Արդյո՞ք փոխարժեքների տարբերությունները հաշվի են առնվում շահութահարկի հաշվարկի ժամանակ
Նանա.
Հարգելիներս,
եթե կազմակերպությունն ունի 10 000 դոլարի պարտավորություն, որի պայմանագիրը կնքելու ժամանակ դոլարի կուրսը եղել է օրինակ 350 դրամ, իսկ մարելու պահին 470 դրամով է գնում դոլարը, ապա այդ տարբերությունը շահութահարկի իմաստով ծախս ճանաչվու՞մ է, թե՞ ոչ:
Արդյո՞ք կազմակերպությունը կարող է ներկայացնել ԱԱՀ վճարող համարվելու դիմում
Արման.
Հարգելի կոլեգաներ, արդյո՞ք կազմակերպությունը կարող է ներկայացնել ԱԱՀ վճարող համարվելու դիմում (և ո՞րն է այն էլեկտրոնային հաշվետվությունների ցանկում) և համարվել ԱԱՀ վճարող, եթե այն արդեն ներկայացրել է շրջանառության հարկ վճարող համարվելու դիմում մինչև փետրվարի 20-ը: Շնորհակալություն:
Արդյո՞ք ԱՁ պետք է կատարի սոցիալական վճարներ
Հայկ.
Հարգելի հաշվապահներ,
Հանդիսանում եմ սոց. վճար վճարող, և այդ վճարները գերազանցում են 25 000 դրամը: Ստացել եմ ծանուցում հաշվեհամարս ներկայացնելու համար, որին կփոխանցվեն այդ 25 000 դրամը գերազանցող գումարները: Զուգահեռ բացել եմ ԱՁ, որը չունի այլ աշխատողներ:
ՀԱՐՑ՝ մինչև 2017թ. հունվարի 1-ը պե՞տք է կատարեմ սոց. վճարներ ԱՁ-ի կողմից:
Շնորհակալություն:
Պահակի աշխատավարձի հաշվարկ
Suzy.
Հարգելի հաշվապահներ, խնդրում եմ ինձ օգնեք հաշվելու պահակի աշխատավարձը, եթե նա աշխատում է 3 օրը մեկ անգամ 24 ժամով, ամսվա ընթացքում 8 օր:
Շրջանառության հարկ վճարող համարվելու համար դիմում
Վարդան.
Ա/Ձ գրանցվելուց հետո մոտ 2 ամիս անց մոտեցել եմ հարկային և ներկայացրել դիմում շրջանառության հարկ վճարող համարվելու համար, սակայն դիմումս բանավոր մերժում են` ասելով, իբր ինձ ուղարկվել է պատվիրակած նամակ այն մասին, որ պետք է դիմում ներկայացնեի 9 աշխատանքային օրվա ընթացքում: Նման նամակ ես չեմ ստացել, և փոստում էլ նշում են, որ նման նամակ չի եկել իմ անունով:
Հարկային հաշվառման վերցնելու և հարկային հաշվառումից հանելու մասին ՀՀ Օրենքում ընդհանրապես ոչ մի բան չգտա նախ դիմում գրելու անհրաժեշտության մասին, այսպես կոչված 9 աշխատանքային օրվա մասին:
Հարցերսս հետևյալներն են. արդյո՞ք իրավունք ունեն բանավոր մերժեն դիմումս և որո՞նք են մերժման հիմքերը: Եթե ես չեմ ստացել նամակ, ինչու՞ պետք է դիմումս մերժվի: Ու՞մ կարող եմ դիմել նման հարցով, ինչպես նաև հետագա շրջանառության հարկի հաշվարկի հետ կապված: Կանխավ շնորհակալ եմ:
Նոր հաշվապահական ծրագիր
Ruben.
Հարգելի գործընկերներ,
Դեռ ուսանող տարիներից ընկերներով ցանկանում ենք ստեղծել նոր, հարմարավետ, ճկուն հաշվապահական, ինչպես նաև կազմակերպության այլ բիզնես գործընթացները ավտոմատացնող ծրագիր:
Այդ նպատակը կարծես թե մոտ է մեկնարկին (թու֊թու, չար մարդու աչքը ծակի :)) և որպեսզի կարողանանք պլանավորել այդ ապագա ծրագրի գործառույթներն ու հնարավորությունները, խնդրում եմ տեղեկացնել Ձեր կողմից օգտագործվող ծրագրերի թերությունները, ինչպես նաև այն բոլոր հատկությունները (որքան էլ ֆանտաստիկ դրանք չլինեն), որոնք կուզենայիք տեսնել նման ծրագրում:
Կանխավ շնորհակալություն:
Հ․Գ․ Ամենաշատ մեկնաբանություններ տվող գործընկերները իրավունք կստանան օգտվել այս ծրագրից անվճար:
ԱՁ-ն ցանկանում է վարսավիրանոց բացել
Տաթև.
Բարև ձեզ:
Ցանկանում եմ բացել վարսավիրանոց, ունեմ մի քանի հարց:
1. Արտոնագրային վճարը, որ օրենքում գրված է 45 000 դրամ՝ եռամսյակային կտրվածքով, դա 1 վարսավիրի համա՞ր է, այսինքն՝ եթե ես ունեմ 3 աշխատող, պետք է վճարեմ 3 * 45 000՞:
2. Եթե վարսավիրանոցս գտնվում է Երևան քաղաքի կենտրոնում, արտոնագրային վճարը մնու՞մ է 45 000 դրամ:
3. Սոց. վճար ես պետք է կատարեմ ամեն ամիս 5 000 դրամ և վե՞րջ: Վարսավիրներիս սոց. վճարը ո՞նց պետք է կատարվի:
4. Կա՞ ինչ-որ դեպք, որ ես պետք է եկամտային հարկ վճարեմ:
5. Եթե ես ԱՁ-ի տերն եմ ու նաև աշխատում եմ իմ վարսավիրանոցում, ինձ է՞լ է պետք գրանցել որպես աշխատող ու վճարել 45 000 դրամ:
Փետրվար ամսին ՀԴՄ-ն փոխվել է, իսկ մարտին ավելացել է ևս մեկ ՀԴՄ
Աննա.
Բարև ձեզ: Խնդրում եմ օգնեք` եթե փետրվար ամսին ՀԴՄ-ն փոխվել է, իսկ մարտին ավելացել է ևս մեկ ՀԴՄ, հիմա շրջանառության հարկի հաշվարկի ժամանակ ՀԴՄ-եր դաշտում ավտոմատ բերում է միայն նախկին ՀԴՄ-ն, չեմ կարողանում ոչ ավելացնեմ նորը, ոչ էլ երկրորդը: Նոր ՀԴՄ-ները գրանցված են` մեկը 23.01.2015, մյուսը 12.02.2015:
Արդյո՞ք դադարում են սոց. փաթեթի վճարումները
Մանե.
Բարև ձեզ: Հարգելի հաշվապահներ, խնդրում եմ օգնեք ինձ` աշխատողը գնում է ֆիզ. արձակուրդ, սոց. փաթեթը նրա համար դադարու՞մ է:
Ինչպե՞ս տպել ՀԴՄ կտրոնը
Արման.
Հարգելի գործընկերներ, արդյո՞ք հանրային սննդի օբյեկտը, որի համար պարտադիր է ՀԴՄ-ի կտրոնի վրա անվանացանկի տպելը, կարող է ՀԴՄ կտրոն տրամադրել` "Հանրային սնունդ" տպելով դրա վրա, թե՞ պետք է պարտադիր գրել, թե ինչ է վերցրել հաճախորդը` ճաշատեսակի անվանումով և այլն: Շնորհակալություն:
Որքա՞ն է առհաշիվ գումարի առավելագույն չափը
Արմեն.
Դրամարկղից առհաշիվ անձին միանվագ գումար տրամադրելիս որքա՞ն պետք է կազմի դրա առավելագույն չափը:
Արդյո՞ք պետք է զրոյական հաշվարկ ներկայացնել
Narine.
Հարգելի հաշվապահներ, խնդրում եմ պատասխանեք` շրջանառության հարկի հաշվարկը ինչպե՞ս ուղարկեմ, եթե եռամսյակի ընթացքում շրջանառություն չի եղել, արդյո՞ք պետք է զրոյական ուղարկել, կանխավ շնորհակալություն:
Ի՞նչ հարկային պարտավորություններ կառաջանան հողատարածքի վաճառքից
Վեգիս.
Բարև ձեզ:
Այսպիսի մի հարց՝ եթե ես այս տարի գնում եմ հողատարածք 150 000 USD-ով և հենց այս տարի վաճառում եմ այդ հողատարածքը 900 000 USD-ով, ի՞նչ հարկեր կարող են առաջանալ: Այս տարի ուրիշ ոչ մի գործարք չեմ արել:
Քաղաքացու հետ կնքվել է ծառայությունների մատուցման պայմանագիր
Սիլվա.
Հարգելի հաշվապահներ, գործատուն քաղաքացու հետ կնքել է Ծառայությունների մատուցման պայմանագիր տասնօրյա աշխատանքի դիմաց: Գրանցման հայտում չկան նմանատիպ աշխատանքային հարաբերություններ: Ծառայությունների մատուցման և քաղաքացիաիրավական պայմանագրերը ինչո՞վ են իրարից տարբերվում: Եկամտային հարկ պահվում է գործատուի՞, թե՞ քաղաքացու կողմից: Կանխավ շնորհակալ եմ:
Շահութահարկի հաշվարկի լրացման հետ կապված
Դավիթ.
Հարգելի հաշվապահներ, խնդրում եմ պատասխանել հետևյալ հարցին.
Եթե կազմակերպությունը զբաղվում է նաև արտոնագրային վճարով հարկվող գործունեությամբ, արդյո՞ք շահութահարկի հաշվարկի լրացման ձևի 39 կետի 3-րդ ենթակետում պետք է լրացվի շահութահարկին բաժին ընկնող մասը այն դեպքում, երբ արտոնագրային վճարով գործունեությունը շարունակական է:
Եկամտային հարկ շրջանառության հարկ վճարող ԱՁ-երի ձեռնարկատիրական գործունեությունից ստացած եկամուտներից
Սոնա.
Բարև ձեզ: Խնդրում եմ օգնեք` եթե ԱՁ-ն հանդիսանում է սոց. վճար կատարող, նա նաև "Եկամտային հարկ շրջանառության հարկ վճարող ԱՁ-երի ձեռնարկատիրական գործունեությունից ստացած եկամուտներից" վճարող է, թե՞ ոչ:
Միջին աշխատավարձի հաշվարկ
Նաիրա.
Հարգելի հաշվապահներ, խնդրում եմ պատասխանել` եթե աշխատողին հաշվարկում ենք ամենամյա վճարովի հերթական արձակուրդ, և միջինը հաշվարկելիս մեկ ամիս աշխատողը գտնվել է չվճարվող արձակուրդում: Արդյո՞ք այդ ամիսը մտնում է միջինի հաշվարկման մեջ, և աշխատավարձը բաժավում է 12-ի, թե՞ չի ներառվում, և բաժանվում է 11-ի : Խնդրում եմ նշել նաև այն աղբյուրը, որտեղից հնարավոր է կարդալ հարցի պատասխանը: Կանխավ շնորհակալություն:
Տոնին կամ հիշատակի օրվան նախորդող աշխատանքային օրվա տևողություն
Iveta.
Խնդրում եմ պարզաբանեք.
Գիտենք, որ տոնին կամ հիշատակի օրվան նախորդող աշխատանքային օրվա տևողությունը 7 ժամ է: Դա տարածվու՞մ է արդյոք փոխարինվող օրվա վրա: Այսինքն, եթե ապրիլի 18-ին աշխատելու ենք 23-ի փոխարեն, ապրիլի 18-ը պե՞տք է 7 ժամյա աշխատանքային օր համարվի, թե՞ ոչ: Նախապես շնորհակալ եմ:
Կա՞ արդյոք հաշվետվության լրացման հրահանգ
Արսինե.
Հարգելի հաշվապահներ, խնդրում եմ օգնեք:
ԱՁ աշխատում է շրջանառության հարկով: Նախորդ տարի ներկայացրել եմ տարեկան եկամուտների պարզեցված հաշվարկ: Սակայն 2014թ-ի համար նախատեսված հաշվետվաձևում, որը 2-3 օր է ինչ տեղադրվել է կայքում, չկան տողեր, որոնք վերաբերում են ձեռնարկատիրական գործունեությանը: Կա՞ արդյոք հաշվետվության լրացման հրահանգ:
Էլեկտրոնային հաշվետվությունը հարկը հաշվարկում է ինքնաշխատ կերպով
Zara.
Բարև ձեզ: Հարգելի հաշվապահներ, ունեմ նման խնդիր: Անհրաժեշտ է 2014 թ.-ի հուլիս ամսից մինչև դեկտեմբեր ամիսն ուղարկել ճշգրտված հաշվետվություններ: Բանն այն է, որ հուլիս-դեկտեմբեր ամիսների համար ներկայացված հաշվետվություններում ինքնաշխատ կերպով հաշվարկվել է կուտակայինը: Դեկտեմբերին ուղարկել եմ պարտադիրից հրաժարվելու դիմումը: Այժմ նորից փորձում եմ լրացնել այդ ամիսների հաշվետվությունները, սակայն կրկին ինքնաշխատ կերպով հաշվարկվում է կուտակայինը: Ինչպե՞ս վարվեմ:
Նախապես շնորհակալություն:
Ա/Ձ գործունեություն չի ծավալել, սակայն դադարեցման դիմում չի ներկայացրել
Sargis.
Հարգելի հաշվապահներ, խնդրում եմ պատասխանել հետևյալ հարցերին.
Եթե Ա/Ձ գրանցվել է 2012, գործունեություն չի ծավալել, սակայն գործունեության դադարեցման դիմում չի ներկայացրել (գործունեությունը սկսվել է 2015թ. փետրվարից), ապա այդ դեպքում.
1. արդյո՞ք պետք է լրացնել տարեկան պարզեցված հաշվարկ 2013 և 2014 թթ համար
2. արդյո՞ք պետք է վճարել ամսական 5 000 դրամները, չվճարելու դեպքում նաև տույժերը` հաշվի առնելով, որ հարկվող օբյեկտը զրո է, չկա եկամուտ և հետևաբար եկամտային հարկ լինել չի կարող:
3. 2013թ տարեկան ամփոփ հաշվարկում 5 000 դրամի դաշտ չկա, իսկ 2014թ-ի մեջ կա: Ինչու՞:
4. Եթե գործունեություն չի ծավալվել և որևէ դիմում չի ներկայացվել, ապա ո՞ր հարկն է կիրառվում` ընդհանու՞ր, թե՞ շրջանառության հարկ, և ի՞նչ հարկային պարտավորություններ են առաջանում:
5. Ամփոփելով` ի՞նչ հարկեր (տույժեր) պետք է վճարել 2013, 2014, 2015 թթ համար, բացի հաշվետվություններն ուշացնելու վարչական տույժը:
Շնորհակալություն:
Արդյո՞ք ժամկետներ կան ՀԴՄ տեղադրելու հետ կապված
Սեդա.
Հարգելի հաշվապահներ, 27․03․2015թ․ պետ. ռեգիստրում գրանցվել եմ որպես Ա/Ձ, գործունեության ոլորտը` հանրային սնունդ: Հարցս այսպիսին է` արդյո՞ք ժամկետներ կան ՀԴՄ տեղադրելու հետ կապված, ասեմ, որ դեռ չեմ աշխատում, քանի որ դեռ վարձակալության պայմանագիրը չեմ կնքել:
Արդյո՞ք հասնում է ամենամյա արձակուրդ
Արուսյակ.
Բարև ձեզ, կարո՞ղ եք ինձ օգնել` աշխատանքային պայմանագրերի հետ կապված մի քանի հարց ունեմ: Ունեմ կնքած աշխատանքային պայմանագիր, որն 4 ամիս ժամկետով է կնքվում և վերակնքվում է լրանալուց հետո: Չե՞ք ասի` ինձ հասնու՞մ է արդյոք ամենամյա արձակուրդ և արդյո՞ք վճարվում է այն, թե ոչ, շնորհակալություն:
Ո՞ր դրույքաչափով պետք է հաշվարկել շրջանառության հարկը
Tatev.
Բարև ձեզ, հարգելիլի հաշվապահներ:
Ես վարում եմ մանրածախ առևտրով զբաղվող (խոսքը վերաբերում է հագուստին) ԱՁ հաշվապահություն: Կարո՞ղ եք ասել` ես շրջանառության հարկ 1%-ով, թե՞ 5%-ով պետք է հաշվարկեմ:
Արդյո՞ք ընդունվել է “Շրջանառության հարկի” մասին օրենքի փոփոխությունը
Hasmik.
Խնդրում եմ ասացեք` Ազգային Ժողովը երկրորդ ընթերցմամբ ընդունե՞լ է "Շրջանառության հարկի" մասին ՀՀ օրենքի փոփոխությունը, թե՞ ոչ, և եթե կազմակերպությունը ստանում է փաստաթղթերով հիմնավորված և առանց փաստաթղթի վաճառքի ապրանքներ, ապա ինչպե՞ս պետք է հարկվի՝ ամբողջ վաճառքի 5%-ը, թե՞ պետք է առանձնացվի փաստաթղթովը առանց փաստաթղթովից: Խնդրում եմ մանրամասն գրել: Կանխավ շնորհակալություն:
Արդյո՞ք պետք է ներկայացնել շահութահարկի հաշվարկ
Angela.
2014թ. կազմակերպությունը հանդիսացել է շրջանառության հարկ վճարող: 3 ամիս ունեցել է նաև արտոնագրային գործունեություն: 2014թ.-ի համար Շահութահարկի հաշվարկ պե՞տք է ներկայացնել, թե՞ ոչ:
Արտարժույթի փոխարժեքի տարբերությունից եկամուտներ
Lyudmila.
Շատ շտապ է, արտարժույթի փոխարժեքի տարբերությունից եկամուտները շահութահարկի հաշվարկում պե՞տք է ցույց տալ և ո՞ր տողում:
Ի՞նչ տարեկան հաշվետվություն պետք է ներկայացնի ավտոտեխսպասարկման կենտրոնը
Armine.
Հարգելի հաշվապահներ, խնդրում եմ ասեք, արտոնագրային վճար վճարող ավտոտեխսպասարկման կենտրոնը ինչպիսի՞ տարեկան հաշվետվության ձև պետք է ուղարկի մինչ ապրիլի 15-ը: Կանխավ շնորհակալ եմ:
Որպես հաշվետար աշխատելու համար
Ծաղիկ.
Բարև ձեզ: Ես մասնագիտությամբ հաշվապահ չեմ, սակայն ցանկանում եմ որպես հաշվետար աշխատել: Ւ՞նչ է հարկավոր դրա համար: Եթե հաշվետար աշխատակից ինձ օգնի, շատ շնորհակալ կլինեմ:
Ա/Ձ գրանցված է Շուշիում
Մելքոնյան.
Բարև ձեզ, խնդրում եմ պատասխանել իմ հարցին, եթե Ա/Ձ գրանցված է Շուշիում, իսկ գործունեության հասցեն` Երևանում, ապա պե՞տք է գրվի միմիայն հատուկ հաշիվ:
Արդյո՞ք հնարավոր է հրաժարվել սոց. վճարից
Gayane.
Աշխատում եմ բանկում, և բնականաբար աշխատավարձիցս պահվում է կենսաթոշակային ֆոնդի գումար: Հիմա պատրաստվում եմ ազատվել այդտեղից և անցնել մակ այլ տեղ աշխատանքի: Ասացեք խնդրեմ` հիմա կարո՞ղ եմ բանկում հրաժարվել և դիմում ներկայացնել այդ գումարները ետ ստանալու համար: Չնայած գիտեմ, որ դա պետք է արվեր մինչև նախորդ տարվա դեկտեմբերի 25-ը:
Մարդատար և բեռնատար մեքենաների ուղեթերթ
Հայուհի.
Խնդրում եմ ուղարկել մարդատար և բեռնատար մեքենաների ուղեթերթ (путевой лист): Նախապես մերսի: arp.margaryan շնիկ mail.ru
Մայրության նպաստի հաշվարկ
Աննա.
Խնդրում եմ ինձ օգնել հետևյալ հարցում: Ինչպե՞ս է հաշվարկվելու մայրության նպաստը, եթե աշխատողը 12 ամսվա ընթացքում 6 ամիս նաև համատեղությամբ է աշխատել: Արդյո՞ք երկու տեղից ստացած եկամուտը հաշվի է առնվում, թե՞ միայն դեկրետ գնալու պահին մեկ գործատուի մոտ ստացած եկամուտը:
Արձակուրդայինի հաշվարկ
Իրինա.
Հարգելի հաշվապահներ, խնդրում եմ պատասխանել հետևյալ հարցիս:
Աշխատողը աշխատում է շաբաթական 3 օր, 8 ժամյա գրաֆիկով: Արձակուրդ ուղարկելիս հաշվի են առնվում իր աշխատա՞ծ օրերը, այսինքն նա հանգստանում է իր աշխատանքայի՞ն օրերին, թե՞ շաբաթվա բոլոր օրերին: Դրանից է կախված արձակուրդայինի հաշվարկը, խնդրում եմ օգնել:
ԱՁ ուշացրել է եկամտային հարկի վճարումը
Հրայր.
Բարև ձեզ:
Նախ, շատ եմ ողջունում Ձեր այս հարց ու պատասխանի մտահաղացումը: Դրանով շատ մարդկանց եք օգնում: Հիմա հարցերը.
1. ԱՁ-ն իր գործունեությունը սկսել է 2015թ. հունվարի 29-ից: Սակայն եկամտային հարկը, այսինքն ամսական ֆիքսված 5 000 դր. ուշացումով է մուծել, ավելի ճշգրիտ մուծումը կատարվել է 2015թ. մարտի 17-ին 5 000 դր. հունվարի համար և 5 000 դր. փետրվար ամսվա համար: Հունվար ամսվա համար ուշացումը կազմեց 25 օր: Խնդրում եմ օգնեք` այս դեպքում ի՞նչ տույժ է կիրառվում և ինչպե՞ս պետք է այն մարվի:
2. ԱՁ-ն պայմանագրով (պայմանագիրը նոտարական գրանցում չունի) տարածք է վարձակալում ամսական 20 000 դր. չափով ֆիզ. անձից: Այս դեպքում ի՞նչ պարտավորություններ են առաջանում և ի՞նչ կարգով են դրանք մարվում:
Կանխավ շնորհակալություն:
ԱՁ վարձակալությամբ հեծանիվներ է տրամադրում
Կարեն.
Հարգելի հաշվապահներ,
հետաքրքրում է մի հարց.
Անհատ ձեռնարկատերը, որը հարկվում է շրջանառության հարկով, այլ գործունեություններից զատ զբաղվում է նաև հեծանիվների վարձույթով (առաջարկում է հեծանիվների վարձույթ):
Հարկային առումով ծառայությունը ո՞ր հոդվածի տակ է ներառվելու՝
1.Որպես ծառայություն և հարկվի 5 %
թե՞
2. Որպես վարձակալություն և կհարկվի 10 %
Որքա՞ն է ՀԴՄ – ի ամորտիզացիոն ժամկետը
Arsine.
Հարգելի հաշվապահներ,
ՍՊԸ-ն 2014թ-ի հոկտեմբերին ձեռք է բերել նոր սերնդի ՀԴՄ 60 000 դրամով: Արդյո՞ք այն հանդիսանում է հիմնական միջոց: Եթե այո, ապա որքա՞ն է դրա ամորտիզացիոն ժամկետը:
Կանխավ շնորհակալություն:
ՀԴՄ կտրոնի տրամադրում կանխավճար ստանալիս
Հարություն.
Հարգելի գործընկերներ, արդյո՞ք կանխավճար ստանալիս ՀԴՄ կտրոն տպելը պարտադիր է:
Արդյո՞ք անհրաժեշտ է փաստաթղթավորել պահեստի շարժը
Սամվել.
Հարգելի հաշվապահներ,
կազմակերպությունը զբաղվում է արտադրությամբ, հարկվում շրջանառության հարկով:
Ասացեք խնդրեմ` արդյո՞ք անհրաժեշտ է փաստաթղթավորել պահեստի շարժը:
Շնորհակալություն:
ՍՊԸ կանոնադրության նմուշի ձև անգլերեն թարգմանությամբ
Մարիամ.
Հարգելի գործընկերներ, խնդրում եմ ձեզ, եթե հնարավոր է, ինձ օգնեք գտնել ՍՊԸ-ի կանոնադրության նմուշի ձև անգլերեն թարգմանությամբ: Կանխավ շնորհակալ եմ:
Նորաբաց կազմակերպությունը իրականացնում է բրոքերային ծառայություններ
Կարեն.
Բարև ձեզ: Խնդրում եմ ասացեք` ՍՊԸ բացելու համար կարող եմ գրանցել մեկ անձ` տնօրեն, կես դրույքով: Ի՞նչ հարկային ռեժիմով է աշխատում բրոքերային կազմակերպությունը, որը զբաղվում է միայն միջնորդությամբ` ներմուծման և արտահանման ոլորտում: Կանխավ շնորհակալ եմ:
Արդյո՞ք աշխատողը արձակուրդից օգտվելու իրավունք ունի
Nana.
Ուզում եմ իմանալ` եթե մարդը իր մատուցած ծառայությունների համար ստանում է վճարներ ամբողջ տարվա կտրվածքով, ոչ ստաբիլ աշխատավարձ, ապա այդ աշխատողը արձակուրդից օգտվելու իրավունք ունի՞: Եթե այո, ապա ինչպե՞ս է հաշվարկվելու նրա արձակուրդային վճարները: Նախապես շնորհակալություն:
Որքա՞ն կկազմի վերջնահաշվարկը
Lusine.
Բարև ձեզ: Խնդրում եմ ինձ պատասխանեք, թե ինչքան վերջնահաշվարկ պետք է ստանամ ես, երբ ընդունվել եմ աշխատանքի 19.02.1999թ պայմանագրային, 03.09.1999-ից դարձել հաստիքային աշխատող: Աշխատանքից ազատվել եմ (իմ դիմումի համաձայն) 06.03.2015թ.: Վերջին 6 ամիսներին ստացել եմ 35.000 դրամ աշխատավարձ և 89.000 (մաքուր, սոցն էլ ներառված) դրամ պարգևատրում։ 2015թ. արձակուրդ չեմ գնացել: 2014 արձակուրդն էլ մարտին եմ օգտագործել: Շնորհակալություն:
Վարպետը աշխատում է միայն պատվերի առակայության դեպքում
Arsine.
Հարգելի հաշվապահներ,
վարպետը աշխատում է միայն պատվերի առկայության դեպքում, և դա կարող է տևել, օրինակ, մոտ 5-10 օր ամսվա կտրվածքով: Կարո՞ղ եմ աշխատողին գրանցել օրավարձով, օրինակ, օրական 3 000 դրամ: Արդյունքում ամսական աշխատավարձը կարող է փոքր լինել նվազագույն աշխատավարձից: Իսկ եթե օրենքով նվազագույն օրավարձ սահմանված չէ, կարո՞ղ է արդյոք դա խնդիր առաջացնել:
Արդյո՞ք փոխվել է ԱԱՀ շեմը
Սամվել.
Հարգելի հաշվապահներ,
Ընդունվե՞լ է / գործու՞մ է արդյոք "Շրջանառության հարկի" մասին փոփոխված օրենքը, համաձայն որի ԱԱՀ շեմ է համարվում 113.4 մլն դրամը: Կազմակերպությունը զբաղվում է արտադրությամբ:
Շնորհակալություն:
Միակողմանի գնման ակտի վերաբերյալ
Meri.
Բարև ձեզ: Խնդրում եմ ասեք` շուկայից ապրանք ձեռք բերելու դեպքում հնարավո՞ր է ձևակերպել միակողմանի գնման ակտ, եթե այո, ապա տվյալ դեպքում շրջանառության հարկով հարկվող ՍՊԸ-ն բացի շրջհարկից ի՞նչ հարկային վճարումներ պետք է կատարի:
Ինչպե՞ս պետք է ձևակերպել լիցենզիայի պետք տուրքի գումարը
Նանա.
Հարգելի հաշվապահներ, կազմակերպությունը ամեն տարի վճարում է պետ. տուրք լիցենզիայի համար (շինարարության): Ինչպե՞ս պետք է հաշվապահորեն ձևակերպել լիցենզիայի պետք տուրքի գումարը: Արդյո՞ք հետևյալ թղթակցությունը ճիշտ է.
131-252
813-132
Ի՞նչ է դեպոնենտագրումը
Պողոս.
Ի՞նչ է դեպոնենտագրումը:
Թոշակի անցնելու տարիք
Սերգեյ.
Կարո՞ղ եք ասել թոշակի անցնելու տարիքը:
Արդյո՞ք վաճառողին պետք է վճարել հավելավճար
Վահագ.
Բարև ձեզ: Ինձ հետաքրքրեց մի հարց:
Արդյո՞ք մանրածախ առևտրի ոլորտում վաճառողի աշխատանքը պետք է համարել ծանր և վնասակար և վճարել հավելում 30 տոկոսի չափով ըստ աշխատանքային օրենսգրքի, եթե նա է ստանում գումարը հաճախորդներից, բայց կազմակերպությունը ունի նաև գանձապահ, որին այդ վաճառողը մի քանի օրը մեկ անգամ հանձնում է առևտրից ստացված գումարը:
Մեջբերեմ 1698-ն որոշումից` "ծանր և վնասակար պաշտոնների ցանկում ծանր և վնասակար է համարվում կանխիկ դրամը վերահաշվարկող և տեսակավորող գանձապահների աշխատանքը":
Նախապես շնորհակալություն:
Վերջին մեկնաբանություններ