Կարինե.

Հարգելի կոլեգաներ, եթե կազմակերպության սեփականատերը փոխվել է հաշվետու տարվա կեսին, այս դեպքում հնարավո՞ր է արդյոք շահույթի բաշխում կատարել:

Արփինե.

Բարև ձեզ, խնդրում եմ իմ հարցին պատասխանեք. կազմակերպությունը արտասահմանից ստացել է իր ապրանքը, ապրանքի հետ միասին ուղարկել են նաև նվեր (կախիչներ), հիմա դրա համար ի՞նչ հարկ պիտի մուծենք և ի՞նչ ձևակերպում պիտի տանք: Կանխավ շնորհակալություն:

Մեսրոպ.

Բարև Ձեզ: Ես համայնքային ծառայող եմ: Խնդրում եմ պատասխանել իմ հարցին: Աշխատանքային օրենսգրքի փոփոխության հետ կապված` ՀՀ կառավարության 2005թ. 1384-Ն որոշման մեջ փոփոխություներ կատարվե՞լ են, թե՞ ոչ: Լրացուցիչ արձակուրդը հաշվում է օրացուցայի՞ն օրերով, թե՞ աշխատանքային օրերով: Կանխավ շնորհակալություն:

Վահան.

Ցանկանում եմ Ուկրաինայից արևածաղկի սերմ ներմուծել, անհատ ձեռնարկատեր եմ, խնդրում եմ պարզաբանել մաքսազերծման և հարկային պարտավորությունների չափերը:

Քնարիկ.

Բարև ձեզ: Այսպիսի մի բան, ես սովորում եմ արդինատուրաի 1-ին կուրսում, ինձ նշանակել են X պետական պոլիկլինիկայում որպես պրակտիկանտ: Այնտեղ կան բժշկուհիներ, որոնց հետ հարաբերություններս այնքան էլ նորմալ չեն: Այսոր բժշկուհին ինձ զգուշացրեց, որ այստեղ են հարկային մարմինները, ուստի. “Զգուշացնում եմ, կարող եք աշխատանքի չգալ”:
Ես որոշեցի օգնություն խնդրել:
Արդյո՞ք ես համարվում եմ օրենքով աշխատող, եթե նշանակվել եմ պետության կողմից, և ըստ մեր ունեցած տվյալների, եթե ես նշանակվել եմ պետության կողմից, ապա պետությունը ինքն է իմ հաշվին փոխանցումներ կատարում: Նախապես շնորհակալ եմ օգնության համար:

Լուսինե.

Բարև Ձեզ, հարցս հետևյալն է, ես ՍՊԸ-ի տնօրեն եմ և կատարում եմ նաև հաշվապահություն, գրանցված հաշվապահ չունեմ: Արդյո՞ք պետք է ինչ որ տեղ` փաստաթղթերի մեջ նշել, թե տնօրենը ինչ գործով կարող է զբաղվել, քանի որ ես նաև կատարում են դիզայներական աշխատանքներ: Շնորհակալություն:

zara.

Բարև ձեզ: Եթե հնարավոր է, կարո՞ղ եք ասել աշխատողին գրանցելու ամբողջ ընթացակարգը:

Անի.

Խնդրում եմ օգնեք, երբ կազմակերպությունն անհատույց, իր միջոցների հաշվին, վճարում է իր աշխատողի երեխայի բուհում սովորելու ուսման վարձը, ինչպե՞ս է կազմակերպությունը հաշվարկում եկամտահարկ, արդյո՞ք միացնում է աշխատողի աշխատավարձին և ի՞նչ դրույքաչափով: Նախապես շնորհակալություն:

Վ.

Բարև ձեզ, խնդրում եմ պատասխանեք մի հարցի: ԱՁ-ն զբաղվում է մանրածախ առևտրով և ավելացված արժեքի հարկ վճարող չէ, հիմա նա ցանկանում է նաև ապրանք ներմուծել դրսից իր խանութում վաճառելու համար, այդ դեպքում նա պարտադիր պե՞տք է համարվի ԱԱՀ վճարող:

Արտեմ.

Խնդրում եմ ինձ օգնել, ինձ շտապ պետք է իմանալ կազմակերպության շրջանառությունից կախված դրամարկղային գրքի վարման կարգը, նախօրոք շնորակալություն:

Դավիթ Ասատրյան.

Հունիսի 7-ը վերջին օրն է, որպեսզի ներկայացվի ՀԴՄ ամսական (մարտ, ապրիլ, մայիս) շրջանառությունը համաձայն 14.04.11 թիվ 511-ն որոշման: Կոչվում է տեղեկություն: Ի՞նչ պատասխանատվություն է սահմանված չներկայացնելու կամ ուշացնելու համար: Իսկ ամսական շրջանառությունը ո՞նց են հանում ՀԴՄ-ից, կոնկրետ ի՞նչ կոճակներ պետք է սեղմել, արդյո՞ք կոդ պետք է: Խնդրում եմ օգնել ինձ, ով գլուխ է հանում ՀԴՄ ֆիսկալ հանելուց:

Վահե.

Բարև Ձեզ: Մենք ցանկանում ենք տպագրել գովազդային թերթ (տպագրությունը պատվիրել տպարանին) և տարածել անվճար: Խնդրում եմ բացատրեք, թե ինչպիսի հարկեր ենք մուծելու:

Sofi.

Հարգելի հաշվապահներ, եթե տեղեկացված եք, խնդրում եմ պատասխանեք` էլեկտրոնային գրված հարկային հաշիվը, եթե 24ժամը անցնում է, հնարավորություն չկա՞ անվավեր ճանաչելու:

Eva.

Բարև բոլորին: Կուզենայի իմանալ` ինչով են տարբերվում Հայաստանի և Ռուսաստանի հաշվապահական հաշվառումները: Եվ կարո՞ղ եմ արդյոք ավարտելով այստեղ հաշվապահական դասընթացներ` այդ իսկ գիտելիքներով աշխատել ՌԴ-ում: Կանխավ շնորհակալություն:

Karine.

Ա/Ձ -ն զբաղվելու է պտուղ-բանջարեղենի վաճառքով, խնդրում եմ օգնել: Ի՞նչ հարկ պետք է վճարի: Մթերքը ձեռք է բերվելու շուկայից: Գյուղատնտեսական մթերքը հարկվու՞մ է 10 % եկամտահարկով: Շնորհակալություն:

Դավիթ Ասատրյան.

Հաշվապահի թափուր պաշտոն ՀայՌուսգազարդում:

S.

Կարո՞ղ եք ասել սոց. ապ. ներկայացվող Ձև 1-ի և Ձև 5-ի ներկայացման ժամկետները:

Լուսինե.

Խնդրում եմ օգնել: Փաստաբանները, եթե ունեն ԱՁ-ի կարգավիճակ, ապա կնիք ունենու՞մ են, և եթե այո, ապա կնիքի վրա հարկային կոդ նշվու՞մ է, թե՞ ոչ: Կանխավ շնորհակալություն:

Tigran.

Բարև Ձեզ, խնդրում եմ, ինձ կարո՞ղ եք ասել` կա տարբերություն պետական կամ քաղաքացիական աշխատանքի մեջ, աշխատանքային գրքույկում դա ինչպես է լրացվում, եթե կատարվում է քաղաքացիական աշխատանք: Եվ արձակուրդ հասնու՞մ է, թե՞ ոչ:

Սվետլանա.

Հարգելի կոլեգաներ, խորհրդի կարիք ունեմ: Աշխատողի մահվան ժամանակ վերջնահաշվարկից սոց. 3 % չի պահվում, գործատուից չի հաշվարկվում, իսկ եկամտահարկ պահվու՞մ է, թե՞ ոչ:

Anushik.

Կատարված գնումների համար ՀԴՄ կտրոնները, որոնք չեն գերազանցում 300 000 դրամը, արդյո՞ք ծախս համարվող փաստափուղթ կարող են հանդասանալ, եթե կտրոնի հակառակ կողմում գնորդը գրի իր ՀՎՀՀ-ն, հասցեն և անվանումը, և ուրիշ ոչինչ չկցե՞լ:

Սյուզի.

Խնդրում եմ օգնեք այս հարցում: Քաղաքացիաիրավական պայմանգրով ծառայություններ մատուցող աշխատողներին վճարվելիք գումարից, գիտեմ, որ 3%սոց. չի պահվում, իսկ գործատուի սոց. վճար հաշվարկվու՞մ է, և հաշվետվություններ ներկայացվում են հարկային տեսչություն և սոց. հիմնադրամ:

Արման.

Բարև Ձեզ, հարգելի հաշվապահներ: Խնդրում եմ ինձ օգնել հետևյալ հարցում: Արդյո՞ք կազմակերպության մեքենաներով ապրանք մատակարարելիս նրանց անհրաժեշտ է ուղեթերթ: Եվ արդյո՞ք կա ուղեթերթի սահմանված ձև: Կխնդրեի, եթե հնարավոր է, հղումներ անել կոնկրետ որոշմանը կամ օրենքին: Կանխավ շնորհակալ եմ:

Լառա.

Չէի՞ք ասի՝ ինչպես կարող եմ գտնել ՀՈԱԿ-ի մասին օրենքը:

Լիաննա.

Հարգելի մասնագետներ, խնդրում եմ ինձ օգնել այս հարցում: Աշխատողս ինձ մոտ աշխատանքի է ընդունվել 01.09.2010թ., ոչ մի տեղ չի աշխատել: Անաշխատունակության թերթիկ է ներկայացրել 12.03.2011թ. 70 օրվա համար: Ես վճարել եմ հին օրենքով այդ 70 օրը և 85 օրվա համար բերել է 21.05.2011թ.: Ինչպե՞ս հաշվարկեմ միջինը, վերցնեմ նախո՞րդը, թե՞ իր աշխատած 6 ամիսների գումարը բաժանեմ 12-ի, և ֆիզ.-ի գումարը մտնու՞մ է արդյոք այդ 6 ամիսների գումարի մեջ:

Կարո Վարդանյան.

Բարև Ձեզ, օգնեք խնդրեմ հետևյալ հարցին պատասխան ստանալուն. ցանկանում եմ ներկրել ավտոկցորդ (կիսակցորդ) 1993թ.-ի արտադրության, 13.40 մ երկարության, 2.50 մ բարձրության, 2.50 մ լայնության, և ոչ մի կերպ չեմ կարողանում պարզել մաքսազերծման համար վճարվող գումարի հաշվարկման մեխանիզմը: Կանխավ շնորհակալություն:

Կարինե.

Հարգելի կոլեգաներ, խնդրում եմ պատասխանեք, կարո՞ղ է հիմնադիրը իր ՍՊԸ-ին վարձակալությամբ տարածք հանձնել:

Ashot.

ԱԱՀ վճարող ՍՊԸ-ի համար ի՞նչ ռեալ տարբերակներ կան ԱԱՀ-ի վերադարձի կամ հաշվանցման համար:

Մկրտիչ.

Հարգելի կոլեգաներ, ունեմ հետևյալ հարց` 2 ՍՊԸ կնքել են տարածքի (անշարժ գույքի) վարձակալության պայմանագիր, որը վավերացվել է նոտարի մոտ և գրանցվել կադաստրում մեկ տարի ժամկետով: Հարկայինի տեսուչի այցի ժամանակ նա ասաց, որ այժմ ինչ որ փոփոխություն է եղել, և երկու ՍՊԸ իրար հետ կարող են պայմանագիր կնքել առանց նոտարի: Հիմա այդ պայմանագրի ժամկետը ավարտվել է, կարո՞ղ ենք արդյոք այն երկարացնել առանց նոտարի և կադաստրի մարմինների: Կամ հիմնվել քաղաքացիական օրենսգրքի 624 հոդվածի հիման վրա:

Մարինե.

Հարգելի մասնագետներ, խնդրում եմ պատասխանել հետևյալ հարցիս: Եթե աշխատողի ազատման դիմում գրում է, որպեսզի լուծվի իր պայմանագիրը հաջորդ ամսվա 1-ից, արդյո՞ք այդ օրը համարվում է իրեն համար աշխատանքային: Կանխավ շնորհակալություն:

Lili.

Բարև Ձեզ, ես նոր եմ սկսում աշխատել որպես գործավարուհի նոր բացվող ՍՊԸ-ում: Կուզենայի մի քանի բաներ ճշտել, որ միանգամից ճիշտ աշխատեմ: Կան հիմնադիրներ 75 և 25 տոկոս բաժնեմասերով: Արձանագրությունով նշանակել եմ տնօրեն: Տնօրենին հրաման կամ աշխատանքային պայմանագիր չեմ տվել ու սկսել եմ աշխատողներին ընդունել տնօրենի հետ պայմանագրեր կնքելով: Բերել են դիմում, դիմումի հիման վրա տվել եմ հրաման ընդունման մասին, հետո պայմանագիր: Չգիտեմ, արդյո՞ք ճիշտ եմ դրանք արել: Իսկ հետո պե՞տք է հրամաններ տամ, որ օրինակ պահելու եմ հրամանագիրք մուտքի, ելքի մատյաններ, արձակուրդային գրքույկ և ստուգման գրքույկ: էլի ինչ որ մատյան կա՞, որ պետք է պահեմ: Անչափ շնորհակալ եմ կանխավ:

Նունե.

Հարգելի հաշվապահներ, խնդրում եմ ասեք` ինչ է նշանակում չօգտագործված հարկային վնաս, երբ է այն առաջանում, և ինչպես են այն փոխանցում առաջիկա ժամանակաշրջան:
Եվ հետաձգված հարկային ակտիվը ինչպե՞ս է ձևակերպվում,
դտ` հետաձգված հարկային ակտիվ
կտ`
Նախապես շնորհակալություն:

Հասմիկ.

Հարգելի հաշվապահներ, խնդրում եմ պատասխանեք: 2011թ. օտարերկրացիներից եկամտահարկի և սոց. ապահովագրության պահումների կարգի մասին ի՞նչ փոփոխություններ են եղել:

Միհրան.

Հարկային մարմնում նախորդ տարիներում վճարված, բայց շահութահարկից չհաշվանցված գումարների մեծությունը (բացի շահութահարկի հաշվարկից) երևու՞մ է, թե՞ ոչ, եթե ոչ, ապա ինչպե՞ս է այն հաշվառվում: Խոսքս նվազագույն շահութահարկին է վերաբերվում:

Unknown.

Բարև ձեզ, այսպիսի մի հարց: Ես ուզում եմ լրիվ օրինավոր կերպով աշխատել որպես համակարգչային վերանորոգող: Ֆորմատ, անտիվիրուսի տեղադրում, ծրագրերի տեղադրում և այլն: Անկեղծ ասած` ոչինչ չեմ հասկանում հարկային ոլորտից, խնդրում եմ ինձ հուշեք, ինչից սկսեմ: Նախօրոք շնորհակալություն:

Ռուբեն.

Ողջույն: 2010թ․ ընթացքում տրվել են շահութահարկի կանխավճարներ, սակայն ընկերությունը 2010թ․ ավարտել է վնասով։ Անհրաժեշտ է դիմել ՀՀ ԿԱ ՊԵԿ կանխավճարների հետվճարի դիմումով։ Նշեմ, որ ընկերությունը չունի հարկային պարտավորություն և զուգահեռ դիմել է ԱԱՀ 0-ական դրույքաչափով հարկվելուց առաջացող ԱԱՀ դեբետային մնացորդի վերադարձման։

Խնդրում եմ նկարագրել գերավճարի վերադարձն իրականացնելու համար անհրաժեշտ քայլերը, ինչպես նաև գործընթացը կարգավորող իրավական ակտերը։

Շնորհակալություն:

Anna.

Հարգելի հաշվապահներ, խնդրում եմ օգնեք: Կազմակերպությունը 2008 տվականին ունեցել է վնաս, և այդ վնասը տեղափոխվել է հետագա տարիներ: Այժմ հարկայինից ստուգում է անցկացվում, և ասում են, որ իրավունք չունեինք 2008 թվականի վնասը տեղափոխել հետագա տարիներ: Շահութահարկի ո՞ր հոդվածով է դա կարգավորվում: Եվ արդյո՞ք նման բան կա:

Siranush.

Բարև ձեզ, սիրելի հաշվապահներ: Խնդրում եմ պատասխանել իմ հարցին. կամերալ գրության պատասխանը ինչպե՞ս պետք է ուղարկվի հարկային տեսչություն: Արդյո՞ք գոյություն ունի էլեկտրոնային տարբերակ գրությունները ուղարկելու համար:

Ֆլորա.

Հարգելի հաշվապահներ, այսպիսի մի հարց. նախկին հաշվապահը շատ ծախսերի համար, որոնք շահութահարկի օրենքով նվազեցվող ծախսեր են, հաշվապական ձևակերպում է տվել` 715 ինչ որ հաշվով: Այս դեպքում արդյո՞ք հարկվող շահույթը որոշելիս այդ ծախսը նվազեցվում է, իսկ եթե ոչ, ապա արդյո՞ք կարող եմ, օրինակ, այդ ծախսը տանել 713 հաշվին, այսինքն ձևակերպել`
դտ 713
կտ 715
Կանխավ շնորհակալություն:

Գայանե.

Խնդրում եմ օգնեք ինձ գտնել հետևյալ հարցի պատասխանը: Արդյո՞ք ՍՊԸ-ն իրավունք ունի ծառայության մատուցման պայմանագիր կնքել ֆիզիկական անձանց հետ: Անչափ շնորհակալ կլինեմ, եթե ստանամ արագ պատասխան:
Լավագույն մաղթանանքերով,
Գայանե:

Անգել.

Ո՞վ կասի` ոչ ռեզիդենտից սոց. 3 տոկոս և գործատուի սոց. վճար պահվու՞մ է, թե՞ ոչ, և վերջնահաշվարկից ի՞նչ պահումներ են արվում: Շնորհակալություն:

Դիանա.

Հնարավո՞ր է արդյոք միևնույն ապրանքը միևնույն ժամանակահատվածում տարբեր կազմակերպություններին վաճառել տարբեր գներով:

Մարի.

Ողջունում եմ բոլոր հաշվապահներին: Ես ունեմ մի քանի հարց.
1. Հացի արտադրամասը ի՞նչ հարկով է հարկվում
2. Հաշվետվությունը եռամսյակո՞վ են հանձնում, թե՞ ամսականով
3. ՀԴՄ անհրաժե՞շտ է, թե՞ ոչ:
Եթե հնարավոր է, խնդրում եմ պատասխանել ևˊ ԱՁ-ի, ևˊ ՍՊԸ-ի համար: Նախապես շնորհակալություն:

Մերիկո.

Հարգելի հաշվապահներ, մի փոքր խոսեք կանոնադրական կապիտալի վերաբերյալ, վերջինիս` կանոնադրությամբ գրանցման, մի մասի համալրման, մասնակիցների կողմից չհամալրման, դրանց թղթակցությունների մասին: Կանխավ շնորհակալություն:

N..

Հարգելի կոլեգաներ, հարցս հետևյալն է: ՍՊԸ-ն տարածք է վարձակալել ֆիզիկական անձից, կոմունալ վճարները մինչև անվանափոխություն կատարելը մոտավորապես 3 ամիս վճարել է ՍՊԸ-ն, արդյո՞ք վճարված կոմունալ վճարները հարկվում են 10% եկամտահարկով, քանի որ ֆիզիկական անձի անունով է եղել:

Արթուր.

Խնդրում եմ պատասխանել` էլեկտրոնային ստորագրության ժամանակ կազմակերպության կնիքը անհրաժե՞շտ է, թե՞ ոչ: Խնդրում եմ հիմնավորել պատասխանը որոշման համարով:

Sofi.

Հարգելի հաշվապահներ, խնդրում եմ պատասխանեք: Ես ֆիզիկական ծավալների վերաբերյալ հաշվետվությունը սխալ եմ ուղարկել, հասույթը գրել եմ ներառյալ ԱԱՀ, բայց այս հաշվետվության մեջ ճշգրտման ժամանակաշրջան չի նշվում, ի՞նչ անել: Նշեմ, որ հաշվետվություններս հանձնում եմ էլեկտրոնային տարբերակով:

Իննա.

Հարգելի կոլեգաներ, երբ ՀԾ-ով կատարում ես արտարժութային գործարքներ` արտարժույթի փոխարկում, հաշվի վերագնահատում, ծրագիրը այն ավտոմատ վերագրում է վերագնահատման ժամանակ 725 կամ 625 հաշվին, իսկ փոխարկման դեպքում 714 կամ 614 հաշվին: Հարցս հետևյալն է` արդյո՞ք և 725 և714 հաշիվներն երկուսն էլ ոչ հարկային ծախսեր են, թե՞ միայն 725 հաշիվն է, որ հարկային ծախս չի համարվում: Շնորհակալություն:

Սյուզաննա.

Խնդրում եմ ինձ օգնել, թե ինչ ձևակերպում կտրվի, եթե ընկերությունը թողարկի բաժնետոմսեր և պարտատոմսեր:

Եվա.

Հարգելի հաշվապահներ, խնդրում եմ հնարավորինս շուտ պատասխանել: Մեր ընկերության աշխատակիցը, որն աշխատում էր 2010թ. օգոստոս ամսից և արձակուրդ չի գնացել (վճարովի արձակուրդի մասին է խոսքը), 2011թ. ապրիլ ամսին իր հաշվին արձակուրդ է վերցրել (չվճարվող արձակուրդ) 1 ամիս ժամանակով և ժամկետի ավարտից հետո այլևս աշխատանքի չի ներկայացել: Իմացանք, որ արտերկիր է գնացել: Հիմա պետք է աշխատանքից ազատենք: Ինչպե՞ս վարվել: Ազատման դիմում չկա: Արդյո՞ք չօգտագործած արձակուրդի փոխհատուցում տրվելու է: Ասեմ, որ աշխատած-չվճարված օրական չունի: Եթե հաշվարկեմ, ապա ու՞մ վճարեմ: