Նինա․

Բարև ձեզ, հարգելի հաշվապահներ։ Ես սկսնակ հաշվապահ եմ, և ինձ հետաքրքրում է՝ շրջհարկի նոր օրենքով արտադրությունով զբաղվող ԱՁ-ն ի՞նչ ծախսեր պիտի հաշվի առնի։ Օրինակ՝ հոսանքի, ջրի, աշխատավարձի ծախսերը պակասեցվու՞մ է հաշվարկի ժամանակ, թե՞ ոչ։Կանխավ շնորհակալ եմ։

Նարինե․

Բարև ձեզ։ Ունեմ ԱՁ 62.02.9 գործունեության դասակարգչով՝ «Խորհրդատվական գործունեություն համակարգչային տեխնոլոգիաների բնագավառում չներառված ուրիշ խմբավորումներում»։ Գործունեությունը ՏՏ ոլորտում է և ներառված է բարձր տեխնոլոգիաների ոլորտի պետական աջակցության ենթակա գործունեության տեսակների ցանկում՝ https://www.arlis.am/DocumentView.aspx?docID=203094։ Այն առավելություն է տալիս 10% շրջանառության հարկի փոխարեն վճարել 1%: Ես կարդացի, որ շրջանառության հարկի հաշվետվության մեջ, եթե գործունեության տեսակը մտնում է արտոնյալ ցուցակի մեջ, հարկի դրույքաչափն ինքնաշխատ ցույց կերպով ցույց է տալիս 1%, ինչն իմ պարագայում չի գործում։ Ի՞նչ պետք է անեմ, որպեսզի դրույքաչափը 1% մուծեմ 10%֊ի փոխարեն (քանի որ գործունեությանս տեսակը ներառված է այդ արտոնյալ ցանկի մեջ)։

Կարինե․

Բարև Ձեզ։ Կարելի՞ է քաղաքացիաիրավական պայմանագիրը կնքել անժամկետ։ Ո՞ր օրենքով է հիմնավորվում ժամկետով կնքելու պահանջը։

Իրինա․

Բարև Ձեզ։ Կազմակերպության տնօրենը կարո՞ղ է ներգրավվել կամավորական աշխատանքում։

Տիգրան․

Բարև Ձեզ, հարցս գյուղատնտեսությամբ զբաղվող կազմակերպության մասին է։ ԱՁ -ն նոր է բացվել և չի տվել շրջհարկի կամ միկրոյի հայտարարություն։ Հարկայինը ճանաչել էր ԱՁ-ին ԱԱՀ վճարող։

Քրիստինե․

Բարև բոլորին: Կազմակերպությունը մատուցում է ծառայություն (նախագծում, ինտերյեր դիզայն): Շրջ. հարկի դաշտում է գործում: Ունի երեք աշխատող՝ մենեջեր, դիզայներ, կոնստրուկտոր, տնօրենը՝ նախագծող: Տարածքը վարձակալությամբ է: Խնդրում եմ օգնեք՝ ո՞ր ծախսերը կարելի է ներառել շրջանառության հարկի նվազեցումների մեջ:

Յանա․

Բարև բոլորին: Հարգելի հաշվապահներ, աշխատողն աշխատանքի չի ներկայանում, անաշխատունակության թերթիկ չի բերում: Ո՞րն է ազատման կարգը այս պարագայում: Եվ քանի՞ օրվա ընթացքում պետք է վճարել վերջնահաշվարկը: Շնորհակալ եմ:

Հասմիկ․

Բարև ձեզ, հարգելի հաշվապահներ։ Երկու հարց ունեմ․

1. Եթե հյուրատունը գտնվում է մարզում, աշխատում է շրջանառության հարկով և 2024թ․ շրջանառությունը չի գերազանցել 25 000 000 դրամը, պարտադի՞ր է ՀԴՄ կտրոնն անվանացանկով տպելը

2. եթե առանձին գարեջրի, հյութի, ջրի վաճառք չի ունենում, միայն հյուրատան հյուրերի սննդի պատվերի մեջ է մտնում, պարտադի՞ր է ապրանքների դրոշմավորումը

Արտյոմ․

Բարև Ձեզ։ Ընկերությունն աշխատում է շրջհարկով ծառայությունների ոլորտում, 2025թ. հարկվելու է 10 տոկոս դրույքաչափով: Հարց. ի՞նչ նվազեցումներ են հնարավոր կիրառել և, եթե այո, ապա հաշվետվության ո՞ր տողում: Շնորհակալություն։

Արմինե․

Բարև Ձեզ։ Կազմակերպությունն արտադրում է հիդրոպոն համակարգ և վաճառում։ Կասե՞ք՝ գործարքն ԱԱՀ-ից ազատվում է, թե՞ ոչ։

Արսեն․

Բարև ձեզ։ ՀՀ-ում գործուղման դեպքում կառավարության կողմից սահմանված օրապահիկից ավել վճարվող օրապահիկից եկամտային հարկ կա՞: Օրինակ, 7 000դրամ է վճարվել 1 օրվա համար Դիլիջան գործուղման համար։

Գայանե․

Բարև Ձեզ, հարգելի հաշվապահներ։ Խանութը շրջհարկով է գործում, ստացված հարկային հաշիվները մարտ ամսվա ստորագրվել է ապրիլի 1-ին։ 1-ին եռամսյակում կարո՞ղ եմ ներառել մարտ ամսվա ստացված հարկային հաշիվները, թե՞ որ ապրիլի 1-ին եմ ստորագրել, պետք է ներառեմ 2-րդ եռամսյակում։ Շնորհակալություն։

Նարե․

Բարև Ձեզ, հարգելի հաշվապահներ, կարո՞ղ եք ասել՝ արդյո՞ք հիմա կարող ենք շրջանառության հարկից նվազեցնել նաև վարչական ծախսերը։

Սեյրան․

Շրջանառության հարկի հաշվարկի ձև չկա պեկ կայքում: Եղածը մինչև 2024թ դեկտեմբեր է։

Արսեն․

Հարգելի հաշվապահներ, եթե գործունեության դասակարգիչը (J62․09․0) համապատասխանում է ՀՀ կառավարության որոշմանը՝ շրջանառության հարկի 1% դրույքաչափ կիրառելու համար, ապա ի՞նչ քայլեր պետք է կատարել (դիմում, հայտարարություն և այլն), որպեսզի օգտվել այդ աջակցության ծրագրից։

Սամվել․

Հարգելի գործընկերներ, արդյո՞ք ԱԱՀ վճարող համարվող կազմակերպությունը կարող է այլ կազմակերպությանը փոխառություն տրամադրել, և ի՞նչ հարկային պարտավորություններ կառաջանան։

Գայանե․

Բարև Ձեզ։ Խնդրում եմ ասել․ ՀՀ տարածքում արդյո՞ք ընդունելի է և կիրականացվեն որևէ գործարքներ այնպիսի լիազորագրով, որը հաստատվել է օտարերկրյա նոտարի կողմից։

Վիկա․

Բարև ձեզ։ ԱԱՀ–ով աշխատող կազմակերպությունը կատարել է աշխատանք ՌԴ համար, որն էլ համարվում է աշխատանքների կատարման վայր։ Ըստ ԵԱՏՄ պայմանագրի, աշխատանքի կատարման համար 20/120 տոկոս ԱԱՀ–ն վճարում է ՌԴ–ն՝ պահելով մեզանից հարկի գումարը։ Ինչպիսի՞ հաշիվ պետք է դուրս գրենք՝ 0%։ Իսկ ԱԱՀ–՞ն։ Շնորհակալ եմ։

Արշալույս․

Բարև ձեզ։ Նոր եմ ԱՁ բացել, ընտրել շրջանառության հարկով հարկման հարկատեսակը։ Ոչ ռեզիդենտ, ՀՀ-ից դուրս գործող կազմակերպությանը մատուցվում է ծառայություն։ Կասե՞ք՝ ինվոյս դուրս գրելը պարտադիր է` ՊԵԿ-ի հետ հետագայում խնդիրներ չունենալու տեսանկյունից, թե՞ ինվոյս ՊԵԿ չի ներկայացվում (ոչ ռեզիդենտ կազմակերպությունը չի պահանջում ինվոյս)։ Եթե պարտադիր է ինվոյս գրելը, կասե՞ք՝ ո՞ր ծրագրով է դա գրվում։ Շնորհակալություն։

Լիանա․

Բարև Ձեզ, խնդրում եմ պատասխանեք։ Կազմակերպությունը դրամական օգնություն է վճարել աշխատակցին հաշվարկային հաշվից 500 000 դրամ։ Ի՞նչ ձևակերպումներ պետք է տալ։

Լիանա․

Շրջանառության հարկով աշխատող կազմակերպությունը ստացել է սուբսիդիա, արդյո՞ք այն համարվում է հարկման օբյեկտ։

Вероника.

Добрый день! Подскажите, пожалуйста, что делать в такой ситуации. Я некорректно подала отчет 240 за 2023 год, не вписала сумму отчислений в строку 107, и в ходе камеральной проверки мне пришло письмо из налоговой о том, что отчет подан неверно. Скажите, что мне делать в этом случае? Я могу просто заново снова подать сейчас отчет 240 за 2023 год, корректно заполнив все поля? Или это должна быть какая-то специальная форма-пояснение к уже поданному ранее отчету?

Ալլա․

Բարև ձեզ։ Եթե պետական ոչ առևտրային հաստատությունը շինարարական աշխատանքների գնում է իրականացնում, որը պետության կողմից տրամադրված սուբվենցիայի հիման վրա է ֆինանսավորվում։ Նման դեպքում կապալառու կազմակերպությունը ԱԱՀ ազատվածի հաշիվ է դուրս գրում, թե՞ կապալառու կազմակերպության համար ֆինանսավորման աղբյուրը կապ չունի, ինքը սովորական հարկային հաշիվ է դուրս գրում։

Ռիմա․

Բարև Ձեզ։ ՀՀ-ում գործունեություն իրականացնող ԱՁ-ն Գերմանիայի կազմակեպության հետ ունի պայմանագիր, ըստ որի Գերմանիայի կազմակեպությունն իրեն մատուցում է ծրագրավորման ծառայություն, մասնավորապես ծրագրային թեստավորում, փաստաթղթաշրջանառություն, այդյո՞ք այս դեպքում հնարավոր է առաջանա ոչ ռեզիդենտի շահութահարկ, կամ լրացուցիչ այլ հարկեր ոչ ռեզիդենտի համար։

Նելլի․

Բարև ձեզ։ Ընկերությունը գնել է iPhone բջջային հեռախոսներ, կասե՞ք խնդրում եմ՝ մաշվածությունը քանի՞ տարի է։ Շնորհակալություն։

Կիմա․

Բարև ձեզ, հարգելի մասնագետներ, խնդրում եմ ասեք. 

Դպրոցի աշխատակիցը 31.12.2024թ․ -27.01.2025թ․  բերել է անաշխատունակության թերթիկ, աշխատանքի ներկայանալ 28.01.2025թ, սակայն 26.01.2025թ․ նորից վատացել է ու մինչ օրս գտնվում է հիվանդանոցում։ Հիվանդանոցից չի բերել անաշխատունակության թերթիկ, միայն տեղեկանք, որ բուժվում է այս հիվանդանոցում։

Հարցս հետևյալն է․ աշխատակցին պետք է ազատել աշխատանքից, արդեն 3 ամիս չի ներկայացել աշխատանքի (ասեմ, որ առաջին բյուլետենը վճարվել է, եթե բերի բյուլետեն՝ կվճարվի նաև վերջին երկու ամիսը)։ Շնորհակալություն։ 

Ասյա․

Բարև Ձեզ, խնդրում եմ ասացեք, եթե աշխատողը ցանկանում է աշխատի ոչ լրիվ աշխատաժամանակով և դիմում է ներկայացրել, գործատուն էլ համաձայն է, ի՞նչ ընթակարգ է պետք անել։ Հրաման, համաձայնագիր, և աշխատավարձը ինչպե՞ս ճիշտ գրել։ Եթե նա հիմա ստանում է 270 000 հազար, ապա պե՞տք է կիսել 135 000 հազար։

Ելենա․

Բարև ձեզ։

Դասավանդում եմ, ինչպես նաև զբաղվում ֆրիլանս աշխատանքով։

Ցանկանում եմ բացել ԱՁ ։ Ի՞նչ քայլեր պետք է ձեռնարկեմ անմիջապես դրանից հետո, եթե ամսական եկամուտները մինչև 1 000 000 դրամ են։

Ի՞նչ հարկեր պետք է վճարեմ և ինչպե՞ս։

Աիդա․

Տարբեր գործատուների մոտ աշխատելիս, շաբաթական 48 ժամ սահմանաչափ կա՞։

Համլետ․

Բարև Ձեզ, ընկերությունը զբաղվում է իր սեփական տարածքները վարձակալության տալով։ Արդյո՞ք ընկերության կողմից վարձակալներին տրամադրված հոսանքի, գազի և ջրի համար ներկայացված հաշիվները կդիտվեն որպես չլիցենզավորված գործունեություն։

Շուշանիկ․

Բարև ձեզ, հարգելի հաշվապահներ: Ֆիզիկական անձի համար ապրանքներ պետք է մատարկարվի, հարկային հաշվով, բայց նախօրոք կանխիկ վճարում է կատարել 93 000 դրամ, որի դիմաց տրվել է կանխիկ մուտքի օրդեր, որի նպատակ դաշտում նշվել է կանխավճար մարտարկարվող ապրանքի դիմաց: Հարց՝ արդյո՞ք դա օրենքի խատում չի, քանի որ 300 000 դրամը չի գերազանցում: Կանխավ շնորհակալ եմ։

Լիլիթ․

Բարև ձեզ: Խնդրում եմ կարող ե՞ք ինձ օգնել հետևյալ գործառույթների ձևակերպումները տալ:

1. Անհատույց՝ որպես շնորհ ստացվել են ոչ նյութական ակտիվներ 200 000 դրամ:

2. Դուրս է գրվել լուծարված շենքի կուտակված մաշվածությունը 1 200 000 դրամ.

3. Հաշվարկային հաշվից վճարվել են շահաբաժիններ բաժնետերերին 3 000 000 դրամ:

4. Դուրս է գրվել լուծարված շենքի հաշվեկշռային արժեքը 3 800 000 դրամ:

5. Նախորդ տարվա շահույթի հաշվին ավելացվել է կանոնադրական կապիտալը 4 000 000 դրամ:

6. Կազմակերպությունում օգտագործվող հեռուստացույցը անհատույց հանձնվել է դպրոցին 70 000 դրամ:

7. Գույքագրման ժամանակ հայտնաբերվել է պատրաստի արտադրանքի պակասորդ 560 000 դրամ:

8. Հաշվարկային հաշվում ստացվել է հասույթը արտադրանքի վաճառքից 40 000 000 դրամ:

9. Պահուստային կապիտալի հաշվին ավելացել է կանոնադրական կապիտալը 3 000 000 դրամ:

10. Գույքագրման ժամանակ հայտնաբերված երկարաժամկետ օգտագործման գործիքների պակասորդը դուրս է գրվել հաշվեկշռային արժեքով 4 800 000 դրամ:

Նարեկ․

Բարև Ձեզ։ Հարցս հետևյալն է. կազմակերպությունը զբաղվում է սպասարկման ծառայություն մատուցելով, լինում են դեպքեր, երբ բացի սպասարկելը անհրաժեշտ է լինում տեղադրել ինչ-որ դետալներ, շարժիչ և այլն, նման դեպքում նյութերը գնում է այլ կազմակերպությունից և տեղադրում է իր կողմից սպասարկվող կազմակերպությունում, կազմվում է կատարողական ակտ՝ նշելով նյութերի գինը և աշխատանքը։ Հարցս հետևյալն է՝ ի՞նչ հաշիվ պետք է դուրս գրել. 1. ծառայություների մատուցման հաշիվ՝ նշելով կատարողական ակտի ընդհանուր գումարը, թե՞ առանձին հաշիվներ՝ մեկը ապրանքների մատակարարման, մյուսը՝ աշխատանքի/ծառայությունների մատուցման հաշիվ։

Նազելի․

Բարև Ձեզ։ Խնդրում եմ պատասխանել հետևյալ հարցերին․

1․ Նոր գրանցված ՍՊԸ (ԱԱՀ-ով հարկվող) հիմնադիրն ու տնօրենը նույն անձն է, կարո՞ղ է որպես ֆիզիկական անձ փոխառություն տալ ՍՊԸ-ին առաջիկա ծախսերի համար մինչ գործունեությամբ շահույթ ստանալը։

2․ ՍՊԸ-ն ի՞նչ տեսակի հաշվետվություններ պետք է ներկայացնի հարկային մարմին, հնարավորության դեպքում խնդրում եմ նշել թվերով։ Շնորհակալություն։

Գալյա․

Բարև ձեզ։ Կասե՞ք՝ ի՞նչ հարկատեսակով է հարկվում միջպետական ուղևորափոխադրումները միկրոավտոբուսներով։

Վահե․

Աշխատանքային ստաժը փորձաշրջանի՞ հրամանից է հաշվարկվում, թե՞ հիմնական հրամանից։

Լիանա․

Ընկերությունը վարձակալել է հողատարածք և վրան շինություն է կառուցել որպես խանութ։ Ստացել է բետոնի և ծառայությունների մատուցման հաշիվներ։ Խնդրում եմ տալ հաշվապահական ձևակերպումներ։

Գոհար․

Բարև Ձեզ։ Եթե ոչ ռեզիդենտ կազմակերպությանը կատարվել է վճարում Դոմենի համար, ապա դրա համար մատակարարի անունից հարկային հաշիվ գրվու՞մ է, թե՞ ոչ։

Գևորգ․

Կազմակերպությունը, համաձայն հրապարակային պայմանագրի, իրականացնում է երաշխիքային սպասարկում և անհատույց փոխարինում է շարքից դուրս եկած դետալը։ Խնդրում եմ ասել հաշվապահական ձևակերպումները։

Սերգեյ․

Բարև Ձեզ, ՍՊԸ-ն ցանկանում է պատվիրել աշխատանքներ ֆիզանձ Բելառուսի քաղաքացուց, որը բնակվում է Սերբիայում և Հայաստանում որևէ կարգավիճակ չունի: Քանի որ աշխատանքները կատարվում են պետական դրամաշնորհի շրջանակում Հայաստանում իր աշխատանքները համարվում են «աշխատավարձ»: Այստեղից հարց է ծագում՝ պետք է ՀՀ-ում վճարվի եկամտային հարկը, հաշվի առնելով կրկնակի հարկման ռեժիմի առկայությունը։ Թե՞ պետք է վճարվի ամբողջ գումարը ու պահվի միայն դրոշմանիշային վճարը։ Կանխավ շնորհակալություն պատասխանելու համար:

Արման․

Եթե ՍՊԸ մասնակցի կողմից ստացված շահաբաժինը ներդրվում է ընկերության կանոնադրական կապիտալում, ապա այս շահաբաժնի մասով վճարված եկամտային հարկը կարող է վերադարձվել։ Ինչպե՞ս է այդ վերադարձն իրականացվում։ Խնդրում եմ նկարագրել քայլերը։ Շնորհակալություն։

Սյուզի․

Բարև Ձեզ։ Եվրոպական երկրում իրականացվել է միջոցառում, արդյունքում եվրոյով վճարում է կատարվել կազմակերպությանը, տվյալ եռամսյակի համար պե՞տք է ներկայացվի ոչ ռեզիդենտի շահութահարկի հաշվետվություն։ Եվ ստացած գումարից պե՞տք է վճարվի շահութահարկ։ Շահութահարկի գումարը կարո՞ղ եմ ներկայացնել նշված միջոցառման հետ կապված ծախսերը նվազեցնելուց հետո զուտ շահույթի 18 տոկոսի չափով, թե՞ այլ կերպ է հաշվարկը լինում այս դեպքում։

Գոհար․

Բարև Ձեզ։ Ես ուզում եմ իմանալ՝ արդյո՞ք կենսաթոշակ ստանալիս հաշվի է առնվում նաև Ռուսաստանի աշխատանքային ստաժը։

Տաթև․

Բարև Ձեզ, խնդրում եմ ասեք՝ ի՞նչ է հարկավոր էլեկտրոնային ՀԴՄ ձեռք բերելու համար, օնլայն ծաղիկի խանութի համար։

Անուշ․

Բարև ձեզ։ Եթե ես ունեմ ժամանակավորապես դադարեցված ԱՁ, ի՞նչ փաստաթղթեր է անհրաժեշտ մայրության նպաստ ձևակերպելու համար։ Եվ ի՞նչ ժամանակահատվածում է նստում գումարը։

Արևիկ․

Բարև Ձեզ։ ՀՀ ռեզիդենտ կազմակերպությունը վաճառում է ոչ ռեզիդենտին (Ղազախստանի ռեզիդենտին) իր ստեղծած ոչ նյութական ակտիվները՝ ֆիլմեր, սցենարներ: Ի՞նչ հարկեր են առաջանում ՀՀ ռեզիդենտի մոտ ՀՀ-ում, բացի շահութահարկից։

Նաև հետաքռքրում է հակառակ գործարքը։ ՀՀ ռեզիդենտ կազմակերպությունը գնում է ոչ նյութական ակտիվ՝ ֆիլմի սցենար, ոչ ռեզիդենտ կազմակերպությունից (ՌԴ ռեզիդենտ)։ Ի՞նչ հարկեր են առաջանում ՀՀ ռեզիդենտ կազմակերպության մոտ ՀՀ-ում։

Անի․

Բարև ձեզ։ ԱՁ-ն, որը աշխատում է ԱԱՀ-ով (պատահական է հայտնվել հարկման ընդհանուր համակարգում, քանի որ շրջ․ հարկի հայտարարության ժամկետը բաց է թողնվել) մտադրություն ունի կասեցնելու գործունեությունը՝ ՍՊԸ գրանցելու և նույն գործունեությունը շարունակելու նպատակով: ԱՁ-ն ունի որոշ սարքավորումներ, որոնք պետք է տեղափոխվեն ՍՊԸ, բացի այդ կա տարածք, որը ԱՁ-ի սեփականությունն է: Արդյո՞ք հնարավոր է անհատույց օգտագործման պայմանագրով տարածքը տրամադրել ՍՊԸ-ին, և արդյո՞ք որևէ հարկ կառաջանա։ Սարքավորումների տեղափոխման հետ կապված կհուշեք տարբերակներ՝ առավել նպաստավոր հարկային տեսանկյունից: Կանխավ շնորհակալ եմ:

Անի․

Բարև Ձեզ, խնդրում եմ պատասխանել՝ եթե ֆիզ. անձը իրեն պատկանող գույքը (նպատակային նշանակությունը՝ հասարակական), որը մինչ այդ տրված էր վարձակալության, վաճառում է, ի՞նչ հարկային պարտավորություններ կառաջանան: