Կազմակերպությունը ձեռք է բերել հիմնական միջոց
Արթուր.
Հարգելի գործընկերներ, կազմակերպությունը շուկայից գնման ակտով ձեռք է բերել հիմնական միջոց՝ 100 000 + 11 000 եկամտային հարկ: Այս 11 000 եկամտային հարկը արդյո՞ք միացվում է հիմնական միջոցի ինքնարժեքին, թե՞ դիտվում է որպես ժամանակաշրջանի ծախս: Նախապես շնորհակալություն:
ՀԿ-ն դասընթացներ է կազմակերպում
Անահիտ.
ՀԿ-ն դասընթացներ է կազմակերպում և հրավիրված դասախոսների հետ պետք է պայմանագիր կնքի և վճարի։ Ի՞նչ տիպի պայմանագիր պետք է դա լինի, եթե նա ամսվա մեջ ընդամենը 1-2 օր կամ մի քանի ժամ է դասավանդում: Ի՞նչ հարկեր է հաշվարկվում:
Ի՞նչ փաստաթղթեր են անհրաժեշտ
Շողիկ.
Ցանկանում եմ թարմ ձկան և մսամթերքի խանութ բացել: Ի՞նչ փաստաթղթեր են անհրաժեշտ, և ո՞ր հիմնարկների կամ կազմակերպությունների թույլտվությունն է անհրաժեշտ: Խնդրում եմ օգնել, նախապես շնորհակալ եմ:
Ի՞նչ հարկատեսակով է հարկվելու անհատ ձեռնարկատերը
Արսեն.
Բարև ձեզ:
Գրանցվել եմ որպես ԱՁ և պատրաստվում եմ 35մ2 սեփական տարածքում կազմակերպել մի քանի տեսակի գործունեություն՝
1. Ինտերնետ ակումբ առանց խաղերի
2. Համակարգիչների վերանորոգում
3. Փաստաթղթերի պատճենահանում
4. Գրենական պիտույքների վաճառք
Ունենալու եմ մեկ վարձու աշխատող:
Ասացեք, խնդրեմ, ի՞նչ հարկատեսակով եմ հարկվելու:
Աշխատողների համար հավելավճար չի հաշվարկվել
Աննա.
Հարգելի հաշվապահներ, հարցս հրատապ է: Խնդրում եմ օգնել: Ես ընդունել եմ աշխատանքի ներկարար և ատաղձագործ, սակայն հավելավճար չեմ հաշվարկել և չեմ վճարել: Ցանկանում եմ ուղղել սխալս և չգիտեմ` արդյո՞ք ճիշտ եմ.
1. արդյո՞ք աշխատանքային պայմանագրում պետք է ներառվի հավելավճարի գումարը, թե՞ ոչ
2. աշխատավարձի քանի՞ տոկոսը պետք է կազմի հավելավճարը 30% թե 50%, և կխնդրեի ասել` օրենքի ո՞ր հոդվածով է դա կարգավորվում
3. և եկամտային հարկի հաշվարկում ո՞ր սյունյակում պետք է ներառել հավելավճարի գումարը (հաշվետվության 1.6 կետ աշխատավարձ (բազային եկամու՞տ
Կանխավ շնորհակալ եմ արձագանքի համար:
Գույքահարկի հաշվարկ
Սասուն.
Բարև ձեզ: Ինչպե՞ս հաշվարկեմ 2006թ., 1999թ. 110 ու 100 ձիաուժ ունեցող մարդատար գազելների գույքահարկը 2013թ. 1-ին կիսամյակի համար: Կանխավ հայտնում եմ շնորհակալությունս:
Վարձակալության պայմանագրի լուծում
Ojaxrelty.
Խնդրում եմ տրամադրեք անշարժ գույքի վարձակալության դադարեցման պայմանագրի ձև: Կանխավ շնորհակալութուն:
Արդյո՞ք կարելի է շարունակել ռուսական աշխատանքային գրքույկը
Արսինե.
Հարգելի հաշվապահներ,
1. Արդյո՞ք կարող ենք շարունակել ռուսական աշխատանքային գրքույկը,
2. Եթե աշխատողը աշխատում է համատեղությամբ և պետք է գնա ֆիզ. արձակուրդ, ապա ժամանակավոր անաշխատունակության նպաստը ստանում է մե՞կ աշխատավայրից, թե՞ երկու աշխատավայրերից էլ` համապատասխան աշխատավարձի հիման վրա հաշվարկ կատարելով:
Կանխավ շնորհակալություն:
Մեքենայի գույքահարկի հաշվարկ
Ռաֆաել.
Բարև ձեզ, կխնդրեի հաշվարկել մեքենայի գույքահարկը: Թողարկման տարի 2007, մարդատար, 175 ձ/ու, և խնդրում եմ ասել` եթե մեքենան և ես գրանցված ենք Գյումրիում, իսկ ես բնակվում եմ Երևանում, կարո՞ղ եմ արդյոք վճարել գույքահարկը Երևանում և ինչպե՞ս:
Նպաստի արտացոլում եկամտային հարկի հաշվետվության մեջ
Մարիամ.
Ամսվա ընթացքում վճարվել է աշխատողի թաղման նպաստ: Ինչպե՞ս դա արտացոլել եկամտային հարկի էլեկտրոնային հաշվետվությունում: Հաշվետվությունում չկա թաղման նպաստի տեսակը ընտրելու հնարավորություն:
Դրամարկղային գրքի գրանցումների հետ կապված
Artur.
Բարև Ձեզ, հարգելի հաշվապահներ, հարցս վերաբերում է մանրածախ առևտրով զբաղվող ՍՊԸ-ի դրամարկղի գրքում գրանցումներին: Ինչպե՞ս են դրանք գրանցվում, ի՞նչ ժամկետներում: Արդյո՞ք ամեն օր պետք է գրանցել: Նախապես շնորհակալություն:
Արդյո՞ք աշխատողը կարող է օգտվել հերթական արձակուրդի իրավունքից
Ani.
Երեխայի խնամքի արձակուրդում գտնվողն արդյո՞ք կարող է վերցնել իր հերթական տարեկան արձակուրդը: Եվ եթե այո, ապա նա զրկվու՞մ է տվյալ ամսվա նպաստից:
Արդյո՞ք խախտվել են օրենքի պահանջները
Հերմինե.
Խնդրում եմ պատասխանեք` եթե աշխատողի ամսական աշխատավարձը կազմում է 150 000 դրամ, աշխատանքի չի ներկայացել 8 օր, ես նրան 8 օրվա համար չեմ վճարել, դա օրենքի խախտում համարվու՞մ է:
Փոխառության տրամադրում կազմակերպության հիմնադրին
Armen.
Բարև Ձեզ:
Հարգելի գործընկերներ, կազմակերպությունը հիմնադրին անտոկոս փոխառության պայմանագրով ցանկանում է գումար տրամադրել: Ինձ մի բան է հետաքրքրում. անցյալ տարի 1 անգամ տվել ենք, սակայն այդ գումարը դեռ չի վերադարձվել, մարման ժամկետը մինչև 2016 թվականն է, հիմա ես կարո՞ղ եմ նույն մարդուն կրկին նոր անտոկոս փոխառության պայմանագրի հիման վրա գումար տրամադրեմ: Եթե այո, ապա խնդրում եմ գրել թղթակցող հաշիվը: Շնորհակալություն:
Հաշվապահական հաշվառման հաշվային պլան
Նարինե.
Կարո՞ղ է որևիցե մեկը ինձ ուղարկել հաշվային պլանը անգլերեն լեզվով:
Վերջնահաշվարկի վերահաշվարկ կատարելու համար
Դիանա.
Խնդրում եմ օգնեք, ես աշխատել եմ պետական համակարգում 16 տարի, աշխատանքից ազատվել եմ դիմումիս համաձայն 2013թ, այժմ ստացել եմ վերջնահաշվարկ, որը իմ կարծիքով թերի հաշվարկ է: Ես ունեցել եմ 2012թ. արձակուրդի իրավունք, որից չեմ օգտվել և համապատասխան ղեկավարի մակագրությամբ այն տեղափոխել եմ 2013թ., սակայն աշխատանքից հեռացել եմ մայիս ամսին, այսինքն ընթացիկ տարում ևս աշխատել եմ այդքան ամիս: Ավելին, ազատման հրամանից հետո ինձ վերջնահաշվարկը փոխանցվել է հուլիս ամսին միայն, որը կազմում է մեկ աշխատավարձի չափով գումար: Կարո՞ղ եք հուշել` որքանով են խախտված իրավունքներս, և վերահաշվարկ անելու համար ու՞մ պետք է դիմել այս դեպքում: Շատ շնորհակալ կլինեմ արձագանքների համար:
Արձակուրդայինի հաշվարկի ժամանակ
nara.
Բարև ձեզ, հարգելի հաշվապահներ: Խնդրւմ եմ օգնեք: Արձակուրդայինի հաշվարկի ժամանակ տվյալ տարվա մեջ մեկ ամսվա պարապուրդը ինչպե՞ս է գումարվոմ: Հմարվում է սովորակա՞ն ամիս:
Կազմակերպությունը աշխատում է զբոսաշրջության ոլորտում
Արթուր.
Հարգելի կոլեգաներ, կազմակերպությունը աշխատում է զբոսաշրջության ոլորտում, պայմանագրեր է կնքում ֆիզ. անձանց հետ, ուղարկում է հանգստանալու տարբեր հյուրանոցներ ՀՀ և ԼՂՀ տարածքում: Ֆիզ. անձը գումարը փոխանցում է տվյալ տուրօպերատորի հաշվարկային հաշվին, այնուհետև տուրօպերատորը պահում է իրեն հասանելիք միջնորդավճարը` տարբերությունը փոխանցելով հյուրանոցին: Հյուրանոցների հետ հանձնարարության պայմանագիր կնքելու դեպքում ԱԱՀ շեմի հաշվարկման համար ո՞ր գումարն է հաշվարկվում` ֆիզ. անձից ստացված ամբո՞ղջ գումարը, թե՞ միայն հանձնակատարին հասանելիքը: Եվ նախքան ԱԱՀ շեմը անցնելը շրջանառության հարկով աշխատելու դեպքում ո՞ր գումարն է հարկվելու շրջհարկով` ֆիզ. անձից ստացված ամբո՞ղջ գումարը, թե՞ միայն հանձնակատարին հասանելիքը:
Աշխատավարձի հաշվարկ
Ելիզ.
Բարև Ձեզ: Խնդրում եմ օգնել, իմ հարցը հետևյալն է.
Հիմնական աշխատավարձը` 125000 է, մաքուր աշխատավարձը` 111500, սոց. ապահովության վճարը` 24000: Բայց 125000-24000 հավասար չէ 111500-ի:
Հնարավո՞ր է` հիմնական աշխատավարձի չափից հանած սոց. ապահովության վճարը հավասար չլինի մաքուր աշխատավարձի չափին:
Կանխավ շնորհակալոււթյուն:
Հաշվապահական ձևակերպումներ
Մանե.
Բարև ձեզ, հարգելի հաշվապահներ, խնդրում եմ օգնեք տալ հետևյալ գործառնությունների հաշվապահական ձևակերպումները:
1 Մատակարարից հարկային հաշվով ձեռք է բերվել հումքի տեսականի /ընդամենը 23.352.000, ԱԱՀ- 4.6700.400/:
2 Ձեռքբերված հումքատեսակները կազմակերպություն են տեղափոխվել կապալառուի բեռնատարով: Ավտոծառայության արժեքը ըստ հարկային հաշվի կազմում է 720.000 դրամ, ներառյալ ԱԱՀ- 120.000 դրամ:
3 Արտադրությունում զբաղված աշխատողներին հաշվեգրվել է աշխատավարձ:
4 Արտադրությունում ծախսվել է Մանրամասն
Բնական կորուստի դուրսգրման ակտ
Հայկ Սարգսյան.
Հարգելի գործընկերներ,
կազմակերպությունում մսի պահեստավորման (սառեցման ժամանակ) բնական կորուստ է տեղի ունենում: Կառավարությունը ունի՞ մշակված ձև բնական կորուստը պահեստից դուրս գրելու:
Կանխավ շնորհակալ եմ:
Որքա՞ն կկազմի արձակուրդայինը
Ռուզաննա.
Բարև ձեզ, ես ուսուցչուհի եմ, ստանում եմ ամսական 86990 դրամ: Հուլիսի 1-ից գնացել եմ արձակուրդ: 5-օրյա աշխատանքային շաբաթվա դեպքում ինչքա՞ն կկազմի իմ արձակուրդայինը: Նշեմ, որ 2012-2013 ուստարում ոչ մի փոփոխություն չի եղել աշխատավարձիս:
Ի՞նչ տվյալներ պետք է լրացվեն եկամտային հարկի հաշվարկում
Վարդուհի.
Բարև ձեզ, հարգելի հաշվապահներ: Ինձ հետաքրքրում է մի հարց. եթե աշխատողին 2012թ.-ի նոյեմբերի 1-ին տրվել է հղիության և ծննդաբերության արձակուրդ, իսկ հիմա այդ աշխատողը գտնվում է երեխայի խնամքի համար տրվող արձակուրդում, եկամտային հարկի հաշվետվության մեջ այդ աշխատողի համար ի՞նչ տվյալներ պետք է լրացվեն: Ճի՞շտ է արդյոք այդ աշխատողի համար ոչինչ չլրացնել և այդպես հանձնել ՊԵԿ:
Մեքենայի տեխ. զննում
Հեղինե.
Հնարավո՞ր է անցկացնել մեքենայի տեխ. զննումը, եթե գույքահարկը չի վճարվել:
Օղու վաճառք իրականացնելու համար
Կարինե.
Ի՞նչ փաստաթղթեր են անհրաժեշտ անհատ ձեռնարկտիրոջը օղու վաճառք իրականացնելու համար: Շնորհակալություն:
Ինչպե՞ս կատարել ձևակերպումը
Գոհար.
Հարգելի հաշվապահներ, խնդրում եմ պատասխանել հետևյալ հարցին:
ՍՊԸ-ն հանդիսանում է շրջանառության հարկ վճարող: Ծառայություններից իրացումը կազմել է 100 000 դրամ: Ինչպե՞ս կատարեմ եկամտի և շրջանառության հարկի ձևակերպումը:
Կանխավ շնորհակալություն,
Գոհար
Փոխառությունը ժամանակին չի վերադարձվել
Կարեն.
Հիմնադրից պայմանագրով 1 տարով ստացվել է փոխառության, սակայն անցել է 3 տարուց ավելի և գումարը չի վերադարձվել: Ի՞նչ խնդիրներ կարող են առաջանալ հարկային առումով:
Արդյո՞ք պետք է հաշվարկվի և վճարվի 11% եկամտային հարկ
Արսինե.
Հարգելի հաշվապահներ, խնդրում եմ օգնեք.
կազմակերպությունը ՓԲԸ է, զբաղվում է արտադրությամբ և աշխատում է շրջանառության հարկով: Բայց ՓԲԸ-ն ունի նաև արտոնագրային վճարով գործող հանրային սննդի օբյեկտ: Գիտեմ, որ շրջանառության հարկ վճարողները ազատված են 11% եկամտային հարկ պահելու պարտավորությունից, սակայն հարցս հետևյալն է. արտոնագրային վճարող համարվող հանրային սննդի օբյեկտի համար փաստաթղթերով չհիմնավորված ձեռքբերումների մասով արդյո՞ք պետք է հաշվարկվի և վճարվի 11% եկամտային հարկ, թե՞ ոչ: Կանխավ շնորհակալություն:
Ինչպե՞ս է հարկվում գարեջրատունը
Սարգիս.
Ողջույն: Հարգելի գործընկերներ, "Արտոնագրային վճարների մասին" ՀՀ օրենքի հավելված 7-ում նշվում է, որ "սույն հավելվածի իմաստով հանրային սննդի ոլորտում իրականացվող գործունեություն է համարվում խոհարարական արտադրանքի սպառման կազմակերպումը...": Խնդրում եմ պատասխանեք` այդ դեպքում ինչպե՞ս է հարկվում գարեջրատունը ոգելից խմիչքների և առհասարակ պատրաստի արտադրանքի վաճառքի դեպքում:
Արդյո՞ք աշխատողը ունի հերթական արձակուրդի իրավունք
Նարե.
Հարգելի հաշվապահներ, խնդրում եմ օգնեք.
Աշխատողը գտնվում էր երեխայի խնամքի արձակուրդում և 01.02.2013թ-ին վերադարձել է աշխատանքի: Խնդրում եմ ասել` կարո՞ղ եմ արդյոք նրան 01.07.2013թ-ից տրամադրել հերթական արձակուրդ, թե՞ ոչ: Եվ եթե ոչ, ե՞րբ կարող եմ նրան տրամադրել արձակուրդ: Կանխավ շնորհակալ եմ:
Դրամարկղային գիրքը էլեկտրոնային եղանակով վարելու նախագծի վերաբերյալ
Արման.
Հարգելի կոլեգաներ, կոչ եմ անում քննարկել դրամարկղային գրքերի վարման հետ կապված նոր փոփոխությունը, համաձայն որի դրամարկղային գրքերը վարելու ենք էլեկտրոնային եղանակով: Ե՞րբ է օրենքը մտնելու ուժի մեջ, արդյո՞ք լինելու է ցանկությամբ, թե՞ պարտադիր: Արդյո՞ք կողմ եք այդ նախագծի ընդունմանը:
Արդյո՞ք կարող է անձը հանդես գալ որպես գլխավոր հաշվապահ
Արփինե.
Եթե անձը հանդիսանում է ՍՊԸ-ի հիմնադիր և գլխավոր տնօրեն, կարո՞ղ է արդյոք հանդես գալ նաև որպես ընկերության գլխավոր հաշվապահ:
Նորաբաց կազմակերպությունը դեռ չի գործում
Դիանա.
Խնդրում եմ կողմնորոշեք` նորաբաց ՍՊԸ-ն, որը դեռ չի գործում, արդյո՞ք պետք է ամսական հաշվետվություն ներկայացնի հարկային մարմնին:
Գույքահարկի հաշվարկ
Գագիկ.
Ինչպե՞ս կարելի է հաշվարկել 1998 թվականի արտադրության մեքենայի գույքահարկը: Մեքենան OPEL VECTRA մակնիշի է, տիպարտ 2.01, շարժի հզորություը 101/136 ԿՎՏ/Ձ.ՈՒ: Գույքահարկի մասին օրենքի 7-րդ հոդվածը կարդացել եմ, բայց այնտեղ նշված չէ 10 տարուց ավել մեքենայի գույքահարկը, որքան գումարո՞վ է հարկվում 100, թե՞ 200 դրամով:
Գիշերավարձի հատուցում
Հայկ Սարգսյան.
Հարգելի գործընկերներ, օգնեք հասկանալ.
Եթե աշխատակիցը չի բերում ՀՀ տարածք գործուղվելիս գիշերավարձի ծախսերը հիմնավորող փաստաթղթեր և գործուղման հրամանով տվյալ գործուղման փաստացի կատարված ծախսերի հատուցման պահանջ չի սահմանվում, ապա գիշերավարձը հատուցվու՞մ է յուրաքանչուր գիշերվա համար նվազագույն 5000 դրամի չափով, թե՞ ընդհանրապես չի հատուցվում:
Շնորհակալություն:
ՍՊԸ գործունեություն է ծավալել մինչև 2013 հունվար
Lili.
Բարև ձեզ, հարգելի հաշվապահներ, խնդրում եմ օգնել հետևյալ հարցում.
ՍՊԸ բացվել է 2012 սեպտեմբերին, գործունեություն է ծավալել մինչև 2013 հունվար, վարձու աշխատողների հետ պայմանագրերը լուծվել են 2012-ին, հիմնադիրը և տնօրենը նույն անձն է, տնօրենի հետ պայմանագիրը դադարեցվել է 2013 հունվարին, քանի որ անորոշ էին գործունեության ծրագրերը, էլեկտրոնային ներկայացվել են եռամսյակային և տարեկան հաշվետվություններ ապրիլին, կատարվել են բանկային փոխանցումներ բյուջե ապրիլին և հունիսին, սակայն մինչ օրս գործունեությունը ժամանակավոր չի դադարեցվել: Կարո՞ղ էր հիմնադիրը կատարել բանկային փոխանցումներ, և ինչպիսի՞ պարտավորություններ կառաջանան: Խնդրում եմ հնարավորինս շտապ պատասխանել:
Կանխավ շատ շնորհակալ եմ:
Տեղեկություն` ՀԴՄ-ով իրականացված դրամական հաշվարկների հանրագումարի վերաբերյալ
Լուիզա.
Հարգելի հաշվապահներ, խնդրում եմ հնարավորինս արագ արձագանքել, կանխավ շնորհակալություն: Ես, համարվելով շրջանառության հարկ վճարող, 2013 հունվարից ուղարկել եմ ՀԴՄ հաշվետվություն` ամենամսյա, սակայն չեմ ուղարկել առաջին եռամսյակի համար շրջանառության հարկի հաշվարկ, ու հիմա չգիտեմ` ինչպես վարվել այս դեպքում. ուղարկե՞մ առաջին եռամսյակի համար շրջանառության հաշվարկ, թե՞ գրություն գրեմ, որ սխալվել եմ, և ամեն ամիս ՀԴՄ-ի հաշվետվությունով եմ ցույց տվել շրջանառությունը:
Նպաստի հաշվարկ
Լիլիթ Մելքոնյան.
Բարև Ձեզ: Խնդրում եմ օգնել, իմ հարցը հետևյալն է.
ես հաշվարկել եմ հղիության նպաստ 2012-2013թթ. համար` միջին ամսական հաշվարկի մեջ ներառելով նաև 2012թ. գործատուի սոց. վճարները: Սակայն հաշվետվության մեջ, որտեղ որ գրվում է վերջին 12 ամսվա ընդհանուր աշխատավարձի հանրագումարը, գործատուի սոց. վճարները չեմ ներառել, արդյո՞ք այդպես ճիշտ է, թե՞ ոչ: Որտե՞ղ կարող եմ գտնել հենց 12 ամիսների հանրագումարին վերաբերվող մասը, որ իմանամ` այդտեղ գործատուի սոցը ներառեմ, թե ոչ:
Կանխավ շնորհակալություն:
Ո՞րն է համարվում համատեղությամբ աշխատանք
Ջուլիա.
Խնդրում եմ մեկնաբանեք` եթե անձը աշխատում է 2 տարբեր գործատուների մոտ, ո՞րն է համարվում հիմնական և որը համատեղությամբ աշխատանք: Նախապես շնորհակալություն:
Մարդատար ավտոմեքենայի ուղեգրի ձև
Անի.
Խնդրում եմ, իմ էլեկտրոնային փոստի հասցեին ուղարկեք մարդատար ավտոմեքենայի ուղեգրի ձևը: Նախապես շնորհակալ եմ:
Կազմակերպությունը ժամանակավորապես դադարեցրել է գործունեությունը
Իրինա.
Եթե ՍՊԸ-ն հարկային մարմին դիմում է ներկայացրել անորոշ ժամկետով իր գործունեությունը դադարացնելու, արդյո՞ք կարող է տնօրենը ազատվել աշխատանքից, և կարիք կա՞ եկամտային հարկի, շրջանառության հարկի և տարեկան հաշվետվությունների ներկայացման: Շնորհակալություն:
Նվազագույն աշխատավարձի փոփոխության հետ կապված
Աննա.
Հարգելի հաշվապահներ, հարցս հետևյալն է. կազմակերպության աշխատակիցը ստանում է ամսական 51 000 դրամ աշխատավարձ - 12 444 դրամ, եկամտային հարկ = 38556 դրամ:
Հուլիսի 1-ից նվազագույն աշխատավարձը դառնալու է 45 000 դրամ: Արդյո՞ք ես պետք է բարձրացնեմ տվյալ աշխատողի աշխատավարձը, թե՞ նվազագույն աշխատավարձ ասելով` խոսքը վերաբերվում է ԱՎՈՒՄ-ին, այսինքն աշխատավարձ նախքան պահումները:
Կանխավ շնորհակալ եմ բոլոր պատասխանների համար:
Արդյո՞ք անհրաժեշտ է նշել պայմանագրի համարը և կնքման ամսաթիվը
Karine
Ողջույն:
Ծանուցագիրը ունի հետևյալ բովանդակությունը.
Ես,---տնօրեն---ս, տեղեկացնում եմ Ձեզ`---ին, որ մինչև 2013թ. հունիսի 30-ը Ձեզ հետ կնքված աշխատանքային պայմանագրի ժամկետի լրանալու կապակցությամբ 2013թ. հունիսի 30-ից պայմանագիրը համարում եմ լուծարված, համաձայն ՀՀ ԱՕ 109 հոդվածի 1-ին մասի, 2-րդ կետի:
Հարցս հետևյալն է` արդյո՞ք անհրաժեշտ է նշել պայմանագրի համարը և կնքման ամսաթիվը: Կանխավ շնորհակալություն:
Երեխայի խնամքի նպաստ
Զավեն.
Լսել եմ, որ նոր օրինագիծ կա՝ կապված ծննդաբերած մայրերին տրվող ամսական նպաստի հետ: Մասնավորապես՝ անցյալում, երբ ապագա մայրիկը գրանցված աշխատող էր և գնում էր ֆիզ. արձակուրդ, ապա նա ամսական նպաստ էր ստանում պետությունից, իսկ եթե գրանցված աշխատող չէր կամ չէր աշխատում, ապա չէր ստանում: Իսկ այժմ անկախ այն բանից, թե ապագա մայրը աշխատում է կամ չի աշխատում, ծննդաբերությունից հետո ստանալու է ամսական նպաստ: Խնդրում եմ, պատասխանեք՝ նման օրինագիծ կա՞, թե՞ ոչ, և եթե կա, ապա ավելի մանրամասն տեղեկություն տվեք այդ օրինագծի հետ կապված: Շնորհակալություն:
Արդյո՞ք տվյալ կազմակերպության համար գանձապահ ունենալը պարտադիր է
anna.
Բարև Ձեզ:
Եթե կազմակեպությունը ունի ընդամենը 2 աշխատող` տնօրեն և վաճառող, արդյո՞ք տվյալ կազմակերպության համար գանձապահ ունենալը պարտադիր է: Շնորհակալություն:
Ո՞րն է համարվում գիշերային աշխատաժամանակ
Մարինե.
Ո՞րն է համարվում գիշերային աշխատաժամանակ, ե՞րբ է սկսվում և ավարտվում այն: Խնդրում եմ օգնել հաշվարկել 90 000 դրամ ստացող և հերթափոխով աշխատող երեք աշխատակիցների ամսական աշխատավարձը:
Կարո՞ղ է արդյոք գործատուն աշխատանքի ընդունել հղի կնոջը
Աննա Մուրադյան.
Բարև ձեզ: Մի հարց ունեմ՝ կապված հղիության և ֆիզ. արձակուրդի հետ: Հարցս հետևյալն է. տվյալ պահին աշխատում եմ և 3 ամսական հղի եմ: Ուզում եմ աշխատաքիս վայրը փոխել, քանի որ աշխատանքային ժամերը և բնույթը առողջությանս վրա բացասական են ազդում: Կա՞ նման օրենք, որը արգելում է գործատուին ինձ աշխատանքի ընդունել` պատճառաբանելով, որ ես հղի եմ: Եթե ոչ, ապա գործատուն կարո՞ղ է խնդիրներ ունենա` ընդունելով ինձ աշխատանքի հղիության այդ ժամկետում: Ի նկատի ունեմ, խնդիրներ հարկային մարմինների հետ: Չէ՞ որ դեկրետի վճարման հարց է ի հայտ գալու մի քանի ամսից: Կանխավ շնորհակալ եմ պատասխանի համար:
Արդյո՞ք ապրանքը ենթակա է մաքսազերծման
Արեգ.
Բարև: Ես պատվերներ եմ կատարում օնլայն խանութներից: Հիմա ցանկանում եմ պատվիրել 600 դոլարի ֆոտոկամերա: Այն գնալու՞ է մաքսատուն, և եթե գնալու է, ինչքա՞ն պետք է վճարեմ ապրանքի համար:
Անձը զբաղվում է բանջարեղենի վաճառքով
Անուշ.
Բարև ձեզ: Ես մայթեզրին, չգործող խանութի առջևում զբաղվում եմ բանջարեղենի վաճառքով: Արդյո՞ք պետք է մտնեմ հարկային դաշտ և ինչպիսի՞ հարկ պիտի վճարեմ:
Աշխատակիցն ազատվել է հունիսի 1-ով
Լիանա.
Եթե աշխատակիցն ազատվել է հունիսի 1-ով, մայիսի եկամտային հարկի հաշվետվության մեջ վերջնահաշվարկի գումարը նշվու՞մ է, թե՞ հունիսի մեջ պիտի նշվի:
Վերջին մեկնաբանություններ