Մարիամ.

Բարև ձեզ: Կարո՞ղ եք օգնել: Աշխատակցի հետ կնքվել է 1 տարի ժամկետով քաղիրավական պայմանագիր։ Գործատուն ցանկանում է ժամկետից շուտ ազատել աշխատողին։ Ինչպե՞ս կարելի է լուծել պայմանագիրը, արդյո՞ք տրվում է վերջնահաշվարկ, և եթե այո, խնդրում եմ ուղարկել հոդվածը։

Մարինա․

Բարև ձեզ, խնդրում եմ հուշեք՝ ի՞նչ է կարելի անել, եթե կազմակերպության աշխատակիցների եկամտային հարկի ամբողջ գումարը փոխանցվել է դրոշմանիշային վճարի հաշվեհամարին։ Շնորհակալություն։

Քրիստինե․

Բարև բոլորին։ Հարգելի հաշվապահներ, քաղաքացիաիրավական պայմանագրով աշխատողին գրանցելու ժամանակ 79 հաշվետվության մեջ միայն նշում եմ ամսաթիվը ու վե՞րջ։ Մի հարց էլ՝ եթե ՍՊԸ-ն միկրոդաշտում է, քաղ․ իրավական աշխատողի եկամտային հարկը ինչպե՞ս է հաշվարկվում։ Նորից նույն 5 000 դրա՞մն է։ Նախապես շնորհակալություն։

Արփինե․

Ողջույն: Եթե աշխատողը փոխարինում է արձակուրդի մեջ գտնվողին, ապա արդ դեպքում ինչպե՞ս է կազմակերպվում փոխարինող աշխատողի վարձատրությունը (արդյո՞ք տրվում է պարգևավճար, թե՞ այլ կերպ է ձևակերպվում), և ինչպիսի՞ փաստաթղթեր են պատրաստվում այդ նպատակով:

Մարի․

Բարև ձեզ։ Եթե միջին մասնագիտական ուսումնական հաստատությունում ըստ բեռնվածքի ունեմ 936 ժամ, որի համար հաշվարկվել է 142 085 աշխատավարձ, և ունեմ նաև 144 դասաժամ, որը ձևակերպվել է ժամավճար, կուզեյի իմանալ՝ ժամավճարի համար որքա՞ն գումար եմ ստանալու, և արդյո՞ք արձակուրդայինն հաշվարկվում է ժամավճարի մեջ։ Ամսական որքա՞ն կկազմի իմ ժամավճարի գումարը։ Եվ որքա՞ն են հաշվարկում մեկ ժամը։

Սոնա․

Բարև Ձեզ։ Խնդրում եմ ասեք՝ ինչպիսի՞ գործողություններ պետք է իրականացնի գործատուն այն աշխատակիցների նկատմամբ, ովքեր հրաժարվում են ենթարկվել Առողջապահության նախարարի 2021թ-ի հոկտեմբերի 1-ից ուժի մեջ մտնող հրամանին։

Էլլա.

Բարև ձեզ: Ուսուցչի օգնականի մեկ դրույքաչափի դեպքում աշխատաժամանակը ինչքա՞ն կլինի:

Սարիբեկ.

Հարգելի գործընկերներ, եթե աշխատողը կատարել է հաստիքացուցակում նշված գործառույթներից ավել աշխատանք (աշխատանք, որը նախատեսված է եղել այլ հաստիքով, որը կրճատվել է)` այդ դեպքում աշխատողը կարո՞ղ է աշխատավարձի ավելացման հարց բարձրացնել, թե՞ ոչ: Կանխավ շնորհակալ եմ։

Գայանե:

Բարև ձեզ: Շնորհակալություն մեր հարցերին պատասխանելու համար։ Մի հարց՝ եթե նույն հիմնարկում հիմնական աշխատանքից բացի կատարում են ուրիշ աշխատանք, այդ դեպքում գրվու՞մ է համատեղությամբ պայմանագիր, թե՞ արտաժամյա:

Անի.

Բարև Ձեզ։ Հղիության 7-րդ ամսին ֆիզարձակուրդ չգնալու դեպքում (8-րդ ամսին ևս աշխատելու դեպքում) արդյո՞ք վարձատրությունը կազմում է նույն կերպ, ինչ նախորդ ամիսներին։ Շնորհակալություն։

Սյուզի.

Բարև ձեզ: Կասեք՝ խնդրում եմ, եթե աշխատողը կրճատ աշխատաժամով է գրանցված, ո՞ր դեպքում է գործատուն վճարում հարկերը, և լրիվ աշխատաժամի դեպքում էլի ե՞րբ է գործատուն վճարում հարկերը։ Եվս մեկ հարց. դրոշմանիշային գումարը եկամտային հարկման բազայի մեջ է չէ՞։ Դրոշմանիշայինի համար հաշվարկի ձև չկա, ուղղակի փոխանցում ենք և վե՞րջ։ Շատ շնորհակալ եմ:

Բարև ձեզ: Վերջնահաշվարկը ինչպե՞ս են հաշվում: Կապ ունի՞ գրանցված աշխատող է եղել, թե՞ ոչ:

Էմիլի.

Բարև ձեզ: Մեկ հարց ունեմ. արձակուրդից որ հետ են կանչում աշխատողին, վարձատրվու՞մ է, օրենքը կարծես թույլ չի տալիս:

Անի.

Բարև Ձեզ: Եթե աշխատողի աշխատանքային պայմանագիրն ավարտվում է սեպտեմբերի 09-ին` այդ դեպքում ե՞րբ պետք է գրել ազատման հրամանը:

Սյուզի.

Բարև ձեզ: Եկամտայինի հետ կապված մի քանի հարց ունեմ, խնդրում եմ օգնեք։ Եթե աշխատողը վճարվող արձակուրդ է գնացել 06-րդ ամսի վերջից մինչև 07ամսվա կեսերը, արձակուրդայինի գումարը ո՞ր ամսվա եկամտայինի մեջ է երևում, և միանգամից ամբողջ գումարն է վճարվու՞մ։ Չվճարվող արձակուրդը ինչպե՞ս է արտացոլվում եկամտայինի մեջ։ Եթե աշխատողը հիվանդության թերթիկ է բերել 06-ից 07 ամիսների համար, արդյո՞ք ուշ չի լինում, 08-ի եկամտայինի մեջ չպե՞տք է 07 ամսվա եկամտայինի մեջ երևար։ Շնորհակալություն:

Տիգրան.

Միկրոձեռնարկատիրությամբ զբաղվող ԱՁ-ն աշխատողին պետք վճարի հղիության նպաստ: Կարո՞ղ եք նշել քայլերի հերթականությունը, թե ի՞նչ պետք է անել, անաշխատունակության թերթիկից սկսած:

Արմինե.

Բարև ձեզ: Խնդրում եմ օգնեք. ունենք աշխատողներ, որ ազատվելու են աշխատանքից, սեպտ. 30-ը վերջին աշխ. օրն է։ Ունեն չօգտագործված արձակուրդային օրեր. ինչպե՞ս կատարել վերջնահաշվարկը հետևյալ օրինակներում, եթե 1-ին աշխատողն ընդունվել է կես դրույքով (47 700)՝ 04.06-ից և 3 ամիս է լիարժեք աշխատել:
2-րդ աշխատողն աշխատել է է 3 ամիս և մեկ ամիս՝ 13 աշխ.օր, մնացած 9 օրը անաշխատ. թերթիկ է բերել (93 500 աշխձ-ի չափը):
Կամ եթե 3 ամիս աշխատել է, 3-ը լիարժեք մեկ ամիսը 15 օր (73 900 աշխձ-ի չափը):
Այդ կիսատ ամիսները վերջնահաշվարկի ժամանակ մասնակցու՞մ են միջինը գտնելուն, և սոց վճար պահվու՞մ է։

Ռուզաննա.

Բարև Ձեզ: Խնդրում եմ պատասխանել՝ համատեղությամբ աշխատողը պարտադիր պետք է արձակուրդ գնա իր հիմնական աշխատանքի վայրի՞ց և զուգահեռ համատեղ վայրից, և օրերի քանակը՝ արդյո՞ք պետք է համընկնի, թե՞ պարտադիր չէ։ Կանխավ շնորհակալ եմ։

Մանե․

Բարև Ձեզ, եթե ամիսը 22 աշխատանքային օր ունի, բայց 2 օրը ոչ աշխատանքային է, աշխատավարձը հաշվարկելիս այդ 2 օրը հաշվարկվու՞մ է, թե՞ ոչ։

Մելինե.

Բարեվ ձեզ։ Եթե տեղի է ունեցել ժամանակից շուտ ծննդաբերություն (6րդ ամսում), ապա այդ դեպքում ինչպե՞ս է հաշվարկը կատարվում։

Մանե.

Բարև Ձեզ, եթե հաշվետվությունների ներկայացման էլեկտրոնային համակարգում հուլիս ամսում ֆիզի ամիսը սխալ եմ նշել, ինչպե՞ս նորից ուղարկեմ ճշգրտված ձևով։ Կանխավ շնորհակալություն:

Սյուզի․

Բարև ձեզ։ Կազմակերպությունը աշխատում է ԱԱՀ-ով, աշխատավարձերի վճարման հետ կապված՝ եթե ամեն 15 օրվա ավարտին վճարում է նախորդ 15 օրվա գումարը, որևէ խնդիր կարո՞ղ է առաջանալ։

Սարիբեկ․

Բարև ձեզ, հարգելի գործընկերներ, խնդրում եմ պատասխանել հետևյալ հարցին` ինչպե՞ս աշխատողի աշխատաժամանակը սահմանել, եթե նրան կարող ենք վճարել ամսական ընդամենը 33 հազար ՀՀ դրամ։ Կանխավ շնորհակալ եմ։

Արմինե.

Հարգելի՛ հաշվապահներ, բարև ձեզ։ Խնդրում եմ մի հարցով ինձ օգնեք։ Եթե աշխատողին 1 դրույքից տեղափախում ենք 0,5 դրույքի, կա՞ ինչ-որ ժամկետ, որ աշխատակիցը պետք է տեղեկացվի։

Հասմիկ․

Խնդրում եմ օգնեք, շատ շտապ է։ Հարկայինում ասացին, որ փոխվել է հղիության նպաստի դեպքում “Գործատուին փոխհատուցման ենթակա գումարների մասին” տեղեկանքի ձև-ը, շատ եմ խնդրում ասել՝ նոր ձևը որտեղի՞ց բեռնեմ։ Նախօրոք շնորհակալ եմ։

Արփի․

Բարև Ձեզ, հարգելի հաշվապահներ։
Գրասենակային աշխատանքի եմ ուզում ընդունել օտարերկրյա քաղաքացու (Վրաստան), եթե քաղաքացին ունենա կացության և սոց․ քարտ, ապա աշխատանքի թույլտվությունը պարտադի՞ր պահանջ է։ Ճի՞շտ եմ հասկանում՝ քաղաքացու համար աշխատանքի թույլտվության փաստաթղթերով զբաղվում է գործատուն, այլ ոչ թե անձամբ ինքը։

Արմինե․

Ինձ հետաքրքիր է․ իմ կեղտոտ աշխատավարձը կազմում է 49 000 հազար դրամ, դրոշմանիշային վճարը ումի՞ց է պահվում՝ աշխատողի՞ց, թե՞ գործատուից։

Լիլիթ․

Շաբաթական 20 ժամ աշխատելու դեպքում ինչքա՞ն է կազմում նվազագույն աշխատավարձը, և կարո՞ղ եք ինձ օգնել՝ որտե՞ղ գտնեմ նվազագույն ժամային աշխատավարձի մասին տեղեկատվություն։

Բարև ձեզ: Լրագրողին վճարվող հոնորարը համարվու՞մ է լրավճար, թե՞ հավելավճար և, արդյո՞ք արձակուրդայինի, վերջնահաշվարկի ժամանակ գումարվում է աշխատավարձին, շնորհակալ եմ։

Անուշ.

Բարև ձեզ: Կասեք՝ ամենամյա արձակուրդի մասերով տալու հստակ ձև, ի՞նչ է նշանակում մասերից մեկը պիտի 10 օրից պակաս լինի, այսինքն՝ ցանկացած մասը, թե՞ չէ: Օրինակ, եթե ամենամյա արձակուրդը (20 օր), առաջին մասը տվել ենք 10 օր, հետո կարո՞ղ են 5 առանձին տալ, հետո մյուս 5 օրը, սա ճի՞շտ է:

Անի.

Բարև Ձեզ: Եթե աշխատողն աշխատանքից ազատվել է հուլիս ամսին, բայց նրա վերջնահաշվարկը չի հաշվվել, որ հուլիս ամսվա մեջ, ոչ էլ օգոստոս, այս պարագայում ինչպե՞ս կարելի է վարվել:

Անի․

Բարի օր, հարգելի՛ հաշվապահներ: Արձակուրդայինի հաշվարկ եմ կատարել, բայց վերահաշվարկից պարզ դարձավ, որ մի քանի հարյուր դրամ ավել եմ հաշվել և փոխանցել բանկի միջոցով, նաև եկամտայինն է ավել հաշվարկվել: Հիմա ուզում եմ այդ փոխանցած ավել գումարը աշխատակցի անունից հետ վերադարձնել դրամարկղ, բայց հարմար ձևակերպում չեմ գտնում և՛ դրամարկղի, և՛ եկամտայինի համար: Ունեմ ձեր օգնության կարիքը: Կարո՞ղ եք ձևակերպումների հարցում օգնել: Շնորհակալ եմ:

Լաուրա.

Բարև Ձեզ։ Երկու հարց.
Ինչպե՞ս լուծել աշխատանքային պայմանագիրը 66 տարին լրացած աշխատակցի հետ:
Ինչպե՞ս կարող եմ նոր աշխատակից ընդունել ֆիզի փոխարեն:

Սյուզ.

Հարգելի հաշվապահներ, խնդրում եմ՝ կօգնե՞ք, երբևէ բյուլետեն չեմ հաշվել՝ ինչպե՞ս և ի՞նչ քայլերով պետք է անեմ: Եվ ևս մեկ հարց. եկամտային հարկի հաշվետվությունը ինչպե՞ս լրացնեմ:

Գայանե.

Բարև ձեզ: Եթե հիմնարկը լուծարվում է՝ ի՞նչ հոդվածով ենք ազատում աշխատակիցներին: Եվ հիմնարկի լուծարման դեպքում ես կարո՞ղ եմ միանգամից 50 հոգու ազատել:

Անուշ.

Բարև ձեզ: Կասեք հստակ իմանալու համար, մանկապարտեզներում հրամանգիրք պահելը պարտադի՞ր է, թե՞ հրաման տալը արդեն բավական, և նույն էլ երեխաների հրամանագիրքը, թե՞ շարժի մատյանը բավական է: Նաև կասեք՝ երեխաների հրամանագիրքը կարո՞ղ ենք ձեռագիր չանել, այլ աշխատողների նման համակարգչով հավաքել, տպել ու կարել: Եթե հրամանագիրքը պարտադիր չէ, օրենքը կասե՞ք:
Ու մի հարց էլ. եթե երեխաների հրամանագիրքը ուզում ենք փոխել, կարո՞ղ ենք սեպտեմբերի 1-ից փոխել, ձեռագիր չգրենք, այլ համակարգչով: Եթե նոր մատյան ենք վերցնում երեխաների հրամանների, պարտադիր հրաման պիտի տրվի, թե՞ ոչ:

Մառա.

Բարև Ձեզ: Եթե աշխատակիցը գտնվել է 60 օր չվճարվող արձակուրդում, ապա այդ ժամանակահատվածի համար նա կուտակու՞մ է վճարովի արձակուրդային օրեր, թե՞ ոչ:

Անի.

Բարև Ձեզ: Կարելի՞ է գործավարձային բանվորին տրամադրել պարգևավճար, թե՞ ոչ:

Յուրա.

Բարև ձեզ։ Ինչպե՞ս է հաշվարկվում մայրության նպաստը, հիմնական, թե՞ երկրորդ աշխատավայրից պետք է կատարվեն հաշվարկը և վճարումները, և ի՞նչ փաստաթղթեր են պետք։

Բարև Ձեզ:

Եթե անձը գտնվում է ֆիզարձակուրդում և նորից պետք է ֆիզ. գնա, այդ ընթացքում չի աշխատել, ֆիզարձակուրդի գումարը նորից նու՞յնն է կազմելու, ինչը որ նախորդ ֆիզի դեպքում:
Կանխավ շնորհակալություն:

Անի.

Հարգելի հաշվապահներ, պահակի դրույքը 93 289 է և հավելավճար 15 800դրամ (109 089): Հիմա արձակուրդային հաշվելուց, եթե միջին ամսականը 109 089-ից ցածր է՝ պե՞տք է այդքանը ապահովել, թե՞ ոչ:

Մարիամ.

Կասե՞ք՝ դպրոցի գրադարանավարը շաբաթը քանի՞ ժամ պետք է աշխատի:

Մարինե.

Հարգելիներս, դպրոցում կես դրույքով աշխատող հաշվապահը կարո՞ղ է ներքին համատեղությամբ նաև կես դրույք որպես օպերատոր աշխատել: Եթե կան հիմնավորող կետեր՝ խնդրում եմ նշեք և՛ ոչ-ի դեպքում, և՛ այո-ի: Շատ շնորհակալ եմ յուրաքանչյուր հարցին արագ արձագանքելու համար:

Անի.

Բարև ձեզ: Կներեք մի հարց ունեմ. ֆիզարձակուրդի հաշվարկի մեջ ներառվու՞մ են արդյոք պարգևավճարները, նոր տարվա պրեմիան և այլ վճարները: Եթե այո, ո՞նց է տեղի ունենում հաշվարկը 1/12-ի, ի՞նչ է դա նշանակում:

Շողիկ.

Բարև ձեզ: Եթե դեռ դեկրետային արձակուրդում լինելու ընթացքում աշխատակիցը աշխատանքից ազատվելու դիմում է ներկայացնում, արդյո՞ք կատարվում է վերջնահաշվարկ:
Նախապես շնորհակալություն:

Հասմի.

Բարև ձեզ: Ներողություն ինձ մի հարց է հետաքրքրում: Աշխատանքային ի՞նչ գրաֆիկով պետք է աշխատի ուսուցչի օգնականը դպրոցներում, և եթե կարելի է իրավական հիմքերով:

Անահիտ.

Բարև Ձեզ: Հարցս հետևյալն է՝ նոր ընդունված աշխատակիցը մեկ օր աշխատանքի ներկայանալուց հետո հիվանդացել է կորոնավիրուսով և ներկայացրել անաշխատունակության թերթիկ: Ինչպե՞ս պետք է հաշվարկել, եթե նախորդ 12 ամիսներին չի աշխատել:

Արփինե.

Բարև ձեզ: Կներեք՝ ինձ հետաքրքրում է, թե որքա՞ն ժամանակ պետք է լինի դպրոցում լոգոպեդը, ի՞նչ աշխատաժամանակ է սահմանված և իրավական հիմքերը։

Անի.

Հարգելի հաշվապահներ, դպրոցը մինչև օգոստոսի 31-ը աշխատել է 6օրյա, իսկ նոր ուսումնական տարին 5օրյա, և պահակին ուղարկում եմ արձակուրդ: Հիմա ինչպե՞ս տալ, հնգօրյան 20-ն է, 6օրյան 24 աշխատանքային օր:

Լաուրա.

Բարև Ձեզ։ Աշխատակիցը աշխատում է հնգօրյա աշխատանքային շաբաթով, օրական 8 ժամ տևողությամբ, սակայն պարբերաբար ուշացումներով է ներկայանում աշխատանքի։ Կարո՞ղ եմ տաբելում 8 ժամի փոխարեն նշել այնքան ժամ, որքան նա աշխատել է՝ օրինակ՝ 2 ժամ ուշացել է, նշեմ 6 ժամ: