Արթուր.

Խնդրում եմ, եթե հնարավոր է, շտապ պատասխանել մի հարցի՝ ջրահեռացման խափանման պատճառով վնասվել է ապրանքների մի մասը, որոնք պիտանի չեն վաճառքի: Ինչպե՞ս է դուրսգրման կարգը:

Սյուզաննա.

Խնդրում եմ որակավորման քննությունների հարցաշարը և թեստերից 1 օրինակ ուղարկել syuzanna-asatryan շնիկ mail.ru հասցեով:

Կանխավ շնորհակալություն:

Հաշվապահ.

Մթերային խանութը ԱԱՀ վճարող կազմակերպությունից ձեռք է բերել ապրանք, կազմակերպությունը դուրս է գրել հաշիվ ապրանքագիր: Ինչպե՞ս պետք է կատարվի վճարումը: Արդյո՞ք պարտադիր է, որ խանութը բանկում ունենա հաշվարկային հաշվեհամար կազմակերպության բանկային հաշվին փոխանցում կատարելու համար:

Lia.

Սիրելի հաշվապահներ, խնդրում եմ իմ էլ. փոստին ուղարկեք գույքագրման ամբողջ փաթեթը ամենայն մանրամասնությամբ (թե ինչպես է կատարվում գույքագրումը, երբ և այլն) lia.kazaryan շնիկ mail.ru Կանխավ շատ շնորհակալություն:

Մարիաննա.

Բարև ձեզ, հարգելի հաշվապահներ: Ես աշխատում եմ խանութում, և ինձ հետաքրքրում են հարկային օրենսդրության վերջին փոփոխությունները, հատկապես կապված ձեռքբերված ապրանքների համար վճարումները միայն բանկային փոխանցումների միջոցով կատարելու հետ, և դրանց խախտումից բխող պատասխանատվությունն ու տուգանքները մատակարարող և ընդունող կազմակերպությունների համար: Խնդրում են ինձ հուշել` ինչպես կարելի է ծանոթանալ այդ փոփոխությունների հետ, եւ ուղարկել օրենքի հղումը, եթե հնարավոր է: Նախապես շնորհակալություն:

Արթուր.

Ճի՞շտ է արդյոք, որ օրենքով չի պարտադրվում ունենալ կնիք:

Նանա.

Բարև Ձեզ, հարգելի հաշվապահներ:
Խնդրում եմ ասեք, ինչպե՞ս է ձևակերպվում ԱԱՀ-ը գնորդ ֆիրմայի մոտ, եթե գնված ապրանքի գումարը չի վճարում և ԱԱՀ-ի հաշվանցումը հետաձգվում է, և վճարելուց հետո հաշվանցելու դեպքում ի՞նչ ձևակերպում է տրվում:
Կանխավ շնորհակալ եմ:

Անի.

Հարգելի հաշվապահներ, հասարակական կազմակերպությունը 2011թ. կատարել է մոնիտորինգի և ֆիլմերի պատրաստման աշխատանքներ մեկ այլ կազմակերպության համար: Արդյո՞ք ՀԿ-ն հարկվելու է այդ ծառայության համար, որի մոտավոր գումարը կազմում է 600 000 դրամ: Եթե հարկվելու է, ապա ի՞նչ հարկատեսակով:

Արամ.

Բարև Ձեզ, հարգելի ֆինանսիստներ և հաշվապահներ: Գրանցել եմ կրթամշակութային հասարակական կազմակերպություն, գործունեությունս մտադիր եմ իրականացնել հիմնականում դրամաշնորհային ծրագրերի միջոցով:

Ցանկանում եմ տեղեկանալ` հաշվապահական ինչ գործառույթներ պիտի իրականացնեմ, ինչ հարկեր պիտի մուծեմ, ինչպիսի օրենսդրություն է պետք իմանալ, որ հարկատեսակների մասով և այլն: Ներող կլինեք, եթե հարցադրումներս շատ սիրողական են: Նոր եմ սկսում:

Կանխավ շնորհակալություն:

Մարիամ.

Բարև Ձեզ: Չէի՞ք ասի, թե ինչպես կարելի է ձեռք բերել 1C 8 -ի հայերեն թարգմանված տարբերակը: Նախապես շնորհակալություն: mcarukyan շնիկ bk.ru

Emilya.

Գնել եմ ինտերնետի ֆլեշկա, գինը ամսական 6 000 դրամ: Խնդրում եմ ասեք` ի՞նչ հաշվապահական ձևակերպումներ պետք է տրվեն: Ունեմ միայն պայմանագիր:

Սաթեն.

Խնդրում եմ օգնեք: Մեր կազմակերպությունն ապրանքներ է ներմուծում Հայաստան Չինաստանից: Ինվոյսում առանձին տողերով նշվում են ապրանքի արժեքը և տեղափոխման արժեքը: Տեղափոխումը կատարվում է DHL-ի կողմից: Մաքսային հայտարարագրում որպես ներմուծող նշվում է մեր կազմակերպության անվանումը:
– Արդյո՞ք իրականացվում է արտաքին տնտեսական գործունեություն
– Շահութահարկ պե՞տք է պահեմ ոչ ռեզիդենտից

Anna.

Բարև Ձեզ: Խնդրում եմ ինձ շտապ օգնեք: ՍՊԸ 2011թ. վնասով է փակել: Ես այդ դեպքում ի՞նչ պետք է անեմ, կարո՞ղ եք ասել իմ հետագա քայլերը, դիմում ու՞մ գրեմ կամ մինչև ամսի քանի՞սը ներկայյացնեմ այդ դիմումը: Կարո՞ղ եք ասել` ես սկզբից ինչ պետք է անեմ:

Ա. Հայրապետյան.

Հարգելի հաշվապահներ, խնդրում եմ հուշեք. նոր օրենքներում և/կամ օրենսդրական ակտերում նշվող “պաշտոնական հրապարակման հաջորդող օրն” ասելով` ո՞ր օրը պետք է հասկանալ: Արդյո՞ք Taxinfo-ով նշված ամսաթիվը: Կանխավ շնորհակալ եմ:

Գայանե.

Բարև ձեզ, հարգելի գործընկերներ: Ես 3 ամիս առաջ բացել եմ հագուստի խանութ, ներկրել եմ 5 մլն դրամի ապրանք, շրջանառությունս կազմել է 2 մլն 5 հարյուր հազար դրամ, ունեմ 3.5 մլն-ի հաշիվ-ֆակտուրա: Հիմա հարկային տեսուչները ինձանից պահանջում են 2 մլն 5 հարյուր հազար դրամ շրջանառությունից բացի ներկայացնել նաև ներկրված 5 մլն ապրանքի հաշիվ-ֆակտուրա: Հակառակ դեպքում սպառնում են տուգանել 5 մլն դրամի 30 տոկոսի չափով: Ճի՞շտ են արդյոք նրանք: Եթե ճիշտ են, ապա ստացվում է, որ 5 մլն-ի ապրանքը վաճառելուց հետո ես նորից հարկ պիտի մուծեմ:

Հարց 2-րդ. Արդյո՞ք հարկային տեսուչը իրավունք ունի նոր (3 ամիս առաջ) բացված խանութում ստուգումներ կատարել (հաշիվ-ֆակտուրա, ապրանքի հաշվում, ստուգում, եկամտի հաշվում և այլն ): Կանխավ շնորհակալություն:

Հովսեփ.

Առկա՞ է արդյոք ՍՊԸ-ի լուծարման դեպքում պետ. ռեգիստր ներկայացվող լուծարման հաշվեկշիռի պետականորեն հաստատված ձև: Եթե այո, որտե՞ղ կարող եմ գտնել այդ Ձևը: Նախապես շնորհակալություն:

Սիրանույշ.

Բարև ձեզ:
Խնդրում եմ պատասխանել հետևյալ հարցիս. 2011թ-ի դեկտեմբերին մի քանի ընկերներով բացել ենք ՀԿ, որը դեռ գործունեություն չի ծավալել, մինչև այս տարվա ապրիլ ամիսը հարկային մարմիններին պետք է ներկայացնենք եռամսյակային հաշվետվություններ: Արդյո՞ք միայն եկամտահարկի և սոց. հատկացումների հաշվետվություններ պետք է հանձնենք, և կասեք` ինչպես են դրանք լրացվում, ինչ հաշվարկներ են կատարվում: Կանխավ շնորհակալություն:

Արամ.

Հարգելի հաշվապահներ, փոխվե՞լ է արդյոք հաշվային պլանը: Եթե այո, որտե՞ղ գտնեմ նորը: Շնորհակալություն:

Նարինե.

Մենք բացել ենք 22 ք.մ. տարացք ունեցող խանութ, որը զբաղվում է պտուղ-բանջարեղենի վաճառքով: Խնդրում եմ ասեք, որտեղի՞ց կարող ենք իմանալ` միրգ-բանջարեղենից բացի ուրիշ ինչ կարող ենք վաճառել (հաց, մակարոնեղեն…): Եթե ոչ` ինչ փաստաթղթեր պետք է հավաքել: Եվ էլի մի հարց` ի՞նչ հաշվետվություն (եկամտահարկ, վիճ. ծառայություն…) պետք է հանձնել, եթե Ա/Ձ-ից բացի աշխատող չկա: Նախօրոք շնորհակալություն:

Նարինե.

Հարգելի հաշվապահներ, խնդրում եմ օգնել մի հարցում: Եթե ՊՈԱԿ-ը 2011թ ունեցել է ծառայութան մատուցում և ստացել 200000 դրամ, և այդ գումարը անմիջապես ծախսվել է որպես գործուղման ծախս, արդյո՞ք այդ 200000 դրամը պիտի ցույց տրվի շահութահարկի հաշվետվության մեջ, թե՞ ոչ: Շնորհակալություն:

Հայկ.

Հարգելի հաշվապահներ, եթե տնօրենը գնում է գործուղման արտերկիր, բայց գործուղման թերթիկը կնքող երկրորդ կողմ չկա, ես կարո՞ղ եմ միայն իմ կնիքով այն ձևակերպել որպես գործուղման ծախս: Կանխավ շնորհակալ եմ, օգնելու համար:

Դավիթ Աատրյան.

ԱԱՀ վճարող չհանդիսացող ՍՊԸ-ն իրականացրել է ապրանքների կանխիկ գնումներ (առկա են ՀԴՄ կտրոններ) վաճառելու նպատակով: 2011թ. փետրվար ամսին ամիս այդ գնումների ընդհանուր արժեքը կազմել է 3.2 մլն դրամ:

Հարց. ասացեք խնդրեմ, շահութահարկի պարզեցված հաշվարկում որպես նվազեցվող ծախս ցույց է տալու 3.2 մլն, թե՞ 3.0 մլն դրամ:

Միայն “Դրամարկղային գործառնությունների մասին” օրենքում է սահմանափակումները, որ միանվագ կանխիկ գնումների ամսական չափը չպետք է գերազանցի 3.0 մլն դրամը, իսկ “շահութահարկի հրահանգում” դրա մասին խոսք չկա:

Մարատ.

Կարո՞ղ եք պատասխանել՝ տաքսի սերվիս բացելու համար ԱՁ գրանցվե՞լ, թե՞ ՍՊԸ: Ո՞րն է դրանց տարբերությունը, և ո՞րն է ձեռնտու: Շնորհակալություն:

Համեստ.

Բարև բոլորին: Շնորհավորում եմ Նոր Տարի և Սուրբ Ծնունդ: Եթե չունեմ հաշվապահի կրթություն, սակայն արդեն 5 տարի է աշխատում եմ հաշվապահ և նույնիսկ տիրապետում եմ ՀԾ-ի համակարգին, ես կարո՞ղ եմ մասնակցել հաշվապահի որակավորման քննություններին: Եթե այո, ապա որտեղի՞ց կարող եմ տեղեկանալ` երբ են անցկացվում քննությունները և ինչ հարցեր են:

Սաթեն.

Խնդրում եմ օգնեք ինձ:
Մեր կազմակերպությունը գրանցված է ՀՀ-ում և ապրանքներ է ներմուծում ու արտահանում: Իրականացնում ենք ԱԱՀ-ից ազատված 15 հոդված և ԱԱՀ-ով հարկվող գործարքներ:
– Դա դասվու՞մ է արտաքին տնտեսական գործունեության դասին, թե՞ ոչ:
– Ներմուծման, ինչպես նաև արտահանման ժամանակ ո՞ր օրվա փոխարժեքը հիմք ընդունեմ

Մասնավորապես, Օրենքի 55-րդ հոդվածի 1-ին մասին համապատասխան` Կարդալ ավելին “Ո՞ր օրվա փոխարժեքները հիմք ընդունել” →

Վահագն.

Բարև ձեզ: Խնդրում եմ օգնել հասկանալ մի հարց: Եթե օտարերկրյա քաղաքացին ՀՀ-ում գրանցվում է որպես անհատ ձեռնարկատեր և ՀՀ-ում զբաղվում է մանրածախ առևտրով, այդ դեպքում նա ՀՀ-ում համարվում է ռեզիդե՞նտ, թե՞ ոչ ռեզիդենտ: Իմ կարծիքով նա կհամարվի ռեզիդենտ ՀՀ-ում գրանցման պահից սկսած: Չգիտեմ` ճիշտ եմ արդյոք, թե ոչ:

Liana.

Բարև Ձեզ: Խնդրում եմ պատասխանել իմ հարցին: Ուզում եմ մասնակցել հաշվապահական հաշվառման դասընթացներին: Նման դասընթացներ կազմակերպող ՍՊԸ-ներ կան, բայց ես չգիտեմ` այդ դասընթացներն ավարտելուց հետո իրավունք կունենամ աշխատել որպես հաշվապահ: Ի՞նչ թույլտվություն կամ մի գուցե լիցենզիա պետք է ունենա տվյալ ՍՊԸ-ն: Խնդրում եմ հարցս անպատասխան չթողնեք: Շատ շնորհակալ եմ:

Արման.

Հարգելի գործընկերներ, ի՞նչ կասեք “Կանխիկ գործառնությունների սահմանափակման մասին” ՀՀ օրենքի նախագծի վերաբերյալ: Արդյո՞ք այն գործելու է 2012թ. հունվարի 1-ից հետո: Եթե ունեք տեղեկություններ, խնդրում եմ արձագանքել:

Աղասի.

Ես նախօրոք ներողություն եմ խնդրում ոչ կոռեկտ հարցի համար, բայց ձեր կարծիքը ինձ համար կարևոր է: Մեկ ամիս առաջ գրանցված ՍՊԸ-ն, որն ունի երկու աշխատող (որոնցից մեկը տնօրենն է), և որը այդ ամսվա ընթացքում ունեցել է ընդամենը մոտ 300 հազար դրամ եկամուտ (մոտ 800 հազար ընդհանուր շրջանառության դեպքում), և որը մինչև հաջորդ տարվա փետրվարը որևէ գործունեություն չի իրականացնելու:
Նման կազմակերպության հաշվապահությունը վարելու համար 50000 դրամը նորմա՞լ վճար է, թե՞ ոչ: Իմ բավականին սուղ պատկերացմամբ այս երեք ամիսների ընթացքում հաշվապահը պետք է.
1. գրանցի աշխատողներին սոցապում
2. 3 անգամ իրականացնի շահութահարկի հաշվարկ, որոնցից 2-ը զրոյական
3. մեկական եկամտահարկի և աշխատավարձի հաշվարկ

Այս ամենի համար ամսական 50000-ը շատ չի՞:

Էսթեր.

Արդյո՞ք հիմնադրամները պարտավոր են անցնել ամենամյա աուդիտ:

Armine.

Ո՞վ կարող է մասնակցել ACCA դասընթացներին:

Արտեմ.

Բարև Ձեզ, խնդրում եմ հուշեք ինձ, որտեղի՞ց կարող եմ բեռնել կամ գտնել IFRS-ի և դրա կիրառմանը վերաբերող ուղեցույցի մասին ինֆորմացիա: Նախապես շնորհակալ եմ:

Դավիթ.

Եթե աշխատակիցը ժամանակավոր անաշխատունակության մեջ է գտնվում, կարո՞ղ է վերջինս ՀՀ-ից դուրս գալ, սահմանը հատել: Գոյություն ունի որևիցե օրենք, որը արգելում է բյուլետենի ժամանակ Հայաստանի Հանրապետությունից բացակայելը: Շնորհակալություն:

Կարինե.

Հարգելի կոլեգաներ, եթե կազմակերպությունը ունի ավտոտեխսպասարկման տեղամաս (երկու բոքս), այդ բոքսերի աշխատակիցները հունվարին ցանկանում են վերցնել չվճարվող արձակուրդ, այս դեպքում ես հունվարի համար կարո՞ղ եմ արդյոք երկու բոքսերի մասով դադարեցում տալ: Կանխավ շնորհակալ եմ:

Լևոն.

Ես ուզում եմ համակարգիչների և նմանատիպ ակսեսուարների խանութ բացեմ և գրացվեմ որպես ՍՊԸ, և կուզենայի իմանալ, թե ի՞նչ հարկեր ամսվա և տարվա կտրվածքով պիտի մուծեմ: Եվ եթե հնարավոր է, օգնեք գտնեմ այս հարցին վերաբերվող գրականություն: Նախապես շնորհակալ եմ:

Հերմինե.

Ժողովուրդ, կարո՞ղ եք օգնել: Որտեղի՞ց գտնեմ 1c-ի դեմո տարբերակը, ծրագիրը ո՞նց տեղադրեմ windows 7-ի վրա a-hem շնիկ mail.ru

Իզաբելա.

Հարգելի հաշվապահներ, արտադրական նպատակով ավտոմեքենա ձեռք բերելիս ԱԱՀ-ն չի հաշվանցվում, այդ դեպքում ի՞նչ հաշվապահական ձևակեպում տալ, այն միացնե՞լ ավտոմեքենայի արժեքին և ԱԱՀ-ի հաշվետվության մեջ ցույց չտա՞լ: Կանխավ շնորհակալ եմ:

LILIT.

Խնդրում եմ օգնեք: Ես սկսնակ հաշվապահ եմ և պետք է վարեմ վարսավիրանոցի հաշվապահություն: Բացի հաստատագրված վճարի մասին հաշվետվությունից ի՞նչ հաշվետվություններ, տեղեկություններ պետք է ներկայացնել հարկային տեսչություն (վարսավիրանոցը նորաբաց է):

Լիլիթ.

Հարգելի հաշվապահներ, ինձ մի հարց է հետաքրքրում: Էլեկտրոնային եղանակով դուրս է գրվել հարկային հաշիվ: 24 ժամը լրանալուց հետո այդ հարկային հաշիվը ծրագրով անվավեր է արվել: Դիմացի կողմի հաստատումը բացակայում է: Անհրաժեշտություն կա՞ արդյոք փոխադարձ ակտի, գրության և նամակի:

Rip.

ԱԱՀ վճարող “Ա” կազմակերպությունը “Բ” կազմակերպությունից ձեռք է բերել ապրանք, որի դիմաց վճարումը կատարվել է անմիջապես “Բ” կազմակերպության բանկային հաշվին գումարը մուտք անելու (ոչ թե փոխանցելու) միջոցով: Նման ձևով վճարում կատարվել է մի քանի անգամ տարբեր օրերի: Բանկի կանխիկ մուտքի անդորրագրերի վրա որպես մուծող նշված է “Ա” կազմակերպության տնօրենը, նպատակը` մուտք հաշվին “Ա” կազմակերպության կողմից, անդորրագրերից մեկի վրա որպես մուծող նշված է այլ անձի` “Բ” կազմակերպության հաշվապահի անունը, նպատակը` մուտք հաշվին “Ա” կազմակերպության կողմից: Յուր. վճարման գումարը գերազանցում է 300 000 դրամը:
Հարց.
Արդյո՞ք այս վճարումը կհամարվի կանխիկ, և կազմակերպությունը իրավունք կունենա՞ հաշվանցելու դրա ԱԱՀ-ն: Ինչպե՞ս կազմակերպությունից ելք անել այն գումարը, որի բանկի կանխիկ մուտքի անդորրագրի վրա նշված է “Բ” կազմակերպության աշխատակցի անունը (ելքի անդորրագրում գրե՞մ “Ա” կազմակերպության տնօրենի անունը, այլ տեղեկություններում էլ նշեմ` “Բ” կազմակերպության աշխատակցի միջոցով, թե՞ միանգամից “Բ” կազմակերպության աշխատակցի անունով էլ ելք անեմ նշված գումարը:
Կանխավ շնորհակալ եմ պատասխանների համար:

Լենա.

Բարև ձեզ, խնդրում եմ պատասխանել: Երբ ՀՈԱԿ-ը նվեր է ստանում, օրինակ` գորգ, կահույք կամ որևէ գույք, ինչպե՞ս ձևակերպումները կատարել: Կանխավ շնորհակալ եմ:

Աստղիկ.

Հարգելի հաշվապահներ, խնդրում եմ ասեք, եթե տրվել է ՀԴՄ կտրոն, բայց վրան գրված ժամը սխալ է եղել, որքա՞ն տույժ է գանձվում ԱՁ-ից:

Առնո.

Հարգելի հաշվապահներ, խանութում ունենք ապրանքներ, որոնք խոտան են, հետ վերադարձ չենք կարող անել, ինչպե՞ս դուրս գրենք:

Շնորհակալություն:

ԱՆՆԱ.

Հարգելի հաշվապահներ, խնդրում եմ օգնել ինձ հետևյալ հարցում. կազմակերպությունը 2011թ. մայիսին վճարել է ապահովագրավճար 1 տարվա համար մինչև 2012թ. մայիս: Արդյո՞ք ամբողջ գումարը կարող եմ ճանաչել ծախս 2011թ-ին, թե՞ մի մասը պիտի ճանաչեմ 2012-ին: Ի՞նչ ձևակերպումներ տամ: Կանխավ շնորհակալություն:

A.

Գրանցվու՞մ է արդյոք էլ. ծրագրում 24 ժամ չանցած և անվավեր ճանաչված հաշիվները, և արդյո՞ք դա պետք է գրքում գրառել և հետո ջնջել գրքից:

Աննա.

Հարգելի կոլեգաներ, խնդրում եմ օգնել մի հարցում: Կազմակերպությունը իրականացնում է առևտուր և կատարում է գովազդային ծախսեր ՀՀ-ում և նրա սահմաններից դուրս: Նվազեցումներ նորմաների սահմաններում միայն ՀՀ տարածքից դուրս գովազդի սահմանաչափը` համախառն եկամտի 3%, իսկ ՀՀ-ում արդյո՞ք կա սահմանաչափ:

Hasmik.

Հարգելի հաշվապահներ, խնդրում եմ ասեք, ի՞նչ ձևակերպում պետք է կատարել, եթե կազմակերպության ավտոմեքենան վթարի է ենթարկվել: Մեղավորը դիմացի կողմն է, և նրա պատճառած վնասի համար ԱՊՊԱ-ն վճարել է: Կանխավ շնորհակալ եմ:

Վահե.

Բարև Ձեզ, հարգելի կոլեգաներ, խնդրում եմ ինձ օգնեք, կազմակերպությունը հունիս և օգոստոս ամիսներին հանրային սննդի ոլորտում իրականացվող գործունեության համար հայտ է ներկայացրել ՏՀՏ, սակայն կազմակերպության դադարեցման համար դիմում չի ներկայացվել և օգոստոսի 31-ից կազմակերպությունը փաստացի չի աշխատել: Խնդրում եմ ինձ ասեք` դրա հետևանքով տույժ-տուգանգ կազմակերպության վրա գալի՞ս է և ինչքան, և ի՞նչ պետք է անեմ հիմա: Կանխավ շնորհակալություն բոլորին:

Արմեն.

Բարև ձեզ, խնդրում եմ պատասխանել հետևյալ հարցին. անհատ ձեռներեց եմ, ունեմ 3 աշխատող, հաշվապահի աշխատանքը կարո՞ղ է կատարել աշխատողներից մեկը, եթե ունի աշխատանքային փորձ (ոչ կրթություն):

Արայիկ.

Խնդրում եմ ինձ պատասխանել. ի՞նչ արժեն թռչնակերերի (սոյա, մսոսկրային ալյուր և այլ պրեմիքսներ) մաքսային հարկերը այլ երկրներից ներմուծելու դեպքում, օրինակ` Չինաստանից կամ Բրազիլիայից: Շնորհակալ եմ նախապես: