Օտար երկրացիների համար դիվիդենդի հարկը նույն դրույքաչափով է՞։

Մարինե.

Բարև Ձեզ, հարգելի հաշվապահներ: Եթե մարդը աշխատանքի է ընդունվել 2021թվականի հունվարի 08-ին և նա աշխատանքից ազատվում է 2022թվականի փետրվարի 11-ից: Նրան տրվել է 20 աշխատանքային օր տևողությամբ ամենամյա արձակուրդ` 08.01.2021-08.01.22թթ. համար և միաժամանակ տվյալ ժամանակահատվածի համար նրան տրվել է մեկ ամիս իր հաշվին չվճարվող արձակուրդ: Խնդրում եմ ասեք` նրան տրվու՞մ է վերջնահաշվարկ աշխատանքից ազատվելիս 08.01.2022-11.02.2022թթ. համար:

Անուշ.

Բարև ձեզ: Կասեք` եթե ուզում ենք բոլոր աշխատողների պայմանագրերը փոխել, հրամանը պարտադի՞ր է, թե՞ կարող ենք ուղղակի պայմանագիրը կնքել և կարել գործերին:

Սոֆյա․

Հարգելի հաշվապահներ, պե՞տք է արդյոք շրջանառության հարկով աշխատող կազմակերպությունը, որ ժամանակավորապես դադարեցրել է իր գործունեությունը, այս տարվա մինչև փետրվարի 20-ը ներկայացնի հաշվետվություն հարկատեսակի մասով, եթե առաջիկայում չի նախատեսում վերսկսել իր գործունեությունը:

Դիաննա․

Բարև Ձեզ, խնդրում եմ ասեք՝ եթե աշխատողի հիմնական հաստիքը օպերատոր է, և տարիֆիկացիոն ցուցակում ունի նաև դասաժամ, դասղեկություն (այսինքն լրացուցիչ վարձատրություն), սակայն աշխատանքային ստաժը 10 տարվա փոխարեն գրված է 9-ը տարին, դա կարո՞ղ ենք նույն ձև թողնել և փոխել հաջորդ տարվա տարիֆիկացիոն ցուցակի մեջ։ Խնդրում եմ նաև պատասխանեք՝ փոփոխություններ աշխատավարձի հետ կապված կա՞ն, եթե 9 տարի է գրված։ Շնորհակալություն։

Մարինե․

ՀՀ աշխատանքային օրենսգրքի 109 հոդվածի 1-ին մասի 9 – րդ կետով՝ 9) աշխատանքի էական պայմանները փոփոխվելու դեպքում, եթե աշխատողի հետ անմիջապես կնքվում է նոր պայմանագիր՝ այլ պաշտոնով, աշխատավարձով և գրաֆիկով, այս դեպքում արձակման նպաստ պե՞տք է վճարի գործատուն, թե ոչ։

Սյուզաննա․

Բարև ձեզ։ Եթե տվյալ աշխատողի երեխան ծառայում է ՀՀ ԶՈւ, ապա հնարավո՞ր է՝ ետ վերադարձնեն մեկ տարվա դրոշմանիշի գումարը։

Գոհար.

Բարև ձեզ: Կխնդրեի օգնել` ցեսիայի պայմանագրի հիման վրա կատարվող գործարքի հաշվապահական ձևակերպումների հարցում: Կանխավ շնորհակալություն:

Արմեն

Բարև Ձեզ։ Կարելի՞ է աշխատել դպրոցում համակարգչային օպերատոր, /0,5 դրույք/ և ուսուցիչ` 14 դասաժամ ծանրաբեռնվածությամբ։

Կատարինե.

Բարև Ձեզ: Եթե ՍՊԸ նոր է բացվել և ունի երկու հիմնադիր (50-50), բայց հիմնադիրներից մեկը հանրապետությունում չի, մյուս հիմնադիրը ցանկանում է գործունեությունը դադարեցնել: Կնշե՞ք քալյլերը:

Աննա.

Բարև ձեզ: Կասեք` հղիության որերո՞րդ ամսում է թույլատրվում ընդունվել աշխատանքի, հետո գնալ ֆիզ։

Լուս.

Բարև ձեզ: Կազմակերպության հաստիքացուցակը տարվա սկզբում հաստատվելուց հետո պետք է բոլոր աշխատողների հետ նոր համաձայնագրեր կնքվի, թե՞ միայն փոփոխությունների դեպքում:

Անի․

Բարև Ձեզ, խնդրում եմ պատասխանել այս հարցին. եթե հայրս ունի շրջանառության հարկով աշխատող ՍՊԸ, որտեղ համահիմնադիր տնօրեն է, և կա դադարի մեջ գտնվող մեկ այլ ՍՊԸ, որտեղ համահիմնադիր է մայրս, իսկ հայրս՝ գործադիր տնօրեն, բայց առանց 20 տոկոս մասնակցության, հիմա այս դեպքը համարվու՞մ է փոխկապվածություն, և եթե հայրս ազատվի գործադիր տնօրենի պաշտոնից, և գործադիր տնօրեն դառնամ ես, էլի 2 ՍՊԸ-ները կհամարվե՞ն փոխկապակցված։

Անի․

Բարև ձեզ։
Եթե աշխատողի պաշտոնը փոխվել է անցյալ տարվա մարտի 1-ին և մինչև հիմա չի փոխվել հարկայինի էջում, ինչպե՞ս պետք է վարվել, կարելի՞ է հիմա փոխել հետին ամսաթվով։

Լիլիթ․

Բարև Ձեզ։ Աշխատողը ընդունվել է փոխարինող 10.01.2022թ, ազատվել 11.02.2022թ., աշխատում է համատեղությամբ: Խնդրում եմ ասեք՝ վերջնահաշվարկ հասնու՞մ է և ինչպե՞ս պետք է հաշվել: Կանխավ շնորհակալություն։

Ռազ․

Բարև ձեզ։ Ֆինանսական հաշվետվություն Ձև 1 (բալանսը) նոր հաշվային պլանով լրացման կարգը կարո՞ղ եք ուղարկել։

Մանե.

Բարև ձեզ: Ունենք աշխատող, որը գնալու է ֆիզ., հարցս հետևյալն է. կարո՞ղ է մինչև երեխայի ծնվելը աշխատի, թե՞ ոչ:

Կիմա.

Բարև ձեզ։ Ես աշխատում եմ համատեղությամբ։ Երկու աշխատավայրից էլ դրոշմանիշային վճա՞ր է պահվում՝ 6 000 դրամ։ Կասե՞ք՝ ճիշտ է, թե՞ ոչ։

Ան.

Բարև ձեզ: Կասե՞ք՝ շրջ. հարկով աշխատող ԱՁ-ն ինչպե՞ս հաշվարկի շրջանառությունը, եթե ունի օրական 1 000 000 հասույթ և 1 500 000-ի գնում, ինչպես նաև այն դեպքը, երբ գնումը 500 000 է: Շնորհակալություն նախապես:

Անահիտ.

Բարև ձեզ: Անվտանգության տեխնիկայի անձնական գրքույկի օրինակ կա՞:

Լուսինե.

Բարև Ձեզ: Ինձ հետաքրքիր է` ինչպիսի՞ կարգավորումներ են գործում ՀՀ-ում կրիպտոարժույթի թողարկման (mining) վերաբերյալ:
1. Արդյո՞ք համարվում է ձեռնարկատիրական գործունեություն, թե՞ ուղղակի ֆիզ. անձը կարող է տարվա վերջում եկամուտ հայտարարագրել:
2. Ի՞նչ հարկեր է անհրաժեշտ վճարել:

Շնորհակալ եմ ցանկացած տեղեկատվության համար:

Sofa.

Բարև ձեզ։ Կասեի՞ք՝ գործատուի միջոցներին որքանը գրեմ, պետ. բյուջեինը որքանը՝ եկամտային հարկի 189 հաշվետվության մեջ հիվանդության նպաստի հաշվարկը, եթե անաշխատունակության թերթիկում 22.12.2021-05.01.2022թթ. նշված աշխատավարձը 60 000*12, աշխատանքայի՞ն օր են հաշվում, թե՞ օրացուցային։

Հասմիկ.

Լրավճարի մաքսիմալ սահմանը ինչքա՞ն է։

Կարեն․

Բարև Ձեզ։ Տարբեր հայտնի բրենդերի վաճառքը լեգա՞լ է առանց բրենդերի ներկայացուցիչների համաձայնության։ Այսինքն՝ վերավաճառքը, քանզի շատերն են նման գործունեությամբ զբաղվում և անգամ գրանցված ԱՁ կամ ՍՊԸ-ներ են, և կա՞ արդյոք տարբերություն տվյալ գործունեությունը օնլայն և օֆլայն անելու միջև։ Շնորհակալություն:

Անյա.

Բարև ձեզ: Եթե աշխատակիցը նոր է ընդունվել աշխատանքի և որոշ ժամանակ անց հիվանդացել և հիվանդաթերթիկ է ներկայացրել, այդ օրերի համար գումար ստանալու՞ է, եթե մեկ ամիսը դեռ չի լրացել աշխատելու:

Սեդա Հախվերդյան.

Բարև Ձեզ: Խնդրում եմ ինձ ասեք` Բելառուսից պետք է ապրանք ներմուծվի, բեռնափոխադրումը կատարելու են իրենք: Հիմա ֆրախտի դիմաց ստացված եկամտից եկամտային հարկ վճարելու՞ ենք, թե՞ ոչ, այդ հոդվածը գործում է, թե՞ ոչ:

Մելանյա.

Հարգելի հաշվապահներ, ՍՊԸ-ին պատկանող անշարժ գույքը կադաստրի կոմիտեում սեփականության վկայականով գրանցված է 2006թ.-ից: Քանի որ գործունեությունը դադարեցված է եղել կամ աշխատել է ոչ լրիվ տարի, հիմնական միջոցի համար մաշվածություն չի հաշվարկվել: Նշեմ, որ գույքը միշտ տրվել է վարձակալության: Խնդրում եմ` օգնեք տալ ճիշտ ձևակերպում 31.12.2021թ.-ի դրությամբ:

Սոնա.

2021թ. ՍՊԸ-ն պետության կողմից ստացել է դրամաշնորհ` մրցույթով: Արդյոք այդ դրամաշնորհ պե՞տք է արտացոլեմ 240 ձև-ում և ո՞ր կետում:

Նարեկ.

Բարև Ձեզ: Հարկային օրենսգրքում կա Հայաստանի Հանրապետությունում հաշվառված մշտական հաստատություն չունեցող ոչ ռեզիդենտ կազմակերպություն հասկացությունը։ Եթե ոչ ռեզիդենտ կազմակերպությունը ՀՀ-ում մշտական հաստատություն չունի` ինչպե՞ս կարող եմ իմանալ ՀՀ-ում հաշվառված է, թե՞ ոչ:

Տիգրանուհի.

Բարև Ձեզ: Կներեք` եթե ՍՊԸ (հասարակական սննդի օբյեկտ է) փակվում է, արդյո՞ք վերջնահաշվարկ արվում է։ Նախապես շնորհակալություն։

Անյա.

Բարև ձեզ: Աշխատակցին պետք է գրանցել, բայց Իրանի անձնագիր ունի։ Հայկական անձնագրի ժամկետը 2 տարի է լրացել է, բայց ունի սոցիալական քարտ։ Կարո՞ղ եմ իրանական անձնագրով գրանցել:

Նարեկ.

Արդյոք պարտադի՞ր է “ՍՊԸ” հիմնադիրներին շահաբաժին հայտարարելը և վճարելը:

Կարինե.

Բարև Ձեզ: Հեռավար աշխատանքի անցնելու հրամանի և համաձայնագրի ձև կարո՞ղ եք տրամադրել: Կանխավ շնորհակալություն:

Բարև ձեզ: Ինձ կարո՞ղ եք խորհուրդ տալ արձակուրդի հաշվարկման հետ կապված։ Եթե աշխատողն ընդունվել է աշխատանքի մայիսից, նոյեմբերին գնացել է արձակուրդ, 2022թ. հունվարի 3-15 նորից գնացել է, ընդհանուր թիվը բաժանում եմ 12-ի՞, թե՞ 8-ի, թե՞ 7-ի, հետո բաժանում 25 ու բազմապատկում 12-ի՞:
Եվս մեկ հարց. եթե աշխատողը գտնվել է արձակուրդում 3-15.01.2022թ., հունվարի 6-ը ոչ աշխատանքային օր է, աշխատողը գտնվել է 11՞, թե՞ 12-օրյա արձակուրդում:

Անի.

Մայրության նպաստի գումարը ամենաքիչը ինչքա՞ն պետք է լինի մաքուր։

Մովսեսյան Անահիտ.

Խնդրում եմ օգնեք` գրած հաշվի մեջ եղած որոշ ապրանքներ վերադարձ անեմ:

Արփինե.

Բարև Ձեզ: Խնդրում եմ օգնեք մի հարցում. ԱՁ ցանկանում է բեռնափոխադրումներ կատարել ֆիզիկական անձանց համար, ՀՀ-ից ՌԴ և հակառակը: Ի՞նչ քայլեր են հարկավոր դրա համար, միայն լիցենզիա ստանա՞լ, կարո՞ղ է աշխատել միկրոհամակարգում և այդ դեպքում հաշիվ ինչպե՞ս է դուրսգրում։

Թամարա.

Հարգելի հաշվապահներ, ասացեք խնդրեմ` ռեստորանի համար հդմ կտրոններով ձեռք բերված ապրանքների գումարը կարո՞ղ եմ ծախս ճանաչել և նվազեցնել շրջհարկը, թե՞ ոչ: Շնորհակալություն:

Գայանե.

Ինչպե՞ս են որոշում հիմնական միջոցի պիտանելիության ժամկետը, օրինակ` գրասեղանը ձեռք է բերվել 1998թ., 2018թ. կատարվել է վերագնահատում: Ինչքա՞ն պետք է սահմանել նրա պիտանելիության ժամկետը:

Մանե.

Բարև Ձեզ: Աշխատողը գնացել է ֆիզ 27.07.2021թ-ին, անաշխատունակության թերթիկում նշված է սկզիբը 27.07.21, վերջը` 13.12.21թ., այնուհետև դրան ավելացվել է 15 օր բյուլետեն, որն ավարտվել է 29.12.21թ-ին։ Գրանցման հայտով ֆիզի ավարտը նշում եմ բյուլետենի ավարտը, թե՞ ոչ:

Նարեկ.

Ի՞նչ հաշվետվություններ է ներկայացնում “ՓԲԸ”-ն, որը գործում է ընդհանուր հարկման համակարգում:

Սոնա.

Բարև Ձեզ, հարգելի հաշվապահներ։ Հարցս հետևյալն է. ֆիզ. անձը, հանդես գալով որպես վարձատու, բնակարանը տվել է վարձով 2021թ.` օրենքի սահմաններում պայմանագիր կազմելով։ Շուրջ 1 տարի ստացել է եկամուտ։ Մինչ օրս չի ստացել որևէ ծանուցում հարկ չվճարելու հետ կապված։ Հիմա ուզում եմ հասկանալ` արդյո՞ք որևէ խնդիր կառաջանա այս առումով։ Վարձատուն պարտավո՞ր է հետաքրքրվել և իմանալ, թե ինչ հարկ պետք է վճարի, թե՞ պետք է ծանուցվի համապատասխանաբար։ Եթե այո, ապա տարածքային հարկային մարմի՞ն պետք է դիմել։ Եթե հնարավոր է` տեղադրեք օրենքից հղում, թե ինչքան հարկ է առաջանալու և վճարման կանոնների հետ կապված։

Անահիտ Եփ․

Բարև ձեզ հարգելի հաշվապահներ, ընկերությունը ցանկանում է տեղադրել վճարային տերմինալներ, սուրճի ապարատներ, կասե՞ք խնդրեմ՝ ի՞նչ հարկատեսակով են հարկվում այդ գործունեությունները։

Սոֆյա․

Ասացեք խնդրեմ, արդյո՞ք 2022թ-ի համար կան նոր փոփոխություններ՝ կապված ՀԿ-ի հաշվետվությունների հետ: Պե՞տք է արդյոք ՀԿ-ն, որ 2021թ-ին ժամանակավորապես դադարեցրել է իր գործունեությունը, շահութահարկով հարկվելու հաշվետվություն տա մինչև փետրվարի 20-ը:

Gegham Bagrazyan.

ՀՈԱԿ-ը աղբահանության իրականացնելու համար լիցենզիա ստանալու համար կնքել է պայմանագիր փորձաքննություն իրականացնող կազմակերպության հետ 1 800 000 գումարի չափով 2021թ-ի հոկտեմբերին, բայց աշխատանքների մի մասն է ավարտել, և չի կազմվել ակտ, չեն ներկայացրել հաշիվ ապրանքագիր, չնայած մենք կանխավճար ենք փոխանցել 2021-ի հոկտեմբերին 900 000դրամ, խնդրում եմ օգնեք․ կարո՞ղ են արդյոք 2022թ-ի փետրվարին հաշիվ ներկայացնել՝ մատակարարման ամսաթիվը 2021թ-ի դեկտեմբերով, և ի՞նչ չափով կարող ենք ծախսագրել 2021թ-ով։

Սիրուն․

Բարև ձեզ։ Եթե նույն հիվանդության համար մեկ շաբաթ անց բացվում է երկրորդ բուլեյտենը, դա արդյո՞ք ենթակա է վճարման, թե՞ ոչ։

Լիկա.

Բարդ ձեզ: Ինչպե՞ս լրացնել վիճակագրական հաշվետվությունը, ԵԱՏՄ ներմուծում է։

Արմինե.

Բարև ձեզ: Եթե սկսնակ աշխատողը չի կատարել կամ թերի է կատարել իր աշխատանքը (հաշվապահություն), բայց կազմակերպությունը չի կրել նյութական վնաս՝ միայն բացակա կամ թերի թղթաբանություն և հետագայում ստումգումների արդյունքում բացահայտվում է ու տվյալ անձին տուգանում կամ այլ պատասխանատվության են ենթարկում (իր անունով սեփականություն չունի): Ինչպե՞ս են վարվում, կա՞ պատասխանատվության որոշակի գումարային շեմ կամ մեղմացուցիչ հանգամանք։

Աննա.

Բարև Ձեզ: Ընկերությունը պետությունից ժամանակավոր օգտագործման նպատակով պիտի ստանա շինություն: Ի՞նչ փաստաթղթեր են անհրաժեշտ դասավորել, որպեսզի կատարված ծախսերը հիմնավորված լինեն և ապագայում խնդիրներ չունենանք հարկայինի հետ:

Նարեկ.

Բարև Ձեզ: Միկրոձեռնարկատիրության (կամ (միկրոբիզնեսի) վերաբերյալ ինչ-որ տեղեկատվություն կամ օրենսդրության հղում կուղարկե՞ք: