Լիանա․

Բարև ձեզ։ Եթե Ա/Ձ-ի գործունեությանը դադարեցման հայտում դադարի ժամկետը նշվում է 28․02․2023թ, հայտարարությունը պետք է ներկայացնել հենց ա՞յդ օրը, թե՞ կարող եմ ավելի շուտ ներկայացնել։

Կարեն․

Բարև Ձեզ։ ՍՊԸ-ն հաշվառումից հանելու համար ի՞նչ ընթացակարգ կա։ Ի՞նչ փաստաթղթեր պետք է ներկայացնենք։ Ո՞ր օրենքից կարող եմ օգտվել։

Էլինա․

Բարև։ Եթե ՍՊԸ-ի տնօրենը պայմանագրով իրեն փոխանցված գումարից վճարի հարկեր, 20 տոկոսը թողնի հաշվին, իսկ մնացածը կանխիկացնի ու ծախսի անձնական կարիքների համար կամ փոխանցի ուրիշ մեկին, իրավունք կա՞ նման գործողության։

Նարինե․

Բարև ձեզ։

ՀՀ-ում գրանցված կազմակերպությունը, որի հիմնադիր տնօրենը ՌԴ քաղաքացի է, ցանկանում է 3-րդ երկրից ներմուծել էլեկտրական շարժիչներով տրանսպորտային միջոցներ։ Ի՞նչ արտոնություններ ունի կազմակերպությունը, և արդյո՞ք կարող է արտահանել այդ տրանսպորտային միջոցները, թե՞ միայն ՀՀ-ում կարող է վաճառել։

Քրիստինե․

Բարև բոլորին: Մի հարց տամ: Կազմակերպության բաժնետերերը 2 են, ֆիզ. անձեր: Ամեն մեկը ունի 50% բաժին: Անձերից մեկը աշխատում է պետական հաստատությունում: Նշեմ, որ տնօրենը ինքը չի: Օրենքի խախտում կա՞, թե՞ ոչ:

Շուշանիկ․

Բարև ձեզ, հարգելի գործընկերներ: Խնդրում եմ օգնել այս հարցում: Արտադրությունը ունի դուրս գրված թափոններ և կրկնակի օգտագործման համար հումք, որն առաջացել է արտադրանքը արտադրելիս: Արդյո՞ք պետք է ծախս ճանաչել դուրս գրված թափոնը կամ կորուստը: Իսկ արտդրությունից առաջացած տաշեղները (стружка), որը նորից պետք է մուտք արվի և օգտագործվի արտադրություն ստանալու համար, այդ մուտքը պե՞տք է եկամուտ ճանաչվի: Կանխավ շնորհակալություն։

Սուսաննա․

Բարև Ձեզ։ Ունեմ Ա/Ձ, զբաղվում եմ միջազգային էլեկտրոնային առևտրով։ Ներկա պահին ոչ մի վաճառք չի իրականացվել։ Վճարում եմ տարբեր միջազգային ծրագրերի համար կայքում անխափան տեխնոլոգիական ապահովում իրականացնելու համար։ Եվ այդ բոլոր ծախսերը թղթակցում է իմ բիզնես հաշվի հետ։ Ինձ հետաքրքրում է․

1․ Ի՞նչ թույլտվություն է անհրաժեշտ ՀՀ-ում միջազգային առևտուր իրականացնելու համար։ Եվ ո՞ր գործադիր մարմինը պետք է այն տրամադրի

2․ ԱԱՀ հաշվետվության մեջ այդ ծախսերը, որ ես կատարել եմ միջազգային հարթակներում, չի՞ գրանցվելու իմ կողմից ներկայացվող ամսական հաշվետվությունների մեջ։

Կանխավ շնորհակալություն։

Քրիստինե․

Բարև Ձեզ, հարգելի հաշվապահներ։ Խնդրում եմ կասե՞ք՝ ՊՈԱԿ-ի դեպքում իրական շահառու հանդիսանալու հիմքը ո՞րն է, և հատուկ մասնակցության դաշտում ի՞նչ ենք լրացնում։ Դպրոց, որի լիազոր մարմինը հանդիսանում է մարզպետարանը։

Հրանուշ․

Բարև Ձեզ, հարգելի հաշվապահներ։ Խնդրում եմ պատասխանել․ ինչպե՞ս կարող է շրջ․ հարկով աշխատող, ծառայություններ մատուցող ՍՊԸ-ն ամսական կտրվածքով իր հաշվարկային հաշվից հանել ամսական ստացված շահույթը, արդյո՞ք դա հնարավոր է ձևակերպել որպես միջանկյալ շահաբաժին և փոխանցել ըհնկերության միակ հիմնադիր/տնօրենին։ Կանխավ շնորհակակալ եմ։

Լիլիթ․

Բարև Ձեզ, ցանկանում եմ բացել ՍՊԸ և օգտվել ՏՏ հարկային արտոնություններից, ունեմ հաճախորդ ԱՄՆ-ից, ներկայումս աշխատավարձը փոխանցում է իմ անձնական հաշվեհամարին.

1. ՍՊԸ հաշվեհամարին փոխանցելուց հետո, նույնձև կարո՞ղ եմ տնօրինել այդ գումարը

2. Ենթադրենք 2 000$ ամսական մուտքի դեպքում ի՞նչ վճարներ պետք է իրականցնեմ (աշխատող չունեմ մենակ եմ)

Նարին․

ՍՊԸ-ն աշխատում է շրջհարկով և զբաղվում է շինարարությամբ։ Կազմակերպությունը ուզում է ձեռք բերել Ֆորդ մակնիշի բեռնատար մեքենա՝ բեռնափոխադրումները իրականացնելու համար։ Ի՞նչ քայլեր պետք է արվեն։

Ինչպե՞ս է վաճառվելու հետագայում, ի՞նչ ծախսագրումներ է հնարավոր անել, ի՞նչ ծախսեր և հարկեր են գոյանում կազմակերպության համար։

Սոնա.

Բարև Ձեզ։ Խնդրում եմ տեղեկացնել՝ ինչպե՞ս կարող է դադարեցվել ԱՁ-ի և Ընկերության միջև կնքված պայմանագիրը ժամկետից շուտ։ Շնորհակալություն։

Իրինա․

Բարև Ձեզ, խնդրում եմ պատասխանեք՝ կնիքի վրա դրված ստորագրությամբ (ստորագրություն-դրոշմակնիք) կարո՞ղ ենք հաստատել հրամանները: Շնորհակալություն։

Անուշիկ․

Բարև Ձեզ։ ԱՁ-ն զբաղվում է պոլիէթիլենային թաղանթների վերամշակմամբ։ Խնդրում եմ հուշել, թե ի՞նչ դասակարգչի է համապատասխանում այս գործունեությունը։ Շնորհակալություն։

Տաթև․

Բարև Ձեզ, խնդրում եմ ասեք՝ պահածոներ պատրաստելու և վաճառելու համար (մուրաբաներ) անհրաժե՞շտ է արդյոք լիցենզիա։

Հարություն․

Հարգելի մասնագետներ, սոսինձ ներմուծելու համար լիցենզիա կամ հատուկ թույլտվությու՞ն է պահանջվում։

Ինեսա․

Բարև ձեզ, եթե ցանկանում եմ խանութին անվճար ապրանք տալ, ինչպե՞ս եմ ձևակերպում, ինչպե՞ս եմ հաշիվ դուրս գրելու:

Անահիտ․

Եթե ռեստորանը ՀԴՄ կտրոնը տպում է ապրանքացանկով և նշվում է ՏԳԴ-ն 56.10, ապա ԱՏԳԱԱ է՞լ պետք է նշվի, թե՞ միայն ՏԳԴ-ն բավարար է։

Շուշան․

Բարև Ձեզ։ ԱՁ գրանցելիս Տնտեսական գործունեության դասակարգիչ բաժնում կարելի՞ է ընտրել մի քանի տարբերակ, օրինակ՝ դիզայներական գործունեություն, պոլիգրաֆիական գործունեություն և այլ մանրածախ առևտուր։ Շնորհակալություն։

Անահիտ․

1․ Եթե կազմակերպությունն ունի 2 իրական շահառու՝ ֆիզիկական անձ, 2-ի էլեկտրոնային ստորագրությունն էլ պետք է լինի՞ հայտարարագիր ներկայացնելու համար։

2․ ՍՊԸ-ն ունի 1 հիմնադիր, իսկ տնօրենն այլ անձ է, հիմնադիրը չէ։ Այս դեպքում տնօրենն է՞լ է համարվում իրական շահառու։

Անահիտ․

ՍՊԸ-ի հիմնադիրը, ով գրանցված չէ որպես աշխատող ՍՊԸ-ում, կարո՞ղ է ՍՊԸ-ի դրամարկղից գումար մուտք անել ՍՊԸ-ի բանկային հաշվեհամարին։

Կարեն․

Բարև Ձեզ։ Ինձ հետաքրքրում է՝ արդյո՞ք ՀՈԱԿ-ի տնօրենը իրավունք ունի լինել ՍՊԸ-ի հիմնադիր, թե՞ ոչ։ Եթե ոչ, ապա ի՞նչ իրավական ակտով է արգելվում։

Ելենա․

Բարև Ձեզ։ Եթե ՍՊԸ-ի մասնակիցը վաճառում է կամ նվիրում է իր բաժնեմասը ՍՊԸ-ի երկրորդ մասնակցին, արդյո՞ք անհրաժեշտ է այդ տեղեկությունը ներկայացնել պետ․ ռեգիստր։

Սամվել․

Բարև Ձեզ, հարգելի մասնակիցներ։ 2023թ. պատրաստվում եմ բացել տուրիստական գործակալություն։ Ձեր խորհրդի կարիքն ունեմ։ Ինչի՞ց սկսել և ի՞նչ անել, որ օրենք չխախտեմ։ Կանխավ շնորհակալ եմ։

Սևակ․

Բարև ձեզ։ Կասե՞ք՝ ինչպե՞ս կարող եմ տեղեկանալ Չինաստանից ներմուծված ապրանքների մաքսազերծման գների հետ։

Լիանա․

Բարև Ձեզ։ ԱՁ-ն ԱԱՀ վճարող է և զբաղվում է արտադրությամբ։ Արտադրանքը դրոշմապիտակավորվում է։ Կասե՞ք՝ եթե գրում եմ ճշգրտող հաշիվ (ապրանքի ժամկետը անցնելու դեպքում), ապա այդ դրոշմապիտակները ի՞նչ պետք է անեն։

Սվետլանա․

Իրական շահառուի հայտարարության լրացման կարգը ԱՁ և ՍՊԸ-ի համար երբվանի՞ց գործողներին է վերաբերում։

Ալլա․

Բարև ձեզ, հարգելի հաշվապահներ, խնդրում եմ ասել․ որպես դայակ "Աշխատավարձի 50% պետության կողմից փոխհատուցման ծրագրով" աշխատելու համար 1975թ. ծնված անձը դիմել և ստացել է ՀՎՀՀ 2022թ.՝ որպես ֆիզիկական անձ, բացի եկամտային հարկից նա սոց․ վճար է՞լ պետք է կատարի 2022թ. համար։ Տարեկան եկամտային ու սոց․ վճարի հաշվետվության վերջում լրացվում է որպես ինքնազբաղված գործունեությունից սոց․ վճարի տեղը։ Ինքնազբաղված անձ համարվու՞մ է նա։

Աստղիկ․

Մերը վարսավիրանոց է, ուզում ենք սկսել երկրորդ գործ՝ բանկային քարտերի պատրաստում։ Խնդրում եմ ասեք՝ կարո՞ղ եմ որպես միկրոձեռնարկություն աշխատել ու նույն ՀԴՄ -ով, կանխավ շնորհակալություն։

Ann.

Բարև ձեզ։ Ա/Ձ-ն հանդիսանում է Թել-Սել-ի գործակալ։ Տվյալ դեպքում հարկային հաշվետվության մեջ ի՞նչ դասակարգիչ պետք է գրվի։

Քրիստինե․

Բարև, հարգելի հաշվապահներ: Ֆրիլենսով զբաղվող ԱՁ-ն եկամուտ ստանում է մի քանի կլիենտներից, որոնք նստում են նույն հաշվի վրա ( Payoneer քարտի վրա ): Հարցս հետևյալն է․ հաշիվ վավերագիր դուրս գրելիս հնարավո՞ր է 1 հատ պատրաստել ամբողջ ամսվա համար և "Ստացող"-ի անվան տեղը գրել Payoneer կամ միգուցե բաց թողնել: Թե՞ առանձին պետք է լինի յուրաքանչյուր կլիենտի համար, և այս դեպքում ստանալու ամսաթիվը ամսվա վերջին օրը կարելի՞ է դնել, նույնիսկ եթե ասենք այդ կլիենտը այդ ամսվա մեջ մի քանի անգամ է ուղարկել ( և ներառել բոլոր ուղարկած եկամուտները այդ ամսվա ընթացքում ): Նշեմ, որ շրջհարկի տակ է գործում: Շնորհակալ եմ:

Ռիտա․

Բարև Ձեզ: Միջազգային գործընկերը կարո՞ղ է արտարժույթով մարել դեբիտորական պարտքը՝ կանխիկով։ Խոսքը ԵԱՏՄ երկրի մասին է: Շնորհակալ եմ օգնության համար։

Արամ․

Բարև Ձեզ, կոլեգաներ։ Ինչպե՞ս պարզել՝ դիմացի կողմը միկրոձեռնարկատիրության սուբյեկտ է, թե՞ ոչ, և կարո՞ղ ենք արդյոք նրա կողմից դուրս գրված հաշիվը ծախս ճանաչել։

Մարիաննա․

Բարև ձեզ, հարգելի հաշվապահներ։ Ծխախոտի վաճառքի թույլտվության համար դիմում եմ տվել dimum.yerevan.am կայքում, բայց պահանջվում է կցել Երևան համայնքի հանդեպ պարտավորությունների բացակայության վերաբերյալ տեղեկանք, դա ո՞րն է։

Աննա․

Անկանխիկ գործարքներ իրականացնելու համար հարկային տեսչությունը ընտրել է Ամերիաբանկը, որը մեր քաղաքում չունի մասնաճյուղ, կարո՞ղ եմ արդյոք փոխել ինձ ավելի հարմար բանկով անկանխիկ գործարքները կատարելու համար։

Կարեն․

Բարև Ձեզ, խնդրում եմ, կասե՞ք՝ որտե՞ղ կարող եմ տեսնել պարտադիր աուդիտի ենթակա կազմակերպությունների ցանկը, և ո՞ր կազմակերպություններն են, որ ենթակա են պարտադիր աուդիտի:

Գոհար․

Բարև ձեզ, հարգելի հաշվապահներ։ Խնդրում եմ օգնեք։ ՍՊԸ-ն, որը պետք է իրականացնի շենք և շինությունների կառուցապատում, բացվել է անցյալ տարի մայիսին, ԱԱՀ-ով։ Սակայն որևէ գործունեություն չի իրականացրել։ Այս տարի հայտը ներկայացրել է շրջհարկով, սակայն դեռ 6 ամիս հետո նոր զբաղվելու է շինարարությամբ։ Այս պահի դրությամբ մասնակցել է տենդերի և պետք է դպրոցին միրգ և բանջարեղեն մատակարարի։ Խնդրում եմ ասեք՝ կարո՞ղ է զբաղվել դրանով, մինչև սկսի իր հիմնական գործունեությունը, և ինչպե՞ս կարգավորեմ։

Լուսինե․

Ի՞նչ է պասիվ եկամուտը։

Արայիկ․

Բարև ձեզ։ Կազմակերպությունը ունի 2 մեքենա․ էվակուատոր և շարժական վուլկանիզացիայի հարմարանքով մեքենա։ Հարց․ արդյո՞ք երկու մեքենաների մեջ պետք է գրանցել շրջիկ ՀԴՄ։

Կարեն․

Բարև Ձեզ։ ԱԱՀ վճարող կազմակերպությունը Վրաստանից ավտոմեքենա է ձեռք բերել 4 000 ԱՄՆ դոլլարով, որը համարժեք է 1 584 000 ՀՀ դրամի։ Մաքսային արժեքը նշված է 1 800 000 ՀՀ դրամ։ Կասե՞ք՝ ինչի՞ց է տարբերությունը, և ավտոմեքենայի մաքսային արժեքը ինչպե՞ս են որոշում:

Սարգիս․

Բարև Ձեզ: Հյուրատան, հյուրատնային դասակարգիչն ո՞վ կասի։ Նման բան չեմ կարողանում գտնել: Շնորհակալ եմ:

Անի․

Ողջույն, խնդրում եմ օգնեք։ 2019թ-ին սեպտեմբերին ձեռք բերված ՀՄ։ Օգտակար ծառայության ժամկետը 4 տարի։ Հարց՝ եթե 2019-ին հաշվարկվում է մաշվածություն 3 ամսվա համար, արդյո՞ք 2023-ին պիտի հաշվարկվի 9 ամսվա մաշվածություն, որ դառնա 4 լիարժեք տարի։ Շնորհակալ եմ։

Շուշանիկ․

Բարև ձեզ, հարգելի գործընկերներ։ 2022թ-ին ընկերությունը աշխատել է ԱԱՀ -ով, իսկ այս տարի շրջանառության հարկով: Հիմա նախորդ տարվանից կա ապրանքի վեդարձ գնորդներից: Վերադարձը ինչպե՞ս պետք է արվի ԱԱՀ-ով: Կանխավ շնորհակալություն:

Բելլա․

Բարև Ձեզ: ՍՊԸ-ն ցանկանում ենք լուծարել, ընկերությանը կից կա 2 անշարժ գույք 66,000,000 կադաստրային արժեքով: Խնդրում եմ նշել լուծարման գործընթացի ժամանակ, երբ գույքերը անցնեն հիմնադրին, ի՞նչ հարկեր կառաջանան։ Շնորհակալություն։

Նելլի.

Բարև ձեզ, հարգելի հաշվապահներ։ Ներմուծում ենք արել, ապրանքը մաքսազերծել են ավելի բարձր գնով, այսինքն՝ մաքսային արժեքը ստացվել է ավելի բարձր և դրանից էլ ԱԱՀ-ն է ստացվել շատ։ Հիմա հարց. ես ինքնարժեքը հաշվու՞մ եմ ինվոյսային արժեքով, գումարած ներմուծման ծախսե՞ր, իսկ էդ դեպքում ինքնարժեքը լինում է ավելի ցածր քան մաքսային արժեքը ու վաճառելիս ես ինքնարժեքից ցածր չեմ վաճառում, բայց ներմուծման ժամանակ վճարված ԱԱՀ-ից ցածր ա լինում վաճառքից առաջացած ԱԱՀ-ն, ի՞նչ անել։

Մելանյա.

Բարև, Հարգելի գործընկերներ։ Խնդրում եմ օգնել. արդյոք հնարավո՞ր է կատարել գործող ԱՁ-ի տնտեսական գործունեության դասակարգչի փոփոխություն: Եվ եթե այո, ապա ինչպե՞ս։