաստի 18000 դրամը էլ չեմ ստացել, այս տարվա ապրիլի 16-ից ես նորից եմ գնում ֆիզ. արձակուրդի, այդ օրվանից սկսած ես պետք է նորի՞ց ստանամ առաջին բալիկիս խնամքի նպաստը: Եվ երբ ծնվեց երկրորդ բալիկս, երկուսի համար էլ ստանալու՞ եմ:

Լիանա.

Բարև Ձեզ, հարգելի հաշվապահներ:
Ֆինանսների նախարարի N 465 12.12.2001 հրամանը ուժը կորցրել է 11.02.11-ից, նաև Հարկային տեսչությունում ինձ ասացին, որ Ֆինանսական հաշվետվություն չպետք է հանձնեմ: Դրա հետ միասին Հաշվապահական հաշվառման մասին օրենքում (ՀՕ-515-Ն 2002.) նման փոփոխություն ես չտեսա: Խնդրում եմ օգնեք պարզելու` պետք է արդյոք ֆինանսական հաշվետվության Ձև 1 և Ձև 2 ներկայացնեմ մինչև ապրիլի 15-ը:

Արփինե.

Ինձ անհրաժեշտ է իմանալ Քանաքեռ-Զեյթունի սոցապ վարչության հասցեն՝ անհատական հաշվետվությունները փոստով ուղարկելու համար: Ինձ հետաքրքրում է` վերը նշված հաշվետվությունը փոստով ուղարկելու համար անհրաժեշտ է արդյոք կցել պարունակության նկարագրությամբ թերթիկ:

Mariam.

Ո՞ր դեպքում է Ա/Ձ-ն համարվում ՓՄՁ, կամ համարվու՞մ է, թե՞ ոչ:

Ռոբերտ.

Հարգելի գործընկերներ,
ուժը կորցրած է ճանաչվել ԱԱՀ-ի մասին օրենքի 19 հոդվածի 6-րդ կետը (08.12.10 ՀՕ-192-Ն), որի համաձայն ԱԱՀ վճարող անձը հարկային հաշիվ դուրս չեր գրում պետական կառավարչական մարմնին: Ուժը կորցնելով` ստացվում էր, որ այսուհետ հարկային հաշիվ պետք է դուրս գրել: Սակայն նույն օրենքի 18-րդ հոդվածի համաձայն ԱԱՀ վճարող համարվող անձինք պետական կառավարչական հիմնարկներին պարտավոր են դուրս գրել հարկային հաշիվ չհանդիսացող հաշվարկային փաստաթղթեր:
Խնդրում եմ այս հարցի շուրջ ստանալ ձեր դիրքորոշումը:

Best regards

Գոհար.

ՓԲԸ-ն 2011թ-ի հունվարից անորոշ ժամկետով դադարեցրել է հանքային ջրի շշալցման գործունեությունը: Նշեմ նաև, որ ԱԱՀ վճարող չի հանդիսանում: Ունեմ իրացում և´ տեղում, և´ Ռուսաստանում: Խնդրում եմ ասեք` գործունեությունը վերսկսելիս հարկային հաշիվներ դուրս գրելիս ես դրանք ձեռք պիտի բերեմ ՏՀՏ-ից, թե՞ դա ինձ չի վերաբերվում:

Արամ.

ՀՀ օրենքը ՀՀ մաքսային օրենսգրքում լրացումներ և փոփոխություններ կատարելու մասին, ընդունված է 2010 թվականի դեկտեմբերի 22-ին.
«Հայաստանի Հանրապետությունում մշտապես հաշվառված կամ մշտապես բնակվող անձանց, ինչպես նաև Հայաստանի Հանրապետությունում պետական գրանցում ստացած անհատ ձեռնարկատերերի և կազմակերպությունների կողմից ԱՏԳԱԱ 8702 և 8703 ծածկագրերին դասվող ապրանքների տեղափոխումը Հայաստանի Հանրապետության մաքսային սահմանով «Ժամանակավոր ներմուծում» մաքսային ռեժիմով թույլատրվում է մեկ տարվա ընթացքում միայն երկու անգամ` տասնհինգ օրը չգերազանցող ժամկետով:
8702 – ավտոմեքենաներ՝ նախատեսված 10 կամ ավելի մարդ, ներառյալ՝ վարորդը, տեղափոխելու համար,
8703-էլեկտրական շարժիչով ավտոմեքենաներ (տրոլեյբուսներ): Այս օրենքի փոփոխությունն ի՞նչ կապ ունի փոքր մարդատար մեքենաների հետ: Խնդրում եմ օգնեք…

Anna.

Հարգելի կոլեգաներ, խնդրում եմ օգնեք: Կազմակերպությունն աշխատում է ԱԱՀ-ով, հարկային հաշիվները դուրս են գրվում էլեկտրոնային եղանակով: Իրականացրել է մի գործարք, որն ազատված է ԱԱՀ-ից: Այս դեպքում իմ կարծիքով հաշիվը լրացվում է սովորական հաշիվ ապրանքագրում, այսինքն` ոչ էլեկտրոնային, ոչ էլ հարկային մարմնի կողմից տրամադրվաած սերիա համարներով հարկային հաշիվներում: Արդյո՞ք ճիշտ եմ: Կանխավ շնորհակալ եմ:

Լևոն.

Բարև Ձեզ, կխնդրեի պատասխանել մեկ հարցի` կազմակերպությունը ձեռք է բերել նյութեր, որոնք ամբողջությամբ ծախսվել են շենքի կապիտալ նորոգման համար: Արդյո՞ք այդ նյութերի ԱԱՀ-ն հաշվանցվում է, թե՞ ոչ:
Շնորհակալություն:

Մարինե.

Փոքր մասնավոր մանկապարտեզ բացելու համար (1 խմբի) ի՞նչ փաստաթղթեր պետք է ունենալ, և ի՞նչ սիստեմով պիտի մուծվեն հարկերը: Նախապես շնորհակալ եմ:

Դավիթ Ասատրյան.

Խնդրում եմ, հնարավորության դեպքում, ինձ տրամադրել ՊՈԱԿ-ի հաշվեկշռի ձևերը էլեկտրոնային տեսքով david456 շնիկ list.ru
Կանխավ շնորհակալ եմ:

Աիդա.

Խնդրում եմ պատասխանել հետևյալ հարցիս. ԲՈՒՀ-ի քննությունների համար աշխատողին տրվող արձակուրդը համարվու՞մ է վճարովի, թե՞ անվճար տրվող արձակուրդ: Այն հաշվարկվում է ամենամյա արձակուրդի՞ց, թե՞ առանձին: Նախապես շնորհակալություն:

Anna.

Խնդրում եմ օգնեք, ՍՊԸ-ն բացել է դեղատնային կրպակ: Ի՞նչ հաշվետվություններ պետք է ներկայացվի և ի՞նչ գրքեր կամ այլ փաստաթղթեր պետք է լրացվի: Ունի ՀԴՄ:

Ella.

Բարև ձեզ, եթե աշխատողի ԱՎՈՒՄ այդ ամսվա համար 0 դրամ է կազմել, գործատուն պարտավո՞ր է վճարել սոց. վճարը ընդհանուր սահմանված կարգով, այսինքն՝ առնվազն 7000 դրամ (դրույքաչափերը տես “Պարտադիր Սոցիալական ապահովության”), աշխատողի 3 տոկոս սոց. վճարների մասին” ՀՀ օրենք, հոդված 5-ում վճարը կգանձվի ճիշտ 3 տոկոսի չափով, կարող է դա նաև 0 դրամ լինել, եթե աշխատողի ԱՎՈՒՄ այդ ամսվա համար 0 դրամ է կազմել, եկամտահարկն էլ հաշվարկվում է “Եկամտահարկի մասին” ՀՀ օրենքի 18-րդ հոդվածով սահմանված դրույքաչափերով՝ կարող է կազմել 0 դրամ և մինչև անվերջություն՝ ցանկացած դրական թիվ: Շնորհակալություն:

Ella.

Եթե ՍՊԸ հետ ֆիզ. անձի հետ կնքում են տրանսպորտի վարձակալության պայմանագիր, այսինքն 2 մեքենա է վարձակալվել, և դրա համար վճարվել է 2-րդ եռամսյակում 500 000 դրամ, իսկ 3-րդ եռամսյակում 900 000 դրամ, որքա՞ն կկազմի եկամտահարկը: Ինչպե՞ս են հաշվարկում եկամտահարկը, ի՞նչ դրույքաչափով: Շնորհակալություն:

Sona.

Թեև մեր կազմակերպությունը 2010թ. դեկտեմբեր ամսին հարկային մարմնից ստացել է հարկային հաշիվների ձևերը, բայց 98% հաշիվները դուրս են գրվել էլեկտրոնային եղանակով: Ունենք թղթային 4 հաշիվներ, որոնցից 2-ը հատուկ հաշիվներ են:
ՀՀ կառ. 2010թ. նոյեմբերի 11-ի N 1504-Ն որոշման ընթերցումից հետո ինձ այդպես էլ պարզ չդարձավ`
1. Ինչպե՞ս պետք է ներկայացնել ստացված հարկային հաշիվների /թղթային/օգտագործման մասին տեղեկություն/Կա՞ արդյոք հատուկ ձև-բլանկ, թե մենք պետք է կազմենք:
2.Եթե ունենք հատուկ հաշիվների /5 օրինակ/ հին բլանկներ, պետք է դրա՞նք օգտագործենք, թե հարկայինից ստացած նոր հարկային ձևերը:
Կանխավ շնորհակալ եմ:

Meline.

Խնդրում եմ ասեք, 32500 դրամ նվազագույն աշխատավարձից 3% սոց. վճար պահվու՞մ է, թե ոչ:

Ժաննա.

Հարգելի գործընկերներ, ցանկանում են խորացված ուսումնասիրել կադրային գործը: Ի՞նչ լավ, բարձր մակարդակի ուսումնական կենտրոններ գիտեք, խնդրում եմ գրեք անուններն ու հեռախոսահամարները: Անչափ շնորհակալ կլինեմ:

Արամ.

Հարգելի հաշվապահներ, ինչպե՞ս հաշվարկել աշխատողի աշխատավարձը, եթե հաստիքը 40000 դրամ է, ընդամենը աշխատել է 192 ժամ, որից 88 ժամը գիշերային է, 12 ժամը արտաժամյա, 2 օր տոնական է, և աշխատում է առողջության համար վնասակար պայմաններում:

ԱՆՆԱ.

Կխնդրեի օգնել և մասնակցել քննարկմանը:
Եթե ՍՊԸ-ն գնման ակտով ձեռք է բերել հումք` տալով դտ. 211 կտ. 521 100 000 դրամ, դրանից հետո եկամտահարկը տալիս ենք դտ. 211 կտ.524 11 000 դրամ` արդյունքում վճարելով 111 000 դրամ (գնման ակտում գրվի՞ 100 000, թե՞ 111 000), թե՞ դտ. 521 կտ. 542 11 000` վճարելով 89 000 դրամ (գնման ակտում գրվի՞ 100 000, թե՞ 111 000): Բայց ԵԿՀ-ի 21-րդ հոդվածը ասում է` ֆիզիկական անձին վճարվող եկամտից հարկը պահում (գանձում) է ենթադրում եմ 100 000-ից պիտի գանձվի վճարելով 89000 (գնման ակտում ի՞նչ թիվ պիտի գրվի), բայց այդ դեպքում դուրս է գալիս` 211-ը մեր մոտ նստում է եկամտահարկի՞ մեջ:

Արմինե.

Խնդրում եմ օգնել: Ինձ պետք ե հաշվարկել 1996թ. “Գրանդ Շիրոկի” մարդատար ավտոմեքենայի գույքահարկը, եթե տվյալ մեքենայի շարժիչն 150-212 ձիաուժ է, աշխատանքային ծավալն 5.2: Մեքենան ամենագնաց է: Մինչև 2008թ. գույքահարկն մուծած է: Խնդրում եմ հաշվարկել` մինչև օրս ինչքան գույքահարկ պետք է վճարենք: Եթե կարելի է` հաշվարկման ձևն գրեք: Կանխավ շնորհակալություն:

ELEN.

Ողջույն,
ես արդեն մոտ 7 ամիս վարում եմ մի ՍՊԸ ի հաշվապահություն: Բոլոր հաշվետվությունները պարտադիր ներկարկայացրել եմ ճիշտ ժամանակին, միայն մինչ օրս վիճակագրություն չեմ ներկայացրել: Նշեմ նաև, որ ՍՊԸ-ում աշխատում եմ հենց նրա բացման օրից:
Խնդրում եմ ասեք` ինչ անեմ, հնարավո՞ր է, որ տուգանքներ են եկել, որոնց մասին չգիտեմ:

Անի.

Խնդրում եմ ասեք, ՍՊԸ կազմակերպության համար, որի գործունեության հիմնական տեսակը միջնորդական ծառայությունն է, և աշխատում է պարզեցված հարկով տարվա (2010թ.) վերջում ի՞նչ հաշվետվություն պետք է հանձնի:

Անի.

Բարև Ձեզ, կարո՞ղ եք ինձ ասել, թե փաստաբանական գրասենյակը ինչպիսի հաշվետվություններ է հանձնում, նորաբաց գրասենյակի համար ինչպիսի՞ փաստաթղթեր են աանրաժեշտ:

Աննա.

Հարգելի հաշվապահներ, ի՞նչ ձևակերպում պետք է տալ հաշվային պլանով (դտ/կտ) ամենամյա հերթական արձակուրդի գումարին: Օրինակ՝ աշխատակիցը արձակուրդի գնացել է 01-28.02.2010թ. , արձակուրդայինը վճարվել է 29.01.10թ.` Դտ.229.1 – Կտ.251.1- X , 28.02.10թ.-ով տրվել է հետևյալ ձևակերպումները՝
Դտ.713.1 – Կտ.527.2- X / հաշվարկում/
Դտ.713.1 – Կտ.525.1- X / գործ.սոց./
Դտ.527.2 – Կտ.525.1- X / 3 % սոց./
Դտ.527.2 – Կտ.229.1- X / աշխատավարձի գծով Դ.Պ. մարում/
Խնդրում եմ ասեք, արդյո՞ք ճիշտ են տրվել ձևակերպումները:
Կանխավ շնորհակալություն:

Մանե.

Խնդրում եմ պատասխանեք իմ մի հարցին` ԱՁ-ն զբաղվում է համակարգչային սպասարկման ծառայությամբ, պե՞տք է ունենա ծառայությունների մատուցման գիրք հարկայինի կողմից հաստատված, և տարեկան ի՞նչ հաշվետվություններ պետք է հանձնել: Նախապես շնորհակալ եմ:

Կարինե.

Բարև Ձեզ: Խնդրում եմ, ո՞վ կարող է ինձ օգնել հաշվելու հղիության նպաստը: Ես տվյալ հիմնարկում աշխատել եմ 2010թ. հուլիսի 1-ից և ստացել եմ 50000 դրամ աշխատավարձ և դեկրետ եմ գնացել նոյեմբերի 19-ից: Շատ շնորհակալ կլինեմ ձեր պատասխաններից:

Քրիստինե.

Ո՞ր հիմքով կարելի է ազատել աշխատանքից հղի կնոջը:

Վանա.

Հարգելի հաշվապահներ, հարցս հետևյալն է: Արդյո՞ք պարտադիր է լրացնել Ա/Ձ-ի տարեկան եկամուտների հայտարարագրի 36-րդ տողը,և եթե այո, ապա ի՞նչ է գրվում համապատասխան տողում:

Արթուր.

Բարև Ձեզ, խնդրում եմ օգնեք ինձ լրացնել տարեկան հաշվետվությունները:

Ես Պետ. ռեգիստրում գրանցվել եմ որպես Ա/Ձ 15.07.2010թ, գրանցվել եմ որպես հարկ վճարող 15.07.2010թ: Գործունեությունս սկսել եմ օգոստոս ամսին: Աշխատում եմ վարձակալած տարածքում Կարդալ ավելին “Հաշվետվության լրացում” →

Աննա.

Հարգելի հաշվապահներ, խնդրում եմ օգնեք ինձ հաշվել անհատ ձեռնարկատիրոջ սոցիալական վճարները մեկ տարվա կտրվածքով:
Խնդիրը հետևյալում է.
Անհատ ձեռնարկատերը զբաղվում է անասնապահությամբ և չունի վարձու աշխատողներ, և նրա տարեկան եկամուտները կազմել են 1 150 000 ՀՀ դրամ, որից 560 000 դրամ կազմել են ծախսերը:
1.Տվյալ դեպքում սոցիալական վճարը կկազմի 88 500 դրամ (1 150 000-560 000=590000
590000*15%=88500 դրամ)
2.Դրա հետ մեկտեղ ամեն ամիս պետք է վճարել 5 000 դրամ ամսական:
Այսինքն՝ մեկ տարվա կտրվածքով սոցապը կկազմի 5000*12+88500=148500 դրամ:
Ճի՞շտ եմ կատարել հաշվարկները:

Ավետ.

Աշխատավարձի հաշվարկման ժամանակ եթե աշխատավարձը բարձր է 100000-ից, ինչպե՞ս են հաշվարկում եկամտահարկը:

Հայկ.

Հարգելի կոլեգաներ, բոլորիդ հրավիրում եմ ակտիվորեն կարծիքներ հայտնել, քննարկել ԱԱՀ-ի մասին օերնքի 3-րդ հոդվածի “թ” ենթակետի և հետևաբար նաև Հարկերի մասին օրենքի 11.1 հոդվածի վերաբերյալ: Կա՞ն արդյոք ձեր պրակտիկայում նշված հոդվածներով փոխկապակցված անձինք, որոնք առ այսօր ԱԱՀ վճարող չեն, ի՞նչ տարբերակներ եք մտածում այս խնդրի հետ կապված, ի՞նչ եք կարծում, ինչպե՞ս այն կկիրառվի:

Լիանա.

Խնդրում եմ օգնել հասույթի գրքի լրացման հարցով: Եթե հաստատագրված վճարով աշխատող կազմակերպություն է, ինչպե՞ս կարելի է գրանցել վաճառքի գները, եթե գնվում է ապրանքը` ենթադրենք մրգերը կգ-ով, սակայն վաճառվում է ափսեի մեջ դրված տարբեր մրգերով, ինչ-որ ֆիքսված գնով:

MHER.

Չաշխատող մայրերը ստանալու՞ են արդյոք մինչև 2 տարեկան երեխայի նպաստ ըստ օրենքի փոփոխության: Շնորհակալություն:

Սվետա.

Ինչպե՞ս են հաշվարկվում հիվանդության և հղիության և ծննդաբերության նպաստները:

Լուսինե.

Հարգելի հաշվապահներ, ես սկսնակ հաշվապահ եմ և ձեր օգնության կարիքն ունեմ: ՍՊԸ-ի երկու աշխատակցի պետք է ազատեմ աշխատանքից նախորդ տարվա դեկտեմբերի 30-ով: Ինչպե՞ս կատարել վերջնահաշվարկ, եթե նրանք աշխատում են 2010թ-ի սեպտեմբերի 2-ից, նշեմ աշխատավարձի չափերը՝ 45000 և 40000 դրամ: Հնարավորության դեպքում կխնդրեի նշել, թե ուրիշ ինչ ունեմ անելու բացի վերջնահաշվարկից: Շատ շնորհակալ կլինեմ բոլոր արձագանքողներից, քանզի խնդրանքս շտապ է:

Սամվել.

Մեքենան արտադրվել է 1990թ-ին, ունի 75 ձիաուժ հզորություն, առ այսօր չի շահագործվել և գույքահարկ չի վճարվել: Խնդրում եմ մեկնաբանել և հավաստի տեղեկություն տալ, թե ինչպես հաշվարկենք, թե ինչքան գույքահարկ է կազմում: Մեքենան հաշվառված է Նոր-Խարբերդ շրջանում, և նրանց հաշվարկով կազմել է 110,980 դրամ: Բայց տեխզննություն չի անցել:

Աշոտ.

Բարև ձեզ,
ես ուզում էի իմանալ, երբվանի՞ց է ուժի մեջ մտել ԱԱՀ-ի հաշվետվության էլեկտրոնային տարբերակով հանձնելը:

Գայանե.

Հարգելի հաշվապահներ,
խնդրում եմ օգնել հետևյալ հարցում.
եթե կազմակերպությունը չունի տրանսպորտային միջոց, կարո՞ղ է արդյոք որոշ աշխատակիցների տրամադրել տրանսպորտային ծախս առանց հիմնավորող փաստաթղթերի, որովհետև տաքսիները չեն տրամադրում կտրոններ: Եթե այո, ապա ի՞նչ գումարի սահմաններում:
Նախապես շնորհակալ եմ:

Էդգար.

Հարգելի գործընկերներ,
խնդրում եմ օգնել ՍՊԸ-ի լուծարման հարցում: Վարձակալությամբ աշխատացնում էի խանութ: ՍՊԸ-ն գրանցված է 2010 թ. սեպտեմբերից, խանութն աշխատել է նոյեմբերից: Շուրջ մեկ ամիս է այլևս ՍՊԸ-ն գործունեություն չի իրականացնում, սակայն որևէ փաստաթղթով դա հիմնավորված չէ: Ասացեք խնդրեմ, արդյո՞ք պարտադիր է վարձակալության պայմանագիրը չեղյալ համարել նոտարով, թե՞ հնարավոր է զուտ դիմել կադաստրին և զերծ մնալ նոտարական ծախսից: Արդյո՞ք խորհուրդ կտայիք դիմել հարկային մարմնին` գործունեություն չծավալելու վերաբերյալ` լրացուցիչ հարկերից խուսափելու համար (այժմ ամսական անիմաստ ավելանում են հարկային պարտավորությունները` տարածքի վարձակալության եկամտահարկի և սոցվճարների պատճառով): Եվ ընդհանրապես, քայլերի ի՞նչ հերթականություն կառաջարկեիք լուծարման համար (ռեգիստր, կադաստր, հարկային և այլն):

Շնորհակալություն

Շուշանիկ.

Հարգելի կոլեգաներ,
հարցս վերաբերում է հղիության և ծննդաբերության պատճառով առաջացած նպաստի հաշվարկմանը: Քանի որ օրենքը փոփոխվել է, այժմ հաշվարկվող գումարը չպետք է գերազանցի նվազագույն ամսական աշխատավարձի հնգապատիկը (ՀՕ-160-Ն, հոդված 22-ի կետ 2): Խնդրում եմ ինձ հուշել, արդյո՞ք եկամտահարկ պահվում է նշված նպաստից, եթե այո, ապա ո՞րն է հիմքը, քանի որ ասվում է, որ կա փոփոխություն, բայց ես չեմ կարողանում գտնել այն (նախկինում որևէ պահում չէր կատարվում ֆիզ. արձակուրդի գումարից):
Կանխավ շնորհակալություն:

Աննա.

Արդյոք հաշվարկվու՞մ է աշխատավարձ տոնական օրերի համար, եթե այդ օրերին աշխատակիցները չեն աշխատել:

Hripsime.

Բարև Ձեզ, հարգելի հաշվապահներ:
Հարցս վերաբերում է աշխատանքի պետական տեսչություն ներկայացվող հաշվետվությանը:
2010թ.-ի հունիսի 24-ի «Աշխատանքի պետական տեսչության մասին» ՀՀ օրենքում փոփոխություններ և լրացում կատարելու մասին օրենքի 7-րդ կետի համաձայն ՀՀ աշխատանքի պետական տեսչությունը. «Իր գործունեության ապահովման համար ՀՀ կառավարության սահմանած կարգով լիազոր մարմնից ստանում է տեղեկատվություն` աշխատողների թվի, աշխատավարձի, դժբախտ դեպքերի և մասնագիտական հիվանդությունների մասին»:
Արդյո՞ք սա նշանակում է, որ մենք պետք է մեկ այլ մարմնի տանք նմանատիպ հաշվետվություն, այլապես որտեղի՞ց կարող է տեսչությունը ստանալ տեղեկատվություն դժբախտ դեպքերի և մասնագիտական հիվանդությունների մասին:

Մարգարիտա.

Հարգելի հաշվապահներ, եթե աշխատողին ազատում ես աշխատանքից, այդ մասին աշխատանքի տեսչություն հաշվետվություն ներկայացնու՞մ ես, թե՞ ոչ, կամ ու՞մ ես այդ մասին հաշվետվություն ներկայացնում: Շնորհակալություն: megi.torosyan շնիկ mail.ru

Մարգարիտա.

Հարգելի հաշվապահներ, խնդրում եմ ինձ ասել, Ա/Ձ -ն տարվա վերջում ի՞նչ հաշվետվություններ է ներկայացնում, բացի եկամտահարկից և սոցից, և ի՞նչ ժամկետներում: Նախորոք շնորհակալություն: megi.torosyan շնիկ mail.ru :

Տիգրան.

Հարգելի հաշվապահներ,
եթե նորաստեղծ կազմակերպությունը (ՀԿ) դեռ չի սկսել գործունեություն ծավալել, դեռ չունի աշխատակիցներ, արդյո՞ք պարտավոր է հաշվետվություններ ներկայացնել (զրոյական) աշխատավարձի և վճարված եկամուտների վերաբերյալ: Շնորհակալություն:

Մանուշ.

Արձակուրդ գնալու ժամանակ, եթե կա կողմերի համաձայնությունը, անպայմա՞ն է արձակուրդի ժամանակացույցը:

Տիգրան.

Եթե շրջանառությունս փոքր է, սակայն ցանկանում եմ աշխատել ԱԱՀ -ով, տարվա ընդացքում ցանկացած ժամանակ կարո՞ղ եմ հայտարարություն տալ ԱԱՀ-ով աշխատելու վերաբերյալ:

Տիգրան.

Բարև Ձեզ, իսկ եթե շրջանառությունը փոքր է, ծախսերը շատ, սակայն տարվա ընթացքում կատարել եմ վճարումներ, կարո՞ղ եմ տարեկան հաշվետվության մեջ ոչ մի ծախս ցույց չտալ, անձնական նվազեցում չգրել: Հաշվետվությունը հանձնելուց հետո խնդիր կառաջանա՞: