Նելլի․

Բարև ձեզ։ ԵՏՄ-ից ներմուծվել է հիմնական միջոց և պազվել է, որ սխալ ՀՄ է, պետք է ետ վերադարձվի: Ի՞նչ ընթացակարգով է կատարվում այդ վերադարձը: Կանխավ շորհակալ եմ:

Բարև Ձեզ, հարգելի հաշվապահներ։ Եթե ստորագրել եմ հարկային հաշիվ, որը չպիտի ստորագրեի, ի՞նչ կարող եմ անել։

Արթուր․

Բարև ձեզ, խումբ։ Խնդրում եմ կիսվել ձեր փորձով․ ԱՁ-ն աշխատում է ԱԱՀ-ի դաշտում։ ԱՁ-ի հիմնադիրը ցանկանում է իր անձնական մեքենան ԱՁ-ի օգտագործման հանձնել։ Խնդրում եմ ասել՝ ինչպե՞ս է պետք ճիշտ ձևակերպել մեքենան, որպեսզի հնարավոր լինի ծախսագրել վառելիքը։

Սեդա․

Բարև Ձեզ։ Շրջանառության հարկով աշխատող ՍՊԸ-ն տարածք է տվել վարձակալության Ա/Ձ-ին, նվազագույնը որքա՞ն վաձավճար պետք է սահմանվի և որքա՞ն եկամտային հարկ պետք վճարվի:

Էլեն․

Բարև Ձեզ։ Կազմակերպությունն իր աշխատակիցներին, բացի աշխատավարձի վճարումից, որպես փոխհատուցում տրամադրում է նաև միջազգային շուկայում ցուցակված իր արժեթղթերը, որոնք ժամանակի ընթացքում աշխատակիցները վաճառում են և ստանում եկամուտ։ Արդյո՞ք այդ եկամուտը հարկվում է։ Եթե հարկվում է, ապա այստեղ կիրառում ենք 10% դրույքաչափ, թե՞ դիտարկում որպես աշխատավարձի տարր և հարկում նաև 5% սոց․ վճար և դրոշմանիշային վճար։ Շնորհակալություն։

Մուշեղ․

Հարգելի փորձագետներ, խնդրում եմ օգնեք ինձ պարզաբանել հետևյալ հարցը.

Եթե ​​անհատն իր մեքենայով ԵԱՏՄ երկրից ներմուծում է անձնական օգտագործման ապրանքներ, ապա նա պարտավո՞ր է ԱԱՀ վճարել յուրաքանչյուր ապրանքի համար, թե՞ միայն այն ապրանքների համար, որոնք գերազանցում են 2020 ԹՎԱԿԱՆԻ ՓԵՏՐՎԱՐԻ 13-Ի N 171-Ն որոշման մեջ նշված թույլատրելի սահմանը։ Կանխավ շնորհակալ եմ։

Գոռ․

Բարև Ձեզ։ Ես ֆիզիկական անձ եմ, ով եկամուտ է ստանում տոկոսներով իմ պատրաստած 3D դիզայնի մոդելի հեղինակային իրավունքից։ Կարո՞ղ է սա համարվել ռոյալթի, և որքա՞ն հարկ պետք է վճարեմ դրա համար:

Հայկ․

Բարև Ձեզ: Վերջերս ինչ-որ հարթակում լսել եմ, որ միևնույն կազմակերպությունում չեն կարող աշխատել ընտանիքի անդամներ, հարազատներ, երբ ի պաշտոնե մեկը մյուսի ենթական է: Աշխատանքային օրենսգրքում չգտա համապատասխան հոդվածը: Խնդրում եմ ուղղորդել՝ արդյո՞ք դա այդպես է, և ո՞ր հոդվածն է:

Տարոն․

Բարև ձեզ։ Ես ցանկանում եմ արտադրություն սկսել, առայժմ փոքրիկ, շինարարական դույլ, բահ, սայլակ և այլ մանրուք արտադրել և խանութներում վաճառել։ ԱՁ չունեմ, որ խնդրեմ՝ քայլ քայլ կբացատրեք՝ ի՞նչ է ինձ հարկավոր, և ի՞նչ վճարումներ պետք է կատարել, նախապես շնորհակալ եմ։

Վահան․

Բարև ձեզ, հարգելի հաշվապահներ։ Ուզում եմ իմանալ՝ եթե հանդիսանում եմ ՀԿ-ի տնօրեն, արդյո՞ք պետք է անձնական հաշիվներս հայտարարագրեմ, թե՞ ոչ։ Նախապես շնորհակալ եմ։

Աննա․

Բարև Ձեզ։ Հարգելի մասնագետներ, Ձեր օգնության կարիքը ունեմ։

Հարց 1. Կարո՞ղ եմ միաժամանակ զբաղվել հրուշակեղենի, չրերի և շոկոլադի արտադրությամբ , մեկ ձևակերպմամբ։
Հարց 2. Ի՞նչպես գրանցվել, որպեսզի ճիշտ լինի, ԱՁ, թե՞ միկրոձեռնարկություն (գյուղաբնակ)։
Հարց 3. Նպատակն է աշխատել սուպերմարկետների ցանցի հետ։ Ի՞նչ հարկային պարտավորություններ կարող են առաջանալ ընթացքում։
Հարց 4. Սեփական տան առաջին հարկում կթույլատրվի նման գործունեություն ծավալել, եթե պահպանվի սանիտարահիգենիկ պայմաները , և այս ամենը երկար գործընթաց է, ընթացքում ի՞նչ բարդություններ կարող են առաջանալ։ Կանխավ շնորհակալություն։

Նարեկ․

Կազմակերպությունը վարկ է վերցնում բանկից։ Վարկը փոխանցվում է ուրիշ կազմակերպության որպես կանխավճար։ Այդ կազմակերպությունը ապրանքը բերում և մուտքագրվում է կազմակերպություն։ Դրանից հետո փակում ենք բանկի վարկը։ Խնդրում եմ գրել հաշվապահական ձևակերպումները։

Ծովինար․

Բարև Ձեզ: Կարո՞ղ եմ արդյոք փոխել ընկերության գործունեության հասցեն պետ․ ռեգիստրում առցանց տարբերակով, առանց այցելության:

Արման․

Հարգելի գործընկերներ, ֆիզ․ անձը ԱԱՀ վճարող համարվող շինարարական կազմակերպությունից վարձակալությամբ վերցրել է բեռնատար մեքենա մի քանի ամիս ժամկետով։ Կազմակերպությունը ֆիզ․ անձի անունով հարկային հաշիվը ե՞րբ պետք է դուրս գրի՝ ամսական կտրվածքով, թե՞ վարձակալության ժամկետի վերջում։ Շնորհակալություն։

Սոֆյա․

Բարև Ձեզ։ Հարգելի հաշվապահներ, աշխատակիցը 5 ամիս գտնվել է երեխայի խնամքի արձակուրդում, սակայն հուլիսի 1-ից իր կամքով վերադարձել է աշխատանքի։ Գործատուն ի՞նչ պահումներ պետք է անի աշխատավարձից, եթե վերջին օրենսդրական փոփոխությամբ աշխատող մայրերը ստանալու են երեխայի խնամքի գումար, արդյո՞ք երեխայի խնամքի նպաստից առանձին պահում է լինելու, ինչպես օրինակ չաշխատելու դեպքում։

Դավիթ․

Բարև Ձեզ։ Ես Ա/Ձ եմ գրանցել և ուզում եմ շինարարության ոլորտում միջնորդական ծառայություն մատուցեմ։ Ավելի պարզ՝ ուզում եմ կազմակերպությունից վերցնեմ շինարարական աշխատանքներ և այդ աշխատանքներտ տալ ուրիշ Ա/Ձ-ի կատարման։ Խնդրեմ ասեք՝ ի՞նչ հարկատեսակով և տնտեսական գործունեության ո՞ր դասակարգիչով կարող եմ աշխատել, և կարո՞ղ եմ կոմիսիոն վճարի չափով հարկեր վճարել։

Հասմիկ․

Բարև Ձեզ։ Պատվիրել եմ անձնական օգտագործման համար իր, մաքսայինը առաքանին պահել է, քանակը թույլատրվածից շատ է (իմ կարծիքով դա է խնդիր առաջացրել), ի՞նչ պետք է անեմ, որպեսզի բեռը ստանամ, և ի՞նչ վճարների հետ է կապված (բեռը 60 յուան է, փոխադրման վճարը 6 500֏)։

Լիլիթ․

Բարև Ձեզ։ Ֆիզիկական անձն ունի իր անունով դոմեն: Արդյո՞ք կարող է այդ դոմենը օգտագործել իր կազմակերպության համար։

Հովհաննես․

Բարև ձեզ։ Ինձ հետաքրքրում է, թե հարկվու՞մ է արդյոք և ինչպե՞ս է հարկվում արտասահմանյան ընկերությունների բաժնետոմսերի առք ու վաճառքի գործունեությունը։ Օրինակ՝ ամերիկյան Nasdaq-ից բաժնետոմսեր, արժեթղթեր գնել-վաճառելուց։

Ռիտա․

Բարև ձեզ։ Ա/Ձ – ն զբաղվում է ծաղիկների մանրածախ առևտրով։ Կասե՞ք՝ ՀԴՄ -ն պետք է անվանացանկով տպվի։ Կասե՞ք՝ ամեն ծաղիկի համար պետք է առանձին անունով տպվի, թե՞ կարող է միայն ծաղիկ գրվել 0603 ԱՏԳԱԱ-ով։

Նունե․

Չէի՞ք ասի՝ ապրանքի փաթեթավորման վրա պարտադիր ի՞նչ տեղեկատվություն պետք է լինի։

Վարդան․

Բարև Ձեզ, հարգելի մասնագետներ: 23.03.23 մինչև 06.09.24 աշխատում եմ ՍՊԸ-ում, գրանցված աշխատավարձս 158 000 է, և ունեմ հասանելիք 1 օր արձակուրդ։ Կխնդրեմ ասեք՝ վերջնահաշվարկս ո՞նց հաշվեմ:

Լամարա․

Բարև ձեզ, սիրելի հաշվապահներ։ Եթե ԱՁ-ն աշխատում է ԱԱՀ-ով, դուրս է գրում հաշիվ, գումարները ստանում է փոխանցումով։ Իր ԱՁ-ի հաշվեհամարի գումարը չի կանխիկացնում, որ չգա դրամարկղ, կարո՞ ղ է փոխանցել իր սեփական, ֆիզիկական անձ քարտային հաշվին ու գնա կանխիկացնի։ Նպատակը ի՞նչ գրել։

Մանե․

Բարև Ձեզ, հարգելի մասնագետներ։ Խնդրում եմ պատասխանել և ուղղություն տալ հետևյալ հարցի շուրջ։ Շրջհարկով աշխատող ՏՏ ոլորտի ԱՁ-ն Կարո՞ղ է աշխատանքային պայմանագիր կնքել Հնդկաստանի՝ ա) ոչ ռեզիդենտ քաղաքացու, բ) ոչ ռեզիդենտ կազմակերպության հետ։

Եթե այո, ապա ի՞նչ փաստաթղթեր են անհրաժեշտ պահանջել ոչ ռեզիդենտից, ի՞նչ դրույքաչափով է հարկվելու, ի՞նչ կարգի պայմանագիր պետք է կնքել։ Խնդրում եմ, եթե կարող եք, ուղարկել պայմանագրի օրինակելի ձև (մեյլը կուղարկեմ)։

Հայկ․

Բարև ձեզ, հաշվապահներ ջան։ Կասե՞ք՝ փաստաթղթայինից ին՞չ է անհրաժեշտ տարածք վարձակալելու համար։ Կանխավ շնորհակալ եմ։

Աննա․

Բարև ձեզ։ Հարգելի հաշվապահներ, շտապ հարց ունեմ. ոչ կանոնավոր ուղևորափոխադրում իրականացնելուց արդյո՞ք ամսական պետ տուրքի վճար այլևս չի վճարում, այլ հարկվում է իր շրջանառությունից: Կանխավ շնորհակալ եմ:

Արսեն․

Բարև Ձեզ։ Որքանով որ պարզեցի՝ մեքենա վաճառելիս ձեռք բերումից 365 օր առաջ և հետո եկամտային հարկի վճարման կարգը չի գործում, պետք է առաջնորդվել ՀՕ 150 հոդվածի 9-րդ կետով՝ այսինքն 10 տոկոս եկամտային հարկ և գործում է դրամարկղային մեթոդը՝ այսինքն եթե վճարվում է մաս մաս, եկամտային հարկը նույնպես վճարվում է մասերով։ Այսպե՞ս է արդյոք, և մյուս հարցը, եթե կազմակերպությունը ֆիզիկական անձից գնել է մեքենա և առք ու վաճառքի պայմանագրում նշված է մեքենայի արժեքը պայմանական 1 մլն դրամ, ապա վաճառողին վճարվում է 909 000 դրամ, իսկ եկամտային հարկը կազմում է 91 000, թե՞ պետք է վճարվի 1 մլն, իսկ հարկը 100 000։ Շնորհակալություն։

Ալլա․

Բարև Ձեզ, հարգելի հաշվապահներ, հարցս հետևյալն է․ ՍՊԸ-ն, որն աշխատում է ԱԱՀ-ի դաշտում, ունի տնտեսական գույք, արդեն տասը տարուց ավելի, այն չի շահագործվում, համարյա մեծ մասը օգտագործման ենթակա չէ։ ՍՊԸ-ն իր գործունեություն անորոշ ժամանակով պետք է դադարեցնի, եթե այդ կահույքը մնացորդային արժեքից շատ ցածր գնով վաճառվի, ԱԱՀ-ը ինչպե՞ս պետք հաշվակվի։ Հանձնաժողով պե՞տք է կազմենք այս դեպքում։

Անի․

Ողջույն, հարգելի մասնագետներ: Ես Անհատ Ձեռներեց եմ, գործունեությունս հետևյալն է. շուկայից գնում եմ միրգ, փաթեթավորում եմ և վաճառում կազմակերպություններին: Հարցը. կարո՞ղ է արդյոք տվյալ գործունեությունը դիտվել իբրև հանրային սննդի հետ կապված գործունեություն:

Ռոզա․

Նորաստեղծ ԱՁ պատրաստվում է արտադրել հրուշակեղեն, և վաճառքը պետք է լինի կայքի միջոցով, առաքումը բացառապես Yandex – ի միջոցով: Կարո՞ղ է ԱՁ աշխատել միկրոյի դաշտում՝ գուրծունեությունը նշելով արտադրություն:

Արման․

ԱՁ-ն, որը աշխատում է միկրոյով և զբաղվում է տուրիստական գործունեությամբ, այս պահի դրությամբ ունի 18 մլն-ի շրջանառություն, որից մոտավոր 8 մլն գոյացել է ավիատոմսերի վաճառքից։ Այդ 8 մլն-ից մոտավորապես 5% է կազմակերպության շահույթը, մնացածը փոխանցվել է ավիաընկերություններին։ Այդ դեպքում միկրոյի 24 մլն-ի հաշվարկի մեջ նկատի ենք ունենում ընդհանուր 8 մլնը, թե՞ մաքուր շահույթը։

Գայանե․

Ողջույն։ Ես ուզում եմ ԱՁ բացել և ունեմ մի քանի հարց։

1. Գրանցման պահի՞ն է որոշվում, թե արդյոք շրջանառության հարկով եմ աշխատելու։

2. Ի՞նչ հարկեր պետք է վճարեմ, և հնարավո՞ր է լրացման ենթակա ձևաթղթերը գտնել առցանց և լրացնել ինքնուրույն՝ առանց հաշվապահի ծառայությունների։

Շնորհակալություն։

Սեյրան․

Բարև ձեզ: Փորձառու հաշվապահի կարիք ունեմ, ով վճարի դիմաց միկրոբիզնեսի հաշվապահություն վարել կսովորեցնի 1-2 օրում։

Աննա․

Բարև Ձեզ: Խնդրում եմ կասե՞ք՝ ինչպե՞ս են նվազեցնում ՍՊԸ-ի կանոնադրական կապիտալը։ Ի՞նչ պետք է անել։

Աննա․

Բարև Ձեզ։ Աշխատակիցը մեկ ամիս է գումար ստացել ու օգտագործում է 2 օր արձակուրդը։ Այս դեպքում ինչպե՞ս է հաշվարկվում արձակուրդայինը։

Սոֆյա․

Բարև ձեզ։ Հարգելի հաշվապահներ, ՍՊԸ-ն զբաղվում է փայտե իրերի արտադրությամբ, հարկատեսակը՝ շրջհարկ 3,5% (ունի լիցենզիա) ։Կարո՞ղ է արդյոք կազմակերպությունը զբաղվել նաև կորիան (ակրիլային) քարով սեղանածածկեր պատրաստելու գործունեությամբ։ Եթե այո, որքա՞ն կլինի հարկը, արդյո՞ք նույն կերպ է հարկվում, և ո՞րն է կորիան (ակրիլային) քարով արտադրության գործունեության ծածկագիրը։

Էլինա․

Բարև Ձեզ, հարգելի գործընկերներ։ Եթե մի X կազմակերպություն մյուս Y կազմակերպությանը տալիս է գումար, որպեսզի այդ Y կազմակերպությունը իր փոխարեն տվյալ գումարը փոխանցի Z կազմակերպությանը, քանի որ ինքը չի կարող փոխանցել սանկցիաների պատճառով, այդ դեպքում դա որպես ի՞նչ կդիտվի Y կազմակերպության համար, և ինչպե՞ս կձևակերպվի։ Նախապես շնորհակալություն։

Սևակ․

Բարև ձեզ։

Զբաղվում ենք անհատական խաղալիքների պատրաստմամբ: Ձեռք ենք բերում կիսապատրաստի տոնածառի խաղալիքը, ներսում տեղադրում ենք հաճախորդի ուղարկած լուսանկարը և առաքում ենք կատարում դեպի բնակարան: Արդյո՞ք սա դիտարկվում է որպես միկրոձեռնարկատիրություն, թե՞ պետք է աշխատել շրջհարկի դաշտում։

Լարիսա․

Բարև Ձեզ, ես ուսանող եմ, մի քանի ձևակերպումներ դժվարանում եմ կազմել, շատ շնորհակալ կլինեմ, եթե օգնեք․

1) Անշարժ գույքի վարձավճարի արտացոլում (ձևակերպում)։
2) Անշարժ գույքի վարձավճարի գծով պարտավորության մարում դրամարկղից։
3) Վարձավճարների գծով ֆիզիկական անձին վճարված եկամուտներից պահված (գանձված) եկամտային հարկիարտացոլում։
4) Տարեկան գույքի մաշվածություն։
5) Հաստոցների մաշվածություն։
6) Համակարգչային տեխնիկայի մաշվածություն։
7) Բեռնատար տրանսպորտային միջոցի մաշվածություն։
8) Փետրվար ամսվա համար ԱրմենՏել ՓԲԸ-ի կողմից ներկայացված հարկային հաշվի համաձայն` հեռախոսակապի գծով ծախսերը կազմում է 32 175 դրամ, ներառյալ ԱԱՀ։ Ըստ կատարված հաշվարկ-տեղեկանքի` 32 175 դրամ ծախսից 24 125 դրամը վարչական նպատակներով է, 1 200 դրամ` իրացման և 6 750 դրամը` արտադրական։
9)Միչև 200 ձիաուժ շարժիչի հզորությամբ բեռնատար (բեռնաուղևորատար) ավտոմեքենաների համար գույքահարկը հաշվարկվում է յուրաքանչյուր ձիաուժի դիմաց 100 դրամ տարեկան դրույքաչափով։ Ըստ տրանսպորտային միջոցի գրանցման վկայագրի` շարժիչի հզորությունը 150 ձիաուժ է։ Փետրվար ամսվա համար գույքահարկի գծով ծախսը կկազմի 1 250 (150*100) / 12 դրամ։ Տրվում է հետևյալ հաշվապահական ձևակերպումը։

Շնորհակալ եմ նախապես։

Meline.

Բարև ձեզ, հարգելի հաշվապահներ։ Հիմնադիր-տնօրենը գրավոր համաձայնություն է տվել, որպեսզի իրեն տրամադրված երկարաժամկետ փոխառությունը մարվի նաև իր աշխատավարձի հաշվին: Կօգնե՞ք խնդրում եմ ճիշտ ձևակերպումներ տալ՝ փոխառության տրամադրում, մարում աշխատավարձից: Շնորհակալ եմ նախապես:

Կարեն․

Ողջույն։ Զարգացման կենտրոն բացելու դեպքում․

1. Ինչպե՞ս է անհրաժեշտ գրանցել բիզնեսը։ Ա/Ձ-ն կարող է բավարար լինել որևէ դասակարգիչով, օրինակ, թե՞ այլ կերպ է պետք

2. Ինչպե՞ս ամսավճար/եռամսյա վճարներ ստանալ։ Ի՞նչ է անհրաժեշտ լինելու գումարի ստացման համար

3. Ի՞նչ հարկային պարտավորություններ կարող են առաջանալ ընթացքում

4. Գրանցված աշխատող պահելու դեպքում ի՞նչ փաստաթղթաշրջանառություն է անհրաժեշտ լինելու

Հայկ․

Բարև Ձեզ: Խնդրում եմ օգնել հետևյալ հարցում. ֆիզ․ անձը իրեն պատկանող անշարժ գույքը տվել է վարձակալության ԱՁ-ի, կամ ՍՊԸ-ի: Եթե գործարքը կադաստրում պետական գրանցում չի ստացել, ապա այստեղ ի՞նչ անելիք ունի ֆիզ անձը: Եվ խախտումների դեպքում ինչպիսի՞ պատասխանատվության կարող է նա ենթարկվել: Շնորհակալություն։

Թամարա․

Բարև ձեզ։ Ես ավարտել եմ Մխիթար Հերացու անվան պետական բժշկական համալսարանը, անցել եմ բազային կոսմետոլոգիայի կուրսեր և ունեմ եռալեզու վկայական։ Այնուհետև անցել եմ ներարկումային և կոնտուրային կոսմետոլոգիայի դասեր և ունեմ եռալեզու վկայական։ Ցանկանում եմ բացել իմ սեփական կոսմետոլոգիական կենտրոնը։ Բացի այդ ես սովորում եմ մաշկավեներաբանության արդինատուրայի 1-ին կուրսում։

Հարց 1 ․ Պետությունը ինձ կտրամադրի՞ համապատասխան լիցենզիա հիմա իմ կենտրոնը ունենալու համար։
Հարց 2. Մոտավորապես ինչքա՞ն մ2-ում թույլ կտա ծավալեմ գործունեություն։
Հարց 3. Ի՞նչ փաստաթղթեր և այլ միջոցներ են հարկավոր լիցենզիա ստանալու համար։

Մարիամ․

Հարգելի մասնագետ, խնդրում եմ պատասխանել այս հարցին․ երբ որոշակի ժամկետով կնքված պայմանագիրը լուծվում է, գալիս է ֆիզ արձակուրդ գնացած աշխատակիցը, այդ դեպքում իրեն փոխարինած աշխատողը, ով աշխատել է մայիս ամսից 2023թ ստացել է արձակուրդայինը, հետո շարունակել է աշխատել մինչև 2024թ օգոստոս ամիսը, վերջինս պա՞րտք է ունենում վճարելու այդ հաստատությանը, թե՞ ոչ, քանի որ աշխատել է մայիս ամսից 2023թ ու ստացել է արձակուրդայինի գումարը։

Աննա․

Բարև ձեզ։ Կասե՞ք խնդրեմ՝ 2024-ի մինչև նոյեմբերը ՍՊԸ կաշխատի շրջանառության հարկով, իսկ հետո, քանի որ կանցնի 115 մլն շեմը, 2 ամիսը կաշխատի հարկման ընդհանուր համակարգով: Արդյո՞ք հնարավոր է 2025թ ՍՊԸ նորից շրջհարկի դիմում ներկայացնի ու աշխատի շրջհարկով։

Գոռ․

Բարև ձեզ։ Ո՞վ կարող է ասել՝ ապրանքի խոտանման քայլերը, ինչպե՞ս անել, որպեսզի օրենքի խախտում չլինի։

Լիլիթ․

Հարգելներս, կխնդրեմ օգնել հետևյալ հարցում․ ցանկանում ենք ավտոպահեստամասերի խանութ բացել։ Ամենայն մանրամասնությամբ կցանկանայի բացատրեիք, թե ինչի՞ց պիտի սկսել, և ո՞ր ծրագրերն են հարմար գործունեության համար։

Մարգարիտա․

Բարև ձեզ։ ԱԱՀ-ով աշխատող ՍՊԸ-ն գյուղացուց ապրանք է գնում։ Կասե՞ք՝ ի՞նչ փաստաթղթեր են հարկավոր, որպեսզի կարողանամ հաշվետվության մեջ ներառել։

Կարեն․

Բարև Ձեզ։ Ունեմ ԱՁ, մատուցում եմ ծառայություններ ԱՄՆ ընկերությանը։ Պետք է գրանցեմ վարձու աշխատող։ Կա՞ ինչ որ տարբերակ աշխատավարձը ԱՄՆ դոլարի փոխարժեքով ֆիքսելու համար։ Եթե ոչ՝ ի՞նչ տարբերակներ կան փոխարժեքի տատանումների ազդեցությունը չեզոքացնելու համար։

Արմեն․

ՀՀ քաղաքացին, որը մշտապես բնակվում է արտերկրում և հանդիսանում օտար պետության հարկային ռեզիդենտ (ինչի մասին ունի տեղեկանք), ՀՀ-ում վարձակալությամբ է հանձնում բնակարան և ունի ավանդ։ Հարցերը հետևյալն են՝

1․ Պարտավո՞ր է արդյոք այդ անձը 2024թ․ համար ներկայացնել հայտարարագիր։
2․ Կարո՞ղ է արդյոք նա լիազորել այլ անձի՝ իր փոխարեն ներկայացնել հայտարարագիրը։ Խնդիրն այն է, որ անձն ինքը չունի էլ․ ստորագրություն և ի վիճակի չէ ներկայանալ ՀՀ՝ այն ստանալու համար։

3․ Տվյալ անձը եկամուտային հայտարարագիր ո՞ր կետերի հիման վրա է ներկայացնում։