ANIL.

Հարգելի կոլլեգաներ,
Կազմակերպությունը հասարակական կազմակերպություն է, ունի իր բալանսի վրա ավտոմեքենա, որը սարքին չէ, և մաշվածքը դուրս է եկել, հիմա ուզում ենք դուրս գրել այն:
Խնդրում եմ ասեք, ի՞նչ գործընթաց է դա, ի՞նչ փաստաթղթավորում պետք է անել, ինչ որ մեկը դուրս գրե՞լ է ավտոմեքենա:
Կանխավ շնորհակալ եմ:

Անի.

Ավտոմեքենան վաճառել եմ փոխառության պայմանագիր կազմելով, վեց ամիս ժամկետով, նաև տրամադրել եմ գնորդին լիազորագիր վեց ամսով: Ինձ կարո՞ղ եք ասել, եթե իմ գումարը չվճարեն վեց ամսում, ապա ես ինչպե՞ս վարվեմ:

Գայանե.

Խնդրում եմ օգնեք, եթե աշխատակիցը գործուղման է մեկնել արտասահման շաբաթ օրը, այդ օրվա համար օրապահիկ վճարվու՞մ է, թե ոչ:
Նախապես շնորհակալ եմ:

Լուսինե.

Կազմակերպությանը անհատույց ջրատաքացուցիչ է տրամադրվել: Նվիրատվության փաստաթղթի մեջ չկա նշված ջրատաքացուցիչի արժեքը: Դա ինչպե՞ս և ի՞նչ արժեքով կարող եմ ներառել հաշվեկշռի և գույքացանկի մեջ: Կանխավ շնորհակալ եմ:

Արմինե.

Հարգելի հաշվապահներ, ի՞նչ ձևակերպում պետք է տալ հաշվային պլանով (դտ/կտ) հաստատագրված վճարի ամսական գումարը: Կանխավ շնորհակալություն:

Էլմիրա Հովհաննիսյան.

Բարև Ձեզ,
Որտեղի՞ց կարող եմ ձեռք բերել հաշվապահական թեստեր և խնդիրներ:
Ես սկսնակ հաշվապահ եմ և ավարտել եմ IATC-ի հաշվապահական կուրսերը:
Նախապես շնորհակալ եմ:

Հարգանքներով,
Էլմիրա Հովհաննիսյան

Քրիստինե.

Բարև Ձեզ հարգելի հաշվապահներ: Շատ եմ խնդրում, օգնեք ինձ ճիշտ կատարեմ ընկերության ավտոմեքենայի վաճառքը: ՍՊԸ-ն ՓՄՁ է և ԱԱՀ -ով չի հարկվում, և իրեն պատկանող մեքենան 2003 թ-ի է, ամբողջությամբ ամորտիզացվել է: Այժմ ՍՊԸ-ն վաճառվելուց ի՞նչ հարկային պարտավորություն ունի և կարող է արդյոք կանխիկ վաճառք կատարել և այդ դեպքում ՀԴՄ-ո՞վ: Մեքենայի վաճառքի մինիմալ արժեքը ինչքա՞ն կարող է լինել: Շնորհակալություն…

Anush.

Հարգելի կոլեգաներ,
Կազմակերպությունն իր կարիքների համար վարձակալել է տրանսպորտային միջոցներ /մարդատար /: Մեքենաների շահագործման համար կազմակերպությունը սահմանել է վառելիքի ամսական ծախսի սահմանաչափեր /դրամային արտահայտությամբ/: Ծախսերը հիմնավորելու համար, յուրաքանչյուր ամիս գրվում են զեկուցագրեր, կցելով ՀԴՄ կտրոնները: Այսքանը բավարա՞ր է ծախսերը հիմնավորելու համար, թե՞ անհրաժեշտ է նաև կազմել երթուղային թերթեր:
Շնորհակալ եմ:

Կամո.

Հարգելի կոլեգաներ, հետաքրքիր է, թե ինչպես կվարվեիք, եթե ոչ ռեզիդենտ փոխադրող ընկերությունը Ձեզ ներկայացրած ինվոյսում չի առանձնացրել Հայաստանի տառածքին բաժին ընկնող ծառայության գումարը, այսինքն մեկ տողով գրեր, օրինակ, Փոթի-Երևան- 2000 USD

Սոֆա.

Հարգելի կոլեգաներ, խնդրում եմ օգնեք: Հարսանյաց սրահը (ՍՊԸ) ֆիզ. անձից վերցնում է վարձակալությամբ հարսանյաց զգեստներ և տալիս վարձով: Ի՞նչ պայմանգրեր պետք է կնքել ֆիզ. անձանց հետ: Եթե կան օրինակներ, խնդրում եմ ուղարկեք: Կանխավ շնորհակալություն:

Տաթևիկ.

Բարև ձեզ, ես աշխատում եմ պետական ոչ առևտրային կազմակերպությունում, կարո՞ղ եք ինձ ասել, իրավունք ունի ՊՈԱԿ-ը ունենալ ներկայացուցչական ծախսեր, օրենքի ո՞ր հոդվածներով է կարգավորվում ՊՈԱԿ-ան ծախսերը:

R.A.

Բարև Ձեզ, հարգելի հաշվապահներ, մեր ընկերությունն հանդիսանում է ԱԱՀ վճարող և պետք է վաճառի իր ՀՄ-ը` էքսկավատորը ֆիզ. անձի այն գնով, ինչ գնով որ այն ձեռք է բերել տարիներ առաջ` 560.000 ՀՀ դրամ, այս գումարն ամբողջովին ամորտիզացվել է: Այս դեպքում ընկերության մոտ առաջանում է ԱԱՀ-ի պարտավորություն: Պետք է արդյոք ընկերությունը ԴՄՕ-ի հետ դուրս գրի նաև հարկային հաշիվ:

Tigran.

Կխնդրեմ ձեզ, պատասխնեք, թե գաջի արտադրամասը համարվու՞մ է վնասակար աշխատանք:

Diana.

Հարգելի հաշվապահներ և իրավաբաններ, խնդրում եմ օգնեք քաղ.իրավ պայմանագրի հետ կապված հետևյալ հարցերում.
1. Ի՞նչ ժամանակով է կարելի կնքել քաղ.իրավ պայմանագիրը, եթե պայմանագրում նշված չէ գինը (գործարքային է)
2. Կարելի է արդյոք պայմանագիրը կազմել հետևյալ սկզբունքով. պայմանագիրը գործում է 2/երկու/ ամիս ժամկետով, իսկ վճարումը իրականացվում է հանձնման-ընդունման ակտը ստորագրելու պահից 30 աշխատանքային օրվա ընթացքում:

Կանխավ շնորհակալ եմ:

N.N.

Բարև Ձեզ, եթե կազմակերպությունը գործունեության դադարեցման պատճառով ցանկանում է որպես նվիրատվություն իր պահեստի ապրանքները հանձնել մեկ այլ կազմակերպությանը (երկու կազմակերպությունների հիմնադիրները նույնն են), արդյոք կա որևէ սահմանափակում նման գործողության համար, և ինչպիսի՞ փաստաթուղթ է անհրաժեշտ կազմել, որպեսզի հետագայում այդ ապրանքները վաճառելուց խնդիրներ չառաջանան:

Anna.

Բարև Ձեզ, հարգելի կոլեգաներ, խնդրում եմ, կարո՞ղ եք ինձ էլ անհատական իրավական ակտի օրինակ ուղարկել: Ես սկսնակ եմ, եթե կարելի է, աջակցեք: lyly23 շնիկ rambler.ru, անչափ շնորհակալ եմ:

Անի.

Նորաբաց փոքրիկ խանութում /ՍՊԸ/ առաջին ամսում եղել է 700 դրամի առևտուր: Տպվել է հդմ կտրոն և տրվել հաճախորդին: ՀԴՄ-ով առևտուր անելու համար քանի՞ տոկոս են վճարում հարկ, ե՞րբ և ու՞մ:

Կանխավ շնորհակալություն:

Էդգար.

Կազմակերպությունը ցանկանում է զբաղվել դիզայնի դասընթացների կազմակերպմամբ: Կխնդրեի ներկայացնել, ինչպես պետք է իրականացնել ուսանողների հաշվառումը, արդյոք անհրաժեշտ է մատյան վարել նրանց հաշվառման համար, ինչպե՞ս է այդ հարցը կարգավորվում: Ի՞նչ որոշմամբ, ո՞ր օրենքով: Ինչպե՞ս է հարկվում, որպես ծառայությա՞ն մատուցում: Արդյոք տրվում է ՀԴՄ կտրոն (տվյալ հասցեում արդեն կա ՀԴՄ), թե վարձը գանձվում է մուտքի օրդերով: Անհրաժե՞շտ է ուսանողների հետ կնքել պայմանագիր: Կխնդրեի մանրամասն պատասխանել: Կանխավ շնորհակալ եմ:

Ալվինա.

Խնդրում եմ ուղարկեք հաշվապահի որակավորման հարցաշարը:

Արփինե.

Ողջույն հարգելի հաշվապահներ: Խնդրում եմ պատասխանեք իմ մի քանի հարցերին:
1. Կարո՞ղ է արդյոք միևնույն կազմակերպությունը հաշիվ ունենալ մի քանի բանկերում:
2. Եթե կազմակերպությունը ունի 6 աշխատող, ես ամսական սոց. հաշվ եմ ներկայացրել, հաջորդ ամիս 2 հոգու ազատել եմ աշխատանքից, ապա այդ եռամսյակը ես պե՞տք է ամսական սոց. շարունակեմ ներկայացնել:

Դավիթ.

Բարև Ձեզ,
Մի հարց ունեմ, խնդրում եմ օգնեք.
Ենթադրենք կազմակերպությունը, որը աշխատում է ԱԱՀ-ով, մեկ այլ կազմակերպությունից, որը նույնպես աշխատում է ԱԱՀ-ով, ձեռք է բերել ապրանք հաշիվ ապրանքագրով: Այնուհետև այդ ապրանքը օտարում է վարձակալական վճարների դիմաց` այսինքն բնեղեն տեսքով:
Հարցս հետևյալն է`
1. կազմակերպությունը իրավունք ունի արդյոք հաշվանցել ԱԱՀ-ն,
2. ինչպե՞ս պետք է հաշվարկվի վարձակալական վճարից պահված եկամտահարկը:
3. և այս ամենը արդյոք կարող է որևէ բարդություն առաջացնել հարկային ստուգումների ժամանակ: Նշեմ նաև, որ ձեռք բերված ապրանքը կազմակերպության գործունեության հետ կապ չունի` կազմակերպությունը զբաղվում է շինարարությամբ, իսկ տվյալ ապրանքը` ալյուր է:

Արթուր.

Բարև, ես հարկայինում ՀԴՄ գրանցելու ժամանակ դիմումի մեջ գրել եմ համակարգչային ծառայություններ, սպասարկում, այնուհետև ես որոշեցի զբաղվել սարքավորումների աքսեսուարների վաճառքով: Ի՞նչ պիտի անեմ ես, եթե ես դիմումի մեջ չեմ նշել վաճառքի մասին, ու ապրանքս գնելու համար հաշիվ ապրանքագիր պարտադի՞ր է:

Յաննա.

Հարգելիներս, հարցս հետևյալն է: Ա/ձ-ը խանութում վաճառում է միայն պտուղ բանջարեղեն: Չգիտեմ, դրա հ/ֆ ները ինչպես պետք է արվի, եթե ապրանքների մեծ մասը գնում է գյուղացուց: Բացի դրանից ի՞նչ հարկեր պետք է մուծի:

Lusine.

Հարգելի հաշվապահներ, խնդրում եմ ինձ հուշեք, որտեղից կարող եմ ներբեռնել հաշվապահական հաշվառման քաղաքականության օրինակներ: Շատ շտապ է:

Արամ.

Բարև ձեզ: Ինձ շատ է հետաքրքրում մաքսազերծման հետ կապված հանրապետության նախագահ պ.Սերժ Սարգսյանի որոշումն երբ է մտնելու ուժի մեջ առ այն, որ եթե ապրանքի գինն չի գերազանցում 150 000 դրամն, ապա մաքսատուրք չի վճարվում:

Hasmik.

Բարև ձեզ, խնդրում եմ ասացեք` կազմակերպությունը չի համարվում ԱԱՀ վճարող, ունի արտադրություն, արտադրանքը առաքվում է միայն իր սեփական խանութը, որտեղից իրականացվում է բացառապես մանրածախ առևտուր, նա արդյոք պետք է վարի առաքման գիրք: Շնորհակալություն:

Sofia.

Բարև Ձեզ, հարգելի կոլեգաներ:
Խնդրում եմ օգնել մի հարցում, կազմակերպությունը զբաղվում է մանրամեծածախ առևտրով, վերջերս գրանցել եմ ՀԴՄ, իրականացրել եմ ապրանքների վաճառք, գրել եմ Հ/Ա, գրանցել առաքման գրքում, վճարումը կանխիկ է կատարվել, գրել եմ դրամարկղի մուտքի օրդեր, արդյոք ճիշտ եմ արել պետք է ԴՄՕ գրեի, թե ՀԴՄ-ով խփեի:
Կանխավ Շնորհակալություն:

Gog.

Խնդրում եմ օգնեք այս հարցում, եթե գործուղում պետք է գնա կազմակերպության տնօրենը, որը նաև հիմնադիր տնօրենն է հանդիսանում, այս դեպքում հրամանի մեջ գրում ենք գործուղել, թե գործուղվում եմ, և եթե դժվար չի, կարո՞ղ եք ինձ ուղարկել որևէ գործուղման հրամանի ձև Goharjob շնիկ mail.am

Արփինե.

Բարևի երեկո, հեռակա գործընկերներ,
ինձ հուզում է այսպիսի մի հարց, նախկին հաշվապահը վաճառքի համար ստացված ապրանքը բալանսով ցույց է տվել որպես հիմնական միջոց, ինչպե՞ս կարող եմ այս բալանսով հիմնական միջոցից հանել, թողնել որպես ապրանքային մնացորդ: Նախապես շնորհակալություն:

Լուսինե.

Հաշվի առնելով այն հանգամանքը, որ Գանձապահի պարտականությունները չեն կարող դրվել կազմակերպության այն աշխատակիցների վրա, որոնք իրավունք ունեն ստորագրել դրամարկղային փաստաթղթերը (գլխավոր հաշվապահ, ղեկավար), բացառությամբ այն կազմակերպությունների, որոնց աշխատակիցների թիվը չի գերազանցում երեքը, խնդրում եմ, ասեք՝ ՍՊԸ-ն ունի տնօրեն, որը միաժամանակ հանդիսանում է հաշվապահ, երկու բանվոր, մեկ առաքիչ: Կարո՞ղ է տնօրենը ստանձնել նաև գանձապահի պաշտոնը: Իսկ եթե ոչ, ապա կարո՞ղ են այդ պարտականությունները դրվել առաքիչի վրա:

Կանխավ շնորհակալ եմ:

Arpin.

Բարև ձեզ, հարգելի հաշվապահներ, եթե կարող եք օգնեք:
Ֆիզ անձին վաճառել եմ մոտ 3 մլն.դրամի սարքավորումներ:
Ի՞նչ փաստաթղթեր պետք է լրացվեն, որպեսզի հարկային տեսակետից ֆիզ. անձը խնդիր չունենա: Ինչպես նաև մեր կազմ-նը:
Աշխատում ենք ԱԱՀ-ով, առանց ՀԴՄ-ի: Գրել եմ հ/ա, լրացրել եմ առաքման գրքում:
Կանխավ շնորհակալություն:

Բարև Ձեզ:

Հարգելի հաշվապահներ,

Ծառայողական մեքենան կատարել է համապատասխան վազք, և անվադողերը ենթակա են փոփոխման: Դրա համար հատուկ հանձնաժողովի կողմից կազմվել է թերության ակտ: Բոլորս էլ գիտենք, որ յուրաքանչյուր անվադող ունի իր գործարանային համարը: Հարցս հետևյալն է.
նոր անվադողերի փոփոխման ժամանակ կատարողական ակտում պարտադի՞ր է նշել հին և նոր անվադողերի համարները և ինչու՞:
Շնորհակալություն:

Lusine.

Կարող է արդյոք ՍՊԸ-ում տնօրենը միաժամանակ ստանձնել հաշվապահի և գանձապահի պաշտոնները:

Նվեր Ղազարյան.

Սկսնակ Տնօրեն եմ, please օգնեք:
Հարգելի գործընկերներ, ՍՊԸ-ն բացել եմ այս տարվա սեպտեմբերի 6-ին: Զբաղվելու եմ ավտոմեքենաների ապահովագրությամբ: Հաշվապահ դեռ չունեմ: Հարկայինում դիմում եմ գրել, որ հոկտեմբերի 20-ից գործունեություն եմ սկսում, նաև գրանցամատյանը որ տան: Ինչ հարկատեսակով աշխատեմ, սոց ֆոնդ ինչպե՞ս եմ տալիս-առձեռն: Աշխատանքային պայմանագիր դեռ չեմ կնքել իմ հետ, դա էտ գրանցամատյանի հետ կապ ունի՞: Ուրիշ ինչ խորհուրդներ կտաք: Շատ Շնորհակալ եմ!!!

GHG.

Հարգելի հաշվապահներ,
գործունեությունը` մանրածախ առևտուր, հարց.
“Տարվա ընթացքում ստացված ապրանքների ինքնարժեքը ամբողջությամբ հարկավո՞ր է ծախս համարել, թե պետք է հաշվի առնել տարվա վերջին խանութի ապրանքային մնացորդը և ծախս համարել միայն վաճառված ապրանքների ինքնարժեքը: Եթե հաշվի ենք առնում մնացորդը, ինչպե՞ս է այն երևում` որքան ապրանքային մնացորդ է առկա խանութում տարվա վերջին”:

Աննա.

ՍՊԸ-ում տնօրենը կարո՞ղ է լինել նաև հաշվապահ, եթե ոչ, ապա կարո՞ղ է փոխարինել այն դեպքում, երբ հաշվապահը գնում է հետծննդյան արձակուրդի կամ դեկրետի:
Կանխավ շնորհակալություն:

Ասատրյան Արթուր.

Հարգելի հաշվապահներ, ո՞վ բարի կգտնվի օգտակար լինել ինձ գործնական հաշվապահություն սովորեցնելու համար: Ես եռամսյա դասընթացների եմ հաճախել, տիրապետում եմ հաշվապահությանը, բայց գործնական չեմ ունեցել, որ հմտանամ: Գիտեմˋ դժվար կլինի, բայց հույսով սպասում եմ: Այդ ամենի համար պատրաստ եմ վճարել: Հեռ. 094610991, Արթուր:

Ժաննա.

Բարև Ձեզ, խնդրում եմ ասեք, որտեղի՞ց կարող եմ վերցնել (բեռնել) հաշվապահական հաշվառման հաշվային պլանը: Կանխավ շնորհակալություն:

Լևոն.

Բարև բոլորին,
Կխնդրեի պատասխանել մի հարցի: Արդյոք շուկայից ձեռք բերումների (միանվագ մինչև 300000դր.) դեպքում հաշվարկված եկամտահարկը ծախսերով ընդունվում է, թե ոչ:
Կանխավ շնորհակալ եմ:

Մարինե.

Բարև բոլորին: Ես նորաբաց փոքրիկ խանութի հաշվապահություն եմ սկել անել: Խնդրում եմ ասացեք, ես ի՞նչ պիտի անեմ օրվա վերջում տպված ՀԴՄ կրոնները: Դա պետք է համարեմ մուտքի օրդեր, թե հիմնվելով դրանց` պետք է լրացնեմ նոր մուտքի օրդեր և այն ամսվա վերջում անցկացնեմ դրամարկղի գիրք:

Շնորհակալություն …

Ani.

Բարև ձեզ:
Խնդրում եմ օգնեք: Ինձ անհրաժեշտ է ՀՀՀՀՍ 1,2,11,14,19,22,24,33,35,37,39,40: Ես մի մասը գտել և բեռնել եմ banker.am-ից: Եթե այլ սայտ գիտեք, խնդրում եմ գրեք, կամ եթե ունեք տվյալ նյութերը, ուղարկեք էլ. փոստին (anyuta-kh շնիկ mail.ru)

Լիանա.

Բարև Ձեզ, հարգելի հաշվապահներ, խնդրում եմ օգնել հաշվապահական ձևակերպումներում: Կազմակերպությունը կանխավճար է տվել փոստային ծառայությունների կատարման համար, ինչպե՞ս այդ գործարքը ծախսագրել: Եվ կազմակերպությունը փոխառություն է ստացել, ինչպե՞ս այն վերագրել որպես հաշվետու ժամանակաշրջանի եկամուտ: Օրինակ, երբ դրամաշնորհ ենք ստանում, կատարում ենք, կտ 541 և դտ 2521 ձևակերպում, իսկ հաշվետու ժամանակաշրջանում` դտ541, կտ 6146:

Մարիա.

Բարև ձեզ: Ես ավարտել եմ, մասնագիտությամբ հաշվապահ եմ: Խնդրում եմ թվեք գրքերի անուններ, որոնք կկարողանամ կարդալ, որ ավելի լավացնեմ իմ գիտելիքները:

Լարիսա.

Բարև բոլորին: Ես սկսնակ հաշվապահ եմ բյուջետային հիմնարկում` թանգարանում: Մենք ունենք տարվա ընթացքում տնտեսած գումար: Արդյոք իրավունք ունենք այդ գումարներով աշխատակիցներին պարգևատրություն տալ:
Կանխավ շնորհակալ եմ:

Արարատ.

Բարև ձեզ: Ես ունեմ մի հարց: Ես ուզում եմ ինտերնետի միջոցով գնումներ կատարեմ, որը փոստով կուղարկվի Հայաստան: Ինչքան հասկացա՝ մեկ ապրանքի գինը չպետք է գերազանցի 50 000 դրամը, իսկ քաշը 20 կգ-ը: Եթե գերազանցի, ապա պետք է մաքսազերծվի, որը հստակ կանոններ չունի: Հարց՝ ամսական սահմանափակումներ չկա՞ն, թե մինչև որքա՞ն գումարի չափով ինձ ծանրոց կուղարկվի: Այսինքն՝ ես կարո՞ղ եմ ամսական 50 անգամ 40 000 դրամանոց ծանրոց ստանալ, առանց մաքսազերծման:

Տիգրան.

Որոշ չափով ունեմ գիտելիքներ հաշվապահությունից, ցանկանում եմ գիտելիքներս խորացնել, դառնալ լիարժեք հաշվապահ: Ի՞նչ գրքեր, նյութեր, օրենքներ խորհուրդ կտաք կարդալ:

Nare.

Ես կուզենայի իմանալ, կա արդյոք սահմանված գումար, որից բարձր պետք է ներկայացվի հաշիվ-ապրանքագիր և ոչ թե ՀԴՄ կտրոն հաշվապահությունը ճիշտ վարելու համար:

MG.

Շատ եմ խնդրում հնարավորության դեպքում պատասխանել հետևյալ հարցիս: Եթե ՍՊԸ-ում որևէ երրորդ անձ ցանկանում է կատարել ներդրում, ՍՊԸ-ի գործունեության ճյուղերից կոնկրետ մեկին մասնակցելու համար հավասարապես կիսելեվ բոլոր ռիսկերը, ապա անպայմա՞ն է նրան գրանցել որպես մասնակից կամ նրա ներդրած գումարը դիտարկել որպես կանոնադրական կապիտալի ավելացում, ինչպե՞ս ընդհանրապես դիտարկել այդ գումարը:

Ժաննա.

Հարգելի գործընկերներ, տաղավար տոներին հաջորդող երկուշաբթի օրերը ոչ աշխատանքային են, այս որոշման մասին որտեղ կարող եմ կարդալ:

Վիկտորյա.

Հարգելի գործընկերներ, անհրաժեշտ է կազմակերպության ներքին կանոնակարգի որևէ օրինակելի ձև: Առկայության դեպքում խնդրում եմ ուղղարկել victoria.gsp շնիկ gmail.com էլ. հասցեին:
Նախապես շնորհակալություն!