Քանի՞ տարի պահպանել փաստաթղթերը
Լիանա.
Հաշվապահական փաստաթղթերը, դրամարկղի գիրքը, առաքման գրքերը և այլն, քանի՞ տարի պետք է գրասենյակում պահպանվեն ըստ օրենքի:
Ինչպե՞ս վարվել խոտանի հետ
Ռիտա.
Հարգելի կոլեգաներ, մեր արտադրությունը գտնվում է փորձարկման փուլում: Այն տևել է մի քանի ամիս հոսքային գծի թերությունների պատճառով: Կուտակվել է խոտան: Խնդրում եմ պատասխանեք` ինչպե՞ս վարվենք խոտանի հետ, ի՞նչ նորմաներից ելնելով` ծախս ճանաչենք, և ինչպե՞ս ակտավորենք: Նախապես շնորհակալություն:
Խանութ բացելու համար
Mayis.
Բարև ձեզ, հարգելի հաշվահաներ: Մի հարց ունեմ, խնդրում եմ պատասխանեք` արդյո՞ք իրավունք ունի գյուղի բնակիչը Երևան քաղաքում խանութ բացելու:
Որքա՞ն տուգանք կնշանակվի
Lusin.
ՍՊԸ-ն ամեն օր ՀԴՄ ֆիսկալ է հանում: Դրամարկղի գիրքն վերջացել էր, և ինչ-ինչ պատճառներով նորը չէր վերցվել: 22 օր է արդեն գումարները մուտք չեն արվում դրամարկղ: Եթե հարկայինի կողմից կնքվելուց հետո այդ քսաներկու օրվանն միանգամից մուտք անեմ դրամարկղ, որքա՞ն տուգանք կարող է հասնել դրա համար:
Միջին աշխատավարձի հաշվարկ
Շուշանիկ.
Հարգելի հաշվապահներ,
խնդրում եմ ինձ հուշել` ինչպե՞ս պետք է հաշվարկել աշխատողի միջին աշխատավարձը, եթե նա նախկինում աշխատել է 5-օրյա աշխատանքային շաբաթով, իսկ վերջին 7 ամիսների ընթացքում` 6-օրյա աշխատանքային շաբաթով:
Կանխավ շնորհակալ եմ:
ԱԱՀ հաշվանցման վերաբերյալ
Ներսես.
Բարև Ձեզ, խնդրում եմ օգնել ինձ հետևյալ հարցում. հիմնադրամն իր կանոնադրությամբ կարող է նաև ձեռնարկատիրական գործունեություն ծավալել և աշխատում է ԱԱՀ-ով: Հարցս հետևյալն է` ԱԱՀ-ի հաշվանցում կատարելիս արդյո՞ք հաշվի է առնվում միայն ձեռնարկատիրական գործունեությամբ կատարված ծախսերի ԱԱՀ-ն: Եվ մյուս հարցս` եթե ՀԴՄ կտրոնի վրա նշվում է ԱԱՀ, դա կարելի՞ է հաշվանցել: Կանխավ շնորհակալ եմ:
ԱԱՀ հաշվարկի լրացման հրահանգ
Garnik.
Հարգելի կոլեգաներ, խնդրում եմ օգնեք ինձ: Գրեք հղում, որտեղից կարող եմ գտնել ԱԱՀ հաշվարկի լրացման հրահանգ կամ կարգ (մասնավորապես հաշվանցման տեսակարար կշիռը դեբետային մասը, 26, 27 հոդվածները) 2013թ. փոփոխություններով: Կանխավ շնորհակալություն:
Կազմակերպության աշխատակիցն իր հաշվին կատարել է գնումներ
Harutyun.
Եթե կազմակերպության աշխատակիցն իր հաշվին կատարել է գնումներ, և տվյալ պահին դրամարկղում չկա անհրաժեշտ գումար ծախսը փոխհատուցելու համար, կարո՞ղ ենք արդյոք ձևակերպել այսպես`
դտ 7139 կտ 5281,
այնուհետև`
դտ 5281, կտ 2511:
Կանխավ շնորհակալ եմ:
Տուրիստական գործակալությունը վաճառում է տուր-փաթեթներ
Hasmik.
Հարգելի կոլեգաներ, խնդրում եմ պատասխանել հետևյալ հարցին.
տուրիստական գործակալությունը վաճառում է տուր-փաթեթներ, որտեղ ներառված է ավիատոմսի գումարը և գործակալության ծառայության վճարը: Շրջանառության հարկը ո՞ր գումարից է հաշվարկվում` ամբո՞ղջ տուր փաթեթի գնից, թե՞ ավիատոմսի արժեքը հանած գումարից: Կանխավ շնորհակալություն:
Եկամտահարկ 11 տոկոս
Վարդուհի.
Ինձ հետաքրքիր է` նախորդ ժամանակաշրջանում չհիմնավորված փաստաթղթերով ծախսերը ներառվում էին եկամտահարկի հաշվարկում, որից հաշվարկվում էր 11 տոկոս եկամտահարկ, և դրանով իսկ ծախսը ճանաչվում էր հիմնավորված: Իսկ հիմա, երբ արդեն չկա եկամտահարկ, որտեղ են երևում այդ ծախսերը:
Բեռնատար ավտոմեքենայի երթուղային թերթիկ
Մարգարիտա.
Խնդրում եմ ուղարկել բեռնատար ավտոմեքենայի երթուղային թերթիկի (ուղեթերթի) ձևը և տվյալներ` այն լրացնելու համար margo-nig շնիկ mail.ru
Արդյո՞ք անհրաժեշտ է գույքի նկատմամբ իրավունքների պետական գրանցումը
Աննա.
Հարգելի կոլեգաներ, կազմակերպությունը կնքում է անշարժ գույքի վարձակալության պայմանագիր: Արդյո՞ք անհրաժեշտ է գույքի նկատմամբ իրավունքների պետական գրանցումը: Չգրանցելու դեպքում ի՞նչ հետևանքներ կարող են առաջանալ: Կանխավ շնորհակալ եմ:
Ո՞ր դեպքերում է առաջանում ԱԱՀ պարտավորություն
Վարդան.
Հարգելի հաշվապահներ, այսպիսի հարց ունեմ. ֆիզիկական անձի կողմից կատարված գործարքներից ո՞ր դեպքերում է գանձվում ԱԱՀ և օրենքի ո՞ր կետով է դա ամրագրված, և ո՞վ է ներկայացնում ֆիզ. անձի իրականացրած գործարքների մասին տվյալները հարկային տեսչություն: Շնորհակալ եմ:
Երեխայի ծննդյան միանվագ 50 000 դրամ նպաստ ստանալու համար
Էլեն.
Բարև ձեզ: Չե՞ք ասի` երեխայի ծննդյան միանվագ 50 000 դրամ նպաստ ստանալու համար մինչև երբ պետք է դիմել: Լսել եմ, որ մինչև երեխայի 6 ամսական դառնալն է: Ճի՞շտ է:
Նորաբաց ընտանեկան բժշկության գրասենյակ
Անի Սահակյան.
Բարև ձեզ: Նորաբաց ընտանեկան բժշկության գրասենյակ է, որը ֆինանսավորվում է պետության կողմից, ունի նաև վճարովի ծառայություններ: Ի՞նչ հարկատեսակներով այն պետք է հարկվի: Ասեմ նաև, որ շրջանառությունը չի գերազանցում 58,35 մլն դրամը: Խնդրում եմ շտապ պատասխանել: Կանխավ շնորհակալություն:
Միջին աշխատավարձի հաշվարկ
astxik.
Հարգելի հաշվապահներ, ինձ հուզում է այսպիսի մի հարց` խոսքս միջին աշխատավարձի մասին է: Աշխատողին արձակուրդ եմ տրամադրում 2012-2013թթ համար ապրիլի 8-ից 15 աշխատանքային օրվա հաշվարկով, տվյալ աշխատողը աշխատանքի է ընդունվել 2012թ. հուլիսի 13-ին, ամսական ԱՎՈՒՄ-ը 2012-ին եղել է 60 000, իսկ 2013թ-ի հունվարից` 75 000: Խնդրում եմ հաշվարկել, կանխավ շնորհակալություն:
Արդյո՞ք կազմակերպությունը պարտադիր պետք է տնօրեն ունենա
Լևոն.
Բարը ձեզ, սիրելի հաշվապահներ: Խնդրում եմ պատասխանեք հետևյալ հարցին. ես ունեմ ՍՊԸ, որը կազմված է միայն 1 հոգուց` ինձ է պատկանում 100%-ը, ես եմ ՍՊԸ-ի տնօրենը և գործադիր մարմնի ղեկավարը: Այս դեպքում ես պարտադիր պե՞տք է ինքս ինձ աշխատավարձ նշանակեմ և վճարեմ եկամտային հարկ նշանակված աշխատավարձից: Եթե այո, ապա կարո՞ղ եմ ինձ հեռացնել տնօրենի պաշտոնից և շարունակել գործունեությունը, թե՞ առանց տնօրենի հնարավոր չէ: Նախապես շնորհակալություն:
Որակավորման քննությունների հարցաշար
Վահագն.
Հարգելի հաշվապահներ, Հայաստանի Ֆինանսների նախարարության որակավորման վկայական ստանալու համար քննության հարցաշարը որտե՞ղ է հրապարակված: Եթե հնարավոր է, կուղակե՞ք svk_vahagn շնիկ mail.ru հասցեին: Կանխավ շնորհակալ եմ:
Ի՞նչ հարկեր են առաջանում
astxik.
Հարգելի հաշվապահներ, խնդրում եմ արձագանքեք, եթե առնչություն ունեք այս հարցին.
ԱԱՀ-ի դաշտում աշխատող կազմակերպությունը ունի նաև արտոնագիր ավտոտեխսպասարկմամբ զբաղվելու համար: Օրինակ, մեքենան մտնում է բոքս վերանորոգման համար, զննման ընթացքում հայտնաբերվում է, որ տվյալ մեքենայի մասերից մի քանիսը պետք է փոխարինվեն նոր մասերով: Այս դեպքում ի՞նչ հարկեր են առաջանում: Ես հետաքրքրվել եմ տարբեր հարկային և այլ աշխատողներից, ստացել եմ տարբեր պատասխաններ: Խնդրում եմ դուք էլ փորձեք պատասխանել, և եթե կարելի է` հիմնավորեք փաստերով կամ թողեք ձեր կարծիքը: Շնորհակալություն:
Ո՞ր հասցեն է նշվում հաշվետվություններում
Gurgen.
Խնդրում եմ պատասխանել հետևյալ հարցին. հաշվետվությունների մեջ "հարկ վճարողի գտնվելու վայրը" տողը լրացնելիս նշվում է կազմակերպության իրավաբանակա՞ն հասցեն, թե՞ փաստացի գործունեության: Շնորհակալություն:
Գիտեի՞ք, որ …
Հաշվապահների գերբի վրա,որը ընդունվել է որպես հաշվապահների միջազգային խորհրդանշան,պատկերված են արևը, կշեռք, Բերնուլլիի կորը, և գրված է կարգախոս ` "Գիտություն, անկախություն, բարեխղճություն":
Մանրամասն
Ուսուցիչը ցանկանում է ազատվել աշխատանքից
Ալբերտ.
Ուսուցիչը վերցրել է իր հաշվին արձակուրդ և հիմա ուզում է ազատվել աշխատանքից: Հիմա տրվել է ազատման հրամանը, կատարվել է վերջնահաշվարկ, որը պետք է նշվի եկամտային հարկի էլեկրտոնային տարբերակում և այնտեղ տրվի ազատման հրամանը, որը չեմ պատկերացնում, թե ինչպես և որտեղ պետք է նշվի: Խնդրում եմ օգնել:
Հաշվապահական ձևակերպումներ
Վարդուհի.
Խնդրում եմ օգնեք տալ հաշվապահական ձևակերպումներ հետևյալ գործառնություններին.
աբոնենտը վճարել է կազմակերպությանը, այսինքն դեբիտորական պարտքի մասնակի մարում` 365 000 դրամարկղի մուտք
9 000 000 դեբիտորական պարտքի մարում` հաշվարկային հաշվին մուտք
132 000 գնվել է վառելիք ավտոմեքենայի
572 000 վճարվել է աշխատավարձ
20 400 վճարվել է աշխատանքային խեղվածության թոշակ
6 090 վճարվել է էլ. էներգիա
14 090 գնվել է ավտոպահեստամաս և քսայուղ
250 000 սոց. վճարի գծով պարտքի մարում փախանցումով
400 000 պետ բյուջեյի պարտքի մարում կանխիկացումով +1000 կանխիկացման տոկոս
21 000 գրենական պիտույքներ տնտեսական ծախս
2 000 հեռաղոսավարձ
3 000 ինտերնետ ծառայության վճար
Եթե կարողանաք օգնել, անչափ շնորհակալ կլինեմ:
Աշխատողը ուսանող է և աշխատանքից բացակայելու դիմում է գրել
Ներսես.
Բարև Ձեզ:
Խնդրում եմ օգնել ինձ հետևյալ հարցում. աշխատողը ուսանող է և դիպլոմային աշխատանքի պաշտպանության համար դիմում է գրել, որպեսզի բացակայի աշխատանքից` համաձայն աշխատանքային օրենսգրքի հոդված 174-ի կետ 4: Տվյալ դեպքում ինչպե՞ս են կատարում վճարումը:
Ա/Ձ-ն նոր բազված է և զբաղվում է ավտոլվացմամբ
Միլի.
Բարև Ձեզ, հարգելի հաշվապահներ: Խնդրում եմ օգնել ինձ մի հարևցում. Ա/Ձ-ն նոր բազված է և զբաղվում է ավտոլվացմամբ, և հանդիսացել է արտոնագրային հարկ վճարող: Աշխատացրել է 1 բոքս և վճարել է 15750 դրամ: Հիմա ավելացրել է ևս 3 բոքս (ավտովերանորոգողներ): Ինչպե՞ս ներկայացնել վերջին տաղավարների ավելացումը և կատարել վճարումներ: Եվ արդյո՞ք գործունեությունների տարբեր լինելը կազդի արտոնագրային հարկ վճարող համարվելու վրա: Կանխավ շնորհակալ եմ:
Սխալ եկամտային հարկի հաշվարկում
Աննա.
Հարգելի հաշվապահներ, մարտ ամսվա եկամտային հարկի հաշվարկի մեջ սխալ եմ հայտնաբերել, ինչի արդյունքում հարկը և հարկվող օբյեկտը պակաս եմ ցույց տվել: Եթե մի քանի օր ուշացմամբ ապրիլին փոխանցեմ չվճարված մասը, բացի օրական 0.15 տույժից ուրիշ ի՞նչ խնդիր կառաջանա հարկայինի հետ: Խնդրում եմ շտապ պատասխանել:
Արդյո՞ք անհրաժեշտ է պայմանագրի նոտարական վավերացում
Արսեն.
Հարգելի հաշվապահներ,
ապրիլի 25-ին պետք է ֆիզ. անձից վարձակալեմ բնակարան: Բնակարանը շահագործվելու է որպես հյուրատուն: Վարձակալության պայմանագիրը կնքվեոլու է ֆիզ. անձի և ԱՁ-ի միջև:
Խնդրում եմ պատասխանել, թե արդյո՞ք անհրաժեշտ է պայմանագրի նոտարական վավերացում:
Կանխավ շնորհակալություն:
Ի՞նչ հաշվետվություններ պետք է ներկայացնել
Tatevik.
Բարև Ձեզ, հարգելի հաշվապահներ: Ես ունեմ այսպիսի հարց, խնդրում եմ օգնեք. ԱՁ-ն զբաղվում է մանրածախ առևտրով տոնավաճառում, չունի վարձու աշխատող, գործունեությունը սկսել է 2012-ի նոյեմբերին: Անցյալ տարվա համար ի՞նչ հաշվետվություններ պետք է ներկայացնեմ Հարկային Տեսչություն:
Չհիմնավորված ծախսերի արտացոլում
Վարդուհի.
Բարև Ձեզ: Ես լրացրել եմ շահութահարկի պարզեցված հաշվարկ, որում համախառն եկամտից նվազեցվող ուղղակի ծախսերում ցույց չեմ տվել վառելիքի ձեռք բերման գումարը, քանի որ այն ձեռք եմ բերել գնման ակտով, և ոչ մի ուրիշ հիմնավոր փաստաթուղթ չի կցվել դրամարկղի ելքի օրդերին: Եվ քանի որ միայն գնման ակտով կատարված ծախսը համարվում է չհիմնավորված ծախս, ապա շահութահարկի հաշվարկում այն որպես ծախս չի ճանաչվում: Հարցս հետևյալն է. հաշվեկշռուվ ո՞ր տողում ցույց տամ չհիմնավորված ծախսերը:
Ո՞ր դրույքաչափով կհաշվարկվի հարկը
Tatev.
Բարև, սիրելի հաշվապահներ: Կազմակերպությունը հանդիսանում է շրջանառության հարկ վճարող և վարձակալության է տվել շինությունը ՍՊԸ-ի: Շրջանառության հարկի ո՞ր դրույքաչափով պետք է հարկվեմ` 10% - վարձակալությունից եկամուտներ, տոկոսներ, ռոյալթիներ, թե՞ 5 %` այլ գործունեության տեսակներից եկամուտներ:
Կազմակերպությունը վարձակալությամբ տարածք է հանձնել
Ալլա.
Հարգելի հաշվապահներ, հարցս հետևյալն է` մեր կազմակերպությունը տվել է վարձակալության տարածք: Վարձավճարից պետք է հաշվարկի եկամտային հարկ (եթե չեմ սխալվում 10%): Սակայն այդ հաշվարկված եկամտային հարկի գումարը ինչպե՞ս պետք է արտացոլվի եկամտային հարկի հաշվետվության մեջ, և ո՞ր հաշվին պետք է փոխանցում կատարել: Հարցս հրատապ է: Կանխավ շնորհակալ եմ բոլոր պատասխանների համար:
Որքա՞ն գումար է վճարվում
Gajane.
Բարև Ձեզ, ասացեք խնդրեմ, եթե հղին ուսանող է և չի աշխատել, դեռ մեկ տարի էլ ունի սովորելու, օրենքով ի՞նչ է նախատեսվում այդ դեպքում, ի՞նչ և ինչքա՞ն է վարձատրվում: Կանխավ շնորհակալություն:
ՍՊԸ-ը վարձակալել է տաղավար ֆիզիկական անձից
Սարգիս.
Բարև ձեզ: Եթե ՍՊԸ-ը վարձակալել է տաղավար ֆիզիկական անձից (ոչ Ա/Ձ-ից), և ամսական պետք է վճարի եկամտային հարկ այդ գումարից 10%-ը, պարտադի՞ր է արդյոք լրացնել էլեկտրոնային հաշվետվությունների ձև N 79 և հետո N 95-ը:
Խանութ 40 քմ տարածքում
Mayis Margaryan.
Բարև ձեզ: Խնդրում եմ պատասխանեք իմ հարցերին: Ցանկանում եմ Երևանում խանութ բացել 40 քմ տարածքում: Խնդրում եմ նկարագրել առաջին քայլերը` կապված գրանցվելու հետ, ինչպես նաև պատասխանել, թե ինչ հարկեր պետք է վճարեմ:
Բեռնափոխադրման միջնորդային գործունեություն
Արմեն.
Բարև Ձեզ: Կխնդրեի ինձ տեղյակ պահել, թե ով է զբաղվում միջազգային բեռնափոխադրման միջնորդային գործունեության հաշվապահությունով:
Կազմակերպությունը դադարել է համարվել ԱԱՀ վճարող
Նարինե.
Սիրելի հաշվապահներ, Ա/Կ-ը այս տարի ԱԱՀ-ն փոխարինել է շրջանառության հարկով: Խնդրում եմ օգնեք` եթե մինչ այդ հարկային հաշիվները գրվում էր էլեկտրոնային եղանակով, ապա ԱԱՀ-ից ազատվելու դեպքում ինչպե՞ս պետք է գրվեն այժմ հաշիվ-ապրանքագրերը, նկատի ունեմ` էլեկտրոնայի՞ն տարբերակով, թե՞ ձեռքով:
Ուղեկցող փաստաթղթին ներկայացվող պահանջներ
Հարություն.
Հարգելի գործընկերներ, "Հարկերի մասին" օրենքի հավելված 4-ի համաձայն ուղեկցող փաստաթղթում պետք է առկա լինի տեղափոխվող ապրանքի գինը (արժեքը):
Կազմակերպությունը տեղափոխում է ապրանքը իր մի պահեստից մյուս պահեստ, որոնք նույն առաքման վայրում չեն գտնվում: Լրացվել է տեղափոխման բեռնագիր հաշվապահական ծրագրի միջոցով, որտեղ երևում են ապրանքի քանակը, միավորի արժեքը, ընդհանուր արժեքը, սակայն այդ արժեքները ապրանքի ինքնարժեքն են: Հարցը հետևյալն է` արդյո՞ք օրենքում "արժեք" ասելով` հասկացվում է հենց ինքնարժեքը, և խախտում չի՞ համարվի ուղեկցող փաստաթղթում ապրանքի ինքնարժեքի արտացոլումը: Առհասարակ, հաշվապահական փաստաթղթերում որտե՞ղ են երևում վաճառվող ապրանքի վաճառքի գները: Իմ կարծիքով` չեն երևում:
Եթե աշխատողին փոխադրում են ավելի բարձր պաշտոնի
Նարինե.
Խնդրում եմ ասացեք` եթե աշխատողին փոխադրում են ավելի բարձր պաշտոնի կամ աշխատավարձն են բարձրացնում և դա ամրագրում հրամանով, արդյո՞ք համաձայնագիր կնքելու անհրաժեշտություն կա, թե՞ ոչ:
ԱՁ-ն չի վճարել նպաստ աշխատողին
Մերի.
Բարև ձեզ: Ինձ հետաքրքրում է մի հարց. ես աշխատում եմ ԱՁ-ի մոտ որպես պատճենահանող: Աշխատավարձս կազմել է 35 000 դրամ, հիմա գտնվում եմ ֆիզ. արձակուրդի մեջ, ստանում եմ ինձ հասանելիք ամենամսյա 18 000 գումարները, սակայն մինչ այժմ չեմ ստացել դեկրետի գումարը՝ նախածննդյան և հետծննդյան օրերի հաշվարկը վերջացել է 2012թ. դեկտեմբերի 3-ին, իսկ թերթիկս ներկայացրել եմ դեռ օգոստոս ամսին, սակայն վճարումը ձգձգում են՝ պատճառաբանելով, որ հարկայինի հետ խնդիրներ ունեն, բայց կլինի, սակայն այդպես էլ չի լինում: Խնդրում եմ, ինձ օգնեք՝ իմանամ՝ ում դիմեմ և ինչպես այս հարցին լուծում տամ: Նախապես շնորհակալություն:
ԱՁ-ն զբաղվում է հագուստի մանրածախ և մեծածախ վաճառքով
Ռոբերտ.
Բարև Ձեզ, հարգելի հաշվապահներ:
Ես նոր գրանցված ԱՁ եմ, զբաղվում եմ հագուստի մանրածախ և մեծածախ վաճառքով: Վաճառքը կազմակերպում եմ տանից, 1 սենյակ տրամադրել եմ որպես վաճառասրահ: Ինձ հարկային մարմիններում տեղեկացրին, որ դրամարկղային մեքենա չի հասնում ինձ, քանի որ տարածքս գտնվում է 2 հարկում և "խանութի" սահմանված պահանջներին չի համապատասխանում: Աշխատում եմ մենակ, ուրիշ աշխատող չունեմ: Հարցերս հետևյալն են.
1) Ինչպե՞ս ես ցույց տամ իմ շրջանառությունը
2) Արդյո՞ք պետք է ներկայացնեմ ձեռք բերման որևէ թուղթ
3) Եվ հնարավո՞ր է ինձ հաստատագրված հարկ նշանակեն
իմ էլեկ. հասցեն է rob0408 շնիկ mail.ru.
Կանխավ շնորհակալություն պատասխանների համար:
Արդյո՞ք կազմակերպությունը կհամարվի շրջանառության հարկ վճարող
Աննա.
Հարգելի հաշվապահներ, "Շրջանառության հարկի մասին" օրենքը կարդալով` ստացվում է հետևյալը. եթե կազմակերպության բաժնետեր է հանդիսանում ոչ ռեզիդենտ կազմակերպությունը, ուրեմն 2013թ հունվարի 1-ից ԱԱՀ վճարող չենք համարվում և շրջանառության հարկ պետք է վճարենք, այո՞: Կանխավ շնորհակալություն արձագանքողներին:
Վիճակագրական ծառայություն հաշվետվություն ներկայացնելու վերաբերյալ
Տիգրան.
Խնդրում են օգնեք: Եթե պետռեգիստրում գրանցվել եմ հունվարին, գործունեությունս սկսվել է փետրվարից, վիճակագրական ծառայությունում գրանցվել եմ առանց իրենց կողմից իրազեկման ապրիլի սկզբին, ապա փետրվար ամսվա հասույթս գումարե՞մ մարտի հասույթին, թե ընդհանրապես չներկայացնեմ: Շնորհակալություն:
Մանկական քոլեջ բացելու վերաբերյալ
LUSINE.
Բարև ձեզ, ես կցանկանայի իմանալ` եթե ես ցանկանում եմ մանկական քոլեջ բացել, ի՞նչ պայմաններ կան, և ինչքա՞ն գումար պետք է վճարեմ, օրինակ, քոլեջում 20 երեխա և 2-ժամյա դասընթացների դեպքում: Խնդրում եմ ծանոթացնել բոլոր պայմաններին:
Դպրոցի գրադարանավարի դրույքը նվազագույն աշխատավարձի չափ է
Սիլվա.
Խնդրում եմ ստույգ պատասխանել հետևյալ հարցիս.
դպրոցի գրադարանավարի դրույքը նվազագույն աշխատավարձի չափ է, բացի դրանից դպրոցում պարապում եմ նաև դասաժամեր: 2013թ. հունվարից, երբ նվազագույն աշխատավարձը դարձել է 35 000 դրամ, իմ գրադարանավարի դրույքը բարձրանալու՞ է արդյոք, թե՞ նորից մնում է 32 500 դրամ (քանի որ ես նաև ստանում եմ պարապածս դասերի ժամավճարը): Կանխավ շնորհակալություն պատասխանողներին:
Կազմակերպությունը ցանկանում է նվազեցնել աշխատողների աշխատավարձը
lili.
2013 թվականին աշխատողների աշխատավարձը ցանկանում ենք իջեցնել, այսինքն մաքուր աշխատավարձը 2012 թվականի դեկտեմբերի մաքուր աշխատավարձից լինի պակաս: Կարո՞ղ ենք, թե՞ ոչ, եթե կարող ենք, ո՞ր դեպքերում:
Հաշվապահական հաշվառման անհատական պարապմունքներ
Armine.
Բարև ձեզ: Ես գործող հաշվապահ եմ, ունեմ ավելի շատ տնտեսագիտական գիտելիքներ, քան հաշվապահական, քանի որ վերջերս եմ անցում կատարել տնտեսագիտական ոլորտից հաշվապահական: Ծանոթ եմ սկսնակների համար դասընթացներին, կարողանում եմ, նախորդ գործերը նայելով, վարել կազմակերպության հաշվապահությունը, բայց 0-ից նոր ոլորտում դժվարանում եմ: Կցանկանայի անհատական համակարգված գիտելիքներ ստանալ անհատական պարապմունքների միջոցով, հետագայում լիցենզիա ստանալու, նաև գիտելիքներս հիմնավոր դարձնելու համար: Շնորհակալ կլինեմ ցանկացած տիպի օգնության համար:
Նվազագույն աշխատավարձ ստանալու վերաբերյալ
Աննա.
Խնդրում եմ ինձ մի հարցով օգնել:
Ես աշխատում եմ հիմնարկությունում` որպես համակարգչային օպերատոր (5 տարի), և հաստիքացուցակում իմ դրույքը 1 է, բայց ես նվազագույն աշխատավարձ չեմ ստացել ոչ մի անգամ, միշտ 20 000 կամ 29 000 եմ ստացել: Եթե նվազագույն աշխատավարձ կա Հայաստանում, ապա ինչու՞ է իմ աշխատավարձն այդքան ցածր, ներկայումս պետք է լինի մաքուր աշխատավարձը 35 000, բայց այս տարի նունպես ստանում եմ մաքուր 29800: Խնդրում եմ ասել` ինչպե՞ս ստանամ նվազագույն աշխատավարձ:
Արդյո՞ք հասնում է հերթական արձակուրդ
Ֆիրա.
Հարգելի հաշվապահներ, ես աշխատում եմ որպես ուսուցչուհի դպրոցում 2006 թվականից: 19.11.2012 գնացել եմ ֆիզ արձակուրդ, որն ավարտվում է 08.04.2013: Տնօրենն ինձ համոզում է, որ ինձ չի հասնում իմ հերթական 2012-2013 ուս. տարվա արձակուրդը: Ես ուզում եմ իմանալ` հասնու՞մ է արդյոք ինձ իմ հերթական արձակուրդը, եթե այո, ապա քանի՞ օր, եթե ոչ, ապա կպահպանվի՞ այն արդյոք աշխատանքի դուրս գալուց հետո: Դպրոցի հիմնական աշխատողն եմ: Կանխավ շնորհակալություն:
Որտե՞ղ պետք է գրանցվեն հաշիվ-ապրանքագրերը
arman.
Բարև Ձեզ, հարգելի հաշվապահներ:
"Շրջանառության հարկի մասին" օրենքով հարկ վճարողները առաքվող կամ տեղափոխվող արտադրանքի, ապրանքների գրանցման (հաշվառման) գրքեր չեն վարում, սակայն իրենց կողմից առաքվող, տրամադրվող, վաճառվող ապրանքների և մատուցվող ծառայությունների գծով գնորդներին (ծառայություններից օգտվողներին) դուրս են գրում հաշվարկային փաստաթղթեր (հաշիվ-ապրանքագրեր): Հարց` որտե՞ղ պետք է գրանցվեն հաշիվ-ապրանքագրերը, և ինչպե՞ս պետք է որոշվի հարկվող օբյեկտը: Նախապես շնորհակալություն եմ հայտնում:
Եկամտային հարկի հաշվարկ քաղաքացիաիրավական պայմանագրի դեպքում
Grigoryan Meri.
Բարև Ձեզ, խնդրում եմ ինձ հուշեք` ինչպե՞ս է հաշվարկվում քաղաքացիաիրավական պայմանագրով աշխատողի ամսական եկամտային հարկը, հաշվարկվում է 24.4%-ով, թե՞ այլ ձև:
Վերջին մեկնաբանություններ