Մարիետա․

Բարև ձեզ։ ՍՊԸ-ն ԱԱՀ-ով հարկվող է, զբաղվում է մանրամեծածախ վաճառքով։ Վայլդբերիս – ում վաճառքն իրականացնելիս ինչպիսի՞ն պետք է լինի գործընթացը։ Վայլդբերիս – ից հաշիվնե՞ր պետք է ստանանք և իրենց դուրս գրենք։ Ինչպե՞ս է լինելու վայլդբերիս – ով վաճառքների ձևակերպումը, եթե ապրանքը դրոշմապիտակավորվող է, ապա վայլդբերիս – ով վաճառքի դեպքում է՞լ պետք է դրոշմապիտակ փակցնենք։

Գայանե․

Բարև ձեզ, կասե՞ք, թե ինչպե՞ս և ու՞մ դիմել՝ ԵՏՄ վիճակագրական հաշվետվության հանձնման մուտքի թույլատվության կոդեր ստանալու համար։

Հարգելի հաշվապահներ, եթե ԱՁ աշխատում է ԱԱՀ-ով, պիկապ տեսակի մեքենա է ձեռքբերում, կարո՞ղ է ԱԱՀ-ն հետ ստանալ։ Նշեմ, որ վարձակալության կամ իրացման նպատակով չէ ձեռքբերումը։

Մարի․

Բարև Ձեզ, հարգելի հաշվապահներ։ ԱԱՀ-ով աշխատող կազմակերպությունը վճարել է ՀԿ-ին անդամավճար, 5 աշխատակցի համար։ Խնդրում եմ ասել՝ ինչպիսի՞ հաշվապահական ձևակերպումներ տալ, և ՀԿ -ն պե՞տք է հաշիվ վավերագիր դուրս գրի, թե՞ ոչ։

Քրիստինե․

Բարև բոլորին։ Կազմակերպությունը զբաղվելու է գինեգործությամբ, արտադրելու է գինի։ Բայց այս 2 ամսվա ընթացքում ոչ մի գործունեություն չի ծավալելու, միայն գնելու է հողատարածք և այգիներ։ Ունի միայն գրանցված տնօրեն։ Որպես գինեգործ կարո՞ղ է միկրոձեռնարկատիրության հայտարարություն տալ։ Բացի եկամտային հարկից այլ հաշվետվություններ կառաջանա՞ն, թե՞ ոչ։

Նանա․

Բարև ձեզ։ Անհատը զբաղվում է կահույքի արտադրությամբ: Կհուշե՞ք ԱՁ բացելու հաջորդական քայլերը, հարկման դաշտը:

Շուշանիկ․

Խնդրում եմ պարզաբանել․ 50 000 ՀՀ դրամ շեմը ապրանքի համար հիմնական միջոց ճանաչելու հետ կապված՝ ո՞ր օրենքով է նշված։

Ջուլիա․

Բարև ձեզ, հարգելի հաշվապահներ։ Խնդրում եմ պարզաբանել հետևյալ հարցը․ հարկադիր էլեկտրոնային աճուրդում հաղթող ճանաչված մասնակիցը կրում է անշարժ գույքի առուվաճառքի պայմանագիր կնքելու ժամանակ տվյալ անշարժ գույքի սահմանափակումների վերաբերյալ միասնական տեղեկանք ներկայացնելու պարտականությունը: Հարկային գործակալ հանդիսանալու դեպքում աճուրդում հաղթած մասնակիցը պարտավոր է աճուրդն անցկացնելու օրվանից երեք աշխատանքային օրվա ընթացքում ծառայության դեպոզիտ հաշվին կամ դրամարկղ մուծել լոտի գնման գինը՝ հաշվանցելով նախավճարը և որպես հարկային գործակալ վճարած եկամտային հարկը՝ ծառայություն ներկայացնելով վճարման փաստը հավաստող փաստաթուղթ: Գույքը պահանջատիրոջը հանձնվում է վերջինիս կողմից կատարողական գործողությունների կատարման ծախսերը, ինչպես նաև հարկեր վճարելու պարտականություն առաջանալու դեպքում նաև դրա վճարումը հավաստող փաստաթուղթ ներկայացնելուց հետո:

Նաիրա․

Բարև Ձեզ, ես սեփական տարածք ունեմ, ցանկանում եմ Էլոսի և մատնահարդարման ծառայություններ մատուցել։ Միկրոձեռնարկատիրակա՞ն գործունեություն է, թե՞ վճարելու եմ շրջանառության հարկ։

Սերգեյ․

ԱՁ-ն իրականացնելու է մեղրի արտադրություն ու վաճառք: Կարո՞ղ է գործել միկրոձեռնարկատիրության ռեժիմում: Նախապես շնորհակալ եմ:

Սոնա․

Բարև Ձեզ, խնդրում եմ օգնեք։ Աշխատակիցը ներկայացրել է հիվանդության թերթիկ 30․10․23-07.11․23թ-ն, և այն շարունակվել է մինչև 14․11․2023թ-ն։ Եթե արդեն հոկտեմբեր ամիսը հաշվարկվել և վճարվել է, նաև եկամտային հարկի և սոց․ վճարի հաշվետվությունը հանձնվել է, ի՞նչ գործողություններ պետք է կատարել։

Նունե․

Բարև ձեզ, խնդրում եմ կասե՞ք՝ ՏՏ արտոնագիր ունեցողները մինչև դեկտեմբերի 1-ը ո՞ր հաշվետվությունը պետք է ներկայացնեն ՏՏ նախարարություն։

Անի․

Կազմակերպությունը գնել է Microsoft-ի Power Pi ծրագրի օգտագործման տարեկան բաժանորդագրություն, ռեզիդենտության սերտիֆիկատը կա, ոչ ռեզիդենտի շահութահարկով չի հակվել, բայց առաջանու՞մ է արդյոք ռոյալթի։

Լիլիթ․

ԱՁ-ն կամ ՍՊԸ-ն, որոնք աշխատում են շրջհարկի դաշտում, ստանում են տարածքի վարձակալության ծառայություն, որի տարեկան վարձավճարը առանց ԱԱՀ փոքր է տարածքի կադաստրային արժեքի 2,5 % -ից։ Ի՞նչ պարտավորություններ են առաջանում վարձակալների համար:

Լիլիթ․

Հարգելի հաշվապահներ, հարցս հետևյալն է. Նույն հասցեում հաշվառված ծնող և զավակ ունեն գրանցված ԱՁ և ՍՊԸ: Ծնողը հանդիսանում է ՍՊԸ հիմնադիրներից մեկը և տնօրենն է նույն ՍՊԸ-ի, զավակն ունի ԱՁ, նրանք միմյանց միջև գործարքներ չեն կատարում։

Հարց․ արդյո՞ք համարվում են փոխկապակցված այս ԱՁ-ն և ՍՊՆ-ն, և արդյո՞ք երկուսն էլ պետք է աշխատեն ԱԱՀ-ի դաշտում։

Գուրգեն․

Բարև ձեզ։ Ցանկանում եմ բացել ԱՁ, մատուցելու եմ ՏՏ ծառայություններ արտերկրում գտնվող ֆիզանձանց և ընկերությունների համար: Դիմելու եմ ՏՏ հավաստագիր ստանալու համար, և հաստատվելու դեպքում կազատվեմ շահութահարկից, և քանի որ միայն արտերկրի համար եմ աշխատելու, ԱԱՀ-ն 0% կլինի:

Գործելու է կայք, որի միջոցով պատվիրելու են ծառայությունը և վճարելու են քարտով՝ ԱՄՆ դոլար արժույթով, որը նստելու է ԱՁ-ի դոլարային հաշվին և ավտոմատ փոխարկվի դրամի՝ բանկի տվյալ պահի փոխարժեքով և փոխանցվի դրամային հաշվին:

Մի քանի հարց ունեմ.

1. Ի՞նչ հաշվետվություններ և ի՞նչ պարբերականությամբ պետք է ներկայացնեմ ՊԵԿ
2. Արդյո՞ք պետք է հաշիվ դուրս գրեմ ամեն պատվերի համար: Եթե այո, ապա հաճախորդի ի՞նչ տվյալներ են հարկավոր դրա համար
3. Հաշվետվություններում ո՞ր փոխարժեքը պետք է հաշվի առնեմ՝ բանկի՞, թե՞ ԿԲ-ի
4. Կարո՞ղ եմ գումարը ստանալուց հետո միանգամից փոխանցել իմ անձնական հաշվին

Անի․

Ողջույն բոլորին։

ՍՊԸ-ն ներմուծում է ավտոմեքենաներ ԱՄՆ-ից, բացի ՌԴ արտահանելուց նաև վաճառելու է ՀՀ ում ֆիզ․ անձի։ 1-ին մեքենայի համար ներմուծման ժամանակ չի վճարվել բնապահպանական հարկ, 2-րդի համար վճարվել է։

1․ Հարկային հաշիվ դուրս գրելուց պե՞տք է բնապահպանական հարկ հաշվարկեմ և ինչպե՞ս։

2․ Այն մեքենայի համար, որի ներմուծման ժամանակ չի հաշվարկվել բնապահպանական հարկ, հարկային հաշվի մեջ պե՞տք է հաշվել բնապահպանակ հարկ։

3․ Բնապահպանական հարկի եռամսյակային հաշվետվություն պե՞տք է ներկայացնել։

Շնորհակալ կլինեմ պատասխաններիի համար։

Գայանե․

Բարև Ձեզ։ Խնդրում եմ պատասխանել՝ հրամանագիրք վարելը պարտադի՞ր է, թե՞ ոչ։ Եթե այո, ապա ինչպես են դասակարգվում և գրանցվում հրամանները՝ բոլորը միասին մեկ հրամանագրքում, թե՞ կադրերինը առանձին, ընդհանուր բնույթինը՝ այլ գրքում։ Շնորհակալություն։

Արամ․

Բարև Ձեզ։ Արդյո՞ք կարելի է նույն ապրանքների մատակարարման հարկային հաշվում առանձին տողով գրել նաև այդ ապրանքների համար բեռնափոխադրման ծառայության արժեքը։

Արշակ․

Բարև Ձեզ։ Ինչպե՞ս ստանալ արխիվից տեղեկանք, որ ես գրանցված եմ եղել որպես անհատ ձեռնարկատեր։ Շնորհակալություն։

Նարին․

Բարև Ձեզ: Որպես աշխատող սեպտեմբերի կեսին գրանցած ֆիրմայում պետռեգիստր գրանցման հաջորդ օրը գրանցել ենք նաև աշխատող միայն տնօրեն, ոչ լրիվ աշխատաժամանակ շաբաթական 10 ժամ ՝ օրական 2 ժամ, ժամը 1 000դրամ: Տնօրենի հաշվետվությունը եկամտայինի մասով հոկտեմբերին տրվել է, հարկը վճարվել, բայց աշխատավարձի փոխանցում քարտին չի եղել, ինչպե՞ս կարող եմ շտկել խնդիրը։ Արդյո՞ք հնարավոր է սեպտեմբեր և հոկտեմբեր ամսվանը նշել բանկային փոխանցման մեջ, որպեսզի ճիշտ լինի։

Նարե․

Բարև Ձեզ։ Խնդրում եմ պատասխանել արդյոք բոլո՞ր ա/ձ-ներն են ներկայացնելու իրական շահառուի հայտարարագիր անկախ՝ գործունեության ոլորտի, վարձու աշխատող ունենալ-չունենալու փաստի, շրջանառության գումարի, հարկման դաշտի։ 2022թ-ից դադարեցման մեջ գտնվող ա/ձ-ները արդյոք ներկայացնելու՞ են հայտարարագիր։ Բոլոր հարկատուները՝ անկախ իրավական տեսակի “ԻՐԱԿԱՆ ՇԱՀԱՌՈՒՆԵՐԻ ՎԵՐԱԲԵՐՅԱԼ ՀԱՅՏԱՐԱՐԱԳՐԻ” նու՞յն ձևն եններկայացնելու (Արդարադատության նախարարի 2021 թվականի օգոստոսի 30-ի N 416-Ն հրամանի Հավելված N 1)։

Կարեն․

Բարև Ձեզ։Կխնդրեմ օգնեք։ Ընկերությունը 2018 թվականից մինչև հիմա ունի 150 մլն չբաշխված շահույթ։ Եթե 2023 թվականի փետրվար ամսին ընկերությունը որոշում է հայտարարել շահաբաժինների վճարման մասին և 150 մլն դրամը ցանկանում է դեկտեմբեր ամսին վճարել։ Եթե նշված գումարը վճարի բաժնետերին, իսկ բաժնետերը այդ գումարը ներդնի ընկերության կանոնադրական կապիտալում, կարո՞ղ է ընկերությունը հետ ստանալ շահաբաժնի վճարումից առաջացած եկամտային հարկը։

Յուրա․

Ողջույն Բոլորին։ Ցանկանում եմ դառնալ ԱՁ և բացել “Լվա ինքդ” ավտոլվացման կետ մեր թաղամասում։ Կասե՞ք քայլերի հերթականությունը, պահանջվող թույլտվությունները տարբեր պետական կառույցների կողմից, հարկատեսակը, և ինչպե՞ս եմ այդ ամեն ինչը վճարելու։ Շնորհակալություն։

Արփինե․

Բարև ձեզ: Հարգելիներս, խնդրում եմ կօգնե՞ք։ Աշխատողը 3 տարի խնամքի արձակուրդից հետո 9 ամիս աշխատելուց հետո նորից գնում է ֆիզ․ արձակուրդ, մայրության և ծննդաբերության նպաստը հաշվարկելիս միջին աշխատավարձի հաշվարկի մեջ ներառվել են նաև ֆիզ․ արձակուրդի գնալուն նախորդող ամսվա աշխատավարձը 3 տարեկան երեխայի խնամքի արձակուրդին նախորդող ամիսվա փոխարեն։ Որոնք եղել են տարբեր։ Որի արդյունքում հաշվարկված նպաստի չափը ավել է ստացվել, բայց նպաստը արդեն փոխանցվել է նպաստառուին: Ինչպե՞ս վարվել։ Արդյո՞ք պետք է կատարել վերահաշվարկ և գումարի ետպահում կատարել տվյալ անձի արձակուրդայինի հաշվարկից։ Նշեմ նաև, որ ֆիզ․ արձակուրդի ավարտից հետո նա պետք է օգտվի իրեն հասանելիք ամենամյա արձակուրդից։ Ինչպե՞ս է կատարվելու ավել վճարված գումարի ետգանձման ընթացակարգը ըստ հերթականության։

Հերմինե․

Բարև Ձեզ։ Խնդրում եմ պատասխանել՝ եթե կազմակերպությունը ֆիզ․ անձի անունով հաշիվ է դուրս գրել մինչև 300 000 դրամ, արդյո՞ք կարող է գումարը կանխիկով ստանալ, եթե ոչ՝ կասե՞ք, թե Հարկային օրենսգրքի 381 հոդվածի 3 կետով է կարգավորվում, թե՞ այլ օրենքով։

Կարեն․

Բարև Ձեզ։ Դրամարկղային գիրքը 2024 թվականի հունվարի 1-ից դառնում է պարտադիր էլեկտրոնային։ Կասե՞ք՝ դրա լրացման կարգը ո՞նց է, ամեն օր պե՞տք է լրացնենք։

Աննա․

Հարգելի հաշվապահներ, ԵՏՄ ներմուծում է եղել, մինչև հաջորդ ամսվա 10 պետք է ներկայացնել Ապրանքների փոխադրման հաշվառման վիճակագրական ձև։ Կասե՞ք խնդրեմ՝ պետք է մտնել https://trade.gov.am/ և սեղմել վիճակագրական ձև, թե՞ ապրանքների հայտարարագիր: Կանխավ շնորհակալ եմ:

Գեղամ․

Ցանկանում եմ բացել գյուղատնտեսական մթերքի վաճաքի կետ՝ խանութ, տանս կից։ Խնդրում եմ օգնեք՝ ի՞նչ է պետք դրա համար, օրինակ ՀԴՄ, և ի՞նչ հարկային դաշտով կարելի է աշխատել։

Անի․

Հարգելի՛ հաշվապահներ, աշխատակիցը ֆիզ․ արձակուրդից վերադառնում է նոյեմբերի 15-ին, բայց մինչև ֆիզ գնալը արձակուրդ վերջին անգամ գնացել է 2020թ. հոկտեմբեր ամսին: Ֆիզ է գնացել 2021թ. սեպտեմբերի 20-ին: Ինչպե՞ս վարվել, չօգտագործած արձակուրդը ե՞րբ տրամադրել:

Լիլիթ․

Բարև ձեզ, հարգելի հաշվապահներ։ Հարցս վերաբերվում է չվճարվող արձակուրդին․ մեկ տարվա ընթացքում տրամադրվող 60 օրը դա աշխատանքայի՞ն օրերի մասին է խոսքը։

Ժաննա․

Բարև Ձեզ, խնդրում եմ օգնել․ ՍՊԸ-ն Իզիփեյ-ի հետ կնքել է պահատվության պայմանագիր, որից հետո ՍՊԸ-ի տարածքում տեղադրել է վճարային տերմինալ, և Իզիփեյը պարտավորվում է ՍՊԸ-ին վճարել ամսավճար։ Խնդրում եմ օգնել տալ դրա հաշվապահական ձևակերպումները։

Կարեն․

Բարև Ձեզ։ ՍՊԸ-ն նոյեմբերի 5-ին ներմուծում է կատարել, որի դիմաց տրանսպորտային կազմակերպությունը հաշիվ է գրել 2 000 ԱՄՆ դոլլարի չափով։ Ինվոյսը տրանսպորտային կազմակերպությունը գրել է նոյեմբերի 8-ին։ Այս դեպքում պե՞տք է նոյեմբերի 8-ի ԿԲ-ի կուրսը հիմք վերցնենք գործարքը դրամի վերածելու համար։

Ալլա․

Բարի երեկո։ Խնդրում եմ օգնել լուծել հետևյալ խնդիրը։

Ձևակերպել արտադրանքի վաճառքի գործառնությունները՝ որոշելով իրացումից ստացված շահույթը կամ վնասը։

Գնորդներին վաճառվել է պատրաստի արտադրանք։ Հասույթը՝ կանխիկ գումարով 250 000 դրամ՝ գումարած 20% ԱԱՀ, մուտքագրվել է դրամարկղ։ Ապառիկ վաճառվել է 1 400 000 դրամի արտադրանք՝ գումարած 20% ԱԱՀ։ Վաճառված արտադրանքի փաստացի արտադրական ինքնարժեքը կազմել է 1 000 000 դրամ։ Վաճառքի հետ կապված կատարվել են հետևյալ ծախսերը․

• փաթեթավորման նյութեր՝ 52 000 դրամ
• աշխատավարձ պահեստում փաթեթավորող բանվորներին՝ 150 000 դրամ
• տրանսպորտային կազմակերպությանը հաշվարկային հաշվից փոխանցվել է 96 000 դրամ՝ ներառյալ ԱԱՀ-ն
• գովազդի համար ստացվել է հաշիվը՝ 60 000 դրամ՝ գումարած ԱԱՀ

Այլ հաշվապահական խնդիրներ

Հասմիկ․

Բարև Ձեզ։ Ընկերությունը ունի 13 բաժնետեր, 87 % – ի բաժնետերը գլխավոր տնօրենն է, մնացածը ըստ դեպոզիտարիայի կան, բայց իրականում կամ մահացած են, կամ էլ իրավահաջորդ չունեն: Նման պարագայում ինչպե՞ս վարվեմ, չէ՞ որ կա շահաբաժիններ հասկացությունը:

Բագրատ․

Բարև բոլորին։ Ընկերությունը զբաղվում է մեքենաների ներմուծմամբ և վաճառքով, նաև արտահանում է դեպի ՌԴ (վաճառում է ֆիզ անձի)։ Ներկա պահին կարո՞ղ է արդյոք ետ ստանալ ԱԱՀ-ն, և եթե ոչ՝ կներկայացնե՞ք այն հոդվածը, որով արգելվում է։

Արտակ․

Բարև Ձեզ։ Կխնդրեի օգնել հետևյալ հարցում՝ եթե ՌԴ ֆիզիկական անձը ՀՀ ֆիզիկական անձին գումար է փոխանցում, արդյո՞ք ՀՀ ֆիզիկական անձի համար առաջանում է եկամտային հարկի պարտավորություն։

Անի․

Հարգելի՛ հաշվապահներ, սեփական տունը վարձով է տրվում ֆիզ․ անձից ֆիզ անձին: Կան մի քանի սենյակներ, և բոլոր սենյակները վարձակալում են տարբեր մարդիկ: Ինչպե՞ս կազմակերպել օրինական աշխատելու գործընթացը: Որտեղի՞ց սկսել և ի՞նչ հարկատեսակով աշխատել օրինական դաշտում: Շնորհակալություն։

Տիգրան.

Աշխատանքի առաջարկ եմ ստացել ՌԴ-ից։ Ցանկանում եմ ԱՁ բացել, բայց փոխանցումը ՌԴ-ից իմ ԱՁ հաշվեհամարին խնդիր է։ Գործը ՏՏ ոլորտում է։ Ո՞վ փորձ ունի, կարո՞ղ եմ արդյոք քարտիս (անհատական) փոխանցված գումարը ներկայացնել հաշվետության մեջ։ Շնորհակալություն։

Հեղինե․

Բարև ձեզ: ՌԴ քաղաքացին ՀՀ-ում գրանցել է ԱՁ և ձեռք բերել Հայաստանում կացության կարգավիճակ: Սոց․ վճարի մասով ի՞նչ պարտավորություն է առաջանում ԱՁ-ի մոտ, եթե աշխատում է ԱԱՀ-ով։ Կանխավ շնորհակալ եմ։

Մարիամ․

Դպրոցի բուֆետը ո՞ր տնտեսական դասկակարգիչով ավելի ճիշտ կլինի որ աշխատի, շրջանառության հարկ վճարող է, հանրային սնունդ է լինելու։ Կհաշվառվենք սննդի անվտանգության կայքում։ Իսկ աշխատողը որևէ բուժ․ զննում պե՞տք է անցնի, թե՞ ոչ։ Բացի դա կա՞ էլի որևէ պայման, որ պետք է ծանոթանալ։ Կանխավ շնորհակալ եմ։

Անահիտ․

Բարև Ձեզ: Խնդրում եմ օգնել տալ հաշվապահական ձևակերպում: Աշխատակցին օրապահիկի գումար է փոխանցվել: Ինչպիսի՞ հաշվապահական ձևապերպում պետք է տալ։ Փոխանցված գումարը ո՞ր հաշվով ձևակերպեմ։

Կարեն.

Բարև Ձեզ։ Շուկայից (առանց փաստաթղթի) ԱԱՀ վճարող ԱՁ-ն ձեռք է բերել 180 000 ՀՀ դրամի ապրանք։ Կասե՞ք՝ հաշվապահական ձևակերպումները ինչպե՞ս տալ։

Նաիրա.

Բարև Ձեզ: ՀՀ Աշխատանքային օրենսգրքի ո՞ր հոդվածով կարելի է աշխատողին տեղափոխել (փոխադրել) նույն գործատուի մոտ այլ աշխատանքի։

Անահիտ.

Բարև ձեզ, հարգելի գործընկերներ, կխնդրեի մեկնաբանել՝ ինչպես կարելի է դուրսգրել Ղարաբաղում գրանցված և այժմ փաստացի չգործող իրավաբանական անձանց դեբիտորական պարտքերը, փաստացի ֆորս մաժոր է, բայց դուրսգրման կարգում կարծես դա նախատեսված չէ։

Աննա.

Հարգելի հաշվապահներ, շրջանառության հարկով աշխատող ՍՊԸ ներմուծում է արել, սահմանը հատել է այսօր, կասե՞ք՝ ե՞րբ պետք է վիճակագրական հաշվետվություն, հայտարարություն և հայտարարագիր ներկայացնել: Կանխավ շնորհակալ եմ:

Անահիտ.

Գազալցակայանը կարո՞ղ է աշխատել շրջանառության հարկով, եթե տարեկան շրջանառությունը 115 մլն շեմը չի գերազանցել։

Անի․

Բարև Ձեզ։ Կխնդրեի հնարավորության դեպքում պատասխանել։ Անձը գրանցված աշխատող է և ունի ՀՀ քաղաքացիություն, ինչ որ մի պահից ստանում է նաև այլ երկրի քաղաքացիություն, հետագայում լինելով երկքաղաքացի, ՀՀ քաղաքացիությունը չկորցնելով և չունենալով կացության քարտ, հնարավո՞ր է արդյոք այլ երկրի տրամադրված անձնագրով շարունակել աշխատել ՀՀ ում։

Անի․

Ողջույն։ Արդյո՞ք ԱՁ-ի հաշվի քարտով գնումներ կատարելիս, հետագայում որպես ծախս ձևակերպելու հնարավորություն ունենալու համար, պարտադիր է նշել, որ ԱՁ-ի համար է կամ օնլայն քարտի անունն լրացնելիս նշել ԱՁ:

Իմ հասկանալով՝ պարտադիր չէ: ԱՁ-ն համարվում է Ֆիզ. անձ և իր գույքով է պատասխանատու: Բացի այդ, բիզնես հաշիվ ունենալն օրենքով պարտադիր չէ, զուտ ցանկալի է հարկային գործերն հեշտացնելու համար: Այս տրամաբանությամբ, ստացվում է՝ նույնիսկ անձնական հաշվից բիզնեսի ծախս անելն ընդունելի պետք է լինի: Իսկ բիզնես հաշվից ծախսն, նույնիսկ առանց ԱՁ նշելու, ինքնին ենթադրում է բիզնեսի ծախս:

Նելլի․

Բարև Ձեզ։ Ա/Ձ բացել է ստոմատոլոգիական կլինիկա, աշխատում է շրջանառության հարկի դաշտում։ Ինչպե՞ս պետք է վարել հաշվապահությունը, եթե ապահովագրական ընկերությունների հետ է աշխատելու։ Եվ կարո՞ղ եք օրենքի հղում տալ՝ առանձնահատկություններին ծանոթանալլու համար։ Կանխավ շնորհակալ եմ։