Անուշ․

Բարև ձեզ։ Եթե աշխատողը, գտնվելով ֆիզ արձակուրդում, վերադառնում է աշխատանքի, բայց անմիջապես ցանկանում է գնալ ամենամյա արձակուրդ, կասե՞ք՝ հասնում է, և հաշվարկը ինչպե՞ս հաշվել, եթե եկամուտ չունի, բայց նաև ունի 2016-2017թթ չօգտագործված արձակուրդ։ Ուզում ենք դա տալ, վերցնում ենք այս տարվա նվազագույն աշխատավարձը, թե՞ այն տարիների, որ չի գնացել։

Lucy.

Կատարվել է ներմուծում։ Վճարման փաստաթուղթ չկա, առկա են միայն վաճառողի կողմից տրված ինվոյսները։ Այս պարագայում ի՞նչն է հանդիսանալու ապրանքի արժեքի վճարումը հավաստող փաստաթուղթը։

Դավիթ․

Բարև Ձեզ։ Այսօր՝ հունիսի 13-ին, ծանուցում եմ ստացել, որ հաստիքի կրճատման հետևանքով հունիսի 22-ից լուծվում է աշխատանքային պայմանագիրս։ Նշված է, որ ըստ Աշխատանքային Օրենսգրքի 129-րդ հոդվածի կվճարեն արձակման նպաստ մեկ ամսվա միջին աշխատավարձի չափով, և 115-րդ հոդվածի 2-րդ մասով տուգանք՝ ծանուցման յուրաքանչյուր ժամկետանց օրվա համար միջին օրական աշխատավարձի չափով (2 ամիս առաջ պետք է ծանուցեին)։ Իմ ամսական աշխատավարձը հարկերով 192 000 դրամ էր, մաքուր՝ 140 800, (միջին օրական աշխատավարձի հաշվարկման ձևը չգիտեմ մաքուր աշխատավարձով են հաշվում թե կողտոտ, եթե մաքուր ապա 7 400 դրամ, եթե կողտոտ ապա 10 900 դրամ), ունեմ նաև 38 չօգտագործված արձակուրդային օր։ Աշխատում եմ հնգօրյա գրաֆիկով։ Խնդրում եմ կասեք՝ իմ վերջնահաշվարկը ինչքա՞ն պետք է լինի: Շնորհակալություն:

Նարեկ․

Հարգելի հաշվապահներ, հարցս հետևյալն է՝ կազմակերպության աշխատակիցը կազմակերպությանը պատկանող մեքենայով գործուղվել է ՌԴ, ճանապարհի և մնացած բոլոր ծախսերը կատարել է իր գրպանից, վերադառնալուց ներակայացրել է սնունդի և վառելիքի ծախսերը հիմնավորող ՀԴՄ կտրոններ։

2335-Ն որոշումը ուսումնասիրել եմ, կխնդրեմ ուղղորդել՝ ինչպե՞ս կատարեմ ծախսերի փոխհատուցումը, ի՞նչ փաստաթղթեր են անհրաժեշտ պատրաստել բացի գործուղման հրամանից։

Նշեմ նաև, որ ծախսերը կատարվել են ռուբլով, իսկ հյուրանոցի գիշերավարձը հիմնավորող փաստաթղթեր առկա չեն։

Գևորգ․

Բարև Ձեզ, ունեմ կուտակված 3 տարուց ավել ամենամյա նվազագույն արձակուրդ։ Ուզում եմ իմանալ՝ աշխատանքային օրենսգրքի նոր փոփոխությունների համաձայն հնարավո՞ր է արդյոք, որ կորցնեմ արձակուրդներս, քանի որ խոսք է գնում 2․5 տարվա արձակուրդի մասին։ Շնորհակալություն։

Կարինե․

Բարի օր։

Ես ծանոթ չեմ ՀՀ հարկային օրենսդրությանը, խնդրում եմ պատասխանել․ գրանցվել է կազմակերպություն (ՍՊԸ), որը դեռ չի գործում, բայց սույն տարում կգործի։ Տեղյակ եմ, որ պիտի հայտարարություն տամ ԱԱՀ-ով հարկման մասին և դադարեցման դիմում ներկայացնեմ։ Խնդրում եմ ասել՝ online.taxservice.am ծրագրում որտե՞ղ պետք է արվեն այդ գործողությունները։

Սոֆյա․

Հարգելի հաշվապահներ, շրջակա միջավայրի ազդեցության գնահատմամբ (ՇՄԱԳ) զբաղվող անձը օրենքի փոփոխությունով պայմանավորված (լիցենզավորված գործունեություն) ուզում է ԱՁ բացել, ի՞նչ հարկատեսակով կհարկվի, այս դեպքում ո՞րն է գործունեության ծածկագիրը և ի՞նչ քայլեր է անհրաժեշտ անել: Շնորհակալություն:

Սոֆյա․

Բարև Ձեզ, հարգելի հաշվապահներ։ Խնդրում եմ օգնեք, շտապ է.

2021թ-ին գործունեության ժամանակավոր դադար տված հասարակական կազմակերպության համար 2022թ-ին ուղարկվել է գործունեության հաշվետվությունը (204 ձև): 02.06.2023թ-ին ՊԵԿ-ից ստացել ենք ծանուցում.

1. Հաշվետվության 3-րդ կետում լրացված տվյալները գործունեության առարկային և նպատակին չեն համապատասխանում:
2. Գործադիր մարմնի ղեկավարի պաշտոնը չի համապատասխանում պետական ռեգիստրում առկա տեղեկատվությանը:
   

Առաջինի կետի մասով ասեմ, որ առարկան և նպատակները շատ ծավալուն էին, ամփոփ եմ գրել պահպանելով բուն միտքը, արդյո՞ք դա սխալ է: Երկրորդի մասով նախագահ բառի փոխարեն գրել եմ հիմնադիր նախագահ: Հիմա ուզում եմ իրենց բացատրական նամակ գրեմ, խնդրում եմ հուշեք՝ ինչպե՞ս վարվել ավելորդ բարդություններից խուսափելու համար: Եվ նման դեպքերում ի՞նչ տուգանքներ են նախատեսված: Շնորհակալություն։

Էդիտ․

Բարև ձեզ, հարգելի հաշվապահներ։ Կխնդրեմ օգնել այսպիսի մի հարցում: Ֆիզ անձը, ով ներմուծել է էլեկտրոնային սիգարետներ ԵՏՄ-ից, կարո՞ղ է ՍՊԸ-ի վրա այդ քանակը վաճառել գնման ակտով: Եվ արդյո՞ք ՍՊԸ -ն այդ ակտը կարող է ծախսագրել որպես ապրանքների ինքնարժեք: Կանխավ շնորհակալություն։

Ջուլիա․

Բարև ձեզ, հարգելի հաշվապահներ։ Հարցս հետևյալն է՝ ԱԱՀ դաշտում աշխատող ընկերությունը ֆիզ անձից հիմնական միջոց է ձեռքբերում 1 000 000 դրամ արժեքով, ինչպիսի՞ հարկային պարտավորություններ կառաջանան։

Աննա․

Բարև Ձեզ, Ա/Ձ- ի մահից հետո հարկայինում ասացին՝ միայն կարող եք աշխատակիցներին ազատել և 97 ձևը հանձնել նոր օգտատեր ավելացնելով լիազոր բաժնից, քանի որ Ա/Ձ-ն մահացել է, իր անունից բանկը աշխատավարձի փոխանցում չկատարեց, հարց՝ կարո՞ղ ենք հանձնել շրջ հարկի հաշվետվությունը և եկամտայինը և մյուս պարտավորությունները, թե ինչպես հարկայինում ասացին չկա Ա/Ձ, չկա պարտավորություն, եթե այդպես է՝ ինչու՞ է տույժ գալիս (մի փոքր գումար է մնացել) պարտավորություն բաժնում։

Սարիբեկ․

Բարև Ձեզ, հարգելի մասնագետներ։ Անգլերեն աուդիտորական եզրակացությունը Ազդարարում հրապարակելու համար պարտադի՞ր է հայերեն թարգմանել: Եվ եթե չթարգմանենք, ի՞նչ պատասխանատվության կենթարկվենք:

Անի․

Բարև ձեզ։ Օրինակ, ես իմ տանը ինքնուրույն պատրաստում եմ մազակալներ, չունեմ աշխատողներ, և որոշել եմ դա սկսել վաճառել Wildberries կայքում, ունեմ բացվաձ ԱՁ, տարեկան շրջանառությունս չի անցնելու 24 մլն դրամը։ Ես կարո՞ղ եմ այդ ամենը կատարել միկրոձեռնարկատիրության համակարգով, թե՞ պետք է կատարեմ շրջհարկով։

Գայանե․

Բարև Ձեզ, կարո՞ղ եք ինձ բացատրել՝ միասնական հաշվում առկա գումարը կարո՞ղ եմ հետ ստանալ։ Կանխավ շնորհակալություն։

Կարեն․

Բարև Ձեզ: Շահութահարկ վճարողը նախորդ երեք ամիսներին հասույթ չի ունեցել, իսկ 2022թ-ի համար ունեցել է շահութահարկ։ Այս ամիս շահութահարկի կանխավճար պետք է չկատարի չէ՞։

Կարեն․

Բարև Ձեզ։ Երբ աշխատակիցներին օրապահիկ է վճարում ՍՊԸ-ն, այդ վճարը եկամտային հարկով հարկվու՞մ է։ Եթե այո, եկամտային հաշվետվությունում ո՞ր տողում ենք նշում։

Ընկերությունը զբաղվում է հյուրանոցային գործունեությամբ: Ընկերությունը գործում է ընդհանուր հարկման դաշտում: Տուրիստների գերակշիռ մասը օտարերկյա քաղաքացիներ են: Ինչպիսի՞ օրենսդրական կարգավորումներ են գործում, ի՞նչ առանձնահատկություններ կան հարկման գործընթացում։

Հայկուհի․

Բարև Ձեզ, խնդրում եմ պատասխանել հետևյալ հարցին. Կազմակերպությունը 2019թ.ից ֆիզ. անձից նոտարով վարձակալել է տարածք, 2022թվականին պայմանագրի ժամկետը լրացել է և ըստ պայմանագրում նշված կետի պայմանագիրը դարձել է անժամկետ: Արդյոք կարիք կա՞ նոր պայմանագիր կնքելու, կամ, եթե կնքվի առանց նոտարական վավերացման հարկայինի առումով կարո՞ղ է խնդիր առաջանալ, թե ոչ: Այս մասով 2023 թ. ին հարկային օրենսգրքում որևէ փոփոխություն կա՞:

Հայկուհի․

Բարև Ձեզ, խնդրում եմ պատասխանեք հետևյալ հարցին. Կազմակերպության աշխատակիցը մեկնել է գործուղման, հյուրանոցի համար վճարել է կազմակերպության քարտով, գումարը գերազանցում է մեկ անձի համար նախատեսված սահմանաչափը: Բացի այն , որ ավել մասը ենթակա չէ շահութահարկի հարկման բազայից նվազեցման, նաև հարկում ենք եկամտային հարկո՞վ: Հյուրանոցի ինվոյսը ունենք:

Ռուզաննա․

Բարի երեկո։ Ա/Ձ-ն (շրջանառության հարկ վճարող) 2019թ. 3 ամիս համարվել է գործող, այնուհետև, դարձյալ ժամանակավոր դադարեցվել է գործունեությունը: Տարվա կտրվածքով եկամուտ չի եղել: Ասեք խնդրում եմ՝ 2019թ. համար 0 շրջանառության դեպքում 12 000 դրամ դրոշմանիշային վճար հաշվարկվելու՞ է:

Թինա․

Բարև Ձեզ, ԱԱՀ-ով աշխատող կազմակերպությունը ֆիզ անձից կարո՞ղ է տարածք վարձակալել և պայմանագիրն ու վճարումը արտարժույթով կատարել։

Արման․

Բարև բոլորին։ Ես մեկ հարց ունեմ՝ կապված հաշվետվությունների հետ։ Ես բացել եմ ԱՁ, աշխատում եմ շրջհարկով։ Դեռ որոշ պատճառներով հաշվապահի չեմ կարող դիմել, մինչև դիմելս պետք է ինքս հաշվետվությունները ներկայացնեմ։ Խնդիրը նրանում է, որ չեմ հասկանում՝ ինչպե՞ս։ Գիտեմ, որ պետք է մտնեմ file taxservice, մուտքագրեմ հաշվիս եկած գումարը այդ ամսվա։ Որոշել եմ ամեն ամիս վճարեմ, ոչ թե եռամսյակը մեկ։ Կարո՞ղ եք ինձ ասել՝ որտե՞ղ պետք է մուտք անեմ, ի՞նչ լրացնեմ, որ կարողանամ փոխանցում կատարեմ։ Կանխավ շաաատ-շաաատ շնորհակալ եմ։

Դավիթ․

Խնդրում եմ պատասխանել հետևյալ հարցին, կանխավ շնորհակալություն: Համաձայն ՀՀ աշխատանքային օրենսգրքի 113-րդ հոդված 2-ին կետի գործատուն ցանկանում է լուծել ինձ հետ կնքված անժամկետ աշխատանքային պայմանագիրը։ Սակայն այդ մասին նախապես չի ծանուցել։ Զանգահարելով ինձ կադրերի բաժնից՝ առաջարկում են դիմումիս համաձայն դուրս գամ աշխատանքից 3 ամիս աշխատավարձ վճարելու պայմանով, հակառակ դեպքում ավելի վատ կլինի։ Խնդրում եմ օգնեք՝ կարո՞ղ եմ հրաժարվել այդ առաջարկից, և եթե հրաժարվեմ՝ ինչի՞ կարելի է սպասել։ Ասեմ նա,և որ ինձ առաջակում է աշխատանք իմ բնակության վայրից 150 կիլոմետր հեռավորության վրա այլ մասնաճյուղում։ Արդյո՞ք ունեն դրա իրավունքը։

Անի․

Եթե աշխատողն ընկերությունում աշխատում է շաբաթական 5 օր 8 ժամով, հաստիքային աշխատող է, ընկերությունում կարիք է առաջացել, որ այդ աշխատողը լրացուցիչ կատարի վարչական սենյակի վերանորոգում իր աշխատանքային ժամի ավարտից հետո, ինչպե՞ս պետք է վարվել, գիտեմ, որ չի թույլատրվում նույն մարդու հետ երկու տեսակի պայմանագիր կնքել, ինչպե՞ս ձևակերպել այդ աշխատողի աշխատած լրացուցիչ ժամերը, առանձին տաբել պե՞տք է գրվի, թե՞ ոչ, նոր պայմանագիը պե՞տք է գրվի, թե՞ ոչ, խնդրում եմ մանրամասն նկարագրեք։

Շուշան․

Բարև ձեզ, համատեղությամբ աշխատողը գնացել է հղիության և մայրության արձակուրդ, ներկայացրել բուլետենի պատճենը, ստացել է իր նպաստի գումարը հիմնական աշխատավայրից, հիմա հարց՝ եկամտային հարկի հաշվետվությունում ի՞նչ պետք է գրի գործատուն, եթե ինքը չի վճարել, միայն նպաստի ամսաթվերը լրացնել չի թողնում:

Գայանե․

Բարև Ձեզ, հարգելի հաշվապահներ։ ՀԿ-ն միջոցառում է կազմակերպել և խաղավար է հրավիրել։ Խաղավարը հարկային դաշտ մտած չի, ի՞նչ խորհուրդ կտաք՝ խաղավարը գրանցվի որպես ֆիզ անձ, հաշվեհամար բացի, փոխանցենք իր հաշվեհամարի՞ն, և այդ խաղավարը ինչքա՞ն եկամտային հարկ պետք է վճարի։ Շնորհակալություն։

Գոհար․

Բարև ձեզ, հարգելի հաշվապահներ։ ՍՊԸ-ն ցանկանում է զբաղվել լրագրությամբ և ունի կայք։ Կասե՞ք՝ ո՞ր հարկային դաշտում կարող է գործել, և ամսական ու տարեկան ի՞նչ հաշվետվություններ պետք է ներկայացնեմ։

Ալլա․

Բարև ձեզ, հարգելի հաշվապահներ ջան։ Եթե առաջանում է բացասական ԱԱՀ, ապա ԱԱՀ-ի հաշվետվության մեջ ԴՏ-ում ավելացում պե՞տք է տալ։ Ի՞նչ ձևակերպում պետք է տալ։

Սյուզաննա․

Բարև ձեզ, խնդրում եմ օգնել ճիշտ հասկանալ՝ կա՞ արդյոք խախտում, թե՞ ոչ։ Ֆիզ․ անձին տրամադրել ենք ՀԴՄ կտրոն (ոչ անկանխիկ), իսկ նա վճարումը կատարել է քարտով, և ոչ թե առձեռն։ Արդյո՞ք կարող ենք վճարումն ընդունել՝ հիմք ընդունելով նրան տրամադրված կտրոնը, թե՞ սխալ կլինի։

Արթուր․

Հարգելի գործընկերներ, խնդրում եմ պատասխանել՝ ի՞նչ է անհրաժեշտ շինարարության լիցենզիա ստանալու համար։ Գիտեմ, որ պետք է վճարել տարեկան 80 000 պետ․ տուրք։ Իսկ ո՞ր հաշվեհամարին։ Իսկ անհրաժե՞շտ է արդյոք ունենալ գրանցված մասնագետներ, որոնք ունեն համապատասխան կրթություն։ Եվ ընդհանրապես՝ ինչպե՞ս է ընթացակարգը։ Կանխավ շնորհակալություն։

Եվա․

Բարև Ձեզ, խնդրում եմ կասե՞ք՝ երաժշտական, ստեղծագործական գործունեություն (Music studio) գործունեությամբ զբաղվող ՍՊԸ-ն կարո՞ղ է աշխատել միկրոյի դաշտում։

Կարինե․

Բարև ձեզ, եթե նորաբաց ՍՊԸ-ի հիմնադիրը մեկ անձ է և հիմնական միջոց է ձեռք բերել փոխառությունով, ինչպե՞ս պետք է վերադարձնել։

Անի․

Բարև ձեզ, հարգելի հաշվապահներ, խնդրում եմ օգնել.

ԱՁ-ն գրանցվել է պետ. ռեգիստրում և հարկայինում չի գրանցվել որպես լիազոր կամ օգտվող և, հետևաբար, բաց է թողել շրջ. հարկ վճարող համարվելու վերաբերյալ հայտարարության ներկայացման 20-օրյա ժամկետը:

Հարցը. կարո՞ղ է արդյոք ԱՁ-ն պետ ռեգիստրում փակման դիմում ներկայացնել և նոր ԱՁ բացել նույն ֆիզ. անձի անունով:

Շնորհակալ եմ նախապես։

Էդ․

Բարև Ձեզ, հարգելի հաշվապահներ: Կխնդրեմ ինձ օգնել հետևյալ հարցում: Ձեռք եմ բերել ակցիզով դրոշմավորվող ապրանք, սակայն առանց ակցիզի: Կարո՞ղ եմ արդյոք ՊԵԿ դիմում ներկայացնեմ և ստանամ ակցիզ, եթե տվյալ ապրանքի ձեռքբերման համար չունեմ փաստաթղթեր:

Եվ եվս մեկ հարց – եթե ակցիզավորման ենթակա ապրանքները գնում եմ գնման ակտով, շուկայից, և այն նույնպես ակցիզավորված չէ, արդյո՞ք ես գնման ակտը կարող եմ համարել հիմնավորող փաստաթղթուղթ և ՊԵԿ-ին ակցիզի ստացման համար հայտ ներկայացնեմ:

Կանխավ շնորհակալություն։

Վահագն․

Ամսական աշխատավարձի անկանխիկ վճարման համար, աշխատողը պե՞տք է պարտադիր ունենա բանկի կողմից տրամադրված աշխատավարձի քարտ, թե՞ կարող եմ աշխատավարձը փոխանցել նրան պատկանող ցանկացած բանկային քարտի։

Քրիստինե․

Բարև Ձեզ: Մեր ՍՊԸ լիզինգով մեքենա է ձեռք բերել, ի՞նչ հաշվապահական ձևակերպումներ է անհրաժեշտ կատարել: Քանի որ մեքենայի սեփականության իրավունքը լիզինգ տրամադրող ընկերությանն է, ես չեմ կարող չէ՞ այն որպես հիմնական միջոց դիտել: Լիզինգի մարելու համար ամսական արված վճարումները, ապահովագրական վճարները, գույքահարկը ծախսերի մեջ կարո՞ղ եմ ներառել: Նշեմ, որ մեր ընկերությունը ԱԱՀ վճարող է: Շնորհակալություն:

Գրիգ․

Բարև Ձեզ։ ԲՏԱ նախարարությունից ստացել եմ նամակ, որ պետք է իրենց հաշվետվություն ներկայացնեմ: ԱՁ-ն շրջհարկի դաշտում է, գործունեության ոլորտն է 62.01.0: Աշխատում է արտասահմանի հետ։ Կասե՞ք՝ ծավալը նկատի ունի ամսական մատուցված ծառայության գումարը, և նշու՞մ եմ արտահանման երկիրը։ Կանխավ շնորհակալություն։

Անի․

Բարև ձեզ։

Աշխատողը քանի՞ օր կարող է հիվանդության թերթիկ ներկայացնել ընդհատումներով և առանց ընդհատումների:

Աշոտ․

Բարև Ձեզ, մայրության նպաստի հաշվարկում քաղիրավականով ստացված աշխատավարձը նույնպե՞ս պետք է ներառել, շնորհակալություն։

Արմեն․

Բարև Ձեզ։ Հերթափոխով աշխատանքի դեպքում, եթե աշխատակացիներից մեկը արձակուրդի մեջ է, մյուս աշխատակիցները ավելի խիտ գրաֆիկով են աշխատում, արդյո՞ք գործատուն պետք է վճարի հավելյալ աշխատանքի համար։ Եթե այո, ապա ինչպե՞ս հաշվարկել։

Սոֆյա․

Հարգելի գործընկեր, խնդրում եմ օգնել հաշվարկել աշխատակցի գործուղման ծախսերը։

Կազմակերպության աշխատակիցը գործուղվում է 3 գիշեր և 4 օր ՌԴ, Յարոսլավլ։ Արդյո՞ք ճիշտ եմ հաշվարկել․

1. մեկ օրվա օրապահիկի և գիշերավարձի ծախսերի ընդհանուր չափը կազմում է (41+67)-15%= 91.8=92 USD

2. մեկ օրվա գիշերավարձի ծախս կազմում է 67-15%=56.95=57 USD 3 գիշերվա համար կկազմի 3*57=171 USD

3. մեկ օրվա օրապահիկի ծախսը կազմում է 92-57=35 USD

4. 4 օրվա համար կկազմի 4*35=140 USD

Կանխավ շնորհակալ եմ։

Լիանա․

Բարև ձեզ։ ԱՄՆ-ից Գլոբբինգ-ով 1 200 դոլար արժողությամբ նոթբուք եմ պատվիրելու որպես ֆիզ․ անձ։ Կասե՞ք՝ ի՞նչ վճարներ կառաջանան։

Արմեն․

Բարև Ձեզ, մի հարց ունեմ՝ կապված արձակուրդի հետ։ Տնօրենը մեկնում է արձակուրդ, օրինակ, օգոստոսի 1-30-ը։ Արդյո՞ք տնօրենը իրավունք ունի ամսի 1-20-ը պարտականությունները դնել մի փոխտնօրենի վրա, իսկ 20-30-ը՝ մյուս փոխտնօրենի վրա։

Կարապետ․

Հարգելի հաշվապահներ, խնդրում եմ օգնեք՝ եթե աշխատակիցը մեկնել է գործուղման և արտերկրում ձեռք է բերել բջջային քարտ, պարտադի՞ր է ծախս ձևակերպելու համար ներկայացնի վճարման կտրոնը և հաշիվը, թե՞ միայն վճարման կտրոնը բավական է:

Գարիկ․

Բարև Ձեզ: Եթե կազմակերպությունը մինչև հունիսի 30-ը պետք է հրապարակի իր տարեկան ֆինանսական հաշվետվությունները, պարտադի՞ր է, որ հաշվապահը ունենա որակավորման վկայական:

Վարշամ․

Ցանկանում եմ ստեղծել սառը թեյի և սուրճի արտադրություն։ Արդեն գրանցված եմ պետռեգիստրում և ՊԵԿ-ում, ունեմ լոգոտիպ, սակայն դժվարանում եմ էտիկետկաների (երկլեզու) հարցում։

Խնդրում եմ ասել՝ որտե՞ղ պետք է այցելել բաղադրիչ + պահպանման ռեժիմ+ QR կոդ + շտրիխ կոդ + հասցե + մեյլ և անուն, ազգանուն փաստաթղթավորելու և գրանցելու համար, որպեսզի ստանամ անհրաժեշտ էտիկետկաները։

Շնորհակալություն։

Julia.

Բարև ձեզ, հարգելի հաշվապահներ, արդյո՞ք կարող է ԱԱՀ դաշտում աշխատող ՍՊԸ-ն զբաղվել տարբեր արտադրությամբ (լուսամուտ, խողովակ, նմուշարկման տարա և այլն)։

Ալլա․

Բարև ձեզ, հարգելի հաշվապահներ:

Խնդրում եմ օգնել հետևյալ հարցում: ՍՊԸ-ն, որն աշխատում է ԱԱՀ-ի դաշտում, իր տնտեսական գույքը անհատույց վարձակալությամբ հանձնել է ԱՁ-ին, որն աշխատում է շրջանառության հարկի դաշտում, հանրային սնունդ է կազմակերպում: Այս գործարքից ինչպիսի՞ հարկային պարտավորություններ է առաջանանում ՍՊԸ-ի մոտ։ ՍՊԸ-ն կարո՞ղ է ամորտիզացիա հաշվարկել։ Շնորհակալություն:

Garnik.

Здравствуйте. Я хочу открыть инвестиционный счет у зарубежных брокеров (IB) из Армении, и у меня есть вопросы. Насколько мне известно налог на рост от акций в Армении 0% а на дивиденды 5% , если я реинвестирую дивиденды в акции в первый же год то эти 5% платить не нужно, верно? Если заполнить форму о избежании двойного налогообложения W-8BEN брокер США будет автоматически вычитать налог 10% ( он пойдет в Армению или Сша не знаю)

• Итак вопрос такой, нужно ли в моем случае вообще ежегодно отчитываться перед налоговой в Армении, если я не планирую выводить деньги с дивидентов и продажи акций в ближайшие как минимум 10 лет?

• Ели я не буду это делать то что мне будет, когда я захочу продать честь акций и перевести деньги от брокера США мне на счет в Армению?

Լուսինե․

Բարև Ձեզ, հարգելի հաշվապահներ, խնդրում եմ օգնել` ինչպե՞ս գրանցեմ օտարերկրացի աշխատողին, որը չունի կացության քարտ, բայց Հայաստանում ստացել է սոց. քարտ։ Արդյո՞ք բավարար է օտարերկրյա անձնագրով և սոց․քարտով գրանցել tax համակարգում։