
Միջին ամսական աշխատավարձի հաշվարկ
Անուշ.
Բարև ձեզ, բանիմաց հաշվապաներ ջան։
Հիվանդության նպաստի դեպքում միջին ամսական աշխատավարձի համար ևս սահմանվու՞մ է նվազագույն շեմ` նվազագույն աշխատավարձի 50%-ի չափով։ Ես չեմ հաշվարկել 50%-ից ու իմ մոտ միջին ամսականը 42 969, իսկ նվազագույնի 50%-ի դեպքում 43 590 ու 621 դրամի չափով պակաս է հաշվարկվել և վճարվել:
Եվ անաշխ. թեթիկը նույնպես սխալ է լրացվել, այս դեպքում ես ի՞նչ կարող եմ անել։

Նպաստի արտացոլում հաշվետվության մեջ
Մելրնե.
Բարև ձեզ: Եթե հիվանդության նպաստի թերթիկի վրա տրման ամսաթիվը 01.11.2021 է, իսկ ժամանակահատվածը 14.10.2021-02.11.2021, այդ դեպքում ո՞ր ամսվա եկամտային հարկում պետք է ցույց տալ:

Կազմակերպությունը սնանկ է ճանաչվել
Աննա.
Ասացեք խնդրեմ` դեկրետային գումարը չեմ ստացել նախատեսած ժամանակին, մոտ մեկ տարի հետո կազմակերպությունը գնացել է սնանկության և ճանաչվել է սնանկ։ Լուծարված կազմակերպությունը չունի ո'չ սեփականություն, ո'չ հաշիվներ, որպեսզի սնանկության գործով կառավարիչը գումար հատկացնի։ Ի՞նչ տարբերակ կա այդ գումարը ստանալու:

Ծառայությունների մատուցման պայմանագրի հիմք
Անահիտ.
Բարև ձեզ: Խնդրում եմ օգնեք՝ վճարովի ծառայությունների մատուցման պայմանագրի կնքման հիմք ո՞ր իրավական ակտն է հանդիսանում:

Արձակուրդայինի հաշվարկ
Մանե.
Բարև Ձեզ: Արձակուրդը հաշվարկելիս աշխատողի դրույքով ենք հաշվու՞մ, թե՞ կեղտոտ աշխատավարձով:

Աշխատավարձի հաշվարկման կարգ
Սյուզի.
Հարցս աշխատավարձի հաշվարկման կարգին է վերաբերվում, խնդրում եմ օգնեք։ Եթե քոլեջում աշխատողի դրույքը կազմում է 1,02, իսկ ժամը 750դրամ է, ապա ինչպե՞ս եք հաշվում: Խնդրում եմ մանրամասն գրեք, եթե հնարավոր է։
Շնորհակալություն:

Չվճարվող արձակուրդի հրաման
Էմիլի.
Հարգելի հաշվապահներ, կարո՞ղ եք օգնել: Աշխատողը գնացել է իր հաշվին արձակուրդ, կասե՞ք` հրամանը օրենքի ո՞ր կետով կազմեմ:

Հղիության բյուլետեն արձակուրդի ընթացքում
Լաուրա.
Բարև Ձեզ, հարգելի հաշվապահներ, աշխատակիցը գտնվում է արձակուրդի մեջ, նաև ներկայացրել է հղիության բյուլետեն։ Կարո՞ղ եմ հղիության և ծննդաբերության արձակուրդ ձևակերպել։

Շարունակելի բյուլետեն
Անուշ.
Բարև ձեզ: ԱՁ-ն աշխատում է միկրոձեռնարկատիրությամբ, աշխատակիցը վիրահատվել է, ունի ժամանակավոր անաշխատունակության թերթիկ. 01.10.2021-05.10.2021: Աշխատանքի ներկայանալու հատվածում գրված է շարունակելի: Ինչպե՞ս հաշվարկել:

Աշխատանքային պայմանագիր
Սյուզի.
Բարև ձեզ: Կասե՞ք, խնդրում եմ, եթե աշխատող ընդունելիս թղթային պայմանագիր չլինի, հարկայինի ստուգման ժամանակ ի՞նչ խնդրի առաջ կկանգնենք:

Արդյո՞ք պետք է դադարեցնել Ա/Ձ գործունեությունը
Անուշ.
Բարև Ձեզ: Հարցս հետևյալն է. ես գրանցված աշխատող եմ, ինչպես նաև դրանից բացի ունեմ իմ անունով գրանցված ԱՁ: Մի քանի օրից գնալու եմ ֆիզարձակուրդ, որպեսզի ստանամ ֆիզարձակուրդի վճարը պետք է ԱՁ-իս գործունեությունը դադարեցնե՞մ:

Մայրության նպաստի վճարման ժամանակահատված
Լուսինե.
Բարև ձեզ։ Սեպտեմբերի 30-ից գտնվում եմ ֆիզարձակուրդում, անաշխատունակության թերթիկը ներկայացրել եմ աշխատավայր, բայց դեռ չեմ վճարվել։ Ցանկանում եմ իմանալ` արդյո՞ք գոյություն ունի ժամանակ, որի ընթացքում պետք է ստանամ նպաստը։ Եվ եթե մասնավոր հիմնարկ է, հնարավո՞ր է, որ չվճարեն։ Գրանցված աշխատող եմ։

Սնանկության կառավարչի աշխատավարձ
Կարինե.
Բարի օր բոլորին: Խնդրում եմ օգնել հետևյալ հարցով. կազմակերպությունն ունի սնանկ կարգավիճակ, սնանկության կառավարչի աշխատավարձը օրենսդրությամբ սահմանված հարկերով հարկվու՞մ է:

Արձակուրդ փորձաշրջանի ընթացքում
Լիլիթ.
Բարև Ձեզ: Աշխատողը գտնվում է երեք ամիս փորձաշրջանում: Փորձաշրջանից անցել է երկու ամիս: Կարո՞ղ է գնալ մեկ ամիս չվճարվող արձակուրդ: Եթե կարող է, ապա կերկարի մեկ ամիս փորձաշրջանը, թե՞ չէ:

Մայրության նպաստի հաշվարկ
Սոնա.
Բարև ձեզ։
Երբ անձը գնում է ֆիզարձակուրդ, ինչպե՞ս է հաշվարկվում ֆիզարձակուրդի վճարը, եթե աշխատակիցը ֆիզարձակուրդին նախորդող 12 ամիսների ընթացքում որևիցե ամսվա մեջ ունեցել է մի քանի օր բյուլետեն կամ մի քանի օր վճարվող արձակուրդ։
Շնորհակալություն:

Չվճարվող արձակուրդ
Մարինե.
Բարև Ձեզ: Եթե հիմնական աշխատողի երեխայի խնամքի համար տրամադրվող արձակուրդի ժամկետը լրանում է 2021թ. դեկտեմբերի 18-ին, բայց ինքը արձակուրդից հետո անմիջապես ցանկանում է գնալ մեկ ամիս արձակուրդ իր հաշվն: Աշխատողին հասնու՞մ է 1 ամիս նպատակային չվճարվող արձակուրդ անմիջապես երեխայի խնամքի արձակուրդից հետո` 2021թ. դեկտեմբերի 18-ից սկսած:

Վերջնահաշվարկ
Գրիգոր.
Բարև ձեզ: Կասեք` եթե անձը ընդունվել է աշխատանքի 01.06.21թ.-ին և դուրս է եկել 01.11.21-ին, արդյո՞ք պետք է ստանա վերջնահաշվարկ:

Հաստիքի կրճատում
Աննա.
Բարև ձեզ: Գտնվում եմ մինչև 3 տարեկան երեխայի խնամքի արձակուրդում, լրանում է 03.12.21-ին: Կարո՞ղ եմ այդ օրն էլ ազատման դիմում գրել:
Նաև այսպիսի մի հարց. նույն դեպքում, եթե հաստիքի կրճատման համար ազատում են աշխատանքից, սակայն չեն ծանուցում, արդյո՞ք ինձ փոխհատուցում հասնում է:

Իր հաշվին արձակուրդ
Ռուզաննա.
Բարև ձեզ։ Խնդրում եմ պատասխանել. իր հաշվին արձակուրդը օրացուցայի՞ն օրով է, թե՞ աշխատանքային օրով է նշվում։ ՀՀ աշխատանքային օրենսգրքում գրված է, որ տարվա կտրվածքով հասնում է մինչև 60 օր։ Այսինքն՝ օրացուցայի՞ն օրով պետք է հաշվել։ Կանխավ շնորհակալ եմ։

ՔԻՊ եկամտի արտացոլում
Նառա.
Քաղաքացիաիրավական պայմանագրով աշխատողների եկամուտի գումարը եկամտային հարկի ամփոփ հաշվարկում ներկայացվում է հաշվեգրմա՞ն մեթոդով, թե՞ վճարման:

Թոշակի բարձրացում
Արամ Հակոբյան.
Բարև Ձեզ։ Ես 3-րդ կարգի հաշմանդամ եմ, ունեմ 13 տարվա ստաժ և ստանում եմ 29 330 դրամ թոշակ։ Խնդրում եմ ասել, թե կբարձրանա՞ արդյոք թոշակս 2012թ․ հունվարի 1-ից։ Նախապես՝ շնորհակալություն։

Պաշտոնի փոփոխություն
Գայանե․
Բարև Ձեզ։ Եթե աշխատողը ազատվում է պաշտոնից և 3 աշխատանքային օրվա ընթացքում ընդունվում այլ պաշտոնում, արդյո՞ք վճարվում է վերջնահաշվարկը։

Կենսաթոշակի հաշվարկ
Հայրապետյան Հասմիկ.
Խնդրում եմ ասեք` 44 տարվա աշխատանքային թոշակի դեպքում ամսական թոշակի չափը:

Գիշերային աշխատաժամանակ
Հայկուհի.
Բարև Ձեզ։ Ընկերներ հարցս հետևյալն է՝ ունենք երկու հերթապահ-մեխանիկներ (վերելակների մասնագետներ), որոնց պայմանագրում աշխատանքային ժամերը նշված են 18։00-09։00-ն, աշխատանքը օրը մեջ, աշխատավարձն էլ ըստ հաստիքացուցակի՝ 97 000 դրամ։ Սակայն յուրաքանչյուր ամիս տաբելում նրանց համար հաշվակվում է 8 ժամ՝ ամեն օր, առանց հաշվի առնելու գիշերային աշխատաժամանակը։ Ինչպե՞ս կարգավորեմ խնդիրը՝ ըստ օրենքի, աշխատաժամանակի (գիշերային) և տաբելի հետ կապված։

Արձակուրդի տևողություն
Նանա.
Բարև ձեզ։ Խնդրում եմ, կասե՞ք՝ եթե մարդը հիվանդ է և պետ. աշխատող, որքա՞ն ժամանակ կարող է մնալ արձակուրդում (լուրջ հիվանդություն է, և պետք է հաշմանդամության կարգ ստանա)։ Օրենքով ե՞րբ է ֆիզ. արձակուրդի ժամկետը լրանում։

Ֆիզարձակուրդի դիմումի ձև
Թագուհի.
Բարև Ձեզ, հարգելի հաշվապահներ։ Եթե կա ֆիզ. արձակուրդի դիմումի ձև, խնդրում եմ, տրամադրեք:

Հաստիքների կրճատում
Գայանե.
Բարև ձեզ, եթե հաստիքները կրճատվում են, և ունենք ֆիզարձակուրդում աշխատողներ կարո՞ղ ենք ազատել։

Գրանցման հայտի ժամկետ
Լանա.
Բարև Ձեզ: Խնդրում եմ պատասխանել, թե ինչ ժամկետում են ներկայացվում գրանցման հայտերը նոր աշխատող ընդունելու, ինչպես նաև աշխատակցի տվյալների փոփոխության դեպքում:

Հրամանի ամսաթիվ
Գայանե.
Բարև ձեզ։ Մի հարց. եթե Նոյեմբերի 1-ին ծանուցում ենք տալիս, որ հաստիքի կրճատման համար կազատվի աշխատանքից հունվարի 1-ին, ես պետք է նոյեմբերի 1-ի դրությամբ հրաման գրեմ, թե՞ սպասեմ ազատման ժամանակ հրաման գրեմ։ Շնորհակալություն։

Օտարերկրյա քաղաքացու գրանցում
Սյուզի.
Բարև ձեզ: Օտարերկրյա քաղաքացուն գրանցելիս գրվում է, որ տվյալներում սխալ կա. "Ստուգման ժամանակ տեղի է ունեցել սխալ": Գրանցում եմ կացության քարտի հիման վրա, ի՞նչը կարող է պատճառ հանդիսանալ։

Արձակուրդայինի վճարում
Ռուզաննա․
Հարգելի հաշվապահներ, արդյո՞ք կարող եմ արձակուրդային գումարը վճարել ոչ թե 3 օր առաջ, այլ տվյալ ամսվա աշխատավարձի հետ միասին ամսվա վերջում՝ աշխատողի դիմումի համաձայն:

Փոփոխություն գրանցման հայտում
Դիաննա.
Բարև Ձեզ, խնդրում եմ ասեք, եթե աշխատողի պաշտոնի դրույթը փոփոխվել է սեպտեմբերին և փոփոխությունը հայտում կատարվի 3 ամիս հետո, սխալ է համարվում։ Տույժ տուգանք կա՞։ Կանխավ հայտնում եմ շնորհակալություն։

Պայմանագրի ամսաթիվ
Անի.
Հարգելի հաշվապահներ, եթե տնօրենը հրաման է տվել հոկտեմբերի 27-ին, որ 28-ից գնումների համակարգող ենք ընդունում, ապա պայմանագիրը 27-ո՞վ պետք է անել:

Կորոնավիրուսի թեստի հանձնում
Սյուզաննա․
Բարև ձեզ, կարո՞ղ եք ասել՝ 14 օրը մեկ (ամսական երկու անգամ) թեստ հանձնելը կես դրուքով աշխատողներին է՞լ է վերաբերում։

Ազատում հետին ամսաթվով
Սյուզի.
Բարև ձեզ: Ասեք խնդրեմ՝ այսօր կարո՞ղ եմ 29.10.21-ով taxservice -ում աշխատողին ազատել։ Արդյո՞ք խնդիր չի առաջանա, որ հետին թվով եմ ազատում:

Երեխայի խնամքի արձակուրդից վերադարձ
Տիգրան.
Հարգելի հաշվապահներ, հարցս հետևյալն է. անձը աշխատում է երկու տեղ, հիմա գտնվում է ֆիզ. արձակուրդում, և ֆիզ. արձակուրդը ավարտվում է 2021թ դեկտեմբերի 15-ին: Կարո՞ղ է աշխատողը հիմա դիմել մինչև երկու տարեկան երեխայի խնամքի արձակուրդի համար միայն մեկ աշխատանքի տեղի համար մինչև ֆիզ. արձակուրդի ժամկետի ավարտը, իսկ մյուս վայրում գնալ աշխատանքի դեկտեմեբերի 15-ին: Մինչև երկու տարեկան երեխայի խնամքի նպաստ կարո՞ղ է այդ դեպքում ստանալ, եթե մի տեղում ձևակերպված է արձակուրդ, մյուս տեղում ոչ:

Երեխայի խնամքի արձակուրդ
Մերի.
Բարեվ ձեզ, հարգելի հաշվապահներ: Կասե՞ք` բյուլետենի ավարտից (16.11 նշված է ներկայանալ աշխատանքի) քանի՞ օր շուտ պետք է դիմում ներկայացնել երեխայի խնամքի արձակուրդ գնալու համար:

Վերջնահաշվարկ
Սյուզի.
Բարև ձեզ: Խնդրում եմ ասեք` եթե աշխատողը աշխատել է 20.05.21-ից 07.09.21-ը, արդյո՞ք ունի վերջնահաշվարկ ստալանու:

Մայրության նպաստ
Արա.
Ինչպե՞ս է հաշվարկվում հղիության նպաստը:

Միջին աշխատավարձի հաշվարկ
Անահիտ.
Հարգելի հաշվապահներ, եթե աշխատակիցը ապրիլ ամսին ներկայացրել է հիվանդության թերթիկ և վճարվել է, ապա հոկտեմբերին է ներկայացնում, ապա միջինի հաշվարկի մեջ ապրիլը ներառու՞մ ենք։

Աշխատակցին փոխարինելու դեպքում
Ռայա.
Բարև Ձեզ: Աշխատողը գնացել է թոշակի` 13.09.21թ., իսկ աշխատանքային պարտականությունը կատարել է մյուս աշխատողը` 13.10.21-ից 22.10.21թ.։ Հրամանով նոր աշխատող են ընդունել 01.10.21թ.-ին, բայց գործի է եկել ամսի 22-ին։ Արդյո՞ք ես կվարձատրվեմ իմ աշխատած օրերի համար։

Մայրության նպաստի հաշվարկ
Աննա.
Բարև Ձեզ: Հարցս հետևյալն է. 03.04.2021թ. ընդունել ենք աշխատող, ով մինչև մեզ մոտ ընդունվելը չի աշխատել ուրիշ գործատուի մոտ: Նա 27.10.2021թ. ամսաթվով գնում է ֆիզ արձակուրդ: Խնդրում եմ կասեք, թե ինչպե՞ս է հաշվարկվում մայրության նպաստը` 23400 դր. աշխատավարձի դեպքում, և ի՞նչ եկամտային պահումներ են կատարվում։

Լրացուցիչ պարտականություններ
Անահիտ.
Աշխատողի վրա դրվել է հաստիքացուցակի թափուր հատիքի պարտականությունները և վճարվում դրա 50 տոկոսը: Ինչպե՞ս է այդ արտացոլվում տաբելում, կանխավ շնորհակալություն:

Անաշխատունակության նպաստ
Ամալյա.
Բարև Ձեզ: Հարցս հետևյալն է. ժամանակավոր անաշխատունակության նպաստի հաշվարկման մեջ փոփոխություն կա:

Մայրության նպաստի վերաբերյալ
Օֆա.
Բարև Ձեզ: Կասեք` ի՞նչ պատճառներով է, որ սեփական հիմնարկի տնօրենը չի ցանկանում ֆիզ. արձակուրտ տալ: Այն դեպքում, երբ նա իմ աշխատավարձից ամեն ամիս հարկայինի գումար է պահում, իսկ հիմա ցանկանում է ազատել: Կասեք` ո՞ր դեպքերում կարող է չազատել աշխատանքից, որքա՞ն է այդ ամսական հարկը, որը խանգարում է գործատուին վճարել: Եվ, եթե ինձ ֆիզարձակուրդ տրամադրի, դա հետագայում ամբողջությամբ պետությունը փոխհատուցում է գործատուին, թե՞ ոչ: Կամ գործատուն իրավունք ունի՞ ինձ ազատել աշխատանքից հենց ֆիզարձակուրդ չտալու համար:

Չվճարվող արձակուրդ
Հայկ.
Բարև Ձեզ: Օրենսդրական ակտերին լավ տիրապետող մասնագետներ ջան, կխնդրեմ օգնեք: Ո՞ր իրավական ակտով է սահմանված, որ արտակարգ դրության պայմաններում գործատուն իր աշխատողներին չվճարվող արձակուրդ տրամադրելու դեպքում կարող է գրանցման հայտերում չներկայացնել այդ տեղեկությունը չվճարվող արձակուրդի մասին: Շնորհակալություն:

Ա/Ձ-ի մոտ գրանցված աշխատողների աշխատանքային ստաժ
Վարդուհի.
Բարև Ձեզ: Կարո՞ղ եք ասել` միկրոձեռնարկատիրությամբ աշխատող ԱՁ-ի դեպքում գրանցված աշխատողների աշխատած տարիները ևս ստաժ չե՞ն համարվում:

Մայրության նպաստի վերաբերյալ
Գայանե.
Բարև Ձեզ: Որ խնդրեմ կասեք` մայրության նպաստը հաշվարկելը և փոխանցումը կատարելը ավտոմատ կերպով է հաջորդ ամսվանից եկամտային հարկը քիչ փոխանցվում, թե՞ կան հաշվետվության ձևեր, որ պետք է ներկայացնել ՊԵԿ:

Տնօրենի նշանակում
Ռուզաննա.
Բարև ձեզ, հարցս սա է. Ա/Ձ ձեռնարկատիրոջը գրանցել եմ ԲԲԸ-ում որպես փոխտնօրեն` 4 ժամով, մտածելով, որ 8 ժամով չեմ կարող գրանցել։ Հիմա Ա/Ձ փոխտնօրենը ռեգիստրով նշանակվելու է տնօրեն։ Ես կարո՞ղ եմ էլի թողնել 4 ժամ, թե՞ պետք է լինի 8 ժամ և դա չի հակասում աշխատանքային օրենսգրքի պահանջներին։ Աշխատավարձը ուզում եմ թողնել նույնը։

ժամավճարով աշխատանքի դեպքում
Հրաչուհի.
Բարև ձեզ: Ուսուցիչը, երբ ժամավճարով է աշխատում, վճարվու՞մ է արձակուրդի ժամանակ։
Վերջին մեկնաբանություններ