Սուսի.

Բարև Ձեզ: Կցանկանայի իմանալ, թե ինչ հաշվետվություն պետք է ներկայացնի ՍՊԸ-ն, որն իրականացնում է փաստաբանական գործունեություն:

ANNA.

Բարև ձեզ: Շատ շտապ է, խնդրում եմ օգնեք. աշխատողը 3 տարվա ընթացքում չի գնացել վճարովի ամենամյա արձակուրդ, ես կարո՞ղ եմ տրամադրել 01 փետրվար 2013թ.-ից միանգամից 3 տարվա չօգտագործված արձակուրդ, այսինքն 60 աշխատանքային օր վճարովի արձակուրդ, թե՞ դա օրենքի խախտում է: Շնորհակալություն:

Եդվարդ.

Արդյո՞ք կարելի է կնքել հավատարմագրային պայմանագիր, եթե ձեռնարկությունը իրականացնւմ է նախագծա-նախահաշվային փաստաթղթերի մշակման աշխատանքներ և չունի գույք, այլ ընդամենը 10 հատ 5000 դրամ արժողությամբ բաժնետոմս:

Մարինե.

Բարև ձեզ: Կարո՞ղ եք խորհուրդ տալ, թե ԱՁ-ն ինչ տարեկան հաշվետվություններ պետք է ներկայացնի այն դեպքում, երբ չկա ոչ մի աշխատղ, միայն ԱՁ հանդիսացող անհատն է: Եվ ինչպե՞ս ճիշտ լրացնել “Ֆիզիկական անձի տարեկան եկամուտների հաշվետվությունը”:

Սուսաննա.

Բարև Ձեզ: Ունենք դպրոց, որի մի մասնաշենքը պետք է տալ վարձակալության: Մասնաշենքն ունի 3 հարկ, հարկերի միջանցքները հաշվարկվու՞մ են արդյոք որպես վարձակալությամբ տրվող քառակուսի: Կանխավ շնորհակալություն:

Սուսաննա.

Բարև ձեզ: Խնդրում եմ պարզաբանել “Շրջանարության հարկի մասին” օրենքի հոդված 4, 3-դ մասի գ. կետը: Ավելի կոնկրետ, հարցս հետևյալն է.

Անհատ ձերնարկատերը, որը զբաղվում է առևտրային գործնեությամբ, ունի 20% ավելի փայաբաժին ուրիշ ՍՊԸ-մ, այդ ՍՊԸ-ն աշխատում է հանրային սննդի ոլորտում: Արդյո՞ք այդ դեպքում Ա/Ձ-ն համարվու՞մ է ԱԱՀ վճարող: Նախապես շնորհակալություն:

Լուսինե.

Խնդրում եմ օգնեք հետևյալ հարցում. սահմանափակ պատասխանատվությամբ ընկերության միակ հիմնադիրը 2013 թվականից միաժամանակ ձեռք է բերել մեկ այլ փակ բաժնետիրական ընկերությունում 50% բաժնեմաս: Այս փաստը կարո՞ղ է ինչ որ կերպ անդրադառնալ այդ բաժնետիրական ընկերության այս կամ հարկատեսակով աշխատելու վրա, այսինքն կարո՞ղ է արդյոք այդ ՓԲԸ-ն աշխատել շրջանառության հարկով: Նշեմ, որ վերոհիշյալ ՍՊԸ-ն աշխատում է ավելացված արժեքի հարկով:

Անահիտ.

Հարգելիներս, մի հարց ունեմ: Աշխատակցի պայմանագրի ժամկետը լրացել է, կասե՞ք ինչ պետք է գրվի ծանուցման մեջ, և քանի՞ օր առաջ պետք է այն տալ աշխատակցին: Շնորհակալություն:

Մարինե.

Հարգելի գործընկերներ, խնդրում եմ օգնեք. ՀԿ-ն միջոցառումների ժամանակ սննդի համար ծախսեր է կատարել (սուրճի ընդմիջում) և դրա համար ունի բոլոր անհրաժեշտ փաստաթղթերը: Արդյո՞ք դրա համար պետք է 11 տոկոս եկամտահարկ վճարի: Խնդրում եմ հնարավորության դեպքում ասեք նաև, թե որ օրենքով կամ որոշմամբ է դա ամրագրված: Շնորհակալություն:

Լիա.

Հարգելի հաշվապահներ, խնդրում եմ ինձ օգնել մի հարցով` արձակաման նպաստի դեպքում եկամտային հարկ պահվու՞մ է, թե՞ ոչ:

Կարեն.

Բարև ձեզ: Հայաստանում գրանցված ՍՊԸ-ն կարո՞ղ է հաշիվ բացել արտասահմանյան բանկում (օր.` ԱՄՆ-ի կամ ԱՊՀ երկրների): Նախապես շնորհակալություն:

Աշոտ.

Բարև Ձեզ: Ես Ա/Ձ եմ, զբաղվում եմ կահույքի արտադրությամբ, չունեմ աշխատողներ, նախորդ հաշվետու տարում իմ շրջանառությունը չի գերազանցել 2 մլն-ը, խնդրում եմ ասացեք, թե ինչ հարկատեսակով և կարգով եմ հարկվելու այժմ և ինչպես եմ կատարելու սոց. վճարներ: Կանխավ շնորհակալություն:

Eva.

Հարգելի կոլեգաներ, ինչպե՞ս է հաշվարկվում և հաշվանցվում միկրոավտոբուսի վաճառքից առաջացած ԱԱՀ-ն (միկրոավտոբուսը կարելի՞ է համարել մարդատար ավտոմեքենա)
1. ԱԱՀ վճարող համարվող կազմակերպությունում
2. ՓՄՁ-ում

Որտեղի՞ց է կարելի քաղել այս ինֆորմացիան:

Angelina.

Խնդրում եմ պատասխանել իմ հետևյալ հարցին. եթե էլեկտրոնային եղանակով ուղարկված հաշվետվությունում կան սխալներ, ինչպե՞ս կարելի է այն փոխել, խնդրում եմ ինձ տալ ճիշտ ուղղություններ: Կանխավ հայտնում եմ շնորհակալություն:

Սիլվա.

Խնդրում եմ ինձ ուղարկեք գլխավոր տնօրենի և հաշվապահի պայմանագրի ձևեր, կանխավ շնորհակալ եմ:

Իգոր.

Բարև Ձեզ, կարո՞ղ եք ինձ աշխատանքի ընդունման հրամանի օրինակելի ձև ուղարկել, կանխավ շնորհակալություն:

Արթուր.

Բարև ձեզ: Աշխատողին տրամադրել եմ արձակուրդ (20 օր) 01/02/2013-28/02/2013: Կարո՞ղ եք օգնել` ես այդ գումարը ամսի քանիսի՞ն վճարեմ, և այդ գումարը եկամտային հարկի հաշվետվությունում փետրվար ամսում ցույց տա՞մ: Հաշվարկի համար պետք է վերցնել 01/02/2012-31/01/2013 ժամանակահատվա՞ծը: Եվ ես կարո՞ղ եմ տրամադրել ոչ թե 20 օր, այլ 22օր: Շնորհակալություն:

Արթուր.

Կազմակերպությունը կարո՞ղ է արդյոք ներմուծված ապրանքի համար վճարի կանխիկ տնօրենի միջոցով Դուբայում, և եթե հնարավոր է` օրենքի հղումով:

helen.

Հարգելիներս, հարցս հետևյալն է, խնդրում եմ արագ արձագանքել. ֆիզ արձակուրդի գումարը շահութահարկում ծախս չեմ կարող չէ՞ համարել և նվազեցնել:

helen.

Բարև հարգելիներս, խնդրում եմ արագ արձագանքել.
Ա/Ձ -ի սոցապի տարեկան հաշվետվության մեջ գրված է սոցի նվազագույն գումար, որը չպետք է պակաս լինի 60.000 դրամից, սակայն եթե Ա/Ձ-ն աշխատել է 3 ամիս, այնուհետ դադարեցրել է գործունեությունը, ինչպե՞ս պետք է լրացնել հայտարարգրի 27-րդ տողը, և այն հանձնում եմ թղթային տարբերակով, չէ՞: Եվ ևս մի հարց` անհատական հաշվետվության դեպքում մյուս ամիսները, որ չի աշխատել, ինչպե՞ս եմ լրացնում մյուս աշխատողների համար:

Արաքսյա.

Խնդրում եմ օգնեք ինձ կողմնորոշվել: Մանկապարտեզ բացելու համար անպայման անհրաժե՞շտ է ունենալ ՍՊԸ, թե՞ կարելի է գործունեություն ծավալել նաև ԱՁ-ով: Եվ հարկային դաշտում ո՞ր ձևով է առավել հարմար աշխատել:

Լիաննա.

2013թ-ից անաշխատունակության նպաստները հաշվարկելիս 2012թ. բաժին ընկնող ամիսների աշխատավարձերին պե՞տք է ավելացնել սոց. հատկացման գումարները, թե՞ ոչ:

Srbuk.

Խնդրում եմ իմ էլեկտրոնային փոստին ուղարկել հաշվապահական հաշվառման քաղաքականության ձև: Նախապես շնորհակալություն:

Արմենուհի.

Բարև Ձեզ:

Եթե տվյալ անձն 3 տարի աշխատել է հարկային կոդ չունեցող միջազգային կազմակերպությունում և սեփական նախաձեռնությամբ աշխատանքից ազատվելու դիմում է ներկայացրել, ըստ ՀՀ Աշխատանքի օրենսգրքի բացի չօգտագործված արձակուրդայինից, արձակման նպաստ կարո՞ղ է պահանջել, թե՞ ոչ: Եթե այո, ապա ի՞նչ չափով:

Կանխավ շնորհակալություն,
Արմենուհի

Անահիտ Սիմոնյան.

Ինչպե՞ս պետք է հաշվարկել ու համապատասխանաբար վճարել օտար երկրից, մասնավորապես՝ Իտալիա-Հռոմից, հրավիրված մասնագետի գործուղման ծախսերը ՀՀ տարածքում:

Նարինե.

Հարգելի գործընկերներ, խնդրում եմ ինձ ուղարկեք գլխավոր տնօրենի տեղակալի և կազմակերպության իրավաբանի պայմանագրի ձևեր, կանխավ շնորհակալ եմ:

Լյուդմիլա.

Բարև Ձեզ: Հարգելի հաշվապահներ, մինչև 2013թ-ը օտարերկրացիների հարկումը եկամտահարկով տարբերվում էր ՀՀ քաղաքացիներից: Հարց` 2013թ-ի հունվարի 1-ից օտարերկրացիների հարկումը եկամտային հարկով ի՞նչ դրույքաչափով է կատարվում: Խնդրում եմ կատարել համապատասխան հղում, եթե հնարավոր է: Շնորհակալ եմ կանխավ:

Զարա.

Բարև ձեզ: Ես Ա/Ձ եմ: 2008թ. օգոստոսից գնացել եմ ֆիզ. արձակուրդ: Աղջիկս արդեն 4 ամսական է, բայց ես մինչև հիմա չեմ ստացել նպաստի գումարը: Խնդրում եմ, ասացեք` որքա՞ն ժամանակում պետք է վճարում կատարվի:

Հելեն.

Հարգելիներս, մի հարց ունեմ: Հունվար ամսին ուղարկել եմ աշխատողների գրանցման հայտ, որտեղ մի աշխատողի պաշտոնը նշել եմ միայն թարգմանիչ, այնինչ՝ պետք է գրեի նաև տնօրեն: Եթե փետրվարի հաշվետվության ժամանակ նաև ուղարկեմ արդեն ուղղված գրանցման հայտը, որևէ խնդիր կառաջանա՞:

Ani.

Բարև ձեզ: Ես սկսնակ եմ, խնդրում եմ ասեք` ինչպես կարող եմ դրամարկղային գրքում որպես թղթակցվող հաշիվ գրանցել լիցենզիայի, ՀԴՄ սարքի (որի արժեքն է 58.000 դրամ) ձեռքբերումը և բանկում հաշվի բացման համար վճարված գումարը: Նախապես շատ շնորհակալ եմ:

ԱՇՈՏ.

Խնդրում եմ ասեք շրջանառության հարկի գանձապետարանի հաշվի համարը: Կանխավ շնորհակալ եմ:

Ռուզան.

Քանի՞ աշխատանքային օր ունի 2013թ-ի մարտ ամիսը:

karen.

Հարգելի մասնագետներ, հնարավո՞ր է արդյոք ավտոմեքենան Հայաստան ներմուծել որպես ավտոպահեստամաս (վնասված է շարժիչը, բայց մյուս մասերը հնարավոր է օգտագործել): Ֆիզ. անձի կողմից ներմուծելու դեպքում ինչպիսի՞ մաքսազերծում է նախատեսվում: Մեքենան գնվելու է Վրաստանից, և լինելու է ինվոյս/պայմանագիր, որի մեջ նշած է լինելու գնման գինը:

Կանխավ շնորհակալություն:

Նվարդ.

Ինչպիսի՞ հաշվապահական ձևակերպում տալ հիվանդության նպաստի վերաբերյալ: Կանխավ շնորհակալություն:

Անահիտ.

Բարև ձեզ: Ես ունեմ աշխատակից, ով գտնվում է չվճարվող արձակուրդում: Եկամտային հարկի ամփոփ հաշվարկի ժամանակ նրա համար չեմ նշել աշխատավարձի չափ, բայց սեղմել եմ հաշվիչի վրա, և նրա համար գրվել է զրո թիվը: Կարո՞ղ է սա պատճառ հանդիսանալ, որպեսզի հաշվետվությունս ՊԵԿ-ի կողմից ընդունվի սխալներով: Նախապես շնորհակալություն:

rena.

Հարգելի հաշվապահներ, խնդրում եմ ինձ օգնել: Եթե դրամարկղի գրիքը ավարտվել է 2009 –ին, և ես նոր գիրքը լրացրել եմ առանց հակային մարմնի հաստատման, ստացվում է, որ գիրքը կնքած չէ: Հիմա հանձնում եմ գործը այլ հաշվապահի: Ինչպե՞ս վարվեմ և ի՞նչ տուգանք պետք է վճարեմ: Կանխավ շնորհակալություն:

Աստղիկ.

Գործուղման օրապահիկից եկամտահարկ պահվու՞մ է:

Սասուն.

Բարև ձեզ: Ուղարկել եմ սխալ էլեկտրոնային հաշվետվություն, ինչպե՞ս կարող եմ ճշգրտվածը ուղարկել, եթե հնարավոր է` արագ կպատասխանե՞ք: Շնորհակալություն:

Վարյա.

Խնդրում եմ տալ հստակ պատասխան` եթե ես հաշվապահ եմ, ունե՞մ իրավունք ազատ գրաֆիկով աշխատելու, և ինչպե՞ս է կատարվում վարձատրությունը: Կանխավ շնորհակալություն:

AnnA.

Հարգելի հաշվապահներ, կարո՞ղ եք ասել` եթե իմ աշխատանքային պայմանագրի ժամկետը լրանում է սեպտեմբեր ամսին, կարո՞ղ է արդյոք գործատուն չերկարացնի իմ պայմանագիրը, եթե ես հղի եմ և պատրաստվում եմ նոյեմբերին գնալ ֆիզ. արձակուրդ, կանխավ շնորհակալ եմ:

Քնարիկ.

Խնդրում եմ մեմորիալ օրդերի մասին տեղեկություն տրամադրել: Նախապես շնորհակալություն:

Սամվել.

Բարև ձեզ, ես ԱՁ եմ և ունեմ մթերաին խանութ ու մեկ գրանցված աշխատող: Խնդրում եմ ինձ ասել, թե ինչ հաշվետվություններ պետք է ուղարկեմ ամսական, մասնավորապես` եկամտաին հարկի հաշվարկը աշխատողի համար, և այն միայն աշխատողի՞ համար է, թե իմ գործունեության համար էլ պետք է ուղարկեմ:

Եվ ևս մեկ հարց` նախորդ տարի ՀԴՄ հաշվետվությունը ներկայացվում էր ամսվա կտրվածքով, ինձ ասացին, որ այս տարի պետք է ներկայացվի եռամսյակը մեկ, սակայն հաշվետվությունների ցուցակում “60. ՏԵՂԵԿՈՒԹՅՈՒՆ` Հսկիչ-դրամարկղային մեքենայով իրականացված դրամական հաշվարկների հանրագումարի վերաբերյալ” բաժնում հաշվետուն կրկին ամսական է, այլ ոչ եռամսյակով, հաշվետվությունն է՞լ է փոխվել:

astxik.

Հարգելի հաշվապահներ, հարցս նոր եկամտային հարկի ամփոփ հաշվարկի մասին է: ԱՁ-ն աշխատող չունի, սակայն ունի վարձակալած տարածք, որի համար եկամտային հարկ է վճարում, որն էլ պետք է արտացոլվի եկամտային հարկի հաշվարկում` ինչպե՞ս: Գուցե ԱՁ-ին գրանցեմ որպես վարձու աշխատող, որպեսզի եկամտային ամփոփ հաշվարկի ձևը բացվի, որն աբսուրդ է: Եթե գիտեք, արձագանքեք: Շնորհակալություն:

Ջանիկ.

Խնդրում եմ ասել` կա՞ որևէ անձ կամ կազմակերպություն, որ կարող է օգնել ներկայացնելու էլեկտրոնային հաշվետվություն: Ասեմ, որ զբաղվում ենք առևտրով և պարզեցված դաշտում ենք: Կանխավ շնորհակալություն:

Գոհար.

Խնդրում եմ, որքան հնարավոր է շտապ պատասխանեք հետևյալ հարցին: Կազմակերպությունը վարձակալել է ավտոմեքենա ֆիզիկական անձից: Ո՞ր հաշվեհամարին պետք է փոխանցել եկամտային հարկը:

Արեն.

Բարև Ձեզ:

Կինս անհատ ձեռներեց է, ով դադարեցրել է իր գործունեությունը ընտանեկան խնդիրների պատճառով: Այժմ նա հղիության երրորդ ամսում է, բայց ցանկություն ունի վերսկսելու գործունեությունը: Արդյո՞ք խնդիրներ կառաջանան երեխայի ծնվելուց հետո ֆիզարձակուրդ գնալու և երեխայի խնամքի համար ամսական 18 000-ական դրամները ստանալու հետ:

Kristina.

Բարև Ձեզ:

1. Եթե ԱՊՊԱ-ից ՍՊԸ-ին պատկանող ավտոմեքենայի համար փոխատուցվել է 100 000 դրամ, ապա դա դիտվու՞մ է որպես եկամուտ ՍՊԸ-ի համար (Շահույթահարկի պարզեցված հաշվարկի մեջ 0103 տողում լրացնե՞մ այդ 100 000-ը):

2. Այդ 100 000-ը ՍՊԸ-ն փոխանցել է ավտոտեխսպասարկման կազմակերպությանը վերանորոգման համար (փաստաթղթերով հիմնավորվել է), ապա այդ ծախսը ցույց տամ Շահութահարկի պարզեցված հաշվարկի մեջ 0201 տողում, թե՞ 0202 տողում:

Ani.

Բարև Ձեզ, հարգելի հաշվապահներ: Խնդրում եմ ինձ օգնել: Ես ԱՁ եմ և վարում եմ առաքման գիրք: 2013 հունվար ամսից վարելու՞ եմ առաքման գիրք, թե՞ ոչ: Եվ ևս մեկ հարց` ես վճարում էի 11% առանց հիմնավորող փաստաթղթի ձեռքբերման դեպքում, այս նոր տարում ի՞նչ պետք է վճարեմ: Նախապես շնորհակալություն:

Թամարա.

Հարգելի հաշվապահներ, եթե ես հանդիսանում եմ ՍՊԸ հիմնադիր և տնօրեն (որպես տնօրեն պայամանագիր չկա կնքված և աշխատավարձ սահմանված չէ), վճարելու՞ եմ եկամտային հարկ: Եթե ընկերությանը ես որպես տնօրեն տալիս եմ փոխառություն, պե՞տք է արդյոք ձևակերպել ինչ որ փաստաթուղթ, փոխառության պայմանագիր:

Շնորհակալություն`
Թամարա

Razmik.

Բարև ձեզ, հարգելի հաշվապահներ: Խնդրում եմ մի քիչ պարզաբանեք շրջանառության հարկի մասին: Ո՞ր դեպքերում է հնարավոր, երբ տնտեսական գործունեություն իրականացնող ֆիզիկական կամ իրավաբանական անձը չի վճարում շրջանառության հարկ, այլ հարկվում է մեկ այլ հարկտեսակով, ու երբ նրա նախորդ տարվա շրջանառությունը չի գերազանցում 58.35 մլ. դր.:

Հարց 2. եթե չի գերազանցում վերը նշված շեմը, հարկ վճարողը ո՞ր դեպքերում է դառնում պարտադիր շրջանառության հարկ վճարող, և արդյո՞ք իրավունք ունի ընտրել այլ հարկատեսակով հարկվելու հնառավորություն, օրինակ` արտոնագրային վճարով

Հարց 3. Ա/Ձ-ն առաջ վճարում էր եկամտահարկ, 5 000 դր ամսական սոց. վճար և իր ամսական շրջանաոության 1 տոկոսը ՀԴՄ-ի տպված չեկերով, իսկ հիմա եթե համարվում է շրջանառության հարկ վճարող, ի՞նչ տեսակի վճարումներ պիտի կատարի:

Շատ եմ խնդրում` օգնեք ինձ հասկանալ` պատասխանելով հարցերիս: Սկսնակ հաշվապահ եմ և ձեր օգնության կարիքը շատ ունեմ, հարգելի հաշվապահներ: Նախապես անչափ շնորհակալ եմ: