Ինչպե՞ս ստորագրել էլեկտրոնային փաստաթուղթը
Անահիտ.
Ինչպե՞ս էլեկտրոնային հաշվարկային փաստաթուղթը ստորագրել ID քարտի միջոցով: Նախապես շնորհակալություն:
Արդյո՞ք անհրաժեշտ է հաշիվ-ապրանքագիր
Ռուզաննա.
ՍՊԸ-ն զբաղվում է հացարտադրությունով, հաց է մատակարարում նաև դպրոցներին սնունդ ծրագրի շրջանակներում, որի դիմաց դպրոցը տալիս է համապատասխան քանակի ալյուր, ուղարկված հացի համապատասխան ուղարկում եմ հաշիվ-ապրանքագիր, էլեկտրոնային, սակայն դպրոցի տնօրենները չեն ուզում ապրանքագիր, քանի որ ՄԱԿ-ի պարենի ծրագիրն է դա: Խնդրում եմ օգնեք այս հարցիս ճիշտ լուծում տալուն:
Սոցիալական վճար երեխայի խնամքի արձակուրդում գտնվող աշխատողի համար
Աննա.
Բարև ձեզ:
Հարգելի հաշվապահներ, խնդրում եմ օգնել հետևյալ հարցով:
Սոցիալական վճար կատարող աշխատակիցներից մեկը գնացել է մինչև երեք տարեկան երեխայի խնամքի արձակուրդ, սակայն նրա անձնական տվյալների մեջ չի նշվել երեխայի ծննդյան ամսաթիվը (05.10.2014), ինչի արդյունքում պարտադիր 3 000 դրամ սոց. վճարը չի վճարվել: Եթե հիմա ուղարկեմ նոր գրանցման հայտ և նշեմ տվյալ տեղեկատվությունը, ի՞նչ տույժ/տուգանքներ կհաշվարկվեն, և արդյո՞ք անհրաժեշտ է նախորդ ամիսների հաշվետվությունների մեջ ճշգրտում մտցնել` ուղարկելով նոր հաշվետվություններ համապատասխան բոլոր ամիսների համար:
Կանխավ շնորհակալություն:
Արդյո՞ք կազմակերպությունը իրավունք ունի թղթային հաշիվ-ապրանքագիր տրամադրելու
Arsine.
Կազմակերպությունը ձեռք է բերել ավիատոմս, որի դիմաց տրամադրվել է թղթային հաշիվ-ապրանքագիր: Արդյո՞ք վերջինս իրավունք ուներ թղթային տրամադրելու, թե՞ պետք է էլեկտրոնային հաշվարկային փաստաթուղթ տրամադրեր:
Կազմակերպությունը աշխատում է արտոնյալ պայմաններով
Margarita.M.
Բարեվ ձեզ, խնդրում եմ ասեք` եթե ՍՊԸ-ն աշխատում է պետության կողմից տրված հավաստագրով, այսինքն շահութահարկի 0 տոկոս և եկամտային հարկի 10 տոկոս դրույքաչափերով (տեղեկատվական տեխնոլոգիաների ոլորտ), ուրիշ որևէ հարկ պե՞տք է վճարի, թե՞ ոչ:
Նախապես շնորհակալ եմ:
Աշխատողի աշխատանքի ընդունման տարեթվի ուղղում
Անի.
Ընկերներ, taxservice.am-ում ինչպե՞ս կարող եմ ուղղում տալ աշխատողի աշխատանքի ընդունման տարեթիվը:
Աշխատողը փետրվարի 22-ից անաշխատունակ է
Արսինե.
Հարգելի հաշվապահներ, խնդրում եմ, օգնեք, շտապ է:
Աշխատողը փետրվարի 22-ից անաշխատունակ է, գտնվում է բուժման մեջ: Բացի այդ նա դիմել է համապատասխան մարմին հաշմանդամության կարգ տրամադրելու համար: Աշխատողի ասելով՝ նրան տրամադրվելու է 90 օր ժամկետով անաշխատունակության թերթիկ, որը մինչ այսօր չի ներկայացվել գործատուին:
1. Ե՞րբ է ընկերության կողմից հաշվարկվում և վճարվում անաշխատունակության նպաստը:
2. Ինչպե՞ս պետք է հաշվարկեմ փետրվար ամսվա աշխատավարձը, եթե 22.02.-ից չի աշխատում:
3. Եթե 22.02.-ից հաշվում ենք 90 օր, ապա ստացվում է, որ անաշխատունակությունը ավարտվում է 21.05.2016թ.: Սակայն աշխատողը ցանկանում է վերադառնալ աշխատանքի 01.04.-ից: Արդյո՞ք ընկերությունը իրավունք ունի թույլ տալու որպեսզի աշխատանքի անցնի 01.04.-ից: Եթե այո, ապա ինչպե՞ս պետք է վարվեմ նման պարագայում, եթե արդեն իսկ հաշվարկված և վճարված լինի 90 օրվա անաշխատունակության նպաստը:
Կանխավ շնորհակալություն:
Ֆիզ. անձը վարում է տաքսի
Արսինե.
Եթե ֆիզիկական անձը վարում է տաքսի, արդյո՞ք դա հանդիսանում է ձեռնարկատիրական գործունեություն, և պե՞տք է արդյոք հաշվառվի հարկային մարմնում, թե միայն վճարում է պետական տուրքի մասին օրենքով սահմանված ամսական պետտուրք:
Հասարակական կազմակերպության գրանցում
Իրինա.
Բարև ձեզ, հարգելի կոլեգաներ: Ես ցանկանում եմ հիմնադրել հասարակական կազմակերպություն: Խնդրում եմ հնարավորինս արագ արձագանքեք` ինչի՞ց սկսեմ, որտե՞ղ դիմեմ: Նախապես շնորհակալ եմ:
Արդյո՞ք հնարավոր չէ պահպանել նվազագույն աշխատավարձը
Սյուզի.
Ես աշխատում եմ դպրոցում ու ստանում եմ 60 000 դրամ աշխատավարձ (նվազագույն), սակայն աշակերտ թվի հետ կապված 1 դրույքը դարձրեցին 0.5 դրույք: Հիմա հաշվարկել են, որ պետք է ստանամ 30 000 դրամ: Խնդրում եմ պարզաբանել` արդյո՞ք հնարավոր չէ պահպանել նվազագույն աշխատավարձը:
Արդյո՞ք ԱՁ-ն պետք է վարի դրամարկղային գիրք
Արմինե.
Բարի օր: ԱՁ-ն ԱԱՀ վճարող է, գրանցված է ԼՂՀ-ում, խնդրում եմ, ասեք՝ պե՞տք է վարվի դրամարկղային գիրք, թե՞ ոչ:
Դրամարկղային գործառնությունների մասին ՀՀ օրենքում նշված է, որ օրենքը տարածվում է ԱԱՀ վճարող ԱՁ-ի վրա:
Հոդված 2. Օրենքի գործողության ոլորտը
1. Սույն օրենքը տարածվում է Հայաստանի Հանրապետության տարածքում գործող իրավաբանական անձանց, ԱԱՀ վճարող համարվող անհատ ձեռնարկատերերի, պետական և այլ հիմնարկների, դրանց՝ Հայաստանի Հանրապետության տարածքում գործող առանձնացված ստորաբաժանումների (մասնաճյուղերի, ներկայացուցչությունների), օտարերկրյա կազմակերպությունների՝ Հայաստանի Հանրապետության տարածքում գործող առանձնացված ստորաբաժանումների (մասնաճյուղերի, ներկայացուցչությունների) (այսուհետ՝ կազմակերպություններ) վրա:
Իսկ դրամարկղային գործառնությունների մասին ԼՂՀ օրենքում նշված է հետևյալը՝ Մանրամասն
Ի՞նչ հաշվետվություններ պետք է ներկայացնի ԱՁ
Ալյոնա.
Սիրելի գործընկերներ, գրանցված անհատ ձեռնարկատերը մատուցում է ծառայություններ կազմակերպություններին: Աշխատում է շրջանառության հարկով: Աշխատող չունի: Սոցիալական վճար վճարող չի: Խնդրում եմ նշել այն հաշվետվությունները, որոնք պետք է ներկայացնի: Բացի շրջանառության հարկի եռամսյակային հաշվարկից էլ ի՞նչ: Կանխավ շնորհակալ եմ:
Փոխարինող հաշվապահը պետք է փաստաթղթերի հանձնում-ընդունում անի
Թագուհի.
Հարգելի հաշվապահներ, ես վերադարձել եմ ֆիզ. արձակուրդից աշխատանքի, և արդեն պետք է ինձ փոխարինող հաշվապահը հաշվապահական թղթերը վերադարձնի ինձ: Կցանկանայի ավելի պրոֆեսիոնալ խորհուրդ ստանալ՝ հանձնում-ընդունումը ի՞նչ մակարդակով պետք է լինի՝ ուղղակի ես, ինձ փոխարինող հսշվապահը և տնօրենը, թե՞ ...
Շրջանառության հարկ վճարող համարվելու համար դիմումի ուշացման վերաբերյալ
Anna.
Բարև ձեզ, հարգելի հաշվապահներ, խնդրում եմ օգնել ինձ հետևյալ հարցով: Ես պետք է մինչև փետրվարի 20 ուղարկեի շրջանառության հարկ վճարող համարվելու համար դիմում-հայտ, սակայն մինչև մարտի 2-ը չեմ ուղարկել: Այժմ փորձում եմ ուղարկել, գրվում է, որ ես ԱԱՀ վճարող եմ: Խնդրում եմ օգնեք իմ հետագա քայլերի հարցում: Ինչպե՞ս լուծել այս հարցը: Կանխավ շնորհակալություն:
Սոց. վճարի գերավճարի հաշվանցման վերաբերյալ
Arsine.
ԱՁ-ն բացվել է 2015թ-ի մարտին (ընդ որում ֆիզ. անձը ծնվել է 1983թ.): 2015թ-ի ընթացքում կատարվել են սոցիալական վճարներ ամսական 5 000 դրամի չափով: 2015թ-ի տարեկան հաշվետվությունը ուղարկելիս ծրագրով արտացոլվում է, որ սոց. վճար կատարող չէ: Հարկային մարմնից ասում են, որ հավանաբար իր անունից դիմում ունի ներկայացված: Ինչևէ, կատարված սոց. վճարները ներկայումս որպես գերավճար են, հետևաբար կարո՞ղ եմ արդյոք դիմում ներկայացնել նշված գերավճարը որպես եկամտային հարկ հաշվանցելու համար:
ԱՁ սոց. վճարների ուշացման հետ կապված
Artur.
Բարև ձեզ:
Անհատ ձեռնարկատերը, որը ծնվել է 01.01.1974թ.-ից հետո, ամեն ամիս իր համար վճարում է սոց. վճար 5.000 դրամի չափով: Յուրաքանչյուր եռամսյակը մեկ ներկայացվում է շրջանառության հարկի մասին հաշվետվություն:
Հարցս հետևյալն է. սոց. վճարների 5.000 դրամները պետք է վճարել 3 ամիսը մեկ՝ 15.000 դրամի տեսքով, թե՞ անկախ շրջանառության հարկի հաշվետվությունից սոց. վճարի 5.000-ը պետք է ամեն ամիս ներկայացնել: Եթե ամեն դեպքում այդ 5.000-ները ամեն ամիս է պետք վճարել, ապա ուշացնելու դեպքում որքա՞ն է կազմում տուգանքը:
Շնորհակալություն:
Արդյո՞ք ԱՁ վճարում է եկամտային հարկի կանխավճար
Սուսաննա.
Խնդրում եմ պատասխանել՝ եթե անհատ ձեռնարկատերը ընդհանուր հարկման դաշտում է և միաժամանակ իրականցնում է արտոնագրային վճարով հարկվող գործունեություն, վճարու՞մ է արդյոք եկամտային հարկի կանխավճար և արտոնագրային վճարով հարկվող գործունեության համար ամսական 5 000 դրամ: Շնորհակալություն:
Տրանսպորտային միջոցի անհատույց վարձակալություն
Արման.
Հարգելի գործընկերներ, կարո՞ղ է արդյոք կազմակերպության տնօրեն-հիմնադիրը անհատույց վարձակալությամբ հանձնել տրանսպորտային միջոց կազմակերպությանը, թե՞ դա կդիտվի եկամուտ կազմակերպության համար ինչ-որ "իրական" վարձավճարի չափով:
Շրջանառության հարկի հաշվարկների ճշգրտում
Inna.
Բարև ձեզ, ես համարվում եմ շրջանառության հարկ վճարող, կարո՞ղ եմ արդյոք ավելացնել 2015 թ-ի եկամուտների գումարը, եթե արդեն հանձնել եմ 4 եռամսյակների շրջանառության հարկի հաշվետվությունները:
Շրջանառության հարկ վճարող համարվելու վերաբերյալ հայտարարություն
Արամ.
Եթե հարկային մարմնի կողմից "Շրջանառության հարկ վճարող համարվելու վերաբերյալ հայտարարության" ներկայացման ծանուցումը ինձ է ներկայացրել փետրվարի 20-ից հետո` փետրվարի 23-ին, ինչպե՞ս կարող եմ հայտարարագիր ներկայացնել շրջանառության հարկ վճարող դառնալու համար: Կա՞ այդպիսի հնարավորություն, թե՞ ոչ:
ԱՁ ցանկանում է աշխատել շրջանառության հարկով
Արամ.
Բարև ձեզ, ես ԵՏՄ-ից ներկրում եմ ապրանք (սնունդ), ԱՁ-ն իմ անունով է, և իմ սեփական խանութից իրացնում եմ: Շրջանառությունս մոտ 10 000 000 է ամսական, առայժմ աշխատում եմ շրջանառության հարկով, ՀԴՄ-ն 100 տոկոսով մաքրում եմ ամսական: Ինչպե՞ս կարելի է մնալ շրջհարկով աշխատող, հնարավո՞ր է հետագայում ուրիշ ԱՁ բացել և նոր ՀԴՄ: Խնդրում եմ հուշել:
ՊՈԱԿ-ն ունի բյուջե և արտաբյուջե
Վարդուհի.
Բարև ձեզ, ձեր օգնության կարիքն ունեմ:
ՊՈԱԿ-ն ունի բյուջե և արտաբյուջե: Ինչպե՞ս ավելի ճիշտ կլինի` ամեն ծախսի համար տամ 2 ձևակերպում %-ային հարաբերությամբ բաշխած, թե՞ ավելի ռացիոնալ տարբերակ կա:
Պտղատու այգիների հաշվապահություն
Silva.
Հարգելի հաշվապահներ, ովքեր ունեն պտղատու այգիների հաշվապահությունը վարելու մեջ փորձ, խնդրում եմ արձագանքել: Կանխավ շնորհակալ եմ:
Թույլատրվու՞մ է արդյոք թղթակցությունը
Armine.
Հարգելի հաշվապահներ, խնդրում եմ պատասխանեք հետևյալ հարցին`
Կարելի՞ է արդյոք վարչական բնույթի ծախսերը ( կտ 713, 714...) փակել անավարտ արտադության հետ` դտ 214.., հաշվի առնելով այն, որ ընկերությունը զբաղվում է շինարարությամբ, և այլ գործունեության տեսակ չունի, իրացում ևս չունի: Կանխավ շնորհակալություն:
Անձը ծառայության համար և՛ ՀԴՄ կտրոն է ուզում, և՛ հաշիվ-ապրանքագիր
Nune.
Հարգելի կոլեգաներ, ՍՊԸ-ն հարկվում է շրջանառության հարկով: Ֆիզ. անձը ծառայության համար ինձանից և՛ ՀԴՄ կտրոն է ուզում, և՛ հաշիվ ապրանքագիր: Արդյո՞ք ես դրա համար կրկնակի շրջանառություն չեմ տալու: Խնդրում եմ պատասխանեք հնարավորիս շուտ, նախապես շնորհակալություն:
Վճարումը համարվում է կանխի՞կ, թե՞ անկանխիկ
Arsine.
ՍՊԸ-ն ձեռք է բերել 400 000 (ներառյալ ԱԱՀ) ապրանք, որի դիմաց դուրս է գրվել հարկային հաշիվ: Եթե դրա դիմաց վճարումը կատարվի ոչ թե ՍՊԸ-ի հաշվարկային հաշվից, այլ մեկ այլ բանկից, որում չունի հաշիվ, ապա տվյալ դեպքում նման վճարումը համարվում է կանխի՞կ, թե՞ անկանխիկ: Խնդրում եմ նաև տալ ձևակերպումները և եթե հնարավոր է` նաև հղում կատարել օրենքի համապատասխան հոդվածին:
Կանխավ շնորհակալություն:
Որքա՞ն է կազմում տուգանքը
Բարև ձեզ: Խնդրում եմ ինձ ասել.
Քրեական օրենսգրքի 345 հոդվածը սահմանում է պատիժ նվազագույն աշխատավարձի երկուհարյուրապատիկի չափով: Ինչպե՞ս է դա հաշվարկվում: Որքա՞ն է դա կազմում: Շնորհակալություն:
Հանրային սննդի գործունեություն
Գևորգ.
Բարև ձեզ: Խնդրում եմ օգնել ճիշտ կողմնորոշվել. ցանկանում եմ բացել շաուրմայանոց, որտեղ իրականացվելու է միայն վաճառք, չի լինելու կանգնելու կամ նստելու տեղ: Հարգելի հաշվապահներ, խնդրում եմ ասել` ինչի՞ց սկսեմ, որ ճիշտ լինի, խոսքս հարկային թղթաբանությանն է վերաբերվում, կանխավ շնորհակալություն:
e-Invoicing ծրագրի սևագրերի հետ կապված
Սաթիկ.
Հարգելի գործընկերներ, լինելով e-Invoicing ծրագրի օգտագործող` նկատել եմ հետևյալ խնդիրը. հաշվարկային փաստաթղթեր ստեղծելիս և պահպանելով սևագրերում, հետագայում այլ համակարգչից մուտք գործելիս, սևագրեր բաժինը դատարկ է լինում: Նշեմ, որ այն համակարգչից, որում ստեղծվել է սևագիրը, այդ խնդիրը չկա: Կցանկանայի իմանալ, թե ինչումն է խնդիրը: Շնորհակալություն:
Ինչպե՞ս է դուրս գրվելու հաշիվ-ապրանքագիրը
Արմինե.
Ասացեք խնդրեմ, կազմակերպությունը իրականացնում է միջպետական բեռնափոխադրումներ և աշխատում է հաստատագրված վճարով: Մինչև հիմա մենք գրել ենք մատուցված ծառայության դիմաց հաշիվ-ապրանքագիր, հիմա ինչպե՞ս ենք անելու, նորի՞ց հաշիվ ապրանքագիր ենք գրելու, թե՞ էլեկրտոնային ենք դուրս գրելու հաշիվը:
Վերադարձի հաշվի մեջ ապրանքի անվանումը փոխված է
Arsine.
Կազմակերպությունը աշխատում է ԱԱՀ դաշտում և զբաղվում է մեծածախ առևտրով:
Կազմակերպության կողմից X խանութին դուրս գրված հարկային հաշիվներում որպես ապրանք դուրս է գրվել օրինակ "Պաղպաղակ բրիկետ": Հետագայում X խանութից վերադարձ է կատարվել և դուրս է գրվել հարկային հաշիվ: Վերջինիս մեջ "Պաղպաղակ բրիկետ"-ի փոխարեն գրվել է օրինակ "Պաղպաղակ բրիկետ վանիլային": Խանութի հետ կապնվել եմ և պատասխանում է, որ իրենց ծրագրային տարբերակում մուտքագրվում է ըստ առանձին համերի, և հետագայում ծրագրից որպես հարկային հաշիվ արտահանել են առանձին համերով և խնդրել են հաշիվները ընդունել:
Հարցս հետևյալն է.
Եթե խանութի կողմից դուրս գրված հարկային հաշիվը վերոնշյալ "Պաղպաղակ բրիկետ վանիլային" ապրանքով ընդունեմ, արդյո՞ք Կազմակերպությունը հետագայում կարող է խնդիր ունենալ: Ըստ հաշիվների փաստորեն ստացվում է, որ Կազմակերպությունը "Պաղպաղակ բրիկետ վանիլային" ապրանքից չի մատակարարել, սակայն հետ է վերադարձվել:
Բանջարեղենի և մրգերի արտահանում
Z.
Հարգելի հաշվապահներ, խնդրում եմ ասեք` ի՞նչ հարկատեսակով է աշխատում կազմակերպությունը, որը զբաղվում է բանջարեղենի և մրգերի արտահանումով: Եթե կարելի է` հղում կատարեք օրենքից: Շնորհակալություն:
Կազմակերպությունը ծավալում է միջնորդային գործունեություն զբոսաշրջության ոլորտում
Նարինե.
Բարև ձեզ, խնդրում եմ ինձ օգնել հետևյալ հարցում:
Եթե կազմակերպությունը (ՓՄՁ) միջնորդ է (ավիտոմսերի վաճառք, տուրիստական գործնեություն), հաճախորդը ցանկանում է և պահանջում, որ հաշիվ դուրս գրեմ ու փոխանցումով, այդ դեպքում ի՞նչ պետք է անեմ, չէ՞ որ կազմակերպությունը հարկվում է միջնորդավճարից, և երկրորդ հաշիվ դուրս գրեմ ավիտոմսերի համար, կանցնեմ ԱԱՀ-ի դաշտ: Կանխավ շնորհակալություն:
Գնորդը չի ստորագրել հարկային հաշիվը
Սերգեյ.
Հարգելի հաշվապահներ, խնդրում եմ ինձ օգնեք.
Իմ ֆիրմայի կողմից դուրս է գրվել ապրանքների մատակարարման հարկային հաշիվ, սակայն գնորդ ընկերությունը հրաժարվում է այն ստորագրել ինձ համար անհայտ պատճառով, ավելի ճիշտ չեմ կարողանում կապ հաստատել: Արդյո՞ք հարկային հաշիվը անվավեր է ճանաչվում, թե՞ ինչ որ ժամանակ անց համարվում է ստորագրված, և գնորդի վրա ընկնում է վճարելու պարտականություն: Կանխավ շնորհակալ եմ:
Արդյո՞ք կառաջանան հարկային պարտավորություններ ավտոմեքենաների վաճառքից
Vaal.
Բարև ձեզ: Խնդրում եմ հստակեցնել՝
Եթե ունեմ երկու ավտոմեքենա, երկուսի ձեռքբերման պահից անցել է մեկ տարուց ավելի ժամանակ, կարո՞ղ եմ արդյոք երկուսը միաժամանակ (առանց մեկ տարվա ընդմիջման) վաճառել առանց ԱԱՀ կամ այլ հարկ վճարելու:
Ինչքան հասկացա ԱԱՀ մասին օրենքից` կարող եմ: Միգուցե այլ օրենքով կամ ենթաօրենսդրական ակտով է կարգավորվում, կամ ուղղակի` ԱԱՀ մասին օրենքի 6-րդ հոդվածի թյուրըմբռնման պատճառով է այս հարցը ծագել (խոսքը տվյալ գույքի ձեռքբերմանը, այլ ոչ թե` գործարքի իրականացմանը հաջորդող մեկ տարին չգերազանցող ժամանակահատվածի մասին է)
Շնորհակալություն:
Սխալմամբ նշվել է քաղաքացիաիրավական հարաբերությունների ժամկետ
Mariana.
Աշխատակցին էլ. եղանակով գրանցելուց նշել եմ ոչ միայն աշխատանքային հարաբերությունների սկիզբը, այլ նաև սխալմամբ քաղաքացիական հարաբերությունների սկիզբը: Նման սխալ կրկնվել է 15 աշխատակիցների մոտ: Ի՞նչ խորհուրդ կտաք:
Աշխատավարձի հաշվարկ հիվանդաթերթիկ ներկայացնելու դեպքում
Ani.
Բարև ձեզ: Ես գրանցված աշխատող եմ: Հունվար ամսվա մեջ ներկայացրել եմ բուլետեն 9 օր: Իմ գործատուն ասում է, որ հունվար ամսվա մեջ հաշվարկվում է 15 աշխատանքային օր, այսինքն բուլետենից բացի ինձ վարձատրել է 6 օրվա համար: Բայց եթե ես բուլետին չներկայացնեի, ինձ կվարձատրեր ամբողջ ամսվա համար, այսինքն մինչև հունվարի 7 -ը ես չեմ վարձատրվել ի տարբերություն իմ կոլեգաների, որոնք նույնպես չեն աշխատել, քանի որ եղել են տոն օրեր, բայց վարձատրվել են: Խնդրում եմ ինձ օգնեք, իմ գործատուն ճի՞շտ է, թե՞ ոչ` ինձ վարձատրելով 6 օրվա համար: Կանխավ շնորհակալություն:
Արդյո՞ք կարելի է մեկ ամսով արձակուրդ վերցնել
Տաթևիկ.
Բարև ձեզ: Ինձ այսպիսի հարց է հետաքրքրում` 3 տարվա ֆիզ. արձակուրդից հետո ես իրավունք ունե՞մ իմ հաշվին արձակուրդ վերցնել, թե՞ ոչ: Այսինքն` մի ամիս ավել մնալ արձակուրդում: Շնորհակալություն:
Ե՞րբ կարելի է վերցնել արձակուրդ
Անի.
Բարև ձեզ: Ես 2015թ. հուլիսից աշխատում եմ որպես ժամանակավոր աշխատող, ապա հոկտեմբերից փորձաշրջանում էի 3 ամսով, արդեն 2016թ. հունվարից աշխատում եմ որպես մշտական աշխատող: Ե՞րբ կարող եմ վերցնել ինձ հասանելի ամենամյա արձակուրդը:
ՀԴՄ պարբերաբար կոդավորվում է
Ավետիսյան.
Բարև ձեզ: Իմ հարցը կապված է Հսկիչ-դրամարկղային մեքենաների հետ: Պարբերական համակարգով (6 ամիս մեկ) կոդավորվում է, և վերանորոգելու համար վճարում եմ 15 000 դրամ: Ինչպե՞ս կարող եմ իսպառ վերացնել այդ խնդիրը:
Էլեկտրոնային հաշվարկային փաստաթուղթ դուրս գրելու վերաբերյալ
Arsine.
1. Կազմակերպությունը աշխատում է շրջանառության հարկով: 2016թ-ից հաշիվ-ապրանքագրերը պետք է դուրս գրի էլեկտրոնային եղանակով: Կազմակերպության կողմից ստացված հարկային հաշիվները ստորագրվում են: Արդյո՞ք հաշվարկային փաստաթուղթ դուրս գրելու համար պետք է ակտիվացվի ստորագրությունը, թե՞ այն արդեն իսկ ակտիվ է ստորագրում է ստացված հաշիվները:
2. Կազմակերպությունը նաև մատուցում է ծառայություններ, սակայն ծառայությունների դուրս գրման էլեկտրոնային հաշիվ-ապրանքագիր չկա: Ինչպե՞ս պետք է վարվել նման պարագայում:
Վառելիքի ծախսի նորմաներ
Արմեն.
Կոլեգաներ, խնդրում եմ հիշեցնել, թե որ որոշումով են կարգավորվում վառելիքի ծախսի նորմաները: Շնորհակալություն:
Ո՞ր եռամսյակի հաշվետվության մեջ ներառել հաշիվը
Arsine.
Կազմակերպությունը աշխատում է ԱԱՀ դաշտում: 2015թ.-ի 4-րդ եռամսյակի հաշվատվությունը, ինչպես գիտենք, ներկայացվում է մինչև 2016թ. հունվարի 20-ը: Սակայն 22.01.2016թ.ին մատակարարի կողմից դուրս է գրվել ծառայությունների մատուցման հարկային հաշիվ` որպես մատակարարման օր նշելով 31.12.2015թ.-ը:
Ինչպե՞ս վարվեմ, կարո՞ղ եմ արդյոք 2016թ.-ի 1-ին եռամսյակի հաշվետվության մեջ որպես ավելացում նշել: Խնդրում եմ ասեք նաև` օրենքի որ կետով է դա կարգավորվում:
ԱԱՀ վճարող կազմակերպությունը վարում է նաև կոմիսիոն հիմունքներով մանրածախ առևտուր
Nnn71.
ԱԱՀ վճարող կազմակերպությունը վարում է նաև կոմիսիոն հիմունքներով մանրածախ առևտուր և անհատ ձեռներեց չհանդիսացող ֆիզ. անձերից կոմիսիոն պայմանագրի հիման վրա հաշվարկային փաստաթղթով (հաշիվ-ապրանքագիր) ընդունում է մանրածախ ապրանքներ (հուշանվերներ):
2016 թվականի հունվարի 1-ից սկսած` հաշվարկային փաստաթղթերը դուրս են գրվում բացառապես էլեկտրոնային եղանակով:
Խնդրում եմ պատասխանել` ի՞նչ կարգով պետք է դուրս գրի հաշվարկային փաստաթուղթ ԱԱՀ վճարող կոմիսիոները ֆիզ.անձ հանդիսացող կոմիտենտին, և ինչպիսի՞ փաստաթուղթ պետք է ներկայացնի կոմիտենտը:
Կանխավ շնորհակալություն:
ԱՁ մեկ միլիոն դրամից ավել կուտակված պարտք ունի
Edgar.
ԱՁ մեկ միլիոն դրամից ավել կուտակված պարտք ունի, գործող բիզնես է, սակայն ամիս ամիս քիչ է մարվում և շատ է ավելանում: Հաշվապահը հավատացնում է, որ ելք չկա տոկոսներ չավելանալու: Պետք է մայր գումարը մարել, որ տոկոսներ չգա: Հարցս կայանում է հետևյալում` չկա օրենքով մի կետ, որ դադարեցվի տոկոսների այդ անիրական թվերի ավելացումը, որպեսզի հնարավոր լինի, օրինակ, վեց ամսում մարել ամբողջ գումարը:
ՌԴ քաղաքացուն աշխատանքի ընդունելու համար
Gohar.
Հարգելի՛ հաշվապահներ, խնդրում եմ օգնել: Քաղաքացին ունի ՀՀ-ում կացության քարտ, սոց. քարտ, հանդիսանում է ՌԴ քաղաքացի: Աշխատանքի ընդունելու դեպքում պե՞տք են արդյոք այլ լրացուցիչ տվյալներ: Էլեկտրոնային համակարգում գրանցելիս հնարավո՞ր է ինչ-որ խնդիրներ առաջանան: Աշխատավարձից պահումները կատարվում են նու՞յն ձևով, ինչպես ՀՀ քաղաքացիներինը:
Կանխավ շնորհակալություն:
Ավտոաշտարակի վարձակալություն
Helen.
Բարև ձեզ: Կազմակերպությունը աշխատում է ԱԱՀ-ով: Մեկ այլ կազմակերպությանը տալիս է ավտոաշտարակ վարձակալությամբ, սակայն վարորդին նույնպես վարձատուն է ապահովում: Ի՞նչ տեսակի ծառայություն դա կհամարվի և ի՞նչ հարկատեսակով կհարկվի: Կանխավ շնորհակալ եմ:
Նորաբաց մթերային խանութ
Arman Tangyan.
Բարև ձեզ: Ես ուզում եմ մթերային խանութ բացել: Կօգնե՞ք:
1. Ի՞նչ հերթականությամբ է պետք շարժվել
2. Ինձ հետաքրքրում է ամեն ինչ` Ա/Ձ-ի գրանցումից միչև առևտրի իրականացումը: Որտեղի՞ց է պետք սկսել և գործողությունների հերթականությունը: Որտեղի՞ց կարելի է օգտվել: Շնորհակալություն:
Կազմակերպությունը զբաղվում է բեռնափոխադրումներով
Արթուր.
Բարև ձեզ:
Ինձ անհրաժեշտ է հաշվապահական և հարկային տեղեկատվություն և խորհրդատվություն, թե միջազգային և միջշրջանային բեռնափոխադրում իրականացնելու համար ԱԱՀ-ով աշխատող ընկերություն է պետք բացել, թե՞ հաստատագրված վճարով, եթե.
1. Բեռնատար մեքենան սեփական է,
2. Բացվող ընկերությունը հանդիսանալու է միջնորդ բեռի տիրոջ և բեռնափոխադրում իրականացնողի միջև
Եթե հնարավոր է հանդիպել և ստանալ մանրամասն անհրաժեշտ և բավարար հաշվապահական և հարկային խորհրդատվությունը անմիջական բանավոր հարց ու պատասխանի միջոցով, ապա կոնտակտ թողեք, ես կկապվեմ Ձեզ հետ:
Շնորհակալություն:
Կազմակերպության գործունեությունը ժամանակավոր դադարեցնելու ժամանակ
Քնարիկ.
Հարգելի հաշվապահներ, խնդրում եմ օգնեք. կազմակերպության գործունեությունը ժամանակավոր դադարեցնելու ժամանակ տնօրենին ազատու՞մ են:
Վերջին մեկնաբանություններ