Արտոնագրային վճարը չի վճարվել
tigran2016.
Բարև ձեզ, խնդրում եմ պատասխանեք իմ հարցին: Արտոնագրային վճարը պետք է վճարեի հունվարի 20 - 25 - ի ընթացքում ամսական 6 500 դր, վճարումը չեմ կատարել: Տուգանք պե՞տք է վճարեմ, թե՞ մեկ ամիս պետք է չաշխատեմ: Շնորհակալություն:
ԱՁ չունի պայմանագրեր հաճախորդների հետ
Tigran.
Հարգելի ընկերներ, ԱՁ-ն զբաղվում է խորհրդատվական ծառայությունների մատուցմամբ: Սակայն իր հաճախորդների հետ չունի պայմանագրեր: Այդ հանգամանքը կարո՞ղ է խնդիրներ առաջացնել և ինչպիսի՞:
Եկամտահարկի և եկամտային հարկի տարբերություններ
Արման.
Բարև ձեզ: Հիմա հեռուստացույցով հաճախ լսում ենք եկամտահարկ տերմինը: Արդյո՞ք սխալ է դա հիմա օգտագործելը: Կասեք` ե՞րբ և ինչու՞ եկամտահարկը փոխվեց եկամտային հարկի, ու ինչով են տարբերվում, նաև օրենքում փոփոխությունների մասին:
Շնորհակալ եմ:
Չի հաջողվում ստորագրել հաշիվ-ապրանքագիրը
Նաթելլա.
Ես էլեկտրոնային հաշիվ-ապրանքագիր եմ ստացել ու չեմ կարողանում այն էլեկտրոնային ստորագրել, ինչպե՞ս դա անել, կանխավ շնորհակալություն:
Որքա՞ն կկազմի նպաստը
Ն.
Սիրելի ընկերներ, ձեր օգնության կարիքն ունեմ: Որքա՞ն մաքուր գումար կկազմի իմ դեկրետայինը այն դեպքում, երբ կեղտոտ աշխատավարձս կազմում է 130 000 դրամ (մաքուրը` 90 000):
Նախապես շնորհակալ եմ:
Արդյո՞ք նորից կհաշվարկվի նպաստ
Անուշիկ.
1 տարի 8 ամիս է, ինչ գտնվում եմ ֆիզ. արձակուրդում, բայց սպասում եմ արդեն երկրորդ բալիկին: Երեխան ստանում է 18 000 - ականը, սակայն ինձ հետաքրքրում է` նորից կհաշվարկվի՞ բյուլետեն ըստ իմ աշխատավարձի չափի և նորից 3 տարի կտրամադրվի՞ արձակուրդ, և երեխային կվճարվի՞ խնամակալության ամսական գումարը: Կանխավ շնորհակալություն:
ԱՁ զբաղվելու է ոսկերչությամբ
Marat.
Բարև ձեզ:
Մտադիր եմ գրանցվել որպես անհատ ձեռներեց ոսկերչությամբ զբաղվելու համար: Կարո՞ղ եք օգնել հաշվել հնարավորին հարկերը և տուրքերը:
Հ.Գ. բնակության վայր` Դիլիջան:
Որքա՞ն մաքսատուրք պետք է վճարել
Serge.
Բարև ձեզ, ես գնել եմ տեխնիկա ԱՄՆ-ից, որը ուղարկվելու է հայփոստով (անձնական օգտագործման համար): Ինձ հետաքրքիր է` 500 000 հազար դրամի համար որքա՞ն եմ մաքսատուրք վճարելու:
Որքա՞ն է կազմում եկամտային հարկը
Աշոտ Բեգլարյան.
Արդյո՞ք մայրության նպաստը համարվում է նվազեցվող եկամուտ: Եթե ոչ, ինչքա՞ն է եկամտային հարկի տոկոսը:
Կազմակերպությունը իրականացնում է միջազգային բեռնափոխադրումներ
Մարիամ Հարությունյան.
Բարև ձեզ: Խնդրում եմ պատասխանել` ի՞նչ հարկատեսակներով է հարկվում միջազգային բեռնափոխադրումներ իրականացնող ՍՊԸ-ն: Տվյալ ՍՊԸ-ն չի գերազանցում 58,5 միլիոնի շեմը (նոր ստեղծված կազմակերպություն է): Ունի 1 հիմնադիր, վերջինս էլ հենց հանդիսանում է ընկերության տնօրենը, այլ աշխատող չունի: Խնդրում եմ հնարավորության դեպքում պատասխանել շտապ:
Կանխավ շնորհակալություն:
Ինչպիսի՞ հաշիվ-ապրանքագիր պետք է տալ Արցախում գրանցված կազմակերպությանը
lida123.
Բարև ձեզ: Իմ կազմակերպությունը աշխատում է շրջանառության հարկով, 2016թ-ից հաշիվ ապրանքագրերը ուղարկում եմ էլեկտրոնային ձևով: Հաշիվ-ապրանքագիր եմ տալիս նաև Արցախին, խնդրում եմ օգնել` ինչպիսի՞ հաշիվ-ապրանքագիր պետք է տալ Արցախում գրանցված կազմակերպությանը: Այն գրանցված չէ էլեկտրոնային համակարգում:
Ի՞նչ փաստաթուղթ պետք է ունենա առաքիչը ապրանքը մատակարարելիս
Sasun.
Խնդրում եմ ասել` ի՞նչ փաստաթուղթ պետք է ունենա առաքիչը ապրանքը մատակարարելիս, եթե կազմակերպությունը զբաղվում է արտադրությամբ և աշխատում է շրջանառության հարկով, և դուրս են գրվում հաշվարկային փաստաթղթեր էլէկտրոնային եղանակով:
Ի՞նչ հաշվետվություններ պետք է ներկայացնել
Սեդա.
Բարև ձեզ: Եթե ընկերությունը գրանցվելուց հետո ունի միայն հիմնադիր անձ, կա շրջանառության հարկով հարկման դիմում և վերջին եռամսյակում մեկ պայմանագիր, ի՞նչ հաշվետվություններ պիտի ներկայացնի ՊԵԿ: Ընկերությունը ՍՊԸ է և մատուցում է առցանց ծառայություններ:
Ներմուծման հարկային հայտարարագրի լրացում
Lucy.
Կարո՞ղ եք օգնել ինձ ճիշտ լրացնել ներմուծման հարկային հայտարարագիր:
Անաշխատունակության նպաստի հաշվարկ
Jasmin.
Բարև ձեզ:
Խնդրում եմ օգնեք հաշվարկեմ անաշխատունակության նպաստը: Աշխատողը աշխատում է կազմակերպությունում 01.07.1994թ.-ից: Ներկայացրել է անաշխատունակության թերթիկ: Ասացեք խնդրեմ` ինչպե՞ս հաշվարկեմ անաշխատունակության նպաստը հոկտեմբեր, նոյեմբեր, ամիսների համար: Աշխատավարձը` 141 000 դրամ: Շնորհակալություն:
Բարեգործական ընկերության ստացված նվիրատվության գումարներ
Vahe.
Բարև ձեզ:
Հարգելի հաշվապահներ, խնդրում եմ պատասխանել` հաշվապահական հաշվեկշռի պասիվային մասի ո՞ր հոդվածի տակ պետք է ցույց տալ բարեգործական ընկերության ստացված նվիրատվության գումարները:
Շնորհակալություն:
Հաշվապահական փաստաթղթերի ընդունում
Սաթեն.
Խնդրում եմ, պատասխանեք ՇՏԱՊ:
- Ինչպե՞ս կատարել հաշվապահական փաստաթղթերի ընդունում:
- Կա՞ դրա համար հատուկ ակտ:
Տուրիստական կազմակերպություն բացելու համար
Հասմիկ.
Բարև ձեզ, ես ուզում եմ բացել տուրիստական ֆիրմա և չգիտեմ` որտեղից սկսել: Խնդրում եմ ինձ հուշեք, եթե գիտեք, թե ինչ սիստեմայով է աշխատելու գործակալությունը: Ո՞ր օրենքներին է պետք ծանոթանալ:
Եթե ՍՊԸ հիմնադրի հաշիվների վրա ԴԱՀԿ կալանք կա
Միլենա.
Բարև ձեզ:
Եթե ՍՊԸ հիմնադրի հաշիվների վրա ԴԱՀԿ կալանք կա, կալանքը տարածվու՞մ է ընկերության բանկային հաշվի վրա, եթե այն ընկերության տնօրենի անունով է: Այս դեպքում ինչպե՞ս հարկային պարտավորություն կատարի տնօրենը: Հարկավոր է լիազորել այլ անձի, ով մինչ ամսի 20-ը տնօրենի փոխարեն կվճարի հարկայինին գումարը: Ի՞նչ տարբերակ կառաջարկեք:
Արդյո՞ք տրված ձևակերպումները ճիշտ են
H.K.
Հարգելի հաշվապահներ` ոչ ռեզիդենտ կազմակերպությունը մեր կազմակերպությանը ծառայություն է մատուցել, որի դիմաց վճարումը կատարվել է արտարժույթով, ինվոյսինգով դուրս ենք գրել մատակարարի անունից հաշիվ՝ ինքնահաշիվ: Ձևակերպումները ճի՞շտ են.
դտ713 կտ521 100.000 դրամ, 200USD
դտ521 կտ5241 20.000 դրամ
դտ261 կտ5243 20.000 դրամ
դտ226 կտ261 20.000 դրամ
դտ725 կտ521 կամ դտ625 կտ521
և վճարումը` դտ253 կտ521 200 USD
Արդյո՞ք 2016-ի հունավարի 1-ից էլեկտրոնային հաշիվներ պետք է դուրս գրել
KAREN.
Բարև ձեզ:
Կազմակերպությունը մատուցում է ծառայություններ: Արդյո՞ք 2016-ի հունավարի 1-ից էլեկտրոնային հաշիվներ պետք է դուրս գրել: Իսկ եթե ծառայությունը մատուցված է ֆիզ․ անձա՞նց:
ԱՁ-ն զբաղվում է արտադրությամբ
Astxik.
Բարև ձեզ, հարգելի հաշվապահներ: Շնորհավորում եմ 2016թ, ցանկանում եմ առողջություն, և այս տարում ոչ մի օրենքի փոփոխություն չլինի:
Հարցս այսպիսին է.
ԱՁ-ն զբաղվում է արտադրությամբ, սակայն արտադրության տարրերից մեկը նաև վաճառում ենք, որը հարկվում է առևտրի մասով, սակայն չունենք խանութ, ՀԴՄ, մենք ենք մատակարարում հ/ֆ-ով և գումարը կանխիկ վերցնում ենք, կարո՞ղ ենք այդպես էլ շարունակել, թե՞ ...
Կանխավ շնորհակալություն:
ԱՁ զբաղվելու է մանրածախ առևտրով
A. Anush.
Բարև ձեզ.
Ուզում եմ գրանցվել որպես ԱՁ, որից հետո զբաղվելու եմ մանրածախ առևտրով, իսկ ապրանքները ներմուծելու եմ այլ երկրներից, խնդրում եմ ասեք` ի՞նչ հարկատեսակներով եմ հարկվելու, դրանց դրույքաչափերը, և ի՞նչ հաշվետվություններ պետք է ներկայացնեմ:
Ընտանեկան ձեռնարկատիրությամբ զբաղվող Ա/Ձ
Անահիտ.
Խնդրում եմ ասեք` Ընտանեկան ձեռնարկատիրությամբ զբաղվող Ա/Ձ -ն ի՞նչ հարկեր պետք է վճարի:
Ընկերությունը ունի գործառնական վարձակալությամբ հիմնական միջոց
Արսինե.
Ընկերությունը աշխատում է ԱԱՀ-ով: Ընկերությունը ունի գործառնական վարձակալությամբ հիմնական միջոց (մեքենաներ): Ըստ մեքենաների շահագործման պայմանագրի դրանց հիմնական վերանորոգումը կատարվում է Ընկերության կողմից: Մեքենայի արժեքը ըստ պայմանագրի կազմում է 2 000 000 ՀՀ դրամ: Հարցս հետևյալն է՝
Եթե Ընկերությունը կատարել է օրինակ 600 000-ի ծախս, որից օրինակ 450 000-ը ավտոպահեստամասեր, իսկ 150 000-ը՝ ծառայության գումար, ապա նշված 450 000-ից 200 000-ը (2 000 000 * 10% = 200 000, համաձայն 11.04.2000 N161 որոշման) հանդիսանում է ծախս, իսկ 250 000-ը հաշվառվում է առանձին 154 հաշվով` որպես "Ոչ ընթացիկ ակտիվներ հետաձգված ծախսերի գծով", թե՞ ամբողջ 600 000-ն էլ հանդիսանում է ծախս:
Փոխառության մարում
Արմեն.
Հարգելի գործընկերներ, արդյո՞ք կարելի է ֆիզ. անձից ստացված արտարժույթով փոխառությունը մարել ՀՀ դրամով:
Նոր հրամանագիրք սկսելու համար
Գայանե.
Բարև ձեզ: Հրամանագիրքը գործածության մեջ դնելու համար արդյո՞ք անհրաժեշտ է տնօրենի հրամանը:
Նվազագույն ժամային դրույքաչափ
Gohar.
Բարև ձեզ, հարգելի հաշվապահներ: Աշխատավարձի հետ կապված մի հարց ունեմ: Ատամնաբուժական գործունեության 1 բազկաթոռի վրա աշխատում են 2 բժիշկ և 2 բուժքույր: Ես նոյեմբեր ամսին նրանց շաբաթական 20 ժամի համար վարձատրում եմ համապատասխանաբար 39 600 դ (ժամային դրույքը 450 դ) և 35200 դ (ժամային դրույքը 400 դ): Ես նվազագույն աշխատավարձի խախտում չեմ անում: Եթե սխալվում եմ, խնդրում եմ ուղղեք:
Վարձավճարի կանխավճար վճարելու դեպքում
Հարութ.
Հարգելի հաշվապահներ, երբ վարձավճարի կանխավճար է վճարվում, արդյո՞ք եկամտային հարկը պահվում է վճարված ամբողջ գումարից, թե՞ կատարվում է ամսական հաշվարկ: Շնորհակալություն:
ԱՁ զբաղվում է ավտոմեքենաների պահեստամասերի և քսայուղերի առևտրով
Հրայր.
Բարև ձեզ:
Հարցս հետևյալն է.
Արդյո՞ք ԱՁ-ն, որը զբաղվում է ավտոմեքենաների պահեստամասերի, աքսեսուարների և քսայուղերի (գործարանային փակ տարրաներով) մանրածախ առևտրով, պետք է ունենա լիցենզիա քսայուղեր վաճառելու։ Օրենքում ոչինչ հստակ գրված չէ, այսինքն, գրված է ինչ որ տեխնիկական հեղուկների մասին, ընդ որում ոչ հստակ։ Անհասկանալի է նաև, թե որոնք են այդ տեխնիկական հեղուկները։
Կանխավ շնորհակալություն:
Ի՞նչ խնդիրներ կարող են առաջանալ կազմակերպության համար
Վարդան.
Բարև ձեզ, խնդրում եմ օգնեք ինձ մի քանի հարցում.
1. Ես հիմնադրել եմ ՍՊԸ և որպես տնօրեն եմ հանդես գալիս, բայց չունեմ պայմանագիր տնօրենի հետ:
2. ՍՊԸ հիմնել եմ 2015-01-12, բայց ոչ հարկայինում եմ գրանցվել, ոչ լիցենզիա եմ հանել որևէ ոլորտի, ոչ էլ որևէ բանկում բանկային հաշիվ կա բացված:
3.Ես անձնական խնդիրներ ունեմ հարկադիր կատարման մարմնի հետ, դա ինչ որ կերպ ազդեցություն կունենա՞ ՍՊԸ-ի հետ:
Ես հիմա ուզում եմ ակտիվացնել (այսինքն ստանալ լիցենզիա, գրանցվել հարկայինում...) ՍՊԸ-ն:
Խնդրում եմ, եթե հնարավոր է, կասե՞ք ինչ ազդեցություններ և տույժեր կարող են լինել, և իմ ԴԱՀԿ-ի հետ ունեցած խնդիրները ազդեցություն կունենա՞ն ՍՊԸ-ի վրա:
Կանխավ շնորհակալություն:
ՌԴ-ում հաշվապահական հաշվեկշռի կառուցվածքը
Սոֆի Հարությունյան.
Բարև ձեզ:
Կարո՞ղ եք ինձ օգնել գտնել հուսալի ինֆորմացիա ՌԴ-ում հաշվապահական հաշվեկշռի կառուցվածքի առանձնահատկությունների վերաբերյալ կամ համեմատություն ՀՀ-ում գործող ձևի հետ:
Կանխավ շնորհակալություն:
Նվազագույն աշխատողների քանակ
Karina Kazaryan.
Ինչքա՞ն պետք է լինի ՍՊԸ-ի նվազագույն աշխատողների քանակը:
ԱՁ-ն ցանկանում է ՓԲԸ-ի տարածքում անհատույց վարձակալության պայմանագիր կնքել
Արթուր.
Բարև ձեզ:
1. Եթե ԱՁ-ն ուզում է ՓԲԸ-ի տարածքում տարածքի (գույքի) անհատույց վարձակալության պայմանագիր կնքել, արդյո՞ք ՓԲԸ-ի մոտ առաջանում է անհատույց վարձակալությամբ տրամադրվող տարածքի համար կադաստրային արժեքի 5%-ի չափով պարտավորություն: Ինչպե՞ս է որոշվում կադաստրային արժեքը 1 մետր քառակուսի տարածքի համար: Եթե տարածքը (սենյակը) 80 քառակուսի մետր է, կարելի՞ է արդյոք վարձակալել, օրինակ, 30 քառակուսի մետրը:
2. Եթե ԱՁ-ն ՓԲԸ-ի տարածքում վարձակալությամբ (անհատույց) տարածք (սենյակ) է վերցնում և ՓԲԸ-ի տնօրենի ու ԱՁ-ի (ԱՁ-ի տնօրենի) միջև կնքվում է պայմանագիր, արդյո՞ք պարտադիր է պայմանագրի նոտարական վավերացումը: Իսկ առհասարակ առանց պայմանագրի ԱՁ-ն կարո՞ղ է ՓԲԸ-ի տարածքում գործունեություն (ծառայություն) իրականացնել:
Անձը իրականացնում է անասնաբուժական ծառայություններ
Angela.
Հարգելի մասնագետներ, խնդրում եմ օգնել հասկանալ. անասնաբուժական ծառայությունները, ենթադրենք շների ու կատուների վակցինացիան, անհատ անձը իրականացնում է վճարովի, որևէ հարկատեսակով հարկվելու՞ է, թե՞ ոչ: Եթե նույն ծառայությունները իրականացվեն կազմակերպության միջոցով, ի՞նչ հարկային պարտավորություններ են առաջանում: Ընդհանրապես ոլորտը կարգավորող ի՞նչ օրենքներ կան:
Նպաստը ո՞ր ամսում է հաշվարկվում
Տիգրանուհի.
Բարև ձեզ:
Եթե անաշխատունաության թերթիկը բացվել է 23.11-ից մինչև 07.1, այս դեպքում նպաստը ո՞ր ամսում է հաշվարկվում:
Արդյո՞ք կատարվելու է վերջնահաշվարկ
gayane.
Բարև ձեզ: Խնդրում եմ պատասխանել հետևյալ հարցին:
Աշխատողը իր հերթական ամենամյա արձակուրդից օտվելուց հետո, աշատելով 15 օր, գնացել է իր հաշվին արձակուրդ 60 օր ժամկետով, ապա ազատվել աշխատանքից` դիմումի համաձայն: Այդ դեպքում աշխատողին վերջնահաշվարկ հասնու՞մ է, թե՞ ոչ: Շնորհալալություն:
Անաշխատունակության նպաստի հաշվարկ
Արմինե Օհանյան.
Բարև ձեզ: Խնդրում եմ օգնեք հաշվարկեմ անաշխատունակության նպաստը: Աշխատողն աշխատանքի է ընդունվել 01.10.2015թ.-ին: 05.11.2015թ-ից դեռևս հայտնի չէ` երբ կավարտվի, ներկայացրել է անաշխատունակության թերթիկ: Ասացեք խնդրեմ` ինչպես հաշվարկեմ անաշխատունակության նպաստը նոյեմբեր, դեկտեմբեր ամիսներին: Կանխավ շնորհակալություն: Խնդրում եմ հնարավորիս շուտ պատասխանել:
Ինչպիսի՞ պայմանագրեր պետք է կնքել
Լուսի.
Կազմակերպությունը բոլոր աշխատողների հետ կնքում է նոր աշխատանքային պայմանագրեր: Ինչպիսի՞ պայմանագրեր պետք է կնքել կենսաթոշակային տարիքը լրացած անձանց հետ:
Որքա՞ն հարկային պարտավորություն կառաջանա
Alik.
Կարո՞ղ եք պատասխանել` ինչպե՞ս է հարկվում իրեն սեփականությամբ պատկանող կոմերցիոն տարածքի սեփականատերը, եթե նա այդ տարածքը երկու մասով վարձակալության է տալիս երկու առանձին անհատ ձեռներեցների, այսինքն ամեն մեկի հետ պայմանագիր է կնքում տարածքի մի մասի մասով: Օրինակ, եթե ամեն մեկի համար վարձը կազմում է 500 դոլար, երկուսը միասին 1 000 դոլար, որքա՞ն է կազմում պետությանը վճարվելիք հարկի չափը:
Արդյո՞ք գործունեությունը ենթակա է հարկման
Արփինե.
Ես ցանկանում եմ օնլայն առևտրով զբաղվել: Ինտերնետ կայքով ապրանք պատվիրել արտասահմանից, սոցիալական ցանցի միջոցով գտնել գնորդներ, սակայն առևտուրը իրականացնել ոչ թե օնլայն տարբերակով, այլ գնորդների հետ հանդիպել, վերցնել գումարը և տալ ապրանքը: Այդ դեպքում գործունեությունը հարկման ենթակա՞ է: Կանխավ շնորհակալություն:
Քաղաքացիաիրավական պայմանագրի ձև
Լիանա Պողոսյան.
Հարգելի հաշվապահներ, խնդրում եմ, ինձ ուղարկեք քաղաքացիաիրավական պայմանագրի ձև՝ բուժհաստատությունում աշխատոող ընդունելու համար: Կա՞ն տարբերություններ քաղաքացիաիրավական պայմանագրերի մեջ, թե որ հաստատությունում ես գործի ընդունում աշխատողին: Կանխավ շնորհակալություն:
Միջին ամսական աշխատավարձի հաշվարկ
arpik.
Եթե աշխատողը արձակուրդ է գնացել 2014թ. դեկտեմբերին, հաջորդը՝ 2015թ. դեկտեմբերին, միջին ամսական աշխատավարձը հաշվելիս 2014թ. դեկտեմբերը հաշվու՞մ ենք, թե՞ ոչ:
ՀՀՄՍ 17
Taguhi.
Բարև ձեզ: Խնդրում եմ, հաշվապահական հաշվառման միջազգային ստանդարտներից 17-ը ունենալու դեպքում ուղարկել:
Ինչպե՞ս գրանցել իրավաբանական անձ պետ. ռեգիստրում
Ofelya Vahanyan.
Կարո՞ղ եք ինձ ասել, թե ինչպես իրավաբանական անձ գրանցեմ պետական ռեգիստրում (բլանկի ձևը):
Պարզեցված հաշվարկի փոխարեն ներկայացվել է եկամտային հարկի հաշվարկ
Անի.
Հարգելիներս, շատ շտապ է, խնդրում եմ օգնեք: Արդյո՞ք տեղյակ եք` եթե տարեկան եկամտային հարկի հաշվարկ է ներկայացվել եկամտային հարկի պարզեցված հաշվարկի փոխարեն, ու այսօր նոր տեղեկացնում են դրա մասին, ի՞նչ է մեզ սպասվում: Վճարումները բոլորը ճիշտ արված են: Խնդրում եմ օգնեք:
Արդյո՞ք էլեկտրոնային հաշիվները պետք է պարտադիր ստորագրել
Lyudmila.
ԱԱՀ-ով եմ աշխատում, հարցս հետևյալն է. 2015-ին ստացված հարկային հաշիվները պարտադիր էլեկտրոնային պե՞տք է ստորագրել, թե՞ ոչ, եթե գիտեք` շտապ արձագանքեք և համապատասխան օրենքին կամ որոշումանը հղում արեք:
Վարսավիրական գործունեություն իրականացնելու համար
Հովո.
Հարգելիներս, խնդրում եմ, մի հարցով օգնեք. սկսնակ վարսավիր եմ և ուզում եմ աշխատել օրենքի սահմաներում, սակայն ամենամատչելի հարկերով: Խնդրում եմ, օգնեք՝ ինչի՞ց սկսեմ, և ո՞րը կլինի ամենահարմար հարկի տեսակը, աշխատելու եմ մենակ, աշխատողներ չեմ ունենալու: Նախապես շնորհակալություն:
ԱՁ ցանկանում է տարածքը վարձակալության տալ այլ ԱՁ-ի
Marine.
Հարգելի գործընկերներ, խնդրում եմ հուշեք ինձ: Հարցս հետևյալն է. Ա/Ձ -ն իրականացրել է վարսավիրական գործունեություն, բայց հիմա գործունեությունը ցանկանում ենք փոխել, այսինքն տարածքը տալ վարձակալության այլ Ա/Ձ-ի: Ի՞նչ փաստաթղթային փոփոխություն պետք է արվի հարկային տեսչությունում և ի՞նչ հարկատեսակով պետք է արդեն հարկվենք: Կանխավ շնորհակալություն:
Շահութահարկի հաշվարկային մեծությունը շրջանառության հարկի մեջ
vardanlalazaryan.
Բարև ձեզ։ Խնդրում եմ ասել, թե ինչ է նշանակում "Շրջանառության հարկի մեջ շահութահարկի հաշվարկային մեծությունը կազմում է 40 տոկոս":
Վերջին մեկնաբանություններ